صورة .... ابوحنة. (New Look)

من طرف **ود الطرشان** الأربعاء 11 يناير 2012, 3:58 am

تذكير بمساهمة فاتح الموضوع :

موضوع هذا البوست برجع ليه الصباح
عشان طولنا من المنتدي نقلب الصفحات
وصباحاتة بيوض

من طرف **amira ali** الأحد 22 يناير 2012, 11:04 pm

ده مسلسل تركي كمان يا نجلاء

ومخرجنو اتنين مبدعين في الاخراج الجميل المشوق

وما بنقدر نحرد لازم نرجع ونتابع

من طرف **ود الطرشان** الإثنين 23 يناير 2012, 4:35 pm

الحنوني كتب:
النعناع المزروع في جزايرهم

النعناع .... دابنقا

مره في واحد حكمو عليه بالإعدام شنقاً
هو معلق في المشنقة بكورك ...
دقيقة .. دقيقة .. دقيقة بس
الجماعة نزلو قالو ليه مالك ..؟؟
قال: احيييي قربت أموت ياااااخ

من طرف **ود الطرشان** الإثنين 23 يناير 2012, 4:41 pm

نجلاء كتبت:

ثلاث لايمكن إرجاعها ابداً
• كلمة خرجت
• زمن مضى
• فرصة ضاعت

من طرف **ود الطرشان** الإثنين 23 يناير 2012, 5:10 pm

أميرة علي كتبت:
دا مسلسل تركي يانجلاء

نحن قدماء منذ العهد المكسيكي المترجم الي العربيه صوت برا وخشم برا ..
بالمناسبة نحن بوناب مكسيكاب ومرات نكون كوشاب من كوشة ...

ود الطرشان كتب:

نحن قدماء منذ العهد المكسيكي المترجم الي العربيه صوت برا وخشم برا

رهيييبة دى

ود الطرشان ما تنسي .. نطالب بصورة لك انت كمان .. فى ابو ظبي

هوووووووووي با ود الطرشان واب حنة
جايبين الصورة وللا نطلع الصور العندنا ؟
صفحتين وقلبت كمان حكم وامثال !!!

يا شباب ... دا ما ود الطرشان ...

دا العقل الباطني

ود الطرشان ... بردان ...

وفلسان ..

والعيش حلم الجعان

صحي النوم ود الطرشان ..

سوق المواسير بي وين ؟

من طرف **ود الطرشان** الثلاثاء 24 يناير 2012, 6:07 am

انتصار كتبت:
ود الطرشان ما تنسي .. نطالب بصورة لك انت كمان .. فى ابو ظبي

لالالا ... وثم الف لا .. الى ان تقوم دولة الشمارات علي وزن الامارات وعاصمتها ابوكديس ... الساعة ديك أنا بصور

من طرف **ود الطرشان** الثلاثاء 24 يناير 2012, 6:15 am

خالد عابدين كتب:هوووووووووي با ود الطرشان واب حنة
جايبين الصورة وللا نطلع الصور العندنا ؟
صفحتين وقلبت كمان حكم وامثال !!!

زعلان علي الصفحتين ... ليه ..؟؟ قاطعن لي من كراسك ... !!!!

من طرف **ود الطرشان** الثلاثاء 24 يناير 2012, 6:49 am

ود المناصير كتب:يا شباب ... دا ما ود الطرشان ...
دا العقل الباطني
صحي النوم ود الطرشان ..
سوق المواسير بي وين ؟

الرائع جداً ح افك التشفير وعمل معاك
حلف لتخويف الشعوب الأخري

كيف تخوفهم ... !!! ؟؟؟
• الأمريكان تقول ليه القاعدة
• الكوري تقول ليه سلفني
• الايطالي تقول ليه الحكومة منعت المكرونة
• السوداني تقول ليه تعرف الطاره

ود الطرشان كتب:
ود المناصير كتب:يا شباب ... دا ما ود الطرشان ...
دا العقل الباطني
صحي النوم ود الطرشان ..
سوق المواسير بي وين ؟

