مرافيء وظلال

تذكير بمساهمة فاتح الموضوع :

بدءا .... اقول للجميع :

سلااااااااااااااااااااااام

ثانيا :

هي مساحة للبوح الهادئ ولكن بصوت مسموع ...

فقد طرقت كل ابواب المنتدى ووجدتها جحيما ـ أن جاز ـ هذا التعبير ... وحتى تلك التي دخلنا إليها بكلمة .. سلااااااام ... وهي كلمة واحدة نطلقها في وسط الردود عندما لا يعجبنا الحال ...

ولكن من يسمع ؟

لذلك قررت أن أنشيء مكان ـ خاص ـ ارجع إليه اناجي فيه نفسي ... وأونس براي ... وكمان أجيب نكات

وطبعا هذا الإجراء عندما يتعكر الجو ... ولا يسمع لنا صوتا ...

صحح سأتحدث هنا عن أشياء متفرقة ... وملاحظات عامة ...

من أراد مشاركتي فالباب مفتوح للجميع ... فقط المفتاح ... لا مهاترات لا تجريح

******************************

رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..

****




قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف, ما بتضوق؟؟؟؟

*******

واحد دنقلاوي مرتو مكرهاهو كل يوم تطبخ ليهو ملوخية وكل يوم الصباح تشيل قفتها الراجل يسالها الولية ماشي وين تقول ليهو (مهمد صاله) ما ماشين الزراعة كل يوم بالحال دة يوم عمك قام من النوم قافلة معاه شاف المرة شيلة القفة سالها الوليه ماشي وين قالت ليهو ماشي الزراعة قال ليها انت تعبان فوق شنو جيب ليك حبل واربطنا هناك

******

واحد عرس فوق زوجتوا الناس يازول ملك عرستة فوق زوجتك السمحة قاليهم الشينة دى لي حليفة الطلاق
</B></I>

تبتبا تبتبا تبتبا تبتب

باكر تعرف تقرا وتكتب

وياما ترتب

نحنا بنحلم وكم نتمنى

هي تحقق كل ما تحب

تبني حياتا الند بالند

اي مكانة وخانة تسد

هدهدا هدهد

كل الورد ينوم ويفرهد

زي عصفورة تطير وترك

تحبى وتمسك وتاني تفك

سيبا تفكفك

سيبا تلكلك عايزة تنطط

بكرة حترسم وياما تخطط

بكرة حا يبنوا مدائن ضو

ما بيعكر صفو الجو صفارة حرب

تشطب من قاموس الدنيا

الضرب الشك الخوف

ينعموا كم بالشم والشوف واغاني الحب

افتح بابك آمن تب

زي ما النهر بيلقى مصب

اي حمامة بتلقى الحب

تلقى الورده الندى في الكم

تلقى حداها جناها الام

يرضع صافي حليب الحب

نقدل نحنا الجد والعم

تملا عيونا كهارب سد

باباً جاب الهم والزم والصد ينسد

نفرح لما ندمع جد

مد البصر الامل يمتد

العمل يشتد البنا ينتم الغنا يمتد

هدهدا هدهد

اكتبي اكتبي الف المد

حمام وسلام وسعادة بجد

اكتبي اكتبي ياء المد

سرير وعصير وعبير ينشم

اكتبي اكتبي واو المد

حقول وعقول تقرا المجهول كتاب الغد

اكتبي علم وسلم

لا حد يئن لاتسمع بم

لا ينزف دم

لا يعجز رد

لا يعجز طب

لا دمعه في خد

تبتبا تبتبا تبتبا تبتب



محجوب شريف

رباطابي .. قراع تمر .. جا يقطع تمر واحد ـ مصاب ـ يتحرك بعجلة معاقين .. ولدو كل مرة يدفر العجلة من تمرة لي تمرة .. وفي مرة ـ سرح ـ ونساهو .. ..

الرباطابي طلع التمرة وعاين من فوق شاف عمك بعيد ... قام كورك للولد

يا جنا هوي .. مكنة اللحام ديك جيبا قريب !!!

قال الشيخ .. كشك ... عليه رحمة الله

سألنا الله أن يأتينا بإمام عادل

فأتانا ـ بعادل إمام

لأننا لم نخلص النية مع الله

مستمتعين بمنظر المرافئ الظليله.....

الجزيري بقت مخادة
وتانى ختت طين زياده
السواقى البى الغرب طلعت قصادا
وفى الضهارى الرمله الناس زرعت مقادا
الجرف سبروقو ملح
والبحر فات منو روح
قام لبس التوب وسرح
من بعيد بى ايدوا لوح
قالوا مندلين يشوفوا
كل زول ينزل جروفو
الجرف بالخصبه رجح
وللبذور الطيبة نجح
فى الاصيل قمريهو يصدح
لى نعيمو وخيرو يمدح
داك يسلك وداك ينقح
وداك بالشرقية ينبح
جاى دافر القش متمسح
مرة يغطس ومره يطفح
التبش نوارو فتح
والدخن قندولو دندح
خدر الشتل المصفح
جاب قلوب لى اهلو فرح
قالو مندلين يشوفوا
طل زول ينزل جروفو

هويدا ابوشعر كتب:مستمتعين بمنظر المرافئ الظليله.....

