جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

القامة محمد بروي لك التحية شغلتنا النجومية بعد ماسوتنا انتصار نجوم في المنتدى وقد سئلت أسئلة لم يرد فيها حكاية الوصف وكنت متوقعك أن تسأل هذا السؤال عشان نحكي شوية في هذا الموضوع والشجرة تظل تحتفظ بثمارها الطيبة مالم يأت من يقطفها ولكن الظاهر سوف تأكله الزرازير . وكمان ما تنسى أنه مسكة العكفة موسقه ايدنا الثانية شوية . ياخوي محمد سفيان ده يعرف نضم البلد والله موه قاعد يعرفه عشان يديك جرعات شوية وما يبقى نضمك في جدة وعسير . شكرا لك اخ محمد وتقبل مروري الخصوصي.

من طرف **معتصم علي** الأحد 01 أبريل 2012, 3:09 pm

الزعيم كتب
يازول الجرف مفرهد تب طالما شرفتو إنت
زمان قلت ليهم الجرف ملك للكل وكل زول
عندو خاطره يكتبها هنا لكن جماعتك ديل
رمينا العود وماهن دايرين يزرعوا
بارك الله في الزعيمين النفر والفكي
والله ما قصروا

مشكور شاعر البلد
يالزعيم الجماعه المادايرين يزرعوا ديل خليهم يجززوا الطين مايخليوا يابس

من طرف **م بروي** الأحد 01 أبريل 2012, 4:44 pm

مصباح محمد مصباح كتب:القامة محمد بروي لك التحية شغلتنا النجومية بعد ماسوتنا انتصار نجوم في المنتدى وقد سئلت أسئلة لم يرد فيها حكاية الوصف وكنت متوقعك أن تسأل هذا السؤال عشان نحكي شوية في هذا الموضوع والشجرة تظل تحتفظ بثمارها الطيبة مالم يأت من يقطفها ولكن الظاهر سوف تأكله الزرازير . وكمان ما تنسى أنه مسكة العكفة موسقه ايدنا الثانية شوية . ياخوي محمد سفيان ده يعرف نضم البلد والله موه قاعد يعرفه عشان يديك جرعات شوية وما يبقى نضمك في جدة وعسير . شكرا لك اخ محمد وتقبل مروري الخصوصي.

حكاية الوصف دي إنت ما بتتلحق فيها وياريت لو كنا معاك في الرياض
كنا شحنا الذاكرة بما في وصفك من طرافة ..فعلاً فات علي أسأل منها.
والله قريت أي أي حرف كتبته وكان الحوار معاك شيق جداً وعجبني
سرد القرابه لآل منصور رغم معرفتنا فقد فات علينا الكتير كوالدة
علي ود العقيد...الخلاصة أفدتنا كتير
شكراً دكتورنا الحبيب إلى كل القلوب.

من طرف **م بروي** الأحد 01 أبريل 2012, 4:55 pm

معتصم علي كتب:الزعيم كتب
يازول الجرف مفرهد تب طالما شرفتو إنت
زمان قلت ليهم الجرف ملك للكل وكل زول
عندو خاطره يكتبها هنا لكن جماعتك ديل
رمينا العود وماهن دايرين يزرعوا
بارك الله في الزعيمين النفر والفكي
والله ما قصروا

مشكور شاعر البلد
يالزعيم الجماعه المادايرين يزرعوا ديل خليهم يجززوا الطين مايخليوا يابس

يبسوهو تب يا هندسه
زمان قالوا في الشتاء ده الجرف ملان كلتيب
هسع الشتاء فات وهم لسع فايتين
والله هسع أخوك تمسكو زعله يملا ليهم ا
لمنتدى ده كلو بعوض
شايقي اسمه أحمد ورشه نقلوهو محطة أبوحمد
وكان البعوض ماعندو حد مصالك دمو
ومسكتو الملاريا كم مرة وحمى بي بردها
فأنشد قائلاً

ألا يا أيها الوردهْ اللعينه ** أما تخشي عذاب الله فينا ؟
و إنّا قد نعاني ما نعاني ** ولا نملكْ قرشْ ناخدبو كينا
فأما غذاؤنا بفتات خبزٍ ** و أحيانا نغيّر بالسخينه
ألا يا أيها الملعونهْ أمشي ** لقومٍ لي لقائكِ جاهزينا
فأما دواؤهم مالي الفريزر ** و أما شرابهم لبناً سخينا
فما بالِكْ بقومٍ دار بؤسٍ ** قطاطيهم كقبب الصالحينا
تساورهم وفودٌ من بعوضٍ ** يقضّوا مساءهم كَرَشِي و أنينا
فيا باعوضة الشوم اللعينه ** أما يفنيكِ زيتْ أو جازولينا
فأحمد ورشهْ ضيفٌ في بلادك ** و أنتِ معاهو سوّيتيها شينه !!
رقدت محاولاً آخدْ لي نومهْ ** فكشفت عن غطائي بي ايدينا
بدا التنقيب عن دمّي سريعاً ** من الكرعين لا عند الجبينا
فلما لم تجد هاجت و ماجت ** و قالت كيفَ عايش يا أخينا
فقلت و عيني تقطر في دموعٍ ** فبعد إجازتي مرّي علينا
عسى أن تجدي فينا ما ترومي ** فتنبسطي و تمليها البطينة

شكراً لمرورك الأنيق

من طرف **ابو مصطفى** الأحد 01 أبريل 2012, 6:35 pm

شكرا شاعر القبيلة على هذه الاطلالة ؟؟؟؟ لكن عاوز اقولك حاجة ؟؟؟؟؟؟؟

ركبت حمارتى من بونى وسريعى ومشاية تشبه صابونة اللوكسى ؟؟؟ قول ماا شاء الله ؟؟ ماشاء الله فوقها

وصلت دقن اللمر ؟؟؟؟؟؟؟؟؟؟؟؟ خلى بالك معاى يا ودبرورى ؟؟؟؟؟؟؟ لقيت العوة موقدى نار ؟؟؟؟ بين جماعة من راس شرى وجماعة حبيب ود العجمى رحمه الله ؟؟؟

