قاموس المناصير اللغوي

تذكير بمساهمة فاتح الموضوع :

يقول ليك الكورة قوقلا وشوتا. اي اضعها على كوم صغير من التراب ، لكي تكون ساهلة في الشوت.. مهوية من الارض

يـَلــَـكِـع : تعنى يَمـسح بشىء (يجلبط) كأن تقول ياولد ماتمشى حفيان عشان ما تلكع
كرعيك بالطين ، او عشان كرعيك ماتتلكع بالطين .

تتلكع :ــ تعنى أيضا تتلكأ أو تمشى ببطء ، ياأخى تتلكع كدى مالك ماتمشى سريع ...

أيوة الملاداه من زول صغير لى كبير يا سامي.. حتى لو الكبير نهرك ... برضو ما تلاديهو! حتى لو كان موش قريبك..
ماكان زول بيعملا ابدا من الأولاد لى زول كبير

دَرفــُون :ــ أى صغير السن ، الطفل ...
اللــّهـَادَه :ــ النَهَم ، حُب الأكل ...
راسُو لاَيب :ــ نهم ، أكُول [زايع]

الـكـُـبـُــسـُـتْ قبل أن يتبين الخيط الأبيض من الأسود.. في جنح الظلام

قـاطعي الدَرَجـِـي قبـيـحة، شديدة القباحة
اي إذا كان الجمال مقسم بالدرجات والارقام فهي لم تحز على اي نسبة فيه، حتى القباحة هي بعد آخر درجة فيها ولم توجد لها درجة تصنفها فيها من شدة قباحتها.
استعمالها :
ولد حوماااد الحسن مشى عرس ليهو مرة صعيد قاطعي الدرجي.. البنات في المناصير سادات عين الشمش؟ عاد يايمة بري! من الهوايل والنمر الشايب؟
......
يبدو هنا واضح انهن منحازات للفتاة المنصورية

مـَـطـَـنـْــقـِـقـِـي : طويلة

الشك في اللغة العربية معناه عدم اليقين..
لكن الشك عندنا في لغة المناصير غير.. شوف بالله لهجتنا مقلـّـبة كيف؟ زول ما عاشا ولابيعرفا
........
شاكي.. يعني مستحى
الشكك الاستحياء
ما تشك. يعني ما تستحي ما تخجل

العَــوًة :ــ ياجماعة العَــوًة شنو؟ العوة تعنى الهرج والصياح أو اللغط
والأصوات العاليه المتداخلة . ويبدو أن أصل الكلمة ـ العُواء ـ

مَـخَوخ :ــ بكسر الواو تعنى فاسد أو متخمر ...

الـبـُـوُبــِــيــِـيْ : المركب
المركب ذات السواري والشراع
غير كدة لاتسمى بوبيي.

مَرهمَج :ــ تعنى غير منظم ، غيرسوى ، ليس كما ينبغى أو يجب ، ملخبط

مَضَــكـلــَم :ــ تعنى مقطع الأطراف أو الزوائد

دوْدَهـِـيــِـيْ مجموعة كبيرة تعمل إزعاج وجلبة وصياح وضوضاء
استعمالها : يا ولد إنت قاعد فوق الحاحاية زي الطرطور قاعد تدق لى في الطنبور ، وماك جايب خبر! والطير مسويلو دودهي فوق القندول أكل عيشك كلو..؟
دودهي. يمكن أن تعادل هيلمانة بلهجة أهل السودان

جَــخـَــسْ : عجل

سلام يا هندسه an best wishes at the new-year to you
(( يجض )) الفصل مالو يجض كدا من الصباح تعنى ازعاج

سنة سعيدة عليك يا حسون
يا هلا بالطلة
هسي دي نحن نجض
قلنا حسون ده كفاهو من مناطق الشدة، بعد كدة يجينا بي جاي
أنا كان زيك البلد البعيدي دي ما ببل أصبعي فيها؟
...
شرح للناس التانيين
ما بيبل أصبعو فيها... أي لايقربها ( دي جابا لينا حسون ذاتو زمان )