الرائع جداً ح افك التشفير وعمل معاك
حلف لتخويف الشعوب الأخري

كيف تخوفهم ... !!! ؟؟؟
• الأمريكان تقول ليه القاعدة
• الكوري تقول ليه سلفني
• الايطالي تقول ليه الحكومة منعت المكرونة
• السوداني تقول ليه تعرف الطاره

ود الطرشان تقول ليه ود المناصير

لانه ورقك شكله عند ودالمناصير

من طرف **ود الطرشان** الأربعاء 25 يناير 2012, 4:28 am

حاتم الأفندي كتب:
ود الطرشان تقول ليه ود المناصير
لانه ورقك شكله عند ودالمناصير

ود المناصير عندو ورق كل المناصير .. يكتب من دواية الحق بقصبة الصبر ويجلس في خلوة العطاء من اجل الاخرين .. شوية حروف لاتفي غرض مدحة

غايتو ود الطرشان ده طلع زول راقي خلاص.. قال لى عايز أديك فضل نشر الصورة إنت يا صديق.. انا قطعتها قطيع جننتها جن يا صديق..وبرضو ما طلعت كويسة.
قال لى الناس ديل كان ما نشرت ليهم الصورة، حا ياكلوني أكل. وخاصة الحكاية دخل فيها خالد عابدين..
وقال لى بامان يا صديق انا كترت المحلبية
<script src='http://img718.imageshack.us/shareable/?i=siddiqwawadaltarshan.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

<نابنا طلع علي شونه>
والحلقه الاخيره من المسلسل طلعت عكس ما توقعنا

نجلاء
ابتسمى معاك الكمراء الخفيه
وظاهر نسيتى عنوان البوست
والصورة ما ظاهره
ولا عيونا من كتره الانتظار بقت ما بتشوف
بعدين حا نعرف دا ابحنه كيف؟

الحنوني كتب:
غايتو ود الطرشان ده طلع زول راقي خلاص.. قال لى عايز أديك فضل نشر الصورة إنت يا صديق.. انا قطعتها قطيع جننتها جن يا صديق..وبرضو ما طلعت كويسة.

الليلي لو كسرت مصنع تلج ... مابخليك .. مابخليك

وبعدين اصورك في ٢٠١٢ ماسك منديل ..!!
---------
اسمع دي:
واحدة مشت لي فكي عشان يظبط ليها حكاية العريس .. شال منها الفيها النصيب وقال ليها تحنني الأصبع (البنصر) وتنومي ح تحلم بمواصفات العريس تعالي راجعة عشان نظبتو
عملت كل الحاجات وجات راجعة بدات تحكي في الحلم ..
بشوف زول قاعد مع أبوي لابس عقال ونضيييف وقال لابوي أنا داير بتك أبوي قال ليه انت منو ؟
قال لابوي أنا الوليد بن طلال
الفكي قال ليها .. لا لا يابتي انتي كترتي المحلبية

نجلاء زمراوي كتب:<نابنا طلع علي شونه>
والحلقه الاخيره من المسلسل طلعت عكس ما توقعنا

يا حااااجة .. اتصبري !!
وكما قالت : كيت كات .. خدلك بيرك
وشاركتها جالكسي بقولتها المشهوره .. عيش اللحظة

نوعدك بالنهاية ليست قريبة انشالله .. تيمناً بالمستعمر التركي

من طرف **ود الطرشان** الخميس 26 يناير 2012, 12:24 am

أميرة الأميرات كما يحب ان يدعوها الرائع ودالمناصير ونحن كمان ..

قالو ان النمل يأكل السكر
فخفت علي حياتي
اللهم زييدني توااااضعاً
-----
مرة احتقرت دودة الارض
قالت: تواضعوا (يابني البشر) ما انتم الا طعام لي في القبر ... !!!