العوة فى الطين ؟؟؟ وفى كم جريدى ؟؟ ماهن مقسمات وجات بت كبجون زرعت لها فوقها جرماية ؟؟؟؟ والجرماية ؟؟ جاء ولد ود العجمى الكبير قطع حدجها ؟؟؟؟ دحين مرسلين ليك مريسيل لازم تحضر فورا ؟؟؟؟ التذكرة على ابو مصطفى وحق الرجعة على حازم ؟؟؟؟؟ ونشوف اخر الموضوع شنو يا سيد الجرف ؟؟؟؟

وان بقيت ماك جاى ورينا عدييييييييييييييييل كده ؟؟ خلنا كل زول يمسك عصاتو ؟؟؟؟؟؟؟؟؟؟؟؟؟؟

تحياتى

ابو مصطفى

من طرف **م بروي** الإثنين 02 أبريل 2012, 4:38 pm

ابو مصطفى كتب:

شكرا شاعر القبيلة على هذه الاطلالة ؟؟؟؟ لكن عاوز اقولك حاجة ؟؟؟؟؟؟؟

ركبت حمارتى من بونى وسريعى ومشاية تشبه صابونة اللوكسى ؟؟؟ قول ماا شاء الله ؟؟ ماشاء الله فوقها

وصلت دقن اللمر ؟؟؟؟؟؟؟؟؟؟؟؟ خلى بالك معاى يا ودبرورى ؟؟؟؟؟؟؟ لقيت العوة موقدى نار ؟؟؟؟ بين جماعة من راس شرى وجماعة حبيب ود العجمى رحمه الله ؟؟؟

العوة فى الطين ؟؟؟ وفى كم جريدى ؟؟ ماهن مقسمات وجات بت كبجون زرعت لها فوقها جرماية ؟؟؟؟ والجرماية ؟؟ جاء ولد ود العجمى الكبير قطع حدجها ؟؟؟؟ دحين مرسلين ليك مريسيل لازم تحضر فورا ؟؟؟؟ التذكرة على ابو مصطفى وحق الرجعة على حازم ؟؟؟؟؟ ونشوف اخر الموضوع شنو يا سيد الجرف ؟؟؟؟

وان بقيت ماك جاى ورينا عدييييييييييييييييل كده ؟؟ خلنا كل زول يمسك عصاتو ؟؟؟؟؟؟؟؟؟؟؟؟؟؟

تحياتى

ابو مصطفى

الطيب الراقي ولد بطر
يشبه الضهب المجمر
كرو مليان معزه وبقر
عيشو مارق حش وهبر
والحطب مردوم فوق حجر
ونارو ما بتنطفى للشهر
شال عصاتو وهسع سدر
شدا فوق الغبشي أم ضهر
تمشي زي العازف الوتر
قالوا أسرع من القطر
بدري قبل اليوم ما يحر
وما كتير في لمحة بصر
بان ظهر فوق قيف البحر
خشى ديواناً في( اللمر)
رحبوبوا الأخوان فطر
وشاي منصح والمويه جر
دق ونسي وأخد الخبر
بس شويتين الزول شخر
قام بعد ما راح الفتر
ساق حمارتو وبي فوق سدر
بعد سقاها في جدول ضكر
وقال معاها حلاتو السفر
أداها سوطين فوق الضهر
فنجطط والسرج انكسر
وجابتو أربش فوق الحجر
____________
لاتلخبتو زي الهكر
أنا هسه جبت طريق السكر؟؟

]

من طرف **ابو مصطفى** الثلاثاء 03 أبريل 2012, 2:47 pm

تسلم شاعر القبيلة ؟؟؟؟ لكن المشكلة مازالت قائمة وبت كبجون قالت انا مظلومة من ناس ود العجمى ؟ وولاده ؟؟؟ وانت عارف ياخالى محمد الزمن دا المحكمة فى شيرى وقالوا ما سكها واحد يقولوا ليهو ابجناح ؟؟

والمراة مسكينة وتحتاج الى كتابة عرضحال كبير والعرضحال يدورلوا دفسة ؟؟؟ وانت يا حضرة الامل فيك كبير ؟؟؟ والناس تعاين وطالعة فوق راس الجبال وراجى الحضرة ؟؟ وعشمها فى الحضرة كبير ؟؟؟

غايتو اقولك شنو ؟؟؟ اسمع كلامى ؟؟؟

الحضرات زمان واسع ماهن واحد ؟؟؟ قريب مو بعيد عندنا واحد حضرة وشرف البلد ومشيت سلمت عليهو ؟؟؟ وما نى داير لى حاجة وبعد اخذت الخبر ادانى معجون ؟؟؟؟؟؟؟

الجماعة قالوا لى مالو زول شغال بالريال ويديك معجون ؟؟؟؟؟؟؟؟؟ ايوه الريال ؟؟؟؟؟؟؟؟؟؟؟؟؟ الريال ؟؟؟؟؟؟؟ الريال اليقع فوق راسك يا خالى محمد ودبروى ؟؟؟؟ عمرك كلوا انت جارى فوق الريال ؟؟؟ ونحن مشتهين ونستك ؟؟؟؟؟ الريال يطير ؟؟؟؟؟

المهم شلت معجون ومشيت اهلى وبعد كم يوم جانى حضرتى المايغبانى ؟؟ وقالى داير لى ربع لوبى طيب اسو بليلى وربع ترمس ؟؟؟؟ وقلت ليهو نحن من حصدنا فى الجرف ؟؟؟ لى يوم الليلى ما ضقنا طعم الحصاد الجديد وماقسمناهو ؟؟؟؟ الا يجى واحدا يقولوا ليهو محمد ودبروى ويقسم الحصاد ونعرف حقنا وبعدين نديك الفى النصيب ؟؟؟؟؟؟؟؟؟؟؟؟؟