الجزيري بقت مخادة
وتانى ختت طين زياده
السواقى البى الغرب طلعت قصادا
وفى الضهارى الرمله الناس زرعت مقادا
الجرف سبروقو ملح
والبحر فات منو روح
قام لبس التوب وسرح
من بعيد بى ايدوا لوح
قالوا مندلين يشوفوا
كل زول ينزل جروفو
الجرف بالخصبه رجح
وللبذور الطيبة نجح
فى الاصيل قمريهو يصدح
لى نعيمو وخيرو يمدح
داك يسلك وداك ينقح
وداك بالشرقية ينبح
جاى دافر القش متمسح
مرة يغطس ومره يطفح
التبش نوارو فتح
والدخن قندولو دندح
خدر الشتل المصفح
جاب قلوب لى اهلو فرح
قالو مندلين يشوفوا
طل زول ينزل جروفو

وأشرقت الأرض بنور ربها

وأشرقت المرافئ بواحد من علماء بلادي ... هويدا ... سلام

وهكذا عهدنا بك .. كل زول ينزل جروفو .. وجرفنا هو السودان .. نختلف حول نظام حكمه .. ولكنه يبقى السودان

وجميل هذا الدخول إلى المرافئ ..وجميل هذه الصور ـ الموغلة ـ في البلد ـ ووصفها

السبروق .. والمُقد ..وقوقاي القماري .. والسلوكة .. والنقحي ..والعوم ودفري القش .. والتبش ونوار خيرات بلادي ... صور جسدناها ـ فرادى ـ وجاءتنا اليوم مدوزنة ..غنيناها مع صديق .. ولامست الواقع اليوم في المرافئ ..

شكرا هويدا ..على هذه الطلة ..

لا تنقطعي .. فالوصل أصل والأصل أصل .. وأنت من الأصل . فدام الوصل والأصل ..

منو القال البلد خيرا إتمحى ... البلد زينة وشبابا مسمحا

حاتم طه الافندي كتب:

عندما تشير "بإصـبع يـدك" نـحو شخـص تـنـتـقـده او تتهمه
فـلا تـنـسى أنــ هـنـاك " ثـلاثـة أصـابـع " بـيـدك أيـضـا تـشـيـر نـحـوك أنـت

(( قـبل أن تـصـف الـنـاس . او تنتقدهم ..انـظـر لـنـفـسـك ))

حاج حاتم ... سلام

والحمد لله على السلامة

قلنا نسأل عنك .. خفنا الجماعة يشاكلونا ..

وتبقى ردودك ـ مقاييس ـ تخلع ـ كل قلب راجف واجف

شكرا حاج حاتم

ود المناصير كتب:

حاتم طه الافندي كتب:

عندما تشير "بإصـبع يـدك" نـحو شخـص تـنـتـقـده او تتهمه
فـلا تـنـسى أنــ هـنـاك " ثـلاثـة أصـابـع " بـيـدك أيـضـا تـشـيـر نـحـوك أنـت

(( قـبل أن تـصـف الـنـاس . او تنتقدهم ..انـظـر لـنـفـسـك ))

حاج حاتم ... سلام

والحمد لله على السلامة

قلنا نسأل عنك .. خفنا الجماعة يشاكلونا

..

وتبقى ردودك ـ مقاييس ـ تخلع ـ كل قلب راجف واجف

شكرا حاج حاتم

مشكور يا زعيم



الجماعة منو وليه يشاكلوك ؟؟

الشوفونية----

قريت هذه الكلمة ولم يفهمها رويسي----مشيت قلبت كل معاجم اللغة العربية--القاموس المحيط---مختار الصحاح---وغيرها---مافي فايدة ---مشيت على عمنا داك التمدد في كل مكان--عمنا قوقل--مافي فايدي--حتى ناس دكتور مصباح هبشناهم والحصيلة صفر لامن راسي سخن

أخيراً هداني التفكير أن أن أذهب إلى وادي عبقر --فرأيت كلاماً عجيب---قالوا أنها تأتي بأحوالٍ كثيرة وهي من عندنا

شمفونية على وزن سمفونية----والسمفونية عزف منفرد أو مجتمع منضبط وإيقاعٌ جميل يسر ويطرب السامعين

أما الشمفونية فهي عزفٌ قبيح مشاتر مهاتر أطرق يصك آذان السامعين

الشو--فو--نية------الشو هنا تعني الأستعراض والعرض---كاسيات عاريات--كمان أم عصيبات---فو---خشم مكشر سنونو صفر---نية---النية غير خالصةً لوجه الله--وهي تنم عن نقص مركب---فترى المشاهدين للشو مندهشين بدأً--ثم يبدأ اللمز وينتهي بالتحقير

الشوف--ونية --وهي هاهنا تأتي بمعنى النظر --النظر القاصر بفم متجاسر--لا يتعدى رياش الدنيا --والنية ها هنا قبيحة مسيخة من غير ملح

الشوف --ونية ----الشوف ما تقوم به الحبوبات والامهات وحريم الحلة عندما يزرن واحدي نفسى أو عروس مرحلة جديدي ---والنية ها هنا حنيييييييييييييييييني

الشوف ---ونية---الشوف هاهنا ان النظر ثاقب فاحص يتبعه فكر عميق وصدر واسع يترجم بعمل خير يعمل في صمت كالغيث أينما وقع نفع من غير برق ولا رعد----والنية ها هنا لله

حاتم طه الافندي كتب:

عش مع الناس كمحتاج يتواضع لهم
وكمستغن يحسن إليهم، وكمسؤول يدافع عنهم
وكطبيب يشفق عليهم
ولا تعش معهم كذئب يأكل من لحومهم
وكثعلب يمكر بعقولهم، وكلص ينتظر غفلتهم..

