جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **م بروي** السبت 09 مارس 2013, 7:04 pm

ابو مصطفى كتب:والله سلامى سلامى كبيرى ؟؟؟ الدخل النافعاب فى الجرف ؟؟؟؟ لكن يا دكتور حسين ؟؟؟؟ حبوبتكم ما عندها قطعى هنا فى الجريف دا ؟؟؟ حسب المواريث ؟
وهذه حاجة ؟؟؟؟ وانت زاتك وقت دخلت الجرف وبديت تحش وتقب ؟؟ من طرف ؟؟؟
انت غلطان وحشيت قطعة بت كبجون ؟؟ انت ماك عارف ناس دقن اللمر والكباجين ديل ناس صعبين بلحيل ؟؟؟؟ اسع نسوى ليك شنو ؟؟ انت قايل البلد طلاقيت ساكت تحش من طرف ؟؟
هنا فى عمودية وفى محكمة فى الجرف ؟؟؟ وقد ققررت محكمة جرف ودبروى
وبما انك غلطان ومتهور مع سبق الاصرار والترصد حكمت عليك المحكمة بى غرامة ؟؟؟ 2 عز ملبنات وبى جناهن ؟؟؟ عتود وسخلة بشرط ؟؟؟ وفى حالة العدم
3500 جنيه سودانى ( يعنى ما يعادل 1500 ريال سعودى المحكمة تقبل اى عملة ) وفى حالة العدم ؟؟ السجن سنة ونص ؟؟؟
ملحوظة تورد المبالغ كاش دون اى نقاش طرف سيد الجرف وارسال اشعار التوريد الى عمدة الجرف ؟؟( بت كبجون ) او من ينوب عنها ؟؟؟؟
ملاحظة :--------- عندك اى استئناف او اى محامى عاوز تنزله لازم تدق تلفون لى سيد الجرف انت تلعب لعب ؟؟؟ بس تقب سا كت ؟ بس تقب ساكت

تحياتى
ولى عودة
ابو مصطفى

تاني عتود؟؟؟؟
عالم ما تختشيش..

من طرف **م بروي** السبت 09 مارس 2013, 7:11 pm

د/ حسين النافعابي كتب:يا أخوانا أنا مستأنف القضية دي ضد حكم أبو مصطفي أصلوا حكم زي ده ما شفناه ده حكمو سعودي عديل كده

أنا هسع رفعت إستئناف ولأني ماني فاضي أنا موكل أخوي اللخي زول فاضي وقاعد في العقاب وما عندو شغلة , كان شغال في البوليص وخلاها وصاحبي ود البروي عارفه

أصلوا أخوي اللخي ده زول مشاكل يتلقاها قبل تجي واقعه الواطه ويفرح لما تجيه مشكله زي ده

دحين إن قلتوا الصلح أنا ما عندي مانع وإن درتوا حبل المحاكم اللخي مارق لها

دحين شاور صاحبك ود بروي وأدوني خبر

أنت لسع ما عرفت الزول ناوي ياكلك؟؟
قال قطعة كبجونيي وغرامه 1500ريال
ليه الجنيه مالو ..ما كفنك القطعتين
الجنب الزلومي ديك البعتهم في سفري لي
مديني بت الحاج؟؟؟
وأنت كمان اللخي ده زول دغري وما بتاع لولوه
دايرين تدخلوا في لولوتكم دي؟
هوووي يا الخي أوعك تباريهم

من طرف **ابو مصطفى** السبت 09 مارس 2013, 7:13 pm

ياودبروى عوووووووووووووك يا ودبروى عوووووووووووووووك ؟؟
الشى دى جابت اللخى ؟؟؟؟ على اليمين اخبرلك بلد ؟؟ اول نحن نخدم ونزرع ونلقط ونحصد جميع مازرع فى الجرف وانت يا محمد ودبروى تاكل وتنكرش ؟؟؟؟؟ ومسوى ليك كرش ؟؟
انا فى فهمى الصلح مع الجماعة ديل كويس ؟؟؟ شوف طريقة صلح قبال الشمس ما تغيب ؟؟ على اليمين اللخى عكاز ما بصل راسوا كلوا كلوا ؟؟ يجى يسوطلك جرفك دا كلو كلو يخلى كاويق ؟؟؟

تحياتى
ابو مصطفى
ولى عودة

قرقرقرقرقرقرقرقرقر قرقراب ما عندو حد

جزاك الله خيراً يا أبو مصطفي والله يقطع شيطانك من زمان شديد ما ضحكت من جواي متل هذي الضحكه

ولكن يا جماعة إنتو ما بتعرفو الواجب ولا شنو أنا جيتكم وقدمت عذري أنا جايي آخد قنيبه معاكم في ظل الجرف واشم شوية همبريب من همبريب الجرف وأقب لي قبتين تلاته معاي وأبعد شوية من السموم الفي منتدى قضية المناصير تجو تشيلوني قضية وغرامة وبلاوي زرقة ؟؟؟

دحين وقت دايرين الصلح أنا ما عندي مانع ولكن أنا شروطي ياها دي أول شيئ تبزموا لي قطعتين واحدة جنب خالتي كريديه عند ناس ود حري والقطعة التانيه في زلومة سلامي وكمان معاهن عتود ود لبون سمين زي البجته لزوم الصلح

وإن بقيتو إنت وخالك ود بروي أبيتو الصلح والبابا الصلح مغلوب دحين بطلق عليكم اللخي سريع النهمة يجوط الجرف ده يخلي عاليها واطيها ويدهسه يخلي عجاجه رابط

دحين شوف خالك ود بروي وردو علي

لكم عاطر التحايا يا رائعين

من طرف **سامى احمد محمد** الأحد 10 مارس 2013, 3:01 pm

ياحليل سلامى يا دكتور حسين وياحليل الجرف
بقت لا فيها كردى لا فيها طرف لا فيها ديس ولا فيها قديح جور و لا وزين
حتى اللوبا البزرعو فيها بعد البحر ينزل موهو زى اللوبا الزمان
الله يجازى الكان السبب
تسسسسسسسساموا أيها الرائعون

