جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **م بروي** الجمعة 05 يوليو 2013, 9:51 pm

سهام علي محجوب كتب:اخبارك يازعيم الفرفشه والضحك في الدنيا الزايله دي*تشكر علي الكلام السمح دا*المنتدي حافل بوجودك ياصاحب البسمات *كنت اتمني ان التقي بك وباسرتك الكريمه لكن تاتي الرياح بما لاتشتهي السفن *والايام جايه يازولنا*والله طلعتا قريبنا من جهه الوالده*والجرف مش اتسهك دا انسرق عديل نصه نهار بس الحق الحكايه سريع *وادو العيش لي خبازو وترو لي وراء

سعدت بالقرابه ...شرف نفخر به ونعتز ونتباهي
واغيظ بيهو الما ينسماش ...
ياريت لو سعدنا بمقابلتك
الجايات روابح
خضر جرفنا وازدهر بوجود ظرفاء بلادي

من طرف **ابو مصطفى** السبت 06 يوليو 2013, 3:44 pm

سلام ............... سلام ....... جرف ............
سلام ............ سلام ......... مكتح ورامى تيرابو ...
سلام
تحياتى
ابو مصطفى

من طرف **م بروي** السبت 13 يوليو 2013, 8:04 pm

ابراهيم محمد سليمان كتب:ياابو مصطفي هو خافنو الزعيم البارح جاء الترب؟؟؟
نان انا البارح مالاقيتك مالك ماحدثتني بي جيتو جن يجننك؟؟؟

تخريمة :ياسهام هوووووي اوعك من سرقة البينضورة لاني انا مكنترا من سيدا؛؛؛

يا ابراهيم
الظاهر عليك
لخبات زي ابومصطفى وسهام
متين مكنترا من سيدا
الظاهر عليك زبلعاني كبير
........
زمان نميري قال
البعض يتهمني بأني برجوازي صغير
فهتف الجميع(برجوازي كبير يا نميري)

من طرف **م بروي** السبت 13 يوليو 2013, 8:22 pm

[quote"(الحاج شرف)"]

ابو مصطفى كتب:بسم الله ؟؟؟؟؟؟؟؟؟؟؟؟؟؟؟؟؟ والله دى فوضة ؟؟؟؟ فوضة ضاربة بى اطنابها
ابو مصطفى الحاصل على ترخيص مزوالة وكالة الجرف من خاله محمد ودبروى امس القريبة دى ؟؟؟
اوع من الفوضى واللخبطة ؟؟؟؟
تحياتى
ابو مصطفى

عقد بيع ابتدائي لأرض زراعية محرر بتاريخ.....20.../...06../.......2013. بين كل من :-

( طرف اول بائع )محمد احمد محمد بروى

( طرف ثاني مشتري )الحاج شرف الدين

وقد اقر الطرفان بأهليتهما الكاملة للتعاقد والتصرف واتفقا علي ما ياتي :-

تمهيد

يمتلك الطرف الاول قطعة ارض زراعية بناحية..منتدى المناصير بلدى...... مركز.المنتدى الاجتماعى.العام......بحوض.....جرف روكه محافظة..المناصير...... ومساحتها تسع الجميع

ولرغبته في بيع هذه القطعة فقد لافت قبول لدي الطرف الثاني وبعد ان اقر كل منهما باهلية للتعاقد والتصرف وبانهما غير خاضعين لاحكام الحراسة فلقد تم الاتفاق علي الاتي :-

اولا :-

يعتبر التمهيد السابق جزء لا يتجزء من هذا العقد

ثانيا :-

باع واسقط وتنازل الطرف الاول بكافة الضمانات القانونية والفعلية الي الطرف الثاني القابل لذلك ماهو قطعة ارض زراعيه مساحتها...تسع الجميع.كائنة...بمنتدى المناصير بلدى.. بناحية.. منتدى المناصير بلدى... مركز..المنتدى الاجتماعى... بحوض..جرف روكه...

ومحددة الحدود كالاتي :-

الحد البحري : ملك...المناصير غرب وشرق وجزاير.

الحد القبلي : ملك...لغايه ماتشوف انوار عطبره.

الحد الغربي : ملك...على امتداد صحراء بيوضه مع السماء.

الحد الشرقي : ترعة..لحدى ماتقول كفاى.

