مرافيء وظلال

نورالهادى كتب:الحبيب الرائع ود المناصير لقد أصبحت جنان وليس ظلال فيا أخى أنت كل ما يكتبه قلمك يعتبر ابداع وأنا عندى طلب خاص لو فى امكانية أريد منك أن تنزل فى مكتبة القامة عيسى بروى أغنية البلال ولك فائق الشكر والتقدير ومن الآن سنعتبر أنفسنا من رواد الظلال الجميلة الوارفة باهتمامكم بها .

الرشيد طه كتب:كان ثنائي مدني حمد والديبة ينثرون ابداعاتهم الكروية في ميادين كرة القدم بفريق الهلال وكانت الجماهير تهتف

حمد والديبة حاجة عجيبة

الآن في هذا البوست حمد والديبة يمارسان الرسم بالكتابة

شكرا الزعيم ود المناصير وشكرا الدكتور ود عون الله علي هذا الابداع

سلمان عقيد النعوفابى كتب:تسلم يازعيم—
والله ذكرتنا ايام
الاحد والسوق—
الليلى الاحد وصبحان علينا السوق
الحمار بتنقل والجمال والنوق
البرود ملان ومن تحت لافوق
الله يجازى الكان السبب وركب الخاذوق
ياحليلك نايمة فى ضلك
وضراك –يا سلام ذكريات جميلة – نتملى فوق نيرانا—يكفينا شر النيران—
نار الناس تموت وانا
نارى حيا احسب فى النجوم ليه
يابنية-

ود عون الله كتب:صديقي سلام--سلام تباريك ليك وللمعاك تحت ضل ود لقاي جالسين

سلام مسبع --سلام سبعين---سلام العشرة في سبعين

أيام الأسبوع سبعة أيام--الأراضي سبعة ---السماوات سبعة---الطواف سبعة--السعي سبعة

أهلنا إتباختوا بالرقم سبعة---يدخل العريس يوم السبوع----يالله من السبوع---فطورو طاعم---ريحة البخور

باقي العطور---والحنة رابطي----العريس منتشي وبالو كتر---السيف تحت المخدة---من العين غفير

يا عين يا عنية ---يا خازي يا خزية----خمسة وخميسة

نبارك لعريس المرافئ الصفحة السابعة وعقبال الصفحة السبعمائة

ود عون الله كتب:جانا واحد هندي منقول من القصيم--كبير في السن عجوز---مكان العمل يضج بالهنود --

الهندي خلاهم كلهم وعصر على السودانيين----طالع نازل معانا---وراسو الكبير يتحرك يميناً ويساراً زي مروحة التربيزة

صديق أنا في شوف سوداني كتيير---سوداني مية مية---مافي لولو كدة كدة---سوداني سيدا---ويمد يده الغليظة مستقيمة إلى الأمام

سوداني كتير صديق---سوداني يحب بعض كتييير

سودان بلد كبير---موية في ---دهب في موجود----بترول في---بس ليش سوداني كتييير جنجال---ليش سودان في كتيير مسكين

الله يقطعك يا مقطوع الطاري---صديق إنت ما في معلوم ليش----

نظرت كترة تنظير---شي إنجليزي ---شي عربياً مخرمج---شي وصييف بالليدين---لامن راسي بقي يتحرك زي الهنود

قربت أبقي هندي ---لامن ريقي نشف------لكن صدقوني قد يكون الهند إقتنع لكن أنا والله ماإقتنعت

الرشيد طه كتب:

.بس داير أقولك يا أصيلة
لو تعب فيناالتمنى ..
وإنهتك وتر المغنى
لو تسدى علينا طاقات البشاير ...
بنهزميوم التجنّى
وأجيكى ما همّانى شى
عندك وقفت من المشى ..
وغرقت فى ضوالنهار

عباس محمد كتب:ومض النجوم والليل واطياف الخيال
سحر الكوكب السابحة فى بحر الجمال
خلونى زيك يا ظلال سالك دروب عشقا طوال
والارنب الجوه القمرشايفنا مهما كان جهال
وهج النجيمات الرزين احساسى ياخى عليه مال
ورقصت حروف كل الشعر شربت ضياها من الهلال

