جــــــــــــــــرف روكــــــــــــــــة

حازم كتب:والله الزول ماعارف يشكر منو ؟؟ جد انا مبسوط وكتاباتك ليها طعم لأنها تطلع من زول ليهو طعم ؟ اتذكرت يااستاذ تعليق صديقي من اولاد الجعليين الكاربين لما يعجبه موقف بيقول الزول دا فوق راسو صبره ) كنايه عن الفرح والسعاده ؟ وانا بقول فوق راسي صبار والده ( دحين دي الحجي كيفنها 00000 والسلام ياقامه بلادي ... حازم

النفر كتب:ما أجمل خواطرك يا ود البروى --الواحد ياخد راحتو ويتوهط ويتفرجخ ويتاوق جاى وجاى والبساط أحمدى ماهى ونسة بلد -- البارح بالليل الدرب ده ماشى لا فوق الله يستر أعل ما فى عوجى والصبره البارح حايمى فى التكل لا تكون شالتلها حاجى وتبقى ذى حكاية حبوبتى بت الشاعر مع الصبرة لما قالت فيها (يا صبرة الكير سويتيلك حكايى الدقيق خلينه أدينا القتايى )--شكرا يا ودى البروى على هذا الابداع يا فنجرى

تقبل تحياتى ومرورى

فارس الزين علي محجوب كتب:وين انته ياود بروي مختفي عن المنتدي والله الواحد زي الريحـلو شي نجي داخلين مانلقاك و تاني نمرق ياخي ماتحرمنا من طلتك البهية دي ماأحلي حديثك يابروي نكهتو زي طعم الحرجل والمحريب

صديق عبدالله علي أبوحنة كتب:00008b]لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه8][/size]

( يا صبرة الكير حكايتك حكايي... الدقيق خلينا... أدينا الغتايي
بت الشاعر مرأة في قمة الذكاء.. كانت وهي كبيرة حريصة على الجيي يوم السوق.. كل سوق تجيي السوق... عشان عندها غنم كتار.... كانت لاتعرض بضاعتا.. لكن ترجاك قاعدي جنب( راجنو) أم عبد الفراج... وخاتي ليها عشرة خمستاشر قزازة سمن للبيع.. نص طاسي ربع طاسي طاسي.. ناس سلمان عقيد ما حضروا الكلام ده... خلي يقول ليك راجنو كانت بتسوي جبنتا وين في سوق النعوفاب
.....................
النفر شكرا على انزال صورتك لنراك هسه.. لأنك زمان نحيف.. هسه ما شاء الله.. محافظ
طق طق طق قلت ليك
كدي على بيت بت الشاعر ده؟
الدقيق خلينا أدينا الغتايي
عاوز براعم المناصير الصغيرة الجديدة واحد يورينا الفرق بين الغتايي والقفة شنو؟
..........................
والفرق بين( الكونشبر) و( القلييبي) شنو؟ والفرق بين القلييبي والرحل شنو؟
والفرق بين الكفان والمارووق والسماد شنو؟

سلمان عقيد النعوفابى كتب:الاخوان ودبروى –النفر –حازم-فارس –الصدوق-سلام—

ياجماعة انتو دايرين تخربوا خدمتنا والواحد اصبح مدمن هذا المنتدى-

الاخ ودبروى شكرا –الامس لاقيتالاخ الشيخ فى المستشفى وقلت ليه بعد دا نحنا دايرين الخروفين—ورد مبتسما جاهزات –وكل مانتقابل نتحدث عنك وعن المنتدى الذى اصبح يتصدر الونسة فى كل الملمات (كان بكاء كان فرح كان اى لمة )

ويا خى النفر قبل ايام تحدثنا انا والاخ عبد المطلب على الحاج عنك وذكر لى ايام الجامعة ودفعتكم-

ويا اخى الصدوق والله (راجنو) دى بعرفها لكن تسوى الجبنه وين دى ماعارفها –اما السمن والطاسى دى عاصرتها وما تنسى اهلى فى الخلا كانوا بيجوا محملين بتلك الاشياء—وبرضو عندنا فى النعوفاب كانت هنالك صبرة عندها صياح مميز اول ما يسمعها اهلنا الكبار يقولوا حايموت زول –ورغم الكثرة يعرفونها من بقية الصبار—ويتلاقو اتنين من الاهل مثلا فى الصباح فيقول احدهم للاخر الصبرة دى البارح كوركتك (عوصت ) سمعتها فيرد التانى –اى—فيقولوا الله يستر-



