قاموس المناصير اللغوي

يقول ليك الكورة قوقلا وشوتا. اي اضعها على كوم صغير من التراب ، لكي تكون ساهلة في الشوت.. مهوية من الارض

يـَـتـَــخـْـبـِـلْ : يحاول.. يباصر..

الوجلة : وهي أداة لصيد السمك ..عبارة عن عصا في مقدمتها سيخة معمولة زي الجبادة ـ شكلا وتثبت على العصا جيدا

والوجلة تستخدم ـ لضرب ـ السمك ـ لما يشقى مع الفراش وكدا ويكون الزول ممسك بها ولما تظهر السمكة تضرب في منطقة محددة ـ الرأس أو الرقبة

ومثلها تماما :

البديقة : والفرق أن البديقة يكون بها حبل ويتم رميها ـ تجدع ـ

أو حاجة زي كدا

نرجو التصحيح

ود المناصير...
بس إسم الوجلة غير خاص بالمناصير ، ومعروف في معظم انحاء السودان..
أما باقي الكلام تمام..

ضـهر تور: طريقة معينة لسقف المنازل بالطين والزبالة، شبيهة بظهر الثور لإنزلاق مياه الأمطار عليها ومن فوقها.
وهنالك طريقة اخرى في السقف تسمى ( نـَـعـّـَال )..
بما أن المناصير قد كانوا من المهندسين الأوائل في بناء الجص والجالوص، فقد وضعوا مسميات لطرق مبتكرة كثيرة من أدوات وآليات البناء

الجَبَديق : ثوب يلف ويستر به مابين الخصر إلى مادون الركبتين وكانت تلبسه النساء سابقا

الـفـَـرِضْ :ليس هو بفرض صلاة ولا سـُـنـَّـة، وإنما الفرض عند المناصير تعني بداية حش العيش، وتعنى فرض عيش الصيافي، المريق، أكثر مما تعني حش القمح، وإن كانت أحيانا تعنى القمح أيضاً، ويقال للقمح في مجمله حش القمح، عندما يستوى عوده، ويأتي بالحبة الذهبية المحببه لقلب المزارع بعد مجهود طويل مضنى.
.........
استعمالها:
يا ولد شيل قدح الفطور ودوا للناس في الفـَـرِضْ

مـَـتــَــبـْـرِبْ طامح.. مليان..
تستخدم للسوائل.. وخاصة الماء
الليلي البحر قام متبرب ماشي اكل الزرع
...............
زود سرعة البابور خلها تتبرب الجدول تبريب

سـُـكـْـسـِـكْ حـَـدَّادْ هو عند حجيرة البحر.. في رملة حجرة البحر ، اللصاف الصغير الزي المايكا داك وبقايا المحار الصغير. . برضو بيلعبوا بيهو الأطفال لعبة كدة مرات يسموها سـُـكـْـسـِـكْ حـَـدَّادْ.. ومرات يشكوه البنات الصغار يعملوه عقد موقت. سرعان ما يتكسر

مبارك رمضان يا باشمهندس الفكي
.........
داك إسمو علج الحداد.. وليس جنسك حداد يا الفكي
هو علج ياكل الناموس والديدان. لونو مذهب كدة وليهو ريشتين طوااال في ضنبو.. ما كنا قاعدين ناكلو
والعلوج أنواع
1 علج كودري
2 علج حومري
3 علج صعيد
4 علج حداد
5 علج بارقيطي
6 علج صوقعي
............
بالله شوف اهلنا ديل كيف؟
يستمدون معظم كلماتهم من اللغة العربية الفصحى وأحيانا هي فصحى ولكن مجهولة
كلمة علج
كان يتخدمها وزير الثقافة الصحاف في حرب العراق.. يبدا حديثه دائما في اللقاء الصحفي البي يعملوه معاه كل مساء
بكلمة : هؤلاء العلوج
والعلج هو صعب المراس.. الصعب.. رقيق الدين
وفعلا أهلنا سموه علج عشان صعب يقبض في الشركة.. ولو قبض فقري خلاص لمان تدور تطلعو من الشركة بعد يقبض عندو جنس قرصة بمنقاره حااارة زي لدغة العقرب.. وفقري جدا العلج حتى تقبضوا . بس كنا نجري وراه ونحبذوا عشان لحمو حلو.. وهو كبير شوية من مجمل أنواع الطيور. علج علجين ممكن يشبعوك.. ومرات كنا نوديهم البيت بعد ما نقبضهم يعملوهم دمعة يتغدوا فيهو ناس البيت كلهم
اما الطيور الاخري كنا نسلتا ساكت فوق الشوك في التمر وناكلا بالدقة والملح ساكت..