ثالثا :-

تم هذا البيع بين الطرفين نظير ثمن اجمال قدره.محبه الجميع.... دفعت جميعها عند تحرير هذا العقد ويعتبر توقيع الطرف الاول علي هذا العقد بمثابة ايصال ومخالصة عن سداد كامل الثمن

رابعا :-

يقر الطرف الاول ( البائع ) بان ملكية الارض المباعة قد الت اليه بالميراث عن والده المرحوم /الجروف الغرقانه تحت المويه

ويتعهد باعطاء الطرف الثاني كافة المستندات الدالة علي الملكية كما يتعهد بالحضور امام الجهات الرسمية لانهاء اجراءات تسجيل هذا العقد

خامسا :-

يقر الطرف الاول البائع بان الارض المباعة موضوع هذا العقد خالية من كافة الحقوق العينية او الشخصية ايا كان نوعها وانه لم يسبق له التصرف في الارض المباعة موضوع هذا العقد وانها خالية من المزارعين والمستاجرين وايضا من اي ديون للغير او البنك الزراعي وفي حالة ظهور اي ديون سابقة علي هذا العقد يلتزم بها الطرف الاول

سادسا :-

يقر الطرف الثاني المشتري بانهة عاين الارض المباعة المعاينة التامة النافيه للجهالة شرعا وقانونا وانه قبلها بحالتها التي هي عليها عند التعاقد وبما عليها من مزروعات

سابعا :-

اتفق علي ان اي نزاع ينشأ حول تنفيذ او تفسير هذا العقد ختص به محاكم........ علي اختلاف درجاتها

ثامنا :-

حرر هذا العقد من نسختين بيد كل طرف نسخة للعمل بها عند الاقتضاء

...................................والله تعالي خير الشاهدين

طرف الاول...ود البروى.....                  ..طرف ثاني

بائع..                     ..الحاج شرف الدين واعضاء المنتدى.......مشتري

1- السيد /..اعضاء منتدى المناصير بلدى..............                            2- ابومصطفى شاهد فقط .
______________________________________________________________________

ده النهب المصلح

سرقتو الجرم وسكتنا

سرقتو البينضورة ...سكتنا

قطعتوا البتيخ قبل ينجض..ما قلنا شي

تسرقوا كل يوم عشاء غنمكم...برضو سكتنا

سهكتوا الجرف بي كرعيكم ..برضو سكتنا

كمان جانا التزوير ..وتلهفوهوا كلو كمان

لا لا لا دي كتيره.. ولازم من عقاب الفقير بقصائد عصماء

من فحول شعراء الموقع كووووولهم.

أما السرقات الفاتت قررت ما اخلي حقي

وما دايروا يوم القيامه(العندو صبر منو)
الجرم ذاتو يوم القيامي اسويبو شنو؟

    حقي دايرو هسي.

لقبه
ـــــــــــــــــــ

المسطول سرقوا كفرات عربيتو ‏...مشى اشتكى
‏...العسكرى قالوا حقك تلقاه يوم القيامة
‏...قالو ياجنابو انت مجنون
‏....الناس يوم القيامه على سرر متقابلين
وانا اجي وسطن ادردق لي فى كفراتن قديمي

واخيرا عاد سيد الجرف لجرفه بعد ان فاق من اثار البقنيه

من طرف **م بروي** الأحد 14 يوليو 2013, 8:05 pm

سهام علي محجوب كتب:واخيرا عاد سيد الجرف لجرفه بعد ان فاق من اثار البقنيه

هوي العجوز المخرفي دي شيلي قفتك دي واتخراجي
قبال تجيك درابي .....بلاش زبلعه
(قرعتك شالوها ناس دماج)

هو ناس دماج قلعو العموديه وتاني قبلو علي العجيز المسكينه دي *اصبر انت وزول دماج اسع ارسلكم ولادي الضكور يجكوم بالمكارير بس بعدين ماتدس الدرابي وراء ضهرك هلا هلا الليله ياودبروي * اضحكتني النكته هو انت النكات دي قاعد تجيب من وين *رمضان كريم وتصومو وتفطرو علي خير

من طرف **م بروي** الإثنين 15 يوليو 2013, 4:43 am

سهام علي محجوب كتب:هو ناس دماج قلعو العموديه وتاني قبلو علي العجيز المسكينه دي *اصبر انت وزول دماج اسع ارسلكم ولادي الضكور يجكوم بالمكارير بس بعدين ماتدس الدرابي وراء ضهرك هلا هلا الليله ياودبروي * اضحكتني النكته هو انت النكات دي قاعد تجيب من وين *رمضان كريم وتصومو وتفطرو علي خير

طيب اهديك نكته لحبك للنكات تكريما
لجهدك المقدر في سرقة الجرف
جرمه وشمامه وبينضورته ونضورته
ــــــ
مسطول وغبي ماشين علي القطر في المحطه..
القطر اتحرك قبل ما يصلو..
الغبي جري شديد علي القطر ونطا جوه القطر والقطر فات المحطه..
المسطول مفقوع بالضحك .. الجماعه سألوهو مالك بتضحك؟
قال ليهم الغبي دا مقدِّمني
نسأل الله يتقبل منك الصيام والقيام

من طرف **ابو مصطفى** الثلاثاء 16 يوليو 2013, 1:56 pm

سلام ............ سيد الجرف ............. جيتك السنة دى للسودان ......... ما ريحتنا ............ خلت الفقراء ..
يقولوا ............ من هنا ولى هناك ................. جر الحبل .................. ومن هنا ولى هناك ......... ناس فلان
وناس علان ................. وناس مساكين رايحة تطلع من الجرف .......... باطا والنجم ؟؟؟ الا تخت فتح الكتاب للفقير ؟؟؟؟
كل شى عرفناه الا البياض ؟؟؟؟ او فتح الكتاب ؟؟ زمان كان خمسة قروش ........... اسع بقى خمسة جنيه ؟؟؟؟؟
والحكاية بقت جوه الجرف ... وفتح الكتاب جوه الجرف ؟؟؟؟؟؟؟؟؟؟؟؟؟؟؟ يالبيب دا كلام ؟؟؟؟؟؟؟؟؟؟؟؟؟؟؟؟؟؟
تحياتى
ابو مصطفى

