قاموس المناصير اللغوي

تذكير بمساهمة فاتح الموضوع :

كل الأعضاء وغير الأعضاء يشتركوا فيهو.. أي واحد يجيب كلمة هنا ويشرحا.. ويبرهن عليها وهل هي كلمة محدودة في منطقة معينة في المناصير أم تستعملها المناصير كلها.. وإذا شك الناس في استعمال هذه الكلمة الحكم يكون زول كبير معمر من المناصير أو زولين كدة.. هذه نواه في إتجاه كتب يس مصطفى وأبو مصطفى
نبدأ باسم الله بكلمة
.............................. ويا ريت تكون الكلمة غير مشتركة مع جيرانا الرباطاب أو الشايقية.. وإذا اشتركت الكلمة يجب التوضيح

المنداجة: بفتح الميم وتسكين النون وفتح الدال وفتح الجيم.. تعني دكان متحرك على ظهر حمار بضاعتو في خرج ز
مكان الاستعمال:- كل أعراب بوادي المناصير، وتنتشر الكلمة في جهات البحر التي يرتادوها هؤلاء الأعراب.. زي بوني وبرتي والنعوفاب وبعض أجزاء من شري.. وعرب بوادي كبنة.. وعرب الجماميع.. ومنطقة عتمور الشرق حلة الكنيسي العرب في العمارين..هذه كلمة خالصة وخاصة بالمناصير وخاصة أعراب البوادي منهم
ومن مشتقات الكلمة:- يمندج.اي يسمسر ببضاعته هذه التي على ظهر حماره

من طرف **HASSAN SULIMAN** الخميس 10 مارس 2011, 1:19 am

مادِلا =تعنى عفارم عليك وعوافى وتسمع الواحده تقولك مادلا مادلا ولدى خدم

ما دلا دي كلمي غليدي خلاص يا حسون.. أطربتني زي الزول الهديت ليهو وجبة دسمة

من طرف **HASSAN SULIMAN** السبت 12 مارس 2011, 4:59 am

الواو =ولا اقصد الحرف العربى الواو ولكن وبلهجه المناصير وتعنى السبب او العيب وتسممع الواحد يقول الزول دا ابيتو مالك واو شنو

الـكـُـجـْرَه: ركن البيت يلف ويعلق عليه توب أو بروش مزركشة.. ويوضع فيها سريرأو عنقريب.. للعروس أو العريس أو ولد الطهور ويوضع معه السيف والحريرة سيف عند العريس.. وسيف عند العروس تحت البرش.( تطعن بيهو العريس كان كتر والله قلل..

طقوس طقوس نوبيه قديمة

................

وسميت قرية الكجرة في المناصير بالكجرة.. عشان البحر عندها مكجور جايها لافي من جزيرة.. كاد أن يخبيها بين أخيلة الأشجار وهدير المياه والنيل عندها ينثني قليلا..

( فيها تلقى النيل هاج وماج

............

ناس الكجرة جننتونا

من داك العصير أدونا

يا بت إحمد العرجونة

برق الغيم يحاكى سنونا

أ َ بْ حـِـوَيـتي: كناية للنيل.. حوتة حويتي
نقول أب حويتي الليلي ماشي
الطامح أب دفار: برضو النيل الطامح في زمن الفيضان والدميرة

من طرف **HASSAN SULIMAN** السبت 12 مارس 2011, 8:21 pm

سلام هندسه ويمكن ايضا الكجره تستعمل فى سرير المراه فى حاله النفاس وحتى الان موجوده وفى كثير من المناطق وخارج المناصير

التٍعٍل =وتسمع الواحد يقول انا امشى محل ماهو التتعل كاب اى بمعنى الاصل غير الفرع وحسب اعتقادى المصب بالنسبه للوديان والناس السرحوا فى الخلاء بيعرفوها

الرهوفي: فطير القمح
شكلوكة: قطعة فطير أو كسرة اتلخبطت فوق الدوكة.. أو نشفت فوق الدوكة. المره أو البت ما قدرت تعوسا كويس.. أو الدوكة ما قامت عشان كدة طلعت شكلوكة