حاج .. حاتم ... سلام

نعم الكلام ... نعم النصائح .. نعم التوقيت

ما أحوجنا لمثل هذه الروشتات المجانية .. وما أبلغ ـ حاجتنا ـ للتطبيق

شكرا حاج حاتم ..

سلمان عقيد النعوفابى كتب:ود المناصير سلام—


منعتنا الظروف ومشاغل
الحياة من المواصلة معكم –والجلوس والاستراحة فى هذه الظلال والمرافئ—


أنا الضهبان زمن رايح
مودر فى صحارى الهم


هجير رماضة تقلى
الحبة مابان لى أثر لقدم


-------------------------------------------


يتمارا لى جيهة
القبلى شال براق سحابو رزم


وأم بشار تطير شوف
عينى دعاش الخريف ينشم


وبى باق الرويحى الفى
احاول امشى واتقدم


اعيد انا ابني لى
امال لكن تانى تتهدم


وباقى الرويحى الفى
داير امر على بقية مواضيع المنتدى--

الأرباب .. قعقاع المناصير .. حكيم المنتدى ... سلمان .. سلام

لن أجاريك .. حديثا .. وأنت الملهم نضما سمحا ونثرا معبرا وشعرا رصينا .. حتى لا أخسر ـ وضعي ـ جراء المقارنة بما أكتب وتكتب ..فالبون شاسع ..

ثم يا أخي .. ليه شغال معانا بطريقة ـ غيب ـ وتعال ـ ؟

شغل المتاوقة دا ما بيشبهك .. فنحن نحتاجك كثيرا

قسم زمنك .. وادي الجماعة بي جاي طلة .. وطلة طلة .. على المناصير طلة

تعال قص البلد وارجع .. تعال أدي الغُبش طلة ..

تسلم يا سلمان ..

ود المناصير كتب:
وهكذا عهدنا بك .. كل زول ينزل جروفو .. وجرفنا هو السودان .. نختلف حول نظام حكمه .. ولكنه يبقى السودان

شكرا على الثناء الزائد
ونبقى محبون للسودان
ونظل عاشقون للمناصير التى تجمعنا

ود عون الله كتب:الشوفونية----

قريت هذه الكلمة ولم يفهمها رويسي----مشيت قلبت كل معاجم اللغة العربية--القاموس المحيط---مختار الصحاح---وغيرها---مافي فايدة ---مشيت على عمنا داك التمدد في كل مكان--عمنا قوقل--مافي فايدي--حتى ناس دكتور مصباح هبشناهم والحصيلة صفر لامن راسي سخن

أخيراً هداني التفكير أن أن أذهب إلى وادي عبقر --فرأيت كلاماً عجيب---قالوا أنها تأتي بأحوالٍ كثيرة وهي من عندنا

شمفونية على وزن سمفونية----والسمفونية عزف منفرد أو مجتمع منضبط وإيقاعٌ جميل يسر ويطرب السامعين

أما الشمفونية فهي عزفٌ قبيح مشاتر مهاتر أطرق يصك آذان السامعين

الشو--فو--نية------الشو هنا تعني الأستعراض والعرض---كاسيات عاريات--كمان أم عصيبات---فو---خشم مكشر سنونو صفر---نية---النية غير خالصةً لوجه الله--وهي تنم عن نقص مركب---فترى المشاهدين للشو مندهشين بدأً--ثم يبدأ اللمز وينتهي بالتحقير

الشوف--ونية --وهي هاهنا تأتي بمعنى النظر --النظر القاصر بفم متجاسر--لا يتعدى رياش الدنيا --والنية ها هنا قبيحة مسيخة من غير ملح

الشوف --ونية ----الشوف ما تقوم به الحبوبات والامهات وحريم الحلة عندما يزرن واحدي نفسى أو عروس مرحلة جديدي ---والنية ها هنا حنيييييييييييييييييني

الشوف ---ونية---الشوف هاهنا ان النظر ثاقب فاحص يتبعه فكر عميق وصدر واسع يترجم بعمل خير يعمل في صمت كالغيث أينما وقع نفع من غير برق ولا رعد----والنية ها هنا لله

لا حوْلي ....

عيييك ..

دي والله بشتنتها بشتنة ... سويت ليها دق الدخن .. ونفش القطن ..

بالله الكلمة دي ـ غتيتة ـ كدي ؟ وغميسة للدرجة دي ؟؟

كلمة غميسة دي ذكرتني أغنية لعيسى بروي ..لما كان في طريقه للعمرة وتم إرجاعه من الميناء ..لأن جوازه ينقصه ـ ختم ـ القنصل السعودي

وقام طوالي نجر كلمات رهيبة وعميقة جدا :

الجوازات لا عند رئييسا

ليها تحياتي الما بقيسا

في تعاملا واعية وحريصا

ترصد الغلطات الغميسة

لما حيدر قال لي يا عيسى

شوف جوازك ناقص أختام

لي سواكن وموظفينا انا داير اجيب القول والكلام

**

حيدر هذا كان مدير جوازات الميناء والآن هو لواء ومديرعام شرطة ولاية البحر الأحمر

هويدا ابوشعر كتب:
شكرا على الثناء الزائد
ونبقى محبون للسودان
ونظل عاشقون للمناصير التى تجمعنا

فهم راق .. ونظر ثاقب ..

