مرافيء وظلال

تذكير بمساهمة فاتح الموضوع :

بدءا .... اقول للجميع :

سلااااااااااااااااااااااام

ثانيا :

هي مساحة للبوح الهادئ ولكن بصوت مسموع ...

فقد طرقت كل ابواب المنتدى ووجدتها جحيما ـ أن جاز ـ هذا التعبير ... وحتى تلك التي دخلنا إليها بكلمة .. سلااااااام ... وهي كلمة واحدة نطلقها في وسط الردود عندما لا يعجبنا الحال ...

ولكن من يسمع ؟

لذلك قررت أن أنشيء مكان ـ خاص ـ ارجع إليه اناجي فيه نفسي ... وأونس براي ... وكمان أجيب نكات

وطبعا هذا الإجراء عندما يتعكر الجو ... ولا يسمع لنا صوتا ...

صحح سأتحدث هنا عن أشياء متفرقة ... وملاحظات عامة ...

من أراد مشاركتي فالباب مفتوح للجميع ... فقط المفتاح ... لا مهاترات لا تجريح

******************************

المرافيء والظلال ـ فقدت ود عون الله

الزول دا وين ؟

الزول دا خلانا في نص الدرب وفات ..

يا زول نخاف ـ

نخاف من الدعت ـ العقارب ـ الدبايب

السهايب والنهايب

نخاف من نفسنا ـ مننا ذاتنا

نحاف نخاف

يا سندنا ودرقنا ضد الخوف ـ يا قدوتنا ـ واصل حكايتنا ـ وينك ؟

وينك يا عاتي يا شلال ودعينة ـ العرقو لاوي

وينك ـ وينك يا عالي ـ كالفعال وبوني والباقدان ـ تداري تضاري ـ تحن ـ تفزع ـ تصادق تخاوي

وينك يا غالي ـ بين صهاديب التعب ـ نوخت دابك ـ ختيت رحالك ـ ـ لكنك خليتنا ـ مالك ؟؟

يا حليل الساقي لما تدور

وشافع فوق تكل فجراوي ينهر بقرو بالطمبور

عشمنا كان ولا زال ـ طموح بلا حدود

عشمنا ـ ناس عزاز واصال ـ يرتقوا فتق السنوات ـ ويرتقوا بنا فوق السحاب ـ هامات ـ رجالة قوة وثبات

حليل الدانقة ـ والكبد الكُشر

انتو تجرو ـ وبي وراكم نتحن نجري ـ وللوراكم ما بتفكرو

انتو في الطابق الحداشر

ونحن في الحارة الحداشر

انتو توصلو من تلاتة ونحن نقعد لي حداشر

الفرق بيناتنا شاسع ـ انتو ماسكين ياتو شارع

انتو حارساكم مدافع ـ

ونحن بالليل أي شافع يقوم يكورك يمة يابا ويمة شالتني العصابة ـ وبرضو تجرو

تسلم يا ود المناصير بسؤالك عن ود عون الله
وان شاء الله المرافئ دايما عامرة

وود عون الله محتاج لان يكون اليوم 72 ساعة وليس 24
مشغوليات وجري ... والاجازة محدودة

وتعرف الزمن مهدر فى السودان .. اللى ممكن تقضية فى ساعة... فى السودان بياخد يومك كلو
الله يعين

انتصار حجازي كتب:تسلم يا ود المناصير بسؤالك عن ود عون الله
وان شاء الله المرافئ دايما عامرة

وود عون الله محتاج لان يكون اليوم 72 ساعة وليس 24
مشغوليات وجري ... والاجازة محدودة

وتعرف الزمن مهدر فى السودان .. اللى ممكن تقضية فى ساعة... فى السودان بياخد يومك كلو
الله يعين

تسلمي يا إنتصار ـ رمضان كريم ـ تصوموا وتفطروا على خير

فقط ـ بلغي زولنا ـ إنو في زول هناك ـ قولة عوافي تملاه عافي من الساس للراس ـ زاد ورفقة اساس وإحساس .. في دروب صعب مشيها على كل الناس

