صورة .... ابوحنة. (New Look)

من طرف **ود الطرشان** الأربعاء 11 يناير 2012, 3:58 am

تذكير بمساهمة فاتح الموضوع :

موضوع هذا البوست برجع ليه الصباح
عشان طولنا من المنتدي نقلب الصفحات
وصباحاتة بيوض

من طرف **ود المناصير** السبت 04 فبراير 2012, 4:37 am

ود الطرشان كتب:زعلان .. من الرئيس الفلسان ..!!

ما قصر جابا من الآخر تب

الكورة في الميدان

نشوف كلام تاني

من طرف **ود الطرشان** السبت 04 فبراير 2012, 6:21 am

يا حااااجة لا ...!! حاجة شفقة

هاهاها
ح اعمل ماشايف .. وماني فهمان

من طرف **نجلاء زمراوي** السبت 04 فبراير 2012, 2:41 pm

ود الطرشان كتب:
يا حااااجة لا ...!! حاجة شفقة
هاهاها
ح اعمل ماشايف .. وماني فهمان

ود السمعان اقصد حاج كبكبه هووووووووي
اتحليت من ابحنه داير تشبك في...اعمل حسابك
حاجهه شفقه.....ماليها في المسلسلات ...

بعدين خلينا من ده...اسع في شفقه اكثر من شفقت الفلسان ده؟؟؟؟

من طرف **ود الطرشان** السبت 04 فبراير 2012, 7:33 pm

ود المناصير ..!!
المقتولة مابتسمع الصيحة

حاجهه شفقه.....ماليها في المسلسلات

كيف ماليك في المسلسلات وإنت متابعة مسلسل الدامر!
...........
تخريمة:-
أنا اتحليت من ود السمعان

ود الطرشان يريد اطالة امد اظهار الصورة
ابحنة لديه مستندات قوية يخوف بها ودالطرشان-(صور --فليم )-وقد تكون رصد لتحركاته هنالك يمكن عرضها (لحكومته) وقد تسبب الاشكالات --ويوميا يهدد بها ود الطرشان-
--والا لماذا يتلكأ الاخير بعرص الصورة--

والا لماذا يتلكأ الاخير بعرص الصورة--

جابا سلمان عقيد من الآخر.. وهو خوف ود الطرشان من حكومته
........
تخريمة
إنت يا سلمان الشاحنة المكتوب عليها ترحيلات ود عقيد الشفناها في الميدان ، إن شاء الله تكون دي حقتك!

من طرف **ود الطرشان** السبت 04 فبراير 2012, 8:24 pm

رد لحاجة شفقة .. اتصبري ...،،،

حاجة نجلاء أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى

رصد لتحركاته

تحركاته دي يا سلمان انا اكتشفتها بالصدفة، وهو كان داسيها مني.. واتخلع لما ناديتو بإسمو
انا كل الناس الشفت صورهم هنا في المنتدى مستعد اناديهم بأسمائهم حتى لو قابلتهم على المريخ..
من جراء الصور والقاءات والمناسبات الحصلت جمعت الناس في المنتدى صرت أغوص في صورة كل واحد وترسخ في ذهني شديد

الحكومة بتاعتي دايما تقول لى( الحاجة البي تلم فيها وقعت معاك، ووقعت في ملي خشما!)

من طرف **amira ali** السبت 04 فبراير 2012, 8:47 pm

[quote]ود الطرشان كتب:
رد لحاجة شفقة .. اتصبري ...،،،
حاجة نجلاء أصبرى
عارف الوجع فى الجوف شديد
عارفك كمان ما بتقدرى
اصبرى .. اصبرى
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدرى

[/quote]

صراحة اثبت انك زول خفيف الظل

بس اعمل على تغيير المهنة لمخرج سنمائي

تقبل مروري

من طرف **ود الطرشان** السبت 04 فبراير 2012, 9:17 pm

الحنوني يقدم التنازلات في الخاص ..!!
تخريمة:-
أنا اتحليت من ود السمعان

ويييييييين .... يااااااااااااا
يحلك الحلا بله
دق الرقم جلا
.........
نحن لا نقول جلاااا.... دُوش ..البلاطة عندك

صورة الحاجى ايه اخبارا
عالم ربى بى اسرارا
شهرين والناس فى انتظارا
وفاتت قصة النضارا
وما فى زول يجيب اخبارا
وباين القصة ماها هظارا
تجرجر للكبير وصغارا
اخير تظهر ونطفى شرارا

