صورة .... ابوحنة. (New Look)

من طرف **ود الطرشان** الأربعاء 11 يناير 2012, 3:58 am

موضوع هذا البوست برجع ليه الصباح
عشان طولنا من المنتدي نقلب الصفحات
وصباحاتة بيوض

من طرف **ود الطرشان** الخميس 12 يناير 2012, 1:10 am

في زيارة قصيرة ماعارف ح تكون حكمة ولا فتنة كالموجودة في المثل .. ،، لإرضاء صاحب السمؤ محمد بن راشد ال مكتوم وشديت الرحال في التاسع والعشرين من الشهر المنصرم في السنة الفائدة الي المدينة الاكترونية
كما معروف عنا نحن ال الطرشان لا نعرف الخوف حتي اسألوا (ودالمناصير) ومرة حدثني (الشمباني) في فراش بابكوري المقام في بيت اخو عمر قال لي جدك ود الطرشان راكب ناقتو (ام جنيح) جاي من تسني لكسلا لقي شيطان رجلين في الواطة وراس في السما اده طلقة يدو انشلت .. المهم عشان هو جدي أنا قبلتها كده .. وقال (الشمباني) جدك دا جا ب(ام جنيح) من الشمالية لي كسلا وبغني ليها
ام جنيح العصير في قوز رجب
ام جنيح والمغيرب في الختمية

يعني مشى بالناقة ١٥٠ كيلو في ساعتين ليه ٨ سلندر
شفت كيف يعني خوف ما عندنا
لأكن يا جماعة الحيوان الخرافي المسمي بالكلب يجهجني جهجهة والله يصرف الطيارة دي كمان ماخوف هلع
المهم مع الأدعية وآيات كانت ٤ ساعات ذي ٤ قرون .. ااااح وصلنا مرقنا من المخروبة بخرطوش .. محن !!
وطواالي جريت علي خدمتي مع بعض الاتصالات مع اصدقاء الفانية وكان قبل اليوم الاخير في العام المنصرم بخيرو وشرو .. والكل يعرف مسبقاً زيارتي جري وشلهتة لذلك لم تقدم لي الدعوات للنزول في شقق العزابة الكحيانين ويعرفو راي اقرب فندق لمكان تحركاتي ،، وفجاءة اجد الساعة ١٠ مساء ارهاقاً وتعب واجرجر كرعيني ذهاباً لمراحي وبعد دخول جسدي المنهك لبهو الفندق اشوف رؤس اعرفها جيداً .. وهاك ياسلام .. الناس ديل كان يكبرو الغرف دي شوية ما عارفين في سودان .. ٨ أشخاص غير العبد الضعيف يتنفسو ٣*٣ متر وبعد اقتسام الصعوط المهرب وحجة القسمة العادلة واحد سلا لسانو الزول دا ما ح تعشو ..لالا يااااخ في سري طبعا الواحدة صباحاً حراام عليكم ،، قلت ليهم أنا اتعشيت والجوع مقطع مصاريني بس تعباااان ..،، وعمر الأحمق حلف طلاق بالمسكينة الليها شهرين المهم طلعت معاهم للعشا ورجعوني مع النباه نمت ذي الدلق .
وقمت مهجوم ١٠ ص الحااااك وحصل الو الو دي ما وقفت في نص معمتي عندي مهمة سرية لازم انجزها
وهنا مربط الفرس
كل العصافير ارسلتها سودانية وخليجية ان تحضر عنوان القامة المهندس ابوحنة
بعد رحلة عنا وبحث وجدا أرقام هواتف

الرقم الاول
تيت تيت تيت
أنا: الوو
الطرف الاخر: الوو
أنا: دا تلفون ابوحنة
الطرف الاخر: صديق مافي معلوم
أنا: اي اديني صديق دا
الطرف الاخر: نو نو عربي مافي زيز ماي نمبر زين
أنا: يزينوك بقزازي بركة جاهي النبي

كدي النجرب الرقم التاني

تيت
جرس واحد فتح الخط تقول بايتة في السماعة
الطرف الاخر : الووووو (صوت نسائي بلهجة شامية)
أنا: السلام وعليكم
الطرف الاخر: وعليك ذي ما بترييييد
أنا: دا تلفون ابو حنة
الطرف الاخر: قهقه طويلة رنااانة حناااا ولا بدوكيييير
أنا: طق اقفل الخط

اففففففف

طيب نجرب الرقم الاخير دا

يقوم يدخل علي تلفون احد الأصدقاء
ويكون الحوار التالي
الصديق: بخاري انت وين؟
أنا: في المطبعة حي السطوة قريب من شارع زايد
الصديق: ياخ بتبالغ الساعة ٥ جات نحن منتظرنك هنا
أنا: هنا وين؟
الصديق: في شقتنا ألفي عجمان
أنا: لالالا عندي شغل كتير معليش بجيكم بكرة الصباح
الصديق: يازوول انت مجنون الليلة راس السنة ونحن عاملين ليك برنامج عجيب

