مابين ود المناصير وبت المناصير..كالذي بين كبنة وبرتي

صديق عبدالله علي أبوحنة كتب:الإثنين عضوين في المنتدى.. وكل واحد ما بيعرف التانى..
لكن ده ود المناصير
ودي بت المناصير
وما يشرفنا في الأمر
أن للمناصير ود
وللمناصير بت
وفي الإثنين لنا شرف. بعد ان ظننا جهلاً أن ليس للمناصير ولد بار يحميها
وان ليس للمناصير بنت باره تحميها
من هنا يأتي مصدر فخرنا بأبنائنا
فتجلت عظمة ود المناصير والعظمة لله.. أن اصبح المنتدى نفسه الذي يتنفسه. وجاء بالدر الثمين من الذكريات ومن التراث ومن الكلام المرصوص..ومن القسطاس المستقيم.
وجاءت بت المناصير كما ليلة القدر.. تختفى طوراً وتبدو فتواريها الربوع، وطور الظهور تكتب وتتداخل وتختفي ولاحس..
والذي مابين كبنة وبرتي.هو وشائج القربى.. اي زول من كبنة تلقى عندو طرف في برتي..
ولو قلت في عبارتي( ان الذي بين ود المناصير وبت المناصير كما الذي مابين الكاب وشري!) لظنه الناس خلافاً أو منازعة في ريادة المناصير وقبلتها.. فابعدت شري الكاب واستثنيت برتي وكبنة..
فهنئياً لمنتدانا ببت المناصير وود المناصير