من طرف **ود الطرشان** الأحد 05 فبراير 2012, 2:56 am

سلمان عقيد النعوفابى كتب:ود الطرشان يريد اطالة امد اظهار الصورة
ابحنة لديه مستندات قوية يخوف بها ودالطرشان-(صور --فليم )-وقد تكون رصد لتحركاته هنالك يمكن عرضها (لحكومته) وقد تسبب الاشكالات --ويوميا يهدد بها ود الطرشان-
--والا لماذا يتلكأ الاخير بعرص الصورة--

صاحبنا فتح جزلاني قهرني
طلع فاضي قهرتو
لقى الصورة قهرني
عرف صاحبتها قهرتو

من طرف **ود الطرشان** الأحد 05 فبراير 2012, 9:22 pm

اميرة بنت الكرار تقترح:
بس لوعملت تغير المهنة لمخرج سنمائي

• اولاً: شارعنا هاي وي ستة مسارات لذلك نقبل مرورك
• ثانياً: هنا .. صعب تغير المهنة
تتحرك بريموت منطق التوظيف
عشان تشتغل لازم يكون عندك خبرة
وعشان يكون عندك خبرة لازم تشتغل
...........
(والما عندو ضهر يحتضر)

من طرف **بلسم** الإثنين 06 فبراير 2012, 6:48 pm

بالله لسع المسلسل التركى
ما انتهى

من طرف **ود الطرشان** الإثنين 06 فبراير 2012, 9:15 pm

بلسم كتب:بالة لسع المسلسل التركى
ما انتهى

قرب باقي ١٠٠ حلقة بس
والمسلسل البعدو يدور محورة في الناس شايلين شنط وماشين المدرسة وجاين منها وبجيبو اعد في الاملاء ..
صفر .. بالأحمر .. اعد قابلني

من طرف **بلسم** الإثنين 06 فبراير 2012, 9:34 pm

ود الطرشان كتب:
بلسم كتب:بالة لسع المسلسل التركى
ما انتهى

قرب باقي ١٠٠ حلقة بس
والمسلسل البعدو يدور محورة في الناس شايلين شنط وماشين المدرسة وجاين منها وبجيبو اعد في الاملاء ..
صفر .. بالأحمر .. اعد قابلني

دكتور/ مصباح قاعد؟؟؟؟

ود الطرشان كتب:
بلسم كتب:بالة لسع المسلسل التركى
ما انتهى

قرب باقي ١٠٠ حلقة بس
والمسلسل البعدو يدور محورة في الناس شايلين شنط وماشين المدرسة وجاين منها وبجيبو اعد في الاملاء ..
صفر .. بالأحمر .. اعد قابلني

قريبي إن أردت النجدة انا على إستعداد

والعوم سداري ..

لكن تفط سطر دي كتيييييرة بالجد

ودالمناصير فزعني ..

ومنك يا دقين ننفك .. تكون فكت عقدة الدين ..
عقب سيرة البلد سارت على الدرب العديل والزين
بعد ها الحال بلا مرسال .. يجو العمال .. يجوز الزراع .. يجو الكداح
يجو الناس البخبرو شليل .. وشقيش راح
وقمريتين جناحن دلّ فوق الصاح
من الغفلة وعساكر الليل .. ولي الدنيا الجديدة جناح

[quote="ود الطرشان"]

من الغفلة وعساكر الليل ..

قريبي ... حاسب ...

المنتدى مليان من الجماعة إياهم

من طرف **ود الطرشان** الخميس 09 فبراير 2012, 4:55 am

[quote="ود المناصير"][quote="ود الطرشان"]

من الغفلة وعساكر الليل ..

قريبي ... حاسب ...

المنتدى مليان من الجماعة إياهم[/quot]
روي عن سفيان الثوري أنه قال: ثلاث تذهب ثلاثاً: الاستخفاف بالصالحين يذهب الآخرة والاستخفاف بالملوك يذهب الروح، والاستخفاف بالنفقة يذهب المال،

من طرف **ود المناصير** الخميس 09 فبراير 2012, 5:05 am

شيخنا ود الطرشان ...

الله يستر على روحنا

كدي يا شيخ شوف لينا الصور دي حلال واللا حرام ؟

وجزاك الله خير

ود الطرشان طلق وانطلق

من طرف **ود الطرشان** الخميس 09 فبراير 2012, 8:41 pm

ود المناصير كتب:شيخنا ود الطرشان ...

الله يستر على روحنا

كدي يا شيخ شوف لينا الصور دي حلال واللا حرام ؟

وجزاك الله خير

اذا كانت صورة الحنوني .... لاجناح عليك .. عليك بالاكثار في الفلاش

لاكن اذا كانت صورة (ود المناصير) ..