ويختف التلفون صديق اخر

الصديق الاخر: والله ما تجي ح نزعل منك شديد واكان راجل اقفل تلفونك عارف حركاتك ياااااخ دي مناسبة في السنة مرة
أنا: في سري (فارغين) خلااااص حاضر بجي
الصديق الاخر: احلف
أنا: والله بجي
الصديق الاخر : طيب باي منتظرنك

ياربي أنا كنت بعمل في شنو ..شنو ..شنو الذاكرة تعبت من عامل العمر هرمناااا .
وصلت الشقة المزعومة في ال٧ مساء التي يسكنها ١٢ نسمة لاغير وكالعادة جرائد مشتتة ومراتب في الواطة وكبابي وووو...
ما علينا يدخل ايمن جنز اطلق عليه هذا اللقب كان مشهور في زمن أغبر ببنطلون جنز واااحد ممكن يقيف من الوسخ بس الله غالب يرزق من يشأ بغير حساب وماشالله هو احسن واحد في الشباب مشاريعو ظاهرة في السودان وهناك ولا يسكن مع هذه الشرزمة يقول ايمن البدلة دي ليك ماركة يامعفن كدي جربها
قلت: يا جماعة كدي خليني من الجريب البرنامج شنو تعرفو أنا داير أموت من التعب بس ياجماعة ما نساهر شديد
وفجئً اسمع ضحكة جماعية الي أخونا المعتزبالله لم يضحك .. قلت ليه يا معتز ما بتضحك مع الناس ديل مالك؟ عندك لوز هاهاهاها .... أزاح ذلك الكتاب بعنوان الغلاف (لا تحزن) للكاتب عائض القرني أصحابك ديل ناس ما مسؤلين وفارغين ..،، سبحان الله مغير الأحوال وذهبت بالذاكرة للخلف كان هذا المعتز ابو لحية طويلة يعرف كل جديد عن ماريا كيري وفرقة ام سي همار ويحفظ الكثير من أغاني بوب مارلي .. وأخرجني من السرحة دي صوت واحد منهم قال: عارف البرنامج شنو ؟ حفلة ل ماجد المهندس شرين ..
أنا سمعتها كدة ماجد اسم منفصل والمهندس شرين اسم تاني قلت ليهم ما بعرفهم بصوت جماعي واحد انت متخلف في زول ما بعرف ماجد ولا شرين
وانا بكل جراءة وتهكم اسي ما كان أخير ليها هندستها دي .. اشوف في ال٢٤ عين الاندهاشة .. ويقولو هندسة شنو يااخو البص دا سيرا ... وانفقعت الضحكات وصححو لي الاسم ماجد المهندس .. ياخ أنا عااارف في زول بضبحو ليه بسمو المهندس ..
طيب المكان وين قالو فندق اسمو تور حبتور ماعارف ..
ونحن في الطريق اتحسست قلت التذكرة دي بتكون غالية ديل فنانين مشاهير ذي ما قالو ودورت دفه الحديث عن الحجوزات والأسعار .. قالو التزاكر نفدت من شهر اكتوبر وعمر صاحبنا دا عقلية تجارية من زماااان بعمل الفته وبشيل مننا الشيرنك وما بدفع خش مع الراس مالي ايمن واشترو كمية من التزاكر باعها في السوق السوداء المبالغ المتربحة منها في السودان هنا تشتري ٢ زي عريبه (الحاج شرف) .. طيب يا جماعة يعني التزكرة بكم قالو ٣ فئات ١٥٠٠ درهم ٢٠٠٠ و٣٠٠٠ درهم .. بدون ما احس وجد نفس ضربت الأرقام في ١٠٤٠ جنيه سعر الدرهم عندنا .. اماااااااك سعر التزكرة يحتاج لتقديم طلب مرابحة في احد البنوك .. اولاد ما عندكم ولي .. اه احتاج لمكالمة أخونا معتز الذي تركناه وحيدا مع انيسه لا تحزن
• الو يا معتز
• اي يابخاري
• من ناحيه شرعية رأيك شنو في القروش البنشتري بيها التزكرة دي
• شوف يابخاري لو اشتريت من حر مالك فيها شُبه لأكن لو جاتك هديه جلدً ما جلدك جُر فوقوالشوك
• شكراً يا معتز لما ارجع بسأل اختنا هويدا ابوشعر
وصلنا لمكان الحفل صاله حقيقي تصميم معماري مبالغ فيه سميت علي ندم العرب (الاندلس) يازووول القيامي قايمي في نص الحكاية دي اشوفلك زول أنا بعرفو عرفي شديدة من ناس الجزاير تحت يازول سلامات وكيف و..و..و..و .. الذاكرة رجعت
تعرف زول اسمو صديق ابوحنة مهندس قال لي ما بعرفة شخصيا بس سامعبو لأكن الصباح بجيب ليك خبروا تبادلنا الارقام
واصبح الصبح والنوم موت وجدها الرابعة عصراً يوم وضاع ..
بداية يوم ٢ اول شي جند كل العصافير بالبحث عن المهندس ابوحنة
واتصلت علي زول الجزاير داااك وما لقيت عندو عقاد نافع
اخيراً:
أخونا الباش مهندس ابوحنة حالف ما بخليك الا اصورك صورة جديدي عشان ما تغشنا بصورك المن الأرشيف دي وياحليل الخواجات وهلتون غيروا اسمو الزمن الجميل البترينة الفيها قزازات ابو غطاية حمرا وسودا.
انتهي
اخي اختي العضو
احزر صيد الكميرا

