جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **عباس محمد** الإثنين 01 أبريل 2013, 8:22 pm

السلام يصلك معلب للجرف والفيه ساكنين

من طرف **ابو مصطفى** الثلاثاء 02 أبريل 2013, 2:25 pm

عباس محمد كتب:السلام يصلك معلب للجرف والفيه ساكنين

السلام يصل الماسكين ام ديك ........... السلام لكل الماسكين الموية قارعين ؟؟؟؟

تحياتى
ابو مصطفى

يا أخوانا سيبكم من الحجه والنقه الكتيره شوفو لينا خبر اللحم والمشاوي والمصاوط والعكوكي

من طرف **م بروي** الثلاثاء 02 أبريل 2013, 4:18 pm

جوعتنا يازول ...نسيت التكاع واللا شنو؟
حانزل ليك فيديو قريبا ناس محمد ود عمر جنب خلوة النافعابي ..
ابو النسب الظريف عباس برضو حأهديك فيديو من عند بابور العطمانين والعوين يعوموا منظر يخلي الزول مخو يغلي على حاكومة السجم دي

يا أخي الجماعة شابكننا السلامات والجرف نزل والجرف طلع

الجرف إن بقى ما جاب الكبشون السمان وخبر الكلات وحلة السوق عند حسن سكينة يبقى ماه نافع ولا رأيك شنو ياملك

ملك فقاعة وملك القوز جوعتونا
مالكم علينا مقرمننا من الصباح مع الكيلو البقا بى 60 ونحنا قولنالو فى 60
قلبة لقبة :
دار الحوار التالى عبر الهاتف بين المرحوم المقبول والرائع كلوشين :
كلو : يا المقبول إنت وين
المقبول : فى مرزوق
كلو : عاد برى من سناحتك
المقبول : مالك فى شنو ؟
كلو : يسمع المقبول صوت خروف عبر الموبايل ( بااااع بااااع )
المقبول : أوع تقول لى ضابح
كلو : نان هو جنس خروف بج وضهرو شبرين ، وفى الضل يناهت من السمن
المقبول : ما هو فى الرزق عاد
كلو : ( بعد 10 دقائق ) يا المقبول إنت وين الخروف إنضبح وانسلخ ولحمو أرقط
كلو : يتصل كل 5 دقائق ( الخروف إتسلخ ‘ الخروف نزلو فى الصينيى واسع انا آكل فى الكلو بعد مليتا فى الشطة والدكوة والليمون ) وتانى يقفل الخط ويتصل تانى يا المقبول إنت يا السنيح لسع فى مرزوق ونحنا ناكل فى المرارة وتانى يقفل الخط
آخر إتصال : يا المقبول المساوط نجض وإنت ليليلى فى مرزوق ، والله أكان دنا أكان ركبت جيت
تسلموا أيها الرائعون

من طرف **م بروي** الثلاثاء 02 أبريل 2013, 6:10 pm

د/ حسين النافعابي كتب:يا أخي الجماعة شابكننا السلامات والجرف نزل والجرف طلع

الجرف إن بقى ما جاب الكبشون السمان وخبر الكلات وحلة السوق عند حسن سكينة يبقى ماه نافع ولا رأيك شنو ياملك

جرف هو واللا جزاره؟
هنا حدجاجايات و تبش وقرون وطماطمايات وعيش ريف
ويمكن بتيخايه وكلام زي ده
داير المساوط اختانا كده شوف اللخي وين
عالم تاكل المافي رزقها
الله يعينك ياملكي
اعملي ليهو سندوتش لحمه
وامليهو شطه عشان تطيرو
من حاجه اسمها لحم
قرقرقر

من طرف **ابو مصطفى** الثلاثاء 02 أبريل 2013, 11:58 pm

اياكم اياكم والكلة ولحم الخرفان هنا فى الجرف ؟؟؟؟ اول عونول بت كبجون فاقدى حمل جنى ثلاثة شهور مطلوق يرعى فى الجرف ؟؟؟؟؟ ولى دريبك دا ؟؟؟ المتهم يعلم بيهو الله ؟؟؟ لكن انا عارف ؟؟؟

تحياتى
ابو مصطفى

من طرف **م بروي** الأربعاء 03 أبريل 2013, 1:25 am

سامى احمد محمد كتب:ملك فقاعة وملك القوز جوعتونا
مالكم علينا مقرمننا من الصباح مع الكيلو البقا بى 60 ونحنا قولنالو فى 60
قلبة لقبة :
دار الحوار التالى عبر الهاتف بين المرحوم المقبول والرائع كلوشين :
كلو : يا المقبول إنت وين
المقبول : فى مرزوق
كلو : عاد برى من سناحتك
المقبول : مالك فى شنو ؟
كلو : يسمع المقبول صوت خروف عبر الموبايل ( بااااع بااااع )
المقبول : أوع تقول لى ضابح
كلو : نان هو جنس خروف بج وضهرو شبرين ، وفى الضل يناهت من السمن
المقبول : ما هو فى الرزق عاد
كلو : ( بعد 10 دقائق ) يا المقبول إنت وين الخروف إنضبح وانسلخ ولحمو أرقط
كلو : يتصل كل 5 دقائق ( الخروف إتسلخ ‘ الخروف نزلو فى الصينيى واسع انا آكل فى الكلو بعد مليتا فى الشطة والدكوة والليمون ) وتانى يقفل الخط ويتصل تانى يا المقبول إنت يا السنيح لسع فى مرزوق ونحنا ناكل فى المرارة وتانى يقفل الخط
آخر إتصال : يا المقبول المساوط نجض وإنت ليليلى فى مرزوق ، والله أكان دنا أكان ركبت جيت
تسلموا أيها الرائعون