شكرا اخى فارس على الموضوع وسوف نتصل بيك غدا باذن الله لنكمل الموضوع –

وياحازم هسع لو عارفنك كان ونسنا معاك واديناك من قريتك –وانت كاتب لايشق له غبار باعتراف الجميع (مافى خيارات) واكرر سو الداير فوق عدلك –ماتقول عدلك دى العرس حقك انت وفتحى—الدا تزعلوا فيهو

اما الاخ الصدوق مشكور يتصل طوالى --

فكرة جميلة هذا البوست ياحمود وطعمك قوى –اقترح عليك بعض الاسماء لو وفقت على تغيير العنوان طالما ان الوضوع لقاء وتفاكر وسلام بعيدا عن المواضيع الاخرى---يمكن ان تختار:

الجدول الضكر—حيضان (اللوبا—اوالملوخية -او البرسيم)—النوريق—حوض الراس-الكداد—حجة طير—الهبادى—سكة عمى--حس المداقيق—اللديق—البار – حجيرة البحر- قديح الجور-والكثيرلتكون بدلا من خواطر خطرة-- تقبل اقتراحى-اما اقتراحى الاول ان يكون البوست بعنوان (قش التناقير)

الاخ حمود –وانا بكتب فى هذه المداخلة فى (الويرد) فى ملف شعر مررت على ابيات لشاعرنا ود قمر الدين رغم انى انزلتها فى المنتدى من قبل لكن رايت ان اوردها هنا كختام للمرور



وعند الغيبة يسقى حميرو ناوى على البيوت يرجع

شايل عفشو قدامو وحزمة قش وكت يطلع

صلى صلاتو حرس الشاى وفوق العنقريب كوّع

يحكى ويسمع الأخبار وفارق للهموم ودع

يس مصطفي كتب:الاخ م بروي الاخوه المتداخلين السلام عليكم
ود بوست فيه نوع من العبر 0مثل ان تتزوج منصوريه تكون مرتاح من حكايه التعارف ووووووووووو
وكمان اضيف جاجه اخري ان يحاول الشخص تغيير بعض الشي ليجد تقاربا مع الجانب الاخر وهذا يعني ان هناك نوع من الضغط عكس المنصوريه التي تقبلك انت واسرتك من غير تغيير او جبر خاطر
هذا قليل من كثير
هذه ليست دعوي للعنصريه بس البي يزوج من برا يحاول يتجنب قديح الجور وفي هذا توريه

حازم كتب:ياسلااااام ياسلاااام بالله الدنيا فيها لسع ناس ذي ديل انا قلت الكلام السمح راح وناس السمحين راحوا اقسم بالله وماكن طالبيتي حليفي انا وصلت مرحله من الاحباط نامن يوم قلت للمرا انا عاوز اسوي لي قبر هنا في البيت دا ؟ لما تشوف اهلك اتفرقوا واحبابك أتغرقوا وحتي مراتع الصبا غارت وقسمات الناس اتغيرت وكل الكلمات السمحي التي ذكرها الاخوان اتودرت والناس اتوترنت في الهواء صنقرت بدأت الحفر ولكن ولكن يالله جد نحن بننتمي لتاس عظيمه وبكم بدات الفرهيده لهذه الجسم الذي افتقد المعالم والمسالم والسلالم.... ربنا يحفظكم ويحفظ تلك المعاني المعبقه بريحه المغمول والحرجل والربل والعصباء المعطونه بيريحه النوريك والشريك كما ذكرها الافذاذ من ابناء بلدي...بعدين الشوايقه ديل السوها فينا الكلب في الخمُاره ماسواها( ممكن يابروي تورنا الخماره شني) النكته تقول واحد يعوم بعدين غطس وبقي يكووورك ألحقتي ألحقني ادني ايدك للشايقي رد عليه الشايقي وقالو يازول ماتستغفر ربك دا يومك ألحقك كيف؟ هم يأصلوا ويشرعوا للدايرنو وربنا يسهل .. والسلام لكل الاخوه جد رائعون ....حازم

