مرافيء وظلال

ابوسما كتب:عفوا ود المناصير ديل هدندوة كسلا ولا طوكر؟؟؟
تخريمة ناس سيدى ديل مغطين الشرق كلو

ود المناصير كتب:
وعليكم السلام أبو سما

ديل هدندوة ما عندهم سكاكين

حاتم طه الافندي كتب:مشكور ودالمناصير

غريب حال هذا المنتدى

دخلت كثير من المنتديات فما وجدت فيها ما وجدته هنا

ملاسنات واساءات وحاجات عجيبة

الاسباب معروفة والحلول معروفة لماذا لا ينصلح الحال

هل هي عقوبة ربانية ام خلقة لاتتغيير

الان انت فتحت بوست مرافئ وظلال

بعد شوية ح يقلب مدافع وهجير !!!

كان الله في العون

ابوسما كتب:ed]ما زى ود حاج قائم قاعد شايل سكينو؟؟

جبريل عبدالرحمن كتب:واصل ود المناصير ،متابعين

عبد الواحد جبريل كتب:عشان يقولوا ليها يا بت ما تقعدي ساكت

حاتم طه الافندي كتب:[ندعوك للتسجيل في المنتدى أو التعريف بنفسك لمعاينة هذه الصورة]

هاشم علي الجزولي كتب:ود المناصير التحيه

لاتهتم الي مايقال ولكن اجتهد لتقدم مايرضي الاخرين

عبد الواحد جبريل كتب:لا يا زعيم هذه ليس لها اي معني اخر ذي سابقاتها بس الطرفة والفكاهة

سلمان عقيد النعوفابى كتب:ود المناصير –اها الزول ان بقى داير يشرب معاك الجبنة هنا اعلك اب دتوا نهرة—

كان الناس تصفى الضمير

نجى ونتونس مع ودالمناصير

ونخلى النضمى الكلو تنظير

وكيف يكون لو ماعبر الاثير

كان العكاكيز والفرارير

حتى عود الجوز والدمير

وكيف كلامنا يفوتنا للغير

دحين تفتح الديوان الكبير

ونشرب الجبنة مع العصير

والعشا اللبن ومعاهو الفطير

نضحك وننبسط وتنفرج الاسارير

نجلاء زمراوي كتب:حياك الله اخي ابن بلدي ود المناصير
انقطعنا عن المنتدي حتي تهدي النفوس وتعود المياه الي مجاريها اقصد بمجاريها عدم الكع والكف فلم نجد غير المرافئ لكي نستريح فيها ونواصل المسير الي الونسه في قسم ونسه سااااكت ثم صالون انتصار سواء ذلك فعلي المنتدي السلام

اخوتي فاليكن شعارنا نلتقي لنرتقي فالمناصيير محتاجه للرقي والتنميه وليس الي انا وانت والفات مات فاليعذر بعضنا فييما اختلفنا فيه ولا يسئ بعضنا فهم بعض....عفوا ود المناصير فقد خرجت من مسار البوست فلك العتبي

واصل اخي فلابد ان نجد مكان نستظل به ...

حاتم طه الافندي كتب:

مرات حزنا نلونو.. نغلفو

بي توب فرح.. بي بسمة
غايتو بنسترو
مجبور تجامل الناس جبر
بس الجواك بكويك براك
مابحس بيك حتي الصديق
لا يضوقا ..زيك وجعتك
ما برتي ليك ..وبهتم بيك
زى دمعتك..
بتقيف معاك..وتسندك
تغسل فراقك..ولوعتك
والاه بتبقي.. ليك غطا
تستر عليك..
وتلملمك ..وتدسدسك
من ضحكة الحوليك عليك
يوم التقع .. يوم الوجع
ما بترحمك..غير دمعتك

اميره الحومرى كتب:ود المناصير

تحيه واحترام

منكم نستمد الامل بان المناصير بالف خير

سلمان عقيد النعوفابى كتب:ود المناصير---


---دا مو كتير على
ولدا مربى على ضفاف النيل وكت ولدوه دفنو ابواتو صرتو فى مراقد الخيل


---سواقى تسوق تلوت
الليل –




ونخلو متكى شايل العجوة والقنديل




والقمرى من بعد الألم
والحسرة والنوح والجراح


بعد الدموع السايلة
دايما وعمرو فى كفكيفا راح


فوق السبيط زوزا ورقص
طربان يزغرد للصباح


واوتارطنابيرنا الابت
ياحبى فى غيبتك ترن


حلفت يمين ماتجيب نغم
يفرح قلوبنا ويسعدن


عادت هى زى ايام زمان
تشرح نفوسنا وتبهجن-


ود المناصير لك شكرى
وتقديرى واحترامى –


لى كمت ايام بابورى
خربانى –الاسبير فتشنا فى السوق ما اتلقى –وقمحى خلاص عطش تب-


قريت هذه الكلمات فى
حقى واراها كثيرة –


الديوان (المرافى
والظلال ) تراه اتملأ تب


من قبل قلت ان ود
المناصير زول حار وغيور –


سائل الله الكريم
ايام زمان فسراع يجن


نسقى النخيل نرويهو ونزرع
جروفنا تانى يخضرن


ونندلى عصراوية نلقى
الحريم فى اللوبا سماحى يورقن


ننسى الجراح والهم
يزول وتعود طنابيرنا تانى ينقرشن


فى محاولة النجر
اعلاه تذكرت ابيات –محمد سعيد دفع الله:


مشتاق لقعدة انا بى
تحت قييلة فى ضلا تخين


راماهو تمرة وبرتكانة
ومنقة فى الجيهى اليمين


أرقد على سدرى واكركع
فى الجديول واروى زين


عفوا ود المناصير
الناس فى المرافى الواحد مرات يسرح بى خيالو –ويقرب يخرج من المضمون –


جاييكم راجع للمرافى
الظلال—

ود عون الله كتب:الرائع دوماً ود المنصير

جيت مدلي حارقاني الشمش وعرقي نازل وريقي ناشف

لقيت ما شاء الله ضلك رهين وسعنك مليان موية باردي

أكلتلي نكات أقصد تميرات وغشيت البييتات وسلمت على الفيها

وهسع إتوسدت إيدي وداير أنوم واحلم

ود عون الله كتب:صديقي ود المناصير-----من القلب إلى القلب جسور

تمرك السمح دا خلاني إتلمط لكن عليك الله ما تكورك لا فوق يلحقونا بالجبنة الواحد يتملي فل ويتكيف

شتلتك القايمي براها ديك حكايته حكايي ،شرابه تب علي من البابور وكان الجماعه إتلولو لومك بي

إندلا الحداره واسقيها بى جوزى

يا ود المناصير الضل الرهين دا ما تخلينا نعمل فيه باشت صاحبنا محمد علي

باقي إشتهينا الرتوتي طولنا منو خلاص