قصيدة لشاعر مجهول

وجدت هذه القصيدة ضمن كمية من الاوراق التى بحوزتى وبالمناسبة عندى الكثير من المفاجات لكم . شاعر القصيدة مجهول ومن يعرف عنه معلومة ينزلها وهذه القصيدة هدية بصورة خاصة لاخى الهادى عقيد .
فى صفيحة بيتنا قنب
لا تقولو المسكين خرب
داير اضوق سجنك يا صنب
داير انط الحوش اب عتب
والعكاكيز فوقى لبلب
ولا سيفا يقطعنى شب
يا جدية السيح اب سرح
الوثبت وجكت بالمرخ
الرجع صيادك قنح
عودا لوو محلب ولوو طلح
والمحب يا زول منسلخ
ساندو بالكيلو بلا ربح
هجرى كان باقيلك سمح
وفى المثل قال عيب وانصلح
الجدى الفى السيح العفيف
وشق من عتباى على الريف
باقى منعم وبلدو خريف
شنشقك ضارب الرشاشيف
فى نارك سوت الفيف
لا قدرت اقعد ولا قدرت اقيف
العجو المعط الليف
وسيدو بالكرموش ما بحيف
يا حليلو الزول الظريف
فى الرباط مالى التوب هدم
وكب كرب تتوطى الجزم
زايلة يا ام شلاخ ما تتم
خيرا زى الزيق فى الهدم
يوم تاخر ويوم تقدم
وعودا صوتالضابط الردم
ابقى تكرونى اجلب علب
ولو هناك فى السوق انجلب
لى مصاريفك ما حسب

ابقى زرزورا ابرى التمر يا الله هوى
انقد القنديل الحلو ومر
والسلام لى ست الامر
هذه يااستاذ الرشيد متعدده الشعراء وكل من امتلك موهبه الشعر زاد فيها ابياتا حتى وصلت لديار الشايقيه ومشو على نسقها
نركب البيسايق الريح
ونمشى فى الخرطوم نستريح
الخدامه تسوى الطبيخ
وجمعه جمعه نزور الضريح
( هى الشجره خلت ضريح يا شيخنا الرشيد )
وسلاااااااااااااااااااااااااااااااااااااااااااااااااااااااااااااااااااام ونواصل

شكرا الحاج يا مبدع على المعلومات والمرور وباين فعلا القصيدة دى البلم فيها يديها كوز كوزين لحدى ما وصلت جماعتك الما بقصروا وصلوها الضريح الذى غطته الشجرة وشجرة وشجرة شجرتين تساوى غابة وعاش ابو هاشم تحياتى

للاسف يالرشيد فى جزء من هذه القصيده تغنى بها احمدالصادق فى قناه النيل الازرق ونسبت للنعام ادم

والله يا الرشيد ماك هين تب انا كنت فاكرك تايواني لكن طلعت اصلي واحسن مني في هذا المجال اخوك مسطح تماما رغم اني احب هذا الشعر لكن اصبر لي شويه اصلوا عندي اثنين هنا الولد وعمه ( نادر نور الهادي وعبد الله علي العطا )
وعندي واحده خطيره في الكلاكله خالتي
وشويه شويه الي ندخل الحلبه

يامسيكة الضربو ابنعوف
ضربو موزون بين الكتوف
ضربو لمن حتحت الصوف
ضاربو بالمرتين اب ظروف
ده الامن الحامداب من الخوف
للبعوم والبمشى بالطوف
يامكضب قوم تعال شوف

ا جدية السيح اب سرح
الوثبت وجكت بالمرخ
الرجع صيادك قنح
عودا لوو محلب ولوو طلح
والمحب يا زول منسلخ
ساندو بالكيلو بلا ربح
هجرى كان باقيلك سمح
وفى المثل قال عيب وانصلح
هذه البيات تشبه ودنعوم
خاصه
ساندو بالكيلو بلا ربح

حبيبنا الرشيد تحياتى لك ولكل ضيوفك والله تذكرت معلومة مهمة جدا بخصوص هذه القصيدة اول من بدأ هذه القصيدة الشاعر الكبير سليمان ودنصرالدين والد العضو الرائع حسن وبدأ القصيدة بهذه الشطرة .
عندى قربة كبيرة للعوم
وانا لا احفظ غير هذه الشطرة ولكن كانت طويلة جدا وبعدها رد عليه السيد ودالحسين بقصيدة اطول لان سليمان ود نصر الدين اراد ان يقطع البحر ويأتى الى الغرب وينط الحوش والى آخره مصدر هذه المنازلة الشعريه حمدو ود بت كرار ارجو من الاخوان نادر وسلمان ان يتصلوا به للتوثيق .

الاخ الرشيد
تحية طيبة
لو قلت ليك القصيدة دي حقتنا تقول شنو...!!
شاعرا جدي طوالي
بابكور ودالطرشان

وبدايتها بتقول
عرضحالي يازينة البلد
قصدي امد شيتي باليد

داير اضوق سجنك يا صنب

لو عرفتو صنب دي
اواصل...

