مرافيء وظلال

تذكير بمساهمة فاتح الموضوع :

بدءا .... اقول للجميع :

سلااااااااااااااااااااااام

ثانيا :

هي مساحة للبوح الهادئ ولكن بصوت مسموع ...

فقد طرقت كل ابواب المنتدى ووجدتها جحيما ـ أن جاز ـ هذا التعبير ... وحتى تلك التي دخلنا إليها بكلمة .. سلااااااام ... وهي كلمة واحدة نطلقها في وسط الردود عندما لا يعجبنا الحال ...

ولكن من يسمع ؟

لذلك قررت أن أنشيء مكان ـ خاص ـ ارجع إليه اناجي فيه نفسي ... وأونس براي ... وكمان أجيب نكات

وطبعا هذا الإجراء عندما يتعكر الجو ... ولا يسمع لنا صوتا ...

صحح سأتحدث هنا عن أشياء متفرقة ... وملاحظات عامة ...

من أراد مشاركتي فالباب مفتوح للجميع ... فقط المفتاح ... لا مهاترات لا تجريح

******************************

ود عون الله كتب:صديقي ود المناصير-----من القلب إلى القلب جسور

تمرك السمح دا خلاني إتلمط لكن عليك الله ما تكورك لا فوق يلحقونا بالجبنة الواحد يتملي فل ويتكيف

شتلتك القايمي براها ديك حكايته حكايي ،شرابه تب علي من البابور وكان الجماعه إتلولو لومك بي

إندلا الحداره واسقيها بى جوزى

يا ود المناصير الضل الرهين دا ما تخلينا نعمل فيه باشت صاحبنا محمد علي

باقي إشتهينا الرتوتي طولنا منو خلاص

لله درك يا راجل يا ذوق ...

الجبنة جاياك ...

والباشي ... نسويها في ضلنا دا

بس عندي طلبين :

زولتك الشترا ديك ما ترقص

وواحد صاحبي بتاع دكاي وبقنية .. ما يجينا بي جاي

لانو عندنا ضيوف اجانب ... وبوليس ما عندنا

وانا اقول الحمد لله هو لسع ما عارف البكان دا

تشكرا يا رائع

كتر خيرك ياصاحي أ قصد يا صاحبي اللديتنا الضل الرهين دا لى باشت محمد

وبعدين شروطك أوامر الشترا دي بى نجيب لها ناس يعلموها وإن ما نفعت بى نخليها مع الحلل والتدان

زولتاً ماها رقاااااااااصة أصلو ما تدخل الدارة تب محمد ماهو زول هين

أنا زولاً بريد الدمعه والفطير أبرك لها بى فد كراع لكن الضيوف ديل بى نكلم الصدوق يجيب لنا طباخين من الهلتون

نسيتني يا خوي اللجيب ليفي الممعوط داك وأجيب المدقاقة والجريد عشان أتم حبلي وأسويه للس، عشان صاحبك دا كان جا وداير يحرجنا مع الضيوف اكتفو وعلى كير ودبلى -----------باشت محمد الفنجري لعب كمان ---

ود عون الله كتب:كتر خيرك ياصاحي أ قصد يا صاحبي اللديتنا الضل الرهين دا لى باشت محمد

وبعدين شروطك أوامر الشترا دي بى نجيب لها ناس يعلموها وإن ما نفعت بى نخليها مع الحلل والتدان

زولتاً ماها رقاااااااااصة أصلو ما تدخل الدارة تب محمد ماهو زول هين

أنا زولاً بريد الدمعه والفطير أبرك لها بى فد كراع لكن الضيوف ديل بى نكلم الصدوق يجيب لنا طباخين من الهلتون

نسيتني يا خوي اللجيب ليفي الممعوط داك وأجيب المدقاقة والجريد عشان أتم حبلي وأسويه للس، عشان صاحبك دا كان جا وداير يحرجنا مع الضيوف اكتفو وعلى كير ودبلى -----------باشت محمد الفنجري لعب كمان ---

تسلم دكتورنا الرائع ... والليلة الضل والبكان زادن عرض وطول .. وانا ذاتي زدت شبرين ..

زولتك خليها مع دنفريس الضهر داك المجوبك وما معروف موية واللا سليقة

واللا اقول لك خليها تصلح اللدايات ... ونحن الفطير و الكسري ما بتنفعنا لو ماها معيوسة بالجريد

اما زولي ... زي ما قلت ... للس اللس دا بينجمو نجام القبورة

هو طبعا فاكيها في روحي شديد ... واليومين ديلا شايفو يشكر في شكلو شديد

وطبعا لو عاين لوشو في المرايا كان دق القرقراب براهووو كدي

تسلم يا راقي

اقبال كتب:لك التحية ود المناصير

نتمنى ان نجتمع بقلوب ملؤها الود والاحترام قلوب لا يجمعها الا الخير

لنبث فى الارواح المحبة والتاخى لنصنع من اللقاء اخوة صادقة

فى ظلالكم الوارفه ومرافئكم العامره

وأقلبت إقبال ..تحمل كل ألق بني وطني من روعة وجمال

شكرا جزيلا إقبال ... وننتظرك

والظلال والمرافئ تحت تصرفكم ...