يا سلام على الكلام السمح ده
كلوشين والمقبول الله يرحمه ظرفاء بلدنا
ضحكتني ستين في ستين
يازول انت اديب كامل كامل
لقبه
اهلنا انكسر بيهم اللوري في الخلاء
اليوم الأول اكلوا كل ما معهم من زواده
اليوم التاني الجوع شممن مصارينن
واحد يحكي قال
يا خوانا والله قبل سنتين نحنا اتكسربنا اللوري
في المحل ده ذاتو ...لكن لحسن حظنا
مديني بت صالح كانت
سايقاليها خروف موداهو لي ولدها سمايه
دفعنا ليها حق الخروف
الصادق ضبحوا تحت الشُدره ديك
سلخناهو وقطعناهو وكان سيد اللوري
عندو الشطه والملح ومديني قالت عندها ليمونات
بالله شلنا المويه من القربي وغسلنا الكبده سمح
وقطعناها وضرضرنا فوقها الملح والشطه
وقطعنا ليمونتين مصرناهن فوق الكبده
واحد قالوا احححححه شطتها حاره؟؟؟؟
قرقرقر

من طرف **ابو مصطفى** الأربعاء 03 أبريل 2013, 2:11 am

خالى قالوا جاى .......... رابط خروف دعول......... من زمن المهدية داخلى على امدرمان .......... هديتى جلابية سكروتة عندها لياقة ... زى الزول المجبص ..... اخير ابيع خروفى ؟؟؟؟؟ دب ؟؟؟ دب ؟؟؟؟

تحياتى
ابو مصطفى

من طرف **م بروي** الأربعاء 03 أبريل 2013, 2:14 am

ابو مصطفى كتب:اياكم اياكم والكلة ولحم الخرفان هنا فى الجرف ؟؟؟؟ اول عونول بت كبجون فاقدى حمل جنى ثلاثة شهور مطلوق يرعى فى الجرف ؟؟؟؟؟ ولى دريبك دا ؟؟؟ المتهم يعلم بيهو الله ؟؟؟ لكن انا عارف ؟؟؟

تحياتى
ابو مصطفى

لما مشينا المدينه
عمك الملك اتلحنا بالمساوط والمشوي
والمحمر والشوربات والملكي ايدها طاعمي
وطباخه ماهره....خالك قال للملكي بتاعتو
(نحنا لو مرقنا من المدينه دي بلاقاوت
تاني عوجي ما بتجينا)

السلام يصلك معلب للجرف والفيه ساكنين
السلام ليك وللعصير بى جرف فقاعة نازلين
السلام من راس الجزيرى والقوز ولى بلد اللمين
السلام لى العبباسة ولى ود عيسى وحتى العطمانين
السلام للمتيرة وشفعا البى تحت ديمة حايمين
والسلام يقطع غرب يشغى الصغيراب والحنانين
والسلام للنعوفاب للبيوت وللجروف وحتى الدكاكين

ناس الجرف سلام مشكوك سبح دفيق

يزين لي رقاب الجيد

يكفكف دمعة السادرين والواردين

يحلحل من نفوسنا الضيق

ونحنا نضيق

سئمنا خلاص من المطيق

خروفكم وين

ويبقي سمين

مدوعل من تلاتة سنين

بعد ما نضرب الشيات والونسات والشربات

ماهماني حتي كان بقيت كاويق

من طرف **م بروي** الأربعاء 03 أبريل 2013, 2:57 pm

سلمان عقيد النعوفابى كتب:السلام يصلك معلب للجرف والفيه ساكنين
السلام ليك وللعصير بى جرف فقاعة نازلين
السلام من راس الجزيرى والقوز ولى بلد اللمين
السلام لى العبباسة ولى ود عيسى وحتى العطمانين
السلام للمتيرة وشفعا البى تحت ديمة حايمين
والسلام يقطع غرب يشغى الصغيراب والحنانين
والسلام للنعوفاب للبيوت وللجروف وحتى الدكاكين

هناك فوق اللشيو تلقانا واقفين
نعاين للنعوفاب و الحنانين
ونرسل للسلام لامد ولا هين
اجمل خلقو فوق الواطه ماشين
حلاة ناساً يعجبوناالسسميحين
نكورك بالفرح تحلف مجانين