الصوح أو الصيحان : الحجارة الكبيرة الملساء

يـَـنـَـفـْـرِكْ : أي أقحمه أحدهم بحججه ولم يستطع الرد عليها، وصار يقول كلاماً مبهماً عاماً لا يمت للموضوع بصلة.. وحرقو الكلام
استعمالها : إنت وكت ما عجبك الكلام بقيت تنفرك ساكت ماعندك اي حجة!
أو تقول للواحد : سيب النفركة..
أو اقول ليهو : إنت ما عندك موضوع تنفرك ساكت.. تفلح في النفركة. اي زول حرقو الكلام وبدأ يزمجر .

سلامات ياباشمهندس ورمضان كريم ، أنا متأكد أن هناك طائر نسميه سُكسك حداد وهوطائر جميل أخضر اللون و ليس من أصناف العُلُجَة لأن منقاره حاد وطويل زى منقار ضكر الكرورى والتليسى ، وليس معقوفا مثل منقار العُلُجَة وكنا نقول فيه {سُكسك حداد دُق لَى مُروَاد } وهو دائم التواجد على الأشجار التى بقرب النيل وهذا الطائر لايؤكل ، مع تحياتى ...

أيوه أنا بتذكر جنسك حداد دق لي مرواد.. لكن كطائر جايز.. أكيد انت عارفو.. يا الفكي... لكن هل تذكر علج الحداد الذي لايؤكل!!!

يــُـوشــِـلْ: حاجة مقددة تخرج منها قطرات الماء زي دش الحمام

يـَـمـَـضـِّـحْ : يضعوا الزير الجديد جنب البحر فترة حتى تتماسك مساماته ويصير ما بيوشل.. وكلمة يمـضـِّح تستعمل للزير الجديد فقط.. وليس لها استعمال آخر عند المناصير

مـِـتـْـصـَـنـْـوِرِى : تتضور جوعاً وعطشاً

يكوكِــر :ـ يربط بشدة أو يحزم حزمة

سلمنا سلام عام على كل المجموعه فى الصفحه العامه وقلنا (نتاوقلك) بالشباك فى ديوانك العامر بى جايى لسلام خاص لك والاسره الكريمه ونعلك بخير ورمضان كريم وكل سنه وانت طيب يا الحبيب الصديق الصدوق صديق وكيف عامل وربنا يجمعنا والجميع فى احسن واروع الاوقات
مع خالص تحياتى

ايضا عبرك كل التحيه والتجله للاخ الفاضل جدا صاحب الاسهامات الرائعه فى القاموس الفكى احمد ونقول ليهو حمدلله الف ع السلامه ووين اراضيك يا زعيم

أووووووو ه
حسون
ياخي فرحة ما بعدها فرحة بي طلتك
حمدله على السلامي يا زول..
اقول ليك حاجة الإجازة الجاية ربنا لو حبس العوارض انا بس بباريك ما يفرقنا إلا النوم..
يا سلالالالالام يا لها من لحظات يا حسن قضيناها معكم..
عليك الله يا حسن ياخي ما تحش قلبي وتذكرني

يديك العافي لى أهلك يا حسن ما بتقصر..

الـلـُـقـَـاعـَـة الرمرمة... السفسفة.. والاكل بسرعة قبل ما يرتبوا المائدة..

تسلم صديق وربنا يدى العافى وانا جاهز وما عندك اى مشكله
وكمان تدينا واحدى من غنواتك الحلوه يا الحنين يا الحنين
وع العموم انا متواجد فى الخرطوم
وشايف المنتدى عامر بالاسهامات وربنا يديهم العافى القايمين على امر هذا المنتدى من اداره واشراف ومساهمين ورواد والله يعمر البلد بى ناسا
مع خالص ودى

يوشل / يمضح / ديل حسب المصطلحات الجديده (ماااااااااااااسوره عدييييييييييل)

والله مريت سريع على القاموس ولقيتك ملقط لقيط شديد وما اعجبنى تعليقكم حول كلمه قوقل وجواز ان تكون الكلمه منصوريه من يقوقل ( حكم )
وشايفقك ( تسفنج ) لسع

هههههههههههه
إضافاتك رائعة يا حسن..
جيب جيب من بيت الكلاوي..

هههههههههههههههههه هاها
والله كلام

(انا الشى دا ما ببل اصبعى فيهو ) كدى يا ود ابوجنه افتلنا فوق دى

ح