تحياتى

ابو مصطفى

من طرف **م بروي** الثلاثاء 03 أبريل 2012, 4:50 pm

ابو مصطفى كتب:تسلم شاعر القبيلة ؟؟؟؟ لكن المشكلة مازالت قائمة وبت كبجون قالت انا مظلومة من ناس ود العجمى ؟ وولاده ؟؟؟ وانت عارف ياخالى محمد الزمن دا المحكمة فى شيرى وقالوا ما سكها واحد يقولوا ليهو ابجناح ؟؟

والمراة مسكينة وتحتاج الى كتابة عرضحال كبير والعرضحال يدورلوا دفسة ؟؟؟ وانت يا حضرة الامل فيك كبير ؟؟؟ والناس تعاين وطالعة فوق راس الجبال وراجى الحضرة ؟؟ وعشمها فى الحضرة كبير ؟؟؟

غايتو اقولك شنو ؟؟؟ اسمع كلامى ؟؟؟

الحضرات زمان واسع ماهن واحد ؟؟؟ قريب مو بعيد عندنا واحد حضرة وشرف البلد ومشيت سلمت عليهو ؟؟؟ وما نى داير لى حاجة وبعد اخذت الخبر ادانى معجون ؟؟؟؟؟؟؟

الجماعة قالوا لى مالو زول شغال بالريال ويديك معجون ؟؟؟؟؟؟؟؟؟ ايوه الريال ؟؟؟؟؟؟؟؟؟؟؟؟؟ الريال ؟؟؟؟؟؟؟ الريال اليقع فوق راسك يا خالى محمد ودبروى ؟؟؟؟ عمرك كلوا انت جارى فوق الريال ؟؟؟ ونحن مشتهين ونستك ؟؟؟؟؟ الريال يطير ؟؟؟؟؟

المهم شلت معجون ومشيت اهلى وبعد كم يوم جانى حضرتى المايغبانى ؟؟ وقالى داير لى ربع لوبى طيب اسو بليلى وربع ترمس ؟؟؟؟ وقلت ليهو نحن من حصدنا فى الجرف ؟؟؟ لى يوم الليلى ما ضقنا طعم الحصاد الجديد وماقسمناهو ؟؟؟؟ الا يجى واحدا يقولوا ليهو محمد ودبروى ويقسم الحصاد ونعرف حقنا وبعدين نديك الفى النصيب ؟؟؟؟؟؟؟؟؟؟؟؟؟

تحياتى

ابو مصطفى

سلام يازول ياسمح
عليك الله يالطيب شوف لأخوك ملوة لوباين عفن
وبيراحتك رسلواالمهم يحصل قبل رمضان
وطالما الحضرة أداك معجون
خالك يبشرك بالخبر السعيد والهدية القيمه
فرشة أسنان الناعمة ديك جاياك تب.
بس ما تقولي ياخال مع وصول الفرشه ،المعجون كمل
حركاتك دي أنا عارفها.
أما الكباجين ديل أطيب منهم مافي
ما شايف الزعيم محمد الحسن
في كريمه ركن ضخم كيف؟؟؟

من طرف **ابو مصطفى** الجمعة 06 أبريل 2012, 2:39 am

الله الله على الرجل الركن محد على حسن كبجون والله ركن للمناصير فى العقدى ولعل كل تحويلات المصاريف عن طريقه للبلد ؟؟؟؟

الخال الكريم محمد ودبروى اسع درعت الحكاية لى فى رقبتى اسع ملوة اللوبيا دى تصلك كيف ؟؟؟ عليك الله نرسلها بى شنو ؟؟؟؟؟

اذا قلت بالبريد السريع

وان قلت بالايميل

وان قلت نرسلها بالقطر لى بورسودان وبعد داك نقيف فوق حجرة البحر ونقول عووووك يا محمد ويا خالى الفنجرى ؟؟؟ ارم السنبك من بى غادى انا شايلى ملوة لوبيا لى رمضان عشان تصوم بيها فى بلد الحضرة ؟؟؟ لكن ما تنسى او تحاول تتناسى ؟؟؟ فرشة المعجون الناعمة ؟؟؟؟

غايتو حكاية الملوة حكاية بس انا من هسع افكر فى الموضوع دا عشان ارسل الملوة لى خالى الفنجرى ؟؟؟؟

على العموم انت ياخالى محمد نامت رمضان يجى ويفوت والعيد الكبير ابجيبك للبلد ؟؟؟؟

تعالوا شوفوفونا وزورونا الدنيا فايتة والقرش يطير ؟؟؟؟ لكن والله ياخالى محمد انت تحب الريال ابو طارة مش كده ولو بتذكر يوم الباسقات سالتك سؤال بسيط عن الحياة والمرتبات طوالى طلعت لى العالى

وقلت لى بالعربى البسيط انا يا الطيب 2 او3 مليون مابقضنى فى الشهر ؟؟؟؟

لذلك يا خال طرت فوق الريال ابو طاره ؟؟؟ مش كدى ؟؟؟؟

تحياتى ولى عودة

ابو مصطفى

من طرف **م بروي** الإثنين 09 أبريل 2012, 7:47 pm

عمنا حامد اشترى اغراض من صاحبو
والراجل غلط رجع ليهو الباقي ناقص
قام حامد قال ليهو
إنت دا تغش حامد؟؟؟
وحامد عندو سبع بنات نايمات يمدغن؟؟؟
هسع إنت دا تغش خالك يعني؟؟
ملوه بفرشة اسنان النوع الغالي داك؟؟
وخالك عندو جيش جرار في الجامعات
نايمين يصرفو؟؟
العب غيرها

الجرف دا يود بروي
انا فاكر البحر
الطلع شديد قلت يكون غرقوا
اتاريهه مفرهد وقايم يعجب الزراع
اللهم اجعل لي فيه نصيب لغنمايتا الدايره تلد