من طرف **م بروي** الأربعاء 03 أبريل 2013, 3:05 pm

ود عون الله كتب:ناس الجرف سلام مشكوك سبح دفيق

يزين لي رقاب الجيد

يكفكف دمعة السادرين والواردين

يحلحل من نفوسنا الضيق

ونحنا نضيق

سئمنا خلاص من المطيق

خروفكم وين

ويبقي سمين

مدوعل من تلاتة سنين

بعد ما نضرب الشيات والونسات والشربات

ماهماني حتي كان بقيت كاويق

قمرا في الكراع سطاع
ما بنتعب من الشليق
الشوق زي بحر حلتنا
الهايج عريض وغريق
التربال خدم جعان
وطلتكم تفك الريق
القماح على النوريق
والعصاره مالي طبيق
قمحاً زي ضهب لصاف
لافتريته لاهو مريق
(منك لله..ضحكتنا بالكاويق)

من طرف **عباس محمد** الأربعاء 03 أبريل 2013, 7:44 pm

ادب يدرس
بدل الكشكول الزمان
رائعيييين

قمراً فى الكراع سطاع يجبرك على الشليق

حلاة تمراً نجض حصدوه ما خلولنا كمريق

حارسنوا الأصال زاربنو كم علولو السبيق

الضاق طعمو لى حولين يحرك خشمو مطيق

كان من تمرو اكلت السبعة بالريق

ماظن تانى تمرض ولا تشوف ضيق

حليل الفاتو ياناس ضرب الشريق

متين يرجعلو تانى حبيبو ليهو يعلى السبيق

يحسحس لى جريدو وشتلو قبال يبقى دفيق

يلملمو كوم يربطو كلو كليق

يروشن بيهو راكوبتاً وهيطى وسيعى ما ضيق

ومعاى عمدة جرف روكتنا وملك القوزالرفيق

نجيك زيارة نشبع من لحم كبشا سمينا مو عنيبليق

نخلى الغربة نرجع نقضى باقى عميرنا بين شريك ونشيق
ــــــــــــــــــــــ
يسلم المرور الكرام أهل الروعة والإبداع

ــــــــــــ

من طرف **م بروي** الجمعة 05 أبريل 2013, 2:05 am

شكراً الملك عباس
وجودك ادباً شفيف
نورت يا ابو النسب الحبيب

من طرف **م بروي** الجمعة 05 أبريل 2013, 2:09 am

سامي الجميل
هسع قصيدتك الطويله دي نسوي
زيها كيفن .. رفعنا الكاكايه
جنب الشقلايي ديك في بتيخي نجضت
و سلكايتها يبست شيلها ما تدي
معاك الفكي...قرقرقر
عشان خلانا

م بروي كتب:سامي الجميل
هسع قصيدتك الطويله دي نسوي
زيها كيفن .. رفعنا الكاكايه
جنب الشقلايي ديك في بتيخي نجضت
و سلكايتها يبست شيلها ما تدي
معاك الفكي...قرقرقر
عشان خلانا

شاعرنا الجميل تحايا وأشواق لك وللواردين إلى جرفك العامر
البتيخى النجضت وسلكايتا نشفت دى جبتها من وين ( إلا كان إتعلمتها من سرقة بتيخ أهلك الضقولة )
هههههههههههه
صاحبك المرحوم المقبول قال ( كرهتى شيل البتيخى وقوادة النعجى )
تسلم

من طرف **م بروي** السبت 06 أبريل 2013, 12:53 pm

بقالك يا صديقي
مع عوين فقاعه في بتيخي
بي تقعد لمن سلكايتها تيبس
ما بيسرقوها بيضاء.
طبعا ما نشوف السكايي اليابسي
الا في الضقوله
ماحضرتوا يا سامي(الحرب) كل يوم بعد
المغرب بين اولاد فقاعه واولاد المتيره
حتى الكريان(كري) كانوا يشتركوا في الحرب
ودق جد بالجريد..الداعي شنو ما عارفو
تسلم يا سمح

سلام أهل الجرف وأعلكم طيبين

جيت نازل دغيشاً بدري مع شقة الفلاج قلت أصبح على الجماعة في جرفن ولكن جيت لقيت حس الشعر منور في السماء وعجاجتو رابطي وأنا أصلي الشعر ده ما عندي معاه مباصرة

ولكن قلت أهدي هدية صباحية لكل الواردين الجرف مع الصباحية

ولكن عندي هدية خاصة مدسوسة للزعماء أبو مصطفى وخاله ود البروي والزعيم سامي

أقولهم إن شاء الله صباحكم بي صباح جزر القمر

لكم التحايا الخالدات من كل غيث صادق الرعد والبرق أيها الرائعون

ملك قوز حمدانة سلام وتحايا وأشواق
هديتك مخيفة ومضحكة شديد
الحمد لله جماعتنا ما بيعرفو جنس دا
تسلم يا رائع

من طرف **م بروي** الأحد 07 أبريل 2013, 8:28 pm

ــــالرائعون محطهم هنا
ـــــــــالرجاله ملحوقه
ــــــــــــــــرفعوا الكاكايه
ـــــــــــــــــــــ عاقلين

م بروي كتب:
ــــالرائعون محطهم هنا
ـــــــــالرجاله ملحوقه
ــــــــــــــــرفعوا الكاكايه
ـــــــــــــــــــــ عاقلين

رجالة شنو مع الزى دى
دى عندها رأى فى جون سنا وكلاى زاتم
أصلو زى دا ولا رأينا ولا سمعنا بى من مشينا
رد الله غربتكم
تسلموا السمحين بلحيل