من طرف **م بروي** الأحد 21 يوليو 2013, 8:41 pm

منقول
ولد فى الصف السادس الابتدائى ، طلبوا منه كتابة موضوع انشاء عن رمضان. فكتب:

رمضان شهر الصوم لا أكل لا شرب.... فى رمضان نشرب الحلو مر وأبوي وأمى يدسو مننا الرقاق عشان بتسحروا بيهو. أنا لكن خابر قاعد يدسيهو وين. وكل مرة أمشى آخد منو لقيمة واجى جارى..

فى رمضان يجينا خالى الزين العامل فيها صايم داك وياكل عندنا.... والمغرب يمرق مع الرجال فى البرش ويستنى اذان المغرب ويقول معاهم (اللهم تقبل صيامنا وقيامنا) ولمان انا اعاين ليهو واضحك يصر لي...

فى رمضان تجينا حبوبتى زينب أم أمى من البلد قالت عشان تصوم معانا رمضان.. قالت عندها سكرى... تقعد النهار كلو تأكل وتشرب وتتلحنى بالمراسيل.. والمغرب تشرب جردل الحلو مر جججججت وكلو يوم تقول لأمى (برى .... سكرو مسييييييخ).

فى رمضان يجى أبوي زهجان من الشغل ولمان اقيف جنب راسو واقول بابا ادينى جنيه .... يجدعنى بى فردة النعال ويقول لي الجن اليركبك....

فى رمضان الساعة تلاتة ابوي يرقد شوية ويصحى تلاتة وربع ويسالنى الساعة كم؟ اقول ليهو الساعة خمسة وربع..... وعشان يتأكد يسأل أختى عزيزة الساعة كم؟ تقول ليهو تلاتة وربع يقوم يسكنى بالحوش برطع برطع.

فى رمضان اقعد جنب امى فى التكل عشان تضوقنى الملحات والمويات وتسعلنى سمح؟ وأقول كدى اضوق تانى.. واضوق تالت حتين اقول ليها سمح ولا كعب...

فى رمضان أول يوم فى البرش فى الشارع بعد الفطور يقعدو يتونسو الرجال وعم على يقولهم خلاااااس مرقنا باقيلنا تسعة وعشرين يوم ويقعدو يتغالطو فى الهلال دا هلال يوم ولا هلال يومين؟.....

فى رمضان بعد المغرب ما ناكل سمح يقوم حاج عبد الله يقول قومو نصلى....

فى رمضان أمى كل يوم حارقة بصلة الملاح تشد الحلة وتجى تقهى وتسرح فى المسلسلات وابوي يهرج ويكورك فيها.

فى رمضان بعد المغرب حبوبتى الماصايمة ديك ترقد فوق عنقريبى المقابل التلفزيون ... وتتفرج فى أغانى واغانى تلقانى راقد تنهرنى وتقول لي (هوي قوم خلينى اتمد بعد اليوم الحار دا.....)

فى رمضان أبوي كل يوم بعد المغرب يخت السفة وينوم بيها وكل يوم بالعا.....

فى رمضان فى البرش اخلى الصينية الفيها أكلنا وأمشى اقعد جنب صينية ناس عماد عشان اكلهم سمح اسمح من اكلنا.....

فى رمضان اشوف ابو ناس عماد كل يوم يجيب بتيخة لكن ما بجيبوها البرش فى الشارع.... اسأل عماد منها يقول لي طلعت مسييييخة وكعبة!!!

من طرف **(الحاج شرف)** الإثنين 22 يوليو 2013, 7:16 am

الناس دى حايمه فى الجرف ده ماله
قايلنو زى زمان زمن
سيدو ناجع

موضوع إنشاء يستحق الدرجة الكاملة (- 1/4 )
ماقصر الولد دا ، لكن شكلو شليق زى زول النظارة داك ( ننان هووو ماااالو ؟ )
لا خلا البتيخ ، لاخلا أكل ناس عماد السمح
ــــــــــــ
واحدى حاجة كدى رمضان مجرسا يومى تبل هدما داك التخين لمن مويتو تشرشر فى الواطة وتقول كدى تنجبد فى عنقريبا داك
المو خمج ، التوب ريحتو لمن بقت تنشما من الشارع ، تستحق أنو يستفيدوا منها ناس تفريق المظاهرات من شدة عفنتا ، بعد
نهاية رمضان لقو قش قايم تحت السرير لمن وصل الحبال .
،،،،،،،،،
أدروب جا مارى زمن الفطور بى حى والناس يعزموا فيهو للفطور وأدروب يرفض ويتلفت ( يفتش فى البيت الكارب عشان الفطور يكون كارب )
آخر شى لقا مرادو وقال كدى تنا رقبتو وميل على أهل القرى ، الأذان أذن وادروب اتلح الجداد فليخ شديد ، واحدى يمضغا والبعدا يبلعا ( تقول يكسع الجره )
لما استوا تب قبل على جكاكة العصير ، لكن واحد زازا آبرى بس كلما يكمل الكبايى يلقا الكباية التانية جمو ، وكلها آبرى ، صاحبنا أبا يشرب تانى ، فى واحد
قالو : أدروب أكبليك عصير ؟ أدروب : ما بتال لكن من الآبريك الهمد للهى
يسلموا المرور الكرام
رمضان كريم