كيف لا .. والأصل ـ أبو شعر ـ دوحة العلم والثقافة والأدب

تسلمي استاذة هويدا

ما أروعها من إجابات !! وما أجملها من كلمات

رحم الله مصطفى سيد احمد ..

هذا حوار ـ نادر ـ مع مصطفى سيد أحمد

وانظروا إلى ردوده ..

خطـابات فى حمى الوطن

فتَحتَ جوابك الأوّل

لقيتَك لسَّه يا وطني

بتكتب بالعَمار والدم

ولسَّه بتسْكَر أمدرمان

على الشارع...

وتتْكوّم

وتمْرُق من صَدُر مسلْول

نهودهْا

تَدُوسن العربات

ترضِّع فى الكلاب

مشنوقَهْ من عينيهَا

في الساحات

وتضْحَك في زمن مسموم

ولسَّه بترقُد الخرطوم

تبيع أوراكْها للماشين

تَطِل من فوق عماراتهْا

وتَلِز اطفالهْا في النيلين

وترجع للرُقاد تاني

اشوفك في جواب تاني

مشيتْ اتمشَّى فوق همكََ

وصلْني جوابك التاني

يحيض الغيم على سطوركَ

يقطِّر من سماكْ دمّك

بشوف في جوابك التانى

مُدُن مبنيّةْ متكيّهْ

بتمْرُق من شبابيكا

عيون برموشَهْ مطفيَّهْ

شَرَك لي كُلِّ قُمريَّهْ

وأماني كتيرَهْ مخصيَّهْ

شوارع بالنهار والليل

مدبّسَهْ بالحراميَّهْ

معلّقَهْ في صدور الناس

كلاب اسنانْها

مبريّهْ

على مرِّ السنين تحْسب

شهور أيامها عِبريّهْ

مشيتْ اتمشَّى فوق همّك

وصلْني جوابك

الدمّك

رقدتَ على البحر غنيتْ

مليت احزاني بالأمواج

جرحْتَ الدنيا بالدوبيت

جريت لي ساحَة الشُهداء

لقيتُم لا وطن لا بيت

دخلتَ منازِل الأُمّات

وطلّيتْ لي شقاء الاخوات

مرقتَ كأني زولاً مات

لقيتْ أطفالي في الشارع

بيجروا على أمل واقِع

رقدْتَ على البحر غنّيت

واتذكرت َاهَلَن لي

ساكنين في سجن كوبر

مليتْ أفراحي بالأمواج

وشدّيت الرحال قُمْتَ

لحدِّ الليلَهْ

ما عُدْتَ

شبابيك فتَّحَتْ أبواب

وأبواب فتَّحَت حارات

وكنتَ معاكَ يا وطني

على حُمّى الجواب الفات

صحيتْ ولقيتَك الشارع

وكِتْ تِتْمايل النخلات

ضُلّك

على أيامك الجايات

وفي جوابك الرابع

لقيت الناس على الشارع

وصوتَك من كهفوف طالِع

كَوارِيك للسماء السابع

كواريك للسماء السابع

كواريك للسماء السابع


عمر الدوش

ود الطرشان كتب:

مُدُن مبنيّةْ متكيّهْ

بتمْرُق من شبابيكا

عيون برموشَهْ مطفيَّهْ

شَرَك لي كُلِّ قُمريَّهْ

وأماني كتيرَهْ مخصيَّهْ

شوارع بالنهار والليل

مدبّسَهْ بالحراميَّهْ

معلّقَهْ في صدور الناس

كلاب اسنانْها

مبريّهْ

على مرِّ السنين تحْسب

شهور أيامها عِبريّهْ

العريس الركن ود الطرشان ... سلام

حسبتك يممت وجههك شطر هجليج أو تلودي ..فالصورة التي نشرها ود ابو حنة اليوم لود الطرشان ـ صورة ـ شهيد

فقط ينقصك ذلك الذي سيتناولك ـ حلما ـ بأنك ترفل في نعيم الجنة ـ

فاترك وصيتك .. ووصية ـ أمّوناك ـ الخطيبة ـ

عذرا قريبي .. غيبتك عنا طالت .. فعذرناك لعلمنا بمدى وطنيتك ـ حتى ـ تفرسنا وجوه شباب البلد علنا نجدك في احدى القنوات .

ابششششششرووووووا بالخير

تخريمة :

ما تجلبط الحنة ..

الشعر إتمعط

والراس إتربط

والضهر إنزلط

والفرح إنشرط

اللوري الوحل--ما وصل الزلط

*******

بابور السواري

المربوط وجاري

لا ساق لا إتربط

*****

الناس التخانق

الناس التشابق

الناس التفارق

في المركب تنالق

لا فتحت جداول

لا دقت سبالق

******

الناس البي تمرق

الناس البتسرق --في عرق الغلابا بالليل والمشارق

قرات كل شىء ياودالمناصير
ولم اجد ما اشارك به فى مرافيك الوارفة
التى تكون ظل ظليلا يرطب الجو لكل منصورى اصيل
يجلس تحت ظلالها
تقبل المرور

ود عون الله كتب:
الناس البي تمرق
الناس البتسرق --في عرق الغلابا بالليل والمشارق

الراقي .. الرائع .. ود عون الله ... سلام

والمنصوري ... ضكارة

جسارة ..

