مرافيء وظلال

تذكير بمساهمة فاتح الموضوع :

بدءا .... اقول للجميع :

سلااااااااااااااااااااااام

ثانيا :

هي مساحة للبوح الهادئ ولكن بصوت مسموع ...

فقد طرقت كل ابواب المنتدى ووجدتها جحيما ـ أن جاز ـ هذا التعبير ... وحتى تلك التي دخلنا إليها بكلمة .. سلااااااام ... وهي كلمة واحدة نطلقها في وسط الردود عندما لا يعجبنا الحال ...

ولكن من يسمع ؟

لذلك قررت أن أنشيء مكان ـ خاص ـ ارجع إليه اناجي فيه نفسي ... وأونس براي ... وكمان أجيب نكات

وطبعا هذا الإجراء عندما يتعكر الجو ... ولا يسمع لنا صوتا ...

صحح سأتحدث هنا عن أشياء متفرقة ... وملاحظات عامة ...

من أراد مشاركتي فالباب مفتوح للجميع ... فقط المفتاح ... لا مهاترات لا تجريح

******************************

ود المناصير كتب:اتمنى بالجد كدا ... أن اصلي في مسجد لا اسمع فيه موسيقى صاخبة من تلك الموبايلات الغريبة

صدقت اخي فكم هي مزعجه تلك النغمات ، ولفت نظري في محاولات منع تلك الظاهره عبارات عديده تكتب علي حوائط المساجد منها لاتذهب خشوعنا ، عند اتصالك بالخالق اقطع اتصالاتك بالخلق .
شكرا الرائع ود المناصير ونتمني ان تختفي تلك الظاهرة

تاج الدين كتب:

ود المناصير كتب:اتمنى بالجد كدا ... أن اصلي في مسجد لا اسمع فيه موسيقى صاخبة من تلك الموبايلات الغريبة

صدقت اخي فكم هي مزعجه تلك النغمات ، ولفت نظري في محاولات منع تلك الظاهره عبارات عديده تكتب علي حوائط المساجد منها لاتذهب خشوعنا ، عند اتصالك بالخالق اقطع اتصالاتك بالخلق .
شكرا الرائع ود المناصير ونتمني ان تختفي تلك الظاهرة

شكرا تاج الصفوة .. تاج الدين ..

وبالرغم من التحذير والتذكير المكتوب وبالرغم من أن بعض الأئمة يرفع صوته منبها اغلقوا الموبايلات

إلا أن رنات الصيني تجهجه الناس

نأمل أن تختفي مثل هذه الظواهر ..

تسلم تاج الدين

زمان .. أيام الأحزاب ... المرحوم محمد محجوب حاج نور .. قالوا كان عنده رأي في التصوير ..

ولما جاءت الإنتخابات .. الجماعة قالوا للترابي .. حاج نور رفض ان يتصور

الترابي قال : حاج نور قوم انصور ..

حاج نور طوالي قام واطاع الاوامر ..

واليوم ... ما تدخل ولاية إلا تقابلك .. صور .. الوالي ... الرئيس .. نافع .. وفي وايات علي عثمان .. ( طبعا دا حسب تبعية الولاية ) ومرات صور البشير تسبق الجماعة ومرات يسبقوا ..

حاجة تجنن ..

والله القروش الإنصرفت وانفقت في هذه الصور والمجسمات تشبع يتامى السودان كلو

القضارف .. الولاية .... فوق القلاية .. والغلاية

وربنا يستر ما تمشي كلها

زماان ... زمن المرحومة .. الجمعية التأسيسية .. واحد من النواب اسمه الطيب .. قرأ خطاب رئيس الوزراء وأخطأ في كلمة تفويض حيث قرأها تقويض .. وارغى وأزبد في الكلمة ومدلولاتها ..

الصادق المهدي . لما رد على النواب .. وقف عند الطيب هذا وقال :

يا الطيب أي تغيير أو تبديل في شكل أو حروف اللغة العربية يغير المعنى تماما

فأنت اسمك الطيب ... فماذا لو .. شلنا النقطة من تحت الباء ووضعناها فوقا ؟؟؟

هل مصلحة الشعب السوداني :

ان يدخل إلى الحكومة كل من هب ودب وحتى المتردية والنطيحة ؟؟

بمناسبة الحكومة العريضة

واحد صاحبنا قال :

صحيح الجماعة ديل وسعوا الحكاية فوق

لكن ضيقوها تحت

.. فعلا ضاقت حتى استحكمت حلقاتها وربنا كريم

واحدة من مذيعات نشرة اخبار ـ 8 ـ بتاعت الوفيات ..

قالت نسأل الله أن يتغمد الفقيد بشباشيب رحمته !!!!

****

هنا---تتجمع الغيوم--المثخنات-.-المثقلات-.-المترعات-.-الرائحات-.-الغاديات-.-النائحات

تهطل هطول----تنزل نزول---لى كل زول

تروي الأرض---طولا وعرض---

ثم النبع هنا ---او بى هناك

مافيش رعود----مافيش بروق---بس في شروق

اسكلا بدون رواسي



معقولة بس .. الشي البزعل أنو الناس الكبار بقولو شباب الزمن دة ماشافو حاجة؟؟"

نحن الشفناه في سنه بس ..

