جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **الفكى احمد** الإثنين 17 سبتمبر 2012, 6:03 pm

ياسيد الجرف وينك معقول من يوم 20تمانيه مامريت على الجرف
ياأخى ودأختك أبو مصطفى حلقو وجعو من الكواريك خالى ، خالى
وخالو ياربى مالو لعل المانع خير ، فعلا كتارالقاعدين يعاينو للجرف
من بعيد لى بعيد وكت مايلقوا ليك أثر يرجعوا ..
دحين ياود بروى جرفك روكه ..... رويان وطينتو مبروكه
مزروع نـزو بالطــــــــوريى ..... وعنــد الحَجره سلـُــوكه
تعال شوف الجـــــــرف كيفنو .... مافى قِطيعى متروكــــه
وبى فوق ليهو فرهـــد بـــارو .... ترتر جــــدولو أبسبلوقه
مشمـــــر سيــــدو متحـــزم ..... وجنبو الكونشبر موسُوقه
جابولو الفطــــــــور سمبوسه ..... بمــــلاح باميه مفروكه
تعـــال منـــدلى لجـــــرفك ....... كتير من ناس يراجوك
متحبكين هناك كـــــــل يوم ....... ناس ودأختك واخــوك
راجـــــــين جيتـــــتك يعاينو ...... طــــــولو دار يشوفوك
ويومى على الجرف واردين ..... عسى ولـــعل يـلاقوك
وابـو مصطفى ديمــه يسأل ...... هو من ديـك البعزوك
تعـــال ماتطــــــــول عليهم ...... ترى كـــم هم يحبوك
********

من طرف **ابو مصطفى** الأربعاء 19 سبتمبر 2012, 2:27 pm

سعدت بالمرور الرجل الليبى ؟؟؟وبينى وبينك قالوا ليبيا فتحت واحتمال اشد الرحال الى ليبيا انشاء الله ؟؟؟؟؟؟؟؟؟؟ لكن داير الشركات الامريكية تتوهط وتقعد كويس واكون خلصت الزمالة حقتهم دى فى المالية والحسابات وقربت وعاوز اشوف خبر خالى نايم مع الريال والله راسنا وجعنا يا الفكى ؟؟؟؟؟؟ الزول دا مالوا ؟؟؟؟؟ قاطع اخبار واسع انا بقيت اجرى من شيرى لى دماج واسوى فى العوك ؟؟؟ انت وين يا خالى محمد ؟؟؟؟؟؟؟؟
ومرات اغنى ومرات امدح وغايتو عليك يا الله ؟؟؟؟؟؟؟؟؟؟؟

تحياتى
ولى عودة

ابو مصطفى

يرجع لينا بالسلامي سيد الجروف الروكة. بإذن الواحد الأحد

من طرف **ابو مصطفى** الخميس 20 سبتمبر 2012, 3:20 pm

داير اشد الغبشى ام لجام
وداير ناس معاى ترمى قدام
وتشوف شاعر القبيلة الرجل الهمام
قالوا راقد مستشفى عليها ماحام
يالله يالله ويارب القبة ام رخام
تدى العافيةمحمد ويقوم تمام
يرفع التلفون يطمنا بى انغام
يقول نعم ود الاخت تمام التمام

تحياتى
ابو مصطفى

من طرف **م بروي** السبت 22 سبتمبر 2012, 4:01 pm

أصحابي وأصحاب الجرف الكرام
اشكر لكم سؤالكم عني
وياريت أكون قدر حسن ظنكم بي
ونسأل الله أن يوفقني بأن آتي
بجميل يشبه نظمكم الرائع الجميل
وبجيكم بالمهلي.

من طرف **ابو مصطفى** السبت 22 سبتمبر 2012, 4:09 pm

حمد لله على السلامة
حمدا لله على السلامة
حمدا لله على السلامة
حمدا لله على السلامة
حمدا لله على السلامة
حمدا لله على السلامة

تحياتى ابو مصطفى

من طرف **الفكى احمد** الأحد 23 سبتمبر 2012, 5:02 am

مليون حمد الله على السلامه نحن فى شوق وإنتظار
نحمد الله الليلى سيد الجرف شرف بعد غيبة طويلى
بالحيل وإنشاء الله تانى مايغيب . وإنشاء الله ديمى مليان
عــــــــــــــــــــــــــــــــــــــــــــــــافى...