وبــقــيــت أغـــنــــي عــلــيـــك ..
غـنــاوي الـحـسـرة والأســـف الـطـويــل ..
وعــشــان أجــيــب لــيــك الــفـــرح ..
رضـــيـــان مــشــيــت للـمـسـتـحـيـل
ومــعــاك فــــي آخـــــر الــمـــدى ..
فتـيـنـي ياهـجـعـة مـواعـيــدي الـقـبـيـل ..
بعـتـيـنـي لــــي حــضــن الأســـــى ..
وسـبـتـيـنــي لــلــحــزن الـنـبــيــل ..
******
ومشـيـت مـعـاك كــل الخـطـاوي الممـكـنـة ..
وبـــقـــدر عـلـيــهــا وبـعــرفــهــا ..
أوفـيـت ومــا قـصـرت فــي حـقـك ولا كــان..
عـــرفـــة غـــيـــرك أصــادفــهـــا ..
وقــــدر هــــواك يـجـيـبـنـي لــيـــك ..
جـــمـــع قـلــوبــنــا وولــفــهـــا ..
وكتـيـن بقـيـتـي مـعــاي فـــي أعـمـاقـي ..
فـــي أعـمــاق مـشـاعــري الـمـرهـفـة ..
لا مـــنـــك إبـــتـــدت الـــظـــروف ...
لا بــيــك إنـتـهــت الأمــانــي الـمـتـرفـه
******
نــــــدمــــــان أنـــــــــــــا ..
أبــداً وحـاتـك عـمـري مــا شـلـت الـنــدم ..
مــــا أصــلـــوا حـــــال الـدنــيــا ..
تـســرق مُـنـيـة فـــي لـحـظـة عـشــم ..
وأنـــا عـنــدي لـيــك كـــان الــفــرح ..
رغــم إحتمـالـي أسـاكـي يــا جــرح الألــم ..
كان خوفي منك جاي .. من لهفة خطاك على المواعيد الوهم
أهـــوه نـحــن فـــي الآخـــر ســــوى ..
بـــاعــــنــــا الــــــهــــــوى...
مـاشـيــن عــلــى ســكـــة عــشـــم !!
وبــقــيــت أغـــنــــي عــلــيـــك ..
غـنــاوي الـحـسـرة والأســـف الـطـويــل ..

اشوف شافع جاري

وعرقو جاري

وقميصو اللابسو عدمان الزراري

وتكذبو في الازقة والحواري

وبرضو رواه مسلم والبخاري

من الطرائف في رمضان :
قبل ايام احد الشباب حكى لنا الطرفة التالية ـ:
قال في اوائل علاقته بصيام الشهر الفضيل كان يسكن معه قريبه ـ وكان ينوموا في ديوان كبير وواسع ـ يختو سحورهم جمبهم وينوموا ويظبطو منبه الساعة ـ
وفي مرة من المرات لم يصحوا بالمنبه ـ
وقام هو صحا وطوالي صحى قريبو للسحور ـ ولما فتح الشباك لقى الشمس شارقة تب ـ وصاحبو كورك فيهو ـ اقفل ـ اقفل اقفل
وقفل الشباك وضربو السحور ونامو تاني

صاحبنا سألوه ـ عامل كيف مع رمضان ؟
قال والله لو ما الجغيمات البي ناخدا مع الوضوء دي كان تعبنا

لا بد تعود ايام مضت
تسكت جرح كل السنين الضائعات
وينداح وتر يكتم نفس شعر الغنا
ويرجع قلب شال الهموم فى عز ضهر
وفى ليل ضلام غربة وسفر
ويمسح خيوط المستحيل البرقن
ويكتم حنان جوا الحشا