كسوف الشمس 4 مرات
خسوف القمر 7 مرات
اعصار كاترينا
بركان ايسلندا
اعصار كاليفورنيا
سقوط رؤساء
مذابح فلسطين
انقسام السودان
ثورة مصرية و تونسيه وليبية و يمنية وسورية ..
دم بالشوارع ..
احتباس حراري
انفلوانزا خنازير وطيور وجنون بقر
و الجمرة الخبيثة ..
اي فون و اي باد وبلاك بيري
قوقل وفيسبوك وتويتر ونيت لوك ويوتيوب وانترنت وكل شي في العالم في النت..!!
واعتصام بدون مطالب

والله إنتو 

معقولة بس .. الشي البزعل أنو الناس الكبار بقولو شباب الزمن دة ماشافو حاجة؟؟"

كسوف الشمس 4 مرات
خسوف القمر 7 مرات
اعصار كاترينا
بركان ايسلندا
اعصار كاليفورنيا
سقوط رؤساء
مذابح فلسطين
انقسام السودان
ثورة مصرية و تونسيه وليبية و يمنية وسورية ..
دم بالشوارع ..
احتباس حراري
انفلوانزا خنازير وطيور وجنون بقر
و الجمرة الخبيثة ..
اي فون و اي باد وبلاك بيري
قوقل وفيسبوك وتويتر ونيت لوك ويوتيوب وانترنت وكل شي في العالم في النت..!!
واعتصام بدون مطالب

والله إنتو الماشفتو حاجة ما احنا!!!

اسكلا بدون رواسي



معقولة بس .. الشي البزعل أنو الناس الكبار بقولو شباب الزمن دة ماشافو حاجة؟؟"

نحن الشفناه في سنه بس ..

كسوف الشمس 4 مرات
خسوف القمر 7 مرات
اعصار كاترينا
بركان ايسلندا
اعصار كاليفورنيا
سقوط رؤساء
مذابح فلسطين
انقسام السودان
ثورة مصرية و تونسيه وليبية و يمنية وسورية ..
دم بالشوارع ..
احتباس حراري
انفلوانزا خنازير وطيور وجنون بقر
و الجمرة الخبيثة ..
اي فون و اي باد وبلاك بيري
قوقل وفيسبوك وتويتر ونيت لوك ويوتيوب وانترنت وكل شي في العالم في النت..!!
واعتصام بدون مطالب

والله إنتو 

معقولة بس .. الشي البزعل أنو الناس الكبار بقولو شباب الزمن دة ماشافو حاجة؟؟"

كسوف الشمس 4 مرات
خسوف القمر 7 مرات
اعصار كاترينا
بركان ايسلندا
اعصار كاليفورنيا
سقوط رؤساء
مذابح فلسطين
انقسام السودان
ثورة مصرية و تونسيه وليبية و يمنية وسورية ..
دم بالشوارع ..
احتباس حراري
انفلوانزا خنازير وطيور وجنون بقر
و الجمرة الخبيثة ..
اي فون و اي باد وبلاك بيري
قوقل وفيسبوك وتويتر ونيت لوك ويوتيوب وانترنت وكل شي في العالم في النت..!!
واعتصام بدون مطالب

والله إنتو الماشفتو حاجة ما احنا!!!

كسرة الاسكلا :
الهيئة خبرا شنووووووو ..!؟

ود عون الله كتب:هنا---تتجمع الغيوم--المثخنات-.-المثقلات-.-المترعات-.-الرائحات-.-الغاديات-.-النائحات

تهطل هطول----تنزل نزول---لى كل زول

تروي الأرض---طولا وعرض---

ثم النبع هنا ---او بى هناك

مافيش رعود----مافيش بروق---بس في شروق

من غيركم .. يحس .. يشعر.. ينتشي ..حد الإرتواء

من غيركم .. يستشف .. يرتشف ..حد الإكتفاء ..

من غيركم ... يأتلف ... يستأنس ... يعانق ـ المزن ـ الهطول ..

من غيركم .. جدير ببعثرة الغيوم..ونثر عطر الدعاش .. الماش .. الهاش .. الباش ..

ومع كل رشة ..نجثوا على ركبتينا .. نقبل الحروف .. ونزداد كيلا من فيض مدرار ..ـ هتوف .

لله درك إبن الكرام .. ود عون الله

لله درك وانت تدوزن كل حروف بنت عدنان وتأتيك عباراتها ـ تنساق تجرجر رفيقاتها من رطانات ولغة عجم ... .لتعصر منها أصل الكلام وخلاصة اللحن والنغم ..

شكرا يا راقي ...

المجنون جا بي جاي ...

العريس اركان حرب ود الطرشان... كدي أول حاجي الكلام الفوق دا مكرر واللا أنا عيوني زغللن ؟؟

ود الطرشان كتب:
كسوف الشمس 4 مرات
خسوف القمر 7 مرات
اعصار كاترينا
بركان ايسلندا
اعصار كاليفورنيا
سقوط رؤساء
مذابح فلسطين
انقسام السودان
ثورة مصرية و تونسيه وليبية و يمنية وسورية ..
دم بالشوارع ..
احتباس حراري
انفلوانزا خنازير وطيور وجنون بقر
و الجمرة الخبيثة ..
اي فون و اي باد وبلاك بيري
قوقل وفيسبوك وتويتر ونيت لوك ويوتيوب وانترنت وكل شي في العالم في النت..!!
واعتصام بدون مطالب

لا حولي ... دا كلو ؟؟

تعامد الشمس على الكعبة كم مرة ؟

تسونامي ؟؟

البتاع داك البهدل اليابان ؟

ونافع ؟

بمناسبة نافع دا

مانديلا لما طلع من السجن بعد 30 سنة سألوه مالشيء الذي لفت نظرك ؟

قال الفاكس !!

