جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **abuahmed** الجمعة 03 مايو 2013, 2:56 am

هوي يا ود علويى

اه يا عكروت

مافي طريقة توقف السلميي والعصر في الكونيي الا ترفع الراية البيضاء وتعتذر وتدفع دفع فيهو فايدى

دي ماها الطريقة البتعاملوا بيها مع الشعراء

من طرف **ود عون الله** السبت 04 مايو 2013, 2:45 am

سلام يا عازة يا ست الخصال السمحة

بارودك طلع عم البلاد والبرحة

امسكي في الاسود سيبيها ديك الفرخة

خراب الجرف صات الكرد والقمحة

سراق الكحل اللا شكر لا مدحة

حالفين ما نسيبوا اكان لبد في سرحة

يقضي حياتو تايه بين شيوخ ومصحة

ما بيلك الثكلي ابرماد والردحة

من طرف **النفر** السبت 04 مايو 2013, 4:34 am

أبشر يا فارس الحوبيى

خالك جاك معاهو سريى

معززة بأسود بريى

مظلله بصقور جويى

بيى تحت الجروف محميى

بزوارق وبارجات بحريى

مدافعه صوته يدوى دويى

حرم .. ما بتجيك أزيى

البلد الظاهر بقت طلقيى !!

وكل زول يرعى بلا قيديى

الظاهرة أصبحت جهويى

حقك ما ب يجيك عفويى

إلا تقلعو بأيادى قوييى

عاد أركز يا ولد علويى

شلق .. وحدر الطاقيى

وبشر وأردف الصقريى

خلى الدارة عجاجه يلوى لويى

ودوبى وضاهى ود ضحويى

وأقدل فى الجرف جهريى

أجدادك رجال نشميى

فرسان حارة وقداميى

ما بيضارو فى كونيى

أبد ما برضو بالدونيى

وياما جهجهو التركيى

وإنت تملى زول دوقريى

وما عندك دروب ملويى

وعمرك ماب تلف صينيى

منك ماب تجى المرخيى

حقك تاخدو بالزنديى

لا واسطات ولا جوديى

لا رشوات ولا كرويى

وترفع راسنا فى العليى

وصيتك يملإ كل فجيى

وتجيك الجموع طوعيى

تمشى على حداك حفيى

مطأطئى راسه ليك محنيى

وتبصم ليك .. بالعموديى

وترفع ليك تمام جنديى

وتعزف ليك سلام وتحيى

**************

من طرف **م بروي** السبت 04 مايو 2013, 3:15 pm

سلمان عقيد النعوفابى كتب:الزول جانا شاكى وطالب الجوديى

والزول عمدة بلد من برتى للشامخيى

هو اياهو التساب المويتو طامحى قويى

عندو القيف يمين بس درب ضحويى

هو ياهو التساعى الراسى فى الكونيى

وهو الاسد المربعن فى خلا الفادنيى

معروف بالكرم متل حاتم فى قبيلة طيى

الزول كريم واجواد وبيتو عاملوا تكيى

دحين ياسامى دى ماكانت منك المحريى

قلنالكم قصدوه الدرب قبال تخلفوا الكيى

معروف البلد العليها ماهو شويى

وكيف عمدتنا ينبرش ويندق فى طوريى

قف...نحنا الماس ومآساويي
ضهب قرطاج وعموريي
الديباج رزم مطويي
انتو دلوق ودموريي
قف...هنا الكيماوي ياذى أذيي
قف..نحنا القنبله الذريي
العدو ما بنقلي قليي
نمسحو ما نخلي خليي
ما تقول لي زخاير حيي
لا دبابه لا عربيي
لا جيش دوله لاسريي
قلنا القنبله الذريي
ودعون شاعر الألفيي
ويا سامي السما المرئيي
جانا اربابنا بالجوديي
سمح الزول وسمحي الجيي
عشان خاطر النعوفابيي
ارضاً بالسماح مرويي
خواطرك صح محل قدسيي
زي كدبسانا للقادريي
لا مكسوره لا ملويي
هادي الصفحه تب مطويي
وخلاس خلوهو ود علويي

بعد أسبوع ويمكن زياده جيت نازل الجرف قلت يمكن تكون قطعتي عمرت شويه يمكن ألقى لي قبضة قش وأنا قبل أوصل التمر بس من عند الحداره أشوفلك الغبار رابط في السماء شعرك وشعري والمداوسه واقعي جلد والجماعة متلمين من ود البت حتى أخوالى ناس ود عون واقفين ألفا أحمر والنفر رافع عكازة الشعر في سماء الله وكبيرهم ود البروي موقف الحجة موسي ليها قديح جور وأنا لما لقيت الحكايه كدي من محلي داك وأعضي جلابيتي في سنوني وإتمعط لا فوق قش شنو البقبوه مع العيطه دي الغنم الجوع اليقطع مصارينن المهم أمرق رقبتي