بصارة ..

في إييد كراس

وفي التانية .. فاس

والقلب إحساس

وروعة أنفاس

ورجالة مُحال تنقاس

وتاريخ ساس وأساس

وحتما سنعيدها .. مناصير .. الروعة والجمال .. ارض ما للعرض . وناس تضاهي الماس ..

واحد عرابى جا الى الخرطوم , وقم ولده سالقو المعرض. وفى المعرض لقى تمثال لابس ملابس للعرض سلم عليه ولده قال ليه يابوى دا تمثال ولما جاوا مارقين لقى خواجا قاعد فى كرسى وعنده صلعة قام العربى ضربه فى الصلعة وقال يا ولدى دا ما فضل ليه الا الكلام
*******************

واحد رباطابى رسلو ليهو جزمه جميله هديه قام سافر بيها الخرطوم وهناك انشرطت وداها لبتاع الجزم يخيطهاوقال ليهو مستعجل صاحبنا قال بعشرين الف جنيه قام الرباطابى قال ليهو ليه أ صلو بتخيطا بى بنج؟
*******************

في واحد كان راكب الحافلة والحافله خلاص اتملت ومافي مكان وعمناده كان راكب مع الباب بعدين جاء واحد شاب وقال ليه يا حاج الحافله دي ماشه وين قال ليه يا ولدى اسى لو قلنا الحافله دى ماشه بيتكم بتركب وين

********************


واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال لية ياخى العشاء ما بطلع الا الكهرباء تجى... الرباطابى قال لى اصلو عشاء ولا شريط فديو

***********************

رمضــانيــــــات وأحد كان عندو سحور مدنكل جدا ، ورمضان كان في عز الشتاء ، ( جوع شديد جدا ) وصاحبنا نام جوة الغرفة ، وساب الشبابيك مفتوحة ، وقال يصحى قبل الفجر ويضرب السحور ، وشالتو نومة ، و ما صحي الا والشمس داخلة من الشباك وضاربة فيهو ، فقام قفل الشبابيك ، وباب الأوضة ، ووقع ضرب في السحور ، فدخلت عليهو زوجته ، وقالت ليهو بإندهاش :- سجمي ياراجل !!!! الواطه صباح وإنت بتتسحـــر !!!! فرد عليها : يامره سـدي الباب دا .... يسـد حنكــك./

************************

واحد بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ، وفوق دا كلو طويل لسان ، ولسانو فلغة، فاصحابو بيشيلوهو في قفة ، وكل واحد بيمسك القفة من أضان لحدى ما يوصلوهو بيتو ، ، وفي يوم الجماعة شايلين صاحبنا وهو مطين وغاطس لراسو في القفة ، شاف واحد سكران وماشي في الشارع يمين شمال و بيترتح ، قام قاليهو :- إنتو وكت ما قادرين عليهو الجابركم شنو ...؟؟؟

**************************

عم عباس كان بيسكر مع أصحابو ، وبعد نهاية القعدة الجماعة نزلوهو في طرف الحي عشان يمشى بيتو ، فصاحبنا غلبو يوصل بيتو ، وكل مره يلف ويجي يلقي نفسو في نفس الحتة النزلوهو فيها ، ولمن تعب لقي جماعة قاعدين قدام بيتهم ، فقال لهم :- ياشباب لو سمحتو بيت عمكم عباس وين ...؟؟؟ فرد عليه الشباب :- ماانت عمنا عباس زاتو !!!! فقال لهم :- أنا ما سألتكم من عمكم عباس !!! سألتكم من بـيـتـــو....

*****************************
واحد سكران فى بص قا عده جنبو واحده شينه عاينت ليهو وقالت بس دا شنو السكران ده قال ليهااناسكرتىدىبتفك وانتىالله يفك شناتك دى

********************************

ود الزومة طبعاً مشهور بالمواقف الطريفة مرة مشى حفلة عرس وبعدين جابو ليهم العشاء هو والشلة بتاعتو وكان العشاء عبارة عن فتة باللحمة ولسوء الحظ كان فوق الرز عضم كبير واحد بتاع لحمة قام واحد من الشلة خطف العضم وبدأ يأكل فيهو قام ود الزومة ما كضب وكشح ليك الفتة كلها في الواطة .. الجماعة سالوهو بي زعل : ليه يا ود الزومة عملت كدا قال ليهم يعني هو سرق الجوكر أنا ما بدكها !!!!


