جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **م بروي** الثلاثاء 11 يونيو 2013, 9:56 pm

الله الله
ولاد زينب السمحين
وشعراً منظوم عقد لؤلؤ
يا بختنا..والله ياهندسه
افتقدناك والجرف بدونك
زي ما وصفتو(وسرو) نكتها من وين دي؟
انا ماشي اتسوق بجيكم فليل

مداخله المهندس الفكي دايراله مترجم..وينك ياهندسه.......
ماشاء الله وعيني بارده ......اجبرتمونا علي قراءه الشعر...

بما انك نويت السفر للاهل وحايكون فى سلامات لامن يدك توجعك وما حاتفضى جيب غنمك على غنمى ومسكنى الجرف وبالنص

الشراية شاطرين شطاره
مختتنها مولعين انواره
مايعرفوا اللعب سوها مناره
هبشت الجرف تسمعي الصفاره
يتلملموا ناس ود عماره
عكازي وعكازك يابت شوفيلك بصاره
غنمك وغنمي وديهن دار ابجاره

ياودجيب الله لى كم يوم احش وامرق واقطع فى الجرم زول سالنى مافى امانى يا الجرف اليله نبرطع فيك برطعه ا
الشرايه خلهم عاد اليومين شده ما فرحانين يتجودو يمين وشمال

من طرف **abuahmed** الإثنين 17 يونيو 2013, 1:35 pm

سهام
صباح الخير
الجرف ممسكني ليهو بالنص
وانا شايف الزبلعة بتاعتك ولكن عامل فيها اضان الحامل طرشا لانو ماشاء الله الجرف عاااامر وجنس سرقتك دي اترها ما ب يظهر
اسرقي سرقتك وسدي خشمك

من طرف **(الحاج شرف)** الإثنين 17 يونيو 2013, 1:41 pm

مراقب

هجمتونى يالحاج وابو احمد لامن قفتى وقعت منى وينو ودجيب يجى يلحقنى ببيتين شعر والله الزول حزرنى بارك الله فوقو لكن انا البطيرنى من قوه الراس شنو الشرايه عاد ينومو وعيونون مفتحينها

انا قاعد اسع اجيب عكازي المضبب!!!!!؟

ياهندسة انت قايل ناس الجزاير زى زمان---اسع فى واحد دافن عكازو جنب المطار لى سيد الجرف وطلع اى كلام

لقيتو البلد فاضيه بقيتو تسرحو وتمرحو

قلنا يانجلاء دى فرصه مابتتعوض تانى انا من يوم بروى يقول امشى السوق واجيكم سننته منجلى ونزلتا الجرف واسع لما يرجع السعوديه ويفتقد ناس الجرف الفليع راقد عاد هو بى يتقدر والله يالحاج انا لما شفت صوره ولدك قلت الناس ديل مراقبين الجرف جد جد

ياسلمان في الانتظار تم القافية النقصية ماحبابة

يا ودجيب الله ناس الجزاير اكبر من كده ماتدقق

دار فوق الباشمهنس وليهو اطبق الشكرة
الزول كريم واجواد زى مطرة النترة
ينفق للقروش حتى ان بقت فى ندرة
صافى ضمير ابيض من خلق بالفطرة
دا التمساح العشارى الأكلو مامن حجرة
بس من الله خلقو تب مابيرضى الحقرة
عكازو المضبب دايما بكسر الفقرة

أربابنا الكلس ماهو الغميس النكرة
معروف بى فضايلو الظاهرى والمستترة
راكز للتقيلى يشيلا رغم الفترة
الطالب البجيهو محال يقابلو بنهرة
يقضيها الحوائج مبتسم دون كشرة
قدام مكتبو تلقى الصفوف منتظرة
ما بيجرحلو زول وكلامو دايما عبرة

شكرا هندسة---ايه الابداع دا--واترك التعليق لغيرى---
فى ابياتى --هنالك تعديل فى البيت الاول --سقطت كلمة اقول--ليكون كالاتى--
داير اقول فوق الباشمهندس وليهو اطبق الشكرة

من طرف **ابو مصطفى** الأربعاء 19 يونيو 2013, 6:03 pm

سلام سلام ناس الجرف ؟؟ حقيقة مشتاقييييييييييييييييييييين ومالاقين ؟؟؟؟؟؟؟؟؟؟؟؟؟؟؟؟؟
تحياتى
ابو مصطفى

احم ؛؛ احم سلام جاكن ؛؛؛

هوي ياناس البلد سيدا يينو؟

واحدين يغنو واحدين يسرقو في اللوبا ؛؛

والحاج يسي انا مراقب ريقيب الشوووونو الحاج دابو وداب شارع .... تم ياسلمان؛؛؛

ابراهيم انا كنت مصبرلك بيهنى قلت اكيد غنمو لما يجوعن بيجى يسرقلو قبضه لوبا شكرا عاد على الههههههه