من طرف **م بروي** الأربعاء 03 أكتوبر 2012, 7:01 pm

الفكى احمد كتب:
ياسيد الجرف وينك معقول من يوم 20تمانيه مامريت على الجرف
ياأخى ودأختك أبو مصطفى حلقو وجعو من الكواريك خالى ، خالى
وخالو ياربى مالو لعل المانع خير ، فعلا كتارالقاعدين يعاينو للجرف
من بعيد لى بعيد وكت مايلقوا ليك أثر يرجعوا ..
دحين ياود بروى جرفك روكه ..... رويان وطينتو مبروكه
مزروع نـزو بالطــــــــوريى ..... وعنــد الحَجره سلـُــوكه
تعال شوف الجـــــــرف كيفنو .... مافى قِطيعى متروكــــه
وبى فوق ليهو فرهـــد بـــارو .... ترتر جــــدولو أبسبلوقه
مشمـــــر سيــــدو متحـــزم ..... وجنبو الكونشبر موسُوقه
جابولو الفطــــــــور سمبوسه ..... بمــــلاح باميه مفروكه
تعـــال منـــدلى لجـــــرفك ....... كتير من ناس يراجوك
متحبكين هناك كـــــــل يوم ....... ناس ودأختك واخــوك
راجـــــــين جيتـــــتك يعاينو ...... طــــــولو دار يشوفوك
ويومى على الجرف واردين ..... عسى ولـــعل يـلاقوك
وابـو مصطفى ديمــه يسأل ...... هو من ديـك البعزوك
تعـــال ماتطــــــــول عليهم ...... ترى كـــم هم يحبوك
********

لباشمهندس صديقي العزيز
عجزت أن أكتب ما يجاري
هذا الكلام الرائع
تسلم ياهندسه

من طرف **ابو مصطفى** الجمعة 05 أكتوبر 2012, 2:48 pm

ازع هنا واقول اى كلام على كيفى ؟؟؟؟؟؟؟؟؟؟؟ لانى عندى بلد ؟؟؟ وبلد مش اى بلد ؟؟؟؟؟؟؟؟ منو البقدر يقول لى جوازك او اقامتك ؟؟؟؟ انت ماشى وين وجاى من وين ؟؟؟؟؟؟؟؟ اتحدى اى زول يسالنى ؟؟؟؟ لانى فى ديار التعمان ودقمبر ؟؟؟؟؟ وامى بت اعم ابوى ؟؟؟؟؟؟

وراكب الغبشى ام لجام ؟؟؟؟؟ تشبه الميج فى السرعة ؟؟؟؟؟ خمسة دقائق فى دقن اللمر وعديت بى على حسن ؟؟؟؟؟ ومريت فوق ابوى تاتيب فى البنية ؟؟؟؟؟ وديك الودة نورها ظهر ؟؟؟؟؟ وداك النفر قاعد قدامدكانوا ؟؟؟؟؟ وسليمان حامد جنبو ؟؟؟؟ وديك ولاد حسن الفحيلى ؟؟؟ اقيف يازول الفطور ؟؟ لع شكرا ؟؟؟ ماشى قدام ؟؟؟؟؟ والليلة المحكمة بتاعت ابجناح ( عثمان ود احمد - السلمات ؟؟؟

وماهو بى كتير داك حسن على صديق وناس بهية والفقرة ؟؟ وطايرة طير الغبشى ام لجام ؟؟؟ وناس فتاح كروم ؟؟؟ الفطور يا زوول ؟؟؟؟ لع فطورى عند ناس الصقر فى ام لقاديب ؟؟؟؟ والجبنة عند ناس ودكدانة ؟؟؟؟او ناس الدميرى ؟؟؟؟

غايتو تقول لى شنو وتقول لى منو ؟؟؟؟؟ بلدى ولا باريس ؟؟؟؟

وبعدين العصر احتمال اغشى ولاد بروى قالوا عندهم ولدهم محمد الحضرة القطر جابو فى الكاب ؟؟؟ وضابحين وعندهم النزوزة احتمال القى لى عضم اكدوا وترمة بى سليقة ؟؟؟؟

تحياتى

ابو مصطفى

من طرف **ابو مصطفى** الأحد 14 أكتوبر 2012, 2:59 pm

تقولى شنو وتقولى منو ؟؟؟؟؟؟؟؟؟؟؟

نحن

لون الدهب طعم القمح ؟؟؟؟؟؟

طبعك سمح ؟؟؟؟؟

سيد الجرف نائم ؟؟؟؟ عاد ياربى يصحى من نومو ؟؟؟؟؟ ويشوف الخضار فرهد وشايل النوار ؟؟؟؟ عليكم الله حصل فيكم زول ؟؟؟ قام مع الصبح دغيشا بدرى ؟؟؟؟ وشال طوريتو ونزل على الجرف وشم ريحة ؟؟ ريحة زهرة اللوبيا مع نسمات الصباح وشايلة الند ؟؟؟ الله قادر ؟؟؟؟؟؟؟؟؟ خضار مزروع بى عناية فرهد وشال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟

تحياتى

ابو مصطفى

من طرف **ابو مصطفى** السبت 08 ديسمبر 2012, 6:59 pm

غبنا وجينا ولقينا الجرف كتاحة وسموم عليك يا الله

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من طرف **م بروي** الثلاثاء 08 يناير 2013, 1:18 pm

كتاحه كيف يا أبو مصطفى وإنت موجود
مخضر ومفرهد بوجود ود أختي السمح
لك شكري وأسفي على عدم الكتابة في وقتها
نعمل إليه يا صاحبي النفس مقفوله