هاشم علي الجزولي كتب:الاخوه المتداخلين والاخ محمد اولا نشكرك علي البوست وشيء جميل يامحمد التحدث والتمسك باالقديم ولكن الا توافقني ان الحياه ممتده ومستمره وهناك تداخل اجيال اذا وقفتوا قبل 20 سنه ومانعين الاخرين من المشاركه فسوف يكون الموضوع مختصر علي فئه معينه انت قول كلامك السمح ده وما تحاول ان تفرض راي ثانيا حكايه الشخص الذي يشوف نفسه حاجه ثاني ما اظن دي موجوده في المناصير واذا وجد براه بيجي الدرب نحن ما بنخلي زولنا كلمه خالد عابدين ندودر نحن اصلا قبيله صغيره وما من المصلحه ان نخلق حواجز بين بعض شنو يعني الدرجه العلميه او القروش اذا بتخلي الشخص يتغير تبقي مصيبه لكن يامحمد هناك فئات عمريه لها وضعها وهي بتحس بطعم النجاح والتميز وده شيء طيب ومحفز للاخرين عشان يجتهدوا ويشدوا حيلهم ويطلعوا لينا من الاعمال الهامشيه التطور والتقدم شيء مهم جدا وعشان اقرب ليك المسأله وبدون ذكر اسماء لانك انت باالذات يامحمد تكون عارف كويس جدا ما اعنيه وهو
اننا وفي وجود الوالد الله يرحمه كان منزلنا يعج باالناس من اهلنا وفيهم اقرباء لنا وكان الامل ان يستفيدوا بان يكون هناك احتكاك مباشر في مجتمع العاصمه ينعكس عليهم ايجابيا النتيجه كانت محبطه جدا لم يستفيدوا باالقدر المرجو
لذا ارجو ان لاتعطونا فكره بأن هذا المنتدي في طريقه لان يحتكر لفئه بعينها مثل شغل الحكومه انا شخصيا كلي امل في ان يكون هذا المنتدي للجميع ويتقبل جميع الافكار بل يكون نبراس وينظر للمستقبل القريب والبعيد ويبصر الناس حتي نستطيع ان نضع اولادنا علي الطريق الصحيح ونعد لهم العده
وبعدين يا اخي الصبره والصبار كترتوها بلحيل الحكايه شنو

حازم كتب:عظيم ياقامة يلادي السامقة جدا لهكذا فهم أحببناك ...ولهكذا منطق عشناك.. ومشكور كتييير جد ود بحري هاشم الجزولي الذي جعل هذة القامة تدور
وتخرج دررا ... جاء في الاثر اخي هاشم ان احد الصالحين جاءه رجل طالبا ابنته فعزمه علي المبيت وحين أصبح عرض الرجل الصالح الامر علي ابنته فقالت مارائك أنت ياأبي فيه فقال لها عرفت فيه ثلاثه خصال لم تروقني , اولا يابنتي
رأيته كثير الاكل وذلك عندما قدمتي لنا وجبه العشاء وثانيا لم يقم الليل وثالثا لم يتوضاء لصلاة الصبح.. الذي اريد ان اقتبسه اخي هاشم الرد الذي جاء به ذلك الرجل عن كثرة اكله حيث قال علمت ان طعامك حلال وان الطعام الحلال شفاء ظظ يااخي هاشم كلام الاخ محمد بروي كله شفاء وعلم وشكرا ياقامة بلادي بروي

فتح الرحمن محمد الحسن عون كتب:الأخ محمد بروي نشكرك على هذا البرنامج خواطر خطرة والله ياأخ محمد تركنا التحزب من زمان وأصبح همنا هو ان نعيش ونخدم بلدنا بقدر المستطاع ونتمنى ان يكون هذا المنتدى للونسة وللتفاكر في مشاكل المنطقة وذي ما قال أخونا سلمان عقيد متعه الله بالصحة والعافية يظهر ان هذا المنتدى سوف يفصلنا من العمل ويخرب وبيوتنا وأيضا أنا ما عارف كلما نزوغ من أخوان حازم نلقاه قدامنا حيرنا وانا من هنا أشكوه للمدير خالد عابدين

almansory@ooty كتب:masha allah keep going

نورالهادى كتب:صاحب الحوش الكبير محمد بروي وكل الاخوة المتداخلين سلام

والله يا محمد بروى لى يومين اقرا لكن ما بقدر اكتب كنت فى سفرة قريبة وشلت ما الطنبور ونسيت الدقاقة ، الجهاز كان معى ولكن الكيبود العربى ما شلتو . وعجبتنى فكرة الخواطر ، وعندى خاطرة وهية بداية لموضوع ولكن خائف تجيب الدق ولكن حتكون جرعة جرعة واذا قلتوا لى ابعد منو ببعد ..

يا جماعة المرا طلعت انتظروها تجى تعمل الشاى !!!!!!

ياخى ما موية تختها فى النار وتكشح فيها حب شاى ليه الا المرأ .

الراجل البنهر مرته قدام الضيوف ده ما زولى .

الراجل بدرب والمرأ بدرب يتلاقوا فى الزراعة يقلك لو باريته يقولوا بق اضينى .

سبب البلاوى دى كلها الزول القال المرأة نصف المجتمع ده واحد حاقد على المراة ياخى الجنة تحت اقدام الامهات .والمرأة هيه المجتمع كله .

[color=#000000]كدى يا محمد بروى ابدأ ونحن وراك .[/color

]