اقتراح المران الاسبوعي للنقاش

حازم كتب: سلام خال ابرار
اقتراح جميل والميادين جاهزه والوقت العايزنو قولوا عووك؟
بس اوعكم من اخونا الرشيد يكون حكم لانو النتيجه بيتكون معروفه قبل مايبداء التمرين ؟؟؟؟ ولارايك شنو يالرشيد ولا دي تختلف من دييييييك
لكم شكري كل الاخوان
حازم

ابو مصطفى كتب:الاخ الاكرم خال ابرار تحية طيبة انت قلت كيف ؟؟؟ والمران كيف ؟؟؟ يا خى خليك عاقل شوية هم ناس المنتدى ديل الاشتراكات ما قاعدين يدفعوها والكورة حا تشتريها بى شنو ؟؟؟؟ وبعدين ناس فى الشرق والغرب يتلموا كيف ؟؟؟ وبعدين عندك ناس عجائز ما داير اذكر اساميهم والله يستر تقوم تكسر لك رجل زول تسونا فى اخرة غايتو انا مع التمرين لكن شايفوا زى المستحيل كده واحسن يكون فى بحرى بعد الكبرى الجديد ما فتح ؟؟؟

تحياتى

ابو مصطفى

أبوسفيان خلف الله كتب:الشكركل الشكر لأخي الدكتور أبو ابراررغم البعد سوف اكون معكم كل جمعةبكل حواسي بمعرفتي بالرياضه اعرف لعيبه بالمنتدي قد لايعرفهم البعض منكم ولكن الايام تكشف لكم ذلك يابومصطفي انت العب كورتك الكوربتصلك انتو كيف تبدو=اقترح تسجيلة لاحدي الروابط بالخرطوم للاستمرارية وتصعيدة الدرجات اذااكتملت فيه الشروط القانونيه لكي يحمل اسم المنطقة واخيرا التحاياللجميع
سفيان ابها

هاشم علي الجزولي كتب:الابن خال أبرار انت زي ما قلت ما شفتني لكن أسأل الوالد وأسأل خالد عابدين انا وماداير اشكر ليك نفسي لكن من ناحيه جسم تجدني اكثر منصوري ذو قوام رياضي جيد مازي الرشيد ولا ابو مصطفي ابو مصطقي قصير القامه وبعدين اتيحت لي فرصه الدراسه في الاحفاد الاوسطي وديل اثروا في حياتي تأثير كبير جدا واهم تأثير كان من الناحيه الرياضيه والفنيه (كنت في فرقه التمثبل وكنت مشارك في احتفال السنوي الذي تقيمه مدارس الاحفاد كل سنه وكان في حدائق المقرن السوق الخيري لمدارس الاحفاد ) وكانت مناسبه مهمه جدا يؤمها عدد كبير من الناس ومدارس الاحفاد كانت بها الاولاد والبنات باالاضافه الي ذلك تعلمت منها التشجير والان ادعوك يوم لتزورني في البيت عشان تشوف الشجر المزروع خارج السور ده كلو من خير الاحفاد وكان ليهم الفضل في ان خذ الفكره منهم واذهب للدراسه في امريكا لان زملائي كانوا يحضروا بعد الاجازه ويحكوا كيف قضوا أجازتهم السنويه والتي كانت غالبا ما تكون في أوروبا ( لندن وباريس والمانيا) كان هذا في الستينات (65 الي 70) عشان كدي طلعت جواز السفر وانا طالب في المرحله الثانويه وفعلا كانت دراستهم خارج السودان الا ان الشيء الغريب والسالب الوحيد في هذه التجربه هي ان هولاء الشباب انقطعوا عن اهلهم الاصل فلقد كان منهم من هم رباطاب وهم من سكان حي الرباطاب في ام درمان ولكن جلهم هاجر خارج السودان لاسباب قد تكون مقنعه للبعض
أما حكايه اكون المدير الفني للفريق كما اقترح نور الهادي يازول انا ممكن اكون مدرب اللياقه عديل
ايضا ياخال ابرار عندي ليك 2 لاعيبه ممتازين واحد اسمه ابراهيم محمد خير وهو لاعب جيد باالاضافه الي عباد هاشم علي الجزولي ( الولد وخاله ) اها قصرت معاك وبعدين اري ان تركز علي الشباب والكبار اصحاب الروح الشبابيه وباالتوفيق