من طرف **نجلاء زمراوي** الخميس 12 يناير 2012, 1:30 am

حمد الله علي سلامه الرجوع.....سرد جميل وممتع.........لكن اوعك تكون القصه انتهت راجين الصور!!!!

من طرف **amira ali** الخميس 12 يناير 2012, 1:50 am

ان كنت رجعت للوطن فحمدا لله على السلامة

من الغربة ومن الطيارة

وكل فقرة مريت عليها اقول في التانية يرد جرس ا ب حنة

منتظرين يرد عليك وتاتي بالنيو لك الاكيد

تقبل مروري ود الطرشان

من طرف **انتصار حجازي** الخميس 12 يناير 2012, 4:48 am

سلام ود الطرشان

وعودا حميدا

متااااابعين لهذا السرد

وتعرف طريقة سردك حلووة عيشتنا فى جو القصة وتفاصيلها

وبرضو ... منتظرين الصور

من طرف **ود الطرشان** الخميس 12 يناير 2012, 4:59 am

نجلاء زمراوي كتب:حمد الله علي سلامه الرجوع.....سرد جميل وممتع.........لكن اوعك تكون القصه انتهت راجين الصور!!!!

الله يسلمك من كل شر ويحفظ أولادك

انتظري الحلووووو

الصور حا ينزلا ليكم ود الطرشان الحنييييين..
بس انا عندي بوست حاينزل. فيهو الشمارات كلهالمان معز عبد الرحمن خليفة ود اخت الرشيد الافندي لمان كلفو يزورني وزارني ومشى إجازتو السودان وجاني راجع بالشمارات وسؤال الناس عني.. ما بقول الشمار من اي طرف من الجنسين..!
لكن ما خلوا لى صفحة اتقلب عليها!
معز يا زول إنت شفتا الزول ده وجهاً لوجه..
معز: هيي بسم الله مشيت ليهو في فيلتو في المشروع ونتونس من قبل صلاة المغرب لامن صلاة العشاء جات. والله زول تختوا على الجرح يبرا.. نعم الهندسة وصلينا المغرب مع بعض جماعة
زول: اها كبير والله صغير..
معز: ياهو زي صورتو الفي المنتدى دي الخالق الناطق
زول تاني:معقولة بس يا معز شفتو وجها لوجه
زول ثالث ياخي الزول ده منتظرنو يجي كل مرة ياجل جيتو
زول رابع:ياخي الزول ده زي إصطياد العنقاء.. أنا ما متمني شي في الدنيا دي إلا اشوفو
معز: حا تشوفوه كان حيين والله زول يشرف المناصير
زول خامس ياخي الزول ده اهلو هنا قالوا ما شبعانين فيهو شوف!
وباقي الشمارات ما حا اقولو
وفي النهاية انا ما مشتاق لى شئ زي ما ما مشتاق اشوف ود الطرشان ده؟ بس شفتو وما شفتو! يومها، البيحكي ليهم عنها دي؟ لأنها كانت ومضة..

من طرف **ود الطرشان** الخميس 12 يناير 2012, 5:21 am

اميره على كتب:
ان كنت رجعت للوطن فحمدا لله على السلامة
من الغربة ومن الطيارة
وكل فقرة مريت عليها اقول في التانية يرد جرس ا ب حنة
منتظرين يرد عليك وتاتي بالنيو لك الاكيد[/right
[right]تقبل مروري ود الطرشان

رجعنا والحمدلله
الطيارة تخوفني شديد يا أميرة وخاصة القومة يالطيف وكمان فوبية الكلاب اسكتي بس ياخ اقول ليك شوفتي كلب الحلة القاتل ضلو ونايم النهار كلو وما بسال زوول غنماية بس لما يشوف بخاري ينفش ضنبو ويقوم علي نجررررر هو هو هوهووووو