في تلاتة نفر ... كنت أنتظر جيتهم بي جاي ...

ولكن :

الأول طفشو مقيل دكتور ود عون الله معانا

والتاني : طفشتو انا براي

والتالت : أظنو زعلان

يا ود عون الله مدد ... مدد يا شيخ مدد

طبعا اليوم المرافئ يكسوها حزن عميق ... فاليوم مات صديقي ... محمد الحسن سالم حميد

مات حميد ولم نستطع ان نلقي عليه نظرة الوداع ... مات حميد .. ابو الغلابة والتعابة والكادحين

له الرحمة ...

نجيكم إن شاء الله في وقت لاحق

نعزي الكل في فقيد الكل

كانت وستظل كلماته متكأ لنا ترسم الفرحة في وجداننا في زمان قلت فيه الأفراح

رحل وترك شلالات من الدموع وجراح غائرة نازفة

رحمك الله ياوطن الإبداع ----من للغلابة بعدك

نحزن----نحزن----نحزن ----ولا نقول إلا مايرضي الله

لك الجنة مثوى مع الصديقين والشهداء إن شاء الله-----آمييييييييييييين

واحة ظليله جداااااااااا

ود المناصير وود عون الله ماشاء الله ونسة ومجادعات بلهجة منصورية صرفه

متاااابعين



ونعزي الكل

في فقيد الوطن الشاعر

محمد الحسن سالم حميد

يا أخوانا وين دكتورنا ود عون الله ..؟؟؟

والله كنت عايز اقترح مضوع كدا ... لكن خفت الجماعة يمرقوهو شمار في مرقة ...ويلحق رفاقتو ..

لكن ... سنقتطع من مضمونه بعض الإشارات هنا في هذا البوست ...

نسوي كيفن .. خايفين الكساد والبوار ...

يا ود عون الله ... أخوك عيان ... وما فضل من ضروسو وسنونو اليومين ديل وجع شين ..والضرس ينتح نتحي جد ..

والسبب ... اكل التمر زماااان ... جاب السوس

وقبل ايام ... تناولت منقة بلدية ـ من موية النيل مسقية ...

والله ضرستني ... ويومين الاكل دا غلبني ... اصلو الضروس .. حفت تب

والعلاج غالي نار نار

اها قلنا نستشيرك ؟؟؟ العمل شنو ؟

قلع ضرس تاني ما ينفع ... اخوك جضومو إنطفقت من قليع الضروس

العمل إيه ؟؟؟

سلام ياغالي00أشواق ياغالي

شبيك 000لبيك

يا خوي أنا زول خلا أرعى في غنيماتي وجمالي

وكت أجي البحر دائماً أبرك جملي جم محل البرسيم عشان يغير من أكل التبس والشدر، وأقيل في الضل البارد أتسوق وبعدين أملا قربي وأسدر على خلاي

المرة دي ما شاء الله الشتلة شايفة لقت إقبال شديد 00إقبال جميل وكمان إنتصار على كل الأصعدة .لكن الحجازي ماعرفتها من شنو وفي شنو ؛لكن باقي لي دايرن يمنعوني من تحقيق شعار شيخنا عوض دكام حين قال نحن أناس نأكل مما نخلع ومعايشنا في خشوم خلق الله وما دروا أن الناس عندنا يستطيعوا أن يفتحوا خشومهم بكل حرية. وجع الضرس تاوار ودايماً يجي بالليل زي الحرامي لكن العلم إتطور والقليع خليناه ؛المتسوس والتعبان بى نلقى ليه علاج كمان المقلوع بى نزرعو عشان الحروف تطلع سليمة والإيقاع يتزن أصلنا بقينا ناس لمليم الفريق دا مابندورو--السنون سماحته وكت تبقى مترصي ---بى تقضى الغرض

تخريمة-------

واحد من وزرائنا قذفت به الأقدار في زمان ما في ميدان الدبلوماسية ؛كان عالماً في مجاله المغاير تماماً عن الدبلوماسية -- زار بلداً وعمل له عشاء عمل--وفي أثناء العشاء قال له الرئيس أنت عالم في -----ما صدق صاحبنا --- طه لقاها -- وانقلب العشاء محاضرة تعيسه --السفير قدر ما لكدو تحت الطاولة ما عرف شئ

سلام يا صاحبي --- أنا سادر الخلاء

أسلوب رائع وممتيز الأخ ودالمناصير لم أكتشف هذا البوست الجميل ألا هذه اللحظه تجربك هذه الكلمات الجميله علي الرقص علي أنغامها لأن بها سحر خاص أخي سدد الله خطاك وجعلك زخرا الي المناصير.

والله ياود المناصير ضحكتني شديد الله يعطيك العافيه حقيقه هي ظلال نستظل بها عندما يشتد الهجير حفظك الله ورعاك.