سبحان الله والحمدلله
اليوم التقيت بصاحب الجرف شخصيا يايايايايا دا السلام والفرحة والابتسامة
الجرف لايسع التعبير سبحان الخالق ياناس ياعسل -ودبروى ودجيب الله يلتقيان
موعدكم :بــــوســـــــــــت المنتدي والجرف كوم( وهي براها كوم كوبك)
..............................,,,,,,,,,,,,,,,,,,,,,,,,,,,,,,,,,

من طرف **ابو مصطفى** الخميس 20 يونيو 2013, 2:33 pm

الجرف وسيد الجرف ؟؟؟؟؟؟؟؟ التقيت به فى مقابرحمد النيل ؟؟؟؟ والدنيا مغارب ؟؟؟ وقلت له ؟؟؟ كيف ياريس ؟؟؟ انشاء الله اجازتك طويلة ؟؟
قال لى اجازتى بسيطة ؟؟؟؟؟؟؟؟؟؟؟؟؟ وزمنى مليان ؟؟؟؟ كنت عاوز انتاقش معاه فى وكالة عام 2014*** للجرف 2015
لكن لقيتو كلامى مو داير ؟؟؟؟؟؟؟؟؟؟؟؟
وياخسارة ...............
السليك الختو ولو زانة
والمهندس يقلب رطانة

خلى بالك سيد الجرف شبع ؟؟؟ وتغى خلاص ؟؟ ياربى الريال بى كم ؟؟؟؟

تحياتى
ابو مصطفى

ياابو مصطفي هو خافنو الزعيم البارح جاء الترب؟؟؟
نان انا البارح مالاقيتك مالك ماحدثتني بي جيتو جن يجننك؟؟؟

تخريمة :ياسهام هوووووي اوعك من سرقة البينضورة لاني انا مكنترا من سيدا؛؛؛

والله يا ابراهيم انت ماجايب خبر ماقريت صفحه 12 شعر ولد زينب السمح الفكى احمد كان عرفت انو سهام من اول عكاز جات اتفشت فى الجرف ماخليتلى طماطميه مافجخته الا بت زمراوى الله يديها العافيه جات لحقتنى وكمان لقيت ودبروى عندو نكته اول مره اسمعا ضحكتنى ونستنى العكاز والله ود بروى يجى يلقى خرمجتنا دى الا يحرد جرفو سلام يازول انا ماشى على البيوت شايلى جريدى ماشى اعوسلى فطير للبن

من طرف **نجلاء زمراوي** الخميس 20 يونيو 2013, 7:08 pm

يابت الزين كتري من الفطير البي لبن ..عشان تمدي لي كوريه معاك...باقي من بومي دااااااااااك مأاقدرت اقوم .....

الله يديك العافيه يا بت زمراوى للحجيز دحن تعبانه نجى ندليك كريمه والااقولك كلام نحن زول خشمو نصحيح دا ما بنقول عليه عيان الا تكضمى تب حتن نقول الزوله دى عيانه قومى يا اختى حشى عشاء غنمك وانا بجى بفزعك واللبن راقد والفطير راقد بس ضرضريلك فوقو شويه سكيكر عشان انا ماعندى سكر والعفو والعافيه

من طرف **(الحاج شرف)** الخميس 20 يونيو 2013, 10:46 pm

الباش مهندس ود جيب الله كتب:أربابنا الكلس ماهو الغميس النكرة
معروف بى فضايلو الظاهرى والمستترة
راكز للتقيلى يشيلا رغم الفترة
الطالب البجيهو محال يقابلو بنهرة
يقضيها الحوائج مبتسم دون كشرة
قدام مكتبو تلقى الصفوف منتظرة
ما بيجرحلو زول وكلامو دايما عبرة

الكلمه التانيه فى السطر الاول ناقصه حرف الياء بين اللام والسين ياباشمهندس بالله راعو الاخطاء الاملائيه وماتكرروها

متشكر ود الشيخ علي المتابعة : بعد 15سنه الطلب مقبول.
اما هسع اذا وضعة الياء تحزف الميم البعد السين.

