ما شفت البلد غرقانة..!!..

ود الفكي كتب:

ماشفت البلد غرقانة..!!.

]color=darkblue]
إتصلت هاتفياً بأخي الحبيب الفنان القامة عيسى بروي في آخر رمضان و نحن نقف على عتبات العيد المبارك...كنت أريد الإطمئنان عليه و معرفة أخبار صديقي محمد بروي " أُمْحُمّد" الذي لم يحضر للسودان من غربته منذ سنوات..أفادني الرجل أن أُمْحُمّد هذا تخلف عن ركب الحضور في آخر لحظة لظروف طارئة و فضّل مواصلة البقاء بالسعودية و قضاء العيد هناك...
شعرت من حديث الرجل "إنو الحكاية دي داخلة عليهو شديد"...
فكتبت هذا النص :[/SIZE][/FONT]

أُمْحُمّد وراك في الغربة ماشفت البلد غرقانة
خلينا العقاب و سدرنا فوق راس الجبال ملجانا
و الدمع البكينا عليها ما شفناهو فوق موتانا
غصباً عنا سالت دمعة تنزل ما وقف سيلانه
حد ما قلنا يوقف سيلو جادت بالدموع ميقانا
بالنوح و السهاد و الحرقة ما إتلاقت رموش أجفانه
و الحرقة المكتّمة جوه طالع في النَّفس دخانه
البحر القبيل ضامننو حارس روحنا عندو أمانة
كان داخرنو للجايينا كان رافعنو أسمى مكانة
في طرفة زمن –آمْحُمّد- هدّم للبلد بنيانه
صبحت زي تقول مجهولة في نص البحر عنوانه
لو شُفتَ النخيل –آمْحُمّد- يتشابى الجريد تالانا
في لحظة وداعو القاسي إتقالدنا قام بكّانا
ديك الساعة كان إحساسنا زي فقد الوحيد في جنانا
إحساس بالفراق الأبدي ينهش في قلوب حزنانة
دا العيد البجيب الفرحة جدّد للقلوب أحزانه
هيّج فينا شوق الذكرى لي أرض الجدود طرّانا
طرّانا البحر و القيفة ناير في الجروف لوبانا
و الموجة التقالد الضفة لاقته بالفرح أحضانه
طرّانا القمر و الرملة تبرد بالنسيم قيزانه
نتواعد هناك نتلاقى في جلسة سمر ضامانا
طرّانا الأهل و الجيرة و البلد الدوام عَمرانة
للخير و المكارم جوها ابداً ما إتقطع ضيفانه
طرّانا البيوت العامرة فاضت دانقته و ديوانه
واتملت السراير جملة ضاقت بالوسيع حيشانه
الناس فيها عادة الجية ليلة العيد تكون صبحانة
و قبال من تتم الغمدة صيّح ديكنا قام صحّانا
الناس بالفرح تتهنّى شوفة عيد و شوفة إخوانه
نحن ترانا دون خلق الله أُمْحُمّد كِرِم ما جانا
كيف بالعيد قلوب تتهنّى تبقى بعيدة من أوطانه
عيدك يا الغريب زي عيدنا أريت العيد أكان لمّانا


[center]الخرطوم
12/9/2010
ثالث أيام عيد الفطر

حازم كتب:
اكتب لينا عن البيوت التي غرقت قبل نطق الشهاده وعن الجروف التي افتقدت الحروف وعن مراتع صبانا التي اضحت مراتع الحوت وعن الرحيل الجماعي للقيريدونه والتلي والصليعي وابوعلامه ودابرق والسرير النوبه
عن الاخلاق وعن الناس الخلاقي
لك ودي ونحن منتظرين

م بروي كتب:أه كيف نعمل مع تقزيم الحروف
كما أشارت بنت الماحي
والله لا أملك في هذه اللحظة
غير الدهشه بها ألوز وعليها
أسند العجز وفيها يبحلق فشلي
وعزائي في هذا الإنضمام الجميل
الذي يسعدالنفس ويمسح وعثاء الزهج
شكراً أيها الجميل على هذه الكلمات
الجميلات وهذا النظم الراقي من شاعر
لسن روض الحرف ولانت له الكلمات .
بجيك لعل(مجينين كدباس) يزعفني بشيء
من الشعر يقترب ولو قليلاً من هذه الروائع
بمثل ما فعل شيطان شعرك (مسيخيت كدباس)
منكرب معاك تراهو عمرو ما قصر السنيح
كايس إنكسافنا.
راجع لك.

