قاموس المناصير اللغوي

تذكير بمساهمة فاتح الموضوع :

كل الأعضاء وغير الأعضاء يشتركوا فيهو.. أي واحد يجيب كلمة هنا ويشرحا.. ويبرهن عليها وهل هي كلمة محدودة في منطقة معينة في المناصير أم تستعملها المناصير كلها.. وإذا شك الناس في استعمال هذه الكلمة الحكم يكون زول كبير معمر من المناصير أو زولين كدة.. هذه نواه في إتجاه كتب يس مصطفى وأبو مصطفى
نبدأ باسم الله بكلمة
.............................. ويا ريت تكون الكلمة غير مشتركة مع جيرانا الرباطاب أو الشايقية.. وإذا اشتركت الكلمة يجب التوضيح


المنداجة: بفتح الميم وتسكين النون وفتح الدال وفتح الجيم.. تعني دكان متحرك على ظهر حمار بضاعتو في خرج ز
مكان الاستعمال:- كل أعراب بوادي المناصير، وتنتشر الكلمة في جهات البحر التي يرتادوها هؤلاء الأعراب.. زي بوني وبرتي والنعوفاب وبعض أجزاء من شري.. وعرب بوادي كبنة.. وعرب الجماميع.. ومنطقة عتمور الشرق حلة الكنيسي العرب في العمارين..هذه كلمة خالصة وخاصة بالمناصير وخاصة أعراب البوادي منهم
ومن مشتقات الكلمة:- يمندج.اي يسمسر ببضاعته هذه التي على ظهر حماره

يقسع اوقسع : معني ارتد يقال الجمل قسع الجري والجري الاكل بعد مضغهه. اويقول ليك الجدول قسع بمعني ارتد الماء

مشكور كثير ياصيدق على هذة الكلمات الرائعة وطلعت قاموس المناصير اللغووالمكانى (عجبتنى الكيب زول بلد صحى صحى مش الكويب زى مافى واحدين بقولو ) وقد صدق فيك قول هذا البيت
غيب وتعال تلقانا نحنا يانا نحنا لاغيرتنا ظروف ولاهذتنا محنة

الفرفير :الحركة الدائبة
يزاوغ :يراوغ ـ يغش
قطع أم قرضة :تعبير يقصد به توقف عن الحراك أوسكت أوسكن بعد ان كان متحركا
البوش :بضم الباء هو الذرة الشامى
الكرموش :التمر الذى جف قبل مرحلة النضج

الخال صديق ابوحنه والله ان فكرة فاموس المناصير دي عاجباني كثير لانو حصلت لي موقف معها في الثمانينات جاءنا بالبيت ودعمتنا وهو اخو غير شقيق للنفر الوقت داك انا صغير قال لي ياولد امشي املا لي مويه من الجر جريت طوالي الثلاجه مشيت جبتو ليهو مويه من جردل كنا نضعه في الثلاجه وبه ماء ضحكوا علي الجماعه لانو الزير كان جنبوهم ايضا حصلت نفس القصه العام الماضي لاخي مزمل في المكابراب لمن تكون في مناسبه بيوزعوا الدقيق لي ناس الحله عشان يعوسوه للمناسبه فضرب احد المكلفين بتوزيع الدقيق البيت حضر له اخي مزمل قاله ده دقيق خلي يعملوا السبوسه راج مزمل قال له السمبسه دي شنو رد عليه الاخر قال له العصاره رد مزمل قاليهو العصاره دي شنو رد عليه قاليهو القراصه قام قال ليهو مزمل من قبيل تلف وتدور مالك ماتقولي القارصه

الأخ المهندس صديق عبدالله لك التحية ونبارك لك العشر الأواخر من رمضان وربنا يتقبل الصيام والقيام. موضوع الكلمات الدارجة أو اللهجة العامية للمناصير قكرة ممتازة جدا وفيها تعليم للأجيال وده مشكلة وخلي بالك من أولادك ( ولدي سألني عن عشاء فلان أو صحن فلان ضربوه ضرب، يعنى أكلوا ما به من طعام قال سمعها كثير في المناصير) كمان في مرة ثانية وأثناء الكلام قلنا ولد ( مدبلب ) لم يعرفها في حين أنه في المناصير في واحد اسمه (دبيليب ) من شرري. الفكرة ممتازة وحتى يسهل جمع هذه المادة نرجوا أن يكون تنظيمها موضوعيا حتى من المشاركين بكلمات غيرك ولاحظت مثلا أنك تسرد مصطلحات في النبات ويساهم أحد المشاركين بمصطلحات في الأواني وآخر في الزي والملابس وآخر في الألعاب الشعبية وغيرها. وحتى يكون العمل منظم أطرح عليك فكرة التنظيم الموضوعي بمعنى أن تطرق موضوعا محدد مثل الألعاب الشعبية وتكون هنالك منافسة بين المشاركين حتى تقتلوا هذا الموضوع بحثا وعليك بالشجر الكبار ويقال فيه الصمغ مثل أخونا الفكي أحمد وشخصي ومحمد بروي وغيرهم. ولك التحية أخ صديق - أخوك مصباح -

