صورة .... ابوحنة. (New Look)

تذكير بمساهمة فاتح الموضوع :

موضوع هذا البوست برجع ليه الصباح
عشان طولنا من المنتدي نقلب الصفحات
وصباحاتة بيوض

خالد عابدين كتب:شنو يا سمعان مافيش جزء تاني ولاحتى مشاهد محذوفة أثناء المونتاج
وللا أقول ليك كدي راجع الكاميرا دي كويس - يمكن قبل ماعسكري البخت ده يصور يدوي - عملت تصوير تلقائي
- لايمكن نتابع في الحلقات من قولة تيت وفي النهاية نمرق ملوص

فايف
فور
ثري
تو
ون

آكشن

المفاجئات في القادمات
وعليك بتكاليف احتفاليه تدشين النهائيات
(((( يااااا الرشيد السمك جاهز ))))
ورسالة الي (يس) زح من المكيف ابوريحه حلوة

سلمان عقيد النعوفابى كتب:عشرين حلقة لملموهن وخاطرنا ما طاب

ياحليلنا نحنا الدفقنا مويتنا على الرهاب

ود الطرشان ماسمعنابو يوم قالوا كضاب

وزولنا يمكن صوب الكاميرا وغطاها بالسباب

وود ابحنة كين يمسك السبحة بى يقلب الموية رواب

عشان كده الصورة ذاتا اتقلبت سراب

واللا ود الطرشان فى سفرتو دى ودا جاب

وود ابحنة ماسكلوا شيتا بي يخرب للعقاب

نان مالو بعد تعب التعب دا براحا قام تاقا للباب

حان الآن موعد اذان الغيث

وصلاة المويه على الواطه

الحلبت ضرع الغيمة الدرّا

الغيمه الانشّت في السماء تبروقه

ودشرت همها من سبلوقة القبله

وفتحت بنيان الافق الواسع

للطير الرجّع عصفورة قلبي المطلوقة

وفرَّ

للشمس السلت روحها

اصبحنا واصبح الملك لله ..
تقوم مخلوك من النوم .. ذي المغترب .. الماشاف وليداتو سنتين .. معسم بحزمة هموم  ومشاكل الوضع الاقتصادي ذي بحر الدميرة يوم فوق ويوم تحت ويوم عكر .. ويوم ورا يوم طويل .. تتخازل بالخروج من المنزل لولا كاس الشجاعة (شاي اللبن المقنن) المصنوع بأيدي أعزها كثيراً .. بالرغم من تقدمي في السن لايوجد في قاموسها ان دولاب الزمن يتحرك بي لا زلت ذالك الولد الشقي .. انها أمي 
ادبل كباية الشاي .. وابقي مارق للمعمعة .. ادير راديو العربيه يمكن الواحد يسمع .. كل الجبهات في دارفور ختو السلاح وخشو في سلام .. ولا الجنوبين ربنا هداهم وخلي البترول يمر من عندنا .. ولا عمك رضا عننا وادا المناصير كل الخيارات ..ولا ..ولا ..ولا
وانتقل من محطة لي محطة كلها دعايات
واغلبها لشركات الاتصالات التي تشاركنا في لقمة العيش وشعارها (خليك غشاش بالحليم الجميل وجاك مسكول) .. 
مرة مكروونة ..
ومرة عدس ..
ومرة صلصة ..
كل المادة الموجودة في إذاعات (الاف ام) عبارة عن بقالة والبرامج خواء فكري ..
اقف في احد الإذاعات 
التي تبث صوت التطريب الاول في نظري كمال ترباس ..
برائعتة (ياستهم)

يا ستهم
حسنك يفوق حد الخيال كيفن محاسنك اعدهن ..
السمحة ياستهم ...
حسدوكي هم ياستهم لما الصفات عددتهن
لو ما الظروف خوف الملام بي هواك كان كلمتهم
كان قلت اسمك للانام وبحت بي سر الغرام وعشت الليالي العشتهم
يا السمحة ياستهم ...
شافوكي هم يا ستهم
غنوكي معاي 
في سرهم ..
عرفوا الجمال واحلي الخصال وكل المعاني الردتهم
قالو المحال رقة ودلال والجيد طويل وعيون غزال والبسمة فيك يا ستهم 
السمحة ياستهم ...
وين الحروف يا ستهم صعبن علي ماعرفتهم
ارجع واقول دونك تحول سجع القوافي الشفتهم
لو قلت زول مازي زول مابوفي قول او ليك اقول والله ستي وستهم
السمحة ياستهم ...
والله ستي
وستهم

المح عند جسر السوق المركزي الجديد لنج ولم يتم افتتاحة بعد .. لافتة يظهر نشاز الألوان الواضحة والفتحة بالمقارنة بالكتوب عليها:
المالك: وزارة المياه والبنية التحتية ولاية الخرطوم
الاستشاري: شركة إسبان 
المقاول ؛ شركة أية اند أية 
تكلفة : المشروع ١٦٫٥٠٠ مليون جنيه (هجمني)
مدة العقد : ٨ اشهر
الطول : ٦٦٠ متر
طول الجسر :٦٠ متر
العرض : ١٧٫٢٢ متر (مسارين لكل اتجاه)
جزيرة وسطية : ٠٫٥ متر
الارتفاع اسفل الجسر : ٥٫٤ متر