الحلال بين والحرام بين يوجد بيهما امور متشابهات واتقوا الشبهات

من طرف **ود المناصير** الجمعة 10 فبراير 2012, 5:35 am

ود الطرشان كتب:

اذا كانت صورة الحنوني .... لاجناح عليك .. عليك بالاكثار في الفلاش
لاكن اذا كانت صورة (ود المناصير) ..
الحلال بين والحرام بين يوجد بيهما امور متشابهات واتقوا الشبهات

ود الطرشان صررة ود المناصير خليها ... وين الصورة موضوع النقاش ؟

بالمناسبة صورتك دي ما حقيقية

في موقع تاني عندك فيهو صورة ليها جضوم

من طرف **ود الطرشان** الجمعة 10 فبراير 2012, 10:31 pm

وبدا بنفسه في التعريف أنا أخوك علان بن فلان من اليمن ، وهذا فرعون من مصر الشقيقة ..
لقد اتضحت لي الرؤية ..!! بدات في السرحان من جديد ..! وين الحنوني ..!؟؟ ياربي مشغول ..؟ ولا داير يعمل لي فيها مهم ..؟ ولا ولا .. وخش ابليس بتحوير الأفكار البتحرش وتاخد موقف بدون ما تعرف الزول .. وقطع حبل الأفكار الشريرة .. مخدم المكتب بتقديم قهوة .. وكم احتاج اليها الان .. وعلا صوت اليمني التي تتخلله الابتسامات بان يعزم علي .. تفضل يازوول
واخيراً نطق ابوالهول ذالك المصري ذو البرود المصتنع .. وقال: الباشمهندس صديق في اجتماع خارج المؤسسة ، لأكن يمكن لحدي الساعة ٥ يكون هنا وما أظن يتاخر اكثر من كدا ..
واستلم دفة الحديث اليمني البشوش (وخلقة كدي نحن نحب اليمنين) خلي الزول يرتاح شوية ويعرفنى بنفسة ويشرب قهوتة وختم حديثة بابتسامة عريضة وضحكة مجلجلة تدل علي شخصية واثقة من نفسها ويقفز الذكاء من عينيها .
ويتحول الحديث للمصري وهو من نوع الاشخاص الذين يتكلمون بأيديهم .. ويرفع اصبعه السبابة والوسطي معاً ويدل علي ادبه ومن مخارج حروف كلماته تؤكد ثقافتة المتنوعة .. ويظهر علي معصمة تلك الساعة الأنيقة من الماركات المشهورة من النوع المتعدد الأغراض وتعرف من الوهلة الاولى بانه يرتدي كنز باهظ الثمن .. ويقول لا .. انا اريد ان اختصر له الوقت .. حتى نعرف هو مقيم ولا زيارة ليكسب وقتة ولو معه أمانة نستلمها منه ونعضيها لصاحبها .. وأخذ يزم في جميع الوطن العربي بانه يضيع وقتة في المجاملات .. و .. و .. و ..
ويسرد تاريخة الامريكي والنهج الفدرالي والحريات والفترة التي قضاها بولاية كلفورنيا حيث درس الهندسة في مدينة اُوكلاند التي تشتهر بمنطقة البي ايريا التي يفصلها من سان فرانسيسكو جسر من طابقين شيت منذ سنة ١٩٣٧ يقابلة الكبري الاكثر شهرة قولتن قيت زو اللون البرتقالي ..
يااااخ أنا مالي ومال القصة دي !!
وانتبه انه ذات المعيار شوية .. وغير دفه الفقعة بتاعتو دي ..
اه .. يازول .. قالها هكذا حتي يرطب الجو عندك اي امانات تريد ان تسلمها لي الباشمهندس ؟
قلت له لا
يوجد في عيونه سؤال ..! لا يجد طريقة الي شفتيه ليخرج وينفس عن شمارة الشديد ..وغتاتة مني اعمل مافهم انو أنا داير شنو وموضوعي شنو ..!
ويحسم تلك التساؤلات اليمني ذو الأسنان الصفراء يمكن من التدخين او القاد وهي نبتة تتعاطا من خلال الفم كل الصعوط عندنا ب هي من النباتات الاكثر تخديرا من الاخريات وتلف الراس .. اقولكم شي قريبة من الدابنقا يا ناس الجزاير .. أنا قاصد الجزاير الجم تونس الخضراء .. كلها خضراء ..!!
وبسؤال دبلماسي انت مقيم
أنا: لا
اليمني: كيف الأحوال الاقتصادية في السودان