سلام وتحايا واشواق بالكون شبر اليك ايها المرجع بكل المناسبات السعيده
قلنا نرمى لينا كليمتين بالاجليزى نستفذ فيك ملكه الانجليزى الكامنه جواك
((يعنى حب الديك سك الديك)) حرشى ولا مش كدا

حرشي

يا اخى فى يوم وفاه ود حجازى رحمه الله عليه وبعد انتهاء مراسم الدفن ونحن راجعين وماشين وسط المقابر وبالقرب منى الاخ نصر الله وجدنا نبته تشبه التبسى كدا ونصرالله ذكر اسمها لكن انا نسيتو وفعلا انا الاسم دا ماسمعتو كدا اذكر معاى اذا مستحضر هذه النبته

((يسومق ويرد)) ((مسوى الدرب ساساقا))

حسن
يسومق ويرد.. يعني يعيد ويكرر..
والمقصود هو عجين المرحاكة
بيكون مبلول على خفيف
يسومق . يجمع على المرحاكة الطحين الملهوق.. ويرد من الرَدة، يعيد الكَرّه ليكون ناعم، يجمعه تحت حجر المرحاكة ليلهقه مرة أخرى..
...........
راسك زي النتشي.. النتشي.. نبات خلوي كرؤوس الشياطين.. انقرض الآن.. يشبه (اللرايي) ( اللرا).. ايضا النتشي مرات بيقولوها للقرعة المكسورة أو القحف المكسور
........
الربيتون. تشبيهات من البيئة.. يشبه محبوبته من شدة حلاوتها بالربيت..
......
حسن النبتة دي كدي اتذكرا لينا

شكرا هندسه .لى اعتقاد بان دارجيتنا كلها تحوير لللغه الفصحى .مثلا مخاوس قد تكون من مقاوس او مقوس من القوس .مكورر من التكوير او الكره .وغيرها كثير كنت اظنه من الدارج ولكن عندما تتفحصه تجده من الفصحى .مثلا كلمه الزول سدر لافوق .الحنين ودانى جيت بالساقى سادر...فهى فصحى ...فى غيهم سادرون...ايضا تعال نحدسك هى نحدثك وفى تقديرى افصح من نكلمك.وغيرها كثير

أيوة يا محمد عمر معظمها فصحى

فـَـرَنـْـدَقـَـسْ .. ليست لها قيمة
تقال في العزاء فقط
استعمالها
الدنيا فرندقس ،الليلة مات محمد حجازي

نقوم نحول السؤال للاخ نصر الله عبر رساله خاصه

ما هو ((شاى عشرات )) وكما ورده فى الاغنيه المنصوريه ( فى البرنده الفوق شاى عشرات رمانى))

كيف عشرات دي ما عارفا يا حسن.. أكضب ساكت عاد؟

نـَـجـّـَـمـْـتـَها نـَجَام قـبورة : اي أتقنتها

واو : عـيـب.. خلل.. صفة سيئة
استعمالها
مالك يا حليمة خليتي حمارة سعديي، بعد ما دفعتي فيها عربون!
الحمارة يا يمة أم الحسن قالت لي فيها واو!.

يمحش :ــ تعنى يعبىء ، يزيد ، يملأ ، ــــ أمحش الرتينة هواء أى أملأها وزيدها هوأء .
يمحش أحدهم فلان ضد فلان ، أى يوغر صدره ضده ...

ان نزل فى اقنينه بى طوريتى فكان
وميى مابرجه البريد ام قله عكران

ماشاءالله والله ديل محتاجيين معجم خاص بالمناصير

تسلمي يا ثويبة.. يلا شوفي ناسك الكبار في أسرتكم وجيبي لينا كلمات هنا تدعم القاموس

دارِّي : حامل... وتقال لبهيمة الأنعام فقط ولاتقال للمرأة إكراما لها...
نحن المناصير حساسين جدا.. وعندنا مسميات كثيرة، تراعي النواحي الأخلاقية.. والأدب عندنا كان عمود المجتمع بكامله.. ولذلك مرات ننتهج مسميات خاصة دون سائر القبائل التى حولنا.. نعرفها نحن فقط كمناصير ولايعرفها غيرنا..