من طرف **abuahmed** السبت 22 يونيو 2013, 2:51 pm

هوي يا الفقير والباشمهندس
الجرف ده انا حارسو بالنص
اوعكم من الكلام برطانة الدينكا في الجرف
انا عشان مقامكم عالي دي فوتها ليكم, لكن تاني ما تحرجونا بالكلام الما بيتفهم
والله ظريفين

من طرف **ابو مصطفى** الأحد 23 يونيو 2013, 5:26 pm

بسم الله ؟؟؟؟؟؟؟؟؟؟؟؟؟؟؟؟؟ والله دى فوضة ؟؟؟؟ فوضة ضاربة بى اطنابها ؟؟ كمية من الناس الدخلاء على هذا الجرف ؟؟ ولا رخصة ولا ترخيص ؟؟؟ يسلكوا ويملكوا ساكت ؟؟؟؟ انت قايلين الحكاية دى طلاقيت ؟؟؟ خلاص طلقت وورينن بقرها ؟؟؟؟
اول حاجة شوف ؟؟ اسمع الكلام من وكيل اول جرف روكة ؟؟
الاتية اسمائهم عليهم دفع جزى ومقدارها 250جنيه سودانى ؟؟ لى بكرة مافى ؟؟؟؟
1- ابوسفيان خلف -------------- السعودية يدفع بالريال السعودى
2- نجلاء زمراوى ----------- تم العفو عنها حسب وصية ود البصير
3- سهام -------------- الدفع الفورى دون ادنى نقاش لانها جديدةموسم 2013..2014
4- واحد لخبات اسمه ابحمد ------------ يتم حظره اذا قام على اللخبطة ويعطى مقدار سلوكة واحدة بشرط ان يزرعها دخن ويحصدها سريع سريع ؟؟ وغير مرغوب فيه فى هذاالجرف العمر لانه نكرة كبيرة وكثيرا ما يرد الجرف ومتلفى بى شال قديم وعراقى مقطع
ومرة لابس ومرة حفيان ودربو ظاهر فى الطين يمتهن مهنة فتل الحبال ودق الجريد ؟؟؟ سلوكله ليس سلوك مزارع من الطراز الاول وهذا حسب تقرير لجنة جرف ودبروى المتخصصة فى الزراعة المروية غير المروية والمتخصصة فى البصمات ( بصمات السعد والانتاج الوفير )
على العموم على كل الذين وردت اسمائهم فى الكشف مقابلة لجنة الجرف لاجراء التسويات الازمة قبل موسم 2013...2014
ملحوظة :------- تصرف كل المعدات .. من طوارى وسلاليك وكونشبرت وقفاف ؟؟؟ وغيرها من تواريب واسمدة وحبوب من وكيل الجرف
ابو مصطفى الحاصل على ترخيص مزوالة وكالة الجرف من خاله محمد ودبروى امس القريبة دى ؟؟؟
اوع من الفوضى واللخبطة ؟؟؟؟
تحياتى
ابو مصطفى

من طرف **(الحاج شرف)** الإثنين 24 يونيو 2013, 3:45 am

ابو مصطفى كتب:بسم الله ؟؟؟؟؟؟؟؟؟؟؟؟؟؟؟؟؟ والله دى فوضة ؟؟؟؟ فوضة ضاربة بى اطنابها
ابو مصطفى الحاصل على ترخيص مزوالة وكالة الجرف من خاله محمد ودبروى امس القريبة دى ؟؟؟
اوع من الفوضى واللخبطة ؟؟؟؟
تحياتى
ابو مصطفى

عقد بيع ابتدائي لأرض زراعية محرر بتاريخ.....20.../...06../.......2013. بين كل من :-

( طرف اول بائع )محمد احمد محمد بروى

( طرف ثاني مشتري )الحاج شرف الدين

وقد اقر الطرفان بأهليتهما الكاملة للتعاقد والتصرف واتفقا علي ما ياتي :-

تمهيد

يمتلك الطرف الاول قطعة ارض زراعية بناحية..منتدى المناصير بلدى...... مركز.المنتدى الاجتماعى.العام......بحوض.....جرف روكه محافظة..المناصير...... ومساحتها تسع الجميع

ولرغبته في بيع هذه القطعة فقد لافت قبول لدي الطرف الثاني وبعد ان اقر كل منهما باهلية للتعاقد والتصرف وبانهما غير خاضعين لاحكام الحراسة فلقد تم الاتفاق علي الاتي :-

اولا :-

يعتبر التمهيد السابق جزء لا يتجزء من هذا العقد

ثانيا :-

باع واسقط وتنازل الطرف الاول بكافة الضمانات القانونية والفعلية الي الطرف الثاني القابل لذلك ماهو قطعة ارض زراعيه مساحتها...تسع الجميع.كائنة...بمنتدى المناصير بلدى.. بناحية.. منتدى المناصير بلدى... مركز..المنتدى الاجتماعى... بحوض..جرف روكه...

ومحددة الحدود كالاتي :-

الحد البحري : ملك...المناصير غرب وشرق وجزاير.