من طرف **ابو مصطفى** الأحد 10 مارس 2013, 5:16 pm

يا جماعة يا جماعة كدى قولوا خير ؟؟؟ اسع من بعيد شايف لى بنات فى طرف الجرف ؟؟؟؟؟ كدى يا دكتور حسين زح غادى شوية خلى النشوق البنات ديك هول مو وبنات منو ؟؟؟؟ وفى ضابط فى الجيش برضوا واقف ؟؟؟
بسم الله تحضرنا ؟؟ ديل ضيوف جاين من الخرتوم ودايرين المركب ؟؟؟ تعديهم على الغرب ؟؟؟؟
خالى محمد ودبروى قاعد يزوغ وماهو زول حارة ؟؟؟ اسع من جابو سيرة اللخى زولى بقى يقول لى اسكت اوع تنضم ؟؟؟؟ انت فطقه ؟؟؟؟
اسع عليكم الله داير اعرف الفرق بين الزول البقول النصيحى والفطقة شنو ؟؟؟
خالى محمد ودبروى انا من زمان كلمتك وقلت ليك اختى ناس فقاعة وبالذات الجعل والنافعاب ؟؟؟ اول حاجى انت زولا حجيرى وقصير ؟؟؟ اقل زول عندهم كان لكدك يرميك فى البحر ؟؟؟ ومروتك قليلى ؟؟؟ من الله خلقك عايش على اللف والدوران واستخراج القروش عن طريق الورق ؟؟؟ وقبال كده بقجور زارع طماطم هنا فى طرف الجرف واهلك ناس الدغفلى واقفين الفا احمر وزعلانين لى يوم اليلى منك ؟؟ ومن محاكمك الوهمية ؟؟؟ بسم الله نان المحكمة مى فى شيرى عن عثمان ود احمد ابجناح ؟؟؟ انت قايل نفسك عمدة ؟؟؟
دحين ورينى خبرك قبال الشمس ما تغيب ؟؟ اضرب لى تلفون اسع دى ؟؟؟؟
ورينى الحل شنو مع النافعاب ؟؟؟

تحياتى
ولى عودة
ابو مصطفى

من طرف **م بروي** الأحد 10 مارس 2013, 5:37 pm

الدخلك وسط اللخبته دي شنو يا سامي ود زينب
ديل يوم السوق الفات واحد فارش بينضورتي
(طبعاً سارقها من جرفي...حسين)
والتاني عامل كله كاربي بي عتود
من قروش القطعتين الفي الزلومي..الطيب)
والله فقروني أصحابك ديل ويتكلموا عن الصلح
زمان قالت ليهو الناس شالوا حقنا كلو
والواطه ساقوها قرين..قالها قرن راسك ده.

عان دى الحجى---كنا عايزين نخش --لكن شايف سيد الجرف قال لى سامى انت الدخلك شنو--لانو سامى من ود عيسى سامع الحجى---وكمان انا فى الغرب سمعتها --وسالت قالوا ابومصطفى عامل حجى مع خالو--وماهو عاجبوا القسيم وقال فى جرايد كدى خالى عصر على فيهن---والناس دا تدخل فى الجودية وخالو مابى---انت ياابو مصطفى خالك دا الا ترسلو عتود زى الليل الرشيد--

من طرف **ابو مصطفى** الأحد 10 مارس 2013, 6:09 pm

خالى ياسلمان شن الخال ؟؟ حتى فى قسيم الطين ؟؟؟ يقسم بالعينى الزايدى ؟؟؟
جريدى حق ابو مصطفى وجريدتن ليهو هو ؟؟؟؟ وكان الدنيا فيها خير اكل جنس عتان ؟؟؟ لكن النفس خاينة ؟؟؟ وبعدين اتغير وبقى ماهو زى زمان ؟؟؟ زمان تاكل وتقش فى طرفو ؟؟؟؟ اسع بقى ينبح من بعيد ؟؟؟؟ وبقى سعران ؟؟ ولخبط الجرف فوق تحت ؟؟؟ ومن شدة ما بقى يحب الريسى ؟؟؟ البلقاهو فتران وماهو شايل حيلو ؟؟؟ يقولوا لع لع انت السنة دى ازرع ترمس ؟؟؟ عاوزين نصدروا امدرمان ؟؟؟ اسع ناس بسوى زارعين فى الجرف جنس ترمس ؟؟؟ كل اولاد العبيد ودلحامى محصولهم السنة دى ترمس ؟؟؟ لكن ولاد شرف الدين ود غلام ؟؟ على اليمين ديل رجال خوفوا خالى محمد ؟؟؟ وقالوا ليهو نزرع ترمس والله كبكبى انت شن دخلك فى زراعتنا ؟؟؟؟ وخالى ضغطوا زاد ؟؟ الا رشيتو بى مويه فى حجرة البحر ؟؟؟؟ لكن العجائز ينهرن ؟؟؟ ويقولهن حدكن السنة دى بس ؟؟
تانى ما بتزرعن هنا ؟؟؟ والعجائز مسكينات ؟؟؟ حتى فى واحدة من العشامين من الحديد ؟؟ ناس بسيطابى ؟ ان بقيت مانى كذاب ؟؟ رهنت حمارتها لى بنك الثروة الحيوانية واخذت قسط عشان تسدد لى خالى محمد الجزى ؟؟؟؟ شفت كيف ؟؟؟ حتى السرج والخرج والبديدى واللجام شايلاهن فوق ضهرها ومن البنك وماخذى عقبة الفعال ؟؟؟؟
تحياتى
ولى عودة
ابو مصطفى

من طرف **م بروي** الثلاثاء 12 مارس 2013, 6:38 pm

سلمان عقيد النعوفابى كتب:عان دى الحجى---كنا عايزين نخش --لكن شايف سيد الجرف قال لى سامى انت الدخلك شنو--لانو سامى من ود عيسى سامع الحجى---وكمان انا فى الغرب سمعتها --وسالت قالوا ابومصطفى عامل حجى مع خالو--وماهو عاجبوا القسيم وقال فى جرايد كدى خالى عصر على فيهن---والناس دا تدخل فى الجودية وخالو مابى---انت ياابو مصطفى خالك دا الا ترسلو عتود زى الليل الرشيد--

الحجي كلها مقومها صاحبك ده
جرايدنا لحسها كلها خلاها مفاريك
(يارب المفراك التكسروا فوقو الرباطابية)
هسع قالي ياخالي رسل لي راتبك داير آخدلي
قطعة جنب أخواني ديل..(الخوخيي التملأ اضانو)
هو خالو صرف راتب ربيع التاني قبل خمسه يوم
وكملو وقعد حارس راتب جمادي الحايبدأ باكر
جمادي يلقط الحب

من طرف **ابو مصطفى** الأربعاء 13 مارس 2013, 4:25 pm

بمناسبة رسل لى راتب ؟؟ اسع انا عندى قطعة ارض ؟؟ اشتريتها فى الثورة الحارة 77 وقدر ما الجماعة يقولوا لى بيعها اقولهم لا ؟؟ ومن عشرين مليون طارت لى قريب المية ؟؟؟ وكل يوم يقولوا لى بيعها اقولهم لا ؟؟؟؟ بعدين واحد سالنى قال لى انت ليه تتمسك بيها كده شديد ؟؟ قلت ليهو نحن عندنا زول عمدة ضارب ارض الحرمين ؟؟؟ احتمال ينزل معاش او احتمال يطردوه لانه لخباط وعشان هو زول عمدتنا انا متمسك بالقطعة دى يوم يدور ينزل تكون له ملجاء ؟؟؟؟
عشان ما يقولوا العمدة حقهم ما عندو بيت ؟؟؟

تحياتى
ولى عودة

م بروي كتب:الدخلك وسط اللخبته دي شنو يا سامي ود زينب
ديل يوم السوق الفات واحد فارش بينضورتي
(طبعاً سارقها من جرفي...حسين)
والتاني عامل كله كاربي بي عتود
من قروش القطعتين الفي الزلومي..الطيب)
والله فقروني أصحابك ديل ويتكلموا عن الصلح
زمان قالت ليهو الناس شالوا حقنا كلو
والواطه ساقوها قرين..قالها قرن راسك ده.