**************************

واحد مسطول بيشرب سجارة وبيرجع البيت يفتح الباب بالمفتاح و يرقد ينوم

مرة كان مقرش

اشترى سجارتين ولع واحدة ونسى التانية لما رجع البيت عاوز يطلع المفتاح طلع السجارة التانية

استغرب و قال ياربي أكون أنا شربت المفتاح
***************************


مسطول شايقى جا ليك فى خواجة فى شارع النيل قام سال الخواجة قاليهو عندك سيجارة خدرا ؟الخواجة قاليهو لا والله ما بتعاطى !!!قام مشا وجاهو قاليو طيب عندك بيرة ؟الخواجة قاليو لا والله ما بشرب !!!قام مشا تانى وجاهو قاليو طيب ياخى ما عندك سيجارة حمرا ؟فليو لا والله ما بسجر !!!!المسطول مسكو ليك من تلابيبو وقاليو ناااااااااااااااااااااااااان الكافر ليها شنو؟؟؟؟؟؟؟؟؟؟؟؟؟؟؟
********************

عباس محمد كتب:قرات كل شىء ياودالمناصير
ولم اجد ما اشارك به فى مرافيك الوارفة
التى تكون ظل ظليلا يرطب الجو لكل منصورى اصيل
يجلس تحت ظلالها
تقبل المرور

وأنت أصيل يا عباس .. ووجودك بي جاي .. وجود للروعة والمتعة والألق الجميل

شكرا استاذنا عباس ..

حاتم طه الافندي كتب:

لـﻴــﻜــﻦ ﻗــﻠــﺒــكـ ﺃﺑــﻴــض ﻻﻳــﻌــﺮﻑ ﺍﻟــﺤــﻘــﺪ ﻭ ﻻ ﺍﻟــﻜــﺒــﺮﻳــﺎﺀ
ﻭ ﻧــﻔــﺴــﻚـ ﺻــﺎﻓــﻴــة ﻻ ﺗــﻌــﺮﻑ ﺍﻟــﻤــﻜــﺮ ﻭ ﻻﺍﻟــﺪّﻫـــﺎﺀ
ﻭ رﻭﺣــكـ ﺭﻃــﺒــة ﺩﻭﻣــﺎ ﺑــﺬﻛــﺮ ﺍﻟــﻠّــﻪ ﻻﺗــحــﻤــﻞ ﻛــﺮﻫــﺎ ﻷﺣــﺪ ...
و كــن دائــمـا طــيّــبــا تــتــمــنّــى و تــحــب ﺍﻟــﺨــﻴــﺮ ﻟــﺠــﻤــﻴــﻊ ﺍﻟــﻨّــﺎﺱ
ﻋــﻨــﻮﺍﻥ ﺣــﻴــﺎﺗــكــ ﺩﻭﻣــﺎ ﻫــﻲ ﺍﻟــﻤــﺴــﺎﻣــﺤــة ﻭ ﺣــﺐ ﺍﻻﺑــﺘــﺴـــﺎﻡ
... ﻭ اﻧــﺜــﺮ ﺃﺣــﻠــﻰ ﺍﻟـــﻮﺭﻭﺩ ﺍﻟــﺒــﻴــﻀـــﺎﺀﻟــتفوح عطرآ ﺑــﺎﻟــﻨّــﻘــﺎﺀ ﻭ ﺍﻟــﺼّــﻔــﺎء. . .

حاج حاتم ... سلام

اعشم في كلمات ـ ولو ـ إستجداءا ـ لأرد عليك

فلم أجد غير

جزاك الله خيرا

سافر الفلاح من قريته إلى المركز ليبيع الزبد التي تصنعه زوجته وكانت كل قطعة على شكل كرة كبيرة تزن كل منها كيلو جراما. باع الفلاح الزبد للبقال واشترى منه ما يحتاجه من سكر وزيت وشاي ثم عاد إلى قريته. أما البقال .. فبدأ يرص الزبد في الثلاجة .. فخطر بباله أن يزن قطعة .. وإذ به يكتشف أنها تزن 900 جراما فقط .. ووزن الثانية فوجدها مثلها .. وكذلك كل الزبد الذي أحضره الفلاح! في الأسبوع التالي .. حضر الفلاح كالمعتاد ليبيع الزبد .. فاستقبله البقال بصوت عال ٍ: "أنا لن أتعامل معك مرة أخرى .. فأنت رجل غشاش .. فكل قطع الزبد التي بعتها لي تزن 900 جراما فقط .. وأنت حاسبتني على كيلو جراما كاملا!". هز الفلاح رأسه بأسى وقال: "لا تسيء الظن بي .. فنحن أناس فقراء .. ولا نمتلك وزن الكيلو جراما .. فأنا عندما أخذ منك كيلو السكر أضعه على كفة .. وأزن الزبد في الكفة الأخرى..!"
لا تدينوا كي لا تدانوا .. لأنكم بالدينونة التي بها تدينون تدانون .. وبالكيل الذي به تكيلون يكال لكم

هويدا ابوشعر كتب:سافر الفلاح من قريته إلى المركز ليبيع الزبد التي تصنعه زوجته وكانت كل قطعة على شكل كرة كبيرة تزن كل منها كيلو جراما. باع الفلاح الزبد للبقال واشترى منه ما يحتاجه من سكر وزيت وشاي ثم عاد إلى قريته. أما البقال .. فبدأ يرص الزبد في الثلاجة .. فخطر بباله أن يزن قطعة .. وإذ به يكتشف أنها تزن 900 جراما فقط .. ووزن الثانية فوجدها مثلها .. وكذلك كل الزبد الذي أحضره الفلاح! في الأسبوع التالي .. حضر الفلاح كالمعتاد ليبيع الزبد .. فاستقبله البقال بصوت عال ٍ: "أنا لن أتعامل معك مرة أخرى .. فأنت رجل غشاش .. فكل قطع الزبد التي بعتها لي تزن 900 جراما فقط .. وأنت حاسبتني على كيلو جراما كاملا!". هز الفلاح رأسه بأسى وقال: "لا تسيء الظن بي .. فنحن أناس فقراء .. ولا نمتلك وزن الكيلو جراما .. فأنا عندما أخذ منك كيلو السكر أضعه على كفة .. وأزن الزبد في الكفة الأخرى..!"
لا تدينوا كي لا تدانوا .. لأنكم بالدينونة التي بها تدينون تدانون .. وبالكيل الذي به تكيلون يكال لكم