عشان كل واحد يحمد الله على الزوجة الصالحه الطيبة المعاه ويبوس إيدو وش وقفا أحسن تتبطروا على النعمة ربنا يبتليكم بواحده زي الشفتوها

من طرف **م بروي** الإثنين 08 أبريل 2013, 7:12 pm

د/ حسين النافعابي كتب:عشان كل واحد يحمد الله على الزوجة الصالحه الطيبة المعاه ويبوس إيدو وش وقفا أحسن تتبطروا على النعمة ربنا يبتليكم بواحده زي الشفتوها

في واحده جات ماشه جنب السكه حديد
شافت قطر البضاعة مليان لي ودعينو معوز
قالت يا اخواني المعوز ديل مودنهن وين؟
قالوا ليها ديل ما معوز ...ديل تيوس صُرُف
مصدرنهن لسلطنة عمان ..قالت وووب علينا
الشباب كلهم سفروهم والتيوس سفروهن نان يا اخواتي
نحنا والمعوز البعرسنا منو؟؟؟
زي المرا البي تدق الرجال مع شناتها دي
أخير الواحد يعرس عز..عشان كل مرة تقولها
(هوي يا العز دي ولا بتزعل ولا شيتين ولا بتدقك كمان.
تحياتي لملكنا وزعيمنا

من طرف **ابو مصطفى** الثلاثاء 09 أبريل 2013, 11:53 pm

سلام مكشوح ماروق ؟؟؟؟؟؟؟؟؟؟ مكشوح ماروق .... ماهو شايلنو بى قليبى ؟؟
شايلنو فوق رحل ؟؟؟؟ وكشحوه فى واطات السمد ؟؟؟
وناس خالى محمد ودبروى ترابلة ودكتور حسين سمد الساقى ... وسلام وتانى سلام
تخريمه :--------
اسع دا كلام ......... فى ناس اما خرفو او مسا------

تحياتى
ابو مصطفى

من طرف **م بروي** الجمعة 12 أبريل 2013, 4:16 am

بمناسبة التيوس
أخ لنا في البركل قال زمان في بلدياتن في السجانه
عندو تيس يأجروا بي 25 قرش(طراده) كان يقول
للزول الجايي يستأجر التيس امش عند الدكان
داك تلقى واحد اسمو فلان اديهو عشره قروش
يجيبلك التيس وباكر يرجعو لينا..قال أنا
مبسوط جداً لأنهم يستأجروا التيس بخمسه
وعشرين ويأجروني أنا بعشرة قروش.
قرقرقرقر
صديقي الطيب
بدل السفر احرس الجرف
والعشرة مضمونه
لقبه
كلام تاء سفر ده ما تفكري فيه
تأب كتير فايده مافي وقروش ما بتلمي

من طرف **الفكى احمد** الجمعة 12 أبريل 2013, 7:26 am

مرحبتين حبابكم ناس جرفنا الروكة
القـريبين بى جاى وللمن بعيد بى هنوك
أصلى كنت مشغول وقطيعتى متروكة
عليــــها تانى بـَلالى دريبى ساهوكه
... تنستر الشبيـكة تخـلى لكـلـوكـه
جمعة مبركة وتصبحوا بألف خير ...

من طرف **ابو مصطفى** الجمعة 12 أبريل 2013, 2:04 pm

الفكى احمد كتب:مرحبتين حبابكم ناس جرفنا الروكة
القـريبين بى جاى وللمن بعيد بى هنوك
أصلى كنت مشغول وقطيعتى متروكة
عليــــها تانى بـَلالى دريبى ساهوكه
... تنستر الشبيـكة تخـلى لكـلـوكـه
جمعة مبركة وتصبحوا بألف خير ...

الفكى .......... امس جونا ناس من حلة ودعيسى ؟؟؟؟ وناس من المتيرة ؟؟؟ وناس من العطامانيين ؟؟؟ وقالوا ياجماعة عندنا شكوى فى زولكم الفكى ؟؟؟؟
والكلام دا قالوا عثمان ودسليمان ودطه ؟؟؟؟ من المتيرة ؟؟؟؟ وبالعربى كده قالنا زولكم دا كم سنة قطعته بايرة ؟؟؟؟ دحين ياصاحبى ماتعمل فيها اضان الحامل طرشه ؟؟؟؟؟
انا حذرتك قبل كده وبصفتى الوكيل الشرعى للجرف ؟؟؟ احذرك من الكسل والغيبة الطويلة وجعل الارض بورا ؟؟؟؟ لابد من الحضور فى زمن الموسم انشاء الله تزرع كركدى ؟؟؟

تحياتى
ولى عودة
ابو مصطفى

من طرف **abuahmed** الجمعة 12 أبريل 2013, 3:58 pm

الاخ ودبروي واهل الجروف

سلام

عما لينا من ناس شري يحب الصفقة والطمبور، يموت فيهن موت، دقت الدليب والطمبور هو طوالي داخل الدارة.

في أوائل الانقاذ قاموا ناس حسن الصادق منعوا الحفلات وبقت الاعراس والبواشي ضلها ميت، وعمنا زول شري الحديث ده ماهو عاجبو.