من طرف **نجلاء زمراوي** الخميس 12 يناير 2012, 2:19 pm

الانقياء الاصفياء صديق وود الطرشان
والله شوقتونا لمعرفه ما دار بينكم

العمده صديق ......لي قاعده اعمل بها لا اهتم من هو الشخص بقد ر ما اهتم ماذا يكتب فكتابات الشخص تنم عم بداخله فانا احدد عمر الشخص واسلوب واراءه عما يكتبه وزي ماقالو العنوان من صاحبه
فا حيانا يوجد اناس في ريعان الشباب ويكتبون بروح متشائمه واسلوب حزين والعكس فالعمر ولا الشكل يحدد شخصيه الفرد
اما في حالتك قانا قي اي بوست اعطيك عمر يختلف عن الاخر فانت وما شا ءالله تبارك الله اي زمن ووقت عندك ليهو كتابه معيه يعني تخاطب الكل صغير كبير متعلم جاهل
عندك مثلا الاسماء المستعاره انا اتعامل معها علي حسب ما تكتب
فالذي يحترم الناس في كتاباته يدل علي انه شخص محترم
والذي يسئ الي الناس يدل علي انه شخص سئ

تخريمه لكن برضو المعرفه احيانا تكون من حب الاستطلاع!!!!!
تقبل احترامي

من طرف **amira ali** الخميس 12 يناير 2012, 3:45 pm

]quote="نجلاء زمراوي"]الانقياء الاصفياء صديق وود الطرشان
والله شوقتونا لمعرفه ما دار بينكم

العمده صديق ......لي قاعده اعمل بها لا اهتم من هو الشخص بقد ر ما اهتم ماذا يكتب فكتابات الشخص تنم عم بداخله فانا احدد عمر الشخص واسلوب واراءه عما يكتبه وزي ماقالو العنوان من صاحبه
فا حيانا يوجد اناس في ريعان الشباب ويكتبون بروح متشائمه واسلوب حزين والعكس فالعمر ولا الشكل يحدد شخصيه الفرد
اما في حالتك قانا قي اي بوست اعطيك عمر يختلف عن الاخر فانت وما شا ءالله تبارك الله اي زمن ووقت عندك ليهو كتابه معيه يعني تخاطب الكل صغير كبير متعلم جاهل
عندك مثلا الاسماء المستعاره انا اتعامل معها علي حسب ما تكتب
فالذي يحترم الناس في كتاباته يدل علي انه شخص محترم
والذي يسئ الي الناس يدل علي انه شخص سئ

تخريمه لكن برضو المعرفه احيانا تكون من حب الاستطلاع!!!!!
تقبل احترامي

[/quote]

ماقلت الا عين الحقيقة

بس شكلنا قلبناها ونسة (سااااااااااااااكت

فا حيانا يوجد اناس في ريعان الشباب ويكتبون بروح متشائمه واسلوب حزين والعكس فالعمر ولا الشكل يحدد شخصيه الفرد
اما في حالتك قانا قي اي بوست اعطيك عمر يختلف عن الاخر فانت وما شا ءالله تبارك الله اي زمن ووقت عندك ليهو كتابه معيه يعني تخاطب الكل صغير كبير متعلم جاهل

بس ياهو ده كدة يا نجلاء ويا أميرة علي قانونية منتدانا.. روح شبابية.. وجسد لم يرهقه عناء التفكير الكثير في الدنيا..
وزمان قلنا للناس ما ضروري نعرف من هو ود المناصير ولكن يهمنا ما يكتبه، وهو قلم يضخ دم الحياة في الزول بمجرد أن يلامس كتاباته..
بالمناسبة صورة أولادك ديل الجديدة دي عجبتني شديد. الله يديك ليهم الصحة والعافية وهم كذلك وأبوهم واهلهم كلهم. بالقرب من برج الفاتح. نسأل الله أن يفتح لهم خير الدين وخير الدنيا.. زي ما قلت قبل كدة لى أميرة علي ولدك ده شال بركة جدو غلام بإذن الله..

ود الطرشان زاغ.. كعادته، والناس منتظرين الصور..

من طرف **ود الطرشان** الخميس 12 يناير 2012, 11:39 pm

انتصار حجازي كتب:
وتعرف طريقة سردك حلووة عيشتنا فى جو القصة وتفاصيلها
وبرضو ... منتظرين الصور

عندما تتوارد الخواطر لتشكل جسراً لمرور ريشة الفنان الي الدواخل نجدك انت .. انتصار المبدعة دوماً

من طرف **نجلاء زمراوي** الجمعة 13 يناير 2012, 2:38 am

يا جما عه الصور دي صادروها الجماعه ولاشنو!!!!
شكرا يا صديق علي التعليق علي الصوره ,,,نعم هي بالقرب من برج الفاتح في قاعه الصداقه
والعقبه لما نتصور في البحيره ومنتجعاتها وابراجها