من طرف **ابو مصطفى** الجمعة 13 أبريل 2012, 1:58 am

منو السفير ومنو الخفير ؟؟؟؟؟؟؟؟؟؟؟؟؟

قالوا داير يغش خالو الكبير

معقولة دى ؟؟؟؟؟؟؟؟؟؟؟؟؟؟؟؟؟

يسلم خالى من الغش ؟؟؟؟ وربنا يخدر ضراعو ويخليهو لى جيشه العرمرم ؟؟؟؟؟

انت دحين ياخالى ؟؟ ولادتك اكتريتها بنوت والله ولاد ؟؟؟؟؟؟؟؟؟؟؟؟؟

تحياتى

ابو مصطفى

من طرف **م بروي** الإثنين 16 أبريل 2012, 6:36 pm

أبوسفيان خلف الله كتب:الجرف دا يود بروي
انا فاكر البحر
الطلع شديد قلت يكون غرقوا
اتاريهه مفرهد وقايم يعجب الزراع
اللهم اجعل لي فيه نصيب لغنمايتا الدايره تلد

زيها في الحريم معدومه
من حد دار جعل للزومه
شكراً أيها الباير الجميل

من طرف **م بروي** الإثنين 16 أبريل 2012, 6:51 pm

ابو مصطفى كتب:منو السفير ومنو الخفير ؟؟؟؟؟؟؟؟؟؟؟؟؟

قالوا داير يغش خالو الكبير

معقولة دى ؟؟؟؟؟؟؟؟؟؟؟؟؟؟؟؟؟

يسلم خالى من الغش ؟؟؟؟ وربنا يخدر ضراعو ويخليهو لى جيشه العرمرم ؟؟؟؟؟

انت دحين ياخالى ؟؟ ولادتك اكتريتها بنوت والله ولاد ؟؟؟؟؟؟؟؟؟؟؟؟؟

تحياتى

ابو مصطفى

حكيت هنا قبل كده بأننا ذهبنا ومعنا صاحبك عيسى بروي
وكان عاذباً في ذلك الوقت
لزيارة واحد في الفتيحاب وكان جارو اسمو عيسى
عند الباب وجدنا بنات كتيرات
سأل عيسى
ديل بنات سليمان؟؟؟
قالوا ليهو لا
ديل بنات عيسى
فقال
نحنا الحامينا العرس شنو؟
ما خايفين من بنات عيسى دي ذاتها
لكن لما تزوج وجات البنات
تعلق بهن أكثر من الأولاد
ما أجمل البنات الحنينات
(ده خوف من لا النسوة)
أولادي
آثر(ولد) 24سنة
مجاهد 23
أحمد19
فاطمة 14
فراس 8
تسلم يازينة منتدانا

من طرف **عباس محمد** الأحد 22 أبريل 2012, 8:30 pm

نسيبنا ودبروى تحياتى لك وللاسرة الكريمة
وانا ازور هذا الجرف واجده فى خضرة يانعة
اطرافه مزوعة بالجرم
وانا ما اريد ان اقوله قدر ما دودرنا الاولاد عشان يجوا يشوفوا
الجرف الاخضر عند اخوالهم فى امدرمان اصلوا ماعرفنا فيهم حاجة
لمان يئسنا فيتوقف عليك ذلك حتى يكونوا فى تواصل معنا وارتباط بما تكتب
من افكار وحنين للبلد
مع خالص تحياتى وودى

من طرف **ود المناصير** الأحد 22 أبريل 2012, 9:05 pm

عباس محمد كتب:نسيبنا ودبروى تحياتى لك وللاسرة الكريمة
وانا ازور هذا الجرف واجده فى خضرة يانعة
اطرافه مزوعة بالجرم
وانا ما اريد ان اقوله قدر ما دودرنا الاولاد عشان يجوا يشوفوا
الجرف الاخضر عند اخوالهم فى امدرمان اصلوا ماعرفنا فيهم حاجة
لمان يئسنا فيتوقف عليك ذلك حتى يكونوا فى تواصل معنا وارتباط بما تكتب
من افكار وحنين للبلد
مع خالص تحياتى وودى

لا لا .. نحن يا عباس دايرنك تدودر ود بروي وتعصر ـ على شري الغرا ـ وتجيبو ـ حي ـ شعرا ونثرا وكلاما سمحا ـ

معقولة منتدى فيه محمد بروي .. وما قادرين .. تستنطقوه شعرا ؟ـ

عباس أخوي إهتمامك بالشعر والتوثيق ـ يجعلني أقول لك ـ عليك ـ بنسيبك دا ..اعصرو عصر .. واجعل من قسم الشعر أكتر الأقسام قراءة ..

تخريمة :

ود بروي .. حصل .. وطلبت منك .. توثيقا ـ لملحمة البلد عز المحنة .. وملحمة شري عز المأساة .. واليوم نكرر الطلب

ونزيد عليه

دموع ود بروي ـ عز ـ الإندهاش ـ على مشارف شري بعد المأساة

من طرف **عباس محمد** الإثنين 23 أبريل 2012, 6:12 pm

من اجل ذلك نقول لودبروى فقد امتلأ الجرف ووصل
سبعة صفحات فنريد منك بعد التنبيه للابناء وربطهم بنا
ان تنجرف نحو منتدى الشعراء وتكمل صفحتك الخاصة بك للتوثيق
حتى تصل سبعه صفحات وبعد ذلك يمكن ان تعود لجرفك وتكمل الباقى
مع علمى ان ودالمناصير معه حق فى ذلك

شاعرنا الهمام محمد بروي .....متابعين الجرف
يسلمو اولادك والله يخليهم ليك...