الترابي سألوه نفس السؤال

قال نافع بقى سياسي !!

انتصار حجازي كتب:

سلام ناس المرافئ

وان شاء الله داااايما عامرة بيكم

أهلا وسهلا .. بت أسد ابو سباع ...

ولما قلنا إن المرافئ مهبط القلوب الحية .. والضراع الأخضر .. والذين ألفناهم على السجية ..في كل تعاملهم وتعاملاتهم ..كنا نعني الكلمة تماما ..


وما بين هطول مدرار من نَفَس رائع من أسرة رائعة .. وبين نَفَس راق من ذات الأسرة الرائعة الراقية ..تعيش المرافئ لحظة الميلاد الرهيب ..

فقد كان العشم أن يطل علينا الكرام والخيار من خيار .. ولم يخب ظننا أبدا ..فهم تسيّرَهم قلوب طائعة وعقول واعية .. ويعشقون الوضوح بلا مجاملة ..ويزينون الحوار بلا كبر ولا رئاء ..

شكرا جزيلا .. إنتصار الخير ..إنتصار الحرف النابض بكل ما هو جميل ..إنتصار الكلمة المولودة من رحم الأصل النبيل

هوي ياجني---أكبر شوي---لا تبقى ني---سويها العليك ---سيب العلي

الحظ القنيط---انا زولاً عبيط ---من شلة زعيط---الأرض الرقيط--النضم الكتير لا جمع البرم لا لم السبيط

الراي التلف----الفتح البلف----الناس التلف---النضم الكتير والمولود لقيط

تكريم بروي ؟؟؟؟؟؟؟؟؟؟؟؟؟؟؟؟؟؟؟؟

مبادرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشاريع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ود عون الله كتب:هوي ياجني---أكبر شوي---لا تبقى ني---سويها العليك ---سيب العلي

الحظ القنيط---انا زولاً عبيط ---من شلة زعيط---الأرض الرقيط--النضم الكتير لا جمع البرم لا لم السبيط

الراي التلف----الفتح البلف----الناس التلف---النضم الكتير والمولود لقيط

تكريم بروي ؟؟؟؟؟؟؟؟؟؟؟؟؟؟؟؟؟؟؟؟

مبادرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشاريع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لميناهو .. جُرُم .. لقطناه فلس ..حتيناه بالمحجان برم .. كشكشناهو خرُوم .. جمعناهو لوبا قرون ..تناولناه بشيشي حُنبُق ..خميناهو تمر هبوب ..

شلناها لحمة شموم .. اكلناهو دنفريس ..شكيناهو جراد .. علقناهو شرموط .. ولغفناهو روب

وقلنا ... يا ناس هوي .. سووا النجيض ما تقوموا فوق الني ... الني للنار ..والنار نار عويش .. واللكد الكبار مافيش ..

قلنا وثقوا ... وبدينا زولا قال لينا عوافي ما في

قلنا الحقوا ود بروي في المستشفى .. الناس ما قصرت .. لكنها جات وقفت

قلنا .. الزواج الجماعي .. طلع كواسير وبواقي

قلنا .. الخريطة .. الإنتظار طال طال

قلنا .. الأصول والثوابت .. لا زال السيف مركوز في أووس

قلنا .. إذاعة .. لا زالت ـ إضنينا ـ تسمع حرامي القلوب تلب ..

قلنا ..وقلنا ... هو اللسان فيهو عضم ؟؟؟

شكرا ود عون الله .. تورت نفسي !! في كلاما كاد يتنسي

ود عون الله كتب:هوي ياجني---أكبر شوي---لا تبقى ني---سويها العليك ---سيب العلي

الحظ القنيط---انا زولاً عبيط ---من شلة زعيط---الأرض الرقيط--النضم الكتير لا جمع البرم لا لم السبيط

الراي التلف----الفتح البلف----الناس التلف---النضم الكتير والمولود لقيط

تكريم بروي ؟؟؟؟؟؟؟؟؟؟؟؟؟؟؟؟؟؟؟؟

مبادرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مشاريع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الفانوس بقه بق
والسيف ركه رك
والنضم اتلكه لك
والراس اتحكه حك
والفكرة ماتت عند كاكك

بالمناسبة:
الهيئة خبرا شنووووووو .. !! ؟؟

ود الطرشان كتب:

الفانوس بقه بق
والسيف ركه رك
والنضم اتلكه لك
والراس اتحكه حك
والفكرة ماتت عند كاكك

بالمناسبة:
الهيئة خبرا شنووووووو .. !! ؟؟

يا دكتور ود عون الله ..

قالوا في واحد عندو صداع ما عرف ليهو علاج ... مشى مصر .. غيروا ليهو الجزمة !!!