الحد القبلي : ملك...لغايه ماتشوف انوار عطبره.

الحد الغربي : ملك...على امتداد صحراء بيوضه مع السماء.

الحد الشرقي : ترعة..لحدى ماتقول كفاى.

ثالثا :-

تم هذا البيع بين الطرفين نظير ثمن اجمال قدره.محبه الجميع.... دفعت جميعها عند تحرير هذا العقد ويعتبر توقيع الطرف الاول علي هذا العقد بمثابة ايصال ومخالصة عن سداد كامل الثمن

رابعا :-

يقر الطرف الاول ( البائع ) بان ملكية الارض المباعة قد الت اليه بالميراث عن والده المرحوم /الجروف الغرقانه تحت المويه

ويتعهد باعطاء الطرف الثاني كافة المستندات الدالة علي الملكية كما يتعهد بالحضور امام الجهات الرسمية لانهاء اجراءات تسجيل هذا العقد

خامسا :-

يقر الطرف الاول البائع بان الارض المباعة موضوع هذا العقد خالية من كافة الحقوق العينية او الشخصية ايا كان نوعها وانه لم يسبق له التصرف في الارض المباعة موضوع هذا العقد وانها خالية من المزارعين والمستاجرين وايضا من اي ديون للغير او البنك الزراعي وفي حالة ظهور اي ديون سابقة علي هذا العقد يلتزم بها الطرف الاول

سادسا :-

يقر الطرف الثاني المشتري بانهة عاين الارض المباعة المعاينة التامة النافيه للجهالة شرعا وقانونا وانه قبلها بحالتها التي هي عليها عند التعاقد وبما عليها من مزروعات

سابعا :-

اتفق علي ان اي نزاع ينشأ حول تنفيذ او تفسير هذا العقد ختص به محاكم........ علي اختلاف درجاتها

ثامنا :-

حرر هذا العقد من نسختين بيد كل طرف نسخة للعمل بها عند الاقتضاء

...................................والله تعالي خير الشاهدين

طرف الاول...ود البروى.....                  ..طرف ثاني

بائع..                     ..الحاج شرف الدين واعضاء المنتدى.......مشتري

1- السيد /..اعضاء منتدى المناصير بلدى..............                            2- ابومصطفى شاهد فقط .

التوقيع والختم بعد الاحتفال وتسليم العقودات

ورد بالعقد ما يلى : يمتلك الطرف الاول قطعة ارض زراعية بناحية..منتدى المناصير بلدى...... مركز.المنتدى الاجتماعى.......بحوض.....جرف روكه محافظة..المناصير...... ومساحتها تسع الجميع
وعليه يعتدبر هذا العقد لاغى لما فيه من خطأ كبير ومؤثر حول موقع الجرف وبالتالى تستمر ملكية الجرف كما كانت قبل هذا البيع المزعوم حتى إشعار آخر
صدر تحت توقيعى
سليمان قمر المنصورى ـ محامى أعضاء الجرف

الكتاحة ::
اذا هنالك امراما يا شاعر البلد الزم الصبرقول يالطيف
واذا هنالك حدث تزويرلاسمح الله وانا اشك في هذا
رهن الاستعداد قادي صلاح الدين المحامي ( صديق للعائلة)

من طرف **ابو مصطفى** الإثنين 24 يونيو 2013, 5:42 pm

والله دى حكاية ؟؟؟؟؟؟؟؟؟؟؟؟؟ جابت ليها محاميين وجابت ليها بيع وعقودات ؟؟؟؟ وكمان ابو مصطفى شاهد بس ؟؟؟؟
المعنى ابو مصطفى ما وكيل للجرف ؟؟؟؟؟
ياسيدى الحسن راجل الختمية ؟؟؟ امشى اعمل لى طيلسان ؟؟؟؟ اطلسوا .......... عشان يبيع لى الجرف كلو ؟؟؟

تحياتى
ابو مصطفى

جيت كلعاده اشيل قشي وحاتكم لغيت العجاجي من بعيد سكيني وسكينك حتي ابو احمد شايل فرار وكنا في امانة الله بس جاء ابو مصطفي الكع حصل يدفع دا ويعفي دا مش الوبا دا اه خليتو ماشيه علي الكردي قال محامي قال الشي اسمو جرف روكه دحن ياناس باركوها