من طرف **خالد عابدين** الإثنين 30 أبريل 2012, 7:44 pm

خضار مزروع بي عناية فرهد وقام في الحصاية

الظريف الطاهر كوستي
[ندعوك للتسجيل في المنتدى أو التعريف بنفسك لمعاينة هذا الرابط]

من طرف **عباس محمد** الإثنين 30 أبريل 2012, 8:02 pm

والله ياود عابدين ازدهر جرف ودبروى بهذه الاطلالة
دائما ماتاتى بالمدهش والذى اضحكنا كثيرا من اين
تاتى بهذا الابداع والله طربنا حتى الثمالة

ود عابدين

يا ملك الابداع

ده قابض في جباده يناتع كدي

ولي مشتتلو حب

من طرف **خالد عابدين** الثلاثاء 01 مايو 2012, 3:29 pm

تسلمو ياعباس وودجيب الله
المحيرني سيد الجرف الحايم ومخلي جرفو ويكدكد في تقانق الناس

من طرف **م بروي** السبت 05 مايو 2012, 1:30 pm

عباس محمد كتب:نسيبنا ودبروى تحياتى لك وللاسرة الكريمة
وانا ازور هذا الجرف واجده فى خضرة يانعة
اطرافه مزوعة بالجرم
وانا ما اريد ان اقوله قدر ما دودرنا الاولاد عشان يجوا يشوفوا
الجرف الاخضر عند اخوالهم فى امدرمان اصلوا ماعرفنا فيهم حاجة
لمان يئسنا فيتوقف عليك ذلك حتى يكونوا فى تواصل معنا وارتباط بما تكتب
من افكار وحنين للبلد
مع خالص تحياتى وودى

عباس
النقاء والطيبه والخلق الرفيع
لك كيمان محبه وقدرها من التقدير
ياعباس ولادي ما أخوانك
حنس... و أنهر.. و أضرب لامن تجيبن الدرب
بس هم حساسين شوية وقالوا ما بحبوا يزوروا
أهلهم خوفاً من أن يزعجوهم.
شويتين كده ونمشي نكتب لكم في منتدى الشعر
بس نورين صيفنا ده ونفيق شويه.

من طرف **م بروي** السبت 05 مايو 2012, 1:39 pm

ود المناصير كتب:
عباس محمد كتب:نسيبنا ودبروى تحياتى لك وللاسرة الكريمة
وانا ازور هذا الجرف واجده فى خضرة يانعة
اطرافه مزوعة بالجرم
وانا ما اريد ان اقوله قدر ما دودرنا الاولاد عشان يجوا يشوفوا
الجرف الاخضر عند اخوالهم فى امدرمان اصلوا ماعرفنا فيهم حاجة
لمان يئسنا فيتوقف عليك ذلك حتى يكونوا فى تواصل معنا وارتباط بما تكتب
من افكار وحنين للبلد
مع خالص تحياتى وودى

لا لا .. نحن يا عباس دايرنك تدودر ود بروي وتعصر ـ على شري الغرا ـ وتجيبو ـ حي ـ شعرا ونثرا وكلاما سمحا ـ

معقولة منتدى فيه محمد بروي .. وما قادرين .. تستنطقوه شعرا ؟ـ

عباس أخوي إهتمامك بالشعر والتوثيق ـ يجعلني أقول لك ـ عليك ـ بنسيبك دا ..اعصرو عصر .. واجعل من قسم الشعر أكتر الأقسام قراءة ..

تخريمة :

ود بروي .. حصل .. وطلبت منك .. توثيقا ـ لملحمة البلد عز المحنة .. وملحمة شري عز المأساة .. واليوم نكرر الطلب

ونزيد عليه

دموع ود بروي ـ عز ـ الإندهاش ـ على مشارف شري بعد المأساة

البخوف الزول ويمنعه من الكتابة
إنه يخاطب أمثالكم ..قدرات هائله
وناصية كل شيء تتلاعب بها الأنامل
ومن الحمق أن نخرج بصحن البليلي
في حضرة صواني (الناشف )في الديوان
قريباً حضور هناك فمثلك لا يرد له طلب.

من طرف **م بروي** السبت 05 مايو 2012, 1:54 pm

نجلاء زمراوي كتب:شاعرنا الهمام محمد بروي .....متابعين الجرف
يسلمو اولادك والله يخليهم ليك...

ويسلم وضاح وأخوانه
جروفنا زمان في البلد مفرهده خضراء تسر الناظرين
غنية بكل خيرات بلادي...في ناس ماعندها جروف
تجديهم يطلعوا المغارب من الجروف محملة (قفافهم)
بكل ما جاد به الجرف... وبعد ده يغيظك من يقول بأننا
جافين وغلظين وصعب التعامل معانا...
زي ديل ناس عميانين بصاير..فالكوب عندهم فارغ
والعقول كذلك... بارك الله في أهلنا السمحين..
مرورك يسع الخاطر وبه يفرهد الجرف وينتشي

من طرف **م بروي** السبت 05 مايو 2012, 2:00 pm

خالد عابدين كتب:خضار مزروع بي عناية فرهد وقام في الحصاية

الظريف الطاهر كوستي
[ندعوك للتسجيل في المنتدى أو التعريف بنفسك لمعاينة هذا الرابط]

فرهد وقام في الحصايه؟؟؟
لا... ده فرهد وقام في جرفنا
لقطه جميلة ومضحكه
فطبع الإبداع التعلق بالمبدعين
وهكذا ديدن الفطرة السليمه
فمثلك أينما حل أسعد حتى الطرب
وقاد الناس لمزيد من المحبه والإعجاب.

من طرف **م بروي** السبت 05 مايو 2012, 2:10 pm

الباش مهندس ود جيب الله كتب:ود عابدين

يا ملك الابداع

ده قابض في جباده يناتع كدي

ولي مشتتلو حب

الباشمهندس
سلام واحترام
صاحبنا سعيد كان غني
فطرت وشايي صاموطي
نصفق أنا والعلوتي
وفوق الحجره الرتوتي
مشرك وقابضلي حوتي

[ندعوك للتسجيل في المنتدى أو التعريف بنفسك لمعاينة هذه الصورة]

سيد الجرف واصحابو
سلام—

بركة الزول دا ظهر—

صورة للخال رحمة سادر--بعد ان ملأ حمارتو قش من الجرف–

والله انا لي فتره ماطلع بي عند الجرف
انا انا قلتتحتها
خطين يفهمها بروي
الناس مشغول بالسمك قالوا الايام كتر بلحيل
مشيت لقيت لك الناس الحجج في رب السماء
في ناس عايزين يصوطوا الحكايه لانه في ناس ماكان عندهم جرف ينزل عليه
قبل الهجره ناس قالوا ابوعال علي جمله
اتلموا الناس العاقلييين وقال الجرف روكه الناس تزرع بس بعيداي زول ينزل ويحش عشاء غنمه بس ملي قفه مايزود
وايشدد الحزم في حماره والناس اتفقت ورجعوا عاشوا في اماتي الله وسابوا الكجار والحجج
اللهم لملم شتات ازراع والحاصدين واجمعهم علي الحق
وانا ماعندي قضيه الجرف بس جيت ماشي لقيت اللمه
ةحلفزا علي واعطوني عشاء حماره