كدي شوف لينا ود الطرشان دا مالو ... يكون ضرس العقل عندو قام معووج ؟؟

السلام سنة ---مافيه منة

إنتظرنا كتير----ترترنا كتير---تركب عربات أو حتى حمير----لا جانا وزير أوحتى غفير

الزول وينو---الزول في الزير--والزير مكسور

المكنة تخر ---والموية تشر

تخريمة----الجزمة مقاسة كم

ود عون الله كتب:السلام سنة ---مافيه منة

إنتظرنا كتير----ترترنا كتير---تركب عربات أو حتى حمير----لا جانا وزير أوحتى غفير

الزول وينو---الزول في الزير--والزير مكسور

المكنة تخر ---والموية تشر

تخريمة----الجزمة مقاسة كم

ضيعانهو شليل ... ترتناهو ترتير ..ولبدناهو قيرا قيرا ... غطسناهو كاك .. فجينا ليهو عوم ..لعبناه طاب .. والتلي والقرنين والنوم ..وربعناها سيجة .. وحفظناهم الصنج ..وراسنا لف حمى الديرا ..

ويا قمرا .. هاك سن الحمار وادينا سن الغزال ..

والقمرا .. تنشد العوينين البطينين عن شليلا .. ويا شليل ما شفت ولادا هد ظلم الدنيا حيلا ؟

يا الله آآآآآه... انا وين ؟؟؟

طهر البرسيم ... ورق الخدرة .. اعزق .. كيدب .. اشتل .. اقرع .. أفتل .. قرّع ... كرّع ..

لم الكاويق .. خم الكفان .. شتت الماروق ..

امسك حبل الواسوق .. جر بالابرل .. كادن بالطورية .. وخم بالكونشبر

ود الطرشان فتحا في الكُشُمْبا وفات ؟؟

** الترجمة مع الدكتور

النفس البارد----في الضل البارد---والدنيا عصير

السوق البازي---والكرش النازي----الجيبا كبير

النفس الحار---في الزمن الحار---والدنيا هجير

االخشم اللوك----والدرب الشوك----نازل حدير

الزول مربوط---الزول مطلوق----كسر الجنزير

الزول الفالح----عدى المالح---معاه نفير

ناس الليل صباح الخير
وقفت في الكيف العالي
داك جبل كلقيلي
كربشت مشيت
التاكا الأملس
شربت توتيل مني
ونزلت جواي حُشرُك حُشُرُك
الدعوة الجاتنا
سختة كبيرة

كسرة:
بكرة الخميس .. الهيئة خبرا شنووووووو .. !! ؟؟

خالد عابدين كتب:أقيف النقوللك

أعمل تهيئة للذاكرة

يمضى العام تلو العام
وتبحر سفينة أعمارنا
ودخانها علامة أستفهام ( ؟ )
ماذا كان فى الذى يمضى ؟!
لنتفأل بالذى آتاتى !
ففى قاموسى
فقط
أستبدل الارقام !
فكل عاما 
ياتى بالرحيل
والفراق
والارامل
وزيادة فى الفقر 
واكوام من الايتام
وعويل
وصراخ
وآنين
وامراضا
والالام
وحروبا
وطغاه
وفسادا
وغلاء
وجشعا
ورياء
هذه الحقيقة
وليست أضغاث
احلام !!!

كسرة :
ادونا عقاد نافع .. !

في الحقيقة :
الهيئة خبرا شنووووووو .. !؟ 

ود عون الله كتب:النفس البارد----في الضل البارد---والدنيا عصير

السوق البازي---والكرش النازي----الجيبا كبير

النفس الحار---في الزمن الحار---والدنيا هجير

االخشم اللوك----والدرب الشوك----نازل حدير

الزول مربوط---الزول مطلوق----كسر الجنزير

الزول الفالح----عدى المالح---معاه نفير

رياح الجنوب علينا هبت ... باردة علينا إنكبت ..دعاش ونسام العريب كربت ..

ويا ريح الصلاح وينك ... سوي البرج داك ميسك .. دمنا زيت فوانيسك ..

***

يا ود عون الله ابقى لينا عون ... زولنا يناهد وممكون .. الروح تغرغر واللسان مسنون .. .. وزمان قالو الجنون فنون ..

***

هجليج في الباي باي ... وربنا يستر

ود الطرشان كتب:ناس الليل صباح الخير
وقفت في الكيف العالي
داك جبل كلقيلي
كربشت مشيت
التاكا الأملس
شربت توتيل مني
ونزلت جواي حُشرُك حُشُرُك
الدعوة الجاتنا
سختة كبيرة

كسرة:
بكرة الخميس .. الهيئة خبرا شنووووووو .. !! ؟؟

حليلك ... تنوني ماسك الحجرة ... وهناك الامة منكجرة ..

حليلك ... فانوسك وين تلقالوا جاز ؟ الجاز هج ولج .. وهجليج راحت ؟

خالد عابدين كتب:الكلام الكبار كبار ده ماعندنا ليهو حنك

بس هيعتك قيافة ياعريس

اووووو ... اوووو

سمد الساقي بي حالو ؟

جايينا حاقب يديك ورا ضهرك وماشي تندبا ؟ داير تحسب ضربة جزاء ؟

وما عندك حنك ؟ دا زاتو ما حنك ؟ وحنكك دا ما هو الخلا الناس تحنك ساكت !!