في يوم من الايام قامت مجموعة من ناس شري مشوا عرس في برتي ومعاهم عمنا زول شري,واجروا لوري وعندما وصل اللوري مشارف برتي عمنا زول شري شاف اللمة في نص البرود (ضلها سماها) ، والصفقة والطمبور عاكلي, والزغاريت ليرب السما والرقيص والناس في قمة البهجة.

عمنا زول شري مسكتو الحالة، فاول ما وقف اللوري تلب منه ووضع نعلاتو في اباطو، ودموعو سالت، وقام جاري علي مكان الصفقة وهو يصيح باعلي صوته ( أريدك يا برتي المافيكي انقاذ) ( أريدك يا برتي المافيكي انقاذ) ( أريدك يا برتي المافيكي انقاذ) معبرا عن احتجاجه علي قرارات حسن الصادق في شري.

نحن زي عمنا زول شري لامن يكتر الكع والكرع في المنتدي نيمم بوستات ود بروي ونكورك (نريدك يابوستات ودبروي المافيكي كع وكرع) (نريدك يابوستات ودبروي المافيكي كع وكرع) (نريدك يابوستات ودبروي المافيكي كع وكرع).

ود بروي عوافي

هوووووووووووي يا ناس
الشئ ده جرف!
ماهو تيوس..
الليلي فاطني بت سليمان بي تدقكن.. خربتو قطعتا الفي مشرع الحلي. والتيوس أكلن اللوبا..

من طرف **م بروي** السبت 13 أبريل 2013, 3:51 am

الباشمهندس الفكي وابومصطفى
وابواحمد
والباشمهندس صديق واللع اتاري
الجرف عامر بيجاي وانا في حوش
بت العنايي اقسم في الجبا
لوم ضكر...
حا ارد عليكم بس ابدأ من الآخر
لأنو الأول فيهو قصيده اكبر من قدراتنا
عارف يا صديق امامنا في مسجدنا
الشيخ سعيد مسفر مره قال يقولوا
كشف الوجه والكفين ..قال هو في
حاجه تجهجه الرجال زي العيون..
يا اخوانا العنزاجمل مافيها
عيونها ..لو لبست العنز عباية
وولبستها برقع يكشف عيونها
وركبتها في الكرسي الأمامي للسيارة
حتلاقي الشباب كلهم طاحو فيها
(قرقرقر شباب يطيح في العز لاخيرفيه)
دي بمناسبة المعوز والتيوس
تسلموا يا احبه نحنا طحنا فيما كتبتم

من طرف **الفكى احمد** السبت 13 أبريل 2013, 5:42 am

أعلكم شُـدُدَه ياأهل الجرف
لَى منكم مده ياناس الجرف
فى ظرفا حصل كان منو لابُد
وبرجع ليك عُقُب يالقلت أنا العمده

وتصبحوا أنتم والجرف على خير ...

من طرف **ابو مصطفى** السبت 13 أبريل 2013, 3:20 pm

انا واعوذ بالله من كلمة انا وكيل الجرف ؟؟؟يا الفكى ؟؟؟؟ انت قايلها طلاقيت ؟؟؟؟؟
ورينت وطلقت بقرها ؟؟ طول نفسك ؟؟؟؟ وتعال ممهول نحن راجنك كم سنة ؟؟

تحياتى
ابو مصطفى

من طرف **الفكى احمد** الأحد 14 أبريل 2013, 4:45 am

بمناسبة المرأة الفتوة والتى أوردها فى هذا الجرف أخونا د. حسين ، تذكرت نكته ظريفة للفنان
أبداؤد عليه رحمة الله ، فقد ذكر أنه وأثناء مروره بعربته فى طريقه للإذاعة ، رأى ثلاث نسوة كن
سائرات بجانب الطريق وقد توقفن لإلتقاط أنفاسهن ، فتوقف بجانبهن وسلم عليهن فعرفن أنه أبوداؤد
فقال لهن أركبن لأقرب لكن المسافة ، وقد كن من الحجم ، ماشاء الله ، وأثناء السير قال لهن ، لقد
عرفتننى ولكنى لم أعرفكن ، فقالت له إحداهن أنا إسمى دار النعيم وهذه دارالسرور وهذه ...، فهنا
إعترض حديثها أبداؤد قائلا لقد عرفتها ، إنها دار الرياضة ...

من طرف **خالد عابدين** الأحد 14 أبريل 2013, 8:27 pm

التيوس صدروهن والمعوز هنا ذاتن علمن الله الجزازير زازوهن جزر تعاين في الجزاره من بعيد تشوفه رقته تقرب تلقى الضنيب مقطوع لكن الحروم ده الايتم عمل التعددية واقترح يبدأ اعمامنا ناس ودالبروي ومصباح وابحنه وهاشم الجزولي والعمده ابومصطفى - هو عمدة البخت ده كان مابقى عنده 4 حريم عموديته اش لهجته
صح ايعمده صح
انا اقصد كل السودان والدول المجاوره