دكتور ود عون الله .... سلام يا راقي ...
بس كلو إلا تطفش مننا إنتصار ... يا أخي دي مقياس ... نقيس به كل مساحات الكلمات ... ونضرع به كل الفرقات .. ويكفي أنها بنت أسد ابو سباع ..
*****
تخريمة (1 ) :
دكتور دكام ... سألوه ... ماذا تتمنى ؟ قال اي واحد ياكل عجوة بالليل ومايتسوك !!
تخريمة ( 2 ) :
كنت عايز اقترح عيادة واستشارات على المنتدى ... لكني خفت من يأتي ويسأل عن اللجنة ـ في ناس قالوا حاسين بيها تتوجع ـ

عازه كتب:والله ياود المناصير ضحكتني شديد الله يعطيك العافيه حقيقه هي ظلال نستظل بها عندما يشتد الهجير حفظك الله ورعاك.

عازة العزت عازة ... سلام يا عازة ..
شكرا ليك .. وأنت واحدة من علماء بلادي .. فكرا ... علما ... ثقافة... وإلماما ..
والظل ظلك وكذلك المرافئ ... كل ما يفور الجوف وتكتر عليكي الهموم .. تمسكي بحبل الصبر الجميل ... واذكري ربك ...
وتعالي بي جاي .. هنا .. في ودلقاي .. وفي المشرق ... والضل السمح .. والألق الجميل .. وود عون الله جاهز ... ومعالجة الأسنان ... هنا مجان ..

والله شايفه عرضك مغري ياود المناصير كلنا حانحتاج للميزة المجانية دي لأننا تحت ضل التمر وأكيد من كترة قعدنا حانتناول بلحات سمحات كدي وماهمانا لما دكتور عون الله معانا.

ود المناصير كتب:دكتور ود عون الله .... سلام يا راقي ...
بس كلو إلا تطفش مننا إنتصار ... يا أخي دي مقياس ... نقيس به كل مساحات الكلمات ... ونضرع به كل الفرقات .. ويكفي أنها بنت أسد ابو سباع ..
*****
تخريمة (1 ) :
دكتور دكام ... سألوه ... ماذا تتمنى ؟ قال اي واحد ياكل عجوة بالليل ومايتسوك !!
تخريمة ( 2 ) :
كنت عايز اقترح عيادة واستشارات على المنتدى ... لكني خفت من يأتي ويسأل عن اللجنة ـ في ناس قالوا حاسين بيها تتوجع ـ

حكاية العيادة : ذكرتني طرفة

واحد مشي مع زوجته الدكتور

؟ الدكتور ساله بتحس بشنو

قال ليهو بحس باذآن محمد ودالحسين

مرتو قالت ليهو قال ليك البوجعك شنو

قال ليها نضمك قدام الرجال

صديقي سلام...وكيف قيلتو
قبل ماأتوه إقتراحاتك أوامر ..فصل ونحن نلبس
فأل حسن..مناصير جمع منصور ... إقبال ...إنتصار..النتيجة عزة وشموخ..شيخ حاتم جاهز للرقية....سيروا بعون الله
سال المداد كثيراً فكفكفته...جف ....فأبدلته دمعاً مع حميد...اي إحساس مرهف هذا يا صديقي....وماعلمت أنه سيشملني...تطرح إقتراحاً وتخاف علي من البوار
في زمانٍ تلاطمت فيه الأمواج....اي إنسانٍ جميل أنت....ما انا منك إلا بمنزلة المشدوه التائه....يا ليتني مثلك

ود عون الله كتب:صديقي سلام...وكيف قيلتو
قبل ماأتوه إقتراحاتك أوامر ..فصل ونحن نلبس
فأل حسن..مناصير جمع منصور ... إقبال ...إنتصار..النتيجة عزة وشموخ..شيخ حاتم جاهز للرقية....سيروا بعون الله
سال المداد كثيراً فكفكفته...جف ....فأبدلته دمعاً مع حميد...اي إحساس مرهف هذا يا صديقي....وماعلمت أنه سيشملني...تطرح إقتراحاً وتخاف علي من البوار
في زمانٍ تلاطمت فيه الأمواج....اي إنسانٍ جميل أنت....ما انا منك إلا بمنزلة المشدوه التائه....يا ليتني مثلك

الراقي ... المعتق ... ود عون الله .... سلام

وما أنا إلا درويش غرق في الهمهمات والدندنة .. يجابد روحا صدئة علها تتحلل من مثقلات نفس تواقة إلى صحبة الأخيار في حضرة شيخ من الأبرار الأخيارـــ بعد ما أقعدتها الغفلة ردحا من الزمن ــ .. ..

اسمه .. حسن .. ونسبه إلى رمز من رموز بلادي ... ود عون الله

حياك الله صديقي ... فقد أحتاج إلى ـ نفس ـ جديد ـ من أوكسجين ـ طبيعي .علني استطيع الإمساك بطرف ثوبك الطاهر وانت تتجول في ربوع بلادي عبر هذا المنتدى الجميل ..حيث أني أصبحت أسير إسم رائع .. اتبعه في كل جولاته بالمنتدى ..

لك شكري وتقديري

تخريمة

قومت نفسي !!