سلام ... هويدا

وكما تدين تُدان

السيف وين ؟

الراية وين ؟

الراية فوق القصر شامخة .. والراية كمان جريدة

البنوك مسكوا اقتصادنا ونحن جيوبنا على الحديدة

وناس حمد احمد وناس بخيتة ياكلو عيش ماسكا الهيريتا

يا عصيدة فيتريتا

ونحن راجين الضحية .. يا لقينا يا عدمنا ..

وما في صابون لي هدمنا

** أظنك تاكل في بلح ؟

ـــ أظنو

** أظنو حلو ؟

ـــ أظنو

** أظن حا تديني منو ؟

ـــ ظن زي دا ما تظنو

سبحان الله ـ حليل زمن ود لقاي لمان كان يخلو وقف ..

ناس .. تتمرطق .. وناس ..تتمطى عشان تنطقطق .. وناس تشهق .. وناس تجري ما تلحق .. وناس تفلق وناس تتفلق .. وناس تتطفق .. وناس تنطفق

وناس أعووووذ بالله

ود المناصير كتب:يا العبدت المال عبادة ... رانيا طشيت من بلادا

رانيا بل أكتر زيادة

ما بتقدر باللآلي

صلاح حاج سعيد

وكتبت ليك لا بيني بينك ريده لا قصة غرام
اخترت ليك اجمل حروف واصدق فواصل نادره في لغة الكلام
لا قصدي الهو معاك بي كلمات غنى
لا حروفي ليك مرجيحه من شعر الغمام
وكتبت ليك والله يا قمر الزمان
شان جيتي بي زمن المحنه
وشفت في عينيك حس اهلي القدام
وكتبت ليك وانا جاي من زمن الشقا
مرسوم على وش الثواني مظللا
تتمدد الساعات سنين
تتفتح الاحزان غريبه ومذهله
واشتاق افتش نسمه في الزمن العذاب
وايامي من كتر الاسى وكتر العزوف والاغتراب
صارت حروف مترهله
كلمات اسيفه ومهمله
وكتبت ليك وكتبت ليك
ووقفت ليك لامن لقيتك جاي في قلب الطريق
ولمحت فيك راحة المشاوير البعيده
ولفحة النسمه الحنينه الجاية من جوف المضيق
حسيت عجايب الدنيا اتلمت
بقت جاياني من عصر سحيق
عينيك حس اطفال بنادو القمره للغايب يعود
وجبينك الضواي حجا حبوبه في الزمن السعيد
يا قمره اقلبي السنسني الحمره شوفي ابوي جا وله ما جا
وانا في قساوه الزمن الموحش المكهرب بالحريق
انا حيلتي ايه انا حيلتي ايه قول لي يا قمر الزمان
غير اتكي واحلم معاك واحضن اماسي الصحو والامل البريق
قولي لي يا قمر الزمان انا حيلتي ايه قولي لي يا قمر الزمان

مساطيل اتسطلو ورجعو ف الحله كلهم عاملين انهم بيسوقو ف الركشات اررر اررررر ارررر الا واحد بس فيهم ساكت ساى؟ جاء واحد سالو: انت الناس دى مالها؟ المسطول قال: اركب اركب انا من قبيل مستنى لى مشوار؟؟!! __________________
مسطول شغال فى المباحث ومتابعين مجرم المسطول للضابط : المشتبه به ركب تاكسى وانا ركبت ركشه للتمويه الضابط : حلو المسطول : المشتبه به دخل بقاله اشترى كولا وانا اخدت ميرندا للتمويه الضابط: حلو المسطول : لمشتبه به اخد طريق عطبره وانا اخدت طريق بورتسودان للتمويه الضابط : ارجع القياده يابن الكلب
___________________
مسطول راكب حافله الكمساري قاله الحساب المسطول قال ليه ماعندى والله الكمساري ضربه على كتفه وقاله خلاص مش مهمالمسطول قال للكمسارى اضربني تاني الكمساري ضربهالمسطول كورك لصحبه وقاله--... ------حسن م تدفع خلاص دفعت ليك
___________________

مسطول شاف ناس فى سباق قال لى صحبو دول جاريين مالهم ؟؟ قال ليه بيتسابقوا والاول بياخد جائزه ..رد المسطول طيب الاول عندو جائزه الباقيين جاريين مالهم !?
______________
مساطيل واقفين صف جاء واحد مارى استغرب سأل آخر واحد قال ليه واقفين مالكم ؟؟ رد المسطول ماعارف لقيتهم واقفين ووقفت ..سال القبله والقبله برضو نفس الرد لحدى ما وصل اول واحد قال ليه : واقفين مالكم ؟؟ قال ليه انا دنقرت اربط جزمتى لقيتهم واقفين وراى..قال طيب جزمتك وربطها امشى يخ ..رد المسطول : ليييييييه امشى بعد بقيت اول واحد فى الصف
______________
في فار مسطول لاقى فار صاحبو قال ليهو يازول مالك بقيت سمين كدا ...التاني قال ليهو والله ساكن في سوبر ماركت...الفار المسطول قال ليهو خلاص انا بكره جاييك...قام مشى السوبر ماركت لقي مصيده فيران قال ود الكلب شغال في المباحث ______________
مسطول وقّف تكســي و ســأل السواق : توصــلنا البحر انا و كلبي بى كم ؟؟؟ السواق : انت 20 ج و الكلب 5 ج المسطول : يا رااااجل إعتبرنا كلبين و اتوكل !!!?!?