من طرف **ود الطرشان** الخميس 26 يناير 2012, 12:35 am

تاني اتصل ....
هو: قطع من عندك ..؟
أنا: ما عارف بس كل ما اقرب من (الحنوني) تحصل حاجة ..
هو: لما قطع انت كنت في كبري الشندقة
أنا: اي
هو: تعرف الناس ديل عاملين حاجة لما تخش الكبري الموبايل يطلع برة الشبكة عشان الحوادث وكدة ..
أنا: علم ...!!!
هو: المهم اكتب عندك عنوان البيت والشغل والتلفون
أنا: اديني .. اخيراً قبضو .. أماني ماوقع ......
هو: خلاص تمام كدة
أنا: ١٠٠٪ ماقصرت تّب
هو: طيب لما تجي أبوظبي اتصل علينا نتلاقا وبعدين امش كوس زولك دا ..
أنا: انشالله
هو: طيب مع السلامة
أنا: الله يبارك فييييييك وشكراً ليك كتير

من طرف **عازه** الخميس 26 يناير 2012, 12:53 am

الو "معاي منو
معاك "ناس المسلسل التركي"
الحلقه الاخيره "ماله حته كدا" ‎
قلنا أحسن نعمل جزء ثاني
خلاص حاتابعو لكن عندي شرط
قولي شرطك ونحن حاننفذو ليك طوالي
شرطي صورتين كبار وعراض للمؤلف والمخرج
بسيطه ثاني عندك اي تعليق
سلامتكم بس اهم حاجه تظهرو لينا في الشاشه تاريخ اخذ الصور لازم يكون 2012م
‏

من طرف **ود الطرشان** الخميس 26 يناير 2012, 1:39 am

عازه في هوااااك
اي معاااك ... سامعاااني
شكلك جيتي في نص الحلقة
اسألي الناس .. ياختي
دي يادووووب الحلقة (٦٩) بس
حاشية:
مرة جانا زول من البلد في التمنينات ادمن المصارعة والزمن داك الا في الفديو يوم بشاهد بكل حواسو الشريط انتهي ..
قال: ياجنا ما تقلب الشريط دا .. يقلب لونك

من طرف **عازه** الخميس 26 يناير 2012, 2:11 am

مسلسلكم دا مافوته فيهو حلقه واحده مشوق شديد شكلو لو انتهي حانقوليكم اقلبو الشريط.

من طرف **ود الطرشان** الخميس 26 يناير 2012, 2:30 am

عازه كتب:مسلسلكم دا مافوته فيهو حلقه واحده مشوق شديد شكلو لو انتهي حانقوليكم اقلبو الشريط.

ترغبي الحلقة القادمة ....
بعنوان
الأشكال الهندسية ... للشخصية

من طرف **عازه** الخميس 26 يناير 2012, 2:50 am

سجمنا علكم ماعايزين تقطعو الصوره اكتر من كدي والله دا حايكون لغز مامسلسل.

من طرف **عازه** الخميس 26 يناير 2012, 3:20 am

كنسنا الحوش ورشيناهو وطلعنا العناقريب والتلفزيون الابيض بأسود ومنتظرين الحلقه السبعين ومازالت حلقات المسلسل طفل يحبو ولا ماكدي ياود الطرشان.

من طرف **ود الطرشان** الخميس 26 يناير 2012, 3:58 am

يااااااا عازه ياااا بتنا ...!!!
ابيض واسود شنو...؟؟؟
الناس تلبت من
البلازما
لل LCD
وديل الاتنين راحو فيها جابو تقنية
LED
واسي الحاجة الطالعة في الكفر الايام دي
OLED دي شاشة تمتاز بالنحافة وتعمل بتقنية اليزر ومنها 3D يعني ثلاثية الأبعاد
عنقريب قال ...!!!

من طرف **عازه** الخميس 26 يناير 2012, 4:52 am

الحله كلها محتشده عشان تشوف حلقات المسلسل الشفع في البروش والكبار في العناقريب والبنات في البنابر والاولاد في الحيط الا جبنا ليهمdisplay deviceعشان يشوفو كويس ولو عندكم رأي في العناقريب نجيب ليهم سراير حديد مامشكله البلح والجرم لافات علي المشاهدين .والكل عيونهم علي الشاشه

من طرف **خالد عابدين** الخميس 26 يناير 2012, 5:02 am

ياسمعان مسلسلكم ده المخرج مرات شكلو بيسرح -
دحين ياخينا جر الشريط ده وللا اقلبو -