لا حولااااااا .. ستاشر مليار بالقديم للكبيري دا .. القروش دي تعمل كم بيت في الخيار المحلي ..؟ غايتو البلد دي فيها جنس محن .. اصبحنا بالله من التلفونات دي .. دا منو ياربي ..؟
انا ؛ الو
هو: كيف يازول
صوت من البلد ..!!
انا : وعليكم السلام
هو : عرفتني
انا: لا والله
هو ؛ انا فلان الفلاني
طلع ود عمي الحمدلله الانسترتا
انا : وين انت يازوول ..؟
ودعمي: في الدامر .. في الدامر
يخش تلفون في الانتظار .. الله .. من الامارات .. يكون الهندي بتاع المطبعة داير قريشاتو الله ينعلك يا الدين ..
انا : اها ادنا خبر الدامر
ودعمي: والله نحن ما قايمين من هني تب الا..
اسمع صفارة طويلة
تييييييييييييييييييييييييييييييت
بتاع المرور 
اها وقفت 
بتاع المرور : رخصتك ..!؟

نواصل ..،،

بوست تقول فاكنوا بنبلة ... 4 صفحات ؟

قريبي خالد عابدين حا يطالبك بالإيجار

ود المناصير كتب:بوست تقول فاكنوا بنبلة ... 4 صفحات ؟

قريبي خالد عابدين حا يطالبك بالإيجار

الحنوني يستاهل كتابين
ليه .. خالد قاطعين اقصد عابدين انا شخبت في دفتر حساباتو .. !!

الله يدى العافى

بالصورة دي ود الطرشان راح يجيب لى صورة ترضى طموحه. لكن خايف جد من الصورة تطفش عليا قرائي وتقلل عدد المعجبين!
بعدين البسويها في ود الطرشان إلا يعلم بها الله!

صديق عبدالله علي أبوحنة كتب:بالصورة دي ود الطرشان راح يجيب لى صورة ترضى طموحه. لكن خايف جد من الصورة تطفش عليا قرائي وتقلل عدد المعجبين!
بعدين البسويها في ود الطرشان إلا يعلم بها الله!

يا هندسة .. انا معاك .... ود الطرشان ما عندو صورة ...

ولو جاب صورة تطفش القراء انا عندي ليك هدية ...

يا قريبي ود الطرشان ... هاك العنوان ... انا اطرب مع الحبان ... واحب الرقم تلاتة

وحلا حلاتك يا زهر الريحان

عندنا صور حية ... وفيديو كمان ..

اها رايك يا ود الطرشان ؟؟

أنا عارفك يا ود المناصير أنت مرجع المناصير
عشان كدة إنت ما بخاف منك زي ود الطرشان

سلمان عقيد النعوفابى كتب:الله يدى العافى

امييييين

سلمان عقيد النعوفابى كتب:الله يدى العافى

امييييين

الليلة ريحناكم من ود الطرشان وفقعنا ليهو البقاقة..
وجبنا الصورة.. صورتك الخايف عليها
قلنا أحسن نبعدكم من لف ودوران ود السمعان
<script src='http://img194.imageshack.us/shareable/?i=suratwadaltarshan.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

الحنوني بااااالغت
صورة ناقص ٢٠ سنه .. !!

صورتنا جديدة لنج

ارد للشباب الفوق ديل وبجيك راجع

صديق عبدالله علي أبوحنة كتب:بالصورة دي ود الطرشان راح يجيب لى صورة ترضى طموحه. لكن خايف جد من الصورة تطفش عليا قرائي وتقلل عدد المعجبين!
بعدين البسويها في ود الطرشان إلا يعلم بها الله!

التسوي كريت في القرض تلقاهو في جلدا

ودالمناصير اوع من الضرب تحت الحزام

ولو جاب صورة تطفش القراء انا عندي ليك هدية ...

يا قريبي ود الطرشان ... هاك العنوان ... انا اطرب مع الحبان ... واحب الرقم تلاتة

وحلا حلاتك يا زهر الريحان

عندنا صور حية ... وفيديو كمان ..

لا اله الا الله ..
لميت فيها وين ..؟ دا ما معانا .. يالون .....

صديق عبدالله علي أبوحنة كتب:أنا عارفك يا ود المناصير أنت مرجع المناصير
عشان كدة إنت ما بخاف منك زي ود الطرشان

اهم خمسه حاجات
تلاتة
الكلب والطيارة

انت المهم والناس جميع ماتهمني

خالد عابدين كتب:

الحنوني بااااالغت
صورة ناقص ٢٠ سنه .. !!

صورتنا جديدة لنج

لقد جلبونا .. !! في سوق الرقيق وتم بيع غير معلن بين الريس ودالمناصير

د الطرشان سيب الكضب
الصورة ظاهر فيها باكستاني بالزي الباكستاني
ده معناه شنو؟
معناه أخذت في الخليج وانا مغترب..
ودي احدث صورة والله
بس إنت ما عايز تصدق!
احسن اجيب ليك ود المناصير عشان يقنعك

الحنوني يغاااااااااالط .... !!!

هاهاااااااي
باكستاني ... هندي .... ياباني

ابعد
هذا المتأمر ودالقشارين
ومعاهو ودعابدين

خلي الراي للقراء الناجحين
ويقارنو بين الصورتين

ود الطرشان طلع فشنك.. ما عندو صورة
...........
وفي ناس سبقوه في أخذ آخر صورة..وفازوا عليه
........
طلع ود الطرشان مستهبل

ود الطرشان كتب

وصلنا لمكان الحفل صاله حقيقي تصميم معماري مبالغ فيه سميت علي ندم العرب (الاندلس) يازووول القيامي قايمي في نص الحكاية دي اشوفلك زول أنا بعرفو عرفي شديدة من ناس الجزاير تحت يازول سلامات وكيف و..و..و..و .. الذاكرة رجعت
تعرف زول اسمو صديق ابوحنة مهندس قال لي ما بعرفة شخصيا بس سامعبو لأكن الصباح بجيب ليك خبروا تبادلنا الارقام