قصائد متفرقه

من طرف **nader nor elhadi ali** الإثنين 23 أغسطس 2010, 8:55 pm

تذكير بمساهمة فاتح الموضوع :

واى انا الملدوغ ومالاقى حواى
واى انا المكسور وملاقى لى كواى
القرين ديس الخوى الزاغ فيو نواى
وجعك بى هنا ويخفسنى بى جاى
......................
ينوم مالاى انا المن امو مفرود
ينوم مالاى انا الفى عينو مترود
ينوم مالاى انا السقد البرى الدود
ينوم مالاى انا التلفونو مجبود
............
يامسيكه البارى الجروف
السقدو سوى الجنحين سيوف
عاقلن يرقص بالكتوف
ناس انا وناس الدار يشوف
نتهجك هجكا للخفوف
......
النهار فى الحاره واقفين
الجونا ناس الجنى مارقين
الخلو ناس طه مدسترين
الحلف قال مانى مارقين
الا جودى كبارة واقفين
......

من طرف **ahmed alkhabir** الإثنين 01 نوفمبر 2010, 8:54 pm

ابداع يا نادر ومحمد حبيب

يومت فى الرمال متلملم الديش
ونحنا درنا الماده قالوا مديره مافيش
وشوفنا قشيش نص الخلا الفى دالت ابرريش
البشيل براقه من النجمى لى حجر الدراريش
المصادف العينى فوقو مهوطلى رشريش
المفرق حبو مو رامنو خميش
العليك كتل اللبيب قليلو معليش
العليك صام الدهر لا مويه لاعيش

ابداع ابداع
في يوم الخميس من حلفا قمنا سفرنا
بي واحد بدينا الواحد الله خترنا
يا دغس العيون يومة معاك ظهرنا
كذا الوالد الحنين الديمي فوقو بطرنا

ومن واحد قبلبك علي أتنين
بريدك يا المعظمة ستي نور العين
حلاة زولاً شريك في الروح مع الوالدين

ومن أتنين قبل بك علي جيهة تلاتة مخوي
فات جيهة أربعة وخمسة الخلاها يصوي
وفي ستة البلد قربت علي المتنوي

الحداد قال
رضينا الجابنا بالرداح
مسيكة الجاسر التمساح
قشيش العفرت الصباح
داقلو الشاتى زايدو سماح
غرامك فى القلوب صياح
شق يالناقع التفاح

عجوه المشرق الهرس جريدو
المن نقرت القمرى فسلان يجرى سيدو
كلكن ياجنى متلى قاعدين تريدو
والله وحدى اب صايبا يصيبو
البقيت زى بيكم للنار يوقد ايدو

من طرف **nader nor elhadi ali** الخميس 21 أبريل 2011, 12:35 am

نقيره الدنقره القلبت هبوبا
شبعان مالا مابكسر فى روبا
يشيل براقا سوى العيتنوبا
اليجلب سيلا غرقانات نصوبا
ام زين يالعيال قسين دروبا
سنيناتا النضيف من الحلوبا
كضب فوق فارغى مابتونسوبا

من طرف **ود القيايل** السبت 23 أبريل 2011, 12:44 pm

ياجنا نضمك زي الرصاص
المفروض يدرسوا الاطفال في المدارس عشان يشوفو الوله والحب والهيام العفيف والحقيقي
واصل ياجنا
ربنا يخدر ضراعك

من طرف **nader nor elhadi ali** السبت 23 أبريل 2011, 6:39 pm

تسلم يا ود القبائل وبارك الله فيك على المرور

من طرف **nader nor elhadi ali** السبت 23 أبريل 2011, 9:26 pm

قال
السنونا الرفا قبلى وبلى جورا
نطح وادى الكربكان فى ليلو دلا
الماسك اب سلم لامال ولا شاه
الفقر باجورى متل العمله فكا
العشم فى الله اشوف النيتى راضا