انه حال اليمنين يتعاطون السياسة والتجارة معا وهم شديدين في التانية وفاشلون في الاولي ونحن فاشلون في الاثنين معا ..وهذا السؤال قلب لي مواجع كثيرة الدولار ابصلعة كل يوم مكبر كومو ونافش ريشو ويغني في الذليل الجنيه ويقول له ..
فتشنا الاراضي السبعة
لقيناك لا اسد لا ضبعة
ولاك من الصقور السبعة
قراباً راجي باقي القصعة
ان شفت سنت تاخد ربعة
مسبرت في عيوبً سبعة
اسود دوكة خاطر البقعة
شوم اعور صباحك بشعة
البلد لا توجد فيها تجارة حقيقية وتنافس شريف .. انت تدفع ملاين الجنيهات لإدارة المواني البحرية والجوية والجمارك .. وآخر يستورد نفس السلعة بإعفاء شامل كامل .. وتكون غصب عنك تدفع فاتورة مخاذن حتي تخلص البضاعة اللعينة التي تنمو عليها حبه دقينة .. ويا خسارتك اذا واحد ركب بواحدة جديدة بنفس النوعية ..
ويقطع اليمني بسؤال تعجب
ويقول: السؤال دا صعب نعفيك وضحكة آخري مجلجلة تهز المكان ..
أنا: للحاله ما بطاله الحمدلله
يختف الحديث المصري ويقول : انت عندكم مجاعة في دارفور وعندكم حرب في النيل الأزرق وعندكم .. وعندكم .. وعندكم ..!!
أنا: الوقت لايسمح ان أبرر لك من الجعان ومن الشبعان والحروب وأسبابها واطماع الغرب في جمهورية السودان بالخريطة المشرتمة .. لان أنا راجع بعد ٤ ساعات أنا أسف جداً .. واقف لاودعهم ، لاول مرة أقيس طول ذلك المصري الذي وقف الوداع اقصر قامتاً ببطن منتفخ بالبروتين المتوفر في اللحوم والفول المصري .. أنتو في رايكم البرتينات بتاعتو دي جات من ياتو واحد !!؟
أمد يدي لوداع اليمني ليغمرني بكلمات الوداع ودعوات حافظات للطريق .. ويمسك علي يدي بكلتا يديه ليعبر عن اصله .. وأمد يدي لفرعون لوداعه واتمني لو وجدت اعفاء من هذه المصافحة الاخيرة .. دهشني المصري بانه أزاح يدي الممتدة اليه وارتمي علي بالاحضان الوداع ويهمس لي باعتزار باننا نشرب من نيل واحد إذن نحن أخوة ولايوجد بين الاخوان زعل .. ياربي الزول دا حربوية مالو بتغير سريع كدي .. ما علينا ح الاقي وين تاني ..!؟
اليمني: نجرب التلفون يمكن يرد
أنا: تمام
كل الحظ لايرد
وخرجو مقدمان زي عادة السودانين
مع السلامة .... مع السلامة
تحركت الي دبي مشوار .. واتصلت بالشباب لوداعهم واستلام عربية ابوجنز عبدالواحد في المطار .. وبدا شريط الزكريات في الايام الفائدة كيف حاولت ان الم في الحنوني .. وماقدرت .. كنت داير ناس المنتدي يبرمجو بصورة الحنوني ونفتح ليها بوست يصل للصفحة العشرين بعد الميه .. كميات .. كميات من التريقة والضحك علي الشيب والنظارات قعر كباية .. والترهلات من عامل السن .. لأكن أنا فشلت .. لنظافة دوخل الحنوني ونقائة وحبه للخير وغير اعماله التي لا تراها شمالة حين يعطي بيمناه .. انه الانسان ..
وينط الشيطان الي الذاكرة ليذكرني باليوم الاول الذي اتصلت به وردي لي أشخاص مختلفون وبينهم الصوت النسائي الشامي المستفذ في رقم اخرجته للاتصال لم اتصل به ، لأكن لقد دخلت علي مكالمة الأصدقاء التي قدمو فيها دعوة حفل راس السنة .. لا حولا .. وين اي أنا كاتبو هنا .. بس لقيتو .. الرقم جبتو من اي عصفورة اي اداني ليه (ودالمناصير) .. معقوله بس !! دا نفس الرقم الاداني ليه زول بوني الساكن في بدع زايد ونفس الرقم إلانا حاولت الاتصال به ولم يتم الرد الان ونفس الرقم الاكدو لي اليمني السعيد بانه رقم الحنوني الشغال بيه الان .. يا سبحان الله .. وانهلت بالشتيمة علي هذا الحظ العاثر ..