من طرف **م بروي** الثلاثاء 08 يناير 2013, 1:38 pm

تذكرت في هذه اللحظة
ما كتبه صديقنا الموسوعة
د/فاروق الطيب حيث قال
لماذا ديننا دين الوسط؟
لأنه يختار دوماً محمده بين مذمتين
فمثلاً:أن تصرف المال أكثر من الحاجة
فهذا هو الإسراف وهو مذمه
وأن تمتنع عن صرف المال عند الحاجة
فهذا هو البخل وهو مذمة
ولكن عندما تصرف المال بقدر الحاجة
فهذا هو الكرم وهو محمدة.
أن ترد على الإعتداء بأكثر منه
فهذا هو الحمق وهو مذمة
وأن لا ترد على الإعتداء
فهذا هو الجبن وهو مذمه
ولكن أن ترد بقدر الإعتداء
فهذه هي الشجاعة وهي محمدة.
وهكذا في سائر الأمور
وإن كنت في الأخيرة أفضل التسامح
وهو محمده دعى إليها هذا الدين السمح
وصلى الله على نبينا الكريم معلم الأمم
وخير رسل الله أجمعين
وسلام على صحبه الكرام الميامين.

من طرف **م بروي** الثلاثاء 08 يناير 2013, 1:43 pm

أين أنت يا صديقي (حازم)
افتقدتك كثيراً
أسأل الله أن تكون وأهلك
بألف خير

من طرف **ابو مصطفى** الثلاثاء 08 يناير 2013, 6:48 pm

الخال الكريم عساك ان تكون بخير وعلى خير ؟؟؟؟؟؟؟؟؟؟؟؟؟؟؟؟؟

المشغولية يا محمد ؟؟؟؟؟؟؟؟؟؟؟؟ظ حرمتنا من كتابة فد سطير ؟؟؟؟؟؟؟؟؟؟؟؟؟

افتقدنا الكثير من الاصحاب والقمم ؟؟؟؟؟؟؟؟؟؟؟؟؟

تحياتى
ابو مصطفى

من طرف **م بروي** السبت 12 يناير 2013, 2:49 am

لو الرباطبية ظابطاك
هسه تنس فطورك وعشاك
وتنسى أصحابك ومنتداك
--------------
تنس حوتك وتنس الشُباك
والحمار الداجي كوراك
في الشمس جيعان ماهو شاك
والغنم مريوقه راجياك
وأحسن الترفيه عوم وكاك
عيش و الكفان ماكفاك
كنت شايل (أم ديك) يوماداك
والعصا مضببه بي قفاك
وما في زولاً قالوا سباك
بقيت تقول(سستم والحراك)
وقالوا في الفيس هسه شفناك
زوجتك بت ناساً أصال
ما تخلي يقولوا ظابطاك

من طرف **نجلاء زمراوي** الأحد 13 يناير 2013, 3:47 pm

نتابع...نقرا....نستمتع

تسلم ودبروي...

ما تقنع صاحبك يجي بيجاي ويريح الفيس شويه(سفيان)

من طرف **م بروي** الأحد 13 يناير 2013, 5:05 pm

شكراً حاجة نجلاء
بسم الله حاجة شنو؟؟
دي والله ما جاية
الحاجه دي ما لي ناس
مديني بت إحمد وفاطني بت علي
سفيان شركتو مسؤولة من كسارات
وفي مدحة تقول(سلامي بعدد الحصى والرمالُ)
تقريباً كده
وأنا مسميهو (مدير عام الحصى والرمالُ)
أما حكاية يفارق الفيس دي ..حاكومه كاملة ماتقنعو .
تحياتي

صــــــــلاة الله على من واجبالــــــــــو

سلامى يفوق على الحصى والرمال

ــــــــــــــــــــــــــــــــــــــــــــــ

هذه لتلك التى ذكرت وللجرف من عينا حتى لا تصيبه

تسلم يا رائع

ممكن تقبلونا معاكم بى جاى متطفلين ولسنا بكاتبين فهل مثلنا يصلح أن يكون من القارئين ناهيك أن يكون من الكاتبين

من طرف **م بروي** الإثنين 14 يناير 2013, 7:46 pm

ده كلام يا سامي وقلمك الأريب
يسطر روائع الأدب هنا وهناك ونسعد
بها وننتشي ثم نفخر لأنك ولدنا.
وين مهندسنا الفكي؟؟ كانت له
صولات في الجرف وأثراهو كثيراً
نثراً وشعراً.
مودتي

من طرف **ابو مصطفى** الجمعة 18 يناير 2013, 8:20 pm

[quote="م بروي"]لو الرباطبية ظابطاك
هسه تنس فطورك وعشاك
وتنسى أصحابك ومنتداك
--------------
تنس حوتك وتنس الشُباك
والحمار الداجي كوراك
في الشمس جيعان ماهو شاك
والغنم مريوقه راجياك
وأحسن الترفيه عوم وكاك
عيش و الكفان ماكفاك
كنت شايل (أم ديك) يوماداك
والعصا مضببه بي قفاك
وما في زولاً قالوا سباك
بقيت تقول(سستم والحراك)
وقالوا في الفيس هسه شفناك
زوجتك بت ناساً أصال
ما تخلي يقولوا ظابطاك