الكمده والرمده : بفعالية وبدون عقابية
مادله :بكسر الدال ، كلمة استحسان ، تشجيع
الطافور : اناء صغير لوضع الريحة والدهن
البغو : النواة التى داحل ثمار الدوم

البلبال : ألياف رقيقة توجد فى حواف سعف الدوم تنقع فى الماء فيصير لونه أحمر
وبه يتم علاج بعض أمراض العيون .

الفلوك والملوك :بفتح الفاء والميم ، الكلام أو المناقشة والونسة
حام الديرة : هى دوران الشخص حول نفسه عدة دورات حتى الشعور بالدوار وهى اختصار لجملة { حام الدائرة }
العمط :بفتح العين وكسر الميم هى الكى بالنار أو الحرق الخفيف ـ كقول أحدهم والله النار عمطتنى عمطه ـ
علاويه :بتشديد لام الألف وكسر الواو ، ركل الكرة عاليا فى الهواء

اعجبتي الفكرة جدا وذكرتني كلمت التكل (وتعني المتطبخ) بموقف طريف جاتنا بت خالي من البلد وعند اختي الصغيرة ماحصل مشت البلد فكانو يلعبو دسوسية فبت خالي لبدت في التكل لمن اخت فتشت مالقتا سالتا كنت وين قالت ليها في لبدت في التكل فاختي استغربت لانها مافهمت حاجة وجات سالتنا هي قالت شنو فضحكنا شديد

امانى وامّانى—
1-امانى –ليست الامانى العذبة تتراقص حيالك –ولييست الامانى الفى سفر—ولكن تعنى التاكيد على الشىء ---مثلا يقول ليك يوم شحدت حمار فلان وامانى ماهو مشاى مشى –او (امانى ماهو فالح فلاحى)
2- امّانى –بتشديد الميم هى للاستثناء او بمعنى ((الا انه) –
نفس المثال السابق ---امّانى يجفل من ضلو

المليلى :الرماد الحار والمل هى الكلمة الفصحى
الملاله : الرمضاء
الخلاء الصنان :المكان الموحش ولاأثرفيه للحياة
صننن :كناية عن الهدوء التام
نهبد :بفنح النون والهاء وكسر الباء أى نتونس ونتجاذب أطراف الحديث والهبديبه الونسة

أم قريفى : حشرة صغيرة تتواجد تحت وبين لحاء الأشجار
الغرارة :بضم الغين وفتح الراء ، الكيس ـ غرارة الدقيق ـ
الدعت : الهوام والحشرات
طالس :تقال للوقت مثلا { وصلنا لى أهلنا المغرب طالس }
التلتقة :النقة ـ الكلام الكثير

ايضا
خفس : تعطى نفس المعنىوالشرح اعلاه لكلمة - يدق - الذي ذكره الباشمهندس صديق

اللهاده :بضم اللام الثانية وفتح الهاء والدال تقال للشىء الغير مقنع وغير كافى فمثلا لماالاكل يكون قليل أوما
عجب الزول وللا ماشبعو يقول لك والله جابو لينا لهاده . والفعل يلهد .

الكاويق :هوماجف من أوراق النبات وسيقانه الرقيقة
الروص والحمصيص :يقصد بها النفاية الساقطة والمتبقية بعد ذر العيش ويستفاد منها كعلف للبهائم
الشراء: بفتح الشين والراء هو النفاية الناعمة التى تذروها الرياح بعيدا عن الحبوب والله يكون فى عون
الواحد كان جاهو الشراء الا يقع البحر .

الأخ صديق لك التحية وكما قلت لك الشجر الكبار فيه الصمغ وذكرت لك بالتحديد الفكي أحمد وأخونا الفكر ما خيب ظنه فيه وهاهو يكدحك بهذه الكلمات الغزيرة والدقيقة والعميقة من لهجة المناصير العامية واقترح على الذي يأتي بمثل هذه الكلمات أن يجتهد في إيجاد المقابل لها بالعربية الفصحى أو باللهجات المشتهرة في السودان حتى يستفيد جميع أهالي السودان عند نشر هذه الكلمات في المستقبل إن شاء الله.