ويقطع هذه السيباب رنين الهاتف
انظر لشاشة العربية الرقم دا ما غريب علي
ويظهر في شاشة الموبايل في نفس الوقت اعاين ليه يمكن مسجل باسم
اي دا ما الرقم الأسي الانا بعاين ليه مكتوب في الورقة ..!
معقوله دي هو الحنوني يتصل ..!
قطع
اتاخرت في الرد من الاندهاشة واتخجت جواي كم نوع من الإحاسيس..بالرجفه .. والفرحة .. والشمشرة ..
امك..!
تاني اتصل
تحركت يدي بشكل آلي لزر رد وداست
وجاني ذالك الصوت القوي الذي يدل على انه يتمتع بحبال صوتيه مرنه في مخارج الحروف الواضحة التي تتخللها مفردات منصوريه بحتة ويعرف سامع هذا الصوت من الوهلة الاولي انه ممكن ان تطلع من هذه الحنجرة ألحان واشجان طروبة.
الحنوني: ود الطرشان سلااااام
انا:وعليك السلاااااام
الحنوني: يازول انت من متين هنا
أنا: يااااااخ انت عزبتني عزاب
الحنوني : كيف..!!؟؟
أنا: جند كل العصافير عشان يجبو لي عنوانك بدون ماتعرف
الحنوني : ها هاهاهاهاهاهاهاااااااها
أنا: تضحك شنو ..!؟ شمتان موش ..؟
الحنوني : هسا انت وين ..؟
أنا : ربع ساعة واخش دبي
الحنوني : ليه مشيت .. ؟ كان ترجاني ..؟ تعال راجع ..
أنا : يازوول .. انا طيارتي باقيلا ساعتين
الحنوني :يازووووول ..!! خلاص جاييك في المطار
انا : لا لا .. ما تتعب نفسك بجي راجع بعد ٢٠ يوم كدي
الحنوني : لا .. لا .. لازم نشاوف
انا : الزمن ما بيكفيك
الحنوني : لا لسه في وقت انا وراك انتظرني
انا : جداً
الحنوني : يلا لحدي ما أصلك
انا : مع السلامة
اه .. معقوله .. في اللحظات الاخيرة الم فيه .. صوته علي اسم عائلتة .. ويارب كيف الشكل ..؟ ويقطع التفكير هذا الاختراع المسمي الجوال برنين علي حسب الشخصية المتصلة وكان صاحبنا شيخ معتز ، الدخيل علي هذا الدين
معتز : الو
انا : اي يا معتز
معتز: انت وين ..؟
انا : ش الامارات ماش علي المطار
معتز : مالك ماشي من بدري ..؟
انا : عشان ازوغ من سؤالو قلت ليه تعرف يا معتز بتزكرني
جنيفير لوبيس
معتز : ان الله غفور رحيم خلي الكلام تعال لينا في المطعم الفلاني
الشباب كلهم منتظرنك هنا
وصف .. وصف .. يمين شمال لف في النهاية وصلت المطعم اكلنا وهاظرنا واتريقنا علي حال ايمن القديم ابو جنز مقطع وحال معتز ويهدي من يشاء وتكلمنا في حال السودان الطارد ويجب ان تقوم ثورة وانقسمنا الي فرقين فريق يقول من سيحكم لو قامت ثورة بعد الحكومة المخلوعة إذن لافائدة منها والفريق الثاني يصر علي تغير الحكومة ولازم تزيح حتي تزيل كل الحروبات والحال الاقتصادي .. و ..
ويرن الهاتف
وجاني ذالك الصوت الدافي الجهور ويقول
الحنوني : ود الطرشان
انا : كيف الحال
الحنوني : انا في نص المسافة ٤٠ دقيقة بكون معاك
انا : انشالله بس علي مهلك ما تستعجل
الحنوني : انشالله ... سلام
انا : سلام
يلا يا شباب بعد ده نقوم نمشي علي المطار .. والكل يعرف اي شي باخرني في مطار الخرطوم ببرقراطية الجمارك لا احملة وخاصة الموبايلات وبالأخص التلفزيونات .. لذلك الكل مجهز دراهمو للأهل وبعد كتابة لستة الامانات جرينا جري علي المطار ..
ودعت الأصدقاء .. واصبحت وحيداً أتخيل في شكل الحنوني وينبه مكبر الصوت سوف يقفل الميزان .. اتصلت علي الحنوني