اسع دا كلام شنو ونفروا شنو ؟؟؟؟؟؟؟؟؟؟؟
والله ياخالى محمد ؟؟ انت ما بتعرف ابو مصطفى ؟؟؟؟ لو لموا حريم الرباطاب جت ما بقدرن على ود اختك ؟؟؟؟؟ بعدين معاك ؟؟؟ ياخالى محمد انا لى يوم بكرة وبعد بكره فى عز الشباب وفى عرسة عرستين ؟؟؟؟
لكن الحكاية انتو رافعين الراية ؟؟؟
ومقسم بالله انت وصاحبك حازم ؟؟؟ كلامكم عند الحروم ؟؟؟؟؟؟؟؟؟؟ يخس عليكم ؟؟؟ يخس عليك ؟؟؟ كلامكم عند الحروم ؟؟؟ اسع انت ووحازم وناس ابوسفيان خلف الله تقدروا تتكلموا مع ابو مصطفى ؟؟؟؟

ابعد بعيد يا لبيب
ابعد بعيد يا لبيب
ابعد بعيد يا لبيب
ابو مصطفى من ناس كع كرع ؟؟ كع كرع
ما فى مراه بى تظبطوا ؟؟
كان من المناصير او من الرباطاب وفى النهاية الحكاية واحدة ؟؟؟؟؟
المراة مراة ؟؟؟ والراجل راجل لكن هنالك الحكمة والكياسة فى الادارة ؟؟؟ وانت وصاحبك حازم على بال............... على بال.........
كلام ماعندكم وكلامكم عند الحروم ومن ناس عندى شورة ؟؟؟؟؟؟؟؟ظ قوم لف يا ودبروى انت خلاص ؟؟؟؟؟؟؟؟؟ لعبك فك ؟؟؟؟ وبقيت تشوت ضفارى ؟؟؟؟؟؟؟؟؟؟؟

تحياتى
ابو مصطفى

من طرف **ابو مصطفى** الأربعاء 23 يناير 2013, 6:01 pm

خلاص داير اقوم اغنى فوق خالى اللبيب
لكن والله خايف ؟؟ الزول دا سليط لسان وشعبيتو كتيرى ؟؟؟؟
بعدين ناس شيرى بالذات ماداروك طوالى يسموك اسم كعب ؟؟؟؟ عندك عمنا وقريبنا عثمان سليمان طه ؟؟؟ والد ابو العسسى ؟؟؟ بقى تاجر ؟؟؟ والزمن داك دابو بدا تجارته وناس المتيرة متحيرين فى الزول دا ؟؟؟ بدا تجارته وراس ماله كيلو واحد بتاع صعوط والزمن داك الحلب ماسكين البلد ؟؟؟ ولى يوم الليلى مسمنو ......... الببيع الصعوط ؟؟؟ يقولوا ليك ما تقول عثمان سليمان ودطه
قول الببيع الصعوط ؟؟ شفت كيف ؟؟؟؟ وفى النهاية الزول بقى تاجر كبير وعندو لوارى وبضائع كبيرة
فى الختام انا خايف من خالى محمد لكن بغنى بغنى

تحياتى
ابو مصطفى

من طرف **م بروي** الخميس 24 يناير 2013, 3:31 am

أمك
قعد يهضرب

من طرف **ابو مصطفى** الخميس 24 يناير 2013, 4:43 pm

اوزن كلامك يا محمد ودبروى ؟؟؟ انا ابو مصطفى بقيت اهضرب ؟؟؟
والله غلطان يا لبيب ؟؟؟؟ وغللطك كبير بالحيل ؟؟؟
غايتو انا مابعرفوا وطيبى منك ما بقبل ؟؟؟؟ اخير تجيب عصاتك وتدقنى عديل كده ؟؟؟
انت يا خالى محمد بقيت كلامك كتر ونضمك شتر ؟؟؟ مالك داير تبقى لى زى حازم ؟؟؟؟ والاثنين رافعين الرايا الخضراء وكلامكم عند الحروم ؟؟؟ ومشكلتكم جارين وراء المال ؟؟؟؟؟؟؟؟
والمال ثلاقثة انواع ؟؟؟
المال مال
وشبه المال
والمويل ؟؟؟؟؟
وانتو يادوب لامين فى المويل ؟؟؟؟ الله دا يغنيكم ومن رزق الدنيا يديكم وتفيقوا وترجعوا لى منتداكم ؟؟؟

