حكاية زول يفوت حقو يفوتو الناس ويبقى الساس

اصبح الصبح لكن ماهو الصبح ولابتتقال ولا بنتم
ذى عطشا وراهو شراب وفطن الكاس يكون السم
وذى زيفا مبارى دعاش وراهو سحاب بعيد متلم
يجرى شوية ينترتع يشيلو نفس يقيف ينجم
وتكبس فوقو عتمة ليل والصبح القبيل ضلم
كم صبحا مع ايام تفوت وشفوت مامعروف عدادن كم
تضيع الاهه وسط الصحة والتوتر البجيب النم
اصلى انا داير ابد وقبلها اصلى ما اظلم
نضما فوق بلد ممهور بى سبحة وصدقا نعم
حكاية زول يفوت حقو وكت ريحة العفن تنشم
يموتو الناس ويقى الساس ويتفرق وسطكن دم
بلد حدادى مدادى ما مسيوقة والمسروقة منها كم
حقى انا ما بكوسو اسع وشيلتى بشيلا واتحزم
بركب فوق نهارى الموج وانهر خيلى واتقدم
سوو الدار تسوو وراى واوعة بلدنا تتقسم
وعونابكم خايفة من باكر لابخلوها لابتسلم
ترقد وتطلع القمرة والليل للظلام علم
وقررت النجوع للجوع وريحتا فيها ما تنشم
الا زعيمنا كان جاير ولى حلم الفراس يتم
وخت فى قفاه بلد ولا صلى لا سلم
هى ختت فى قفاها بلد وهو لا صلى لا سلم
وعذرا يا مناصير عند الكريم مابروح يوم الذرة تتقدم .

ياسلام يا العوناب –على القصيدة الرائعة والمعبرة ----

ترقد وتطلع القمرا والليل للظلام علم

قديما قال (كارل ماركس):

---ان ظلام العالم كله عاجز اطفاء نور شمعة—

قد يكون الظلام الظلم -- والظلم ظلمات يوم القيامة---