من طرف **HASSAN SULIMAN** الثلاثاء 15 مارس 2011, 1:24 am

والله الطامح الدفار وخلى الكبارى تعوم قوللى بخيت عليك

دى قويه تب وتساعد الزول فى اجترار الزكريات السمحه والتى كادت ان تندسر

التبانه =لا اقصد المجره الكونيه درب التبانه ولكن عند اهلنا المناصير تعنى عباره عن طين يتم تقطيعه قطع صغير لتسهيل المناوله لاكمال البناء والذى غالبا ما يكون جالوص

مدردم = لف الشى فى شكل دائره

المـُـوُرِي: مكيال.. هو الربع
طاسي: وحدة مكيال من الربع وهي أقل من الملوة

بـَـرْدَحْ: نظّم.. وجمـّل وهندس.. واقام..
من هنا جاءت البردحة... أو البردعة.. توضع على سرج الحمار من الصوف او القطن. لتخفف وعثاء السفر على الراكب..

التـَعـِل: سحاب العينة المزن الهطال الأسود الملئ بالمطر المتأهب للصبيب
...................
ياحسن سليمان
وليس مجرى الوديان.. يا حسون
وهاك الدليل يا حسون
يا قشيش رداح أم سنيي
فوقو تعل العيني قال دَ ىّ
ناس فريقك يضحكوا بـَىّ
عاد تقول ما جربوا الغـَيّ
ووب على أمك وبين على
يا سبيطة المشرق الني
...........
كلها كلمات منصورية بحتة ما مسروقة!!!

بـَـشـَانـْـتـَيقْ: قطعة برش قديمة أو مشرّطه

الـِلـقـْـنـَيـقْ: الجابي أو حفرة تجمع المياه لقواديس الساقية. والحفرة تنقسم الى قسمين.. ( الضنب) و( اللقنيق) اي الجابي الداخلية مكان تجمع الماء.. والضنب زي الجدول يجري فيه الماء من النيل لغاية اللقليق

استاذنا ود اب حنة التعل بكسر التاء والعين عندنا نحن ناس البادية منظر نزول المطر من بعيد فنقول الرزام شرب الليلي
كيف
عاين للتعل داك نازل فوقه فتري السواد من السحابي لحد الارض في شكل شريط اسو
وتقبلوا مروري يا رائعيند

من طرف **م بروي** الأربعاء 16 مارس 2011, 8:22 pm

صديق عبدالله علي أبوحنة كتب:لـِـقـْـلـَيـقْ: الجابي أو حفرة تجمع المياه لقواديس الساقية.ز والحفرة تنقسم الى قسمين.. ( الضنب) و( اللقليق) اي الجابي الداخلية مكان تجمع الماء.. والضنب زي الجدول يجري فيه الماء من النيل لغاية اللقليق

والله ياهندسه يبقالي اسمها
اللقنيق
بالبون
أقصد بالنون
أما اللقليق دي جايي من اللقلقه
وتسمع والله الولد ده ملقلق خلاص
يعني شيطان ومشاغب زيادة عن اللزوم

واللا رأيك شنو؟؟؟

من طرف **ahmed alkhabir** الأربعاء 16 مارس 2011, 8:35 pm

من المصطلحات التي تدل علي الزمان كلمة :- ونة
وابوي لي يوم الليلة يقول ليك الحاجة دي ما عندها ونة مثلا اللعب دا ما عندو ونة اي ان يكون له وقت مخصوص
مصطلح مكاني :- العتعات او العتاعت ودي تعني المكان الوعر الذي يجاور القري من جهة الصحراء يقول ليك شفت فلان ضارب العتاعت اي يمشي في ذلك المكان الوعر من غير ان يلتزم بطريق معين
لكم كل التحايا

صاح يا حمود بروي... والله قاصد اللقنيق.. موش اللقليق.. واللقليق كما أوردت إنت..
وقد ورد شرح اللقليق في القاموس من قبل..
آسف انزلق القلم..
هي
اللقنيق كما ذكرت أنت..