رمضان كريم

بسم الله وصلاة أبدية سرمدية متوالية متتالية على الحبيب المصطفي

واما بعد

صديقي سلام---أهل الدار سلام---سلام يا أمة --سلام يا قبيلة---سلام

جئناكم نتوكأ على عصانا بعد أن أثقلنا الشوق إليكم

جئناكم وبابور الشوق يسوي التح والنز وصل السلم والمرخ والتبس


رمضان كريم وتقبل الله صالح الأعمال

واحد حلفاوى قال واللة الشهور العربية امرها يحير ربيع اول ربيع ثاتى جماد اول جماد ثانى الحمدللة مابقى فى رمضان ثانى

كيلو اللحم بى كم؟

أربعين جنيه

أول الخروف بى كم ؟

مليون جنيه

أصلو فيه كم كيلو ؟

سوري الكيلو بالجنيه الجديد وسعر الخروف بالجنيه القديم

ايواااااه

طيب عد سكان السودان كم ؟؟

فوق الثلاثين مليون

أها دا بالجديد ولا القديم

والله ياصديقي جهجهونا جهجهة بين القديم والجديد لامن شكينا في نفسنا نحن تبع القديم ولا الجديد

أصحاب القلوب الرهيفة---يحتجبوا

أصحاب الدموع النازلة حنينة وكابي خريفة---يحتجبوا

حديث النخلة الوقفت طولة وقالت قولة شتاها وصيفة---إحتجبوا

******

لو سابوني نا الحبان

وفاض النيل مع الوديان

بقيت وحيدة وسط النيل تحت النيل مع الحيتان----ما برحل

********

كانت الإجازة في موسم التمر--أكلنا أم راس وام نص والمعصوض---براها ومع جبنة المقيل--طعنا الشوك كمان

زارنا أهلنا المناصير تباعاً لماماً فرادى وجماعات ---الطلب كلو على البقوعي وأم راس--كسرة لا --فطير وقراصة لا

******

زارنا أحدهم ونظر إلى البقوعي فى الصحن--نظر إلى النخيل ---شاف السبيط مدندح بالصفوري--أم راس وأم نص

صنقر دنقر وسالت الدموع من عينيه شلال

ماتت النخلة وتركتنا يتامى-بلا أنيس بلا جليس

ماتت مقتولة---ماتت واقفة طولة--لم تهتز ولم تركع

صديقي سلام--سلام مطايبة---سلام معايدة ---سلام أشواق بلاحدود

وقفنا اليوم بابور الشغل وختينا الطورية والكونشبر وقلنا نشرب الجبنة مع التمر ونلعب الطاب والسيجة تحت ضل ود لقاي

لكن قبح الله النت اليوم يقطع ويتمتم زي كب الجركانة---منعنا خيراً كثيرا من الكتابة --من التواصل---

من العايدين بدون زين العابدين

وعيد مبارك بدون حسني مبارك

وعيد كافي وافي بدون معمر القذافي

وعساكم من عواده بدون علي صالح وأولاده

وعيد بلا حسد بدون بشار الأسد

وكل عام وأنتم بخير مع أبو متعب الخير

رحل بعض المناصير إلى منطقة المكابراب---قد نختلف معهم ---قد نتفق معهم

ولكن نتفق بأنهم بني جلدتنا --أهلنا--من لحمنا وشحمنا--من ذاتنا والضفر عمرو ما يطلع من اللحم

سميت المنطقة بإسم المناصير الجديدة ---علي وزن حلفا الجديدة---وكنا نحلم أن يتلألأ الإسم حتي يكون زي نيو أورليانز---أورليانز الجديدة

أصبت بخيبة أمل كبيرة عندما رأيت إسم المكابراب يتصاعد

بدأ المكابراب الأصليون ينادون ويكافحون وينافحون لأخذ القرية ستة

أوقفت إدارة السدود من هذا الموسم التقاوي والسماد والحراتة---الله يستر ما توقف الموية---معظم الناس ضعاف --وهم أهلنا

لسنا عنصريين---لسنا عرقاً نقياً---لسنا شعب الله المختار ---لكن لنا خصوصيتنا --لنا عاداتنلنا تقاليدنا الخاصة بنا

هنالك بيع وبى كثافة للحواشات والبيوت----ومكاتب السماسرة في عطبرة والدامر تنشط في عرض الحواشات والبيوت