ابو مصطفى كتب:بسم الله ؟؟؟؟؟؟؟؟؟؟؟؟؟؟؟؟؟ والله دى فوضة ؟؟؟؟ فوضة ضاربة بى اطنابها ؟؟ كمية من الناس الدخلاء على هذا الجرف ؟؟ ولا رخصة ولا ترخيص ؟؟؟ يسلكوا ويملكوا ساكت ؟؟؟؟ انت قايلين الحكاية دى طلاقيت ؟؟؟ خلاص طلقت وورينن بقرها ؟؟؟؟
اول حاجة شوف ؟؟ اسمع الكلام من وكيل اول جرف روكة ؟؟
الاتية اسمائهم عليهم دفع جزى ومقدارها 250جنيه سودانى ؟؟ لى بكرة مافى ؟؟؟؟
1- ابوسفيان خلف -------------- السعودية يدفع بالريال السعودى
2- نجلاء زمراوى ----------- تم العفو عنها حسب وصية ود البصير
3- سهام -------------- الدفع الفورى دون ادنى نقاش لانها جديدةموسم 2013..2014
4- واحد لخبات اسمه ابحمد ------------ يتم حظره اذا قام على اللخبطة ويعطى مقدار سلوكة واحدة بشرط ان يزرعها دخن ويحصدها سريع سريع ؟؟ وغير مرغوب فيه فى هذاالجرف العمر لانه نكرة كبيرة وكثيرا ما يرد الجرف ومتلفى بى شال قديم وعراقى مقطع
ومرة لابس ومرة حفيان ودربو ظاهر فى الطين يمتهن مهنة فتل الحبال ودق الجريد ؟؟؟ سلوكله ليس سلوك مزارع من الطراز الاول وهذا حسب تقرير لجنة جرف ودبروى المتخصصة فى الزراعة المروية غير المروية والمتخصصة فى البصمات ( بصمات السعد والانتاج الوفير )
على العموم على كل الذين وردت اسمائهم فى الكشف مقابلة لجنة الجرف لاجراء التسويات الازمة قبل موسم 2013...2014
ملحوظة :------- تصرف كل المعدات .. من طوارى وسلاليك وكونشبرت وقفاف ؟؟؟ وغيرها من تواريب واسمدة وحبوب من وكيل الجرف
ابو مصطفى الحاصل على ترخيص مزوالة وكالة الجرف من خاله محمد ودبروى امس القريبة دى ؟؟؟
اوع من الفوضى واللخبطة ؟؟؟؟
تحياتى
ابو مصطفى
عقداجتماعي طارئ وعاجل بخصوص الجرف الروكه
وبعداحضار كل من المدعيين بالوكاله الحصريه للجرف تملبك اوالبيع الصكوك وشهادات البعت والمنح
المدعي=الحاج شرف الدين علام
المدعو-= الطيب محمد عبد الرجيم
اثبت المحكه بان وكاله الطيب مزوره يعتبر الوكاله غير ساري المفعول
واوراق المبايعه مع المدعو شرف الدين باطله لعدم وجود شهود في ورقه المبايعه
وفرضت المحكمه عرامه للاسباب التاليه علي ابومصطفي علي النجو التالي=
1-تعريمه الف جنيه بالجديد
2=50حلده امام كل ناس الجرف القدامي والجدد
3=السجن شهرين مع الاعمال الشاقه (لتحصيل عرامه من غير اورنيك 15)
4-واخد تعهدعليه بعدم التعرض لاي واحد من ناس الجرف
اما الجاج فرات المحكمه اطلاق صراحه لعدم الضرر من المبايعه
5=بعتبر القرار نهائي ولايحق المدعي الاستناف في الجكم يبداء التنفيذ فورا

من طرف **abuahmed** الثلاثاء 25 يونيو 2013, 4:54 pm

شوف يا الفقير الحاج شرف
ماتشوف الغاغة والكواريك بتاع ود علويى الظربون وتقوم تزور في المبايعات
يا الفقير دحين ماك خاتي
بعد ما وردك اليوماتي
وبعد ماكنت ترسن العاتي
ما لك اتقلب مزوراتى