من طرف **nader nor elhadi ali** السبت 23 أبريل 2011, 9:33 pm

من اب قمبرو يقدقد فى حجارو
الدلى الكربكان دومو وسيالو
فى كير ودسعد مرقت غزالو
ياناس خديوى الدوله خلى الجيه مالو
الموامير والعمد مابتبين قبالو

قابلت ابن عمنا ود لول ذاك الرجل الذي قاتل الكمالاب حتي برد حقه بالتسجيل علي ضفاف نهر اتبرا وهو شاعر فحل فقال : سافرت وتركت أولادي مع أخوالهم وأثناء غيابي جاء أحد أعيان المنطقة وهو متدين جداً بمفهوم العامه_ يعني أنصار سنه_ وطلب يد أبنتي للزواج ووافق أخوالها وقالوا لها تاني ما تمشي المدرسه وصارت تبكي ولكن دون جدوي حتي حضوري فأتتني تبكي وحكت الحاصل فقلت لها.
مابديكي للكيك المحارب الصوفي
مابحلق سبيبه مغطي للشلوفي
بخلق لك كلاماًفي المذاهب مو في
وبغطي لك عيونك وتاني مابتشوفي

من طرف **nader nor elhadi ali** الأحد 24 أبريل 2011, 12:14 am

شكرا محمد حبيب
قال
ضحكتى ضحكنا ضاحكين خوه واسلام
بيكتى بكينا باكين كلنا ايتام
دمعى السرف من الخاتميه قدام
من الفتنت جيوش ابوزيد وعلام
ام حرابا لامن المطموره قدام

الرزق بالقسمة زى ما كال مكاييل
والعمر عن خالقه مو بي ايد العبيد ديل
يا شتيلة المشرق ام عوماً تواكيل
بقيتي لو غادي لو جاي ...لجة النيل
معليش لم نذكر الشاعر والمناسبه لضيق الوقت تقبل مروري

من طرف **nader nor elhadi ali** الإثنين 04 يوليو 2011, 12:22 pm

شكرا نور الهادى على المرور
ودنعوم قال
من ام غربان وقمت سادر
واتوجهت على المناقل
اليتيم ربا لكن درادر
الفى نوتاتكن بذاكر
من الليلى لى باكر
...........
كان ماها الغاره شينه
ونسوقه محل ما مشينا
انا حى ماباكل الغبينه
ياجنا الناس القبلى وينا
..........
نواره بنك القطينه
وكفلك مهر الجنينه
الامو ترضعو الحينه
ياخى نحنا جرينا جكينا
والجرى ماجابه لينا

شكراً علي هذا الجمال يا نادر
المنصوري قال:

يا شتيلة المشرق العرزينه كاكاي
الوسط البحر لو غادي لو جاي
الريلة ترجاك تهب في منقد الشاي
أحي.. مي نافعة اللقول..واااي

قرينه القومتو منساوي
مكان النيل ماهو لاوي
المن الناموس يدق غاوي
الكتل حمد ...الريد بلاوي
السكن غرب الاتبراوي
شكرا ودهبرم علي المرور ارجو التصحيح لو في خطا

من طرف **ابو مصطفى** الثلاثاء 05 يوليو 2011, 3:30 pm

ترقص البنورة ناس كتلونه واقفات
يادي ناس باريني فوق الجفني عاقلات
إنت فاطرك غرة اللخد المكافات
والعلى أركان الحرب مكناتو جارات

ياقشيش ارض العفا الفوقو المى يومات
البرقو شلب شلب للشرقه ما بات
البشيل من ام حوايه على الرقيقات
الصبر حار والفراق مريازريره البمرور فات
البلبسولك رسمى نظار المحطات
البضربولو التلافين والائشارات
قال لى رشرش عينه ماخود بالمقاسات
ةالله زى حطب السلك عند الملفات
لعل هذه الاشعار هى من شعر ودنعوم ما ياخذنى ادنى شك

ابو مصطفى

شكرا ابو مصطفى
لى قدام قال
عاين هى الخليقى والكنيفات
وزعلان منى فى قولت سلامات
ان بقت ست ريد حقيقه نجدد الفات
انا داير ابقى فى بيتكم مراسلات
لى جيب ....للمويه لى غيل الهديمات