من طرف **ابو مصطفى** الإثنين 22 يوليو 2013, 3:14 pm

سلام ................ سلام ؟؟؟؟ موضوع الانشاء دا حاصل زى ماهو ؟؟؟؟؟؟؟؟؟؟؟؟
تحياتى -- جنابو سامى ......... تحياتى ودبروى ؟؟؟؟؟؟؟؟؟؟؟
العيد ما قرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى
ابو مصطفى

من طرف **عازه** الإثنين 22 يوليو 2013, 4:24 pm

هههههههههه ابداع يمشي علي قدمين مبالغه قامتنا ودبروي وشاعرنا الهمام سامي

من طرف **م بروي** الخميس 25 يوليو 2013, 4:04 am

[quote"(الحاج شرف)"]الناس دى حايمه فى الجرف ده ماله
قايلنو زى زمان زمن
سيدو ناجع[/quote]

انت موش الزورت أوراق بيع الجرف؟
ارجى الراجيك.(قايلهافك تسجيلات هي؟)
سرقو نعجي وباعوها لي علي
وهم قدام الباب بتاع علي جات النعجي ماشيه
وهي ما مركزه ..قالت ليهو
دي دحين ما النعجي الباعوها؟
نهرها قال ليها الباعها منو ولي منو؟
قالت ليهو :كان كدي دي تكون النعجي الماباعوها
قصه حقيقه ..
1. يروي الجاحظ أن رجلاً اسمه "ابو علقمة" قال إن الذئب الذي أكل يوسف عليه السلام اسمه "رجحون".. فقيل ولكن الذئب لم يأكل يوسف. فقال إذاً هو اسم الذئب الذي لم يأكل يوسف..!!

من طرف **م بروي** الخميس 25 يوليو 2013, 7:12 pm

سامى احمد محمد كتب:موضوع إنشاء يستحق الدرجة الكاملة (- 1/4 )
ماقصر الولد دا ، لكن شكلو شليق زى زول النظارة داك ( ننان هووو ماااالو ؟ )
لا خلا البتيخ ، لاخلا أكل ناس عماد السمح
ــــــــــــ
واحدى حاجة كدى رمضان مجرسا يومى تبل هدما داك التخين لمن مويتو تشرشر فى الواطة وتقول كدى تنجبد فى عنقريبا داك
المو خمج ، التوب ريحتو لمن بقت تنشما من الشارع ، تستحق أنو يستفيدوا منها ناس تفريق المظاهرات من شدة عفنتا ، بعد
نهاية رمضان لقو قش قايم تحت السرير لمن وصل الحبال .
،،،،،،،،،
أدروب جا مارى زمن الفطور بى حى والناس يعزموا فيهو للفطور وأدروب يرفض ويتلفت ( يفتش فى البيت الكارب عشان الفطور يكون كارب )
آخر شى لقا مرادو وقال كدى تنا رقبتو وميل على أهل القرى ، الأذان أذن وادروب اتلح الجداد فليخ شديد ، واحدى يمضغا والبعدا يبلعا ( تقول يكسع الجره )
لما استوا تب قبل على جكاكة العصير ، لكن واحد زازا آبرى بس كلما يكمل الكبايى يلقا الكباية التانية جمو ، وكلها آبرى ، صاحبنا أبا يشرب تانى ، فى واحد
قالو : أدروب أكبليك عصير ؟ أدروب : ما بتال لكن من الآبريك الهمد للهى
يسلموا المرور الكرام
رمضان كريم

والله يا سامي تقول كنت ماشي وراهو
عندك خيال يخلي الواحد يفلخ معاهو
صاحب لقى العدله في الجدادي وفلخها ههههه
قال ليك يا سامي مره طبيب الأسنان هم بقلع ضرس المريض
لكن مسك ليك الضرس السليم مسكه سمحه لامن كيفتو ليك
ولما بدأ يضغط قام المريض اشار ليهو بأنو ده الضرس الخطأ
قام الدكتور قال ليهو انا ما عارفو ما ياهو لكن (ملكه)زي تاني ما بلقاها فيهو