من طرف **ابو مصطفى** الثلاثاء 25 يونيو 2013, 4:55 pm

والله حكاية واول الرواية ؟؟؟؟؟؟؟؟؟؟؟؟ ياجماعة صدقونى والله انا مظلوم ؟؟؟؟؟؟؟؟؟؟؟؟؟ انا وكيل الجرف ؟؟؟ رسمى وشعبى ؟؟؟؟؟
وقاعد ادفع الجزى وهى مبلغ من المال لكل عام زراعى لخالى محمد ودبروى ؟؟؟؟ والان الرجل ليس ببعيد ؟؟؟ الان معانا هنا فى السودان واول امس كان قاعد معاى فوق حجيرة البحر فى الحلفاية ؟؟؟؟
لكن المشكلة فى الفقرة ؟؟؟؟ الحقونى ياجماعة الفقرة عاوزين يبيعوا الجرف ؟؟؟ ونحن واقفين فوقوا وحياتنا فيه ؟؟؟؟
على اليمين الفقرا ديل غلبوا حكومة الانقاذ ؟؟؟؟ يبيعوك وانت شغال وماشى فى مشيك ؟؟؟؟ اسع المعنى البيع وقع ؟؟؟ والله العقود دى باطلة ؟؟؟ واله موقف المزارعين شنو ؟؟؟ وفى حصاد وفى شى لسع ما اتحصد ؟؟؟؟؟
اقولك يابت كبجون دقى الزغاريت ؟؟؟؟ الحاكومة جاتكم ؟؟؟؟ حرمعلىاليمين ود شرف الدين ودغلام دا كان ماجاب النار يجيب العسكار ؟؟؟؟
وخالى محمد ودبروى ؟؟؟ زى منشار الحديد طالع ياكل ونازل ياكل ؟؟؟؟؟ اتارى شفت جيبوا دا مليان قروش ؟؟؟؟؟
اخ اخ اخ ؟؟؟؟؟؟؟؟؟؟؟؟؟؟؟ ان بقى خالى ودبروى باعنا والله دى حكاية ؟؟؟؟؟

تحياتى
ابو مصطفى

من طرف **(الحاج شرف)** الثلاثاء 25 يونيو 2013, 8:05 pm

[quote"(الحاج شرف)"]

ابو مصطفى كتب:بسم الله ؟؟؟؟؟؟؟؟؟؟؟؟؟؟؟؟؟ والله دى فوضة ؟؟؟؟ فوضة ضاربة بى اطنابها
ابو مصطفى الحاصل على ترخيص مزوالة وكالة الجرف من خاله محمد ودبروى امس القريبة دى ؟؟؟
اوع من الفوضى واللخبطة ؟؟؟؟

من طرف [ندعوك للتسجيل في المنتدى أو التعريف بنفسك لمعاينة هذا الرابط] اليوم في 10:54 am
f]شوف يا الفقير الحاج شرف

ماتشوف الغاغة والكواريك بتاع ود علويى الظربون وتقوم تزور في المبايعات

يا الفقير دحين ماك خاتي

بعد ما وردك اليوماتي

وبعد ماكنت ترسن العاتي

ما لك اتقلب مزوراتى

سادسا :-
يقر الطرف الثاني المشتري بانهة عاين الارض المباعة المعاينة التامة النافيه للجهالة شرعا وقانونا وانه قبلها بحالتها التي هي عليها عند التعاقد وبما عليها من مزروعات
سابعا :-
اتفق علي ان اي نزاع ينشأ حول تنفيذ او تفسير هذا العقد ختص به محاكم........ علي اختلاف درجاتها

ثامنا :-
حرر هذا العقد من نسختين بيد كل طرف نسخة للعمل بها عند الاقتضاء

نسختين الاولى بيد البائع والثانيه بيد المشترى
اولا الكل يشهد بان الجرف ملكا خالصا لودبروى
وعليه كل من يشك فى امر البيع يرجع للنسخه التانيه بطرف البائع
ثانيا
مراحل التحكيم للمدعين متوفره بكل من الدامر والطوينه
مع العلم بان مده الاستئناف قد انتهت
المزارعين والعاملين بالجرف عليهم التوجه لاستلام تعويضاتهم بعد دخولهم مرحله التحكيم ولايقبل التوكيل
المكاجرون يمتنعون لحين وصول التوجيهات من كبيرهم
وشكرا
نسخه ثالثه بسجلات بربر
الاتهام واشانة السمعه بالتزوير تورطك زى اخونا ود نورى الغشاه ود الباوقه
وقاليه انا معاك وكلم ليهو جماعتو بعد شال عكازو وطلع معاه على السهله
انا منتظرك فى النيمه جوار مبارك الفاضل يمكن تقدر تشاركنى فى الجرف

غايتو انا البيعة دي ما واقعا لييي؟

من طرف **abuahmed** الأربعاء 26 يونيو 2013, 1:18 pm

[quote"(الحاج شرف)"][quote"(الحاج شرف)"]

ابو مصطفى كتب:بسم الله ؟؟؟؟؟؟؟؟؟؟؟؟؟؟؟؟؟ والله دى فوضة ؟؟؟؟ فوضة ضاربة بى اطنابها
ابو مصطفى الحاصل على ترخيص مزوالة وكالة الجرف من خاله محمد ودبروى امس القريبة دى ؟؟؟
اوع من الفوضى واللخبطة ؟؟؟؟

من طرف [ندعوك للتسجيل في المنتدى أو التعريف بنفسك لمعاينة هذا الرابط] اليوم في 10:54 am
f]شوف يا الفقير الحاج شرف