من طرف **عادل شرري** الجمعة 13 يناير 2012, 3:14 am

الباشمهندس ابوحنة
سلامي والاولاد
انا طبعا دفعت ابن اختك عبد الله خير الله
ولما كنا في الصف الخامس قال لي عندي خالي شغال تحت الواضة
وانا من الزمن داك محتار كيف الزول يشتغل تحت الواضة
ولكن لما جيت الخرطوم عرفت
(البدرون ) فتذكرت دفعتي عبدالله
يعني ياهندسة من الزمن داك شغال تحت الواضه حاتكون كيييييييييييييييييييييييييييييييييييييف؟؟؟؟
لك ودي

من طرف **نجلاء زمراوي** الجمعة 13 يناير 2012, 3:19 am

يا جماعه احسن البوست ده يتحول بيغادي
ونسه سااااااااااااااااكت.

يا جما عه الصور دي صادروها الجماعه ولاشنو!!!!

الصور دي يا نجلاء.ز ضن بها عليكم ود الطرشان.. واصلو الجابو البلد دي موضوع خاص جدا.. والصور دي فيها زول متصور معانا من طرف ود الطرشان.. والزول العزيييز جدا على ود الطرشان ده... ظاهر سنتر في عشرة صور التقطها ود الطرشان.. وقدر ما حاول شمال يمين يقصوا من الصورة ما قدر.ز قلت ليهو مافيها حاجة عادي، قريباً سوف تصبحوا تاج على الرؤوس ونفرح بكما.. رفض بشدة.. وقال في ناس في منتدى المناصير بلدي متعصبين ويرفضوا الصور ذات الألوان. يشيلوا حالي ساكت قال.. عشان كدة أنا افتكر هو راح ينسحب من موضوع الصور دي! وأنا اقول ليهو عجبني ليك.. يا ود الطرشان..وكان ما قبضتك متلبساً، كان كبيت الزوغة..

عادل شرري تسلم يا زولنا.. أيوة زي ما قال ليك عبد الله.. قسم الهندسة في المقرن تحت الواطة.. حوالي 4000 متر مربع تحت الواطة.. ومن ميزات شركة هلتون العالمية إنو أي فندق تشيدوا بعد عمل 30 سنة تسحب اسطافها وتهديهو للبلد الذي شيد فيهو الهلتون.. وهم يغيروا اسمو زي ما قال ليك ود الطرشان.. وعبد الله ده ما زولكم زول شرري عاد..
عبد الله يا عادل عندي معاهو قصص كتيرة.. طبعا جبتو من مدرسة شري قريتو معاي في العاصمة.. وكان زمان لو عايز تشترى حاجة كبيرة إلا تخطط لها. ثلاجة مثلاً.. أو تلفزيون ملون... قمت قلت للحكومة بتاعتي.. ايه رايك ممكن نجيب التلاجة في شهر واحد.. ما توقد نار في بيتنا للغداء والعشاء إلا نار الشاي.. وأنا أجيب ليكم الأكل من الهلتون.. والأكل مجاني طبعاً. ونوفر قروش الميز نجيب بيهم التلاجة.. بس حا يتأخر عليكم شوية كل يوم اجيكم الساعة أربعة.. وافقت. وعبد الله كان معاها.. بقا يجوع.. جيت لقيتو يبكي.. قلت ليهو مالك؟
قال لى حا أمشي لى امي اقول ليها خالي أداني الجوع! هسي دي بقا زول ما شاء الله ثروة كبيرة شغال في حلفا وساق أمو معاهو.. ومتزوج ليهو ثلاثة حلفاويات.. مقرنن التلاتة كيف ما عارف!واحدة دنقلاوية وأثنين حلفاويات..ياخي جبريل زولكم قالوا ذاتو مشي بي هناك وتزوج حلفاوية أظن.الحكايي شني؟

من طرف **نورالهادى** الجمعة 13 يناير 2012, 4:13 am

أخونا وحبيبنا ودالطرشان حمدا لله على سلامتك والتحية ليك ولضيوفك الكرام .وحصلنا بالصور باقى أناالباشمهندس صديق عشرين سنة ما شفتوا ولكن أنا واثق من أنه مازال محافظ والمتل صديق لا يظهر عليه الكبر لانه زول بالوا رايق ولا بتعصب وطوالى باسم واذا لم يكن باسم يكون بدندن فنسأل الله أن يحفظه ويطول فى عمره .

من طرف **ود المناصير** الأحد 15 يناير 2012, 3:40 am

ود الطرشان مالك ساكت ؟

شايفك زائغ ومكبر اللفة

وانا عارف السبب !!!

نقول ؟ واللا نكلم ابو حنة ؟؟؟

من طرف **نجلاء زمراوي** الأحد 15 يناير 2012, 3:08 pm

ود المناصير كتب:ود الطرشان مالك ساكت ؟

شايفك زائغ ومكبر اللفة

وانا عارف السبب !!!