من طرف **ود الطرشان** الخميس 26 يناير 2012, 2:43 pm

عازه
عجبتني Display دي بس دايره جو بارد ..!!
الا تهببي ليها

من طرف **عازه** الخميس 26 يناير 2012, 2:58 pm

الله ماكتر غير هبابات السعف عندنا

من طرف **ود الطرشان** الخميس 26 يناير 2012, 3:00 pm

خالد قاطعين اقصد عابدين
ما تضايق ..!!
دي الدعايات .. ما شايف المشاهدات ٦٠٠ وشوية
-----
ح نعمل تعديل في المنتدي ونضيف كلمات جم اقتباس تماشياً مع الفيس بوك

• أعجبني (like)
• الله لا غزا فيك بركة
• فقعتة مرارتي
• يا جنا انت مبدل

من طرف **عازه** الخميس 26 يناير 2012, 3:11 pm

الله اللستر اتعطل كدا الحلقه حاتفوت علينا قالو فوت شنبر وprojector قالو حايرجعوهو عشان كدا رجعنا التلفزيون الابيض باسود عشان بشتغل بي بطارية العربيه.

من طرف **عازه** الخميس 26 يناير 2012, 3:35 pm

اقصد بطارية الكارو الحديث

هييييييييي يا ناس بطاريات الكارو الحديث ديل!
ما حصل وجدت زول مثقف في السودان . اقصد الناس الما ضاقوا الاغتراب .. ما حصل وجدتا زي ود الطرشان ده..عارف البلازما بقت متخلفة.ز وعارف تطورات السيارات وعارف كبري الشندقة في دبي.ز غنو الشبكة تسحب الارسال خلاله، خوفا على سلامة الشائقين والناس، وعارف التحت الموية.. وعارف غنو ود المناصير بيده أوراق الناس كلها في المنتدى. إلا المفوضية بس عارفا ود الطرشان!
كدة
يا إما هو عايش في برج عاجي
أو مطبوعاتو دي تدر عليهو ربح وفير شديد
لكن طوطحنا طوطيح في حكاية الصورة دي! لامن دُ شـْـنا
ما سمعت الشيخ فرح ود تكتوك قال( البيع الحُر.. ده يصُر... وده يجُر)
..........

من طرف **ود الطرشان** الجمعة 27 يناير 2012, 5:16 pm

شوف ياااا الحنوني ....
لو لملمت اطرافك من الاقتراب .. وجيت محلية البحيرة وعملت ليك مصنع تلج بقوة ٧٥٠ طن وماكينات فريون نوع (٤٠٤) وكثفتوا بالموية والهوا وطلعت لوح لوح وكسرتو لي دقااااااااق ...
ما بخليك ... ما بخليك
::::::::::::
استوب احمر:
موضوع المصنع دا خلي في بالك

*فقعته مرارتي

من طرف **نجلاء زمراوي** السبت 28 يناير 2012, 2:37 pm

اميره الحومرى كتب:*فقعته مرارتي

دااااابك يا اميره نحن زماااااااااااان انفقعت مرارتنا!!!!

والجماعه بقو يزوغوا.,,,,دايرين يكسرو الثلج لبعض.

لكن يا اميره يا خبر بقروش بكر ه مجان!!!!؟؟؟؟؟

من طرف **ود الطرشان** السبت 28 يناير 2012, 11:01 pm

بت الحومري
وين الصبر .. ؟
بصمم ليك ايكونة للحريم فقط تحت اقتباس مباشراً

وامغصتي .. وامغصتي .. وامغصتي

من طرف **ود الطرشان** السبت 28 يناير 2012, 11:26 pm

الرائعه الحاجة نجلاء ..
تيمنت الحروف ووقفت طقطقت الكيبورد خشيتاً من عمك (المصباح المنير) ان لا يخونها التعبير لاختيارك ابسط المفردات كما عودتينا