برجتك عرجي يا ود عابدين ...

خالد عابدين كتب:أقيف النقوللك

أعمل تهيئة للذاكرة

ذاكرة ؟ وين ؟

دي زمان اتفرمتت ...

الفرق بين الإنفصال ... وفرز العيشة شنو ؟؟

اجمل تصريح ..

والي القضارف قال وزارة المالية لو ما دفعت حق الولاية لحدي يوم 30 مايو .. حا يقدم استقالتو يوم واحد يونيو !!

والي القضارف ... يتسبب في مشكلة كبرى مع اثيوبيا .. ويتم اطلاق النار على وفده خلال زيارته لمناطق متنازع عليها

المجلس التشريعي يجتمع .. ويقدم احد النواب طلب حجب الثقة عن الوالي .. النواب يوافقون ..

في الكواليس الوالي .. جاب المفيد ... والكاش يقلل النقاش

ترفع الجلسة نصف ساعة .. ويعود النواب ويسقطون الطلب !!!!!

انا عايز ابقى والي .. من يوالي ؟

كسرة .. بمزاااج

الخميس دخل ... العريس خبرو شنو ؟؟

نحن قلب الدنيا ديا ... نحن عز الدنيا بينا

أمّا بعد
تشبه وَِعْد
و وَِعْد بتشبه وِشْ السّعد
وَِعْد بتتضحك من آلاما
وتِحِت أقداما بيصحا الورد
و وَِعْد بتتدخل زىْ الضُل
ويعلن خـَطـْوَها صوت الرعد
و وَِعْد الأرض .. البحر .. الجذر ..المد
هى المخلوقة من الصلصال
و ماخِد ريقا مذاق الشهد

و أما بعد
وَِعْد رذاذ المطر الرشا
من احلام الغيم الشايل
ووَِعْد لَتيبة الوادى الهـَـشِّـة
حتِّتْ من ضحكاتا سنابل
ونزعت من إحساسنا الوحشة
ومن ساحات الحرب قنابل
وهى بتدهشنا أقاصى الدهشة
غير ماتطلب أي مُقابل

و أما بعد
كتَبَت فى صفحات الريح
خِفة روحا وإيدا البضّة
وسكَبـَت حِسَّها فى التاريخ
كل الدنيا إتفتحت روضة
وكشفت وَِعْد حجاب الليل
فجّ الضو من أول ومضة
الأطفال احتلوا العالم
ورتبوا كُلْ حالات الفوضى

و أما بعد

إذا ما البيت لبخ جالوص

مزبَّل للخريف عِمة

وكان جواهو محبوبين

وهبَّابين

وخمسة عيال وسحَّارة

كان في الحوش

عَقَاب معزاية للشفع

كان الدنيا يا الضلمه

وكان القـِبله جهَّاره

وكانت الغيمه هدَّاره



مَرَق حمدان يسيلو تـَرَس

علي مونة السنة المشلوخ

إذا ليهُ الترس ينفع

ماهمَُه السما الدَّمَّع

رجع والدنيا دوَّاره

ويا الحوش الصِبِـح ميضه

وبـِدور مركب:

- دحين يبقى السَرِف نعمة؟

- دحين يبقى البلد خرَّف؟

- أمُرْقي العدة ياام احمد

بدور أضهب

بكِسْر الحوش عشان الساس

واسيلي على الحَدَب مصرف

وقام أحمد يحاوط البيت

- اسرِع يابا

- جانا غضب

- شقوق ام سيسي والفارة

وكان الدنيا يا الضلمة

وكان القـِبلة جهارة

وكان الغيمه درارة

سبلوقاتنا ما صبّن

سباليق جارنا سوّن جو

ودميع السحابن نوّح

ويا معز اللبن دغّن

ويا البقر الطلق بوّح

جفل في الزيفة ديك روّح

ويا الكلاب يسوّن هو

وقام حتى الجداد كيّك

ويا مرق السنط سيّك

وتمسع بُرْدُلُوب حيطة

- ويا ابو مروَّه .. يا ابو مروَّه .. يا ابو مروَّه

بيت حاجة أم خريف دَرْكان

تجيك من الفريق عيطة

وتقرأ أم احمد البسم الله

وتقرأ أم احمد البسم الله

- أقيدي اللمبة يا ام احمد

وحفضي مع الهدوم شيطة

- تعال آزول

تعال الحق صعيد البيت خلاص اماص

- أمرقي الشفع اليتلافو سَدر الحوش

بشوف الجاية في الرصاص

قت لك أمُرْقي يا بنيَّة

وطينتاً في التراب نيَّة

قلتلك أمرقي

فرشاً اطير

هو شن هبَّاب

وشن كرَّاب

وشن قُرقاب

وتسمع بردولب

يا المعزة وقعت ناشفة

بين الشِعبتين والباب



- وكان اب احمد المهجوم بيقرا الفاتحة في سرُّو

بيقول:

- الجات علي مالك

مليحاً جات علي متالك

تعال آجني وكنكش فوق كتف خيك

عاد لا حوله لا قوة

جانا غضب

ومويه ركب

وداك الحزه كان الحله شِرْقَت تـَبْ

وكان اتشتت الرصاص

وكان الساس

حـَتـَل وامَّاص

حتل واماص

حتل واماص



دمِّيع السما

ودمع الجُهال واحد ..