الاخ نادر والاخ ابو مصطفي المناصير لهم قريحه عجيبه في الشعر يعني الواحد يقرض الشعر واقف بدون تحضير
أذكر عندما ذهبت بزوجي للبلد أول مرة الناس كانوا متكيفين منها شديد لاندماجها في هذا المجتمع البسيط ونحن قاعدين في معرض الحديث واحد قال أنتو محمد دا مرته دي منصوريه ولا رباطابيه فرد عمنا شعوري سريعاً
لا مناصير لا رباطاب
أصلن حباتاً بالحساب
جابوها من الهند تيراب

أثناء الجابودي الناس فجأة يقيفوا من الصفقة واحد يجر النم وكان له صاحب تزوج بت صغيري فوق مرته اسمه احمد الحساني فقال:
فالي فال أحمد الحساني
يأكل منقتاً روياني
كفانا من العجايز تاني
زي لحم العز الفتراني
نأكل والبطن هوياني

قبة أب عبب.... وا فليلي أنا
ماشي بي ادب.... وافليلي أنا
خلت العرب.... وا فليلي أنا
......................
ساقا ود هناي..... وا فليلي أنا
ريقا ود لقاي....... وا فليلي أنا
وا لبينة الشاي....... وا فليلي أنا
وا حزاي وأذاي .... وا فليلي أنا

يا قشيش رَدَّاح أم سـِـنـَىّ...... يقصد ساني)
فوقو تـِـعْلَ العيني قال دَىّ
ناس فريقك يضحكوا بـَىّ
عاد تقول ما جربوا الغـَيّ...( الغى من الغواية وهي كلمة عربية فصحى..)
..............
يا قشيش هـُبـَجْ الكربكان
عوّج ألـْـبـِـلْ وفـقـّع الضان
دار اشوف قشو اللا زمان
..........
يا قشيش هـُبـَج العيتنوب
فوق دريبن سافي الجنوب
يا كـِـتـِلْ يا جيتا مرقوب
............

يا مدير السـّكـِي دورين مني القعاد
خلي ده العتمور اب قراد
خلي لى ناس الحسن ساعين الجَدَاد

قويريق طه في جابيقة بوني
مجبد سلكو والناموس ينوني
أم بقت ما فاتت المحمودي غادي
بشارتك يا اللبيب ميتين قلادي

أستاذنا الباشمهندس صديق أنا عارف أنت سحارتنا الخاتين فيها دهبنا.. أكتب حتي لا يضيع هذا الادب والله أنا الما قريتها( طلعني شبش) علي قول عمنا حبيب الشري.. وقصته يا صديق .. كان دفعتك علي عوض الكريم لمان جو الجماعة ديل سنة 1989 ماسكها حمارييي قال تاني مافي حفلات وقد منع عيسي حامد يعزف بالجماميع فقابله عمنا حبيب الشري وقالو يا علي تمنعنا من الطنبور والطرب ؟؟؟ أنا والله لمان أسمع صوت الطنبور دا يطلعني شبش ..وصارت مثلاً_ والزول لمان تطلع فيه شبشي شعر جلده يكلب.... يا رائع يا رائع خصمتك خصيمي تكتب كل ما عندك