من طرف **م بروي** الأحد 14 أبريل 2013, 9:00 pm

الباشمهندس اثرى الجرف ..
بدري أنا قلت
الجرف ده اقوم اشاور باقي
الشركاء ونبيعو طالما اهم
عناصره خلاهو( الباشمهندس الفكي)
وكمان الريس فرهد بوجودو الجرف
ونحنا زعلانين من نادي الفيس بعد
ما سجل اهم لاعبينا
يا ريس انا الفيس مانفع معاي
ومعظمن شفع..واحد اعرفو وليد
صغيروووني وكاتب في الفيس
(يا دنيا ضيعتي عمري) عمرك
ياتو يابطل وإنت ليك باقي تطعيمات
لسع ما أخدتهم..
سعدت والله بحضوركم وانا أيد كلام
الريس واعتبرها اوامر كل واحد
يعرس اقل حاجه تلاته لفك بورات
البنات والحمد لله كتبت كلامك ده
هنا العناصر النسائية ما قاعد
تحوم بي جاي.
لو كتبت هناك كان جاتك المفاريك

من طرف **ابو مصطفى** الإثنين 15 أبريل 2013, 1:08 am

التحية للسادة المرو ر ؟؟؟
الباش مهندس الفكى والله نكه ؟؟؟ والله ابوداؤد هو ذاتو نكته ؟؟؟؟
لكن عاوز اقول ليكم حاجة ؟؟ الجرف اليومين ديل فيه جنس كلتيب ؟؟ كلتيب شديد ؟؟
وفى عسلة ضاربة اللوبيا ؟؟؟؟؟ وتحكى لى بت كبجون ؟؟؟ قالت قطعتها فى الزلومى
جابت ليها 2 اردب لوبيا صافى دروب ؟؟؟ درابه واحدة مافيه ؟؟؟ بعد رفعوا من التقه
وجاء تاجر اللوبيا ودكلمون ؟؟؟ السعر كعب ؟؟؟ كعب ؟؟ والسنة الفاتت نفس القطعة جابت 3 ارادب صافى كركجية ؟؟؟؟؟ وتم البيع فى سوق غرب شندى والسعر مجزى ؟؟
دحين عاوزين نشوف المشكلة دى فى البحر ؟؟؟ والله فى التيراب ؟؟؟

تحياتى
ابو مصطفى

من طرف **م بروي** الإثنين 15 أبريل 2013, 3:25 am

صديقي الطيب قريت ليك بي هناك كلام
ذكرني واحد عمل زراعة كلى بعد أن شارف على
الموت وفي لقاء له مع التلفزيون قال
ما كنت متوقع حا اعيش ابداً وذكر فيما ذكر
بأنو كان في مستشفى ابراهيم قاسم و صاحبو
ضرب ليهو تلفون قال ليهو انت هسه وين..
قال انا قلت ليهو (أنا هسه في في احمد شرفي..)
بسم الله أنا في أحمد قاسم) قرقرقر
فيا صاحبي تذكر احمد شرفي
القلتها انت في بوستيك في الاجتماعي
وما تسرق وتبيع منتوجات الجرف ده

من طرف **ود عون الله** الإثنين 15 أبريل 2013, 5:15 am

قاعات الحاضرات بالجامعة مكيفة وباااااردي

وكت نجي من الإجازة وفي الأيام الأولي كان واحد صاحبنا أول ما ندخل القاعة يدق النوم

تنتهي المحاضرة نصحيهو يقوم يدعك عييناتو ويلملم دفاترو وينهرنا ---يا خي ما تخلونا نتم نومتنا

نحن نجي الجرف ---يضربنا الهنبريب وتشيلنا النومة وتغلبنا الكتابة

من طرف **ابو مصطفى** الإثنين 15 أبريل 2013, 2:34 pm

بسم الله تلحقنا ........... الغزال الفوق فى السلم
كل يوم اصبحى فى هم
شمعدان نفسك يا امختم
المبارك شيخ الظهر .... شوفنى جنيت والله دستر
الفكى ودزينب زعلان ... داير يطق ؟؟؟ الفكى مهندس فى ليبيا ؟؟؟؟ وحات الله زعلان كيف ابو مصطفى يقول انا عاوز ابقى عمدة ؟؟؟؟ الفكى دا جاب لى الدساتير ؟؟؟ دسترنى واول امس شفتو شايل قفتو ومنجلو وحش من الجرف وغمت (غمتى )غمت ليهو
كم عجورة وكم شمامة ؟؟؟ ودساها فى اخر القفة وكمان حزم حزمة لوبيا كبيرى ودس فيها زير قرع كبير خالص ؟؟؟ انت يا الفكى اخير تقيف فى صف العمدة ووكيل الجرف لانى انا عندى شهود ؟؟؟؟
ويا خالى محمد انا مانى براى معاى جماعة كتار ياكلوا ؟؟؟؟؟ وهم ناس سلمان عقيد حتى قرون اللوبيا سوها بليلة ؟؟؟ والطماطم والقراصة تسوى البب؟؟ على اليمين بى ملح وشطة وطماطم الجرف الطاعمى والله تاكل ماتدى الجنبك ؟؟؟؟والعجب العجيب ان لقت ليها خيط سمن من سمن بت كبجون ؟؟؟ والخير راقد فى الجرف ؟؟ اول ابو مصطفى ما ياكل ؟؟؟ اصلو الجرف سيدو ذاتو ضربو هويد ؟الضربلو هويد يامسيكه
الضربو هويد ؟؟؟؟