ود المناصير كتب:بدءا .... اقول للجميع :

سلااااااااااااااااااااااام

ثانيا :

هي مساحة للبوح الهادئ ولكن بصوت مسموع ...

فقد طرقت كل ابواب المنتدى ووجدتها جحيما ـ أن جاز ـ هذا التعبير ... وحتى تلك التي دخلنا إليها بكلمة .. سلااااااام ... وهي كلمة واحدة نطلقها في وسط الردود عندما لا يعجبنا الحال ...

ولكن من يسمع ؟

لذلك قررت أن أنشيء مكان ـ خاص ـ ارجع إليه اناجي فيه نفسي ... وأونس براي ... وكمان أجيب نكات

وطبعا هذا الإجراء عندما يتعكر الجو ... ولا يسمع لنا صوتا ...

صحح سأتحدث هنا عن أشياء متفرقة ... وملاحظات عامة ...

من أراد مشاركتي فالباب مفتوح للجميع ... فقط المفتاح ... لا مهاترات لا تجريح

******************************

لك التحيه الاخ ود المناصير
بنحب الهدوء والمرافى والظلال و الكلام جميل فى بلادى
والخضرة والنيل و يجرى زى السلسبيل
ياســـــــــــلام عليك تطلعنا من الكع والكف
فلك منا الاف التحايا وللمتداخليين عبر هذا البوست الرائع بكلماته

حاتم طه الافندي كتب:...
حكاية العيادة : ذكرتني طرفة

واحد مشي مع زوجته الدكتور

؟ الدكتور ساله بتحس بشنو

قال ليهو بحس باذآن محمد ودالحسين

مرتو قالت ليهو قال ليك البوجعك شنو

قال ليها نضمك قدام الرجال

حاج حاتم سلام ...

بلا ود رقول ما في ولادي ... القطع النخرة من حد الفصادي

( الترجمة عند ود بروي ) بس يجي بي جاي كيف ؟؟؟

بلسم كتب:
لك التحيه الاخ ود المناصير
بنحب الهدوء والمرافى والظلال و الكلام جميل فى بلادى
والخضرة والنيل و يجرى زى السلسبيل
ياســـــــــــلام عليك تطلعنا من الكع والكف
فلك منا الاف التحايا وللمتداخليين عبر هذا البوست الرائع بكلماته

بلسمنا وترياق كلامنا ... سلام ..

الكلام عندك يقيف .. والحروف تتهامس غصب ..

وتقول : ظلموك إذ سموك يا بلسم بلسما ... فإنت كل ترياق وكل ومضة تجبر بالخاطر .. وكل لوحة تجسد معان الوصل والتواصل الجميل

وألف مرحب بيك .. لا كف ولا كع ولا لع ولا دع .. كل الكلام هنا من القلب للقلب

ود المناصير كتب:

دخل علي بن أبي طالب رضي الله عنه المسجد وقال لرجل كان واقفا على باب المسجد أمسك علي بغلتي فأخذ الرجل لجامها ومضى

وترك البغلة فخرج علي وفي يده درهمان ليكافىء بها الرجل على إمساكه بغلته فوجد البغلة واقفة بغير لجام فركبها ومضى ودفع لغلامه درهمين يشتري بهما لجاما فوجد الغلام اللجام في السوق قد باعه السارق بدرهمين فقال علي رضي الله عنه أن العبد ليحرم نفسه الرزق الحلال بترك الصبر ولا يزداد على ما قدر له

كلام سمح

حاتم طه الافندي كتب:
كلام سمح

جزيت خيرا حاج حاتم ... وقليلون هم من يٍٍٍُعملون عقولهم ليقفوا على جمال وسماحة الكلام .. وكلام الإمام ليس ككل الكلام ..
تخريمة :
إذا أردت إقبالا بلا بال .. فاذكر اللجنة !!!

شايقي من البلد ... كرت كرتونة ... وطوالي سافر السعودية للعمرة ... نزل مع عزابة مريشيين تمام .. الفواكه .. الحلويات ... اللحم الطازج راقد بالعينات ..
الجماعة قالو ليه إنتظرنا عندنا دوام ... ولو عزت حاجة التلاجة جمبك مليانة .. صاحبنا اكل ومضغ لامن فتر .. واستغرب في الخيرات دي ..
الجماعة جوهو آخر اليوم ... ارجاهم فاتح التلاجة ويعاين فيها ... قالو ليهو تعال أدينا خبر البلد ؟
قال ليهم إنتو عندكم بلد ؟ البلد مي يا ها دي ( قاصد التلاجة ) .

واحدة من عرب لا فوق .. اول مرة تدخل البنطون ... خش بوكس في البنطون ... وبعدو خش لوري .. وهي تعاين ساكت ..
جا واحد راكب جمل وداخل البنطون ... صاحبتكم قعدت تكورك .. يا ناس هوي غرقنا .. الراجل ..الجمل ... يا ناس هوي الجمل حا يغرق الداهي دا !!!

هاهاها دي بالغت عديل كدا .تسلم ود المناصير.