الزراعة فى جرفكم
العامر دا تروى بالنز وما دايرالا موية
الزلومى لوباها
يتقب من دورو
والقاريق كمان خلو
ساكت والعجب أكان بقا دخن يتقب عشر مرات
واكان زرعلك
جرمايات عاد لا تحك ، الحدجى على يرفعوها نفرين
حرامية البينضورة
قالوا نحنا عندنا معاك حق ونكروا تب وبلعوا السيف متنى
البابا الصلح بتغلب
تسلموا أيها
الرائعون
برية خارج التنقير :
عسكرى فى جوبا
مكنيكى نجيض وشارب شغلتو دى شراب بس عيبو على يغمتولو فى جيبو ، وكان ما غمتلو ما بيشتغل ليك . جيبتلو عربيتى
وريتو أنى ممكن أجيهو ، بس كيف يظبط العربية
فعلاً زولك جيها
جيهى لمان أنا زاتى ما صدقت ، قمت قطعت فيهو عشرين جنيه ، صاحبى لمان شاف طرف
الورقة أم عشرين ( الزمان ماها اللت أسى ) كدى وقف طولو وغز كوعو فى نصو وغمض
عييناتو
وتنهد وزفر كما
تيرانهم ثم قال : ( جنابه ، ما إندك مودوء ) بلغتهم طبعاً ، ضحكت وسقت عربيتى وأنا
أدندن : .
والله فعلاً ما
عندى موضوء

من طرف **م بروي** الأربعاء 13 مارس 2013, 7:47 pm

سامى احمد محمد كتب:
م بروي كتب:الدخلك وسط اللخبته دي شنو يا سامي ود زينب
ديل يوم السوق الفات واحد فارش بينضورتي
(طبعاً سارقها من جرفي...حسين)
والتاني عامل كله كاربي بي عتود
من قروش القطعتين الفي الزلومي..الطيب)
والله فقروني أصحابك ديل ويتكلموا عن الصلح
زمان قالت ليهو الناس شالوا حقنا كلو
والواطه ساقوها قرين..قالها قرن راسك ده.
الزراعة فى جرفكم
العامر دا تروى بالنز وما دايرالا موية
الزلومى لوباها
يتقب من دورو
والقاريق كمان خلو
ساكت والعجب أكان بقا دخن يتقب عشر مرات
واكان زرعلك
جرمايات عاد لا تحك ، الحدجى على يرفعوها نفرين
حرامية البينضورة
قالوا نحنا عندنا معاك حق ونكروا تب وبلعوا السيف متنى
البابا الصلح بتغلب
تسلموا أيها
الرائعون
برية خارج التنقير :
عسكرى فى جوبا
مكنيكى نجيض وشارب شغلتو دى شراب بس عيبو على يغمتولو فى جيبو ، وكان ما غمتلو ما بيشتغل ليك . جيبتلو عربيتى
وريتو أنى ممكن أجيهو ، بس كيف يظبط العربية
فعلاً زولك جيها
جيهى لمان أنا زاتى ما صدقت ، قمت قطعت فيهو عشرين جنيه ، صاحبى لمان شاف طرف
الورقة أم عشرين ( الزمان ماها اللت أسى ) كدى وقف طولو وغز كوعو فى نصو وغمض
عييناتو
وتنهد وزفر كما
تيرانهم ثم قال : ( جنابه ، ما إندك مودوء ) بلغتهم طبعاً ، ضحكت وسقت عربيتى وأنا
أدندن : .
والله فعلاً ما
عندى موضوء
هسع يسمع بالحدجي دي يجري عليها
قصة (ماعندك مودوء)ضحكتني كتير
وذكرتني أيام خلت كانت لنا مساجلات وشعر إخوانيات في (البركل)مع صديقنا د/ود الفكي
فمشيت فتشت لكلامه المشابه لما ذكرت وهو وصية دارفورية نجيضه لبنتها وجبتها ليكم هنا

--------------------------------------------------------------------------------كتب اب شخيت(ود الفكي)

يا بنيتي حسابك...
إحدى الروائع التراثية الدارفورية بلهجة أهلنا البرتي..
كم هي طاعمة هذه الدارجة...
بها الكثير من النصائح من أم لإبنتها قبيل إرتحالها لبيت زوجها...
وقد أعطاها اللحن الخفيف بعدا تمثيليا للمعاني...

الله والنبي لـ كلام راجل تسمعا
بنيتي حسابك لـ كلام راجل أسمعا
حسابك يا بنيتي كلامي لا تابا
كلامي كم أبيتيه تكوسيه ما تلقا
* * *
هي لا تخليه ينقنق لـ كلامو تسفها
لا تقوّي راسك ، بكرة يقولوا طلقا
فجر كم ولا عندو لـ عشيّا أمهلا
بلا إذنو لا تمشي لـ محل مآجرا
***
وراجل كم ما ناداك لا تمشي تلحقا
وكم غبّت منك نادي أسألا
قشي بيتك بدري وعيشك أطحنا
الما وساخة ، في خشم بيت لا تكشحا
***
وكم عاطت فوقك لا تدقيه تفلعا
إنتي أشكيه لـ الله لـ حقك يخلسا
انتي بنيتي كم لـ كلامي تسمعا
الله والنبي لـ كلام راجل تسمعا
الله والنبي لـ كلام راجل أسمعا
***
حتّي عجاج بيتك ، عنقريبو فرشيه
وكورة أم قعر تحت سريرو جيبيه ختّيه
توبك المجنقر دا ب إبرة أمسكيه
رجلينك المشقق دا أدرشيه حننيه
***
وشعرك المشمبل دا لميه مشطيه
المدونكت من قعارو فرتقيه
أوطوي أوقاي لـ ألمي أردي جيبيه
عجينة كم تعوسيه لـ دوكي أتّقيه
***
وكسرة كم تلت عقابو لميه شريه
ب طلحاي ب دروتاي حفرتك ولعيه
جيبي مخبرك لـ بطن بيتك بخريه
كم كملتي خدمتك لـ نارك أكتليه
***
كم فتّي بطن حلّه ، لـ بيتك طليه شيفيه
كلام كم تخاف لو من بيت لا تمرقيه
وقالوا وقلنا في لسانك لا تجيبيه
جارتك المهوهوة دا لا بيتك بخربيه
***
نصيحتي كم سمعتيه لـ بيتك أمسكيه
الله والنبي لـ كلام راجل تسمعا

من طرف **م بروي** الأربعاء 13 مارس 2013, 8:08 pm

قولوا لأبو مستفى جرف روكه ماتسرقيه
جرمايا واللا هدجايا ما تمشي تسلقيه
بينضورايا جنب بغجور ما تفرشيه
الله والنبي هرام ده خليه
تشيلي جريده من جرف جارك ده كليه
بتن بي هق الناس ده ما تشبئيه
قتعة أرد في 77 كلو بيئيه
خالك بيت هرام ما برقد فيه
ملك هسين ده بردو ما تباريه
الله والنبي هرام ده كليه
الله والنبي هرام ده كليه
لقبه
__
هلاوه بتاء سكينه داك قال اسمو سُنو؟؟(شنو؟)

