مرافيء وظلال

ود عون الله كتب:ديل خمسين--
ديك خمسين----
لا عشرين ولا سبعين
بس يكون مجدوعة في ستين---
ديل خمسين----
دي الميلاد---لا--دي التسنين
أنا المولودقبل يومين----
وعمري الصاح وصل تسعين---
لا ميلاد ولا تسنين----
أكلت الهم---أكلت الشوكة والسكين----
وجيبي الفاضي من ملين----
عمري خلاص وصل ألفين---
رجع من تاني لى يومين--

ود عون الله كتب:صديقي..سلام...وشوق أكوام...قلديبا بالأحضان.---
معليش أنا خشيت توووش ونسيت السلام
وجبت سلقتي دي لي حمارك شايفو يناهد
مرة في البرود ومرة في الخلاء ومرة في البحر ومرات ياخدلو فنجيطة
البرود فااااضي وسفيان شايفو يدي في الناس لكيدة لكيدة عشان يحرروا القعيدة--بس الناس قاعدة فراجة ساااكت---
حاشاك اللوم يا ضو القبيلة وضلها ---بس مشغوليات الدنيا المقدودة
----------------
واطات العطرونة محتاجة لى قلب بالطورية وحراتة تقيلة --سماد وكمان كفان وماروق-----عسى ولعل

ود عون الله كتب:في يومٍ ما---من زمنٍ ما نزل الجرادفي بلدنا---قبل الغراق---

حش العيش حش --حتي الجريد أكلو ماخل ورتابة---بس الجضول ما قدر عليها---

جرحتو في حلقو---الناس بقوا حنينيييييييين---كل زول يتفقد التاني---أتقسموا كل شي---حتى الدوم واللالوب والنبق والكرموش----جنس محنة ماليها حد

وبعد فترة البحر طمح والنيل سدر والمطر نزل----الزراعة نجحت نجاح القبورة
الخيررقد والغنم ولدن تيمان ---السمن عووك واللبن باقيه علي يسقو الغنم

الناس لبست الجديد --الجلابية كيف والعمة كيف والطاقية محدرة---التياب عجب

الناس تغت---والمحنة زالت---والكجار كتر--

في مرة عجوز لابسالة طرقي ماشي في التناقير شافتلها جرادي--قبضته وباسته وقالت لها حقو الواحد يسعاكي--الله يريدك إنت البي تخلي الناس حنينييييين

ود عون الله كتب:
في مرة عجوز لابسالة طرقي ماشي في التناقير شافتلها جرادي--قبضته وباسته وقالت لها حقو الواحد يسعاكي--الله يريدك إنت البي تخلي الناس حنينييييين

ود عون الله كتب:شكراً يا مهول..إبداع حتى النخاع...نشوة جابت لي الهوشة حتى فقدت الوقار

والبوصلة...أعتذر...كما أعتذر النيل لهؤلاء النشامى..فقذف بخيراته إليهم
ووعدهم بالكثيرفي مقبل الأيام

يا ليت الآخرين يعوا كما النيل ويعتذروا

نجلاء زمراوي كتب:في حضره الكبار لايجوز الا الاحترام
المبدعان ود عون الله......ود المناصير
لكم التحيه والتحيه لكل منصوري محب لبلده ولترابها ونيلها ونخيلهاوانشاء الله ستعود ديار منصور عزيزه.

والله يا ود المناصير قايتو هجليج دي رجوعها مربوط برفع الظلم عن اهلنا وهذا امتحان من المولي عز وجل لحكومتنا كي تصحي ويصحي ضميرها وتننظر للمظلومين الذين لا يريدون غير ارضهم لا بترول ولا حدود ولا غيرو,,,

ناسف للخروج عن البوست

اعجبتني جدا قصه الغساله....وراء كل عظيم....يجيب غساله

اميره الحومرى كتب:ود المناصير سلام يا رايع

من بدرى قاعدين وللنضمى متابعين

بس نعلق كيف فى احد البوستات كتب اذا ما بتعرف تكتب تابع فى صمت

لكن انت تحرك فينا جميع المشاعر وتزهل العيون بما تكتب

فلا بد من توقيع الحضور

اميرة الحومرى

تخريمه.........

والله يا نجلاء حكايه الغساله كلنا عجبتنا بس ان شاء الله الرجال ديل يجوا بجاى

م بروي كتب:olor=darkblue]سلام لوسيم الروح والحرف
وكل المتداخلين الزينين
على شاكلة قصتك دي
قام أحد الممرضين ببيع كل ما يملك وأستلف من كل من يعرف
وسافر للمدينة واشترى بكل ماله حقن وأدوية ملاريا
ورجع البلد
وحكى هذه القصة
قال
تلاته شهور زول جاتو ملاريا مافي
والناس نصحت نصاح عجيب
وأنا الفلس خرب حياتي
الوليدات أصبحوا عريانين
والمرا توبها انهرى
وحق السفه ما لقيتو
لكن ربك رب الخير
ضرب ليك البلد دي بي ملاريا عنيفه
المرسال يجيك يقنت
وربنا فتحنا علي فتحاً مبين
(مصائب قوم عند قوم زي الشرا في القندول)
وقرقرقرقر

خال ابرار كتب:عشان الحكايى ما تبقى تطفل ساكت..
نقول سلام ومررنا من هنا واستمتعنا جدا بالمرافئ والظلال...
تحيات من القلب ود المناصير وصحبه فما نكتبه لا يرتقى لهذه المرافئ فقط نكتفى بالقراءة والاستمتاع فاعذرونا..

ود الطرشان كتب:
كتب الطيب مصطفي عن عمر الطيب الدوش
رأيت بعض صحافيي الغفلة يحتفون بتافهين وتافهات ويسوِّدون بسيرتهم الصفحات.. أحدهم شيوعي متشاعر ــ وهو قريبي بالمناسبة ــ قالت له زوجه: (يا أنا يا العرقي) فقال لها: (العرقي) فكان أن ليّف العرقي كبده ومات! أخر.. سمَّوه شاعر الشعب وهل يحتفي الشعب السوداني المسلم ويمنح اسمه لشيوعي لا يصلي؟! وكثير من الزبد الطافي على صفحة حياتنا يعطِّل مسيرنا ويملأ حياتنا بؤساً وتعاسة!! (الحديث للطيب مصطفي)

ود عون الله كتب:
----أناشلت جوزي على كتفي وأنا متأكد معي كثر أشد غيرةً مني بس ورونا وين الزير

ود عون الله كتب:صديقي سلام..سلاماً حار----للأبرار----سلام أعذار

عذراً صديقي فقد ضغطت على جرحك المنوسر بمشرطي حتى من غير مخدر أو بنج؛ إلا من مسكنٍ ضعيف

عفواً أيها الرجل الأمة..الذي سخر فكره وزنده ووهب نفسه لبناء الأمة

عذراً ---حين تكون المحصلة ----العيب

العيب في حق من....في رجلٍ يحق أن يبنى له تمثال ...لأنه وسام شرف على هامة كل منصوري

ولأنك رجلٌ كبير فقد أطلقت آهةً مدوية --مكتومة--ونصبت الفسطاط للعزاء ---لعلهم يستفزون أو يوعون --أو يأتون للعزاء

ولأنني طفلٌ صغير فقد صرخت صراخاً عالياً ورفست حين جفت الدموع----صرخت صراخ طفلٍ يهاتي لأمه حين يجوع---حين يكون وحيداً ويحس بالوحشة----حين يحتاج للدلال----

صرخت صراخ طفل واثق من مجئ أمه---حانية أو مكرهة---أو مستحية