لكم التحايا الخالدات من كل غيث صادق البرق والرعد زي سيول وادي الرمه في السعوديه الغرقت الجماعه

من طرف **ابو مصطفى** السبت 04 مايو 2013, 4:24 pm

لا لا لا ................ لا لا لا ......... لاتخلونى ؟؟ ولانى كايس لى جودية
حرم واقع منى ..............؟؟؟؟ تشوفوا براكم ؟؟؟؟ ويا محمد ودبروى عترت ما سميت ؟؟ ولعت النار ؟؟؟ والنار بى تجيك فى طرف توبك ؟؟؟ نحن نزيدها وليع ؟؟؟
وانت كان ما مصدق ؟؟ تعال السودان ؟؟؟
وابحمد اللخباط وسواط وفتان ؟؟؟؟ انت عليك الله ماك معروف ذاتو ؟؟؟؟ ومن شدة ماك جبان كاتب بى اسم مستعار ؟؟؟؟ اسع انا ماهو موجعنى النم والذم بتاع الجماعة ؟؟؟؟ لانهم كلهم معروفين موجعنى حرشة ابحمد ؟؟
ودعون الله ............. اخ ... اخ .. دب دب ... عاوز تكتفت العمدة ؟؟
على اليمين انت حمار العمدة ما تقدر تكتفوا خليك من العمدة نفسوا ؟؟؟ العب بعيد يا ولد ؟؟؟؟
جنابوا سامى ............ زح بعيد وكف دمك ... اختى الجرف دا ؟؟؟
قتلك اختى ؟؟؟؟؟؟ على اليمين ؟؟؟؟ بعد دا بى تقول لى بت كبجون دسينى فى الدخن ؟؟؟؟ دسينى فى الدخن واليوم داك ؟؟؟ ابو مصطفى سوف يطلق النار فى الجرف كلو ؟؟؟ واقع منى حلف الا احرق الجرف دا عيشوا على خضاروا اخلى عاليهو سافلو ؟؟؟؟ ونشوف منو الحرامى السرق الكونشبر والطورية ؟؟
ابوك يا مصطفى ؟؟؟؟
عزة صدقينى ؟؟؟؟ انا من الله ما خلقنى ما اتهزم ولا بعرف الهزيمة ؟؟؟ دقى الزغاريت ؟؟؟؟؟ اصلك لا تقيفى ؟؟؟؟؟ حرم بكره انا جايب الحكامة من دارفور تدق الدلوكة ؟؟؟؟ واشوف الجرف دا حق منو ؟؟؟ كل الناس والله حق مجموعة معينة ولوبى يقوده ودبروى ؟؟؟ هذا اللوبى سوف اسوقه قدامى بالمطرق ؟؟؟؟
وحلف المطرق ؟؟ فوق صلعة ودعون الله من فوق ؟؟؟؟ وانتى تشوفى براكى ؟؟؟؟

خالى النفر ؟؟؟؟؟ عاد اقولك شنو ؟؟؟ اصلك عزيتنا ورفعت راسنا فوق ؟؟؟؟
ونحن هنا فى السودان - بحرى وامدرمان حلف مخلين البلد عجاجها قاج ؟؟؟
ودعقيد اقيف دغرى وسوى الدق النجيد والله ابعد من حارة العمدة ... العمدة ماهو داير جودية ؟؟؟
تحياتى
ولى عودة
ابو مصطفى

من طرف **عازه** السبت 04 مايو 2013, 7:42 pm

عافي منك ياولدي
الجماعه رقدو ملاح
وود بروي طالب السماح
وود عون يعمل في الصياح
والنفر اخوي فيهو فايده وصلاح
وجنابو سامي ماعندو فلاح
وود عقيد داقي النواح
وابو احمد قال اطلقوالسراح
اصلو تربية حبوبات ماعندو رباح
انصفو الحق ياسياح
شدوا ليك ركب فوق مُهرك الجماح
ضرغام الرجال الفارس الجحجاح
تمساح الدميره الما بيكتلو سلاح
السم النقوع الفي البدن نتاح
يا عُصار المفازه اللعيون كتاح
المال مابيهمك إن كتر وإن راح

من طرف **عازه** الأحد 05 مايو 2013, 12:52 am

سجمنااااا الصنه دي اوعععععععععه تكونو تجهزو في قصايد مالي تسعين سنه ماسكه لساني الحصل شنو يمكن خرفته دا ياجماعه منو
ود عقيد الرايو كلو سديد
وحكمو علينا رشيد
كدي ماشايفه كويس دا منو سامينا الحامينا الله يخليهو للوطن ديما
دا ود عون الله ياحبوبه قلت لي منو يابنتي الحافظ كتاب الله
وودبوي الزول الاصيل وكلامو كلو عديل
وابو احمد للسمح مهد وبالعديل اتعهد
جريت واطي ياجماعه اقبفو بعيد وجرووووووووووووو شخيت مافي داعي للبشتنه