من طرف **ابو مصطفى** الخميس 14 مارس 2013, 3:18 pm

اسع الصورة دى صورتك يا محمد والله صورة ولدك ؟؟؟؟ اصلى من ام بارح عاوز اعلق وكل مرة انسى ؟؟؟؟ ؟؟؟؟؟ لكن يبقى لى دى صورة الولد انت وشيك ضيق ؟؟؟
الزول دا وشيه عريض ؟؟؟؟؟

تحياتى
ابو مصطفى

من طرف **م بروي** الخميس 14 مارس 2013, 4:08 pm

كلام بتاء سوره ده كليه
كلام زي بتاء هلاوه تاني ما تقوليه

زمان أخونا عبد الله حديدون ربنا يطراه بالخير وله التحايا من هنا من مدينة المصطفى صلى الله عليه وسلم جاء من اليمن وداير يسوق أمه يوديها الحج , وأمه كانت صاحبة خالتي حليمة بت خلف الله رحمها الله تعالى وساكنه جنبها , فيوم السفر خالتي حليمة مباراها من مامرقت من بيتها وماشي معاها عشان توصلها لي عند المركب
وفي الطريق كانت خالتي تهوهيلها وتقولها إنت إمرأة بخيته ماشي لي داك المحل السمح ما شي لي مكة والمدينة والمحل داك زولاً ما هو سعيد ما بمشي له وإنت اصلك من البخت ما خليتي شي , طبعاً خالتي كانت مشت الحج قبلها

ولما وصل عبد الله حديدون وأمه لمكة وبدأوا الطواف صادف اللحظة ديك الحرم مليان والزحمة شديدة النفس مابتلقاه وقام الناس ضغطوا أمه لامن كوركت من الزحمة والنفس ذاتو ما لقته وتعبت تعب لامن شافت الموت من الزحمة , فلما إنتهى الطواف قامت قالت لي ولدها عبد الله إنت ما جبتني في المحل القالته بت خلف الله إنت وديتني محل تاني , حليمة بت خلف الله قالت المحل داك زين وسمح ودحين أنا هسع ضقت الموت

دحين صاحبي ود البروي نحنا الكلام المعلوم ده ما عرفنا فيه شيئ معاه كمان هو سامي يقوموا يجيبوا لينا كلام عربي جوبا
أسع يا أبو مصطفى الكلام ده رأيك فيه شنو

لكم التحايا يا رائعين

من طرف **ابو مصطفى** الجمعة 15 مارس 2013, 2:02 pm

ودبروى كنت شاكى لكن الان حقيقة قد بداء الزهايمر يعترى ذاكرته ؟؟؟؟؟
عشان كده من بدرى سفروه الى لندن لكى يتم تغير الذاكرة القديمة وتتم عملية تهياة
للمخيخ وكل اجزاء الراس ؟؟ على شرط ان يتم الاحتفاظ بالذاكرة القديمة فى متحف السودان القومى ؟؟؟ لانها فيها تراث واشعار وحاجات نخشى ان تضيع ؟؟؟؟

تحياتى
ولى عودة

سلامات يا أبو مصطفي وتحياتنا للغالي ملك فقاعة ود البروي وللزعيم سامي

يا أبو مصطفي الحكاية ما محتاجه للسفر إلى لندن لأنو مو معروف البحصل هناك شنو من صاحبك ده , وثانياً الحكاية بقت تتم من هنا وخلاص بس تتغير الشريحة وتتغير معاها الشبكة والطريقة دي كمان تضمن بقاء المعلومات القديمة كما هي

والشريحة القديمة دي مهم جداً الاحتفاظ بها لأنها فيها معلومات قديمة يا أبو مصطفي مهمة شديد لأنها فيها حاجات ما ممكن تتلقي تاني

م بروي كتب:قولوا لأبو مستفى جرف روكه ماتسرقيه
جرمايا واللا هدجايا ما تمشي تسلقيه
بينضورايا جنب بغجور ما تفرشيه
الله والنبي هرام ده خليه
تشيلي جريده من جرف جارك ده كليه
بتن بي هق الناس ده ما تشبئيه
قتعة أرد في 77 كلو بيئيه
خالك بيت هرام ما برقد فيه
ملك هسين ده بردو ما تباريه
الله والنبي هرام ده كليه
الله والنبي هرام ده كليه
لقبه
__
هلاوه بتاء سكينه داك قال اسمو سُنو؟؟(شنو؟)

قرقرقرقرقرقرقرقرقرقر
والله والنبى أبو مصطفى ده جننته
صوأه فى راسو دا سويتى
لكن هو كأب ما بكليه
من صقير إتألم عليه
جرف بتاء ناس طوالى يسرقيه
كم مره قبدو يمئت فيه
الهدج الكبير لى بيته يدردقيه
هليفه بتاء شيوخ دا ما بكليه
سُكت دا جاهو من هليفه فيه
والله والنبى أبو مصطفى دا تكليه
تانى كان رجأ أنا زاتى ما بكليه
أشواقى لكم أيها الرائعون
ه

الدار روعه والجرف اروع
لافي من الصباح في الجرف جاني وجع كرعين شي لوبا وشي دخن وشي عدار طبعأ الزول الجديد يسعل القطعي العامري د حق منو والمريق المكرق د ما إنزرع في العيني والمحل الجمب البحر د كان تزرعوا فاصوليا
الحبوبه:_
يا ولدي قالو في جرادأ جاي حولينا ماعلينا :
بجد انا مستمتع حد الادمان
يا ابو مصطفي تحاياك وصلت
والليله كان عرس 2 من اولاد ود موسى
تحياتي

من طرف **ابو مصطفى** السبت 16 مارس 2013, 2:44 pm

سلام ناس الجرف العامر ؟؟ سلام ناس عكيش والسدرة وسلام ناس العشامين وبت خميس ؟؟؟؟ سلام ناس الحديد وبسيطابى سلام ناس ام عسل ؟؟؟؟ سلام ناس الشقائق وحسن سلوم .......... سلام تور الجبل وكل يوم طالعى الجبل
ما كتير الناس بى ترحل لى ظروف فى الدنيا اجمل
ناس بتمشى سنين طويلة ومابى توصل
وناس حلف بالله بدون ماتمشى توصل
تحياتى واشواقى للطيور المهاجرة فى الغربة تغدو خماسا وتعود بطانا .... غربتنا طالت واستطالت ويازمن ارحم شوية ؟؟؟
غنوتنا كانت يا حليلها
غناها طير بلدى المهاجر
فى غصون الغربة مرة مع حنين صوت الربابة

تحياتى واشواقى لكل العقد الفريد داخل السودان وخارج السودان
ولى عودة
ابو مصطفى

من طرف **م بروي** السبت 16 مارس 2013, 7:58 pm

د/ حسين النافعابي كتب:سلامات يا أبو مصطفي وتحياتنا للغالي ملك فقاعة ود البروي وللزعيم سامي