نقول ؟ واللا نكلم ابو حنة ؟؟؟

والله نحن زاتنا حيرنا
وخلانا في شوق للصور
لكن الحكايه اكان فيها إنه عفيناك من الصور يا ود الطرشان !!!

من طرف **ود الطرشان** الإثنين 16 يناير 2012, 9:17 pm

اصبرو
شوية وح اطلع من غرفة التحميض .. اللون الأحمر طششش عيوني

من طرف **ود الطرشان** الإثنين 16 يناير 2012, 11:30 pm

هووووو ياعادل
ماتتونس لي في البوست..
ولقد كنت احد العصافير .. لاكن شكلك جنحوووك.!!

جلڤارا (المناصير) نور الهادي
تتناثر الحروف (وتتبحور) لتجمع كلمات ثائرة

حاشية: (تتبحور) من بحيرة - خايف من د/مصباح

كسرة: خليك skybe

من طرف **ود الطرشان** الثلاثاء 17 يناير 2012, 1:44 am

ود المناصير كتب:ود الطرشان مالك ساكت ؟

شايفك زائغ ومكبر اللفة
؟؟؟

يا جاية من بعد السنين هدت حصون الامنيات
انا قلبي بالشوق والحنين لا عرفتو حي لا عارفو مات
وريني كيفن ارتجيك وانا عمري فات فيهو الفوات
يكفيني اقفلوا باب هواك وابكيك واغنيك زكريات

^_^

يا ... غواصة .... اااااي غواااااااصة

والله دي ماكانت صورة

بالطريقة دي ماحانشوفا مادام كل واحد ......
صورتك الخايف عليها ...

ود أب حنا محنا
ود الطرشان أظهر وبان

أنت عارف زولك يا خالد عابدين رياد شديد، قدر ما قلت ليهو أسكت على موضوع الصور ده ! أبا يسكت.. بعدين أنا صورتي ما خايف عليها، لأنو تصورت ليكم قبل شهرين في السيارة ونشرتها في المنبر، الكلام صورة الزول التاني، الكان مرافق لود الطرشان