من طرف **HASSAN SULIMAN** الجمعة 18 مارس 2011, 2:05 am

الكٍرا = بكسر الكاف او البشاره كما قال ود البروى الولاد اخدوها البشاره وهو مبلغ من المال او هديه مقابل خبر مفرح او اداء عمل بسيط
يقسع = ولها معنايين بمعنى يقسع البهائم السارحه من اتجاه لا يريد الراعى ان تذهب اليه او تقسع الجرى وهى عمليه ارجاع الاكل لتجويد المدغ وتسهيل عمليه الهضم عند البهائم

الشـُـمّـَارَه: لباس قديم مشرمل بس تكتو كويسة يستخدم تنزل بيهو البحر تقلع طين الجابي. أو تقرع بيهو.. أو تخم بيهو الكفان..

من طرف **نجلاء زمراوي** الجمعة 18 مارس 2011, 10:09 pm

استفدت استفا ده قصوي بالرغم من المعاناه في قراءه بعض الكلمات
يعني ممكن تنافس عون الشريف قاسم االلهجه العاميه في السودان
هنالك كلمات ذكرها عون الشريف في كتابه وهي نفس لهجتنا المنصوريه

شفتي يا نجلاء.. بس اي حاجة تغلبك فيه.. اسألى أبوك... زمراوي.. أوأسألى أي زول في الكلاكلة إذا كان ناس زمراوي لسه موجودين هناك.. وكمان في كترة مناصير في الكلاكلة.. منهم ناس العمراني من السادي وغيرو وغيرو.ز
...........
برضو الحمدلله على الإستفادة من القاموس
عون الشريف يا نجلاء يستقى معلوماتو من ناس
ونحن معلوماتنا هنا إعاشة كاملة للغتنا ولهجتنا بمشاركة ناس في المنبر عاشوها.. وفي حاجات هنا كثيرة للغاية في قاموس عون الشريف مافي
تسلمي

من طرف **HASSAN SULIMAN** السبت 19 مارس 2011, 3:27 am

الاخ صديق لك التحيه وعبر هذا المنبر الرائع قاموس المناصير الممتد عبر اروع منتدى للمناصير استاذنك لارحب بدفعتى فى الجامعه وفى رابطه طلاب المناصير بالجامعات والمعاهد العلياء وانا عارفك هناك نافذه للترحيب بالاخوه الجدد ولكن اثرت هذه النافذه المقرؤه الا وهى الاخت نجلا زمراوى لها منا كل التحيه والترحاب

حسن .. حسون. إنت زول راقي ياخي.. القاموس أنت أصبحت شريك فيه.. ما بتحتاج منى لإستئذان عشان تسلم على دفعتك نجلاء... أنا استأذن منك عشان أخاطبها هنا، لأنها زميلتك.. مع إني طلعت قريبها.. يبدو عليها قارئة جيدة.. وكاتبة

مـِـشـْرِطْ: سمينة.. كبيرة.. عاتية.. طول ... عرض...
في جملة( أقول ليك خالتي عاشة بتها ديك بقت فتاة مشرط..
زَامـْـكـِي: يعني مشرط

من طرف **نجلاء زمراوي** السبت 19 مارس 2011, 2:57 pm

شكرا لك استاذي كلمه استاذي لاتعني انك كبير ولكن الناس مقامات هل تصدق ان ثقافه الوالده احسن من الوالد في هذا الموضوع وانا كل يوم بعمل لهم مسابقه وتفوز الوالده
طبعا الوالد بيغرئك السلام وطلعت قريبو شديد وابوك عزيز عليهم كثير0
التحيه لك اخي حسن فمثلكم ترتقي المناصير وتزداد رفعه وشموخ0

من طرف **HASSAN SULIMAN** السبت 19 مارس 2011, 9:34 pm

الحتالى = اصغر الابناء فى الاسره (( اخر العنقود)) وهى كلمه مشتركه مع الشايقيه واخوالى الرباطاب