يا أبو مصطفي الحكاية ما محتاجه للسفر إلى لندن لأنو مو معروف البحصل هناك شنو من صاحبك ده , وثانياً الحكاية بقت تتم من هنا وخلاص بس تتغير الشريحة وتتغير معاها الشبكة والطريقة دي كمان تضمن بقاء المعلومات القديمة كما هي

والشريحة القديمة دي مهم جداً الاحتفاظ بها لأنها فيها معلومات قديمة يا أبو مصطفي مهمة شديد لأنها فيها حاجات ما ممكن تتلقي تاني

صديق أنت في مألووم كلام رندوق؟؟
قلت لي قريبتك أنا زول ذاكرتي منيلي أقوم آخد
لي مرا كل مرة شابكاني نسيت؟؟؟ المفروض آخد واحده
ذاكرتها حديدية.
قامت قالت والله زمان قبل العرس كانت ذاكرتي
مضرب مثل وكنت مرجع للمدرسة
لكن بعد عرستك انهالت علي النقه والتعليقات
الساخرة دي ومخي الكان زي الكمبيوتر هسع
اتملأ كلو فيروسات.
قلت ليها والله طلقه واحدي تفرمط الجهاز.
هسع صاحبك الطيب ده يقدر يهظر في الطلاق؟
والله تحت البطانية ما يقدر يفكر فيهو.

من طرف **م بروي** السبت 16 مارس 2013, 8:26 pm

ابو مصطفى كتب:ودبروى كنت شاكى لكن الان حقيقة قد بداء الزهايمر يعترى ذاكرته ؟؟؟؟؟
عشان كده من بدرى سفروه الى لندن لكى يتم تغير الذاكرة القديمة وتتم عملية تهياة
للمخيخ وكل اجزاء الراس ؟؟ على شرط ان يتم الاحتفاظ بالذاكرة القديمة فى متحف السودان القومى ؟؟؟ لانها فيها تراث واشعار وحاجات نخشى ان تضيع ؟؟؟؟

تحياتى
ولى عودة

مجموعة من اهل العوض عددهم تسعة قرروا شراء طاقة قماش دمورية وتقسيمها بينهم. كان سعر الطاقة المعروف هو مائة جنيه، وكانو عارفين كم سيدفع كل واحد منهم. احدهم قال للتاجر نقص لينا السعر، فوافق التاجر على البيع بسعر ثلاثة وتسعين جنيه. خرج الجماعة وعملوا تضريباتهم خارج الدكان وفشلوا في الوصول إلى نتيجة فعادوا للتاجر وقالوا ليهو "يا زول نقولك قولة، خليها بي مية في محلها".
هسع أنا الجرف ده بعد ما أكلني الطيب
قررت أبيعوا لكن أوزع القروش
على الخلق الكتيري دي كيف؟
أحسن حاجة كل زول يقطع هنا
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **م بروي** السبت 16 مارس 2013, 8:32 pm

سامى احمد محمد كتب:
م بروي كتب:قولوا لأبو مستفى جرف روكه ماتسرقيه
جرمايا واللا هدجايا ما تمشي تسلقيه
بينضورايا جنب بغجور ما تفرشيه
الله والنبي هرام ده خليه
تشيلي جريده من جرف جارك ده كليه
بتن بي هق الناس ده ما تشبئيه
قتعة أرد في 77 كلو بيئيه
خالك بيت هرام ما برقد فيه
ملك هسين ده بردو ما تباريه
الله والنبي هرام ده كليه
الله والنبي هرام ده كليه
لقبه
__
هلاوه بتاء سكينه داك قال اسمو سُنو؟؟(شنو؟)
قرقرقرقرقرقرقرقرقرقر
والله والنبى أبو مصطفى ده جننته
صوأه فى راسو دا سويتى
لكن هو كأب ما بكليه
من صقير إتألم عليه
جرف بتاء ناس طوالى يسرقيه
كم مره قبدو يمئت فيه
الهدج الكبير لى بيته يدردقيه
هليفه بتاء شيوخ دا ما بكليه
سُكت دا جاهو من هليفه فيه
والله والنبى أبو مصطفى دا تكليه
تانى كان رجأ أنا زاتى ما بكليه
أشواقى لكم أيها الرائعون
ه

_______________
الهدج الكبيرلي بيته يدردقيه
والله ضحكتني ضحك ياجنابو
لامن انطلق قحه وعطسه
تحلف تقول دخلت دكان الصادق ود ادريس(الله يرحمه)

من طرف **م بروي** السبت 16 مارس 2013, 8:36 pm

الطيب أقطع في العز
انشاء الله تجيبلها عتوداً عديل

من طرف **م بروي** السبت 16 مارس 2013, 8:39 pm

معاويه عبدالرحمن كتب:الدار روعه والجرف اروع
لافي من الصباح في الجرف جاني وجع كرعين شي لوبا وشي دخن وشي عدار طبعأ الزول الجديد يسعل القطعي العامري د حق منو والمريق المكرق د ما إنزرع في العيني والمحل الجمب البحر د كان تزرعوا فاصوليا
الحبوبه:_
يا ولدي قالو في جرادأ جاي حولينا ماعلينا :
بجد انا مستمتع حد الادمان
يا ابو مصطفي تحاياك وصلت
والليله كان عرس 2 من اولاد ود موسى
تحياتي

أهلاً بيك يا معاوية
نورت الجرف
أنت عارف أنا ما برحب بالناس الجديدين ليه؟؟
لأنو زي ما قال الطيب الخرف حاصل
مره لقيت نفسي مرحب بي زول مرتين
وكنت ماشي اسوي التالتي
تسلم يارجل يا طيب

من طرف **الرشيد طه** السبت 16 مارس 2013, 9:51 pm

م بروي كتب:مجموعة من اهل الطيب عددهم تسعة قرروا شراء طاقة قماش دمورية وتقسيمها بينهم. كان سعر الطاقة المعروف هو مائة جنيه، وكانو عارفين كم سيدفع كل واحد منهم. احدهم قال للتاجر نقص لينا السعر، فوافق التاجر على البيع بسعر ثلاثة وتسعين جنيه. خرج الجماعة وعملوا تضريباتهم خارج الدكان وفشلوا في الوصول إلى نتيجة فعادوا للتاجر وقالوا ليهو "يا زول نقولك قولة، خليها بي مية في محلها".