الأخ محمد حبيب... وينك يا رجل.. شوق بحر.. أظن مشاغل الدنيا الخرباني..
ياريت يارجل نقدر نوفي بطلبك.. اصلك زمان طلبت منى الأشعار دي.. نقوم ننحت الذاكرة نفتش..
فرحتنا والله وظيفة دكتور اليسع وباركنا له بي هناك.. زول راقي خلاص ربنا يزيدو..
اها
ضحكتني موت حكاية علي عوض الكريم دي( ماسكا حمارييي) بقا ليك ولاد الزمن ده بيفهموها وبنات الزمن ده؟
يعني معناها يا شباب.. يعني عنقاليي.. يعني ما فاهم الموضوع وشاديها عريي ومديها سوطين.. يعني خارج الشبكة بي لغة الليلي.. يعني ما عارف الهدف بس مزودها من عندو.. أنا طبعا زمااان يا محمد حبيب قلتا الهبارمة ديل بي يسحروني في أصالتهم وعروبيتهم وحبهم للبادية.. وبعدين يامحمد طبعاً أنا ما دفعة علي عوض الكريم. علي عوض الكريم قدامنا شديد. قدامنا بي ثلاثة دفع.. أنا دفعة علي محمد عثمان علي حبيب هبرم..وسمعت شعر البادية كتييير من علي، لأنه كان من جملة أصدقائي.. وكمان قعاد الوالد حاج عبد الله ابوحنة عند عمكم داك التاجر الفي الكاب.. بس داك صعب خلاص ويريد القروش موت.. علي محمد عثمان ذاتو عندو فيهو راي..
بعدين لاحظت أن علي محمد عثمان وعمو علي عوض الكريم ما قاعدين يترايدو شديد.. وعلي عوض الكريم مرات عندو فليتات كدي.. لكن علي محمد عثمان زول حكييييم كدة ويحب الأدب والشعر..
...
نقوم ننكت عقلنا ونفتش شوية شوية يا محمد حبيب ونشد أذر نادر نور الهادي هنا

من طرف **nader nor elhadi ali** السبت 09 يوليو 2011, 11:47 pm

شكرا وهبرم وعمنا صديق اب حنه
قال
قصبه منصح الوادى الوراء الجبال
غزت خنصله وجبدت سقوده طوال
انا الخلتى البس فى قميص النار

ود كباشي
[/center]
يا ود بكري شيخي المقتديبو
لي تكتبو لماتو يا ابوات العذيبو
تسووا الفي قليبي انا في قليبو
زي ما انصب عليهو علي تصيبو

لا تعايني للعمم وديل الجلاليب
اخير نحنا آبريد المي اب جقاليب
الشال هدلية ما شفنالو كسيب
ساكت الجزلان مطبق ومرمي في الجيب

من طرف **ود المناصير** الأحد 10 يوليو 2011, 4:42 am

والله إبداع رهيب .. ويا نادر واصل عليك الله ..
ويا محمد خبيب ..ما لقيتك ختيييييييييييييييير جدا
يا أخوانا . حقو هذا الإبداع يجمع وينظم ويحفظ بشكل افضل
بمعنى أن يواصل عبد الحليم في جمع أشعار اللبيب ود كباشي
ونادر يجمع ويواصل ما بدأه ـ شعراللبيب العقيد
ومحمد حبيب يواصل تنظيم وترتيب كلام الهبارمة
مع شكري وتقديري

واللة ما ساهلين ومحلكم سمح وقعدتكم دايرالا شاى تقيل ونزاكر ونجيكم

[center]
ود كباشي

يالعذيب الطار وود صديق ابوهو
ود محلق ما صبر يوم راهنوهو
يستحيل يا صاحبي أطلق يوم لهوهو
ده الكلام البدري ناس ابزيد ضاقوهو

ود وداعة

ان بقت ما جات في المقاس
اللبيب اصلا اب توجعلو راس
عندو طورية وعندو فاس
والنقي ده اب قدحا نحاس
والعفو والعافي وخلاس

ياقليب ماتبقى شارف وتذكر الفات
عوده زى حطب السلك عند الملفات
القرين ضهراوى فى مطر القرانات
قومى لفى الداره خلى الباقى قاعدات
فوق الله البارى يالخلق النباتات
.....