من طرف **HASSAN SULIMAN** السبت 19 مارس 2011, 9:37 pm

حُرف او فشيقى = قطعه خبز او قراصه او رهوفى صغيره

من طرف **mohamadali** الأحد 20 مارس 2011, 2:09 am

هاك دة ياصديق هميد

دَقـَـرْ: ثعبان
هـَرْهـَشْ: أم باقعين.. زواحف صحراوية

من طرف **HASSAN SULIMAN** الإثنين 21 مارس 2011, 12:18 am

يتحفحف = يتهندم ويقصر الشعر

من طرف **HASSAN SULIMAN** الإثنين 21 مارس 2011, 12:19 am

الزيانى = الحلاقه

بـَـوْ: لما البقرة بتاعة الساقي تكون والدي وعايزين لبنها.. وقد ضبحوا عجلها ترفض تعطي لبن.. يقومو يجيبوا الجلد بتاع جناها ويحشوهو تبن. ويوقفوه جنبها.. تجي تشم ريحتو.. طوالي ضرعها يدر ويعتم لبن.. ويحلبوا لبنها ويتركوها مع ( البو)...
بالله عليك الله شوف الحيوانات دي حنينة كيف؟
وشوف حكمة الله المغروزة في الحيوانات دي كيف؟
وشوف عاطفة الأمومة المتسامية دي كيف؟
وشوف الإنسان الفقري ده محتال كيف؟
مع إنو قد حمل الأمانة.. وهو بها ظلوم جهول..
الله يخارجنا من عذاب النار
برضو البو ممكن يجيبوا جلد عتود يحشوهو برضو العز تدر..
......................

من طرف **HASSAN SULIMAN** الإثنين 21 مارس 2011, 4:44 am

الاضينى = الانسان الضعيف الما عندو موضوع وتشترك معنا قبايل الجعليين والشكريه والبطاحين

الـلّـَـدَايي: الأثافي في اللغة العربية
لدايات وأحياناً أدايات.. هذا جمعها
..................
عندما يريد العربي في الجاهلية أن يهجو أحداً يقول له Sad

رحماك الله من ثالثة الأثافي)
.......
قد لايستغرب المدعو عليه من الدعوة.
وقد يفتكرها حجر صغير..
الأثافي عشان توضع عليهم الحلة بيكونوا تلاتة..
ثالثة الأثافي هو الجبل
ليه لدايتين من هنا وهنا واللدايي التالتة مركوزة على الجبل. عشان الضرااا يقدر يطبخ كويس .. يعوس كويس في الضراا. الهواء ما يكتل النار. هسي دي عرب الخلا عندنا برضو كدة في السودان.... ناس اللواري كدة
برضو الناس يتدفوا جنب الأكل بي نار الأكل في ضرا الجبل..
إذن القولة العربية القديمة ( رماك الله من ثالثة الأثافي اصبح لها معنى!!

من طرف **HASSAN SULIMAN** الخميس 24 مارس 2011, 1:38 am

والله يا ابو حنه رسلت ليك رساله خاصه سماحتا حكايى لكن يبدو انها ما وصلتك وراحت وين انا ما عارف وخايف تكون مكرنى عن ناس المنتدى

حسن وصلتني وفرحت ليها شديد.. رسالة ممتازة من النوع أبو كديس..

من طرف **HASSAN SULIMAN** الأحد 27 مارس 2011, 3:37 am

شوش = رجل مضياف وهاش وباش
حرن = ابداء عدم رغبه

مـِـزرِقـِي... أو مِـزَيـْرِقـّي.. لعبة يمارسها الصبيان في موسم الدميرة في النيل.
شرحها.. يقف على حافة عالية للنيل.. قيف.. يعني والنيل تحته مباشرة.. ينط على راسه من أعلى وهكذا يغطس في النيل على راسه وأثناء طيرانه في الهواء، يمد يديه الى الأمام ليباشر بهما دخوله النيل ليحمي راسه وبطنه من قوة الصدمة مع المياه..
أو نفس اللعبة يطلع على فرع شجرة سنط متكية في النيل، ومنها ينط على راسه في لجة المياه..
ولعبة مزيرقي.. أو مزرقي، شبيهه بلعبة( القـُرُو) إلا أن لعبة القرو لايشترط فيها أن تنط في النيل على راسك.. ممكن تنط عدل على رجليك.. وقد يكون النيل منحسراً تحتك والمسافة بعيدة للغاية بين فرع الشجرة وسطح النيل. قد تصل في بعض المناطق عندنا الى خمسين متراً..
ولعبة المزيرقي لعبة خطرة للغاية، لمن لايعرفها، ولكنها سهلة للغاية لمن تعلمها.. يعني ممكن يكون معاكم منصوري صعيد جاي مع أسرتو يقضي العيد في البلد، ممكن يموت في هذه اللعبة.. وهنا تجد اقربائه يمنعونه من ممارستها، حتى لويعرف العوم، حتى لو يعرف لعبة القرو.. لأن القرو ساهل تنط في قاع النيل برجليك.. لكن مزيرقى تنط برأسك.. وخطورتها تكمن في لمن لايعرفها، لما ينطلق من فرع الشجرة العالي قد لايحالفه الحظ، ويقع في النيل ببطنه بدل رأسه، وهنا يمكن أن تنفجر بطنه، أو تتأثر أمعاءه بسبب الصدمة القوية مع سطح المياه..
ولعبة مزيرقي للشخص الذي يعرفها، حتى لو شارف على سطح المياه وشعر بأنه قد يقع ببطنه، يمكن أن يعدل مساره في الهواء بكل سهولة..