انا : وين انت ..؟
الحنوني : قريب ٢٠ دقيقة بكون معاك
انا : الميزان داير يقفل بدخل عفشي واعمل الايجرأت وبتظرك
الحنوني : خلاص كويس
انا : سلام
الحنوني : سلام
بين صراعين شوفت الحنوني وخوف الطيارة الماشي عليها دي واتحرك بين الموظفين لتكملة عملية المقادرة مرة تريقة من موظفة الخطوط زو الجنسية العربية وشكل إيراني ومره من بداع الجوازات ابوجلابية مخنوقة في الفيها حبل دي ..
اخيراً بقيت جاهز زول سفر وجلست في احد الكنبات الحديدية .. والتفكير في شكل الحنوني .. هل هو أصلع شديد .. ولا .. ولا .. وأتذكر الطيارة الله يصرفه .. أسي لو عملو قطر مالو ..؟ ويقطع الخوفة مكبر الصوت .. ويقول المسافرين علي متن الخطوط الامارتية المتوجه الي الخرطوم التوجه الي البوابة رقم (٤) وتكتب في كل الشاشات طوالي اسل الموبايل واتصل علي الحنوني
انا : يازول نحن ماشين علي البوردن باص
الحنوني : بس ١٠ دقايق
انا: سامع الصوت دا ديل نحن
الحنوني : خلاص قربت
انا : اسرع شوية
الحنوني : انشالله
حاله من القلق شديدة خلاااااااص ... بين سندان الحنوني ومطرقة الطيارة .. ويذاع الخبر النهائي للمغادرة واجرجر ازيال الخيبه علي بوابه (٤) لتنسيني خوف الطيارة .. وتفحص موظف الجوازات لختم الخرووج ويفعل عمله الروتيني وشكله يمازحني بكلمات لم اكترث له ويقول الازوال ناس فرايحين مالك انت ..؟ وينجدني رنين التلفون من اسالته الممله وكان الحنوني
انا: اه .. الو
الحنوني : انا وصلت ما شايفك
انا : دقيقة أحاول عسكري الباب
الحنوني : دقت ليك خروج
انا : اي
الحنوني : خلاص الله اراض ما بيخلوك تمرك
انا : دقيقة خليني احاول
الحنوني : انت في ياتو قيت
انا : (٤)
الحنوني : خلاص بجيك قصادو
انا : كويس خليك معاي في الخط النحنس العسكري
الحنوني : ما أظن لأكن حاول
انا: انشالله بقول للعسكري داير اسلم علي زول ما قدرت اقابلو
العسكري : ضاحكاً انت جاد
انا : اي
العسكري : مستفذاً الفوضي دي تعملوها في بلدكم
انا : ليه حصل شنو
الحنوني معاي في الخط: ما قتلك
العسكري : انت برة الامارات الان لو داير تدخل الا بتاشيرة دخول جديدة
انا : طيب انا ممكن طلب
العسكري : قول
انا : ممكن تصوروا لي
العسكري : جداً
انا : شكراً
الحنوني : انت الصورة دي دايربها شنو ..؟
انا : لذكري
الحنوني : انا زاتي بحب احتفظ بالصور دقيقة النقيف سمح العسكري وصلنا
انا : صورك وانت بتتكلم بالموبايل خلي يصورك تاني ونزل الموبايل
الحنوني : جدا
انا : شايفو صورك
الحنوني : ارتحت خلاص
انا : ما تتخيل الصورة دي انا تعبت فيها قدر شنو
العسكري: امسك كميرتك دي
انا : شكرًا
العسكر : لا ابداً ما في حاجة
الحنوني : بس انا ماشايفك سمح في بينا كم قزازي كدي
انا : انا ذاتي ما شايفك كويس بس شايف تيشيرت احمر
الحنوني : اي انت قايلني كبرت علي التيشيرتات
انا : هاهاهااها
الحنوني : تضحك علي شنو ...؟
انا : الكرشة
الحنوني : اسمع الصورة دي ما للنشر
انا : الله كيف ناس المنتدي منتظرنها بفارق الصبر
الحنوني : كان عارفك اب بصور
انا : ها هاهاهااها تصحبك السلامة انت راجيك مشوار
الحنوني : تصل بالسلامة
انا : سلم علي الوليدات
الحنوني يصل انشالله
ورحت علي الطيارة طوالي بالخرطوش لابص ولا يحزنون
اصل الخرطوم ارفع الصورة طوالي ..