من طرف **ود الطرشان** الثلاثاء 31 يناير 2012, 3:43 am

واصبح صبح اليوم الاخير ...
يا غرق يا جيت حازمة ...
بعد تململ في السرير .. داير تقوم وما قادر تقوم ، لأكن عندما يمر عليك شريط المهام المفروض غصب إنجازها .. اااح تجد كل شريان في جسمك يقوم نشيطاً لوحده ..
يلا .. خلي الكسل واحد حمام سريع وابقه مااارق اوع تنسي (ابحنة) .. الله نخت الكميرا في الشاحن كدة ١٠٠٪
لملمت هديماتي وبقيت مارق نهائي من الهمله الانا فيها دي .. ويا حليلي ٨ يوم .. لا شاي صباح بزلابية .. ولا شاي مغرب مقنن ..
الليلة ح امرق من البلد دي اي شي هنا بقروش .. توقف العربية بقروش .. تمرق من شارع لشارع بقروش .. وحكمتو تدفع بدون ماتحس .. لا متحصل لا بوليس واقف فوقك ..
تعال شوف عندنا هنا يجيك بداع النفايات .. كو كو .. يدك بابك زي الجايب ليه خبر .. تفتح يقول ليك قروش النفايات .. ما تفتح بكرة يجيب ليك تكليف بالحضور للنيابة ومعاهو بوليس بكلاش .. !!
الضرائب والعوائد حدث ولا حرج .. يتعاملو معاك انت اكبر كضاب ومحتال ومستهبل .. وينهوروك ويحققو معاك .. ذي القاتل ليك رقبه .. ااااه
خلوناااا من وجع القلب دا .. نرجع لباقي الحكاية وطلعت من الفندق لتخليص كل الشقيلات .. وسريع سريع كف كف لقيت الساعة ١١ صباحاً جات ..
راجني مشوار صعب دبي أبوظبي .. طيب أنا اعمل اتصال واتاكد بالحنوني موجود بس لازم ما يعرفني أنا منو .. طيب كيف ؟ كيف؟ .. اقول ليه عندي أمانة من السودان وبعدين الله يغفر ..
وين .. وين ..؟ الورقة الكتبته فيها العنوان .. لقيتها .. أبوظبي الشارع الفلاني اوووووووو تلف يمين اوووووووو أنا ما زوول تفتيحة بصل .. لا احسن اضرب تلفون ..

وانا بدوس في الأرقام قلبي يدق .. دق .. دق .. دق

اماااااااك
جرس
تييييت .. تييييت .. تييييت .. تيييييت .. تييييت .. تييييت
هذا المشترك لا يستجيب الان الرجاء معاودة الاتصال لاحقاً ...

الله الله احباط شديد

لأكن أنا مصر شديد ح اتصل تاني ..

تييييت .. تييييت .. تييييت .. تيييييت .. تييييت .. تييييت
هذا المشترك لا يستجيب الان الرجاء معاودة الاتصال لاحقاً ...

اففففففف

ما ح اخليهو اصلو ...

تييييت .. تييييت .. تييييت .. تيييييت .. تييييت .. تييييت
هذا المشترك لا يستجيب الان الرجاء معاودة الاتصال لاحقاً ...

يااااارب .. الحلل اعمل شنو .. شكلو ذي سلمان عقيد يرد للأرقام الموجودة في ذاكرة الهاتف فقط .. ارسل ليه رسالة ..!؟ ح يكشف الخطة ..
واقطع الهواجس بالتفكير الماعندو جدوى بالذهاب فوراً الى مكان عملة .. قيادة ساعتين ما خسارة فيك يا الحنوني .. وخاصة هذه الصورة ح تفرح وتشمت فيك ناس كتار من ناس المنتدى ..
وبقيت مارق الوقت كويس .. حضور للمطار ٨ مساء ..
واستعدلت في الطريق السريع .. ابو خرطومية مسار .. مقارنة بحفر السوق العربي .. يعني عندنا .. تاون داون البلد .. يااااخ أنا البزكرني القرف دا شنو .. أنا اصلي ماشي للسجم دا .. نطلع من الشاقوق (الحيرقان) .. بالصوت النسائي الطروب .. بالمناسبة سالت منها قالو اسمها أنصاف مدني بت غنايه جد .. نفتش الغنية العاجبني ..
لقيتها ..
اسمعو معاي

ياحلاه لون القمح.. لونك اسمر لونك القمح..
تتشاف صدف تتلمح .
انا منايا يوم القاك امسي بيك واصطبح
عشان جميل..
تامر وما تاخذ اذن..وبيك الدهب يتوزن..
عشان جميل..
انا صدقني بحزن شديد لو منى قلبك حزن..
عشان جميل
خايفاك معاى تنجرح..ابقى ليك سبب الجرح
صدقنى بحزن شديد لومنى قلبك حزن
عشان جميل
شوفتك مكاسب وربح والحال معاك بنصلح
دى الدنيا حنضل بلاك والحلو طعم الحلم
عشان جميل وعشان سمح

واكتشفت في الطيارة دي اقصد العربية ممكن تثبت غنية وتعيدا .. !! سيستم ..