تحياتى
ابو مصطفى

ملك فقاعة لك التحايا الخالدات من كل غيث صادق البرق والرعد

يا أخوي حكاية الناس تتزوج ثلاثة وأربعة ده شعراً ما عندنا ليه رقبة

موش التالتة والرابعة , التانية ما في طريقة ليها

أظن بجيكم الحصل لي رجالة جزر القمر مع تلك المرأة الفتوة

ربنا يستر ما تجي الشباشب والمفاريك والكمش طايره

من طرف **م بروي** الإثنين 15 أبريل 2013, 7:32 pm

ود عون الله كتب:قاعات الحاضرات بالجامعة مكيفة وباااااردي

وكت نجي من الإجازة وفي الأيام الأولي كان واحد صاحبنا أول ما ندخل القاعة يدق النوم

تنتهي المحاضرة نصحيهو يقوم يدعك عييناتو ويلملم دفاترو وينهرنا ---يا خي ما تخلونا نتم نومتنا

نحن نجي الجرف ---يضربنا الهنبريب وتشيلنا النومة وتغلبنا الكتابة

عما لينا مسعول من شغله تحتم عليهو يجمع
القروش ويسافر بيها..مره في واحده من سفراتو دي
رافقتو اختو..وركبوا القطر درجه رابعه وبالليل
صاحبنا نام نومة زولكم ده..فكل مره اختو تقول
ليهو (علي أخوي قوم لا تنوم انت شايلك قروش ناساً
ماها هيني آت تنوم) وبي كده القطر كلو عرف الزول ده
شايلو قروشا كتيري بس المغتي الله ما انسرقت..
اوعك تتعمق في النومه في جرفنا ده في ناس هنا يسرقو الكحل
لقبه
ـــ
ماتجي في الصيف ده لأبها عشان القرقراب نوصلو حدو

من طرف **م بروي** الإثنين 15 أبريل 2013, 7:41 pm

ابو مصطفى كتب:بسم الله تلحقنا ........... الغزال الفوق فى السلم
كل يوم اصبحى فى هم
شمعدان نفسك يا امختم
المبارك شيخ الظهر .... شوفنى جنيت والله دستر
الفكى ودزينب زعلان ... داير يطق ؟؟؟ الفكى مهندس فى ليبيا ؟؟؟؟ وحات الله زعلان كيف ابو مصطفى يقول انا عاوز ابقى عمدة ؟؟؟؟ الفكى دا جاب لى الدساتير ؟؟؟ دسترنى واول امس شفتو شايل قفتو ومنجلو وحش من الجرف وغمت (غمتى )غمت ليهو
كم عجورة وكم شمامة ؟؟؟ ودساها فى اخر القفة وكمان حزم حزمة لوبيا كبيرى ودس فيها زير قرع كبير خالص ؟؟؟ انت يا الفكى اخير تقيف فى صف العمدة ووكيل الجرف لانى انا عندى شهود ؟؟؟؟
ويا خالى محمد انا مانى براى معاى جماعة كتار ياكلوا ؟؟؟؟؟ وهم ناس سلمان عقيد حتى قرون اللوبيا سوها بليلة ؟؟؟ والطماطم والقراصة تسوى البب؟؟ على اليمين بى ملح وشطة وطماطم الجرف الطاعمى والله تاكل ماتدى الجنبك ؟؟؟؟والعجب العجيب ان لقت ليها خيط سمن من سمن بت كبجون ؟؟؟ والخير راقد فى الجرف ؟؟ اول ابو مصطفى ما ياكل ؟؟؟ اصلو الجرف سيدو ذاتو ضربو هويد ؟الضربلو هويد يامسيكه
الضربو هويد ؟؟؟؟

تحياتى
ابو مصطفى

صاحبي الطيب
انت لسه بتسأل في المبارك ياعمده؟
زي ما قال الريس(آه يا ولاد النيل)

من طرف **م بروي** الإثنين 15 أبريل 2013, 7:54 pm

د/ حسين النافعابي كتب:ملك فقاعة لك التحايا الخالدات من كل غيث صادق البرق والرعد

يا أخوي حكاية الناس تتزوج ثلاثة وأربعة ده شعراً ما عندنا ليه رقبة

موش التالتة والرابعة , التانية ما في طريقة ليها

أظن بجيكم الحصل لي رجالة جزر القمر مع تلك المرأة الفتوة

ربنا يستر ما تجي الشباشب والمفاريك والكمش طايره

شوقا لامن يمعط باقي الشعيرات يا ملكنا (الخواف)
انت الفقير مصباح ما أداك صُره مصفحة ضد المفاريك والكمش
لو ما أداك بجيبها ليك بس خت الكرا...والله الا اخلي ليك
الملكي تكوس الشناقيط أينما حلو

لكن الحروم ده الايتم عمل التعددية واقترح يبدأ اعمامنا ناس ودالبروي ومصباح وابحنه وهاشم الجزولي والعمده ابومصطفى - هو عمدة البخت ده كان مابقى عنده 4 حريم عموديته اش لهجته
صح ايعمده صح