قرقرقرقرقرقرقرقرقرقرقر

لكن بالغت يعني ناس الطيب للدرجة 93 ما قادرين يقسموها والله انت الطيب راميهو تب

من طرف **ابو مصطفى** الأحد 17 مارس 2013, 4:24 pm

التحية للمرور الكرام ؟؟؟؟؟؟؟؟؟؟؟؟؟ محمد ودبروى والله انا ضحكت نامت وقفت من الشغل عديل كده ؟؟ اسع عليك الله الكرتلة دى بحتها من وين ؟؟؟؟ وبعدين ارمى فوق العز او الاسد انا حر انت مالك ومالى ؟؟؟؟ الكرتلة دى ماها مضمونةومبرشمة فيها انه ؟؟؟ يا سلام والله يا ودبروى زمان فى مدرسة العشامين الابتدائية طوالى الجماعة
يجيبو الكرتلة دى ؟؟؟ لكن ماحصل فزت بيها ؟؟؟؟
الرشيد افندى ؟؟؟ انت الجماعة طوالى يقولوا الرشيد -- الرشيد --- وانا ادافع عنك ؟؟؟ لكن خلاص رميت حجرك ؟؟؟؟ اتاريك انت دافن لى شيتا كتر .....
كما يقول ابو عركى ؟؟؟؟؟؟؟؟؟؟؟؟؟؟؟

ودبروى انت كان داير تعرف رجالة ابو مصطفى تعال السودان وجيبك مرتك وانا بجى بى حقتى ونقيف سواء ونقول سوى على بال---------------والله انا خايفك تعرق ؟؟؟ وتقوم ترجف قدام الحروم يخس عليك ؟؟؟؟

تحياتى
ولى عودة
ابو مصطفى

من طرف **م بروي** الأحد 17 مارس 2013, 7:08 pm

الرشيد طه كتب:
م بروي كتب:مجموعة من [color=red] العيسابcolor] عددهم تسعة قرروا شراء طاقة قماش دمورية وتقسيمها بينهم. كان سعر الطاقة المعروف هو مائة جنيه، وكانو عارفين كم سيدفع كل واحد منهم. احدهم قال للتاجر نقص لينا السعر، فوافق التاجر على البيع بسعر ثلاثة وتسعين جنيه. خرج الجماعة وعملوا تضريباتهم خارج الدكان وفشلوا في الوصول إلى نتيجة فعادوا للتاجر وقالوا ليهو "يا زول نقولك قولة، خليها بي مية في محلها".

قرقرقرقرقرقرقرقرقرقرقر

لكن بالغت يعني ناس الطيب للدرجة 93 ما قادرين يقسموها والله انت الطيب راميهو تب

سلامة نظرك
(زولك ده فاكرو منتظرلو حراشي ؟ تراهو يكورك بي سبب وبلا سبب)

من طرف **م بروي** الأحد 17 مارس 2013, 7:33 pm

ابو مصطفى كتب:التحية للمرور الكرام ؟؟؟؟؟؟؟؟؟؟؟؟؟ محمد ودبروى والله انا ضحكت نامت وقفت من الشغل عديل كده ؟؟ اسع عليك الله الكرتلة دى بحتها من وين ؟؟؟؟ وبعدين ارمى فوق العز او الاسد انا حر انت مالك ومالى ؟؟؟؟ الكرتلة دى ماها مضمونةومبرشمة فيها انه ؟؟؟ يا سلام والله يا ودبروى زمان فى مدرسة العشامين الابتدائية طوالى الجماعة
يجيبو الكرتلة دى ؟؟؟ لكن ماحصل فزت بيها ؟؟؟؟
الرشيد افندى ؟؟؟ انت الجماعة طوالى يقولوا الرشيد -- الرشيد --- وانا ادافع عنك ؟؟؟ لكن خلاص رميت حجرك ؟؟؟؟ اتاريك انت دافن لى شيتا كتر .....
كما يقول ابو عركى ؟؟؟؟؟؟؟؟؟؟؟؟؟؟؟

ودبروى انت كان داير تعرف رجالة ابو مصطفى تعال السودان وجيبك مرتك وانا بجى بى حقتى ونقيف سواء ونقول سوى على بال---------------والله انا خايفك تعرق ؟؟؟ وتقوم ترجف قدام الحروم يخس عليك ؟؟؟؟

تحياتى
ولى عودة
ابو مصطفى

نامت قفا؟
البعرق منو؟
انت من هسع عرقت
العرق اليسولو سباليق

من طرف **ابو مصطفى** الإثنين 18 مارس 2013, 3:54 pm

[font=Arial Black] ودبروى يا لبيب فيك الخير ما عندك كلام اخير من دا ؟؟؟؟ انت خلاص خرفت ؟؟؟
اخير تجى راجع السودان ؟؟؟ وانا اصلى قربت ابقى عمدة ؟؟؟ وبشغلك معاى كاتب للعمدة ؟؟؟ ومرتب ماعندك ؟؟ تاكل وتشرب بس وتخدم للعمدة ؟؟؟

تحياتى
ابو مصطفى

من طرف **ابو مصطفى** الإثنين 18 مارس 2013, 4:39 pm

م بروي كتب:الطيب أقطع في العز
انشاء الله تجيبلها عتوداً عديل

انا اقطع فى العز ياعز ؟؟؟؟؟؟؟؟؟؟؟؟ انا اقطع فى الاسد ؟؟؟؟
العز مالك عليها ؟؟؟ كل العتان اكلتها ؟؟؟ دى شوفها عن غافل الناس فتحت ؟؟؟ انت قايلنا مغمدين ؟؟
الناس كلها فتحت ؟؟؟ انت سارى ليك فى ليلا بلا قمره ؟؟؟

تحياتى
ابو مصطفى

من طرف **م بروي** الإثنين 18 مارس 2013, 8:15 pm

خاطرة
_---
من المفارقات الغريبة في تاريخ
عالمنا العربي والاسلامي تعيين
مستر كوك البريطاني وزيراً للشئون
الدينية والأوقاف بالعراق
وكان كثيراً ما يسخر من علمائنا
الأجلاء وفي حديث له مع أحدهم
ذكر له عالمنا(بأن هذا الكتاب
لا يغادر صغيرةً ولا كبيرة إلا أحصاها)
فقال له مستر كوك: أنا اسمي مكتوب؟
فقال له العالم نعم:
(وتركوك قائما)

من طرف **ابو مصطفى** الثلاثاء 19 مارس 2013, 4:29 pm

خضره ومفرهدة ديمه نديه
مالو غاب ؟؟؟؟ وناس كتار غابو ؟؟ قلنا الظروف ...... قالوا لع المعايش جبارة ..... الله يصلح الحال ....... ودوام الحال من المحال ...
جيت هنا اشكى جور الزمن ........... ولقيت الزمن ذاتو يشكى ...........