الزافوت... مرض الأزمة

الــدُهـلُـمى : شىء غير واضح المعالم التى تميزه بسبب عدم وضوح الِرؤيا كالظلام مثلا
أويكون الشىء مغطى ، فيقال له دُهـلــُـمى ...

مَضَكلم :ـ مقطوع الأطراف ، جز أو قطع جزء أو طرف أو أطراف من شىء ما ...

سلام يا باشا كيمان كيمان ما فيهو رفوف لك وللاسره الكريمه وقلنا سلامك براك فى ديوانك ابو طاقه الكارب دا
وبالامس القريب التام شمل اهل المنتدى بمجمع الباسقات بضاحيه بحرى محتفلين باللقاء الاسرى الخامس وفقدناك والله
لكن فاتك جنس رتوتى وضوء خزينا اسكت ساااااااكت

تسلم يا الحسن.. مشتاقين.. الرتوتي الله يلمنا فيهو يا حسن..
.............
 كلمة جديدة للقاموس
شــِنْ.. مـِنْ  نـَـقْ ...: يعني ماذا يسوي هذا الشخص مع الناس؟
دي جابا لينا مهدي كحيل..

  والنون في نق.. بضم اللسان على الحلق.. كلمة غير منصرفة  الحركات

تسلم كتير يا هندسه 
وفعلا مهدى كحيل جاب واحدى قليدى تب
وما عندك عوجه شايفك
تكمرق
وتسفنج
وتكروش
وتحتول 
فى الكلمات التراثيه لقبيله المناصير وربنا يوفق

قاطع اللنقور تعنى الفارغ او الفاضى
يا هندسه دى لو مافى زول جابا تكون تاريخيه

فعلا دي  تاريخية يا  حسن..
  أنا يمكن 30 سنة ما سمعتها الكلمة دي؟ لكن موش استعمالها في عرب المناصير أكثر..؟ يا حسن

حبوووب حلالى
 تعنى تعجب واعجاب

الحسن ؟؟؟؟ انتو كروشتوها ما خليتو فيها الحبة ؟؟؟

تحياتى
ابو مصطفى

ابو مصطفى 
العموديه مبروكه 
 لكن انا خايفا تكون خالى اطيان
الكروشه دى طبعا حقت الزعيم صديق 
نحن سااااااااااااااااااااااااكت نحاكى

الكدى :- وهى الكورة  قالت حبوبة نمورية يا ولاد تلعبوا فى الكدى يكدكم شيطان الحجر 
كسرة :-----------------------
 تقصد شنو يا حسن ؟؟؟ عندى عشرين سلوكة جدع فى دماج ؟؟؟ خالى نزاع بعد غرقت مرغت طين جد
اضافة الى ذلك 3 حبال نضيفة غرب ؟؟؟؟ لا تخاف ؟؟ انت باركها وخلنا النعدى على سوق النعوفاب
وغدانا فى حوش فرنيب ؟؟؟ او عند اسد النصورة ان بقت ششمسنا ما غابت ؟؟؟؟ لاحقين السوق ؟؟؟؟


تحياتى
ابو مصطفى

والله يا هندسه وفى اللقاء الاسرى بالباسقات طبعا زى ما تم زكره كان يوم تاريخى وكل البرامج كانت  ناجحه وبنسبه عاليه
 لكن فى شى مهم جدا مافى زول قالو ليك
 اخونا المشرف الارباب سلمان عقيد زكر وفى المايكرفون وامام الجميع
قال بان الباشمهندس صديق ابو حنه قام بجمع كل الكلمات فى القاموس اللغوى لقبيله المناصير وينوى القيام بطباعه هذا الكتاب وسوف يرى النور قريبا مما يجعلك امام تحدى كبييييير اامل لك التوفيق والسداد 
 برضو سلمان ماقصر زكر بان الاخوه الفكى احمد والحسن سليمان واخرين عاونوا صديق فى جمع هذا القاموس ومن ناحيتى انا  جاهز 
 تقبل مرورى