أدركوهم --أدركوهم قبل فوات الأوان---الا وقت للإختلاف--والزمن متسارع بأسرع مما تتخيلوا--أدركوهم

ود عون الله كتب:رحل بعض المناصير إلى منطقة المكابراب---قد نختلف معهم ---قد نتفق معهم

ولكن نتفق بأنهم بني جلدتنا --أهلنا--من لحمنا وشحمنا--من ذاتنا والضفر عمرو ما يطلع من اللحم

سميت المنطقة بإسم المناصير الجديدة ---علي وزن حلفا الجديدة---وكنا نحلم أن يتلألأ الإسم حتي يكون زي نيو أورليانز---أورليانز الجديدة

أصبت بخيبة أمل كبيرة عندما رأيت إسم المكابراب يتصاعد

بدأ المكابراب الأصليون ينادون ويكافحون وينافحون لأخذ القرية ستة

أوقفت إدارة السدود من هذا الموسم التقاوي والسماد والحراتة---الله يستر ما توقف الموية---معظم الناس ضعاف --وهم أهلنا

لسنا عنصريين---لسنا عرقاً نقياً---لسنا شعب الله المختار ---لكن لنا خصوصيتنا --لنا عاداتنلنا تقاليدنا الخاصة بنا

هنالك بيع وبى كثافة للحواشات والبيوت----ومكاتب السماسرة في عطبرة والدامر تنشط في عرض الحواشات والبيوت

أدركوهم --أدركوهم قبل فوات الأوان---الا وقت للإختلاف--والزمن متسارع بأسرع مما تتخيلوا--أدركوهم

صديقي ـ سلام مطايبة ـ سلام معايدة ـ سلام تصافي ـ سلام تعافي

والله هذا الموضوع ـ يفقع ـ ما تبقى من المرارة

ارجو شاكرا نقله إلى بوست منفصل حتى يجد حظه من النقاش ونصل فيه إلى رأي صائب خالص للوقفة مع الأهل في كل موقع ومكان

ارجو ذلك

**

توهيطة

**

بضاعتنا لن تبور ـ ولكن من يفهم ـ من يعي من يقول

ولكني ـ لهم ـ جميعا

بمناسبة العيد السعيد اهديكم هذة الاغنية الرائعة
غريب وحيد في غربته
حيران يكفكف دمعته
حزنان يغالب لوعته
ويتمنى
طال بيه الحنين
فاض به الشجن
واقف يردد من زمن
بالله يا الطير المهاجر للوطن
زمن الخريف
تطير بسراع
تطير ما تضيع زمن
أوعك تقيف
وتواصل الليل بالصباح
تحت المطر وسط الرياح
وكان تعب منك جناح
في السرعة زيد
في بلادنا ترتاح
ضل النخيل أريح سكن
وفوت بلاد وسيب بلاد
وان جيت بلاد تلقى فيها النيل بلمع في الظلام
زى سيف مجوهر بالنجوم من غير نظام
تنزل هناك وتحي يا طير باحترام
تقول سلام وتعيد سلام
على نيل بلادنا سلام
وشباب بلادنا
ونخيل بلادنا
سلام
بالله يا طير قبل ما تشرب تمر على بيت صغير
من بابه
من شباكه
بلمع ألف نور
تلقى الحبيبة بتشتغل منديل حرير
لحبيب بعيد
تقيف لديها
وتبوس إيديها
وأنقل ليها وفاي ليها
وحبى الأكيد

قالوا بعيدة ما بصلك رشاش لانز

جاتنا سريعة إيدة غليظة شايلة مجز

وصلت لينا عرضت فوقنا هزت هز

مسكت راسنا جزت جز

مسكت فينا ضربت فينا---وقعت بز

ومن يتهيب صعود الجبال ــ يعيش أبد الدهر بين الحفر

وهكذا الدنيا

إذا أقبلت باض اليمام على الوتد

وإذا أدبرت بال الحمار على الأسد

شبكتكم تجر جاري الرجال مو حوت

جاتنا الأميرة--أميرة

حارساها الجنود في سيرة

هي الملكة --هي أميرة

قلنا نرد--لقينا النفس في حيرة

تسلمي

وكل سنة وأنت طيبة

معذرةً أختي أميرة--فما أنا من صديقي إلا كطفلٍ صغير يجمع الكرة المسرجة من الآوت حتى نستمتع باللعبة الحلوة المعزوفة على لحنٍ جميل

