الفلوجه تتململ ونحن نطبطب

لو كنت تقف على الارض المنثوره جمرا لعرفت ان اليوم يوافق الثلاثون
هذا هو اليوم الموعود للقاء الاحرار وسداد الدين ووعد الحر
ان نلتقى هنا وجها لوجه ونمد ايدينا ونبدا بالسلام
ونجلس القرفصاء على الارض الجرداء ونجرجر باصابعنا عليها لنجرد الحساب
هذا هو يوم الحساب

ومازالت طلائع الرماه اعلى جبل احد
ولم تنكشف الارض بعد
و سانى وجوراء فى الخاطر
قتلانا فى الجنه وقتلاهم فى النار
فباى الاء ربكما تكذبان

وجاء رجل من اقصى الولايه يسعى
وعلى وجهة علامات السفر التى اختفت من الوجوه الا القادمه من عندنا
لم اشاهد ما قيل فى الحويله الا فى افواهكم
ومازالت ام حراز جرداء
واختفى الافغانيون من هنا ..لعلهم مرابطون ينتظرون ترك الرماه اماكنهم

غدا سياتى واليوم عدى
وسنجدد الوعد ونواصل

ده الكلااااام [ندعوك للتسجيل في المنتدى أو التعريف بنفسك لمعاينة هذه الصورة]

الحاج ايها الرائع نحن والله نقف على الجمر من زمن وان انسى لا يمكن ان انسى منظر شهداء شباب المناصير ونحن فى الطريق الى سانى ولن انسى ما حيت الدمعات وهى تسيل مدرارا من وجهه هذا الرجل النبيل عمك المقدوم الرجل الذى لا ثانى له فى المناصير اضعناهو واى رجل اضعنا واننى كنت اعرف وما زلت ان هولاء القوم صنعتهم الكلام والخداع ولكن قومى لا يسمعون النصح الا ضحى الغد ويا خوف فؤادى من غد الحاج اتمنى الا يكون الرماة قد تركوا مواقعهم .

الساعه الان الحاديه عشر والدقيقه تسعه واربعون الموافق الواحد والثلاثون من مايو
بعد احدى عشر دقيقه سيعلن الحكم نهايه الموعد المتفق عليه
ربما يكون هنالك زمن اضافى و ضربات ترجيحيه
وربمايعلن الحكم اعاده المبار ه للمره ال......كم؟

مواعيد عرقوب حاضرة
وأعين المناصير لم تنم

عرقوب ذاتو كان شاف مرمطتنا دي كان إختشى

إلا صحيح الإختشو ماتوا

رايكم شتو
حليل سانى
دا كان زمان يانورالهادى
تشتت ربطه القنا وتكسرت احادنا
كدى لمن تجى

–لدكتور نافع-للبرجوب- للهادى –للبشير وللبلد -وضعتها هنا عشان شايف الاخ الحاج مسخن-[/font][/color]

طال الانتظار بقت الحكاية مسلسل ناكل فى الصبر باقينا منو شوية

عالج للجراح قبل الامور تنشنتل

مو موجعنا حق قادرين نجيبو رجالة موجعنا الكضب الفوقنا من عامن اول

نحنا شبابا نخبر للدروب وشعابا قانونا يشطب فوقنا مابتفصل

يشطب حمد احمد ويدى بت عبد الله هيل منو هى البلد لامن نجى ونتفضل

عشرة سنين مضت هى مطلقة ومرجوعة يافكونا ياخلوا السيوف تتسلل

الشكر للاخ عادل شررى ولخاله الاستاذ الباحث والمهتم بالتراث المنصورى النذير تاج السر[/quote


اخ سلمان لك تحياتى
بح صوت اخونا محمد حسن فضل
ولا حياة لمن تنادى
لو كان شعرا شنانيا او قيقميا او ...... لارتدى اخونا محمد ح فضل العمامتين وامتطى القمازتين وسكن فى ذات العماد وحلف بملء فوهه انه خيار محلى
واختيارك موفق الاخ سلمان عقيد

لرفع البوست

والله من يوم خلينا زمراوي وذمرته ينهروا في أهلنا ويحلفوهم ثم يكذبوهم ثم يشطبوهم من كشوفات الحقوق ثم يعودوا مرة أخرى لما يسمى
بالإستئناف ... أمورنا بقت ما ياها وأن متأكد من تكرار نفس الأسطوانة وسيكون هناك إستئناف تاني وحا تشوفوا كلامي .. والحل بسيط الحقوق أو العقوق كما قال خالد عابدين وأبدوا بإسم الله بكل الأجانب الحايمين قريب أو من جماعة زمراوي ... والله ديل أنا نكره كره

عشان كده ياجماعه نحن قلنا الشباب من المفترض ينتشروا في بحر السياسه اليبقي موتمر واليبقي امه واليبقي شيوعي بس يكون عندنا كوادر يوم ما في الساحه علي نهج اهل مروي