عازه كتب:هاهاها دي بالغت عديل كدا .تسلم ود المناصير.

عزاك الله يا عازة ..

. الظلال طيبة بيك هاشة وباشة .. بالدعاش وكل الرزاز .. لأنك أصيلة و بنت ناسا عزاز

ابو مصطفى كتب:سلام ود المناصير وتانى سلام ؟؟؟



من اين انت يا فتى ؟؟؟؟

عرفتك منصورى موقد نار ؟؟؟ ؟؟؟؟ قل لى ورب الكعبه

من هو ذلك الفتى الكتاب ؟؟؟؟؟؟؟؟؟ والذى يعرف قوسريب وقدالية رحمهما الله ؟؟؟ شخصيات اسطورية فى عالم النساء ؟؟؟؟

هل انت فى الحيكومة ؟؟؟ افندى يعنى ؟؟؟؟ هل انت من الصعيدية ام من ناس الكجاج ؟؟؟

من اين انت يا صاحب السحر والبيان ؟؟؟؟

حتى يرتاح ضمير ابو مصطفى يريد ان يعرف من هو ود المناصير الذى لايعرفه الا القليل من الناس ؟؟؟؟

والجماعة الباقين مكتمين على الخبر ؟؟؟؟ من اين انت ؟؟؟؟

هل انت بعيد نجيك بى طيارة ام قريب نجيك بى كدارة ؟؟؟؟؟

نريد ان نرتاح ونسترخى فى ظلال هذه الدوحة الوريفة ولكن النوم يطير والذهن يشتغل بالتفكير فى ود المناصير

؟؟؟؟؟؟؟؟؟؟؟؟؟؟؟ظ



تحياتى

ابو مصطفى

اوووووووو .... اووووووووووووووووووو

جيتنا بي جاي يا الدخري والدغري اب كلاما واحد ...

ما أنا إلا من هناك .. لم تمسخني المدن بعد ...ولا زال الشق في كراعي يغبي ضب بي حالو ..

وحتى وقت قريب .. وقبل سد الربا اللعين .. كنت انافس كل سمود السواقي .. وكنت ادق تقاتي براي ..

وقسريب .. وقدالية ..ما هن إلا أمة قد خلت بعد أن وطنت ووطدت لمآثر وثوابت لا زالت تُفرض علينا مشيا وتوشحا ..

وما هن إلا مثال لتلك القيم .. وقطعا في المسيرة .. نعيمة بت ساعد وبنات هذا الجيل الرهيب ..

وبين الصعيدية والكجاج يبقى الأصل ثابت .. وبين المزارع والافندي تتراوح المعايش ..

لك الشكر يا راقي

انتصار حجازي كتب:

رهيييبة جد

وصراحه عندما يشتد الهجير فى الاقسام الاخرى تصبح واحتك ملاذاً آمناً وواحه ظليلة ومفيدة

نساهم معك يا ود المناصير في واحتك الظليلة دى

اليكم الحكم القديمة المعروفة ولكن تم تعديلها للتوافق مع مجريات العصر الحديث

من جد وجد ومن عنده واسطة حصد...

* أصغر منك بيوم اعلم منك بسنة...

*الزين زين حتى لو قام من النوم والشين يسوي عملية تجميل ويصير ازين من الزين زاتو ...

* الخيل والليل والبيداء تعرفني...لكن وقت الجد ما تلقى زول حولك ...

* خير جليس في هذا الزمان....النت...

من راقب الفساد مات هماً

*من جد وجد ومن تخرج قعد...

* من حفر حفرة لأخيه فاعلم انها من البلدية...

* يا خبر بفلوس...بعد 5 دقايق بس تلقاه بتويتر والفيس بوك

* في التأني السلامة وفي العجلة يصيدك الرادار...

* من عافنا عفناه...بس لو ما لقيت زول غيره عادى نرجع له...

*ما الحب الا للحبيب اللي جيبه مليان...

* كل اللي يعجبك, و البس اللي يعجبك برضو ...مافي شئ بيعجب الناس في كل الأحوال

* على قدر اهل النصب تأتي المناصب...

الأستاذة .. بنت أسد ابو سباع .. الراقية الراسية ..إنتصار الخير والبركة والنفع ... سلام
وامام حضرتك تتوه الكلمات وتنزوي الحروف ـ عجزا ـ و ـ خجلا ـ وتمنعا ـ وتأبى إلا أن تخرج إنشراحا وانبساطا .. يُحس ولا يُسمع لا جهرا ولا همسا
جزاك الله خيرا وانت تبذلين جهدك ووقتك فيما ينفع أهلك وإخوتك في هذا المنتدى ..
وفقك الله وحفظك وأسرتك ورد غربتكم

كل اللي يعجبك, و البس اللي يعجبك برضو ...مافي شئ بيعجب الناس في كل الأحوال







العزيزه انتصار ما اجملها واروعها من حكمه شكرا لك قد اعجبتني جدا.....

