اتركوا الريله فانها منصوريه ؟؟؟؟؟؟؟؟؟؟؟؟

سلام يس
الريله من المؤسف جدا ان يتغنى بالريله وتسجل بأسم اسماعيل حسن زيها وزى القمر بوبا واسيا بابورك فى الاراك واخيرا جدا احمد الصادق يتغن بى يالله هوى ده كلو من تهاوننا فى توثيق ومعرفه اشعارنا وتراثنا
واكتر شى ودر شعرنا قعدات السمر فتجد كل شاعر يقول مقطع فى القصيده لذلك لاتجد شاعر واحد للقصيده فالريله.هى اخيرا انحصرت فى اربعه شعراء هم حمد ودضقولى وسليمان ودنصرالدين وسيد ود الحسين وودجبريل ولكن من اوصلها الى وردى ودعبادى وايضا يقال قد تغنى بها السيد سليمان عندما كان يعلم وردى الغناء
الزول الولوف لى قلبى خراب
حديثك لى اكيده انا والله كضاب
حد مالملموهن خاطرى ماطاب
ياحليل ناس امنى فى غرب .....
*********
ياقشيش نص الخلاء االفوق فى العتامير
البكركر رعدو ديمه سماهو عكير
السمح مرعاكى ياقش التناقير--التحاجير
*********
جات مندله بالوديان عديله
كاحله بلا كحل بت القبيله
وتمشى قدم قدم فى المشيه ريله
وتشكى من الطريحه تقول تقيله
********
ياعجو المحس التقيل فدع العراجين
انتو مابدوكى لى زولا مسيكين
الاواحدا نخلوا مقرون فى البساتين
السواقيهو تصحى الكانو نايمين
حليلك ياام جبين يابدر دورين
الصديرك عام اقول غررر الوزازين
.......
بالمناسبه النفيسك شمعو جوه الفتيله ن اضافة اسماعيل حسن

بالإضافة للريلة فإن هناك العديد من الأغنيات سرقت عديل كدة وقدمت في كاسيت دون الإشارة لشعرائها
ومن هذه الأغاني .... مكتوبي لي الشقا أنا مالي مكتوب لي الشقا
يالله ياطير قوم بلغا ..الشمس أوع تشرقا
جيب لي منها كلمات ثقة ..ويبقى آلامي تفرقا
دمعة من عيني مدفقة ..والعيون صبحت مرهقة
لا متين تجمع باللقا ...ويا ني بي روحي معلقا
يا قليب قسمك سابقا... ومالو سيدا ليك ما بقى ...اصلوا زول غيرنا ما شقى ...بس إرادة وقدرا بقى
وهي من كلمات الشاعر كرم الله التوم سعد من جزيرة بوني
ثم أغنية أخرى يقول مطلعها
حورية جوة جزيري أن ما بجيب إسما جلا الإله الخالق وتجلى في رسما
(وهي من كلمات الشاعر عبد الله علي مختار ( سوداني
من رأس بوني

شكرا الاخوان نادر وود المناصير
من هنا ندعوا الجميع لزياره الفنان وردي لمعرفه ماخفي وهو اعظم