ولى عودة
ابو مصطفى

من طرف **م بروي** السبت 26 يناير 2013, 3:33 pm

يابو مصطفى إنت قاعد
جنب شربوت الجماعة واللا شنو؟؟؟

من طرف **م بروي** السبت 26 يناير 2013, 3:42 pm

جامعة هارفارد الأمريكيةوضعت الآية(135) من سورة النساء
(ياأيها الذين آمنوا كونوا قوامين بالقسط...)
وضعتها على مدخل الكلية ووصفتها بأنها
(أعظم عبارات العدالة في العالم وعبر التاريخ)

من طرف **م بروي** السبت 26 يناير 2013, 3:54 pm

صورة تانية
________
في عهد الملك فاروق وبينما الإمام
يخطب دخل الملك وأخذ مكانه في المقدمة يستمع للخطبة.
أراد الخطيب أن يطبل له
تذكر بأنه قرأ في الصحف
مقابلة الملك للأديب طه حسين
كال الإمام المدح للملك ثم
قال(وبالأمس جاءه الأعمى وما عبس
وما تولى) فخرج الناس يدفعهم الغضب خارج
مسرح النفاق.

من طرف **ابو مصطفى** السبت 26 يناير 2013, 6:47 pm

اسع الكلام دا كله مقبول وكلام ربنا ما عندنا فيه اعتراض ؟؟؟؟؟؟؟؟؟؟
اللهم لا اعتراض فى حكمك ؟؟؟
لكن المشكلة فيكم انتم يا خالى محمد ؟؟؟
وانت عارف وحازم عارف ؟؟؟؟

تحياتى
ابو مصطفى

من طرف **م بروي** السبت 26 يناير 2013, 7:17 pm

ابو مصطفى كتب:اسع الكلام دا كله مقبول وكلام ربنا ما عندنا فيه اعتراض ؟؟؟؟؟؟؟؟؟؟
اللهم لا اعتراض فى حكمك ؟؟؟
لكن المشكلة فيكم انتم يا خالى محمد ؟؟؟
وانت عارف وحازم عارف ؟؟؟؟

تحياتى
ابو مصطفى

عارف البعملو الشربوت

من طرف **ابو مصطفى** الأحد 27 يناير 2013, 4:39 pm

اسع انت ليك كم يوم يا لبيب تتهمنى انا بى الشربوت ومرة بالهضاريب ؟؟؟ومرة بى الشتارة ؟؟ اوعك من الحقارة ؟؟؟
يا لبيب انت فت الحد وذكرتنى لعب الكعوت والشد
يالبيب خليك اديب وابعد من الشلاتل والدهاليب

يا لبيب سوف ترفع فيك شكوى للامم المتحدة وسوف تدفع مال قارون مقابل كل هذه الاتهامات وصاحبك حازم هذه الايام فى غرب السودان وسوف لا ينفع يومها
لا مال ولا بنون ؟؟؟ الا تقوم تنظم من بيت القصيد ؟؟ اقلاها عشرة وتكتب بماء الذهب واحتمال نعلقها فى جبل ام غراب ؟؟؟ وطبعا انت ماك عارف جبل ام غراب دا يقع وين وسوف نوريك ؟؟؟

تحياتى
ولى عودة
ابو مصطفى

من طرف **م بروي** الأحد 27 يناير 2013, 5:47 pm

الهضاريب والشتارة
سببها الشربوت

من طرف **م بروي** الأحد 27 يناير 2013, 5:57 pm

وأنا داخل على المكتب
قابلت مدير الميزانية عندنا هنا
وهو راجل مهظار ودمو خفيف.
دار بيننا الحوار الآتي:
هو: نحنا محتاجين لراعي.
أنا: فعلاً انتو محتاجين لراعي.
أخونا مات بالضحك(العرب لا ينقصهم الذكاء)
هسع الطيب يقول لي يا خالي الكلام ده معناتو شنو؟.

من طرف **ابو مصطفى** الإثنين 28 يناير 2013, 3:51 pm

التحية ليك يا خال ونورت الجرف ؟؟ وفرهد لوباه ؟؟؟ غايتو اقول شنو وافهم شنو واخلى شنو ؟؟؟؟ ما كل سنة انت قاعد تعملها ؟؟؟ تجى وتلم الحصاد من الناس كلهم ؟؟ جميع من زرع فى هذا الجرف وتلم الجزى ؟؟؟ وهى عبارة عن مبلغ من المال وتلم وتسوى فى جيبك ؟؟؟ وسبق انى كنت وكيل على هذا الجرف غير انك اتهمتنى اتهام باطل ؟؟؟ يا خال معليش نعال السعف جيابة ؟؟؟ وانا وكالتك دى بعد السنى دى ها دا طرفى منها ؟؟؟؟ شوف زول اخر يكون ليك وكيل وسوف احرش كل العجائز اللاتى يزرعن ويحصدن فى هذا الجرف من ناس بت كبجون فى دقن اللمر ولى عن ناس قوسريب فى بونى سوف اقود انتفاضة كبيرة وانت براك يا لبيب تشوف وسوف تشوف العجب العجاب ؟؟؟ لانو اخر كلامك عن الميزانية والميزانيات داخل السودان وخارج السودان وموقف خلق الله صف وكلامك كلو قروش ونجرى ونحوش ؟؟؟؟ ومن اليوم سوف احرش كل جماهير الجرف ضدك لانك
كل ميزانية لا تصرف فيها على الشركاء كل المخصصات وكل البنود التى تتعلق بالمصروفات العمومية والادارية والتى تخصنى بقيت تاكلها وحدك يا خالى وان قبيل مانى داير امرق لى فى كلام زى دا لكن نسوى شنو ونقول شنو ؟؟ السترة والفضيحة متبارات ؟؟؟