اوستة : فارغ أوفاضى ومافيهو باقى
عير :ضخم الجثه
هانقدر :شىء كبير ، واسع ،ضخم
العميرى : بكسر العين والراء هى الجزء الأخير من السبيطة المتصل وملتصق بالتمر
البلنجه : قضيب من الحديد يستعمل لهرس وطحن الحبوب بالمهراس
الفندك : بضم الفاء والدال هو المهراس
يسنغ : يعشم أو يأمل

خـِلاقـِي :- مكتمل الجمال والأبهه والعظمة والصولجان..
خـُـلا قـَةْ :- معولق..
اقول ليك ( عروس محمد ولدي سماحة خلاقي!!)
وأقول ليك( نعجة زينب جابت ليها جناياً خُــلاقه)
خلاص عرفتو الفرق بين خلاقي وخلاقه

الدرفون : الولد الصغير
الشنة : القربة القديمة
يسانق : اي يلم للجبادة ( خيط او حبل من الليف او الجريد به سنانير كثيرة )
الفرناغة : الرمل الناعم يثور منه الغبار عند ادني حركة

كمان يالصدوق يقال
فى الوصف بالذات للمرأة –مثلا ( الشينى) يقال –
وحيشى—(ويمكن جاية من اللهجة المصرية من كلمة (وحش ) بمعنى سىء)
كما يقال ايضا :قاطعى الدرجى— (ويمكن ان يقصد هنا انها راسبة او ماجابت اى درجة من درجات الجمال )
وبالمقابل يقال للجميلة—(سمحى سماحى الا يقبصوا منها (بمعنى الا ان ينقصوها ) –او سماحة نفر البراها –(التى ليس لديها مثيل)

الاخوان صديق وسلمان برضوا من اوصاف المراة .
1-الفرهيدة
2-الحورية
3-الصيدة
4-ام جيد
5-الياقوتة
6-النوارة
7-ست الجيل
8-ست البنات
9-الفنجرية
10-البشوسة
11-المالية هدومة
12-الزينة
واتمنى ان لا تكون بعض الاوصاف متكررة لانه عيش اخونا صديق بعد دا عايزلو ضريى كتر بالحيل .

الجكة---(بتشديد الجيم مع الفتحة—وفتح الكاف-)
يقصد بها الطريق الصحيح—او المسار الصحيح لاى شىء فعل –حديث او غيره –او ادراة الامور—
فى مسرحية ( الطيانة)لمؤلفها الراحل الاستاذ ابراهيم الشاعر—جاء فيها:
عندما قال احدهم :
خلاس فلسنا ياحماد متين القومة
رد
نشوف التاية تتوافق تحدد يومه
رد
متين كملتهن الستين جنيه يابومة
مرتك فى الحريم مرة مبهدلة بومه
مابتعرف تدبر لى معيشة يومه
دايرى الفخفخة وداير تطق بلعومه
عرس فوقا عشان تعرف (الجكة)
فرد صاحبنا :
مو قاسى العرس قاسى اللكل والفكة
صاحبك دا توكرو عمرو ماينفكه

لازم يجى السودان ---
وان شاء الله التبس يسويلو عروق
اما العرس-
دا شيتا اصلو لافكرتا فيهو ولا كان فى حسابى

كانت أكثر الكلمات التي تعجبني وراسخة في ذهني وأنا طفل
عقبان - بعد . كنت أسمع هذه الكلمة كثيرا من حبوبتي (هلاله بت أبوعابش) رحمة الله عليها
الحشك . بضم الحاء والشين - باقي الفطير أو القراصة باللبن بعد ماتهرسه الأيادي اخر القدح
القحف الردي - تعني الفلس الشديد . وأنا أظنها كلمة بليغه جدا

الكبته : بضم الكاف وفتح التاء تعنى الاعصار القوى الذى يحجب الرؤيا
الضريسى : بكسر الضاد ، نبات طفيلى زاحف رقيق الفروع والأوراق و شوكه ثماره التى تتكون من عدة
وحدات ملتصقه ببعضها مكونة مجموعة أشواك لاينجو من يطأها حافيا
أب اصيبعات : نبات طفيلى تأكله البهائم
يحندق :بفتح الياء والحاء وكسر الدال يظهر ما معه للغير بقصد الاغاظه أوالمباهاه