من طرف **م بروي** الخميس 25 يوليو 2013, 7:34 pm

ابو مصطفى كتب:
سلام ................ سلام ؟؟؟؟ موضوع الانشاء دا حاصل زى ماهو ؟؟؟؟؟؟؟؟؟؟؟؟
تحياتى -- جنابو سامى ......... تحياتى ودبروى ؟؟؟؟؟؟؟؟؟؟؟
العيد ما قرب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى
ابو مصطفى

حصل وين يا عمده؟

من طرف **م بروي** الخميس 25 يوليو 2013, 7:43 pm

عازه كتب:هههههههههه ابداع يمشي علي قدمين مبالغه قامتنا ودبروي وشاعرنا الهمام سامي

وضيئة الدواخل
مليحه المشاعر
يعافيكي ويديكي لامن يرضيكي

من طرف **(الحاج شرف)** الخميس 25 يوليو 2013, 10:24 pm

متابعين معاكم
بتجو راجعين ولا ماشين فى عدلكم

دى دكتور الظاهر عليهو شايل كتير من الضروس وزعلان حار زى ما يقول بعض الجماعة
تخريمة :
جماعة كدى مشهورين بالحسادى شديد
مرة شايلين حطب وماشين ورا بعض ( الولد وابنو ، وود أخو وآخرين )
الولد ماشى ورا أبو ، قام شاف عقرب فى حطب أبو وماشى على رقبتو
بدل أن ينكتا من أبو قام قال ؛ أسع فى زول حطبو يشتت ، أسع فى زول حطبو يشتت
بعد شوية العقرب قرصت الأبو ورما الحطب
الولد طوالى : أأنا ما قتلكم فى زول اسع حطبو بشتت

من طرف **عازه** الجمعة 26 يوليو 2013, 1:04 am

سامى احمد محمد كتب:دى دكتور الظاهر عليهو شايل كتير من الضروس وزعلان حار زى ما يقول بعض الجماعة
تخريمة :
جماعة كدى مشهورين بالحسادى شديد
مرة شايلين حطب وماشين ورا بعض ( الولد وابنو ، وود أخو وآخرين )
الولد ماشى ورا أبو ، قام شاف عقرب فى حطب أبو وماشى على رقبتو
بدل أن ينكتا من أبو قام قال ؛ أسع فى زول حطبو يشتت ، أسع فى زول حطبو يشتت
بعد شوية العقرب قرصت الأبو ورما الحطب
الولد طوالى : أأنا ما قتلكم فى زول حطبو بشتت
ههههههه تسلم كتير سامي السامي الولد دا بتل حسادتو ماشفتها اصلي

من طرف **عازه** الجمعة 26 يوليو 2013, 1:15 am

ماشاءلله الجرف ملان ومفرهد دايره اسرق لي منو شوية لوبي لكن عندو حرس قوي خائفه اتشجع واشيل وتبقي علي قصة ادروب والرشايدي -----الرشايدي قعد يصلي وواضع مخلاتو فيها قروشو قدامو ادروب سله سيفو قال ليهو انتك الدبيديب القروش ادينا الرشايدي دخل ايدو في مخلاتو وطلع مسدس ادروب ضحك وقال ليهو انتك الدبيديب الهظار ماتعرف

من طرف **abuahmed** الجمعة 26 يوليو 2013, 4:45 pm

م بروي كتب:[quote"(الحاج شرف)"]الناس دى حايمه فى الجرف ده ماله
قايلنو زى زمان زمن
سيدو ناجع

انت موش الزورت أوراق بيع الجرف؟
ارجى الراجيك.(قايلهافك تسجيلات هي؟)
سرقو نعجي وباعوها لي علي
وهم قدام الباب بتاع علي جات النعجي ماشيه
وهي ما مركزه ..قالت ليهو
دي دحين ما النعجي الباعوها؟
نهرها قال ليها الباعها منو ولي منو؟
قالت ليهو :كان كدي دي تكون النعجي الماباعوها
قصه حقيقه ..
1. يروي الجاحظ أن رجلاً اسمه "ابو علقمة" قال إن الذئب الذي أكل يوسف عليه السلام اسمه "رجحون".. فقيل ولكن الذئب لم يأكل يوسف. فقال إذاً هو اسم الذئب الذي لم يأكل يوسف..!![/quote]

ود بروي
كل سنة وانت طيب يا زعيم
الفقير الظاهر عليهو كتبكم
مالو شاعر واحد يقول ولو بيت ما في
نحن ننتظر الابداع من المبدعين
ودي مناسبة (التزوير) ما تفوتوها!!!!!!؟؟؟؟؟؟

من طرف **م بروي** الجمعة 26 يوليو 2013, 7:35 pm

abuahmed كتب:
م بروي كتب:[quote"(الحاج شرف)"]الناس دى حايمه فى الجرف ده ماله
قايلنو زى زمان زمن
سيدو ناجع

انت موش الزورت أوراق بيع الجرف؟
ارجى الراجيك.(قايلهافك تسجيلات هي؟)
سرقو نعجي وباعوها لي علي
وهم قدام الباب بتاع علي جات النعجي ماشيه
وهي ما مركزه ..قالت ليهو
دي دحين ما النعجي الباعوها؟
نهرها قال ليها الباعها منو ولي منو؟
قالت ليهو :كان كدي دي تكون النعجي الماباعوها
قصه حقيقه ..
1. يروي الجاحظ أن رجلاً اسمه "ابو علقمة" قال إن الذئب الذي أكل يوسف عليه السلام اسمه "رجحون".. فقيل ولكن الذئب لم يأكل يوسف. فقال إذاً هو اسم الذئب الذي لم يأكل يوسف..!!