الزعيم بن بلدنا لك التحيه متابعين ومستمتيعين مع المرافئ جعلها الله مرافئ خير وسعاده نجلس عندها كلما اشتد علينا الغبن والحزن لننال من معينها لنكمل المشوار سويا فلك التجله والتقدير بن المناصير ودالمناصير...واصل ومع ضيوفك القامات نستمتع..

في دجاجة زهجت من السودان وقررت تسافر الي الكويت

تفتكر ليه؟؟؟؟؟؟























عشان يدلعوها يقولوا لها دياية

*جاء رجل الي الي اخر يطلب الاجره عن دار كان قد اجرها له فقال المستأجر يشكو

اعطيك الاجره ولكن اولا اصلح هذا السقف فانه يهتز ويتفرقع فقال صاحب الدار لاتخف فانما يسبح السقف من خشيه الله فقال المستأجر نعم لكن اخشي ان يدركه الخشوع فيسجد .



*ركبت سيده بدينه جدا باص الركاب فصاح عليها احد الراكبين
لم اعلم ان هذه السياره مخصصه للفيله ؟
فردت عليه بهدوء
لا يا سيدي ....هذه السياره كسفينه نوح تركبها الفيله والحمير ايضا.

سواقة الدنيا .. لابد من محطات راحة
نتنقل معك بين الاسكلا ...

اسكلا (اولى)
وفي الدوامه
تتبدّل سَمانا سَواد
يموت معنى الوَطَن
في زفة الأوغاد
يضيع نبض الوطَن
في زحمة الأحقاد.
يئن شرف الوطَن
من جَزمة الأسياد
يغيب شرف الكلام
في بَحة المذياع
وفي تهويمة التلفاز
وفي مسرح صِبح مشنوق
بحَبل (المافيا)
من جنس (الحطام)
و(شواذ)
وتتصادر حروف الحق
ويعود معنى الثقافة
(جناز)
تقوم الزفّة
عن أعيادها بالتعيين
ويصير عيد الفنون تأبين.
متين كان الحرِف مصنوع؟!
متين شبّت ثقافة الأمة
في صحرا
الحِصار والجوع؟!
**
(هاشم صديق)

عوم القرب ما بعرفو .. بجيك راجع أريح عندك

نجلاء زمراوي كتب:

الزعيم بن بلدنا لك التحيه متابعين ومستمتيعين مع المرافئ جعلها الله مرافئ خير وسعاده نجلس عندها كلما اشتد علينا الغبن والحزن لننال من معينها لنكمل المشوار سويا فلك التجله والتقدير بن المناصير ودالمناصير...واصل ومع ضيوفك القامات نستمتع..

لك من دافق التحايا ما يكافئ اهل الأصول .. وإنت أصل الأصول ..

نتمنى لك إقامة طيبة وسياحة رائعة على مشارف النيل وظلال النخيل واشجار البرم الجميل

نتمناك أصلا في المرافئ والظلال وإنت لا زلت تجملين كل ساحات المنتدى بحضور راقي جميل

عبد الواحد جبريل كتب:في دجاجة زهجت من السودان وقررت تسافر الي الكويت

تفتكر ليه؟؟؟؟؟؟





عشان يدلعوها يقولوا لها دياية

دكتورنا الراقي .. عبد الواحد .. سلام

أهلا بيك في هذه المساحات الرائعة .. والتي تستمد رونقها منكم ..

وكل ما تحس بملل الجو الروتين .. فول وجهك شطر المرافئ والظلال ..

.... وهنا يمكنك ـ الشخبطة ـ على رمال تعاني دفقات موج رهيب تمتهن ـ المسح ـ التلقائي

ابو مصطفى كتب:

جيت قلت ارتاح فى هذه الوارفة الظليلة واخذ لى تكيه ومده وتحت ضل الطلحة الكبيرى ام دباسا يسوى القوق وريحة برمها تجيب النعاس ومافى غنم حامت تحتها وبحرها كارب دميرى ونزها طالع مترين فى اليابس ؟؟

لكن بس رقدت ودخل النعاس فى عينى سمعت الكش كع ؟ كع ؟؟؟ عاين لافوق لقيت لى زول يرمى ليهو فى غصن كبير من هذه الطلحة ؟؟؟ زعلت زعل مبالغ فيه ؟؟؟؟ ليه كده ولماذا بس القطع الجائر وانت منو يازول ؟؟؟؟ والله الزول دا ما عرفتو ؟؟؟؟ متلفلف ومتبلم ؟؟؟ بالله عليكم ياناس الحلة عوك عوووك ؟؟؟ الزول دا منو ؟؟؟ خرج ناس الحلة على صوت المنادى وبكل برود اجابونى يا مستغيث بالله انت ماعراف ؟؟؟؟ دا منو ؟؟ احترت وحارت افكارى ؟؟ وجمعت اطرافى وخرجت ماخذ السكة الفوقانية وفكيت البحر ؟؟؟؟

الرائع أبو مصطفى ... سلام ..

والقطع الجائر ـ بعيدا ـ عن السياسة ـ كان إغراقا لخضرة زاهية لصفصاف وطرف وطلح وسيال ونخيل عاتي ... وكان في غابة الفيل إستمرار ـ خضرة مقابل مطار !!