ولى عودة

تحياتى
ابو مصطفى
وكيل الجرف

من طرف **م بروي** الإثنين 28 يناير 2013, 6:31 pm

عملناك وكيل للجرف
اكلتو
وديناك الجرافه
اكلتها
قلنا نوديك الجريف
طلعت مظاهرات
(جمعةالهفا ولا ابومصطفى)

من طرف **م بروي** الأربعاء 06 فبراير 2013, 2:13 pm

لا تقل أبدا أنك لا تملك الوقت الكافي..فإن جميع العظماء كان يومهم 24 ساعة ولم يزد!
لـِ جكسون براون

من طرف **م بروي** الثلاثاء 19 فبراير 2013, 7:12 pm

لى عدوك تضحك وتتبرش
وبى تحت غدارك يحش

من طرف **ابو مصطفى** الثلاثاء 19 فبراير 2013, 7:28 pm

اسع الكلام دا لى منو ؟؟؟؟؟؟؟؟؟؟؟؟؟؟؟؟؟؟؟
ان بقى لى ان ابو مصطفى ؟؟؟؟؟؟؟؟؟؟ على الحلف بكره ايانى راكب الخطوط السعودية وجايك ؟؟؟ بس انت ابقى شجاع ورينى انت وين وحلك وين ؟؟؟؟
اما ان بقى للرشيد دا كلام تانى ؟؟؟؟ وانا ماعندى شغلة بيهو

تحياتى
ابو مصطفى

من طرف **الرشيد طه** الثلاثاء 19 فبراير 2013, 7:53 pm

عملناك وكيل للجرف
اكلتو
وديناك الجرافه
اكلتها
قلنا نوديك الجريف
طلعت مظاهرات
(جمعةالهفا ولا ابومصطفى)

ابو مصطفي انا لا ساكن الجرافة ولا اكلت الجرف الكلام ليك اقطع تذكرتك طوالي

من طرف **م بروي** الثلاثاء 19 فبراير 2013, 8:10 pm

ابو مصطفى كتب:اسع الكلام دا لى منو ؟؟؟؟؟؟؟؟؟؟؟؟؟؟؟؟؟؟؟
ان بقى لى ان ابو مصطفى ؟؟؟؟؟؟؟؟؟؟ على الحلف بكره ايانى راكب الخطوط السعودية وجايك ؟؟؟ بس انت ابقى شجاع ورينى انت وين وحلك وين ؟؟؟؟
اما ان بقى للرشيد دا كلام تانى ؟؟؟؟ وانا ماعندى شغلة بيهو

تحياتى
ابو مصطفى

والله العظيم يا أبو مصطفى
الكلام ده لا ليك ولا للرشيد
أنتم زينة منتدانا
وزينة ولاد بلداً جميل
وهذالكلام يشبه الما بشبهكم

من طرف **عازه** الثلاثاء 19 فبراير 2013, 8:31 pm

يااهل الجرف سلام من كل مكان وياودبروي جرفك اكثر من رائع بالحدانت قامه تستحق كل التقدير والاحترام و كلامك في الرشيد وابو مصطفي في محلوالاثنين زينة منتدانا ةاتمني ان تقبلوا مروري علي جرفكم الجميل

من طرف **م بروي** الأربعاء 20 فبراير 2013, 3:58 am

عازه كتب:يااهل الجرف سلام من كل مكان وياودبروي جرفك اكثر من رائع بالحدانت قامه تستحق كل التقدير والاحترام و كلامك في الرشيد وابو مصطفي في محلوالاثنين زينة منتدانا ةاتمني ان تقبلوا مروري علي جرفكم الجميل

الدكتورة عازة ذاتها؟
الليله الجرف فرهد ونور(دي من نوار)وبرضو نور
قلنا فيهم كلام هم يستحقون أجمل وأحسن منو
لكن هسع يجي ابو مصطفى يقول ليك (خاف)
اخاف من منو ؟؟ جيب منديلك وتعال وأنا راجيك

من طرف **عازه** الأربعاء 20 فبراير 2013, 4:45 pm

سع يجي ابو مصطفى يقول ليك (خاف)
اخاف من منو ؟؟ جيب منديلك وتعال وأنا راجيك
[color=red]هههههههههههههه قال منديل ياربي خوفه للدرجه دي