ود بروي
كل سنة وانت طيب يا زعيم
الفقير الظاهر عليهو كتبكم
مالو شاعر واحد يقول ولو بيت ما في
نحن ننتظر الابداع من المبدعين
ودي مناسبة (التزوير) ما تفوتوها!!!!!!؟؟؟؟؟؟[/quote]

تاني حب الديك يسك الديك؟
وفي رمضان كمان؟
ياريت لو مامشينا الاجازة
كنا نتطاول على كيفنا ولاحدي يكلمنا
بعدها الخمسه فوق اللتين
هو نحنا قدر الكبار يعني واللا قدر الكبار؟

من طرف **ابو مصطفى** الأحد 04 أغسطس 2013, 5:56 pm

سلام شاعر القبيلة سلام ................ رمضان ................ تصوموا وتفطروا على خير ؟؟؟؟؟؟؟؟؟؟؟

من طرف **م بروي** الخميس 08 أغسطس 2013, 5:53 am

ابو مصطفى كتب:سلام شاعر القبيلة سلام ................ رمضان ................ تصوموا وتفطروا على خير ؟؟؟؟؟؟؟؟؟؟؟

العمده ضبح
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **(الحاج شرف)** الخميس 08 أغسطس 2013, 6:32 am

دى ماضبيحة عمد يالورد
كمبرسون لنفخ الجلد
اثار جر للخروف لى جوه
عجله والعمده مابيركب عجله
مافى زول مع العمد لرفع الخروف
الخروف ده شكلو مسروق
وعشان مانظلم العمده
هاك دى
وشوف العمده فى الصقيعه بره
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الخميس 08 أغسطس 2013, 10:41 pm

[quote"(الحاج شرف)"]دى ماضبيحة عمد يالورد
كمبرسون لنفخ الجلد
اثار جر للخروف لى جوه
عجله والعمده مابيركب عجله
مافى زول مع العمد لرفع الخروف
الخروف ده شكلو مسروق
وعشان مانظلم العمده
هاك دى
وشوف العمده فى الصقيعه بره
[ندعوك للتسجيل في المنتدى أو التعريف بنفسك لمعاينة هذه الصورة][/quote]

عمده مشكوك فيها
فقير مشكوك فيها
(نحييك في يوم الشك العالمي)
فقير و عمده ديل ورينا في ياتو صفحه؟
لقبه
[rtl]واحد عرَس واحدى ضُعوووويفى (ضعيفة)[/rtl]
[rtl]أمها قامت حشتها ولفتها بى جرايد (صحف) لتبدو سمينة شوية.

زوجها فى أول يوم بدأ يفك فى الجرايد والصفحات الملفلفة.

لمان زهج ضرب لنسيبتو

قال لها : إنت بنتك دى فى صفحة كم؟؟؟؟؟

[/rtl]

من طرف **م بروي** الخميس 08 أغسطس 2013, 10:47 pm

مكتوب فيها
(رضا الوالدين أهم من أبوك وأمك)[ندعوك للتسجيل في المنتدى أو التعريف بنفسك لمعاينة هذه الصورة]

من طرف **الفكى احمد** الجمعة 09 أغسطس 2013, 1:17 am

كل عام وأنتم بخير ياناس الجرف المن سماحتو مابتوصف
وللقابلة إن شاء الله تكونوا حصدتو وزرعتو تانى وتالت
وتكون الغلة كتيرة فى الشتاء وفى الدميرة ولى داير يسووا
العزاب الضريرة ويلبسوا االدبله مع الحريرة ،
بعدين الدابو زرع وزرعو لسع ما استوى مافى مشكلة
مرة مرة ياخدلو تيويقة ويغتس فى نص الجرف العامر
ويلهفلو شوية خدار وبينضورة وللا شمامة أو بتيخى بس
ماتكون كبيرى بعدين يقوم يعتر وتقع منو وتتفجخ فى
الواطة وتبقى فضيحة . باقى يوم العيد الناس مشغولين
لافوق يافى طهور وللا عرس قليل البنزل لاتحت على
الجرف ... والسلام عليكم والتحايا يالقلوبكم زى المرايا.