كل طائر مرتحل
عبر البحر
قاصد الأهل
حملتو أشواقي الدفيقة
ليك ياحبيبي للوطن
لترابه لشطآنه
للدار الوريقة

يا حليل البلد ياحليل ليالى صباها
يا حليل المشارع كانوا يندلوبه
صرخات الصغار فوق الشواطى تملى
الشبال ينح تنكعنا بى ام روبة
يا البلحك سمح قنديلة وودلقاى
وقراصة قمح من نارا رابط روبه
يا حليل النخيل ام شيرتداعب فيو
يقلدا بى جريدو يمكن تانى مانتلاقا
ما معروفه آهات الزمان ودروبة
غراقك يابلد والله ماراضنوا
نار شوقك تبق جوا النفوس مغلوبه


تقبلوا ذلك عله يجد مرتعا فى
مرافيكم وظلالكم الوارفة

فعلا فى هذه الايام بالذات ام شير
لم تجد جريدا للنخيل تداعبه

في عالم المصارعة .. هناك من يتحول إلى مصارع شرير ..

والسبب لزيادة الإثارة وشد الجمهور

وهذه الأيام .. جون سينا يتم تحويله ليكون كذلك

ولكن ..

حدي فاهم حاجة

انا عارف وساكت .. ولكن ليس كل الناس ـ في حلبة المصارعة

والما عارف يقول ـ جلا ـ بلغة اهل الضمنة

جلا يازعيم

ود الطرشان كتب:[quote="
يا قمره اقلبي السنسني الحمره شوفي ابوي جا وله ما جا
وانا في قساوه الزمن الموحش المكهرب بالحريق
انا حيلتي ايه انا حيلتي ايه قول لي يا قمر الزمان
غير اتكي واحلم معاك واحضن اماسي الصحو والامل البريق
قولي لي يا قمر الزمان انا حيلتي ايه قولي لي يا قمر الزمان

العريس .. الركن .. سلام

وتنشد القمرة .. العوينين البطينين عن شليلا

يا شليل ما شُف ولادا هد ظلم الدنيا حيلا

يا شليل ما شُف بطانا هد ظلم الدنيا حيلا

***

عزيزي .. نفتحها صفحات ومساحات للونسة والبوح الجميل

قوامها أقلام تعرف المعنى والمغزى وقلوب تسع الجميع

واصل .. قريبي .. شدهات الحياة هذه الأيام على أشدها .والحمد لله... وستأتيك الأخبار

أبقى عشرة .. اكرب سريك .. تزود واطلق للقلم العنان

اصلي منك ما بشبع ولا بقنع

هويدا ابوشعر كتب:كل طائر مرتحل
عبر البحر
قاصد الأهل
حملتو أشواقي الدفيقة
ليك ياحبيبي للوطن
لترابه لشطآنه
للدار الوريقة

تسلمي .. أستاذة هويدا

ونشكرك جدا على النكات الرائعة .. ونشكرك للتميز ـ فهما ـ وإسهاما ـ

وحسين بازرعة .وعثمان حسين .. دائما نعيش معهما هناك على شطآن البلد على أجمل حقيقة

ننتظر المزيد .. نوعا .. وكيفا ..وألقا رائعا

عباس محمد كتب:
يا البلحك سمح قنديلة وودلقاى
وقراصة قمح من نارا رابط روبه
يا حليل النخيل ام شيرتداعب فيو
يقلدا بى جريدو يمكن تانى مانتلاقا

الله عليك .. عباس ..

ما أحلاه مشرق ود لقاي وقنديل ومدين وبور وبركاوي و ... يا الله

إنت عارف يا عباس .. هناك تمر يقوم نوا ـ حصى ـ دا نفرو برا .. في الحلق يعشرق حاجة عجيبة

والغريب في الأمر حتى الآن لم نقرأ ـ بحثا ـ في هذا الأمر ..متابعة ودراسة

على كل حال ... تسلم عباس ونشكرك جدا على التواصل الدائم

سلمان عقيد النعوفابى كتب:جلا يازعيم

يا أرباب ... سلام

والله أجد نفسي مضطرا لإعتذار ..

فأنت أكبر من أن نشركك في ـ مشاداتنا ـ

ونبقى ـ داخرنك يا شيال التقيلة لي قدام ولي قدام

لما تتكسر النصال على النصال ..ويعجز الحجاز ..عارفين نمشي وين ؟

السيف مركوز وين ؟

الدرق وين ؟

السبح الطوال وين ؟

الحكمة وين ؟

تسلم يا سلمان

هناك الحال مغير جد

وهيجة الناس تفوت الحد

وكان حجازا مد اليد

تسمع ـ كع