من طرف **م بروي** الأربعاء 20 فبراير 2013, 7:53 pm

عازه كتب:[color=red]هههههههههههههه قال منديل ياربي خوفه للدرجه دي

ممرض يعمل في عيادة دكتور كثير الغياب.
حاول الممرض ملء الفراغ وممارسة الطب
معتمدا على دفتر الدكتور الذي
يكتب فيه الأعراض والتشخيص والعلاج.
نجح الممرض في علاج حالات كثيرة إلى أن جاءه شخص
"بالع شوكة وقفت ليهو في حلقو".
لم يجد الممرض الوصفة في الدفتر
فوضع لصقة في شنب المريض وقال للأهل جيبوهو بكرة.
عاد المريض في اليوم التالي فنزع الممرض اللصقة
فصرخ المريض آآع فخرجت الشوكة.
فتح الممرض المسطول دفتر العيادة وكتب
شوكة في الحلق,
العلاج لصقة شنب
(فصاحبنا ده وقف في حلقنا
و علاجو مسحة شنب
لقبه
الزول يبص ويحرش؟
خلي لصاحبتك واحده
شكلك دايراليك عتود مضبلن
(حضور عاطر واسم تعدو به الريح فترتاد الثريا)

من طرف **عازه** الأربعاء 20 فبراير 2013, 8:16 pm

حللللللللللوه بالجد والممرض دا في قاعة ابو مصطفي ياخذ شهاده ومعاها الامتياز والخدمه الوطنيه تسلم قامتنا

من طرف **ابو مصطفى** الخميس 07 مارس 2013, 6:10 pm

طول مفارق حيو ؟؟؟؟؟؟؟؟؟ مش فى غنية زى دى ؟؟؟؟؟؟؟؟؟؟؟؟؟؟؟؟
اسع خالى محمد ودبروى من الدميرى الفاتت بى هنا ماجاء ؟؟ ولافى زول ضربلو سلوكى واحدة فى هذا الجرف ولا نقح ليهو طورية ؟؟؟؟ وانا جيت وقلت بدل الجرف يبور اخير ارمى لى حبة جرم ؟؟؟ ولوبايات فى الحتة الرويانة رويانة كدى ؟؟؟؟
اخير من العدم ؟؟؟
وانا مانى براى معاى عجائز ؟؟؟؟ من راس بونى ولى راس الجزيرى ؟؟؟
اول حاجة من بونى معاى قوسريب بت على ؟؟؟؟ ومن الجزيرة اوس معاى عبولية ناس ودعبل ؟؟ ومن سور معاى عتيلى ؟؟؟؟ ومن راس سور معاى بت دى دى ؟؟؟ ومن شررى معاى بت عميرى ؟؟؟ ومن الجزيرة شيرى معاى بت كلمون ومعاها من بهية بت اللمين ( الامين - شيخ بهية ) ومعاها كروميه
وفى حروم من الغرب (غرب النعوفاب )
كل هؤلاء جن يقسمن الجرف هذا العام وحارسات محمد ودبروى
انا قلت لهن يا عجائز انتن ماعندك راس محمد ودبروى ؟؟؟؟ بسم الله
تحضرنا وتلحقنا محمد دا ان بقى قريب يكون فى حلة كوكو ؟؟؟

تحياتى
ابو مصطفى

تراه دي أول مرة أدخل الجرف ده من ما بديتو ما حصل قبيت منو فد قبه
لكن يا ملك شنو إنت لخبتك ده حتى في الجرف الروكة مدخلها أسع عمرك شفت زول لخبات أكتر من أبو مصطفى والرشيد عشان تقول لهم الكلام ده ما هو ليكم إنت عارف أبو مصطفي مكان ما يمشي يلخبت كل المنتديات محل محل ملخبتها ما هو الجرف وحدو

لكم تحياتي يا رائعين حبيت أستريح معاكم شويه من لهيب منتدى المناصير

من طرف **سامى احمد محمد** السبت 09 مارس 2013, 4:28 pm

العسكرى ( سكر ) وبقى يمشى 7&8 واللسان معقود ويكورك : وينو الضابط العامل فيها دا ؟ وينو المكرهنا دا ؟ ولا فى زول ردا عليهو .
الضابط يسمع فى الكلام دا ولا قالو تقول فى شنو
الصباح ناداه وقال جيبو محكمة عسكرية . العسكرى بلع السيف متنى ونكر . ولمان جابولو الشهود قال : يا جنابو كلام البارح دا كلام مريسة ساكت ضحك الضابط وعفا عنه
يسلموا الرائعين

