قصائد فى الخزان

قال جواب الحفظة جانى فى ردو ما بتباطه
قالى فصلى رحط يبقى طويل وفيو وهاطه
ومكنتل بالودع وسيوروا حمراء للخياطه
ومعاهو كمان ختم وكمان معاهو شباطه
للزول المرخرخ يكون شبط ايطالى ما شحاطه
قولو صرفنا حقوقنا وافلح انت فى الصواطه
وجاتنا براها ما حمنالا فوق الخونة والرباطه
ثابتين نحنا ما زحينا والحق جبنا ماهو بساطه
وحقنا جبنا بالخوف ماهو شحدة وما اعلنا وساطه
قاعدين فوق تراب اجدادنا ما خلطونا بى خلاطه
وكيفن بى نفوت العشنا من ولدونا فوق واطاطه
ونشرب من زلال فوق نيلنا ما ماسورة ما نقاطه
والفات بلدو شوم من ولدو حظو قناطه
نقعد قربة يفلح غيرنا نقعد للصبار نقاطه
نحنا ثبتنا وانتو وقعتوا فى الجواطه
تمايزت الصفوف ويبقى الكلام دا عباطه
تاريخ وانكتب واكيد الزمن خطاطه
والداير الكلام يا الخونة ماظن يعدم الصناطه

ونواصل لاحقا

مع المعذرة ان كانت هنالك اخطاء املائية اوغير ذلك

حفظك الله اخي عباس

رائع ياعباس ، واصل ونحن صناته ...

شكرا نجلاء زمراوى على المرور
شكرا الباشمهندس الفكى على المرور
بهذا المنتدى الذى صام عنه الكثيرون