السيد الحسين الحسين فرنيب هو شاعر الريله

السيد الحسين الحسين فرنيب من قرية حوش فرنيب وله قصائد عده ومن اشهرها الريله والتى تغنى بها وردى ودار حولها جدل كثيف خاصة بعد نسبت لاسماعيل حسن وفى احدى المقبلات مع اقارب سيد ودالحسين وبالاخص عثمان سليمان وهو حفيده ويخفظ الكثير من اشعارة وفى قوله اكد نقلا عن والده ووالدته واقران سيد بأنه شاعره ..
وفى محاوله منى لربط بعض اشعار سيد ودحسين خاصه فيما يتعلق بالمحبوبه
وفى القصيدتين المسروقتين الريله (منسوبه لاسماعيل حسن) والهدانى سكوسلو هداى (منسوبه لمحمد عمر الرباطابى
فالريله قال فيها
الزول الولوف لى قلبى خراب
حديثك لى اكبده انا والله كضاب
حد مالملموهن خاترى ماطاب
يا حليل ناس امنى فى غرب الضياباب
وفى القصيده الاخرى
البنات اتلملمن جن
وزى كهارب الميناء بقن
وكل واحدى تقول انا احسن
امنى فايتى الجيل عشره طن
شوف كلمات لملموهن والاسم امنى فى القصيدتين المختلفتين يدل على ان الشاعر واحد.
بالمناسبه الطاهر ودعثمان وهو الان فى المكابراب شاهد على القصيده الثانيه

والله يانادر الليله جبت الكلام الخطير والمهم مثل هذا الحديث داير منكم الاجتهاد في الاثبات وما تعتمدوا علي العاطفه حقيقه نحن المناصير كما سبق وذكرت مستهدفين في حاجات كتيره ومن ضمن الحاجات الكتيره دي اشعارنا وتراثنا وبعدين اثبات ان الريله شاعرها منصوري سوف ترفع اسهم المناصير ولكن باالمقابل سوف تكون هناك جهات باالمرصاد لنسف مثل هذا الحديث لذا تدبروا الامر جيد وشدوا حيلكم

شكرا ياباش مهندس على المرور هى محاوله لارجاع الحق لاهله والجماعه اليلحقونا فيها

وين يا نادر حمد الله على السلامة –من عطبرة ام الخرطوم—
ياخى فاقدنك –
اما القصيدتين –ابدا من الثانية وهذه ليست فيها غبار فهى من اشعار السيد ود الحسين وانا شاهد عليها وسبق ان ذكرت هنا من قبل (كتوثيق) –والسيد يقول فيها :
الهدانى يكوسو هداى
الى ان يصل :
البنات ياتجرى وغناى
ان بردت اياهن غطاى
وان مرضت اياهن دوى (اوبيهن )
فذكرت لى لسان جدتنا (قاسمة) ان ام الحسين زوجة السيد –يوم من الايام مرض السيد وقال لزوجته غطونى –فقالت له خلى البنات يجوا يغطوك فى اشارة للابيات السابقة—وهذا الكلام سمعته انا شخصيا -ذكرت هذا اخى نادر او كررته لتدعيم كلامك فى ان القصيدة الثانية هى ملك للسيد ود الحسين—وليس لدينا غير هذه الطريقة للجمع عشان الكلام دا طول فلازم الواحد يذكر مصادره لان هذا المنتدى منبر اعلامى(وكما ذكر هاشم ) ولازم نتبع فيه اساليب البحث العلمى فى جمع المعلومات والتوثيق لها-ونذكر مصادرنا
اما الريلة فأرى انها من اشعار حمد ود ضقولى وتحركاتنا واتصالاتنا جارية عشان نجيب خبرا—وانت جيدا جيت تحرك وجيب لنا خبرها--فهى فى كل الاحوال منصورية--من الكلمات -المفردات-البيئة وغير ذلك--

شكرا ياستاذ سلمان والله كنت طافش فى الضهب.لكن ياستاذ زى ماقلت الزمن طول وافى طريقه الا دراسه اشعار اى واحد فيهم والمقارنه والربط بينم .لانو الحاجه المتاكدين منها هى منصوريه . ولكن تصديقا لى كلامك لاقيت ابراهيم محمد ابراهيم الفنان فى الدهب فوق .وقال الريله حقت حمد ودضقولى وامنى ذاتها قريتا ليو وكان متزوجه حمد ودضقولى .اخيرا شكرا على التوجيه بس دى الطريقه البى نقدر نقدر نأترها. تانى قصيده بلالر بتين يجى . والكريم طاريك . وياخاق العباد وين امشى ارجو المساعده فى تحديد شعرائهم .

اخى سلمان واخى نادر بطريقتكم دى شويه شويه
يكون وصل الشعر القديم الى مكامن اهله الحقيقيين بدون تزوير
تقبلوا المرور

nader nor elhadi ali كتب:السيد الحسين الحسين فرنيب من قرية حوش فرنيب وله قصائد عده ومن اشهرها الريله والتى تغنى بها وردى ودار حولها جدل كثيف خاصة بعد نسبت لاسماعيل حسن وفى احدى المقبلات مع اقارب سيد ودالحسين وبالاخص عثمان سليمان وهو حفيده ويخفظ الكثير من اشعارة وفى قوله اكد نقلا عن والده ووالدته واقران سيد بأنه شاعره ..
وفى محاوله منى لربط بعض اشعار سيد ودحسين خاصه فيما يتعلق بالمحبوبه
وفى القصيدتين المسروقتين الريله (منسوبه لاسماعيل حسن) والهدانى سكوسلو هداى (منسوبه لمحمد عمر الرباطابى
فالريله قال فيها
الزول الولوف لى قلبى خراب
حديثك لى اكبده انا والله كضاب
حد مالملموهن خاترى ماطاب
يا حليل ناس امنى فى غرب الضياباب
وفى القصيده الاخرى
البنات اتلملمن جن
وزى كهارب الميناء بقن
وكل واحدى تقول انا احسن
امنى فايتى الجيل عشره طن
شوف كلمات لملموهن والاسم امنى فى القصيدتين المختلفتين يدل على ان الشاعر واحد.
بالمناسبه الطاهر ودعثمان وهو الان فى المكابراب شاهد على القصيده الثانيه

سلام صاحب البوست

وعمل جميل البحث عن كلمات وشعراء بلدنا المناصير

قصيدة الريلة للشاعر حمد ود ضقولى من قرية الضقولة ولكن للاسف نسبة للشاعر اسماعيل