من طرف **ابو مصطفى** السبت 09 مارس 2013, 6:12 pm

والله سلامى سلامى كبيرى ؟؟؟ الدخل النافعاب فى الجرف ؟؟؟؟ لكن يا دكتور حسين ؟؟؟؟ حبوبتكم ما عندها قطعى هنا فى الجريف دا ؟؟؟ حسب المواريث ؟
وهذه حاجة ؟؟؟؟ وانت زاتك وقت دخلت الجرف وبديت تحش وتقب ؟؟ من طرف ؟؟؟
انت غلطان وحشيت قطعة بت كبجون ؟؟ انت ماك عارف ناس دقن اللمر والكباجين ديل ناس صعبين بلحيل ؟؟؟؟ اسع نسوى ليك شنو ؟؟ انت قايل البلد طلاقيت ساكت تحش من طرف ؟؟
هنا فى عمودية وفى محكمة فى الجرف ؟؟؟ وقد ققررت محكمة جرف ودبروى
وبما انك غلطان ومتهور مع سبق الاصرار والترصد حكمت عليك المحكمة بى غرامة ؟؟؟ 2 عز ملبنات وبى جناهن ؟؟؟ عتود وسخلة بشرط ؟؟؟ وفى حالة العدم
3500 جنيه سودانى ( يعنى ما يعادل 1500 ريال سعودى المحكمة تقبل اى عملة ) وفى حالة العدم ؟؟ السجن سنة ونص ؟؟؟
ملحوظة تورد المبالغ كاش دون اى نقاش طرف سيد الجرف وارسال اشعار التوريد الى عمدة الجرف ؟؟( بت كبجون ) او من ينوب عنها ؟؟؟؟
ملاحظة :--------- عندك اى استئناف او اى محامى عاوز تنزله لازم تدق تلفون لى سيد الجرف انت تلعب لعب ؟؟؟ بس تقب سا كت ؟ بس تقب ساكت

تحياتى
ولى عودة
ابو مصطفى

من طرف **م بروي** السبت 09 مارس 2013, 6:26 pm

ياخوانا دي شقاوة شنو الوقعنا فيه دي؟؟
الجرف بعد دخلوهو الناس الزينين ناس المهندس الفكي
وناس دكتورة عازة ...بقوا يدخلوا فيهو
الخرابين ديل ناس أبو مصطفى وحسين وسامي
البينضورة كلها خرتوها حتى الخدرا ما خلوها
والبتيخي أكلوها بيضاء والعيش ريف قلعوهو
وعبلجوهو وكمان كرعيهن غلاد دهكوا اللوبه
دهك..كمان ناس سامي جابولن معاهم مرايس وعساكر
..الشكيي لي ابيدن قويي.

يا أخوانا أنا مستأنف القضية دي ضد حكم أبو مصطفي أصلوا حكم زي ده ما شفناه ده حكمو سعودي عديل كده

أنا هسع رفعت إستئناف ولأني ماني فاضي أنا موكل أخوي اللخي زول فاضي وقاعد في العقاب وما عندو شغلة , كان شغال في البوليص وخلاها وصاحبي ود البروي عارفه

أصلوا أخوي اللخي ده زول مشاكل يتلقاها قبل تجي واقعه الواطه ويفرح لما تجيه مشكله زي ده

دحين إن قلتوا الصلح أنا ما عندي مانع وإن درتوا حبل المحاكم اللخي مارق لها

دحين شاور صاحبك ود بروي وأدوني خبر

من طرف **م بروي** السبت 09 مارس 2013, 7:04 pm

ابو مصطفى كتب:والله سلامى سلامى كبيرى ؟؟؟ الدخل النافعاب فى الجرف ؟؟؟؟ لكن يا دكتور حسين ؟؟؟؟ حبوبتكم ما عندها قطعى هنا فى الجريف دا ؟؟؟ حسب المواريث ؟
وهذه حاجة ؟؟؟؟ وانت زاتك وقت دخلت الجرف وبديت تحش وتقب ؟؟ من طرف ؟؟؟
انت غلطان وحشيت قطعة بت كبجون ؟؟ انت ماك عارف ناس دقن اللمر والكباجين ديل ناس صعبين بلحيل ؟؟؟؟ اسع نسوى ليك شنو ؟؟ انت قايل البلد طلاقيت ساكت تحش من طرف ؟؟
هنا فى عمودية وفى محكمة فى الجرف ؟؟؟ وقد ققررت محكمة جرف ودبروى
وبما انك غلطان ومتهور مع سبق الاصرار والترصد حكمت عليك المحكمة بى غرامة ؟؟؟ 2 عز ملبنات وبى جناهن ؟؟؟ عتود وسخلة بشرط ؟؟؟ وفى حالة العدم
3500 جنيه سودانى ( يعنى ما يعادل 1500 ريال سعودى المحكمة تقبل اى عملة ) وفى حالة العدم ؟؟ السجن سنة ونص ؟؟؟
ملحوظة تورد المبالغ كاش دون اى نقاش طرف سيد الجرف وارسال اشعار التوريد الى عمدة الجرف ؟؟( بت كبجون ) او من ينوب عنها ؟؟؟؟
ملاحظة :--------- عندك اى استئناف او اى محامى عاوز تنزله لازم تدق تلفون لى سيد الجرف انت تلعب لعب ؟؟؟ بس تقب سا كت ؟ بس تقب ساكت

تحياتى
ولى عودة
ابو مصطفى

تاني عتود؟؟؟؟
عالم ما تختشيش..