من طرف **ود عون الله** الأحد 05 مايو 2013, 2:40 am

ابحمد نصح والنصح اغلي هدييي

اختا الناس دي نار جمرييي

شوف الزول كليمتو النييي

ماسك إيدوا ما ها نديي

يجمع في الجيوش جندييي

الحروم معاها بنيي

الزول شارب النصيي

الدكاي مع العسليي

زايد في الضلال والغيي

طبق فيهو كم نظريي

فجكو بالعصي الملويي

غتسو في الشطوط والميي

يشرق فيها يصحا صحيي

البروي يبيد سريي

المليون معاها الميي

وكتين تنطق العجميي

والحبوبة تبقي صبيي

بعدين نقبل الجوديي

شمر وحزم النصيي

اوعاك من كليمتا نيي

من قولة فلانة بريي

تشمت فيك دلال وسنيي

تركب تحدر البوبيي

من طرف **م بروي** الأحد 05 مايو 2013, 3:18 am

جانا اربابنا بالجوديي
سمح الزول وسمحي الجيي
عشان خاطر النعوفابيي
ارضاً بالسماح مرويي
خواطرك صح محل قدسيي
زي كدبسانا للقادريي
لا مكسوره لا ملويي
هادي الصفحه تب مطويي
وخلاس خلوهو ود علويي .
ـــــــــــــــــــــــــــــــــــــــ
عازه العزيزه جايي تزغردي
بعد البكى ما رفعوهو
اكراماً لك ولهم طوينا هذه الصفحه
وما حنسمع كلامك يا ابو صطفى وبرضو اكراماً ليك
وخير ختام لهذه الإخوانيات الحلوه كلام دكتور ودعون الله
وهذا مسك الختام وكذلك كلمات الدكتوره
السمحيات وكلام الملك الضحكني شديد
واشعار سامي الجميله وروائع الصديق النفر
نودع هذه المساجلات على أمل اللقاء في
مساجلات أخرى وابو مصطفى كفاهو اصلو عاوز
يطبع الشعر ده في ديوانين يبيعن عشان يفك
فلستو وطبعاً رفض التوقف طمعاً في الديوان التالت (عالم طماعه).
شكرا للجميع

من طرف **ود عون الله** الأحد 05 مايو 2013, 4:05 am

ملكنا ود بروي ---سلام

ابو مصطفي ---سلام

شعرائنا --سامي---ود عقيد---والعملاق النفر ---سلام

ملكنا ود العمة دكتور حسين ---سلام

ابحمد---عازة -----سلام

ضيوف الجرف-----سلام

نزولاً عند رغبة ملكنا ودبروي والذي لا نستطيع أن نرفض له طلبا

وضعت الحرب أوزارها---وخلعنا لبوس الحرب---وذبحنا شيطان الشعر ---واستغفرنا الواحد الديان

كان هدفي وأنا الذي آكل من فضلة الشعراء والم المرمية --أن نستنطق هؤلاء العمالقة فنسمع كلاما سمحا

وابو مصطفي أنا لم اراه في حياتي وعشمي ومنيتي أن ألتقيه فوالله إنه رجل أبيض النية ---دغري--واسع الصدر---رجل بحجم قبيلة ----فله العتبي حتي يرضي فإنا والله نحبه ---نجله ---نقدره --فهو رجل بحجم قبيلة ---كانت أمنيتي أن تدبج فيه قصائد المدح في نهاية المساجلة ---وهو أهل لذلك

للجميع شكري وتقديري

من طرف **م بروي** الأحد 05 مايو 2013, 5:30 pm

دكتورناالسمح
سلام
اكتر حاجه خسرتها انا
في هذه المساجلات اكتشافي
بأني طيش الشعراء مقارنة بكم
والسمح فيها اكتشافنا لشعراء عظام
لولا هذه المساجلات لم نكتشف هذه
القدرات الهائله.
في رحلة اهل المنتدى بالباسقات
عرفني صاحبي(د/ود الفكي بابو مصطفى
لكن اخوك مخو كبس ما قدرت اجمع واستغرب
ود الفكي وبقى يقول لي ده ابومصطفى
ياخي ماعرفتو كيف ياخي اسمو الطيب
وانا ما قدرت اجمع قعدت ابحلق في
الطيب والحيرني انو زول وسيم لدرجه
كبيرة وشكلو ما بيتناسب مع درابو
الفلقنا بيهو ده..
فعلا فكرتك رايعه بأن نختم بمدح الماينسماش
لكن حا يتغى ورأسو يكبر ويقوم يقلب علينا
تشكر أيها الراقي الجميل