( مشرع الحلي) بت سليمان عندها قطعي هناك ترجاك تحش. وبعد ما تملا قفتا (تجك) توبا في حجرة البحر وتهببوا وتنشفوا وتشيل قفتا وتسدر.. وجنبها( بت أب حريبة) تحش في قطعتا.. نشوفن من الغرب في الصبحاوية والعصراوية..جرفن كان عااامر

من طرف **م بروي** الأحد 06 مايو 2012, 2:25 pm

سلمان عقيد النعوفابى كتب:[ندعوك للتسجيل في المنتدى أو التعريف بنفسك لمعاينة هذه الصورة]

سيد الجرف واصحابو
سلام—

بركة الزول دا ظهر—

صورة للخال رحمة سادر--بعد ان ملأ حمارتو قش من الجرف–

ود عقيد الراجل الفريد
أشواقنا
صورة ولا أروع منها
ساب شري القمريها قوقاي
وساب دريباً بيهو زازاي
ده درب العطمانين وذكريات خلت
متعك الله بالعافية أيها الصديق الودود

من طرف **م بروي** الأحد 06 مايو 2012, 2:39 pm

أبوسفيان خلف الله كتب:والله انا لي فتره ماطلع بي عند الجرف
انا انا قلتتحتها
خطين يفهمها بروي
الناس مشغول بالسمك قالوا الايام كتر بلحيل
مشيت لقيت لك الناس الحجج في رب السماء
في ناس عايزين يصوطوا الحكايه لانه في ناس ماكان عندهم جرف ينزل عليه
قبل الهجره ناس قالوا ابوعال علي جمله
اتلموا الناس العاقلييين وقال الجرف روكه الناس تزرع بس بعيداي زول ينزل ويحش عشاء غنمه بس ملي قفه مايزود
وايشدد الحزم في حماره والناس اتفقت ورجعوا عاشوا في اماتي الله وسابوا الكجار والحجج
اللهم لملم شتات ازراع والحاصدين واجمعهم علي الحق
وانا ماعندي قضيه الجرف بس جيت ماشي لقيت اللمه
ةحلفزا علي واعطوني عشاء حماره

ياسلام على ناسنا يازعيم
كل مازرعوا تمرة قالوا
للشحاد وللدناع وللسراق
والناس الماعندهم تمر وجرف
هم أكثر الناس ثراءً وبيوتهم مليئة
بالتمور والخرفان المدوعلة

من طرف **م بروي** الأحد 06 مايو 2012, 3:15 pm

صديق عبدالله علي أبوحنة كتب:( مشرع الحلي) بت سليمان عندها قطعي هناك ترجاك تحش. وبعد ما تملا قفتا (تجك) توبا في حجرة البحر وتهببوا وتنشفوا وتشيل قفتا وتسدر.. وجنبها( بت أب حريبة) تحش في قطعتا.. نشوفن من الغرب في الصبحاوية والعصراوية..جرفن كان عااامر

الصدوق
سلامات
ياولاد الغرب دحلبي
ضبحولكم كلب
دحلبي
في وسط الدرب
دحلبي
مشاغلات الصبا لما نشوفكم نازلين على البحر
ما أجمل تلك الأيام العاطرة وفرحها البازخ
مشرع الحلي كان مزحوم وضجيجو عالي
والزهجان كلو في نصت نهار ينزل مشرع الحلي
ناس تغسل وناس تشر في اللوبه وناس تفجك
وناس العوم ما عندهم حدادي كاك وحدريبه بكير اب حريبه
وكير المقاديم .
ونغني
نحنا ساكت نحوي في الكير
وما علينا الهم الكتير
كأننا نعرف بأن هم كتير ينتظر

من طرف **ود المناصير** الإثنين 07 مايو 2012, 9:32 pm

م بروي كتب:

ساب شري القمريها قوقاي
وساب دريباً بيهو زازاي

دي إن شاء الله نجيبا ليكم بي غادي

يقولو جنا وضارب الصاي

تلقا بين عتمور وعقباي

من طرف **م بروي** الأربعاء 09 مايو 2012, 5:03 pm

ود المناصير كتب:
م بروي كتب:

ساب شري القمريها قوقاي
وساب دريباً بيهو زازاي

دي إن شاء الله نجيبا ليكم بي غادي

يقولو جنا وضارب الصاي

تلقا بين عتمور وعقباي

منجم الإبداع
سلامات
مشينا و اتبسطنا هناك
لك ترليون وزياده تشكرات

من طرف **م بروي** الثلاثاء 29 مايو 2012, 7:29 pm

ود زايد
رجل ولا كل الرجال الأشاوس
تعودت مرتو ما تصدر ليهو أمر
إلا بنهره قويه لامن يرجف
مجتهد يغسل يفرك يتمر الكبابي
يغير للولاد يسرح لي للبنيات
وأهم حاجه______________ يورق الملوخيه
مره كانت البرنده مليانه ناس
قالت ليهو(العافي منها)
قوم ورق الملوخيه دي.
تشجع وزايد ورفع صوتو قايلاً
يامره ملوخية شنو البورقها أنا؟؟؟
قالت ليهو الجنبه
قلت ليك قوم ورق الملوخيه دي
وهنا أحس الضيوف بحرج شديد
جمع ود زايد كراويش الشجاعه
الفضل وصاح قائلاً
يامره قومي ورقي ملوخيتك براكي
حمرت فيهو وقامت غازي ايديها في نصها
ياود زايد قايم تورقها واللا ماك قايم
قرر ود زايد أن يكون عاقلاً
وقال لها
بورقها لكن والله ما أفرمها
قالت ليهو حتفرمها
قال ليها والله بالغتي إنتي قايله الفرم قاسي؟؟
بفرمها لكن والله ما أفركها
قالت ليهو ود زايد..حتفركها واللا ما بتفركها
سكت ود زايد
________
حكومتنا قالت مافي تفاوض مع الجنوب
التلفون قالها حاتفاوضي غصب
قالت بفاوض لكن إلا الترتيبات الأمنيه أولاً
التلفون قال تفاوضي والترتيبات الأمنية آخر شيء
قالت خلاس لكن حرم ما بنسحب من أبيي
التلفون قال تنسحبي وكراعك فوق رقبتك
طيب البترول ما حيمر إن جاء شنو داك
التلفون حيقول مرريهو قبال ما....
الحكومه حتقول بمررو لكن والله إلا يدوني حقي كامل وفوراً
حيقول التلفون
ماعندك ولا حقيقايي
ويعيش ود زايد والرجاله ملحوقه