شكري مرفوع للأس لا نهاية

المورنجا---الشجرة السحرية

لاحظت في إجازتي أن إسم هذه الشجرة صار أشهر من أخبار سقوط الطائرات السودانية-أي واحد يقولوا عيان يقولوا ليه عليك بالمورنقا

يا خي دي تداوي أكثر من 360 مرض يعني أكيد ما حا تجلي--دي صيدلية متكاملة----راجت زراعتها ---راجت تجارتها

بحثت هنا وهنالك فلم أجد شيئاً مؤكداً يرسينا على بر---ربما كانت شجرة طبية--ألم يكن من الأجدى أن تجري عليها أبحاث علمية قبل تعظيمها هكذا

الناس تتداولها وتتناولها علاجاً بدءاً ثم تنشد العلاج بعد أن يستفحل المرض---هنا للخطورة مكمناً

أخشى أن يكون الدافع غلاء أسعار العلاج والدواء

أيام أزمة الخبز زارني صديق في عطبرة -سألناه عن أخبار الخرطوم-قال عيش ما في ---الناس واقفة طوابير عشان يلقولم رغيفات

لم نكن نعاني من هكذا أزمة ---المخزن ملياااان والحمد لله---القراصة أم ضهراً أحمر وكم بوصات--الفطير زي الساكوبيس---المراع والشعال راااقد

قال صديقي لكن الناس لقولم حل---شفتوا القرقوش الناس بقت تختوا في صحن وتملأ حلة كبيري موية وتغليها فوق النار تخت الصحن المليان قرقوش فوق الموية وتكبت الحلة

تصدقوا العيش يطلع فريش زي اللكنو جايي من الفرن طاااازة

والدي بصراحته المعهودة الكاربي ديك لامن مرات تضرس قال ليه يا ولدى بقيتوا تاكلو في أكل الحمير والغنم والله إنتو المجاعة أخدتكم تاب يا ولدي أرجعو علي أهلكم

الرائع ـ صديقي ـ ود عون الله ـ الراقي ــ سلام

والله الشوق بحر ـ فقط اصبحنا نتاوق بي جاي ـ مشغوووول شديد ـ ومرات سفر ومرات سموم واحيانا عجاج ومرات حرا شديد والجو ملخبت وما صفا والحالة كيفن بوصفا

ولكن هانت ـ ايام ـ ونجيكم بمزااج

شجرة المورنقا ـ الشيخ مصطفى عمر الحسن كتب عنها في القسم العلمي في وقت سابق وانا رفعت ليك البوست اليوم

ونحتاج للموضوع علميا ، ودي نخليها عليك ـ

والله عليك يا خاتي القول ـ مهما اعيد مهما اقول وصفك فات حد المعقول ـ الله ليك يا زول يامهول

تعظيم سلام وإجلال وإكرام للقامة ود المناصير ودكتورنا ود عون الله وضيوفكم الكرام بمنتجع مرافىء وظلال .... موقع راحة البال فى زمن كثرة فيه الأشغال وتبدلت فيه الأحوال ... نفوسكم الطيبة وونستكم العامرة أضفت على المكان أبق وأريج ينداح عطرا ًوبردا ً وسلاما ً لكل زائرى الموقع ... لقد زرت الموقع لأكثر من مرة .... شدتنى روعة المكان وإبداع الإنسان وسلاسة البيان وفى حضرة هذا الإبداع تتقزم الحروف وتتقاصر الكلمات ونكتفى بالدعوات الطيبات ...لله دركم _
تقبلوا تحياتى وودى ،،،