مادام شاعر القبيلة
قال السلاح ارضا—يبقى خلاص الكلام انتهى ولله حمدا—سيد الجرف يخوجل فوق جرفو شرقا
وغربا---والعمدة الكبير جديد بارا الجرف حمم ودندا—والكل مبتهج مقاما وبسطا—وفى الجرف
مافى زول يختلو جريدا حدا—الجرف للجميع والكل عشى معزو تانى درن—الله يدوم الفرح
بين الجميع والشاعر الكبير نردفلو شكرا—بعد الناس جابت كلام شعرا ونثرا—وعشان تدوم
العلاقات صونا وحفظا—قال اقصروه الكلام خلوا ختامو مسكا--

من طرف **م بروي** الإثنين 06 مايو 2013, 1:29 am

شكرا اربابنا الزين
ما كان ما قلنا إلا محبة
في العمدة كما قال دكتورنا الجميل
ودعون الله والله نسأل أن يديم المحبه بين
كل اهلنا وتسود روح الوئام السمحه

من طرف **م بروي** الإثنين 06 مايو 2013, 2:29 am

في محاوله لتدجين العمده
نهدي له الحلاوه اياها[img][ندعوك للتسجيل في المنتدى أو التعريف بنفسك لمعاينة هذه الصورة][/img]

من طرف **عازه** الإثنين 06 مايو 2013, 3:08 am

اعتبر هديتك وصلت قامتنا ودبروي الي العمده ابو مصطفي وهي غايه في الروعه بس عندي سعال صغيروني نسلقه ليهو ولا نحمره في الطوه ولا الشئ بلاستيك يلعبو بيهو بينغ هههههههه اكان الكور القلاد دي بقت حلاوه عمداك بكره افحص ليهو السكري

من طرف **م بروي** الإثنين 06 مايو 2013, 4:51 am

عازه كتب:اعتبر هديتك وصلت قامتنا ودبروي الي العمده ابو مصطفي وهي غايه في الروعه بس عندي سعال صغيروني نسلقه ليهو ولا نحمره في الطوه ولا الشئ بلاستيك يلعبو بيهو بينغ هههههههه اكان الكور القلاد دي بقت حلاوه عمداك بكره افحص ليهو السكري

عزتنا شرفت ونورت
شعرنا داك كلو اما جاب السكري
تاني عمرو ما بيجيهوده روحو روح تمساح
ان قلنا روح (كلب)يجينا يدق الباب بي عصايتو

من طرف **abuahmed** الإثنين 06 مايو 2013, 2:04 pm

يا سلام ياسلام

كانت والله حاجة جميلة واستمتعنا فيها بشعر الشعراء ومداخلات الاصدقاء

عندما اعلن شاعر القبيلة طي الصفحة واعلان نهاية الحرب توقعت من ابومصطفي ان ينتهز الفرصة ويتحدث بصفة العمدة خاصة ان الهدنة جاءت بعد كلمات الشاعر المقتدر النفر , توقعت من ابومصطفي ان يشكر شاعر القبيلة علي المبادرة ويعلن انه كعمدة يعلن العفو العام عن كل من حمل السلاح وا حتفالا بهذه المبادرة سوف يوفر الشواء مجانا في سوق النعوفاب ولمدة عام والطلمبة الجديدة الفي الطوينة سوف تكون مليانة بقنية حلوة وحلال لمدة عام للغاشى والماشى ولو ودبروي جاب فتوي برضو حا يوفر المستورد، لكن الفتوي ما تكون من الجماعة الحللو الربا لسد مروي .

ويعلن كذلك عن احتفال خاص لرواد الجرف لتكريم من شاركوا في هذه المعركة. ويعلن كذلك تعيين المشير النفر قائدا عاما لقوات العمدة وود عقيد مستشارا للعمدة للسلام والتنمية.

لو فعل ذلك لتحول ختام هذه الدردشة الشعرية الي مدح . لكن يا شاعر القبيلة ود اختك علويي لسع محتاج لتدريب ونعتبر ده الكورس الاول.

بحق وحقيقة كانت مساجلات ممتعة وظريفة

برضو نعشم ان يقول الشعراء بعض المدح في ودعلوية فهو يستاهل وكلامو حلو.

شوفوا ليكم شكلة تانية!!!!!!!!!!!؟

نريد ان نكتشف مزيد من المواهب!!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]-العمدة ضبح-اااااااهييييييييع--

من طرف **م بروي** الإثنين 06 مايو 2013, 4:40 pm

حلف ده لحم العتود المضبلن ذاتو
المابيغباني... دب دب اريتو
اكان جابلو جدادي عمده مطموس