من طرف **الفكى احمد** الأربعاء 30 مايو 2012, 4:59 pm

دى قوية وحلوة أوى ، أسد علينا وعلى غيرنا نعــــا....ودى ما دايرالها فهامه ، مبنقرى وفيها العلامة ...

من طرف **م بروي** الأربعاء 30 مايو 2012, 5:19 pm

الفكى احمد كتب:دى قوية وحلوة أوى ، أسد علينا وعلى غيرنا نعــــا....ودى ما دايرالها فهامه ، مبنقرى وفيها العلامة ...

باش مهندس
سلامات وأشواق
إنت عارف الشيء الفاقع مرارة أخوك
إننا القبيلة الوحيده التي (انشتمت في أجهزة إعلام الدولة)
قال اسامه عبدالله
أحسن بيت في المناصير بيت العمدة ما يساوي 3مليون
وقال لسع ماعندهم مستراح ويطلعوا الخلاء بالابريق
بلدهم مافيها مظهر حياة ولو الخزان ده اتأخر سنتين
ما كان لقينا فيها زول واحد
وقال عند زيارة البشير للمكابراب
قال اسامه الناس الرحلوا المكابراب ديل أثبتو انهم رجال
يعني ناس الخيار المحلي (حرررررررررريم عديل كده)
مرورك البهي يسعد الأنفس ويزيح عنها مثل هذا الضيم المزعج
تحياتي للأستاذه الكريمه بنت الأكارم

من طرف **الفكى احمد** الأربعاء 30 مايو 2012, 5:46 pm

تسلم شاعرنا ود البروى ولك السلام من الأسرة ومن أخونا الباشمهندس وراق الذى شرفنا من البارحة بقدومه الميمون ، ولكل المتغطرسين ومدعين نقول ليهم الإنسان لايعاب بمسكنه ولا بملبسه ولا بما يأكل ، فذاك حكم الجهلاء ، فدع قصورهم وما هم فيه من زيف ينفعهم يوم لا ينفع مال ولا بنون ..تحياتى للآسرة الكريمة ....

من طرف **م بروي** الأربعاء 30 مايو 2012, 5:59 pm

أنا ماذكرت حكاية الفئران
لأني ما سمعتها بأضاني
لكن كل ماذكرت سمعتو بأضاني
وما قالو لي زول
بعد ارسلت كلامي ده قال لي
في ناس رموا جبادتن قدامك
مشيت لقيت مداخلتك والتي
تحمل ما حملت من حمكه ودرايه
تحياتي للمهندس الفاضل وراق
كسره:
الصورة دي صورة عمنا مُحُمد ودإحمد أبو الفكي
حسينيي واللا أنا غلتان؟؟
ياريت تفتح بوست وتخت فيهو كل الصور
القديمه والتي سبق وأن شفتها عندك لما كنت
إنت عريس.

والله الايام ارسل مصاريف ياناس المصاريف راحت وين القروش
مارسلكم قريب قبل 20يوم انتى ماعارف الايام ديل شغاليييين في الجرف
تسوي في شنو نزرع في الجرف قلت لهم جرفكم دا بقي جرف بروي

من طرف **م بروي** الأربعاء 06 يونيو 2012, 8:04 pm

[quote="أبوسفيان خلف الله"]والله الايام ارسل مصاريف ياناس المصاريف راحت وين القروش
مارسلكم قريب قبل 20يوم انتى ماعارف الايام ديل شغاليييين في الجرف
تسوي في شنو نزرع في الجرف قلت لهم جرفكم دا بقي جرف برويarkblue]طيب القلب
سلام
جرف بروي (ملح)

من طرف **عباس محمد** الثلاثاء 26 يونيو 2012, 7:17 pm

ودبروى نرجعلك للجرف
ولى تعليق على صورة الارباب سلمان عقيد
والتى تحمل عمنا رحمة على الشيخ

اظن هذه الصورة خلت دموعنا شلالا
وهى صورة ساقية كجار بام لقاديب
والتى سكبنا بها عصارة طفولتنا
تقبل المرور مرة اخرى

من طرف **ابو مصطفى** الثلاثاء 14 أغسطس 2012, 10:48 pm

سلام ,,,,,,,,,,,,,,,,, سلام ,,,,,,,,,,سلام ,,

شاعر القبيلة

ورمضان كريم

,,,,,,,,,

ومن بونى وجميع الجزائر لك كل التحايا

ابو مصطفى

من طرف **م بروي** الأحد 19 أغسطس 2012, 7:18 pm

عباس النسيب الحبيب
وين سيد كجار وسيد اششي)له تحياتي
جاييك بي مهله
وصديقي الطيب الأرباب
الشوق بحر(أو قل بحير الحاره)
أنا عندما اشتركت في هذا المنتدى
كان اسمي(ود بوني) لعلك تذكر
ولو نسيت أسأل ناس خالد
وذلك لمحبتي لتلك الديار وساكنيها
فأهل الجزائر ناس مروءة وكرم ومرجلة
لك ولهم حبي وتقديري

القامة شاعر القبيلة
والعائلة الكريمه

كل عام وانتم بخخخخخخخخخخخخخييييييييييرررررررررررررر

من طرف **م بروي** الإثنين 20 أغسطس 2012, 4:49 pm

صديقنا الشهم الباشمهندس
اسعدنا مرورك على الجرف
وكل عام وأنت وأسرتك الكريمة بألف خير
وصحة وعافية دائمة