وراها دى :

التحية لصاحب البوست اخي الحاج
وكل الاخوة المتداخلين
انا شخصيا بقت لي السيوف بدأت تنسل ياسليمان عقيد ؟؟؟؟؟؟
قابلت البطل حسن حسان من ضمن الوفد القادم من البلد وكان في حضور النائب .
فرأيت البطل حسن حسان الشرر يتطاير من عينه من كذب الحكومة ووعودها المتكررة
وعلي مااظن انها اخر زيارة لوفد من المناصير للخرطوم ؟؟؟؟
وعلمت انهم سيقابلوا الرئيس ونافع الذين وعدوا المناصير بحل الاشكال ؟؟؟؟؟؟؟؟؟
واذا لم يكن هناك حل جذري وبمواعيد محددة ؟؟؟؟؟؟؟؟؟؟؟؟؟سنبقي علي كلام الشاعر والسيوف تنسل ؟؟؟؟؟؟؟؟؟؟؟فالاستشهاد في ارض المناصير عزة وكرم ؟؟؟؟؟؟؟؟؟؟ فارجو الاستعداد للتعمير وحل القضية نهائيا او .........................
شكرا ياريس (خالد عابدين ) علي الصورة لك ودي وتحياتي

هانت

الشكر للرائع الحاج والاخوه المتداخلين .
بعد كل هذه الوعود الكاذبه والتخدير ونحن نصدق ! يخيل لي افضل حل انو السيوف تنسلل .

الشكر للرائع الحاج والاخوه المتداخلين .
بعد كل هذه الوعود الكاذبه والتخدير ونحن نصدق ! يخيل لي افضل حل انو السيوف تنسلل .

قرات جميع المداولات لجميع الاخوة مع احترامى لهم جميعا الفلوجة كانت عنوانا للتدخل الامريكى فى العراق اما فلوجة المناصير تخرب ممتلكات المناصير وليس الحكومة التى ظلمت اهلهم وفلوجة المناصير جل قياداتها بايعت ذات الحزب الذى يسوف فى حقوق اهلهم السيوف لن ترفعها عصابات النهب السيوف ترفع بالشرفاء من الناس حتى نساعد اهلنا

شكرا الحاج .شكرا المتداخلين .انا بقول لو الحاصل ده كان فى مروى والا شندى هل الناس بسكتوا ذى سكاتنا ده .ياناس كفايه كفايه كفايه .ولعوها وشلعوها بى كتابه بى منشورات بى طلاب بمظاهرات .المهم نتحرك .وكفايه سكات .

شكرا الاخ خالد لتجديد هذا البوست وشكرا لكل الذين مرو من هنا
واقول للاخ عادل نتمنى ان يترجم الاخ حسن حسان غضبه هذا الى لغه يفهم منها السيد الريس ان ان اناء الصبر عندنا قد نفد مابداخله
الاخ النذير نتمنى ان تكون السيوف موجوده ولم يتصرف فيها من اؤتمن عليها
الاخ على حدورى نحن لانعنى بالفلوجه من تعنيهم انت ومن خرج خرج بنفسه ومن باع فقد باع نصيبه اما الباقون لم يبيعوا ولم يعرضو بضاعتهم ومازال جبل الشلال والفعال نصب اعينهم
الاخ محمد عمر انت تعرف ان المؤمن صديق وقد صدقناهم بحكم ايماننا
ولكن قطعا لا يمكن ان نلدغ مرتين

لقد اعطينا لغة العقل الحظ الاوفر وهذه شيمة الحكماء ولكن يبدو ان الطرف الآخر لا يفهمها .
حان اوان لغة العضلات ومن اخذ بالقوه لا يسترد إلا بالقوة.

اتمنى ان لاتتمرس اخى الحاج بتلك الفوجة

الاخ المبدع الحاج واخوته المتداخلين
سلام عليكم
اسمحو لي بهذا البيت من قصيدة الشاعر الفذ الدمري
الحكومه وين عقلاه طالقه سفيه
لذلك سوف تكون الوعود والوعود
وطبعا نحن نصدق وعارفنو كذب وخداع
الحق معروف وين
والعندو الحق قال مافيش حق
وده كلام نهائي
وما بيقدرو يقنعوه عشان يرجع حقنا
لذلك سوف يتواصل المسلسل المكسيكي الرخيص
الي ما بعد الحلقه المائه
غايتو نحن زهجنا خلاص ما بنقدر نتابع
نعمل شنو غايتو متحيرين
ونقول ياربي كلام الحيكومه ده يبقي صح
ونحن عارفين انو ما صح
ويستمر الحال

انت تنقز فى رفاعه والجنوب فات فى وداعه .والغرب باقيله ساعه .وخوفى بكره تكون مجاعه .