من طرف **ابو مصطفى** الإثنين 06 مايو 2013, 4:47 pm

الله يجازيك يا ودعقيد ؟؟؟ اكان تجيب صورتى هنا ؟؟؟؟
قبل كل شى السلام مردوم بالقفاف ؟ لكل زول صال وجال فى جرف ودبروى ؟؟؟؟
والسلام لكل الشعراء وبالاخص عميد الشعراء خالى النفر ؟؟؟؟؟ والسلام للجرابيع الصغيرة من قبيلة الشعراء ؟؟؟؟ والسلام لى دكتورة عزة ؟؟؟؟
والسلام لكل من دخل ومرق ؟؟؟ والسلام لكل من وقف واتفرج ؟؟ والسلام لى دكتور حسين ؟؟؟؟
بسم الله ؟؟؟ عاد شنات الجرى فى الزول الطويل ؟؟؟
عاد انا قاعد اتصور فى جريت حسين النافعابى لى يوم الليلى واضحك ؟؟؟ حرم الزول مى نعامى بس ؟؟؟
عازة الاصيلة بت المناصير ؟؟؟ وانتى يادهب السبيك ؟؟؟ سلام سلام ؟؟؟
وعلى الحلف الناس دى كلها معزومة فطور ؟؟ السمع يحدث الماسمع ؟؟ والطرشان يحدث العميان ؟؟ والعميان يشيل المكسر ؟؟؟ انتو تلعبوا لعب ؟؟؟ ابوك يا فرحين ؟؟؟
الزمان ....................... لايعلمه الا الله مفتوح من تاريخ اليوم ونامت ربنا يسوى الداير يسوى فى عبدو ؟؟؟؟؟
المكان ...........ز سوق النعوفاب ............. ديوان العمدة بالجرافة اخر محطة ..زز وادى سيدنا امدرمان ؟؟؟؟؟ ويا ما انت كريم يارب
الله الله قادر ؟؟؟؟؟؟؟؟؟؟؟

من طرف **ابو مصطفى** الإثنين 06 مايو 2013, 4:53 pm

خالى محمد ؟؟؟ يخس عليك اسع دى حلاوة تجيبها هدية لى ؟؟؟؟؟
الحلاوة دى زمان كان قاعد يجيبها محمد ودكلس فى دكانو ؟؟؟
انت عارف اسمها ...................... ؟؟؟؟
عليك الله اسمها شنى ؟؟؟؟
اخير تقول اسمها والله انا بفضحك ؟؟؟
والله انت زول مكار .... والغريب تجى تقول ابو مصطفى عندو دراب وشكلو ما بتناسب مع كلامى ؟؟؟؟ وتجى بى هنا تشرك لى ؟؟؟؟ بى كورية مليانة حلاوة .............؟؟؟؟ عاد الحلاوة دى اسمها شنو يا ثعلب ؟؟؟؟
تحياتى
ابو مصطفى

من طرف **abuahmed** الإثنين 06 مايو 2013, 5:06 pm

يا عمدة يا مطموس

اسمها حلاوة حاجة سكينة

برضو عندها اسم تاني خالك ودبروي رسلو ليك في الخاص

اها ابق راجل ونزلو للجماعة

اه يا ظربون

من طرف **ابو مصطفى** الإثنين 06 مايو 2013, 5:16 pm

والله ضحكت ضحك ............ الله يجازيك يا ابحمد ؟؟؟ انت ما تخلى الثعلب المكار يجى يشوف حكاية كوريتو دى شنو ؟؟؟؟ وقبال كده جايب لينا كرتلة ؟؟؟؟
والله الزول دا مكار وداهية بشكل ؟؟؟
تحياتى
ابو مصطفى

من طرف **انتصار حجازي** الأحد 12 مايو 2013, 11:58 pm

سلام لسيد الجرف

وللشعراء الفطاحلة اللى مع سيد الجرف

صراحه كنت متابعه مع ود عون الله هذه الحرب الشعرية

حيرتونا زاتو .... الصراحه مساجلات شعرية قمة في الروعة والجمال

درر شعرية من اللهجة المنصورية

والان وبعد ان وضعت الحرب اوزارها

احببنا ان نسجل اعجابنا فقط

تخريمة : يا سيد الجرف صراحه افتتاحية الجرف رهيييبة

اضحكتني المقارنة بين الزواج من المناصير ومن خارج المناصير

من طرف **م بروي** الخميس 16 مايو 2013, 3:54 am

abuahmed كتب:يا عمدة يا مطموس

اسمها حلاوة حاجة سكينة

برضو عندها اسم تاني خالك ودبروي رسلو ليك في الخاص

اها ابق راجل ونزلو للجماعة

اه يا ظربون

ههههههههه اي والله ظربون الولد ده
الطيب ده حقو نقوم عليهو تاني

من طرف **م بروي** الخميس 16 مايو 2013, 3:56 am

ابو مصطفى كتب:والله ضحكت ضحك ............ الله يجازيك يا ابحمد ؟؟؟ انت ما تخلى الثعلب المكار يجى يشوف حكاية كوريتو دى شنو ؟؟؟؟ وقبال كده جايب لينا كرتلة ؟؟؟؟
والله الزول دا مكار وداهية بشكل ؟؟؟
تحياتى
ابو مصطفى