من طرف **م بروي** الجمعة 09 أغسطس 2013, 6:19 pm

الفكى احمد كتب:كل عام وأنتم بخير ياناس الجرف المن سماحتو مابتوصف
وللقابلة إن شاء الله تكونوا حصدتو وزرعتو تانى وتالت
وتكون الغلة كتيرة فى الشتاء وفى الدميرة ولى داير يسووا
العزاب الضريرة ويلبسوا االدبله مع الحريرة ،
بعدين الدابو زرع وزرعو لسع ما استوى مافى مشكلة
مرة مرة ياخدلو تيويقة ويغتس فى نص الجرف العامر
ويلهفلو شوية خدار وبينضورة وللا شمامة أو بتيخى بس
ماتكون كبيرى بعدين يقوم يعتر وتقع منو وتتفجخ فى
الواطة وتبقى فضيحة . باقى يوم العيد الناس مشغولين
لافوق يافى طهور وللا عرس قليل البنزل لاتحت على
الجرف ... والسلام عليكم والتحايا يالقلوبكم زى المرايا.

مهندسنا الجميل
سلامنا واسواقنا
وكل سنة وانت والاستاذه بألف خير
وكل سنة وانتم طيبين ومبسوطين
وتقبل الله صيامكم وقيامكم ويحفظكم يارب
ياخوي البطيخي البخليها تبقى كبيرة منو؟
مع جماعة اللفحي ديل ..حرسناهم بالنهار
بقوا يجوا بي بالبطاريه انصاص الليالي
فقدناك هنا الجرف عروق لوباهو قاعده
بس رشه من جوزك ويفرهد من جديد
تشكر يا زين

من طرف **م بروي** الجمعة 09 أغسطس 2013, 6:23 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:25 pm

هاكم من كاريكاتير زمان
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:27 pm

زمان صرفوا الكادر وبعدو بدا الكدر لي يومك ده
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:29 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:30 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:30 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:32 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** الجمعة 09 أغسطس 2013, 6:33 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **الرشيد طه** الجمعة 09 أغسطس 2013, 8:02 pm

م بروي كتب:زمان صرفوا الكادر وبعدو بدا الكدر لي يومك ده
[ندعوك للتسجيل في المنتدى أو التعريف بنفسك لمعاينة هذه الصورة]

ادونا فندكم ندق ونديكم عالم قديمة خالص

من طرف **م بروي** الجمعة 09 أغسطس 2013, 9:25 pm

الرشيد طه كتب:
م بروي كتب:زمان صرفوا الكادر وبعدو بدا الكدر لي يومك ده
[ندعوك للتسجيل في المنتدى أو التعريف بنفسك لمعاينة هذه الصورة]

انتو من زمن ديل

من طرف **الفكى احمد** السبت 10 أغسطس 2013, 5:19 pm

يـاسلاااااام عليك رجعتنا لجريدة الأبام أيام عزالدين وأيام الديموقراطيه
الحقيقية والتى كنا نفاخر بها وراسنا فوق ، أيام كان يكتب عز الدين

الكاريكترست المعروف ــ أبو الزهور خرق الدستور ــ حين كان أزهرى
رحمه الله رئيس الجمهوريه ، كان يسخر ويتندر على السياسيين بلا وجل
أو خوف والنقاد والصحافة والمنتديات والندوات تعقد بكل حرية .هلة هله
شتان مابين الأمس واليوم ، مع خالص تحياتى وودى لكم وللجميع ..

من طرف **م بروي** الثلاثاء 13 أغسطس 2013, 4:56 pm

الفكى احمد كتب:يـاسلاااااام عليك رجعتنا لجريدة الأبام أيام عزالدين وأيام الديموقراطيه
الحقيقية والتى كنا نفاخر بها وراسنا فوق ، أيام كان يكتب عز الدين

الكاريكترست المعروف ــ أبو الزهور خرق الدستور ــ حين كان أزهرى
رحمه الله رئيس الجمهوريه ، كان يسخر ويتندر على السياسيين بلا وجل
أو خوف والنقاد والصحافة والمنتديات والندوات تعقد بكل حرية .هلة هله
شتان مابين الأمس واليوم ، مع خالص تحياتى وودى لكم وللجميع ..

ويا سلام على المرور الطولنا منو
لما طرح نميري مشروع الوحده الوطنيه وكانت الجرايد
تتحدث عن عودة الشريف حسين الهندي
رسم عزالدين كاريكاتير واحد كابوي بمسدساتو
والتعليق(أفلام الوحده الوطنيه تقدم ....عوده الشريف)

من طرف **(الحاج شرف)** الأربعاء 14 أغسطس 2013, 3:39 am

[ندعوك للتسجيل في المنتدى أو التعريف بنفسك لمعاينة هذه الصورة]
ياااه ياريت كان فى موبايل فى زمنى كان ضربت ليك تلفون ورجعتك السودان ياشريف

من طرف **حازم** الإثنين 19 أغسطس 2013, 6:07 am

التحيات لك قامة بلادي الرائعه
امس دخلت بيغادي وتصفحت النكته الظريفه بتاعت الراجل وابنه المريض وسؤال الدكتور ليهو
ورد صاحبنا انه يفتكر ان ابنه يسنن
كانت رائعه وسردها رائع فقد اسعدت الجميع
دائما محفور في دواخلنا انك تسعد الجميع
ربنا يحفظك
واصل فنحن نحتفظ لكل حرف تخطه يداك يا رائع