تحياتى
ولى عودة
العمدة ابو مصطفى

من طرف **ابو مصطفى** السبت 30 مارس 2013, 12:02 am

وينو خالى السمح لون الدهب طعم القمح ................. خلى جرفو مفرهد
وسافر الى المملكة العربية السعودية ......... محل لاقلنا لاقالوا
ولا هماش ولا واشى .......... محل نومى محل نعاسى .... محل تاج عزو فوق راسى .......... محمد وين محمد وين
انا قلتو وين ماشى ..... قال لى مكان الخير كلو غاشى .... محمد وين

تحياتى
ابو مصطفى

من طرف **م بروي** السبت 30 مارس 2013, 1:49 am

ابو مصطفى كتب:وينو خالى السمح لون الدهب طعم القمح ................. خلى جرفو مفرهد
وسافر الى المملكة العربية السعودية ......... محل لاقلنا لاقالوا
ولا هماش ولا واشى .......... محل نومى محل نعاسى .... محل تاج عزو فوق راسى .......... محمد وين محمد وين
انا قلتو وين ماشى ..... قال لى مكان الخير كلو غاشى .... محمد وين

تحياتى
ابو مصطفى

حضر كبشاً عير
خلينا من العتان المهضلمي بتاعتك دي
خالك جاييك قريب

الجرف ده ياعمدة يزرعوا فيه الطيب والسمح وماتخربه علينا محمد ده كنز ومنارة وعزة ونضاره وموسوعة وثقافة وعندو الكثير والجروف تتجدد كل سنة وما أطيب أرض الجروف و ياحلات سبروقه ويا حلات ملاح قرونه ويا حلات قرون اللوبيا الطيب مسلته أو مسلوقه وما أحلى ملاح كدادها وما أحلى ترمسها وما أطيب رائحة زهور اللوبيا والترمس وما أطيب رائحة كردتها وما .... ازرع بس ياعمده والجرف واسع وجيب الفزع من ناس دماج وأرج ودربي وبوني وشرق القناجرة ... ولك التحية صاحب الجرف.

من طرف **م بروي** السبت 30 مارس 2013, 2:23 pm

مصباح محمد مصباح كتب:الجرف ده ياعمدة يزرعوا فيه الطيب والسمح وماتخربه علينا محمد ده كنز ومنارة وعزة ونضاره وموسوعة وثقافة وعندو الكثير والجروف تتجدد كل سنة وما أطيب أرض الجروف و ياحلات سبروقه ويا حلات ملاح قرونه ويا حلات قرون اللوبيا الطيب مسلته أو مسلوقه وما أحلى ملاح كدادها وما أحلى ترمسها وما أطيب رائحة زهور اللوبيا والترمس وما أطيب رائحة كردتها وما .... ازرع بس ياعمده والجرف واسع وجيب الفزع من ناس دماج وأرج ودربي وبوني وشرق القناجرة ... ولك التحية صاحب الجرف.

الزوج قرر التخلص من الكديسة الموجودة في البيت فرماها في أحد الشوارع وعند عودته وجدها في البيت. وفي اليوم التالي رماها خارج الحي وعند عودته وجدها في البيت. في اليوم الثالث خرج بها إلى مكان في وسط الصحراء ورماها. بعد عدة ساعات اتصل بزوجته ليسأل فقالت "الكديسة ياها دي قاعدة في البيت" فقال لها "اديني ليها في التليفون توصف لي البيت عشان أنا رايح"..
دكتورناالغالي سلام وأشواق
اسياد الجرف ضهبوا في الفيسات ولاد ودعيسى المهندس الفكي وسامي والناس المقابلين اللشيو ناس ود اختك سلمان وغيرهم كلهم هجرو الجرف الكان عامر ضهبوا في صحاري الفيس الكترت بالحيل نشوفلنا كديسي توصف لهم جرفن ده
القرون الصغووويري أنا آكلها نيي

من طرف **ابو مصطفى** السبت 30 مارس 2013, 2:48 pm

مصباح محمد مصباح كتب:الجرف ده ياعمدة يزرعوا فيه الطيب والسمح وماتخربه علينا محمد ده كنز ومنارة وعزة ونضاره وموسوعة وثقافة وعندو الكثير والجروف تتجدد كل سنة وما أطيب أرض الجروف و ياحلات سبروقه ويا حلات ملاح قرونه ويا حلات قرون اللوبيا الطيب مسلته أو مسلوقه وما أحلى ملاح كدادها وما أحلى ترمسها وما أطيب رائحة زهور اللوبيا والترمس وما أطيب رائحة كردتها وما .... ازرع بس ياعمده والجرف واسع وجيب الفزع من ناس دماج وأرج ودربي وبوني وشرق القناجرة ... ولك التحية صاحب الجرف.

الله ....... الله يا دكتور مصباح على ريحة الجرف وطعم الجرف ؟؟؟ انت دا الليلة رجعتنى عشرين سنة لاوراء وانا شايل شوالى ومنجلى داخل الجرف فى البلد عندى نعاج زمان كنت مسئول عنهن بامر الوالدة ؟؟؟ وبعد فترة تم قبولى فى المدرسة المتوسطة وتمت ترقيتى بان اكون مسئول من الهى ( مجموعة من الضان والماعز فى زريبة كبيرة -- انا مسئول من تغذيتهم من لوبيا ) ولى كردى ولى قصب يابس اولين ؟؟؟؟ ولى برسيم ولى نظافة الصيف او نظافة الشمار وكل الحشائش الطفيلية ؟؟
ومع هذا كله قالوا خالى جاى ......... الله يجيبوا وانا حالف خروف ذو قرنيين كبيرين سوف اطير فوقو واضبحو كرامة لى عودة خالى من ديار الغربة ... الله يجيبك يا محمد ؟؟؟

تحياتى
ابو مصطفى

طالما أنه الحكايه بقت فيها خرفان بدل العتدون والعنابليك كلنا تاني بي نجي ورادين الجرف ده إن شاء الله علنا نلقى لينا شموم

من طرف **م بروي** السبت 30 مارس 2013, 5:36 pm

يا ولد ايه الأبهة دي ..صورة جميله تستاهل خروف
براها ما تكبرها تملأ بيها الحوض
الفوق الفاضي ده..واللا ناوي تزعو ويكي
(جنك لحم ..ما يجيبك إلا الخرفان والشيات
اتاريك من زمان مصاحب عمنا عمارة فوق راي؟
المشكلة أنك تدرس الطلاب في الجامعه كلام كبار كبار
أكان كنت تدرسن عربي كنت اوصيهم يكتبوا في الإنشاء
عن السيد اللحم حتى لو المطلوب الكلام عن تصفية
الروهنقا في ميانمار
تسلم ملك ديارنا ونورها الوهاج

صاحب الجرف لك التحية ذكرتني بالقرون الصغيرة والبوش أو عيش الريف كان لما تقوم عيشة الريف في الجرف يتخاطفها الجميع والواحد محتار لما كان عيش الريف عليه مثل هذا الطلب لماذا لا يزرع بطريقة اقتصادية. كنا صغار وقت كانت عندنا مركب في مشرع السوق نحب نمشي الغرب لأن في جروفه تزرع الطماطم التي نشم رائحتها من شري كما يزرع العجور. وماننسى فيه الخالة وابناء الخالة. وانتم مشرعكم قصادو الترب رحم الله أهل القبور.

من طرف **م بروي** الأحد 31 مارس 2013, 2:06 pm

دكتورنا الحبيب أولاً قفتك دي عبيها من محبتنا
ياخوي غير المقابر قدامنا الضقوله نقطع البحر
وخراب جد مرة جر بطيخ ومره شمامايه جدنا الفكي جنناه كرهناه الزراعه وآخر شي نخرت ليمون نجيبو معانا الجماعه خوافين لكن انا مطئن لأن الضقوله كلهم أهلي فمظمهم ابناء جدي أحمد نعمان بالإضافة لأخوالي نعمان والزيني
أم(عزالدين) و* والحرم يعني سليمان
أحمد نعمان واخواته ابناء عم امي لزم .