دمع الجهال في الضـَلـْمة

كان مالح

وكان القبلة في عينينا دواره

كان الدنيا يا الضلمة

وكان القبلة جهارة

وكان والغيمه هدارة

ودرارة

وأصبح بيتنا لي تولاتنا كفَّاره





محمد طه القدال

يا حميد اقيف
شوف الخلوق محنانة
كفكف دمعتك
والعبرة فوت خنقانة
عسلك سال بحر
فوقو النحل ونانة
ياد ان طاق غرف
جازاك دباير دانة



القدال

طواقي الخوف

محمد طه القدال 9 ديسمبر 2010م


ما خايف المطر

يتحاشى الضهاري الراجية قولة خيرا

ولا خايف المطر

يمشي على الصحاري تلمو في بشكيرا

ولا خايف العشم

يتناسى العشامى ونيما ياكل نيرا

ولا خايف النفس

تتذكر نفسها وتنسى يوم حِدّيرا

خوفي على البلد

الطيب جناها وقمنا في خُديرا

شاحدك يا كريم

لا تحصل خراب لا أرجى يوم ودّيرا

***

وانا ما بجيب سيرة الجنوب.

عيال بتسرح للمدارس ..

والفطور نجماً بعيد.

بنوت بتجري

على الخطاطيب الخطاطيف

البتجرح ..

والعريس نجماً بعيد.

الدكاكين التملا تفضي،

السماسرة يسمسروا،

والبسفو الطين ..

يسفوا،

والبحتّوا الراب ..

يحتّوا،

والبناطلين ليها سستم،

والقوانين ليها سستم،

البنوك الفيها بستم ..

من سويسرا ولي ماليزيا

بالسفارات

والعمارات

والخبارات .. .

انا كنت متغطي ..

ومتدفي،

العمة ملوية،

والشال على كتفي.

سودان وكان ما كان

سودان علي كيفك

السكة ساعة إيد

والأرض مروية

والناس حنان وظراف

والراح يجيك ..

للحول

والخدمة مظبوطة

مظبوطة مدنية

والدنيا حرية

الماشي درب الكار يغور

والتاب من التمباك يتوب..!

انا مابجيب سيرة الجنوب.

الغبّوا عرفوهو

والعرفو سوّوهو

والسووا بلقوهو ..

......

أصبحت زي الزول

قادل بوسط السوق

سروالو نصلوهو

لو العِرق مسروق

أو قلبي نشلوهو

طعم الكضب مسلوق

ماسخ تضوقوهو

لو فمي ما مطلوق

أو كمي غسلوهو

ياني البسوي القوق

قولي البتابوهو

ماعندكم دمي

ما عندهم دمي

من دمي لا لا لا

ماقدروا فصلوهو.



وانا ما بجيب سيرة الجنوب؟

قول استقلْ ..

انا في صفوف الزوق

واقف مع الواقفين مزنوق بهنِّيهو

ويهنوهو

أواستقال ..

ودا أول الأحزان

أو قالوا باعوهو

ودا ياهو قطِّيع القلوب

أنا ما بجيب سيرة الجنوب،

فالسيرة كمين ألف عام

لوني المحرق مندوكور

وشكلي شكلين

شكل منقة

وشكل تور

دمي المشتت من قبايل نوح وحام

شعري المقرقد زي حصايا

اتشتت فوق الدروب

كتفي المهدل بالعيوب

وانا ما بجيب سيرة الجنوب

أصل البقت

من ساس وسايس أو يسوس

ياها البقت

خلونا من حرب البسوس

الفاضلة

تكفير الذنوب

الفاضلة لمليم البشاتن

والمعاطن

والخبوب

الباقي

مايخموكا تاني على

الدفافير والكناتر والحروب



الباقي تعظيم التماسك

في الخطوب

لا نافع الشَّدة العلوق

ولا نافع المبقوص يحوق

لا بنفعك عَرَق الزنوج

ولابرقعك لبن العروب

إلا الوقوف ألفاً ضكر

واحد براك

في الشيمة تلفحك الهبوب

الغيمة تديك

للسفاسف

والعواصف

والمطر

برطع مع الأفعال

وادخل على التاريخ

يغلب أجاويدك

من قرقريب عوسك

اخرِج من التاريخ

شيخك وعربيدك

لا نافعك التكفير

ولانافعك التوبيخ

فامشيه وحيدك

وامرق على التاريخ

تلقاه في السهلات

مستني كمسيدك

لا بيظلم التاريخ

ولا يرحم التاريخ

إياه عوس ايدك.



والأرض موقوت القنابل

في الحدود

والأرض منهبة الثعالب

والطحالب

والجيوش

باليوناميد

واليوناميس

والفُرقة بينات القبايل

والشتايم في المنصات

والشراكة الفي

المكايد

والخناجرفي الحناجر

والمنابر ..

آه من تلك المنابر،
إنداية كرتلة وبنابر

والجرايد

داقة طارات المدايد

الصَدَق في الناس كذوب

الساسة نِيّام العسل

بين انتباهة

وغفلتين

بين السلاطين والحبوش

والشلاتين

والقرايب

فين حلايب؟

واللي بنى الأرض كان في الفرض سوداني

عيني عليها

اتمزعت

حتة في قلبي

وحتة ف غصتي .. تاني

آدي اسرائيل في النيل

بكِّيني ولعبطني

والنيل أدنداني

إحنا حبايب في الطيّبة والآه؟

آ.