من طرف **ود الطرشان** الثلاثاء 17 يناير 2012, 3:35 am

خالد عابدين كتب:
ود أب حنا محنا
ود الطرشان أظهر وبان

القمرة اكبر مجرمة ...
وكضابة مابتحلب لبن ...
مليانة زيف ومهضلمة ...
وممسوخة ومهما اتبرجت مابتشبه
مصابيح السما ....

~~~~~~
خلي الكجار انزل تحت

من طرف **نورالهادى** الثلاثاء 17 يناير 2012, 7:18 am

الاخ خالد ود الطرشان طلع دعاية ساكت ما قادر يسحب صورة الباشمهندس من صور الجماعة الخائف عليهم يبدو ان الباشمهندس واثق من ذلك فأتمنى أن لاتتحدى هذه الأسطورة يا ودالطرشان .

يا ناس عيونا طششن
قعدنا بعيد ونتظرنا
زحينا وفترنا
تاوقنا
وبعدين كلو غلبنا
اها دخلنا ومرقنا

اميره الحومرى كتب:
يا ناس عيونا طششن
قعدنا بعيد ونتظرنا
زحينا وفترنا
تاوقنا
وبعدين كلو غلبنا
اها دخلنا ومرقنا

باقي لي انا بس الما شاعره في هذا المنتدي؟؟؟؟؟؟؟؟؟؟؟

من طرف **(الحاج شرف)** الأربعاء 18 يناير 2012, 2:17 am

ود الطرشان
نجن منتظرنك فى تفتيش العوتيب وانت تتنونس لينا بجاى
لما تصل تعال لينا فى الدامر
عادى مافى زول يقدر يسالك
كلمه السر
بربر ميدان الاعتصام

ها ها ها
الحاج شرف الدين وضع النقاط على الحروف في موضوع ود الطرشان..( برابرة مغتربين في ابوظبي)

خلاص فضوها سيره ونقول الف مبروك يا ود الطرشان.

من طرف **ود الطرشان** الأربعاء 18 يناير 2012, 8:20 pm

أميرة الحومري كتبت:
قعدنا بعيد وانتظرنا

تقعدي ... لدق ريحة الامورة ... نحن حاجزين

دخلنا ومرقنا

حال ام العروس ...،،

من طرف **ود الطرشان** الأربعاء 18 يناير 2012, 8:48 pm

(الحاج شرف) كتب:
نجن منتظرنك فى تفتيش العوتيب

الكيلو .. ٤٤ ياااااا بكاش

شايفك في المراية .. الكيلو (٨٨) ما شايف البطاطير

صديق عبدالله علي أبوحنة كتب:ها ها ها
الحاج شرف الدين وضع النقاط على الحروف في موضوع ود الطرشان..( برابرة مغتربين في ابوظبي)

الحنوني إعلامي ضل طريقة الي الهندسة ..
لو عرفتك إدارة السدود لاسرعت بتعينك مستشار برتبة مضلل

نجلاء زمراوي كتب:خلاص فضوها سيره ونقول الف مبروك يا ود الطرشان.

ام الثورة .. ام وضاح
ليك حق علينا بالإيضاح
٬،،،،،،،،،
شيلي الصبر

ود الطرشان كتب... الحنوني إعلامي ضل طريقة الي الهندسة ..
لو عرفتك إدارة السدود لاسرعت بتعينك مستشار برتبة مضلل.

ها ها ها
يا حليلك يا ود الطرشان.. والله معليش خليني اقول ليك انت راجل حسااااااس شديد ومليان عاطفة.. وزول شديد الذكاء الممزوج بالعاطفة..الجايب ليك بعض الحزن هو الذكاء الممزوج بالعاطفة دي.. الله يحفظك لى ناسك..

من طرف **amira ali** الخميس 19 يناير 2012, 1:46 am

اب حنة وود الطرشان

في النهاية طلعنا

نو ريظلت

ها ها ها
أميرة علي أخير إنت
نجلاء زهجت قالت ( خلاص فضوها سيرة)
لأنها كانت منتظرة الصور من ود الطرشان الذي خذلها

No result زي ما قالت أميرة علي

من طرف **انتصار حجازي** الخميس 19 يناير 2012, 5:05 am

ود الطرشان

عاد الصورة دى بقينا .. وراها والزمن طويل

سلام الرائعىن .ود الطرشان انت شن وداك ..... .لا اقصد تقول فى صور .براى فى نفسى .................على قول انتصار وراها والزمن طويل .تقبل تحىاتى.

من طرف **ود الطرشان** الأحد 22 يناير 2012, 5:52 pm

محمد عمر كتب: وراك والزمن طويل

عمرو ماكان الزمن طويل بالكتير ٦٠ - ٨٠ سنة

من طرف **ود الطرشان** الأحد 22 يناير 2012, 5:58 pm

اليوم الرابع
بعد يوم شاق بالمشورة وقومة النفس ..
ساعتين والشمس تنبلع في الخليج لتعلن عن ليل جديد .. يلا .. أقولها لروحي لأخذ قسط من الراحة قبل حضور (السُقُد) اقصد شله العزابة .. عندي إحساس بانو بطني فاضية وما جعان .. انت يا (الحنوني) عمك كنتاكي زمان مش كان عندو عرض وجبة حتي الإشباع (٤٠ درهم) ويناااا ؟ الناس دي شبعت ولا شنو ..!!
المهم وبينما امتطئ تلك الفارهة من صناعة احدي الشركات الالمانية العريقة زاد الدفع الرباعي لمالكها المقطع في الماضي القريب والمليونير في الحاضر (( ايمن جينز)) ربنا يحفظها عليه من الزوال .. ويقال انو طلبها بواصفات من الشركة الام .. حقيقي أنا منفصم بالعربية دي أدهشتني المقاعد المساج وتسجيل مقاسات المرايات وجلسة مقعد القيادة بلمسة زر واحدة تظبط (الراحة والاكل البراحة) اقول ليك حاجة يا خالد عابدين بعيدة منك شديد ذي طلوعك للقمر والنسبة ل(يس) الااااف السنين الاتوسية ..