ميسي

الجنا اللعاااااااااااااااااااب داك

هو في زول ماب يعرفو --حتى حبوبتي تعرفو---الله يخليك لينا يا ميسي تخت الكورة في الشبكي

الجنا دا من يات فجة ---دحين هو ما هو عربي من قبيلة طي --دحين هو مسلم

يا زول إنت جنيت ولا شنو ---الزول اب نخرةً طويلي من الأرجنتين --وبعدين ما هو مسلم

ياخي الغريبة الجنا اللعاب دا متبني علاج طفل مريض بالمغرب العربي لمدة ستة أعوام متتالية لا كل لا مل

أظنو منصوري ولا أنا غلطان

******

تخريمة

أنا أكره حروس الموية--حروس الشركة--سروح الغنم--

يا كريم يارب تسهلها

سفرة ؟؟؟؟؟؟؟؟؟؟؟؟؟؟؟؟؟؟؟؟؟؟؟

فى عام 1989 سافرت من المناصير للجزيرى ؟؟ رحم الله جدى (على سليمان نمورى ) على كان الوسطى بتاعنا وكنا شغالين فى الشركة الخضراء وكنت شغال فى وظيفة مساعد المدير المالى للشئون المالية والادارية ؟؟؟؟

لكنى لااجيد الفهم الجيد للادارة يعنى فى الادارة زى حكومة السودان فمشكلتها ازمة ادارية وازمة سياسية ؟؟؟ والمهم اشتغلت وفى مرورى لمحت يافطة مكتوب عليها جامعة الجزيرة ؟؟؟؟؟؟؟؟؟؟ وشفت وشفت الصيد نازل ؟؟ وشفت الخضار ؟؟؟؟ وتنحيت جانبا سائل الذى لايخيب عباده ان يدخلنى ويحشرنى فى زمردة الداخلين لهذا الصرح العملاق ؟؟؟ وقد كانت الدعوة مستجابة والحمد للله ؟؟؟ واثناء ما نحن شغالين اتى الينا لفيف من المحترفين يبحث عن عمل بقيادة الوسطى على الاحمر ؟؟؟؟؟؟؟

وكانت الدنيا خريف ؟؟؟؟ غربة ومطر ؟؟؟؟

فعندما اتى الينا الضيوف رايت قسمات وجه الوسطى قد تغيرت ؟؟؟ ونهر كالاسد ياولد ؟؟

وكنت اصغر زول فى التاى ؟؟؟؟؟؟؟؟؟؟ فاجبت نعم ؟؟؟ اعملوا حساب عشاء الجماعة ديل مظبوط ؟؟؟ فتعلمت ان الحلة بصل ؟؟؟ والفول زيت من تلك اللحظة والقراصة صاج ؟؟؟؟

فكان عشاء يليق بمقام كل من يمتهن مهنة الشركة الخضراء ؟؟؟ والمهم فى الموضوع مرت الايام وتدرجت حتى وصلت الدرجة الخامسة بنص الخدمة الطويلة الممتازة ؟؟؟؟

ولحظتها عرفت ان اصعب المهن لاصعب الرجال ؟؟؟ هم فى عملهم كالعنج ؟؟؟؟هم اهل حضارة وعلم وفن ؟؟؟ غير ان التاريخ غير ملامحهم ؟؟؟؟ وجاء الطوفان وحليمة عادت الى قديما؟؟؟؟





ولى عودة

تحياتى

ابو مصطفى

هناك من يحبك بصمت
ويحترمك بصمت
ويبتعد حين يراك مشغولا بغيره
ويمنعه كبريائه من الاغتراب منك
ويكتفي بالحب من اجل الحب

آآآآآآآآآآآآآه ياود لقاي ضلك بقى سموم --كتاحة وعجاج--ضل شنو--ضل ما في --ولا حتى رقراق

جانا اب كباس--جانا الهلواس---والملاريا طلعت في الراس

ود لقاي عاول--لا قروعة--لا دفيق ---لا مغمول---لا صفوري ---حتى السيس والكرموش إنعدم--يا ناس هووووي ود لقاي يبس