من طرف **م بروي** الإثنين 19 أغسطس 2013, 3:23 pm

[quote"(الحاج شرف)"][ندعوك للتسجيل في المنتدى أو التعريف بنفسك لمعاينة هذه الصورة]
ياااه ياريت كان فى موبايل فى زمنى كان ضربت ليك تلفون ورجعتك السودان ياشريف[/quote]يرجع من وين؟

من طرف **م بروي** الإثنين 19 أغسطس 2013, 3:39 pm

حازم كتب:التحيات لك قامة بلادي الرائعه
امس دخلت بيغادي وتصفحت النكته الظريفه بتاعت الراجل وابنه المريض وسؤال الدكتور ليهو
ورد صاحبنا انه يفتكر ان ابنه يسنن
كانت رائعه وسردها رائع فقد اسعدت الجميعالت
دائما محفور في دواخلنا انك تسعد الجميع
ربنا يحفظك
واصل فنحن نحتفظ لكل حرف تخطه يداك يا رائع

في واحده سألت خطيبها:أكتر حاجه بتحبها شنو؟
قال ليها: الكوتشينه.
قالت ليهو:طيب أقرب حاجه ليك شنو؟ قال ليها محل بيع السعوط.
قالت ليهو:أكتر حاجه بتلقى نفسل فيها شنو؟ قال ليها :جلابيتي البيضاء.
قالت ليهو ياخي طيب أكتر زول بتحبو بعد أمك منو؟
قال ليها: المرحومه خالتي سعاد. قالت ليهو:إن شاء الله تلحقها.
المنتدى في غيابك قرب يلحق خالتنا سعاد؟.
أنا أكتر حاجه بحبها: كتابات الحازم.
أكتر حاجه بلقى نفسي فيها:كتابات حازم الجميل.
أكتر حاجه بفتقدها: الوجود الحازم.
عوداً أحمداً يسعد الدار وقاطنيها ويزرع الفرح
في انقايات غبر طال بيها الجدب والقفروالفقر

من طرف **(الحاج شرف)** الثلاثاء 20 أغسطس 2013, 5:35 am

ود بروى حجيتك مابجيتك (والله ماعارف معناه حافظه بس )
ادنى ساقى

من طرف **ابو مصطفى** الخميس 29 أغسطس 2013, 1:39 am

م بروي كتب:
حازم كتب:التحيات لك قامة بلادي الرائعه
امس دخلت بيغادي وتصفحت النكته الظريفه بتاعت الراجل وابنه المريض وسؤال الدكتور ليهو
ورد صاحبنا انه يفتكر ان ابنه يسنن
كانت رائعه وسردها رائع فقد اسعدت الجميعالت
دائما محفور في دواخلنا انك تسعد الجميع
ربنا يحفظك
واصل فنحن نحتفظ لكل حرف تخطه يداك يا رائع

في واحده سألت خطيبها:أكتر حاجه بتحبها شنو؟
قال ليها: الكوتشينه.
قالت ليهو:طيب أقرب حاجه ليك شنو؟ قال ليها محل بيع السعوط.
قالت ليهو:أكتر حاجه بتلقى نفسل فيها شنو؟ قال ليها :جلابيتي البيضاء.
قالت ليهو ياخي طيب أكتر زول بتحبو بعد أمك منو؟
قال ليها: المرحومه خالتي سعاد. قالت ليهو:إن شاء الله تلحقها.
المنتدى في غيابك قرب يلحق خالتنا سعاد؟.
أنا أكتر حاجه بحبها: كتابات الحازم.
أكتر حاجه بلقى نفسي فيها:كتابات حازم الجميل.
أكتر حاجه بفتقدها: الوجود الحازم.
عوداً أحمداً يسعد الدار وقاطنيها ويزرع الفرح
في انقايات غبر طال بيها الجدب والقفروالفقر

خالى محمد ودبروى والله قطعت مصارينا بالضحك .................................. ؟؟؟؟؟؟؟؟

المنتدى عاوز كتاب ...... مش اى كلام ....................لكن كل شى ولا وجع الراس ومضيعة الزمن ؟؟؟؟؟ وزمن زاتو بقى ماهو فى ؟؟؟؟ والناس مشغولة ؟؟؟؟
والحياة فى السودان طلعت الجبل ؟؟؟؟؟؟؟؟؟؟؟؟؟؟؟؟؟؟؟

من طرف **abuahmed** الجمعة 30 أغسطس 2013, 4:54 pm

ابو مصطفي
اه يا ظربون
انت وكت الحياة طلعت الجبل المقعدك في الواطة شنو؟؟؟ ماتقوم تتشعبط!!!!!

من طرف **ابو مصطفى** السبت 14 سبتمبر 2013, 3:08 am

[ندعوك للتسجيل في المنتدى أو التعريف بنفسك لمعاينة هذه الصورة]

خيرات الجرف .................. تراها دى كلها معروضة فى السوق ..............وكل القصة بكامل تفاصيلها عارفها الفقير .............. اوع من الفقراء .............؟؟؟؟

تحياتى
ابو مصطفى