غنيلي ورقصني ؟

طيب.

بسِّ سمعني آه الآه في وداني.

***

أنقد السُقا وما بينصلح وكَّايو

وانكشح اللبن ما بينفعِن بكَّايو

بعدن بى الدروب مابقصِّرِن تكَّايو

والشاكي النقاص ناقص قمح شكَّايو

***

وانا لا بجيب سيرة الجنوب

ولا أكلوني

إذا ما أكلو التور الأبيض ..

(الأرض في الجزيرة)

وبدر الله فوق سماهو

يا ساسا يابساحوتة

مكوار حبس مياهو

عطشت قبايل ابقوتة؟

البودة في خلاهو

والأرضة في بيوتا؟

الزول رِبَت كلاهو

سمينة بي مقوتا

يا تمت المعاهو

أو خلصت الحدوتة

وانا لا بجيب سيرة الجنوب

ولا أكلوني

إذا ما أكلو التور الأبيض ..



***

يدر الله يابسلوكة

سلوكة الجزيرة

كل يوم فينا بتنتش

سكك الحديد بي كم؟

بي كم بيت المفتش؟

والبيع بيعة عدوكا

بعت الأرض بترابا؟؟

باكر تبيع أبوكا

وان مُتْ من تُخمة باكر

ناس الشرق يبكوكا

وناس الغرب يبكوكا

ناس الشمال يبكوكا

وناس الجنوب يبكوكا.

وانا لا بجيب سيرة الجنوب

ولا أكلوني

إذا ما أكلو التور الأبيض ..

***

حمدتكم بالجاية

والجاية فوق الجاية

وعسكري الجباية

قلبو الحجر اللداية

***

بشرتكم بالسادة

والسادة بعد السادة

وجرادة فوق جرادة

من دوكة لام كدادة

***

حمدتكم بالواقعة

والصاقعة جنب الصاقعة

مقدودة مالها راقعة

والدمعة صابة وناقعة

***

بشرتكم بالتوية

والصبنة لي الدامبوية

في الحلة دي ام كدوية

ما تقعدوا شدرة موية

***

والأرض لا حليوة

ولاها دي الجزيرة

الأرض أمات الحنين

لو نقط الضحوي البريق،

في الحين تبتق شهوتِن.

تحبل

كما الأمات

وتشرق بالوحم

لو تسعة الميلاد بتمرق بالسنين،

أو دي الشوارع بالبنات متحينة،

ترسل تراتيل الخروج في يوم

وتقطع سرتِن.

الأرض تعريف الهديل

هدل الحمام بشري

وشوق السلام انسان

بالحيل بيعرف أنَّتِن

والأرض شافت

إلا خافت

من عيون الليل

تناجي حبيب

غريب في الليل

وتفرز غنوتِنْ.

زي بذرة في جوف الأرض

أو ضحكة عند طرف القلب

بتغني لو جات في العيون

والضحكة لاقت مرقتِن

الأرض منصوص الضمان

حضن أمك الدافي وأمين

ريحة حبيب

جاياني من شمة حبيبتي وكرفتِن

لو جاتا في يوم الهموم،

في الحين تزغرد فرحتِن.

أو حرقصت فوقها السموم،

باكر تهبهب نسمتِن.

والأرض ما بتعرف تنوم

ترتاح

وغابت جمتِن

بس تدِّي مدين للعديم

بالمدة تحفظ ذمتِن

***

هن مارقات خلاهِن

ما مارقات بَراهِن



لي بصاص حِداهِن

إو قصاص بِراهِن



هن مارقات تراهِن

تريانات تراهِن

الخوف ما حَماهِن

من شوفة حِماهِن

طمانات جناهِن

بي لبنا معاهِن



يوم الشينة جَاهِن..

مرقن ليهو جَاهِن



بالعز المبطَّر

والزوق الشَفاهِن



لا حايدات مداهِن

لا قايدات عماهِن



وما كشحن بلاهِن

فوق زولاً أباهِن



لو الضيم رماهِن

هِنْ ياهِنْ

وما هِنْ.