اخيراً .. وصلت .. وما تعبت كتير شعور غريب .. قشعريرة وما قشعريرة .. فرحة وما فرحة .. جيت داخل علي الاستقبال .. اجد وجه تكرر بكثرة في البلد الخروبة دي .. هندي شاقي شعروا
ويتم الحوار التالي:

أنا: السلام وعليكم
الهندي: Hi
أنا: صديق ابوحنة موجود
الهندي:what do u say ومعاها هزت راس كدي ..!!
أنا: الوطواط اليخربش ليك شعيراتك ديل
الهندي: what
أنا: I want to sudanese people
working here
الهندي: what's his name
أنا:Eng. Sideg Abu Hana
الهندي: o.k
الله يصرف انجليزي المدرسة .. استاذ عينتو الوزارة عشان يعمل الخدمة الوطنية .. ما عارف كوعو من بوعو .. وكمان يدرس مادة أساسية وقعو التعليم مسكين التعليم الحكومي .. والتعليم الخاص كاس من معين ..

الهندي : wait
أنا: O.K

يقوم يعمل ليه مكالمة داخلية ويتكلم بالاوردو .. طلعني بره الشبكة

ويقوم الهندي من مكانة ويرحب بي وياشر لاتبعه .. وتحسست الكميرا لأطمئن لوجودها .. وصلنا لمدخل مكتب ودخلنا ورجع ذلك الهندي ..
اجد شخصين في الداخل واحد يجلس في كنبة شكلها من النوع الفاخر .. وهذا يدل على اهمية المكان والوظيفة .. معليش يا جماعة أنا عيني فاحصة شوية ودي اكتسبتها من مجال العمل .. ذلك الشخص يسترخي بأنه صاحب بيت ويخلف اليمين فوق الشمال ويتصفح احدي الإصدارات النسائية المشهورة في كل الوطن العربي ومن الواضح انه يستعمل يده اليسري (اشول) .. يرمقني بنظرة سريعة ويرجع لمجلتة وتأكدت ان هذه الشخصية اقل مكانة من الشخصية الاخرى لإثبات لنفسة اهميات وهميه (سايكولجي) وكده .. اما الشخصة الأخري من الواضح تواضعها بمجرد دخولي وقف منتصباً من خلف مكتبة الفاخر جداً وترتسم على وجه تلك الابتسامة الطفولية لتزيد شخصيتة اكثر ألفة وترتاح لها ..
لأكن أيهم (الحنوني) الناس ديل شكلهم ماسودانين ولا الراحة خلت الزول دا كدي .. معقول كديب الحجار داااك كلو طلع .. لأكن دخلت في الذاكرة سريع كدي الزول دا في السودان شغال في هيلتون .!! يعني الراحة والاكل البراحة .. أنا في سري اي المغتربين ديل نضاااااف ..
ويقطع خيالي ذالك البشوش ويمد يده للمصافحة ويمطرني بكلمات الترحيب ..
كسر جواي حاله التوجس من الاخر حالنا نحن المناصير ..
وانتبهت ان اللهجة التي رحب بي بها يمنية .!!
وإلتفت ناحية اليمين ومدت يدي لمصافحة الشخصية الأخري .. لم يخذل الانطباع الاول الذي جاني منه وبما انه يستعمل يده اليسري كان من السهل مد يده المشغولة بتصفح المجلة ويقول : هلا بابن النيل .. يادووووب وقع لي المصريين .. عشاااان كدي .!!
وتحسم الشخصية المراحبة ذلك السلام البارد بكم جملة ترحيب ودعوة للجلوس وتقديم ما يملك من كرم مكتبي (حاتمي) يعرض خيارات المشروبات الساخنة والباردة ويحلف بتقديمها .. وحسسني بالفت المكان .. وراح يعرفني بنفسه ...