ماتشوف الغاغة والكواريك بتاع ود علويى الظربون وتقوم تزور في المبايعات

يا الفقير دحين ماك خاتي

بعد ما وردك اليوماتي

وبعد ماكنت ترسن العاتي

ما لك اتقلب مزوراتى

سادسا :-
يقر الطرف الثاني المشتري بانهة عاين الارض المباعة المعاينة التامة النافيه للجهالة شرعا وقانونا وانه قبلها بحالتها التي هي عليها عند التعاقد وبما عليها من مزروعات
سابعا :-
اتفق علي ان اي نزاع ينشأ حول تنفيذ او تفسير هذا العقد ختص به محاكم........ علي اختلاف درجاتها

ثامنا :-
حرر هذا العقد من نسختين بيد كل طرف نسخة للعمل بها عند الاقتضاء

نسختين الاولى بيد البائع والثانيه بيد المشترى
اولا الكل يشهد بان الجرف ملكا خالصا لودبروى
وعليه كل من يشك فى امر البيع يرجع للنسخه التانيه بطرف البائع
ثانيا
مراحل التحكيم للمدعين متوفره بكل من الدامر والطوينه
مع العلم بان مده الاستئناف قد انتهت
المزارعين والعاملين بالجرف عليهم التوجه لاستلام تعويضاتهم بعد دخولهم مرحله التحكيم ولايقبل التوكيل
المكاجرون يمتنعون لحين وصول التوجيهات من كبيرهم
وشكرا
نسخه ثالثه بسجلات بربر
الاتهام واشانة السمعه بالتزوير تورطك زى اخونا ود نورى الغشاه ود الباوقه
وقاليه انا معاك وكلم ليهو جماعتو بعد شال عكازو وطلع معاه على السهله
انا منتظرك فى النيمه جوار مبارك الفاضل يمكن تقدر تشاركنى فى الجرف
[/quote]
يا اخوانا شوفو الوكرة الوكر فيها المقبول
انا كنت خايف الفقير يقوم يزعل والجماعة قالو لي اعمل حسابك منو بيسختك
الزول خلي سجادتو وشال عكازو , الظاهر ودبروي البقنية بتاعتو فيها غش , الله يسامحو
الحاخ اخوي
تزوير تزوير وحلايب مصرية وابيي جنوبية والخيار المحلي ......!! انت الفقير بقنية ودبروي شيلتك عكاز وخلتك تهدد بالقتل وانا مع جماعة الجراري وعاوز تهددني, كمان قال جنب نيمة مبارك الفاضل عشان الحجازين كتار, مش كده!!!؟
شوف يا الحاج
نتلاقي في محيسة جنب محطة الكهرباء

محمد وين

تعالنا إنت وين ماشى

الجرف ما تخلى أبقى غاشى

وراك رتعت كلو حاشى

معوز ونعاجو وكباشى

نصو وطرفو وحواشى

زحمة تقول فيهو باشى

شفتو زهل مسك راسى

تعال يا صاحب المراسى

ومكان زولى ومكان ناسى

ومكان الكرم الوراثى

تعال ماك داير حناسى

خلى الدنيا ترجع ليه ويحس إنو الزمن ماشى

محمد وين
ــــــــــــــ

غاب أب شنب ولعب .......

تسلموا أيها الرائعون ممن لم يهمل الجرف فى غياب صاحبه

إن موعدكم الباسقات أليست الباسقات من ...... ببعيدة

abuahmed كتب:[

يا اخوانا شوفو الوكرة الوكر فيها المقبول

انا كنت خايف الفقير يقوم يزعل والجماعة قالو لي اعمل حسابك منو بيسختك

الزول خلي سجادتو وشال عكازو , الظاهر ودبروي البقنية بتاعتو فيها غش , الله يسامحو

الحاخ اخوي

تزوير تزوير وحلايب مصرية وابيي جنوبية والخيار المحلي ......!! انت الفقير بقنية ودبروي شيلتك عكاز وخلتك تهدد بالقتل وانا مع جماعة الجراري وعاوز تهددني, كمان قال جنب نيمة مبارك الفاضل عشان الحجازين كتار, مش كده!!!؟

شوف يا الحاج
نتلاقي في محيسة جنب محطة الكهرباء[/quote]
ماعندى
ماعندى مانع
بس عندى شرط واحد
بعد محطه محيسه بكم كيلو كده
عندنا 250 الف فدان ح نوزعها على كيفنا ماعندها علاقه بخيار محلى ولاخيار مستورد
زى ما الشيخ حمد شال نحن شلنا
هو ح يزرعها ويصدرها على كيفو
ونحن ح نشحد منو توصيله سلك وماسوره عشان بقى جارنا
لو ماعنك مانع البرادو الليموزين واقفه تحت النيمه
السطر باللون الاحمر اعلاه
زيو وذى المعروضات البلقوها فى مسرح الجريمه
اذا لاقدر الله قام فى المحطه لغم انت المشيت هناك
انا ماجاى
بنتظرك فى النيمه لانو الونسه فيها راقده