ابو مصطفى كتب:
والناس وما ادراك ما الناس لا يعجبها العجب ولا الصيام فى رجب ؟؟؟؟ على العموم اريد ان تكون هذه الواحة مرفا للناس الذين يعانون فى هذا المنتدى وعاوزين حبة بندول تزيل الصداع ؟؟؟؟؟

]

وهنا ... كل شيء طبيعي .. ماء ... خضرة ... شذا ..ووهواء نقي ..

ولن تحتاج لبندول أبدا

نجلاء زمراوي كتب: *جاء رجل الي الي اخر يطلب الاجره عن دار كان قد اجرها له فقال المستأجر يشكو

اعطيك الاجره ولكن اولا اصلح هذا السقف فانه يهتز ويتفرقع فقال صاحب الدار لاتخف فانما يسبح السقف من خشيه الله فقال المستأجر نعم لكن اخشي ان يدركه الخشوع فيسجد .



*ركبت سيده بدينه جدا باص الركاب فصاح عليها احد الراكبين
لم اعلم ان هذه السياره مخصصه للفيله ؟
فردت عليه بهدوء
لا يا سيدي ....هذه السياره كسفينه نوح تركبها الفيله والحمير ايضا.

تمددي بت الاصول .. ويحق لك أن تنداحي .. فقد عانيتي كثيرا

ود الطرشان كتب:سواقة الدنيا .. لابد من محطات راحة
نتنقل معك بين الاسكلا ...

اسكلا (اولى)
وفي الدوامه
تتبدّل سَمانا سَواد
يموت معنى الوَطَن
في زفة الأوغاد
يضيع نبض الوطَن
في زحمة الأحقاد.
يئن شرف الوطَن
من جَزمة الأسياد
يغيب شرف الكلام
في بَحة المذياع
وفي تهويمة التلفاز
وفي مسرح صِبح مشنوق
بحَبل (المافيا)
من جنس (الحطام)
و(شواذ)
وتتصادر حروف الحق
ويعود معنى الثقافة
(جناز)
تقوم الزفّة
عن أعيادها بالتعيين
ويصير عيد الفنون تأبين.
متين كان الحرِف مصنوع؟!
متين شبّت ثقافة الأمة
في صحرا
الحِصار والجوع؟!
**
(هاشم صديق)

عوم القرب ما بعرفو .. بجيك راجع أريح عندك

العريس القومي .. ود الطرشان .. سلام

وعرسك ..عيد قومي .. وعرشك لن ينهار أو ينهد ..

حميد مات .. كان سيكون معاك.. تشريفا ونفسا وألقا ..

ولكني .. لن أعجز أبدا ..

سأنقل المرافئ والظلال إليك هناك حيث أنت ..لست هدهد سليمان .. ولكني جربت العوم بالقرب والجركانة وتعلمته طبعا ــ بالطرورة ــ وما بين أرج وبوني ودربي لا مراكب .. لا فلوكة .. لا مكنة .. عوم طبيعي

**

عزيزي .. ألف مرحب بيك هنا في هذه الساحة ـ الخضرا ـ

تخريمة

أوع تكون حلمان ؟

اسكلا (ثانية)
والبحر دميره

أيضاً وقفه مع (هاشم صديق)

ارافع لا لقاضي الحِزب
ولا لي عَسْكر السُلطان
أرافع لي ضمير الشعب
تِحت زُرقة سما امدُرمَان
ادق طبل الغضب واصرخ
واقول كل الكَلام مليان:
مزيّف في جرايد الحاشيَه
والطغيَان
مجرّح بالكلام إسمي
من السَفله ومن الصُحبَان
مرسوم يوم تِحت لافته
ومكتوب يوم تِحت عنوان
(فيلم هندي) القصص عنِّي
(مليودراما) وبالألوان.
---------
لاتجقلب الخيل ولا شكر لحماد فانه واجب عليك هناك ..

تخريمه :
اب كباس خلاني

كتب سلمان
لازم تستعد بعدين لاننا ماشين لقبيلة ابناء عمومة ولازم الباشى تتكرب---[/font][/quote]



أقبض

ده كلام شنو؟؟؟
حالتنا قلنا ده الخبر
القالوا الليلة بقروش وبكره بلاش
ياو الطرشان
يبقالي قصايدك راحت في حق الله
ود المناصير إنت حارس شنو؟؟ لامن ينشرم منك؟؟؟
(آل إيه؟؟؟آل أبناء عمومه آل) ما كفاية ابو مصطفى وعبد الواحد؟؟

ود الطرشان كتب:اسكلا (ثانية)
والبحر دميره

أيضاً وقفه مع (هاشم صديق)

ارافع لا لقاضي الحِزب
ولا لي عَسْكر السُلطان
أرافع لي ضمير الشعب
تِحت زُرقة سما امدُرمَان
ادق طبل الغضب واصرخ
واقول كل الكَلام مليان:
مزيّف في جرايد الحاشيَه
والطغيَان
مجرّح بالكلام إسمي
من السَفله ومن الصُحبَان
مرسوم يوم تِحت لافته
ومكتوب يوم تِحت عنوان
(فيلم هندي) القصص عنِّي
(مليودراما) وبالألوان.
---------
لاتجقلب الخيل ولا شكر لحماد فانه واجب عليك هناك ..