في الكرتله قطعت فوق شنو؟
يا ظربون

من طرف **م بروي** الخميس 16 مايو 2013, 4:03 am

انتصار حجازي كتب:سلام لسيد الجرف

وللشعراء الفطاحلة اللى مع سيد الجرف

صراحه كنت متابعه مع ود عون الله هذه الحرب الشعرية

حيرتونا زاتو .... الصراحه مساجلات شعرية قمة في الروعة والجمال

درر شعرية من اللهجة المنصورية

والان وبعد ان وضعت الحرب اوزارها

احببنا ان نسجل اعجابنا فقط

تخريمة : يا سيد الجرف صراحه افتتاحية الجرف رهيييبة

اضحكتني المقارنة بين الزواج من المناصير ومن خارج المناصير

أخيراً؟؟؟
والله أخير حمار بنت زمراوي بتاع
الحلب داك البسوي في الجكن
وكل مره يوصلها الباشي بعد ما تتفرتك
لو لا اصحابي ود عون الله وسامي و سلمان
وعازه والنفر ما كان شفتي كل هذه الابداعات
حضورك جميل يا بت الأسد

من طرف **ابو مصطفى** الإثنين 20 مايو 2013, 5:11 pm

سيد الجرف ؟؟؟؟؟؟؟؟؟؟؟ سلام ......... وتانى سلام ؟؟؟؟؟؟؟؟؟؟ انت وين ؟؟؟ وساكن وين ؟؟؟ كش الدخن بداء فى الجرف تعال كش معانا ؟؟ الكشة التكش بركة الهى سيدى ترميك فى بحير الحارة ؟؟؟؟
انا فى الكرتلة رامى فوق العز ؟؟؟؟؟؟؟؟؟؟؟؟

تحياتى
ابو مصطفى

من طرف **م بروي** الأربعاء 22 مايو 2013, 2:39 am

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الأربعاء 22 مايو 2013, 2:43 am

bilahi sulim laina alay altoriah
تكشك انت وترميك في بحير الحاره
لأني أنا بعيد منو
قلناكم الف مره خفض صوت
التلفزيون واسمعنا من الهاتف
ياعمر ابو قرون من شرق النيل

من طرف **ابو مصطفى** الأربعاء 22 مايو 2013, 2:43 pm

م بروي كتب:bilahi sulim laina alay altoriah
تكشك انت وترميك في بحير الحاره
لأني أنا بعيد منو
قلناكم الف مره خفض صوت
التلفزيون واسمعنا من الهاتف
ياعمر ابو قرون من شرق النيل

هههههههه هههههههههههههههههه هههههههههههههه ؟؟ عمك فك اخرو وهاج فى العيال ؟؟؟ ههههههههههههه
ههههههههههههه ؟؟ الحياة غلبتو ؟؟؟ هههههههههههه
تحياتى
ابو مصطفى

هوووويا ناس الجرف انا كنت مسافر وبيعت غنمه
تراي هسع رجع جيبوا الحبل واضرعوا لي حق ولو نص حصان انا مابخلي ليكم
خليتكم تسرحوا وتمرحوا حبليين قصب ولالويه لوبا ماتخزنوها لي
عليك حسب الرسول الناس فيه فايده كلموني ناس وعمت بت محمد حلفت دعت
قالت القش ينقلو فيه بالحمير الكوارو ماشالو ليهم فبضه عشان يدوها اياه لي غنمه
غايتو جنس حساده وكترت جفا قنا الحزان جاء يصلح الناس خربهم خراب سوبا
الله يهون القواسي

من طرف **م بروي** الخميس 30 مايو 2013, 5:57 pm

حقك شالو خالك اب احمد
امسك في رقبتو
اصلو الظاهر عليهو
زبلعاني زي صاحبك ابوصطفى

ي ود البروي ي زعيم خالي يهرط ساكت في الفاضي كان تقول ليه
قطعتكم دي البحدك منو وجارك في اللنقاي الفلانيه مايعرفه
مايعرف الشبر من الحصان من من النكحه حقي الشالوه معروفيين وبجيبه
حمره عين الضحي العالي والشمس شااارقه ي زعيم

من طرف **abuahmed** السبت 01 يونيو 2013, 12:18 am

أبوسفيان خلف الله كتب:ي ود البروي ي زعيم خالي يهرط ساكت في الفاضي كان تقول ليه
قطعتكم دي البحدك منو وجارك في اللنقاي الفلانيه مايعرفه
مايعرف الشبر من الحصان من من النكحه حقي الشالوه معروفيين وبجيبه
حمره عين الضحي العالي والشمس شااارقه ي زعيم