من طرف **ابو مصطفى** الخميس 13 سبتمبر 2012, 6:47 pm

م بروي كتب:عباس النسيب الحبيب
وين سيد كجار وسيد اششي)له تحياتي
جاييك بي مهله
وصديقي الطيب الأرباب
الشوق بحر(أو قل بحير الحاره)
أنا عندما اشتركت في هذا المنتدى
كان اسمي(ود بوني) لعلك تذكر
ولو نسيت أسأل ناس خالد
وذلك لمحبتي لتلك الديار وساكنيها
فأهل الجزائر ناس مروءة وكرم ومرجلة
لك ولهم حبي وتقديري

خالى محمد اذا غبت كثيرا تجينا نفسيات من المنتدى ؟؟؟؟؟؟؟؟؟؟؟؟؟ لا تكر الغيبة ؟؟؟؟؟؟ انت ماك عارف نفسك عندنا زى شنو ؟؟؟؟؟؟؟ والله زى السكر البجيبو فى التومين ؟؟؟؟ والله اقولك زى شنو نان ؟؟؟ زى طعم ودلقاى مع البانجقلى ؟؟؟؟؟ وبمناسبة بانجقلى جدنا على وداحموده رحمه الله كان اسمه البانجقلى وكان فارس شوف عينى يضرب التمساح طلقة ويجلب فوقو ؟؟؟؟ على اليمين دى حماقة الحمقى ؟؟؟؟؟؟؟؟؟؟

ولى عودة بى مهلة لى سيد الجرف ؟؟؟؟

خضار مرفهد فى الحصاية ومزروع بى عناية ؟؟؟؟؟؟؟؟

تحياتى

ابو مصطفى

من طرف **ابو مصطفى** الجمعة 14 سبتمبر 2012, 4:06 pm

يا جماعة عوووك عوووك ,,,,,,,,,,,,

عوووك ,,,,,,,,,,

خالى محمد ودبروى مع الريال ابو طارة ونسانا خلاص الشكية للايد القوية ؟؟؟؟؟؟؟ معقول يتقطع الزمن دا كلو ؟؟؟؟؟؟؟؟؟؟؟ اصلوا دا شغل اشعة والله حاجة تانى ؟؟؟؟؟؟؟؟

اول امس مشيت اتغديت فى الدروشاب شمال عند اولاد معتصم واولاده سالونى من خالى وقلت ليهم ما مع ابوكم ؟؟؟؟؟ وماشاء الله معتصم عمل بيت كويس ؟؟؟؟؟؟؟؟؟؟ وبعدين خالى بيتو وينو ؟؟؟؟؟؟؟؟؟؟؟؟؟

واسع فكرت فى القومة واشوف الزول دا وعقابو ؟؟؟؟ وما عندى وسيلة

غير الغبشى ام لجام

وترانى زارع فى ام حمام

ومانى مرتاح وما طاب لى مقام

وينو خالى وينو شاعر القبيلة ؟؟؟؟؟؟؟؟؟؟؟

تحياتى

ابو مصطفى

من طرف **ابو مصطفى** الأحد 16 سبتمبر 2012, 2:20 pm

غايتو خالى ما براهو ؟؟؟؟؟؟؟؟؟؟؟ شال قلوبنا وطار ؟؟؟؟؟

زى مرة جاى على اهلى ولاقيت لى جماعة الله راضى عليهم

الزول الجميل جدنا ودنمورى يقولك الله راضى عليهو ؟؟؟؟؟؟؟؟؟؟؟

البنية الجات مع الليمونة وينه

من يوم داك قلبى معاها شايله

نازلة من السماء الاملاك ملاقه

تانى مافى سماحة فى البنوت بعد ده

كلهن كوم وهى كوم ماعونه ماله

ظاهرة الرقة فوقها مكانه لاقه

رقمك منى راح تلفونى خله

خربان مابنور شاشتو سوده

سيد الركشة دقينالةو ماجه

وهى تشبه شنو ؟؟؟؟؟؟؟؟؟؟؟؟

مثل الحجه جمعة وفرضو قضه

وهذه مقاطع من الغزل قلنا نكشحها هنا فى الجرف الروكة دا عشان تقبض لكم كور كبير ؟؟؟؟؟؟؟؟؟؟؟؟؟؟؟؟؟ والكور ابى يحوم علينا ؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى

ابو مصطفى

من طرف **الفكى احمد** الإثنين 17 سبتمبر 2012, 6:03 pm

ياسيد الجرف وينك معقول من يوم 20تمانيه مامريت على الجرف
ياأخى ودأختك أبو مصطفى حلقو وجعو من الكواريك خالى ، خالى
وخالو ياربى مالو لعل المانع خير ، فعلا كتارالقاعدين يعاينو للجرف
من بعيد لى بعيد وكت مايلقوا ليك أثر يرجعوا ..
دحين ياود بروى جرفك روكه ..... رويان وطينتو مبروكه
مزروع نـزو بالطــــــــوريى ..... وعنــد الحَجره سلـُــوكه
تعال شوف الجـــــــرف كيفنو .... مافى قِطيعى متروكــــه
وبى فوق ليهو فرهـــد بـــارو .... ترتر جــــدولو أبسبلوقه
مشمـــــر سيــــدو متحـــزم ..... وجنبو الكونشبر موسُوقه
جابولو الفطــــــــور سمبوسه ..... بمــــلاح باميه مفروكه
تعـــال منـــدلى لجـــــرفك ....... كتير من ناس يراجوك
متحبكين هناك كـــــــل يوم ....... ناس ودأختك واخــوك
راجـــــــين جيتـــــتك يعاينو ...... طــــــولو دار يشوفوك
ويومى على الجرف واردين ..... عسى ولـــعل يـلاقوك
وابـو مصطفى ديمــه يسأل ...... هو من ديـك البعزوك
تعـــال ماتطــــــــول عليهم ...... ترى كـــم هم يحبوك
********