من طرف **عازه** الجمعة 10 فبراير 2012, 11:48 pm

ماتقولينا ياود الطرشان بعد الثلاثه صفحات العسكري صور ليك شخص أخر غير الحنوني؟

من طرف **ود الطرشان** الجمعة 10 فبراير 2012, 11:53 pm

[ندعوك للتسجيل في المنتدى أو التعريف بنفسك لمعاينة هذه الصورة]

الحنوني .. لقد كان حنين .. وقلبة ابيض .. لذلك فشلت خباثتي
في نشر الصورة .. العيب كان في ذلك العسكري الارعن
البدوي الجلف .. لم يفتح زووم الكميرا .. لذلك جائت سوداء
أسف آنساتي سادتي

من طرف **ود الطرشان** السبت 11 فبراير 2012, 12:02 am

عازه كتب:ماتقولينا ياود الطرشان بعد الثلاثه صفحات العسكري صور ليك شخص أخر غير الحنوني؟

خيالك يحتاج لحبه سماد .. خليك زراعية

من طرف **عازه** السبت 11 فبراير 2012, 12:12 am

والله ابدعت في الحلقه مابقول الأخيره لانك ماعندك ضمان بكره تقول الكاميرا اتغيرت مع صديق ولأنها نفس الماركه .ونواصل الحلقات .

من طرف **عازه** السبت 11 فبراير 2012, 1:08 am

عندنا طلب منك تجيب لينا صورة علي الكليس صورة الحنوني لما ترجع تاني في بوست أخر هو والحنوني عمرهم لايتجاوز العشرين وصورة علي الكليس بين ٤٠_٤٥ والحنوني قال أصغر منه بعشره اعوام يعني في بداية الثلاثين عايزين شغل نجيض تجيب لينا الأكيده ونواصل في نفس البوست الذي قد ادمنا علي قرأته.

من طرف **ود المناصير** السبت 11 فبراير 2012, 2:42 am

انا أستأذن

على ركاب الطائرة ---التوجه---تانى عاد تانى دا تجيب لىك حلقة من وين فلابد من ان تكون الحلقة الاخيرة --
بعدين ياعازة صورة الكليس سهلة لكن صورة الحنونى تنور فى سنتين مازى صورة الكليس تنور فى اربعة شهور (زى جوافة المناصير)

من طرف **عازه** السبت 11 فبراير 2012, 3:43 am

ياستاذ سلمان لو منتظرين ود الطرشان ماشكلها حاتنور نهائي شفت الجرجره دي وفي النهايه مافي حاجه حصاد السراب ذاتو طبقو فينا.

من طرف **ود الطرشان** السبت 11 فبراير 2012, 3:49 am

يا عازة الكليس يحمل روح ٢٥ سنة وقلب يافع ينبض شباباً مابين ١٩ سنة و١٧ سنة يحب الفكاهة والنكت لا تكترثي للكتابات الجادة دي

من طرف **نجلاء زمراوي** السبت 11 فبراير 2012, 4:13 am

حاج كبكبه ....الف حمد الله علي السلامه
نهايه حرقانه....

من طرف **ود الطرشان** السبت 11 فبراير 2012, 5:29 am

ود المناصير كتب:انا أستأذن

علي وين ...؟
من وين لوين ..؟
ومن يستأذن من من ..؟
الفريق العامل .. رشح سيادتكم ببطولة المسلسل القادم
بعنوان : (كير منو .. غرق)

من طرف **ود المناصير** السبت 11 فبراير 2012, 7:42 am

ما تتعب يا قريبي ... صورتي الجماعة نزلوها في المنتدى

عاد الله يقدرك تفتش ... ممكن تستعين بمفتشي اسلحة الدمار الشامل

اصلو بعد العراق العطالة كتلتهم

وبعد ال ............ دي نتمها ليك في بوست قادم

من طرف **ود الطرشان** السبت 11 فبراير 2012, 2:15 pm

سلمان عقيد النعوفابى كتب:على ركاب الطائرة ---التوجه---تانى عاد تانى دا تجيب لىك حلقة من وين فلابد من ان تكون الحلقة الاخيرة --
بعدين ياعازة صورة الكليس سهلة لكن صورة الحنونى تنور فى سنتين مازى صورة الكليس تنور فى اربعة شهور (زى جوافة المناصير)

الكليس في الشكل تقول من مواليد اول الثمانينات .. وكانت دي سنة اغترابه ..!

والله يا ود الطرشششششششششششششان
كان لقيتك احرش فىيك كلب يعضيك
واركبك الطياره الى الفلبيين
واقعد جمك سعودى يسأل فيك
وتمسكك المغصه
وكل يضحك فيك

من طرف **ود الطرشان** السبت 11 فبراير 2012, 4:59 pm

عازه كتب:ياستاذ سلمان لو منتظرين ود الطرشان ماشكلها حاتنور نهائي شفت الجرجره دي وفي النهايه مافي حاجه حصاد السراب ذاتو طبقو فينا.

اهدي إليك ١٧٠ كيلو متر سراب
كلو سراب في سراب ..!!

من طرف **ود الطرشان** السبت 11 فبراير 2012, 5:22 pm

نجلاء زمراوي كتب:حاج كبكبه ....الف حمد الله علي السلامه
نهايه حرقانه....