تخريمه :
اب كباس خلاني

العريس .. أركان حرب ... ود الطرشان ... سلام يا فنان ..

لا أجاريك .. ولكن امسِخك

ما رأيك ... في إندياح الجماعة ... مع وصفة هاشم صديق ؟

بس ... حاسب ..انا لاني وارقو .. ولا أفياني ..

وهاك دي ... ممنوع الضحك .. ممنوع السخرية ...مع هاشم صديق والقرنتية ..

قرنتية ...
لادبابة برمائية
لاجاسوسة
مدسوسة
لاجندية في حركة
لامختلسة
مال شركة
لاقصفت
حدود فشلا
لا كسرت صريف كسلا
ولامعروفة ختمية

قرنتية ...
لاصعلوكة
لبست شورت
لابتعرف
شنو البظبورت
لامحتاجة
(جنسية)
هي قايلة النيل
سقف بيتها
وقايله ضفافو
(محمية)
جات منسابة
عزالصيف
قايلة الناس
بكرمو الضيف
وقايلة النيل
أمان والقيف
وقايلة (الحاضرة) 1
عصرية

قرنتية ...
جات بصغارا
دايرة الخير
لاشافت
يفط تحذير
لانزحت
تكوس توزير
لاجاطت
حركة السير
لادارت
وسام تقدير
لامستلفة
عشرين وش
ولابتعرف
تعيش بالغش
كان محتاجة
بس للقش
وجات أحلامها
دوغرية

قرنتية ...
لابلعت عديل
السوق
لانضمت
بدون طايوق
لاكنزت
دهب أو ماس
لاظلمت
بدون إحساس
لاعصرت
شباب الناس
لاكتمت
على الأنفاس
لاقطعت
عشم بي فاس
لاداستنا
زندية

قرنتية ...
لا شربت
مريسة العيش
لاضبطوها
في التفتيش
لاسجنوها
شالو الفيش
لا خانت
قسم أو ديش
لا إجتمعت
(بمستر جون)
لاأكلت
مؤنة العون
لاسدت
علينا الكون
لاسبت كتاب
أو دين
لاسامتنا حمرة عين
ولاباعتنا
ضهرية

قرنتية ...
جات مشتاقة
للخرطوم
تزور أحبابها
خايفة اللوم
تصيح وتنادي
بالحلقوم:
جنينة النزهة 2
وين يازول؟
جنينة النزهة
وين يازول؟
لقت حال
الجنينة خلا
حليل زمنها
وحليل أهلها
لاقرنتية
لاأصلة
لاصوت ككو
لابغلة
لاحلوف
لاأسداً
مهاب بالخوف
لانمراً
يشد الشوف
لاضل فيل
لاتيتل
جريهو جميل
ولاغزلان
ولاطاؤوس
يباهي النيل
لازفة
طيور ونعام
لانمراً
دفر قدام
كل الشلة
ياقرنتية
-غمضة عين-
أحالوهم
لصالح عام
تقول
(الدنيا مهدية)

قرنتية ...
جات زي ضيفة
ما غارة
لامحتاجة
لي فيزا
ولا تصديق
على زيارة
جات والشوق
دموع حارة
تجدد في العيون
الشوف
بين توتي
(وعلايل ابروف)
قايلة الدنيا
لسة سلام
ماخيم
زمان الخوف
لسة هناك
ضفاف حرة
ما مطمورة
للمرة
قايلة الناس
بعزو الضيف
ما بيسوقوهو
لي حفرة
و جوار القيف
و مابياكلوهو في
السفرة
و مصيرو مخيف
قايلة الحاضرة
ماغابة
و قايله
حقوقا محمية

قرنتية...
لا قدلت
في شارع القصر
لا حامت في وقت الحظر
لا خشت
علي المأمور
و لا نطت سلك
أوسور
لا دخلت
علي أم درمان
و لا كسرت
قفل دكان
لا دفرت
علي التلفاز
لا عضت
كراع فنان
لا ذاعت
بيان للناس
لا إحتلت
كمان حيشان
و لا نصبت
شبك للحش
جات بصغارا
كايسة القش
تلاقي القوت
صبح محظور
وخير البقعة
جوه السور
سماح
لدنيا منسية

قرنتية ....
لا بتعرف
عجن أو لخ
جات أحلامها
دوغرية
عجب...
ساقوها
جوه الفخ
عجب...
من طولها
وقعت تخ
عجب....
سلخوها صبحية
عجب..
و نحنا
بنسلخ الإنسان
كيف ما نغدر
الحيوان
عجب...
و الدنيا (عصرية)..؟!

قرنتية..
لا دبابة برمائية
لا جاسوسة
مدسوسة
لا غواصة روسية
لا جندية في حركة
لا مختلسة مال شركة
لا حزبية بعثية
.....
قرنتية !!!!