حاتم طه الافندي كتب:

وعنـــــدمــــــا
لانــبـــكــــي عـــــلـــــى احـــــزانـــنــــا
فــــهـــذا لا يــــعنــــي: انـــنــا فـــــقـــدنـــا
الاحــســــاس بـــل احــــزانـــنـــا
كــــثــرت عــلــــيـــنــا...
فـــلـم نـــجـــد دمــــوعـــــا تـــــــــعادلــــهــــا
فـــاكــتــفــيـــنا بــــالــــــصــمـــت

نورالهادى كتب:الحبيب الرائع ود المناصير لقد أصبحت جنان وليس ظلال فيا أخى أنت كل ما يكتبه قلمك يعتبر ابداع وأنا عندى طلب خاص لو فى امكانية أريد منك أن تنزل فى مكتبة القامة عيسى بروى أغنية البلال ولك فائق الشكر والتقدير ومن الآن سنعتبر أنفسنا من رواد الظلال الجميلة الوارفة باهتمامكم بها .

والله نحنا إتلمينا واتشاورنا---قلنا المدرسين تاني مايزرعوا---وكل تربال وكت يصوبن عيشوا في التقاة أول شي يكيل حق المدرسين---يعني يطلع حق كل مدرس قدر حق التربال

والناس كلهم رضوا

عباس محمد كتب:اجمل الطالبات ياالحنين الحنين
بتين دراستك جات ياالحنين الحنين

نرلن على الدومات يالحنين
ودموسى عد وفات يا الحنين
الدمعة واقفة ضرا يا الحنين
جاها الضمير دفرا ياالحنين
نوع حزنى نفرو برا ياالحنين
شرى بى وراك مرة ياالحنين
ما زى زمان خضراء ياالحنين
كنكش يبس شدرا ياالحنين
لاطبله زول نقرا ياالحنين
لانغمة من وترا ياالحنين

مقطع من قصيدة المرحوم الدميرى
لعلها تجد حيزا فى ظلالكم الوارفة

عفواً زوار المرافئ--إلي أن ياتي صديقي صاحب المحل

ود عون الله كتب:
والله نحنا إتلمينا واتشاورنا---قلنا المدرسين تاني مايزرعوا---وكل تربال وكت يصوبن عيشوا في التقاة أول شي يكيل حق المدرسين---يعني يطلع حق كل مدرس قدر حق التربال

والناس كلهم رضوا

كيفن مافي زول شاتر---وكمان قالوا أكلن كل الوجبات على الجماعة

والجماعة كلهم وافقوا

كيفن --دا كلامك--أفو---إنت الطرطشة دي ما تخلها

والله ما شاء الله---الهني دي بى نكربا ليك

يا زول نحنا الغلب في الطاب ماب نحملو

******

رأيت رجالاً نشامى---رجال كالجبال سموقا---وكالنيل حنينا---عقول جبارة--عزائم لا تفتر---رجال رأي وأفعال--

ثم--ثم ذهبنا لكل المنتمين لتلك البقاع ---ففتحت الأبواب كرما---وجمعت الأموال

ثم كانت المدرسة في العام التالي من أوائل المدارس

********

هذا كان حقيقة ولم يكن من وحي الخيال

ود عون الله كتب:فيكي من تبيت من صغر

لوحة بين النيل والحجر

عباس محمد كتب:اجمل الطالبات ياالحنين الحنين
بتين دراستك جات ياالحنين الحنين

نرلن على الدومات يالحنين
ودموسى عد وفات يا الحنين
الدمعة واقفة ضرا يا الحنين
جاها الضمير دفرا ياالحنين
نوع حزنى نفرو برا ياالحنين
شرى بى وراك مرة ياالحنين
ما زى زمان خضراء ياالحنين
كنكش يبس شدرا ياالحنين
لاطبله زول نقرا ياالحنين
لانغمة من وترا ياالحنين

مقطع من قصيدة المرحوم الدميرى
لعلها تجد حيزا فى ظلالكم الوارفة

م بروي كتب:

أما هذه فبدايات نسيبك المتعثرة

ود عون الله كتب:كرم عيال منصور شئ تاني--مطبوع --مامصنوع---من الامهات مرضوع---لبأ وحليب أصلي ما نيدو

الخلاوي في كل حلة---للغاشي والماشي---السكين دايماً حمراء--

ولكن مقبول ود الإمام--راجل الشقلة---في الكرم بدع

المقبول كان عندو خوة وتجارة مع تاجر رباطابي من أبو حمد---وحبل الود إمتد

وفي مرة زار المقبول صاحبو في أبو حمد---وبعد الغداء أستأذن المضيف المقبول وأخذ زوجته وعياله وذهب إلي جنينته

المقبول بعد العصر خرج من البيت إلي السوق---قابل جماعة معرفة---يادوب واصلين أبو حمد

حرام طلقاني بت العم وبت الخال تروح البيت كان ما إتفضلتوا معاي

كركر الجماعة وداهم البيت---المقبول ماإتلفت---دخل زريبة الراجل وسلا سكينو--شخخخ ضبح الخروف

الرباطابي وكت جاء المغرب لقى المقبول مشبع الجماعة مرارة وشية

الرباطابي قالو والله زيك ماشفتو---علي الحلف إختار أي واحدة من بناتي ديل أعقدلك عليها

هع هع يالمقبول

م بروي كتب:أم شاب المصلين
في مسجد الوزارة العتيق
التفت ينظر خلفه ليتأكد من
تمام الصفوف
وجد الوجوه كلها عتيقه
وزير وكلاء مدراء
باقوووووون
منذ عشرين عاماً أو يزيد
فقال
(استقيلوا يرحمكم الله)

ود عون الله كتب:للكل سلام---سلام توقير---سلام إحترام--سلام من إنسان مقصر لزوار المرافئ

ها هنا إستضافني صديقى الرجل الكريم

ها هنا وهبني مكاناً فسيحاً ---وقد علقت بضاعتي القليلة---القميئة---البالية القديمة على دكانه العامر

ما خشي تشويه المنظر---بل زاد تشجيعاً---وكفاني إكرام الضيوف---كرماً دافقا

والآن هو مشغول هناك فى عملٍ عظيم---في متحف المناصير القومي---رفده بكل مفيد---خضر الله ضراعه وأعانه

وأنا ها هنا في العقاب---مر الضيوف علناً---همساً وخفية

وانا لا أجيد رفادة الضيف--الكلمات مني تزوغ---تهرب--لا تفيهم حقهم

ولكني فتحت لهم قلبي فحلوا وسكنوا

ما أنا إلا كشاعر أبو رميلة --ود حليب --الرجل الطيب ---الرجل الصالح --حين قال

ود حليب يا ود اليمن

المديح من جوة إتنظم

جا في القلب زي اللبن

وجا في الخشم مفارتاً

عفواً زوار المرافئ--إلي أن ياتي صديقي صاحب المحل

حبي وتقديري

الرشيد طه كتب:

الشيلتو ماها هدوم

جاب القمر مرسوم

ده الغرق الخرطوم

خلي الكباري تعوم

قوللن بخيت عليك الليلة يا بلال قوللن بخيت عليك

طربت جدا لحكاية جاب القمر مرسوم

ود عون الله كتب:صديقي سلام---سلام ترحيب---سلام والفرح ليها نحيب

يا خوي إن شاء الله البريطاني يكون إقتنع

******

هي السماء بدت لنا ----واستعصمت بالبعد عنا

حاتم طه الافندي كتب:

الغرب ليسوا عباقرة ونحن اغبياء
هم يدعمون الفاشل حتى ينجح
ونحن نحارب الناجح حتى يفشل !
(احمد زويل)
حاشية: واضحة هل تفهمني

ود المناصير كتب:

حاتم طه الافندي كتب:

الغرب ليسوا عباقرة ونحن اغبياء
هم يدعمون الفاشل حتى ينجح
ونحن نحارب الناجح حتى يفشل !
(احمد زويل)
حاشية: واضحة هل تفهمني

هي واضحة جدا يا حاج حاتم

والحمد لله على السلامة

إفتقدناك