يا ولد يا قليل الادب

انت كان ما خالك باقي ليك ضهر بيتقدر ترفع عينك خليك من تحمرها

انت ما خايف الحااكومة كان سمعت كلامك ده تدخلك السجن

متين تخلي الصياعة وتجي تسوي ليك راس خيت

اه يا ظربون

من طرف **م بروي** السبت 01 يونيو 2013, 8:33 pm

abuahmed كتب:
أبوسفيان خلف الله كتب:ي ود البروي ي زعيم خالي يهرط ساكت في الفاضي كان تقول ليه
قطعتكم دي البحدك منو وجارك في اللنقاي الفلانيه مايعرفه
مايعرف الشبر من الحصان من من النكحه حقي الشالوه معروفيين وبجيبه
حمره عين الضحي العالي والشمس شااارقه ي زعيم

يا ولد يا قليل الادب

انت كان ما خالك باقي ليك ضهر بيتقدر ترفع عينك خليك من تحمرها

انت ما خايف الحااكومة كان سمعت كلامك ده تدخلك السجن

متين تخلي الصياعة وتجي تسوي ليك راس خيت

اه يا ظربون

والشمس شااارقه ي زعيم

[/quote]
يا أب احمد ود اختك ده عندو مية راس خيت
أنت فاكرو ساهل واللا ساهل ...الزول ده
هنا زعيم كبير ومدير ليهو ضل..العمال من حولو
تنطقش والكل عاوز رضاهو (حاكومه ود حاكومه)

م بروي كتب:حقك شالو خالك اب احمد
امسك في رقبتو
اصلو الظاهر عليهو
زبلعاني زي صاحبك ابوصطفى

معقول حقي يكون خالي شاله اصبر فيه
ماتستبعد الصبرات روابح والجايات اكتر من الرايحات

ما عندكم عوجى اتاريكم كلم داخلين فى كونيه بروى وانا اقول الجماعه ديل مشو وين يلا اطلعو لى برا وقولو رايكم فى منتخبين الدار يلا بسراع

من طرف **م بروي** الأحد 09 يونيو 2013, 4:11 am

الظاهر سفيان وسهام ديل حراميه
عارفننا ما مافي وتعقبونا على
الجرف؟؟
هسع الجرم ده ناقص تلاته جرمايات
بس عاوزين نعرف الشال اتنين منو؟
والشال جرمايه واحده منو فيكم؟

نشكرك ود بروى على هذه الروح المرحه التى كنا نفتقدها والله جرفكم عامر واخضر وملانى لوبا لامن مشبكى انا سرقت اكتر من تلاته جرميات وسفيا ن يبقالى ملا طرفو ومرق تانى عشان تخلو جرفكم بلا حروس تحياتنا للجميع فى جرف روكه الخصب

م بروي كتب:الظاهر سفيان وسهام ديل حراميه
عارفننا ما مافي وتعقبونا على
الجرف؟؟
هسع الجرم ده ناقص تلاته جرمايات
بس عاوزين نعرف الشال اتنين منو؟
والشال جرمايه واحده منو فيكم؟

[color=
جرفك نعقب عليه؟يمين بالله لقيناه يابسا كشمال فبضه التغدي الغنمايه الوالده ىمافي الابقيت ارش ارش جبت جوزي وارش
بجاي وجاي لمن جيت بعد يومين لقيته فرهد شوي يادوب عمل لي كوم الاشلته في قليبه كمان تقول شنا الجرم جرم شنو كمان
معلم الله الجرمايي الحبه انا مالقيته شوف ناس البشيلوا جرمك كان بطيخ نقول شوي جابت ليه سرق جرم شوف دا عليك الله

من طرف **م بروي** الإثنين 10 يونيو 2013, 3:44 am

سهام علي محجوب كتب:نشكرك ود بروى على هذه الروح المرحه التى كنا نفتقدها والله جرفكم عامر واخضر وملانى لوبا لامن مشبكى انا سرقت اكتر من تلاته جرميات وسفيا ن يبقالى ملا طرفو ومرق تانى عشان تخلو جرفكم بلا حروس تحياتنا للجميع فى جرف روكه الخصب

يا سهام ما سمعتي بالنكته القديمه
بتاعة الجماعه العاوزين يصلوا بمجرد
ما يؤذن لصلاة المغرب في رمضان وفعلا بدوا
الصلاة وجات الغنمايات ولهطن الفطور كوووولو
كملنو ..وبعد الصلاة واحد مغيوظ قالهم
بالله من الله خلقكم سمعتوا بي صلاةً اكلتها
الغنمايه؟
نا الجرف بتاعي ده حر فيهو بعد ما اصبح
رواده ناس سفيان والطيب وسهام حلف إلا اذرعو
كلو حنضل..من الله خلقكم شفتوا ليكم حرامي اكلو حنضل