***



وانا لا بجيب سيرة الجنوب

لاني زول بالمرة خايف

إلا شايف

إلا شايف

إلا شايف

***



أنا شايف المطر

يتحاشى الضهاري الراجية قولة خيرا

وانا شايف المطر

يمشي على الصحاري تلمو في بشكيرا

وانا شايف العشم

يتناسى العشامى ونيما ياكل نيرا

وانا شايف النفس

تتذكر نفسها وتنسى يوم حديرا

وانا شايف البلد

الطيب جناها وقمنا في شدِّيرا

***********

بحق كل مغبون
صبحت ديارنا
مفضوحة وفاضحة
ونهبوها وقعدوا
بالسرقة الواضحة
وفساد الزمة
مفضوحة وفاضحة
بالبنك الدولى
بنوكاً شاطحة
وقالولنا نموا
سعة الاباطحة
وبلادنا واسعة
عايزة الكادحة
والفقرا جنوا
عقولهم سارحة
فيها الحرامى
الكان للبارحة
وكفتيرة شاهى
كبايتاً نافحة
وسارح فى سوقو
ما عندو الكاتحة
لاحق العيشة
ولا حق المشرحة
اليوم فى بنز(مرسيدس)
عمارة ناطحة
ولا تشيلو الفاتحة
فى الجتة الناتحة
خلوها مشتحة
عقبال تتفتحة
****
صليت بالستة
لإمامنا والماموم
رئيس الجماعة
حاكم بلاد الروم
رئيس القضيا
قرقوشا فى الخرطوم
وحبيب الشعب
والمجلس المختوم
فى فمو طبلة
فوق راسو طيرة تحوم
والقائد الاعلى
وخطيب الامة
كلماتو ما ام دلدوم
وحكيم افريقيا
لى حد بلاد باطوم
ولى الكل راعى
بالعدل هو المحكوم
الفارس الاول
حامى الحمى المحروم
فى الجمعة الجامعة
للعافى والمحموم
طيارة جاتنا تحوم
شايلة البشاتن كوم
كتلت حمار كلتوم
للقبرو واشنطون
ياحاج نوينا
*****
واتنيت بى شعبى
ما لاحت بارقة
واتنيت بى شعبى
احوالو الخارقة
فى يوم الملتقى
واتنيت بى شعبى
وعدد البكـبن
فى السيل الدالقة
وما حن قمرى
ماغنت وارقة
ما بلت نسمة
ما مالت مورقة
وعاد قولة لالا
الناس المارقة
وعدد البعرفو
للطقمة السارقة
وكلاب الامن
هتيفة منافقة
وعاد كضب الرادى
والبمشى مسارقة
فى الصفحة الاولى
والنشرة العابقة
بالخبر العدس
الحجوة السابقة
وما انّ جائع
فى البلد الحادقة
وارضين التبرى
انهارها الدافقة
وعدد البكبن
فى السيل الدالقة
وما خش فارس
فى سجونو الحارقة
بكلاب الامن
هتيفة منافقة
للكلمة الفالتة
للصمت مصفقة
للجن الكلكى
لى حبل المشنقة
وسودانا الملكى
دبورتو مرنقة
وسودانا المصرى
اتنيت بى شعبى
احوالو الخارقة
عدد البكبن
فى السيل الدالقة
وما خش فارس
فى سجونو الحارقة
وما شمت اماً
لى ريح الفارقها
وعدد الكبداتن
فى ولادن طابقة
وعدد الاحبابن
فى قيودة مزنقة
وعدد الحسراتن
هامن فى الما تلقى
وعدد الدهماء
الوالى فى الشقا
وبغاث الارض
الميت والبقى
باكر يوم السقا
وباكر يوم السقا
ندخل فى المحرقة
نمرق متل النقا
وفى ايدنا المطرقة


القدال

الواحد يعملوا ليهو معروف ... يدخل يدو في الخُرُج

بالله دا كلام ؟؟

من أكبر المشكلات .. أن تعرف أكتر من اللازم

يلقاكَ يحلفُ أنـه بـكَ واثـقٌ ** وإذا تـوارَى عنـكَ فهـوَ العقـرَبُ

يُعطيكَ من طَرَفِ اللِّسانِ حلاوةً ** ويَروغُ منكَ كمـا يـروغُ الثّعلـبُ

وَصِلِ الكرامَ وإنْ رموكَ بجفوةٍ ** فالصفحُ عنهـمْ بالتَّجـاوزِ أصـوَبُ

واخترْ قرينَكَ واصطنعهُ تفاخراً ** إنَّ القريـنَ إلـى المُقـارنِ يُنسـبُ

إنَّ الغنيَ من الرجالِ مُكـرَّمٌ ** وتـراهُ يُرجـى مـا لديـهِ ويُرهـبُ

ويُبَشُّ بالتَّرحيـبِ عنـدَ قدومِـهِ ** ويُقـامُ عنـدَ سلامـهِ ويُقـرَّبُ

والفقرُ شينٌ للرِّجالِ فإنـه ** حقـاً يهـونُ بـه الشَّريـفُ الأنسـبُ

واخفضْ جناحَكَ للأقاربِ كُلِّهـمْ ** بتذلُّـلٍ واسمـحْ لهـمْ إن أذنبـوا

ودعِ الكَذوبَ فلا يكُنْ لكَ صاحباً ** إنَّ الكذوبَ يشيـنُ حُـراً يَصحـبُ

وزنِ الكلامَ إذا نطقـتَ ولا تكـنْ ** ثرثـارةً فـي كـلِّ نـادٍ تخطُـبُ

واحفظْ لسانَكَ واحترزْ من لفظِهِ ** فالمرءُ يَسلَـمُ باللسـانِ ويُعطَـبُ

والسِّرُّ فاكتمهُ ولا تنطُـقْ بـهِ ** إنَّ الزجاجـةَ كسرُهـا لا يُشعَـبُ

وكذاكَ سرُّ المرءِ إنْ لـمْ يُطـوهِ ** نشرتْـهُ ألسنـةٌ تزيـدُ وتكـذِبُ

يا ستار ...

فقد انكشف المغطي ستار

.. مال هؤلاء الناس يسعون بين الناس بالفتن ؟