من طرف **HASSAN SULIMAN** الثلاثاء 29 مارس 2011, 4:31 am

الشلهته = تعنى الاستعجال والشفقه

يـَـتـْـبـِنْ: يتحسس بيده
يـَـتــَـبـّـِنْ: يفتش ويتحسس أيضاً..

يـَـكـَرْبـِـشْ : يحبو

من طرف **HASSAN SULIMAN** الجمعة 01 أبريل 2011, 3:03 pm

يوجوج = يغرد وكما قال الشاعر (( حاضنا العزب السلسبيل وفوق نخيلا يوجوج الطير))

يـَكـُوس: يبحث ويفتش

من طرف **HASSAN SULIMAN** الأحد 03 أبريل 2011, 11:38 pm

مدنكل = مكرب ومزبط وغالبا ما تقال للشاى والوجبات وكما قال الشاعر فضل (( احمر جنو فى سكه عمى يتقدل ومن حوت البحيره فطورو ديمه مدنكل))
دمكى = تعطى نفس المعنى عاليه

من طرف **rihab** الإثنين 04 أبريل 2011, 1:48 am

اللارتيقه-ضل الخسار- التنقير-يين

شكرا رحاب على الإضافة والمشاركة
التنقير فج.. شارع.. ممر..ممشى بين العيش المسيوق
( ما بتحش قش التناقير...
ما بتشيل جردل على بير
الزراق فوقا تقول حرير

الـبـُـكاّبـَه: زوادة السفر

من طرف **HASSAN SULIMAN** الثلاثاء 05 أبريل 2011, 2:49 am

سلام يا هندسه يا قاموس انت
والله البكابه دى قويى تب وزكرتنا السروح فى جزيره الحداد فى راس الجزيرى اللت شررى
ولى ملاحظه على التفسير بعد الاذن طبعاً (( هى عباره عن قراصه مصنوعه من القمح ولكنها مخمره وجايبالا حموضيه شويه وتستعمل فى الزواده وذلك لتحملها الاوقات الطويله دون ان تعمل رائحه او تتلف ولا شنو))
وبعدين هاك الحبه دى
تنكع = ترقص فمثلا الواحده تقول انا ما عندى شعراً انكع بيهو

المـَسوْرْ: موسم انحسار النيل.. وفيه يتم زراعة الذرة
يقول ليك: السني دي ماني مسافر الطين!! سايق المسور
قال حاج الماحي
( جـِيـْداً الجنيات بدروا المسور)
في قصيدته
صلوا يا حبور للنبي المنصور
المدثري الليهو زاد حسري

من طرف **ahmed alkhabir** الثلاثاء 05 أبريل 2011, 7:48 pm

يقول الحق عز وجل
إذ أنتم بالعدوة الدنيا وهم بالعدوة القصوى والركب أسفل منكم ولو تواعدتم لاختلفتم في الميعاد ولكن ليقضي الله أمرا كان مفعولا ليهلك من هلك عن بينة ويحيا من حي عن بينة وإن الله لسميع عليم}
في تفسير الجلالين وابن كثير
العدوة بضم العين وكسرها جانب الوادي
وفي البلد العدوي بكسر العين هي جانب الوادي المرتفع

من الصميم يا ود الخبير..
العدوي عندنا