من طرف **ابو مصطفى** الخميس 27 يونيو 2013, 2:02 pm

يا جماعة اوع من اللخبتة ؟؟؟؟؟ اسع انتو خلاص ؟؟؟؟ سطتو وجطتو الجرف دا بى مفراك عتيلى ؟؟؟؟ وانا متاكد سوف يبقى زى بوست الق...............الق....................؟؟؟؟ عشان كده ؟؟؟ انا عاوز وكيل الجرف لازم يدخل ويشوف الحاصل شنو ؟؟؟؟؟
والله الجرف دا دخلوه ناس بتاعين لخبطة ؟؟؟؟؟ والله بتاعين لخبطة ؟؟؟؟؟ اوع من تجوطوا ساكت ؟؟؟؟؟

تحياتى
ابو مصطفى

الو الو انشاء الله خير ياسهام

من طرف **ابو مصطفى** الأربعاء 03 يوليو 2013, 5:29 pm

القمرة .................... القمرة .... جاءت السودان وحالا رجعت ............. واحدين قالوا شافوها فى امبدة ....
وناس بحرى يبكوا من الظلام ................ القمرة جاءت فى حارتنا ونورتنا وبالصدفة جيت جارى ونفسى مقطوع قالوا لى ناس سلمان
احتمال تلقاها فوق كبرى الحلفاية واحتمال تلقاها فى بيت المرحوم محمد ودحجازى ؟؟؟ فى المنارة ؟؟ ولله جيت جارى جرى ؟؟؟؟
لقيت القمرة قاعدى ؟؟؟؟؟ ومعاها نجوم ............ النجم الشيخ بروى ... النجم جنابو سامى ؟؟؟؟ والنجم النفر عثمان ؟؟؟؟
ومعاهم اكان ما اخاف الكذب ... شلة وقالوا الضلمى (دكتور ودعون الله ) الحسن عثمان الحسن ( قالوا الضلمى ) مشت عطبرة ؟؟

تحياتى
ابو مصطفى

من طرف **م بروي** الأربعاء 03 يوليو 2013, 7:31 pm

عليكم جنس غتاته
عالم انتهازيه
بجيكم واحد واحد
ياربي دي بقدر عليها؟

قبل ماترد نادي سفيان يجيب جوزو باقي خلاص قرب يحرق لاعرفنا عطشان والازعلان من صاحبو الهملو ورحل

من طرف **م بروي** الخميس 04 يوليو 2013, 3:54 pm

سهام علي محجوب كتب:قبل ماترد نادي سفيان يجيب جوزو باقي خلاص قرب يحرق لاعرفنا عطشان والازعلان من صاحبو الهملو ورحل

بس لو جونا تاني تلات انفار من نوع سهام دي
كان منتدانا ده ما بينفات...سهكتنا الجديه كما سهكتوا جرفي

اخبارك يازعيم الفرفشه والضحك في الدنيا الزايله دي*تشكر علي الكلام السمح دا*المنتدي حافل بوجودك ياصاحب البسمات *كنت اتمني ان التقي بك وباسرتك الكريمه لكن تاتي الرياح بما لاتشتهي السفن *والايام جايه يازولنا*والله طلعتا قريبنا من جهه الوالده*والجرف مش اتسهك دا انسرق عديل نصه نهار بس الحق الحكايه سريع *وادو العيش لي خبازو وترو لي وراء

من طرف **م بروي** الجمعة 05 يوليو 2013, 9:51 pm

سهام علي محجوب كتب:اخبارك يازعيم الفرفشه والضحك في الدنيا الزايله دي*تشكر علي الكلام السمح دا*المنتدي حافل بوجودك ياصاحب البسمات *كنت اتمني ان التقي بك وباسرتك الكريمه لكن تاتي الرياح بما لاتشتهي السفن *والايام جايه يازولنا*والله طلعتا قريبنا من جهه الوالده*والجرف مش اتسهك دا انسرق عديل نصه نهار بس الحق الحكايه سريع *وادو العيش لي خبازو وترو لي وراء

سعدت بالقرابه ...شرف نفخر به ونعتز ونتباهي
واغيظ بيهو الما ينسماش ...
ياريت لو سعدنا بمقابلتك
الجايات روابح
خضر جرفنا وازدهر بوجود ظرفاء بلادي