كل الناس كدة!!!! معقولة بس في زول كدة؟؟؟

كل الناس كدة
معقولة بس في زول كدة
........................
كل الناس كدة
معقولة بس في زول كدة
هذا فيما يخص لمتنا ووحدتنا في إعتصامنا والناس نست الصغائر من أجل لمة الناس الكبيرة دي..

انشاءالله يا ابوحنه كل الناس تكون معتصمين
قال تعالي<واعتصموا بحبل الله جميعا ولا تفرقوا>صدق الله العظيم

الأغنية دي حقت محمود عبد العزيز
طبعاً لما قال:
كل الناس كدة
معقولة بس في زول كدة
يعني يقصد زولو هو سمح سماحي موت( في السلك)( شرط) والناس الباقين كلهم شينين
أنا ما عارف الشين منو؟
اي زول يقول كدة! يسوى زولو سمح
سمية حسن عندها أغنية تقول( حبيبي عسل والناس مساخ)
واحدة أختنا صحفية من كتاب سودانيز اون لاين مغتربة في اليمن السعيد تتكلم عن ( الجندر ) طوالي حتى سموها الجندرية..
عندها قولة جديدة قبلها الإختراع وسجلها في الموسوعة الفكرية..
يا جماعة الكلمات الطاعمة برضو عندها نظام موسوعات موش ضروري الحاجات الطبيبة والهندسية براها.. وجائزتها ربع مليون دولار.. ( يلا نشوف ناس كليات الآداب)
أها كلمتها او جملتها هي( ما القبح إلا جمالاً مجروحاً)
عشان كدة وحسب قولتها دي
انا ما بشوف أي زول شين
بشوف بمنظاري كل الناس سمحين

أوعك الناس( تحوم بين العبيدية، والقمبارات)