الأخوة الكرام تحسبون أن الرشيد ليس مؤهلا لذلك، اتهمه نور الهادي بالحنكشة، وهاشم الجزولي بأنه تايواني، وأنا أقول ياباني أصلي. أما الرشيد فلي شهادة على نبوغه، ومن هنا أحيه وأتمنى أن يواصل في إبداعاته. أما شهادتي على نبوغه فذلك عندما كنا في المرحلة المتوسطة بشري وكنا في رحلة إلى وادي عصمة في يومي الخميس والجمعة (والتي ربما يكون لي فيها كلام عن كرم أهل العصمتين) وفي مساء الخميس كنا في ليلة ثقافية وحفلا مدرسيا متواضعا من ضمن النشاط المدرسي وأظنه انتفى هذا النشاط في هذه الأيام؛ وهو من المقومات الأساسية للتربية. وفي أثناء إقامة الليلة كانت هنالك مسابقة ثقافية، وطرح فيها سؤال عن الحضارة المصرية (الفرعونية) فوجم جميع الطلاب فإذا بشافع صغير يرفع يده (في ذلك الوقت) ليجيب على السؤال إجابة كاملة فصفق له الجميع، (وقد قال أحد شعراءنا المشهورين في ذلك قصيدة لا يسمح لي الوقت بسردها) وكان ذلك النابغة هو الرشيد طه الأفندي والذي ينحدر من أسرة مشهود لها بالذكاء منها الدكتور محمد الأفندي وعبدالوهاب الأفندي ... ومنذ ذلك الوقت تيقنت أن لهذا الفتى مستقبلا. فهذا واقعة أحببت أن أسردها للذين لا يعرفون الرشيد. وأكرر تحياتي الغالية له.

للتاريخ
هي ليست قصيدة واحدة عبارة عن قاصيد ورحلة حياة كاملة وتجمعت وكانت بهذه الصورة بدون تاريخ
بداية من الحمداب وهذا تاريخ سوف نزكرة لاحقا الي كسلا ثم نهايتها في الحبشة (تسني)
حتي نحن احفادة لم نستطيع تجميع اشعارة للاسف

وكما زكر الاخ الهادى شطره من البيت برضو انا قايتو حافظ لى واحد
عندى قربة كبيرة للعوم
والبهضرب بى لا ينوم

كما اخبر الاخ الهادى بانى سكيت وبديت فى جمع اشعار الوالد وخاصه مع صديقه السيد ود الحسين ولكن عندما اخبرت الاخ محمد سليمان اخبرنى بانه كانت رغبه الوالد
عدم تزكيره بالشعر وفى اخر ايامه كان لا يريد الخوض فى الشعر ولكن تبغى الزكريات ويبغى الامل فى المزيد من كشف التراث المنصورى الذى استولى عليه جيراننا
جنوبا الله لا بارك فيهن

اعتقد انو جزء كبير من القصيده للشاعر علي ود وداعة لانها تشبه شعره شبه شديد وممكن يكون جزء منها للشاعر بابكر ود الطرشان وبالمناسبة دي الشاعر ود الطرشان كان صديقا لود كباشي وعلي ود وداعة وهو شاعر رقيق جدا وانا كنت انوي فتح بوست جديد باسمه لكن شايف ظهر له حفيد في المنتدى واكيد حا يكون اعرف به وباشعاره منا فارجو من الاخ ود الطرشان ان يعرف جده ويبدا بالتوثيق لاشعاره وان يبدا بقصيدته الرائعة
من دغيشا بدري انا الحامداب فتو ضمة
واكربت واجري الحامداب فتو ضمة  

شكرا ودالطرشان وحسن سليمان
ونرجوا من ودالطرشان ان ينزل القصيده ومناسبتها للفائده العامه

ناسف للتاخير ودا حال مشغولية المعيشة وشكرا ياعبدالحليم اعطيك الاذن بفتح البوست ونتساعد في التوثيق لجدنا وواعرف الصداقة القديمة ارجو ان تمدد بيننا للتواصل راجع بوست تلفونك واسما يا...
نادر يا نادر قريب انشالله
الرشيد الرجاء تغير اسم البوست

التحية لكل المتداخلين
ونسة شعرية فى غاية الروعة
ومااريد قوله اندثر شعر الاجداد وغاب عن الساحة بسبب عدم الاهتمام والجمع وتاخر التعليم فى بلادى
فيجب على كل مهتم ان يجمع مايستطيع مما تناثر من شعرهم ويكتبه فى البوستات الخاصة باسمائهم
والتى فتحها رئيس المنتدى مؤخرا حتى يسهل الاطلاع من العامة وربط احداث القصائد مع بعضها لكل شاعر

لكل الناس وطن يعيشون فيه ولكن نحن لنا وطن يعيش فينا

بالله عليكم الا يستحق هذا البوست ان يرفع اجازة العيد وهدوء الاحوال خلتنا ننكت في قديم المنتدي الرائع

سلامات فى غنية الايام دى بتغنوا بيها فانين البلد عادل السيد وابرهيم وفيها
الشتلية الفوق جدوله
وداير امد ايدى اتناوله
الحرارير قاللوا لى لااا
تنقطعللك من مفصلة


الله منك يازنبو
عندها علاقه مع القصيده ولا لا