الصورة الأولانية التى صورها لى ود الطرشان في المكتب حرقت، عشان ما كنت راضي عنها وكانت خلسة منه، ود الطرشان، وأنا زول ضميري ابيض وصافي النية وهو عنده الحس الامنى، صور لى صورة من غير ما يخبرني ومن غير ما يقول لى استعدل وانا مدنقر على الورق، وهو كان قاصد شوية الصلعة الفي الراس، التى تشبه صلعة سلمان عقيد وإن كانت اقل من صلعة سلمان عقيد، الولد الوجيه زمان.. عشان أنا زول طيب وقصدي طيب الصورة حرقت، لأنو قاصد يطفش عليا قرائي الكرام هنا في المنتدى. لكل كاتب قراء.. ولكل فنان معجبين.. نحن ككتاب كفاية علينا القراء.. المناصير مافيهم ناس معجبين ومحبين، عشان الجدية ، المناصير جادين شديد في اي حاجة، حتى العنصر النسائي عندهم جادي لدرجة تخوف الزول وكده.
لو اصلوا دي نيتو ود الطرشان نية ما كويسة.
وهو عندو النية بعد شهر جاي دبي هنا أنا عقدت العزم على أن أندس منو وما ارد على التلفون.. لكن اقول ليهو حاجة.. لو نيتو شريفة أنا بخليهو يشيل صورة بس بي رضاى وبعد ما استعدل للصورة مافي شيتاً أنا داسيهو من اي زول. خاصة زملائي هنا وزميلاتي يقولوا لى والله إنت اصغر وأحسن من زول عمرو عشرين سنة!
ماني خايف من شئ يا ود الطرشان
الطرش اليخليك ما تسمع كلام مرتك!
قول يامين

صديق سلااااااااااام
مايهمنا العمر والشكل نحن عرفناك من كتاباتك والصلعه علامه العباقره والاذكياء...ويسلم ودالطرشان من الطرش ويبقي ود السمعان.

تخريمه والله يا ود السمعان تنفع مخرج ومؤلف وسيناريست

وحات الله الصوره دى منها خوفه
اقصد فى ناس...
نحنا الصبر كملنا
لكن عمنا صديق دا مالوا؟
ولايكون............
ايوااااااااااا؟
معقوله بس.........
الله يجيبك يا طولت الروح....
هى الصوره دى؟

معقوله بس.........

من طرف **ود الطرشان** الجمعة 03 فبراير 2012, 3:34 pm

الحنوني مهروش:
ودالطرشان الطرش الما يخليك تسمع كلام مرتك !!!!

تحدث العقل الباطني عن حل نفسه
هرشوووووووووو
ومالو في رأيي ارجل زول البخاف من مرتو (الشايفك منو)

من طرف **ود الطرشان** الجمعة 03 فبراير 2012, 3:43 pm

تسلمي الحاااااجة شفقة اقصد بت زمراوي

من طرف **ود الطرشان** الجمعة 03 فبراير 2012, 3:55 pm

أميرة الأميرات الله يطول روحك

بس ... ياها ذاتها ...!!
ولايكون .. اصلو ما ح يكون ..!!

كل ما كانت النهاية غير متوقعة .. هنا عبقرية الإبداع
مع خالص تواضعي

من طرف **ود المناصير** السبت 04 فبراير 2012, 3:35 am

قريبي ود الطرشان .. إن شاء الله ما زعلان

من طرف **ود الطرشان** السبت 04 فبراير 2012, 3:46 am

زعلان .. من الرئيس الفلسان ..!!

من طرف **نجلاء زمراوي** السبت 04 فبراير 2012, 4:02 am

ود الطرشان كتب:

تسلمي الحاااااجة شفقة اقصد بت زمراوي

تسلم الحاج كبكبه اقصد ود السمعان الما طرشان

من طرف **ود المناصير** السبت 04 فبراير 2012, 4:37 am

ود الطرشان كتب:زعلان .. من الرئيس الفلسان ..!!

ما قصر جابا من الآخر تب

الكورة في الميدان

نشوف كلام تاني