من طرف **م بروي** الإثنين 10 يونيو 2013, 3:47 am

أبوسفيان خلف الله كتب:
م بروي كتب:الظاهر سفيان وسهام ديل حراميه
عارفننا ما مافي وتعقبونا على
الجرف؟؟
هسع الجرم ده ناقص تلاته جرمايات
بس عاوزين نعرف الشال اتنين منو؟
والشال جرمايه واحده منو فيكم؟
[color=
جرفك نعقب عليه؟يمين بالله لقيناه يابسا كشمال فبضه التغدي الغنمايه الوالده ىمافي الابقيت ارش ارش جبت جوزي وارش
بجاي وجاي لمن جيت بعد يومين لقيته فرهد شوي يادوب عمل لي كوم الاشلته في قليبه كمان تقول شنا الجرم جرم شنو كمان
معلم الله الجرمايي الحبه انا مالقيته شوف ناس البشيلوا جرمك كان بطيخ نقول شوي جابت ليه سرق جرم شوف دا عليك الله

اتفضل حنضل يا مدير بالهناء

والله ياود بروى جيت من هناك من جماعه الدار ابكى واسع قاعده اضحك لامن اتنخج زى المجنونه بس انا تانى عرفتا محلى وين بس فى جرف روكه وحتى لوزرعتو حنضل حانسرقو مالو مابينفع علاج

سهام علي محجوب كتب:والله ياود بروى جيت من هناك من جماعه الدار ابكى واسع قاعده اضحك لامن اتنخج زى المجنونه بس انا تانى عرفتا محلى وين بس فى جرف روكه وحتى لوزرعتو حنضل حانسرقو مالو مابينفع علاج

قبضتك يابت...
تاريكي بيجاي....
اكان خليتينا برضو ما حا نخليكي..وراكي وراكي...
يسلمو الكرام...

امرقى سريع يانجلاء قبل بروى يشوفك يطلعك حراميه اسع انا وسفيان فتح فينا بلاغ لينا يومين مسدودين فى الحراسه انا اسرق وسكت ساكت الاسفيان يسرق ومعا طوله لسان العسكرى السايقنا ما خلا فى حالو

من طرف **م بروي** الثلاثاء 11 يونيو 2013, 5:25 am

يا سهام يا بتي انتي عشان جديده
والله بت زمراوي دي متعوده من زمان على سرقه
القرون الرُخْسه تقرشن نيات
امال جايا بي جاي هنا في حمديل سلامي؟
ولا في ولاد عاوزين كتب .ماجرف وقرون لوبه وجرم والسلام
سلمتي وسرقتن اللتنين
بالله عاوز اكتب شرفتن طلعت سرقتن

من طرف **الفكى احمد** الثلاثاء 11 يونيو 2013, 6:53 am

سلام ناس جرفنا سلام ليى منكم زمن أصلى كنت مشغول فى قطعتنا الفى بليش
باقى لبنت والطير مزازيها زيزيى ، عشان كدى قعدت قبلى فوق لقدابتى لامن
ورينت ودخلت شوالاتى لاجوه ، وبعد رجعت قلت ياجماعة الجرف وحشنى كدى
الإندلى عليهو لاتحت أشوف وسرو كيفنو ، ومن بعيد شفت الحاله ماياها ، ،
اللوبا مفجخ والبتيخ والجرم مقطع ومشنتل هنى وهناك والدخن ملهوض ومهروس
والعنكوليب الطوال داك راقد مع الواطه وعشيش ابشاشرى العليو مزعوط ومرمى
منو بعيد ، أما البينضورة لاتحك مهمله هميل، وشوية شوية لامن نزلت خلاص
ووصلت جنب حجيرة البحر ، عندها عرفت أن
الجرافه أخدوها حاره وباردى ويزيد
ومن بعد حنيس واجاويد
ده السلاح اليتخت بعيد
كان نثر أو تنظيم قصيد
لافى مهزوم ولافى رعديد
وللسلام تمتد كل إيـيـد
كلكم نخوه وراى سديد
وكلكم فرسان صناديد
خصوصى بطل الحوبة العنيد
كان صبور راكز مابيحيد
وهدفنا معروف بيت القصيد
جرفنا يخضر ومنو بنفيد
منو ننهل نشبع أكيد
ولمنتدانا يرفـــد يزبد
لمنتدانا يرفــد يزيـد

الباشمهندس عاد من جييد

كلامو موزون عقداً نضيد

ينثر الدر رأياً سديد

زى عقد علقنا فى الجيد

منو ناوين لا لن نحيد

منو ننهل وبى نستفيد

يا كريم يارب يا مجيد

ليهو تحفظ وتدى المزيد

صحة والمال عمراً مديد

ولينا تجمع فى كل عيد

والجرف يخضر من جديد

نتبسط نضحك زى وليد

الدنيا عيد ولابس للجديد

من طرف **م بروي** الثلاثاء 11 يونيو 2013, 9:56 pm

الله الله
ولاد زينب السمحين
وشعراً منظوم عقد لؤلؤ
يا بختنا..والله ياهندسه
افتقدناك والجرف بدونك
زي ما وصفتو(وسرو) نكتها من وين دي؟
انا ماشي اتسوق بجيكم فليل