تبلع ٦ سي دي جواها .. ابحث في شاشة اللمس عن صوت طروب يزيح عنا هذا اليوم المرهق .. ومن المهم الفرقة المصاحبة يكون صوت الآلات الوترية واضح وبالأخص آلة الجيتار .. وبالمناسبة في زمان ماضي كنت امارس الجيتار بانواعة (الباص-والبيز) بس حصل حرب لما الحكاية جابت عدادات وطلوع حفلات مع العزيز جداً (الوالد) وحسمت بماعافي منك لو ... وتر الجيتار لي هسي اصابع يدي الشمال خرمانات .. وجد صوت نسائي لاول مرة اسمعة اهتذيت طرباً ...
وفجئاً قطعت الغنية جاني نغمة موبايلي من سماعات العربية وتحولت الشاشة لازرار موبايل ... تكنلوجيا وضغط علي الزر الاخضر (رد) وجاني صوت زول الجزائر الرحلو الي خشم القربة منذ قديم الزمان وعدي علي بوني ودخل علي بدون سلام بالرباعية التالية:

بخيط السبيب كتف رميتك
وبلبن العشر كحل عميتك
وبغابة الكتر زربت بيتك
وفي بحر الخليج تلب رميتك

لازم ارد
قلت ليه:

من خيط السبيب حليت ضراعي
ومن لبن العشر فتحت واعي
وفي غابة الكتر اسد الراباعي
وفي بحر الخليج تمساحتو ساعي

قال اسمع التلاتة ديل:

قفلتك في قبة من حديد
مفتاحة عن شيطانً شديد
ساكن في بحر المحيط

ردي أنا:

قبتك ما قبة سعف
بت العوض تبنيها
اليوم داك جيت لقيتهااا تضفر فيها

أنا:
دقيقة .. دقيقة اديني فرصة
وخشيت بالكفلة:
قلت:
قفلتك في قبة من نحاس مفاتحة عن صاحب الخلاص.

هو:
الله بالخليني نجادع الطرشاب شنو .. شنو يازول ما تدق علينا مالك .. ودايرين تدينا يوم

أنا:
ما عندك مشكلة .. قلت لي بدع زايد دي وين؟

هو:

قريب من أبوظبي وانت جاي علينا اتصل بننتظرك في أبوظبي .. بالمناسبة انت وين أسي ؟

أنا:
بر دبي ماشي علي الفندق خاشي علي الكبري البمشي تحت البحر اسمو شنو؟

هو:
اسمو (الشندقة) بالمناسبة لقيت ليك عنوان الحنوني بيتو ومحل شقولو ..

أنا:
يازوووول ...!!!

طق ... الخط قطع

من طرف **نجلاء زمراوي** الأحد 22 يناير 2012, 7:07 pm

مع انني اعتزلت متابعه المسلسلات منذ مده لكن رجعت تاني اتابع مسلسل ... ودالطرشان وودابوحنه..........الله يجيب الحلقه الاخيره!!

نحن أعضاء المنتدى عندنا ليهم تقدير خاص اكثر من أهلنا.. لما يجونا هنا في الخليج يا نجلاء. كان ما فاضين نفضا ليهم،نخاف من اللوم، برضو المحنة الشديدة التى أكسبنا لها هذا المنتدى، خلانا نفضلهم على اهلنا. المنتدى لمان يكون رايق من ( الكف.. والكع) بتاعات اميرة علي القالتن للجماعة، لما يكون رايق الابداع يحصل.. ولمان القضية تولع برضو الناس قاعدة تعما.. وتصما.. ما قاعدين يشوفوا لينا بوست تاني كلو كلو.. لاسيرة ذاتية، لاسيرة شخصية.. إلا مفوضية..
وبوستات اخرى لنا اسبوعين مافي زول يرد والله يقول لينا عينكم في راسكم..مشغولين بالملاواه في القضية
ود الطرشان يستاهل . ناخد ليهو ايام بالخصم من العمل ونباري سيادتو لامن نركبو الطيارة يرجع لى امو بالسلامة.. خصوصاً هو قاعد يخاف من ازيز الطيارة. وخاصة لما ترغي وتزبد وتهدر قبل القيام.. ولا يخاف من الرزاز البي يتراشق عليهو من الكلام المتطاير في المنبر في شكل دراب. دراب..
ود الطرشان أتاريهولابد ليا.. وشال صورة تانية انا ما عرفا في لحظة غفلة من حضرتي البرئ.. لكن يمكننى أن اقول انو مافيها شيتاً اخاف منو.. إلا صلعة زادت شوية في السنة الأخيرة صارت زي صلعة سلمان عقيد.. ولا حباية شيب واحدة تعتلى الراس..
ماني خايف
ماني خايف
الدراويش لما يغرقوا في الذكر
ماني خايف ماني خايف
بتاعة صلاح مصطفى
بس مولانا نجلاء لاتسمع الأغاني. ولا فناني المفضل احمد المصطفى.. ومحمود عبد العزيز المتمرد حتى على نفسو
المهم
محن ود الطرشان حيرتني
وعرفت إنو الزول ده!
بأمانة مااااا ساهل
مشاعرو معطونة بالعاطفة
واخلاقو مبلولة في موية التدين الاصيل
ومسكوب على ذاتو سر الطبيعة الابدي
ومنقوع من نقاع رياحين النعناع المزروع في جزايرهم ، وجزاير ود المناصير

من طرف **نجلاء زمراوي** الأحد 22 يناير 2012, 7:52 pm

تسلم قريبي صديق
هانت وانشاء الله تعود الامور الي طبيعتها والمياه الي مجاريها ويرجع المنتدي زي ما كان واكثر..وهو المنتدي لو ما بوستاتك فيهو شنو يشجع اليومين ديل!!!!!

من طرف **amira ali** الأحد 22 يناير 2012, 11:04 pm

ده مسلسل تركي كمان يا نجلاء

ومخرجنو اتنين مبدعين في الاخراج الجميل المشوق

وما بنقدر نحرد لازم نرجع ونتابع