حرقانا من كبارا الجابت قصة النظارة

من طرف **عازه** السبت 11 فبراير 2012, 6:03 pm

ود الطرشان قاصد سراب ولا سرابات لانو السراب حصدناهو معاك اما السرابات دي اصله حقت أهلي ترباله نجيضين مقبوله منك .

من طرف **علي الكليس** السبت 11 فبراير 2012, 7:42 pm

عازه كتب:عندنا طلب منك تجيب لينا صورة علي الكليس صورة الحنوني لما ترجع تاني في بوست أخر هو والحنوني عمرهم لايتجاوز العشرين وصورة علي الكليس بين ٤٠_٤٥ والحنوني قال أصغر منه بعشره اعوام يعني في بداية الثلاثين عايزين شغل نجيض تجيب لينا الأكيده ونواصل في نفس البوست الذي قد ادمنا علي قرأته.

ودالطرشان ازيك
ياخي نحن راسمين صوره جميله لصديق في خيالنا مالك خربتها لينا والراجل انا اكتشفت ليه طريقه جديده لحساب العمر وبالحساب دا قال لي هو في الطاشرات وانا في العشرينيات ونحن عايشين الحلم دا ماتخلونا في حلمنا .وقال هو اصغر مني بعشر سنوات مع انه انا ماحاضر زمن جره للمراكب البتوكر في الشيمه .اسع هو مشي وين لاحس لاخبر
والله ياعازه ارجي الراجيكي عند خالك تبحتي وراهو
غيتو ياود الطرشان البقع في ايدك تبهدلو

ود المناصير كتب:ما تتعب يا قريبي ... صورتي الجماعة نزلوها في المنتدى

عاد الله يقدرك تفتش ... ممكن تستعين بمفتشي اسلحة الدمار الشامل

اصلو بعد العراق العطالة كتلتهم

وبعد ال ............ دي نتمها ليك في بوست قادم

ليه صورة أرسين لوبين ..؟
والقصة لها توابع .. فتابع ..!

اميره الحومرى كتب:والله يا ود الطرشششششششششششششان
كان لقيتك احرش فىيك كلب يعضيك
واركبك الطياره الى الفلبيين
واقعد جمك سعودى يسأل فيك
وتمسكك المغصه
وكل يضحك فيك

ياختي .. انت مربية في الشايقية ..؟ المضرة دي جبتيها من وين .. ؟

شنو يا سمعان مافيش جزء تاني ولاحتى مشاهد محذوفة أثناء المونتاج
وللا أقول ليك كدي راجع الكاميرا دي كويس - يمكن قبل ماعسكري البخت ده يصور يدوي - عملت تصوير تلقائي
- لايمكن نتابع في الحلقات من قولة تيت وفي النهاية نمرق ملوص

فايف
فور
ثري
تو
ون

آكشن

عازه كتب:ود الطرشان قاصد سراب ولا سرابات لانو السراب حصدناهو معاك اما السرابات دي اصله حقت أهلي ترباله نجيضين مقبوله منك .

هنا تحصدي الحقيقة .. اصبري شويه لانحتمل شفقانان

الكليس يتهرب :
غيتو ياود الطرشان البقع في ايدك تبهدلو

ح اكتب لك تعهد ان لا تتبهدل

عشرين حلقة لملموهن وخاطرنا ما طاب

ياحليلنا نحنا الدفقنا مويتنا على الرهاب

ود الطرشان ماسمعنابو يوم قالوا كضاب

وزولنا يمكن صوب الكاميرا وغطاها بالسباب

وود ابحنة كين يمسك السبحة بى يقلب الموية رواب

عشان كده الصورة ذاتا اتقلبت سراب

واللا ود الطرشان فى سفرتو دى ودا جاب

وود ابحنة ماسكلوا شيتا بي يخرب للعقاب

نان مالو بعد تعب التعب دا براحا قام تاقا للباب

خالد عابدين كتب:شنو يا سمعان مافيش جزء تاني ولاحتى مشاهد محذوفة أثناء المونتاج
وللا أقول ليك كدي راجع الكاميرا دي كويس - يمكن قبل ماعسكري البخت ده يصور يدوي - عملت تصوير تلقائي
- لايمكن نتابع في الحلقات من قولة تيت وفي النهاية نمرق ملوص

فايف
فور
ثري
تو
ون

آكشن

المفاجئات في القادمات
وعليك بتكاليف احتفاليه تدشين النهائيات
(((( يااااا الرشيد السمك جاهز ))))
ورسالة الي (يس) زح من المكيف ابوريحه حلوة