غايتو يسلم الريس خالد عابدين.. أدانا تصريح هن قدر.. للعرس..
عاد نعرس في جرف ود بروي ده والله شنو؟ قطع الرحط يسوهو وين عاد؟ في حجار مشرع الحلي؟ جنب الحرازي؟ والله جنب بيت بت العنايي؟ والله جنب بيت أب حريبة محل الذكر والليليي؟

من طرف **ابو مصطفى** الإثنين 15 أبريل 2013, 11:18 pm

المرور سلام ......... من هنا ولامت السماء يلاقى الواطه ..............
اول حاجة شوف ياخالد عابدين ..... منو القاليك العمدة ماعندو 4 نسوان ؟؟؟؟
انت ياريس نائم وماجايب خبر ..........حتى الزواج بقى عندو طرق ماعندها حد
فى جرف ودبروى ... مسيار--------- متعة------- عرف------- سنة
خم شيل ياريس ديل اربعة والله ماهن اربعة ؟؟ اوعك تانى اسمعك تتكلم فى زواج العمدة ؟؟؟؟ ونسوان العمدة ؟؟؟؟؟
ارجع لى دكتور حسين ............ صاحبى ودبروى يا دكتور رافع الراية ؟؟؟
على اليمين ؟؟؟؟ كان قالوا ليهو هج يقع البحر بى هدومو ... الزول ما نعامى ؟؟؟
لكن صديق ابحنة وهاشم الجزولى ديل ما بعرفهم ممكن يزوجوا تانى ؟؟؟؟
والبلد عامرى ... والجرف عامر ..... كدى يا صديق زح شوية خلنى اللشوف
البنوت ديك فى طرف الجرف بنات منو ؟؟؟؟؟؟
عرفتهم ............ عرفتهم ..... حرم وقعتو .... الدهب محروس ....
بس كيف انتو تبقوا عشرة ؟؟؟؟؟

تحياتى
ابو مصطفى

من طرف **م بروي** الثلاثاء 16 أبريل 2013, 6:22 pm

شوفوا يا دكتور ويا الطيب الرجاله البي الصح اتكربوا اوعكم تقيفوا لي في السبعه والتمانية
باشرت المحكمة الشرعية في إعلان أحد الأزواج عن طريق السفارة السودانية في الدولة التي يقيم بها بعد أن رفعت عليه زوجته دعوى شرعية لزواجه من (11) سيدة أخرى عليها ولم يتبين بعد ما أن كن جميعهن بعصمته أو أنه يحنفظ بأربعة منهن وفقا لإحكام الشريعة الإسلامية التي يدين بها .

وكانت الزوجة الشاكية قد تقدمت بعريضة دعوى إلى المحكمة الشرعية مدعيه فيها أن بعصمة زوجها (11) سيدة أخرى غيرها ، ولم تستطيع الشاكية تأكيد ما إن كان زوجها قد إحتفظ بها ضمن الأربع الشرعيات أم تزوجها عليهن لتمكين المحكمة من إعتبار زوجها فاسدا أم لا .

وحددت المحكمة جلسة أخرى ريثما يصل إعلانها للزوج لتمكينه من الرد على الدعوى المرفوعة عليه من زوجته التي لا تعرف (رقم قميصها) في خانات المنتخب النسائي لزوجها .

صحيفة حكايات

عالم ترجف عشان مجرد تدبيل!!!!
وعالم تدسدس في خبر التدبيل سنين عددا..

عليكم الله شوفو الزول المفتري ده حدااااااشر .. وكأن شيئاً لم يكن.. وبراءة الأطفال في عينيه؟؟؟؟؟
لينا فالو أنا ومنو يا ربي؟؟؟؟

من طرف **م بروي** الثلاثاء 16 أبريل 2013, 6:56 pm

منقووووول
كلام وزيرة الثقافه الجزائريه
الملعونه اخير منها وزيراتنا الحراميات
في خرمجة إعلامية صادمة ، صرحت وزيرة الثقافة الجزائرية بكلام أقل مايقال عنه أنه شاذ وسيثير العديد من القلاقل بين التيار العلماني والتيار المحافظ ، وسيزكي من أطروحة هذا الأخير الذي لطالما أكد على أن العلمانيين يمارسون التقية بألمعية قل نظيرها ، ويخفون حقيقة مواقفهم العدائية للإسلام ويغلفونها بكليشهات لم تعد تنطلي على أحد .
خليدة مسعودي وزيرة الثقافة الجزائرية تقول : "الصلاة أكبر إهانة للإنسان .. لا أؤمن بالزواج .. أتأسف على الأموال التى تضيع في سبيل الحج وكان الأولى أن تبنى بها قاعات سينما ؟؟؟
نعم هذا ما قالته وزيرة بوتفليقة فى الحديث التى أجرتة معها الصحيفة الصهيونية الفرنسية إليزابيث شملا ... والموجود في كتابها التي وضعته بعنوان (خليدة مسعودي جزائرية واقفة) وهذا الكتاب كلة سب وشتم للإسلام والعربية والوطن .. للأسف الشديد .. سب تشيب له الولدان نورد فقرات منه امام الأخوة القراء ..