من طرف **ابو مصطفى** الأحد 31 مارس 2013, 3:19 pm

د/ حسين النافعابي كتب:طالما أنه الحكايه بقت فيها خرفان بدل العتدون والعنابليك كلنا تاني بي نجي ورادين الجرف ده إن شاء الله علنا نلقى لينا شموم

التحية للسادة المرور ............. ويا دكتور حسين .. اذا كانت علاقتك سمحة مع سيد الجرف ... احتمال تلقى شموم او عضم كبير او لحيمات فى صحن مشويه
ويدخلوك لاجوة ( اذا دفعت ريال ريالين فوق الجماعة ما دى طريقة سيد الجرف يعزل الناس زى التمر ) لكن اذا كنت من العامة وعلاقتك ماكويسة مع سيد الجرف ... احتمال كسرى بى سليقى وزايدنها موية ما تلم فيها ............... فانا نصحتك قبل كده وانت دخلت اخوك اللخى ودخلتنا مع سيد الجرف فى مشكلة واسع جاى فى كرامة سيد الجرف عشمان فى عضم ...... يبقى لى عشمك عشم الكلب فى موية الابريق ....

تحياتى
ابو مصطفى وكيل سابق للجرف تم فصله تعسفى وبدون حقوق وقضيته الان امام المحكمة الدستورية ؟؟؟

تحياتى
ابو مصطفى

من طرف **م بروي** الأحد 31 مارس 2013, 3:57 pm

ابو مصطفى كتب:
د/ حسين النافعابي كتب:طالما أنه الحكايه بقت فيها خرفان بدل العتدون والعنابليك كلنا تاني بي نجي ورادين الجرف ده إن شاء الله علنا نلقى لينا شموم
التحية للسادة المرور ............. ويا دكتور حسين .. اذا كانت علاقتك سمحة مع سيد الجرف ... احتمال تلقى شموم او عضم كبير او لحيمات فى صحن مشويه
ويدخلوك لاجوة ( اذا دفعت ريال ريالين فوق الجماعة ما دى طريقة سيد الجرف يعزل الناس زى التمر ) لكن اذا كنت من العامة وعلاقتك ماكويسة مع سيد الجرف ... احتمال كسرى بى سليقى وزايدنها موية ما تلم فيها ............... فانا نصحتك قبل كده وانت دخلت اخوك اللخى ودخلتنا مع سيد الجرف فى مشكلة واسع جاى فى كرامة سيد الجرف عشمان فى عضم ...... يبقى لى عشمك عشم الكلب فى موية الابريق ....

تحياتى
ابو مصطفى وكيل سابق للجرف تم فصله تعسفى وبدون حقوق وقضيته الان امام المحكمة الدستورية ؟؟؟

تحياتى
ابو مصطفى

لو داير من الجرف شيلك شمامه وقرون
لو داير المحاكم محلها بوست تاني
لو داير الشموم شيلك عضم

شمامة وقرون ---والله
سيد الجرف ماقصر مع ود اختو—الايبقى داير مشاكل براهو –لكن برضو زيدو-عجور وبينضورة
وتكون ريحتا منسمى

من طرف **ابو مصطفى** الأحد 31 مارس 2013, 4:48 pm

سلمان عقيد النعوفابى كتب:شمامة وقرون ---والله
سيد الجرف ماقصر مع ود اختو—الايبقى داير مشاكل براهو –لكن برضو زيدو-عجور وبينضورة
وتكون ريحتا منسمى

والله يا ودعقيد انت داير تبقى لخبات على الكبر ............؟؟ اى لخبات .......؟؟؟ شمامة وعجور بس .....؟؟؟ انا هو كنت وكيل الجرف كلو ... بى حميرو وغنمو ... السارحات والمطلقات والمدوعلات .... وبى مزارعيتو ....... السايق ليهو شمار او قمح او ترمس او عيش ريف (مصباح دخل زراعة عيش الريف فى الجرف ) وقام خالى سيد الجرف فصلو من التومين حق المزارعية ...... وفصلو من تومين الحلة .. وقالوا تمش تصرف تومينك من ناس على الازرق فى العوناب ..... لكن بينى وبينك مصباح راجل مسكين اكلها فى بطنو لى يوم الليلة خلى الزراعة ومشى يقراء والطيرة البى عدلها ؟؟؟؟؟؟؟؟؟ تجى انت يا ودعقيد تقول لى خالك ماقصر ؟؟؟؟ على اليمين انا حقى كاش بول بقرة ............والا المحكمة الدستورية ....

تحياتى
ابو مصطفى

من طرف **م بروي** الإثنين 01 أبريل 2013, 2:10 pm

سلمان عقيد النعوفابى كتب:شمامة وقرون ---والله
سيد الجرف ماقصر مع ود اختو—الايبقى داير مشاكل براهو –لكن برضو زيدو-عجور وبينضورة
وتكون ريحتا منسمى

وصفت لك الكديسي؟
لا تحرمنا من وجودا يشنف الأنفس
ويسعد الخاطرالمبحوح
شيلك طماطمايايه وعجورتين
بالله ياسلمان شفت طماطم الجرف طعموا كيف؟
برضو لما يعصروها مع الملح والبصل وقراصه حاره
اااااخ جعت

من طرف **م بروي** الإثنين 01 أبريل 2013, 2:13 pm

ابو مصطفى كتب:
سلمان عقيد النعوفابى كتب:شمامة وقرون ---والله
سيد الجرف ماقصر مع ود اختو—الايبقى داير مشاكل براهو –لكن برضو زيدو-عجور وبينضورة
وتكون ريحتا منسمى

والله يا ودعقيد انت داير تبقى لخبات على الكبر ............؟؟ اى لخبات .......؟؟؟ شمامة وعجور بس .....؟؟؟ انا هو كنت وكيل الجرف كلو ... بى حميرو وغنمو ... السارحات والمطلقات والمدوعلات .... وبى مزارعيتو ....... السايق ليهو شمار او قمح او ترمس او عيش ريف (مصباح دخل زراعة عيش الريف فى الجرف ) وقام خالى سيد الجرف فصلو من التومين حق المزارعية ...... وفصلو من تومين الحلة .. وقالوا تمش تصرف تومينك من ناس على الازرق فى العوناب ..... لكن بينى وبينك مصباح راجل مسكين اكلها فى بطنو لى يوم الليلة خلى الزراعة ومشى يقراء والطيرة البى عدلها ؟؟؟؟؟؟؟؟؟ تجى انت يا ودعقيد تقول لى خالك ماقصر ؟؟؟؟ على اليمين انا حقى كاش بول بقرة ............والا المحكمة الدستورية ....

تحياتى
ابو مصطفى

وكلناك واكلناك
تاني داير شنو؟
شيلك عيشة ريفايه
_______________
لقبه
سرقي من الجرف ...لا
شتايم....لا

من طرف **عباس محمد** الإثنين 01 أبريل 2013, 8:22 pm

السلام يصلك معلب للجرف والفيه ساكنين