الخريف جاء وحاة العذيب
جانا في عينة العنقريب
رعدو بالليل دق الدليب
يا ام جمالا راجيكي سيب
كان تجي وتلقيلك رويب

يا حليلو زمنا وكت صغيرين

كنا لابنعرف جروره ولا سداد دين

ولابنعرف غدانا يجيبو من وين

يا ود زينب بت حمد سعيد وعقدك الفريد

اهرب اليك لاستريح من فلرط الرسميات والمشغولية والمعاش الشرود

فانجم

واكاد اجر النجم لولا صوتي الاطرق

انتشي ويكاد يغازلني الناس في الشوارع

بالله عليكم لاتتوقفوا

التلب في حالو القديم

مرات يصرج ومرات يزيم

سرحنبو اللات سليم

ضربن ابسول والرزازيم

لله درك ياود عميري

لافض فوك ود حبي ولاتنسي اشعار عمك التجاني غبد القادر

شكراً يا دكتور وعوداً حميداً والشكر لصاحب البوست الرائع نادر الذي ملأ جوانح الجميع بالفرح.... والله يا دكتور نحن نباصر الزمن مباصرة عشان نكتب شئ يفرح الاخرين.... والله انا فرحان شديد بعودتك.... و من نكد الدنيا يا يسع أن المناصير لا يعرفون قدر ابنائهم

رمضان الكريم شن قدرك بي صومو
اكلي واشربي عقبان بشيلك لومو

يا عبد الحليم يا رائع كانت هي صوامه هو شايفه يعني زي الصغيري مابتقدر الصيام وقالها:

رمضان الشريف شن قدرك بي صومه

أكلي وأشربي وبعدين..بشيل لك لومه

يا عبد الحليم يا رائع كانت هي صوامه هو شايفه يعني زي الصغيري مابتقدر الصيام وقالها:

رمضان الشريف شن قدرك بي صومه

أكلي وأشربي وبعدين..بشيل لك لومه

من طرف **nader nor elhadi ali** الجمعة 14 أكتوبر 2011, 9:50 pm

شكرا ود حبيب والجماعه الدخلو فى الغبيه
مسيكه الفى ام رمال قسين مضاربو
اتحبك فوقو السقد من دومتو زاربو
والريح ما بتخلى الزول يقاربو

من طرف **الرشيد طه** السبت 15 أكتوبر 2011, 12:32 am

اينما وجد نادر وجد الابداع والفن الراقي واصل يا نادر بلا فواصل تسلم

من طرف **nader nor elhadi ali** الجمعة 21 أكتوبر 2011, 12:07 am

شكرا الرشيد
اسمع دى واعمل حسابك انت هاشم
ياناس فراق الزول ده سوالى الهضاريب
قاعد اشوف فى الرؤيا العب فيهو لعيب
العلى بهدلنى ويزيد فى نارى عليب
عشيه عشيه تجمع فى التقاقيب
منها الخازوق انا ان جنيت على الشيب
اوع من الجن على الشيب

من طرف **nader nor elhadi ali** الإثنين 02 يناير 2012, 12:02 am

انت يااحمد قالوا جنيت
لاكتب جواب ولاجيت
كس عفو الوالد ومالقيت
قاسى رجعك للقناويت

دار اقوم ارسل لى خبر
لى هداليه محطه وقر
اركويت فى زمن المطر

يابه صالح المروه اب شره
ان بقيت سويت لى مره
تانى ازورك بالبقدره
ده احمد ود عكاشه

من طرف **nader nor elhadi ali** الإثنين 02 يناير 2012, 12:10 am

واحدين اغنيه وفى الضل تشوفن
واحدين قصدهم شوفت ولوفن
واحدين فى الشقاوه خلاقى صوفن

من طرف **nader nor elhadi ali** الإثنين 02 يناير 2012, 12:12 am

قبيل قلنالك النقنوق يشيب
الغريق لليلى قدام يالحبيب
قدامك كسر غارب المنيب
ماشفته اب عاشه من قبلك مشيب
حمد ودضقولى

من طرف **عباس محمد** الأربعاء 04 يناير 2012, 10:04 pm

والله يارائع هذا جميل
وهذا ورث لك نعلمه من مسرح سور سابقا
ولكن تاخرنا على المرور لانشغالنا
بمنتدى قضية المناصير
ولك شكرى