فتح الرحمن محمد الحسن عون كتب:أخي ود الفكي سلامات ونسأل الله يحفظك وان يجمعنا والكل بخير وعافية وما أروع ما كتبت في هذه القصيدة الرائعة التي والله أبكتنا كثيرا وتذكرنا أيام زمان واللمه في الخلوة وصلاة العيد والفطور بعد الصلاة في الخلوة ما أجمل تلك الأيام

النفر كتب:ما أروع هذا النظم الراقى من الكلمات التى هزت مشاعرنا وجددت أحزاننا ونحن نعيش
آلام الغربة والبعد عن الديار_وأنا على يقين تام بأنك يا ود الفكى ما أردت بهذا النظم الشعرى الرقيق أن تنكأ جراحنا ولكنك أردت أن تتغمس وتعيش معنا وتحس بمعاناتنا وتواسينا فى مصيبتنا !! لله درك أيها المبدع !!
لك تحياتى وتقبل مرورى ،،،

النفر كتب:الأخ / ود الفكى :-
لك تحياتى وودى ولكل أهلى بالرباطاب الذين تربطنا بهم علاقات وشيجة ونكن لهم كل الود والاحترام وأنتم من أقرب القبائل لنا ونشترك معكم فى كثير من العادات والتقاليد ونتشارك معا فى الافراح والأتراح وما القصيدة بعاليه الا دليل ناصع على صدق هذه العلاقة الازلية بين الجارين الكريمين _كما سبق لى وأن ذكرت فى مداخلتى أعلاه بأن هذه القصيدة قد هزت مشاعرى واثارت دواخلى فبدات أدردش ببعض الكلمات التى حاولت أجارى فيها قافية قصيدتكم وعذرا فهى محاوله لا ترقى لمستوى نظمكم الراقى ..كما أستأذن شاعرنا الكبير والمتألق /ود البروى واطلب الأذن والسماح للمساهمة بهذه الأبيات المشاترات التى خامرتنى على عجل !!!:-

يا جارنا العزيز خبر الغراق هزّانا
زاد محنتنا فى غربتنا زاد أشجانا
دقدق لمشاعرنا وحرق أحشانا
دى ديارنا العزيزة بالحنان غامرانا
بالكرم والحب والتسامح دوم شاملانا
دار أجدادنا ودار نشأتنا دار ملجانا
ومراتع صبانا ولعبنا وسمرنا وغنانا
والبحر البينعرفو عمرو ما عادانا
ماديلينا يدو و بالكرم عمانا
ديمة تجده فى أسمارنا فى أشعارنا وفى نجوانا
وللغرقنا وللظالمنا رافعين للعزيز شكوانا
الله لا يسامح الوحدة دى السجمانا
قفلت للعلب عن قصد والموية جات طامرانا
كان تخطيطها أن نترك ديارنا ونجرى كالفيرانا
لكن أخوان البنات اتحزمو وقفولها كالترسانا
وصامدين ذى جبالنا ما بنرضى اى ايهانا
نحنا أحفاد ود قمر كل البلاد عارفانا
فرسان الحروب وفى الحارة دوم تلقانا
وفى مقدمة الصفوف ما بنخشى من عادانا
ومشهورين تمام والكل يهاب ويخشانا
والكل يستجير ويستظل فى حمانا
على الوحدة التلم كراكيبها وتنقلع وتختانا
والا تشوف دواسا كاسحا وطوفانا --

ابو مصطفى كتب:الاخ ود الفكى لك ودى واحترامى وجاءت المباركة بالانضمام متاخرة شوية والقصيدة الحلوة تحتاج الى زيادة وناسف للتاخير وذلك للمشغولية الشديدة ولك العتبى حتى ترضى وعاوزين نعرف اخباركم فى كل ساعة ودقيقة ؟؟؟؟



تحياتى
ابو مصطفى

حازم كتب:[color=blue];
والله ياخالد عابدين كلامك ذكرني عاده كان يكررها جدنا (اللهم ارحمه ووسع في مرقده ) ونحن متحلقين في صحن ناكل ويده تقاتل معنا داخل الصحن ويقول ياجنا ماتجدعوا للكلب دا حرف ؟؟؟
يااخي انت مديرنا وتاج عزنا وانت تأمر وتنهي وكلمه واحده منك للشاعر القدير النفر يخلي منتداك دا سلوكه تطن
والدايرو كلوا يسويهو ليك بس تأكد الانسان قسمان روح وجسد فالاولي دائما تتوق الي السماء اما الثانيه فدائما الي الارض ترنوا واياك ان تغذي التي الي الارض تحنوا
والسلام حازم

ود الفكي كتب:

النفر كتب:الأخ / ود الفكى :-
لك تحياتى وودى ولكل أهلى بالرباطاب الذين تربطنا بهم علاقات وشيجة ونكن لهم كل الود والاحترام وأنتم من أقرب القبائل لنا ونشترك معكم فى كثير من العادات والتقاليد ونتشارك معا فى الافراح والأتراح وما القصيدة بعاليه الا دليل ناصع على صدق هذه العلاقة الازلية بين الجارين الكريمين _كما سبق لى وأن ذكرت فى مداخلتى أعلاه بأن هذه القصيدة قد هزت مشاعرى واثارت دواخلى فبدات أدردش ببعض الكلمات التى حاولت أجارى فيها قافية قصيدتكم وعذرا فهى محاوله لا ترقى لمستوى نظمكم الراقى ..كما أستأذن شاعرنا الكبير والمتألق /ود البروى واطلب الأذن والسماح للمساهمة بهذه الأبيات المشاترات التى خامرتنى على عجل !!!:-

يا جارنا العزيز خبر الغراق هزّانا
زاد محنتنا فى غربتنا زاد أشجانا
دقدق لمشاعرنا وحرق أحشانا
دى ديارنا العزيزة بالحنان غامرانا
بالكرم والحب والتسامح دوم شاملانا
دار أجدادنا ودار نشأتنا دار ملجانا
ومراتع صبانا ولعبنا وسمرنا وغنانا
والبحر البينعرفو عمرو ما عادانا
ماديلينا يدو و بالكرم عمانا
ديمة تجده فى أسمارنا فى أشعارنا وفى نجوانا
وللغرقنا وللظالمنا رافعين للعزيز شكوانا
الله لا يسامح الوحدة دى السجمانا
قفلت للعلب عن قصد والموية جات طامرانا
كان تخطيطها أن نترك ديارنا ونجرى كالفيرانا
لكن أخوان البنات اتحزمو وقفولها كالترسانا
وصامدين ذى جبالنا ما بنرضى اى ايهانا
نحنا أحفاد ود قمر كل البلاد عارفانا
فرسان الحروب وفى الحارة دوم تلقانا
وفى مقدمة الصفوف ما بنخشى من عادانا
ومشهورين تمام والكل يهاب ويخشانا
والكل يستجير ويستظل فى حمانا
على الوحدة التلم كراكيبها وتنقلع وتختانا
والا تشوف دواسا كاسحا وطوفانا --

الرباطاب و المناصير إخوة يتشاركون في الكثير...
أذكر أننا في عطبرة الحكومية القديمة عندما أسسنا رابطة لأبناء الرباطاب حضر إلينا نفرٌ كريم من أبناء المناصير و خيرونا بين أن يكوّنوا هم رابطتهم المنفصلة أو نفسح لهم في المجالس معنا...
قررت جمعيتنا العمومية أن الرباطاب و المناصير كيان واحد و لابد أن نراعي خصوصية هذه العلاقة و ترجمتها في شكل رابطة واحدة و فعلاً تم ذلك....
أراك تستدعي إحساس المرارة و الأسى والشجون داخلك وتكتب نصاً جديداً فيه إحساس الصدق الأصيل و المعايشة الحقة...
أحاسيسي تخيلية تقمصية و أحاسيسك حقيقية وواقعية..
هل مثل هكذا إحساس يستدعي الإسترجاع و كتابة النصوص المعبِّرة عنه؟...
لابد أنك عانيت الأمرين من الأجواء الحزينة و أنت تكتب نصك....
نفّس الله عنط وطء ما تحمل...

الفكى احمد كتب:ما اروع ما كتب يا ود الفكى وعبرت بهذا الاحساس الصادق المتفرد
والذى يشعر كل واحد فينا وكأنه قائل هذه القصيده وذلك لتوافقها التام
وصدقها وذوبانها فى دواخلنا وسهولة هضمها وتعبيرها عما يختلج فينا
ونحسه .
اكرر شكرى والى المزبد من هذه الروائع.

sheery51 كتب:سلام ياللبيب ود الفكى
كاد ياود الفكى لما قريت قصيدتك دى بكيت لى جنس بكاء
لانها كلمات من زول جد عايش ماساتنا وليك كل الشكر
والاحترام وبتل حالك ده

م بروي كتب:
ود الفكي
سلام
وكمان تعظيم سلام لأستاذنا النفر
قصيدة في غاية الروعة ومعبرة لامن حركت فينا الكثير
ومعليش أعيد ما قلته سابقاً عن انفر لود الفكي حتى يعرف كالآخرين
عثمان النفر من جزيرة شري...خريج اقتصاد جامعة الخرطوم دفعة وصديق البرجوب
كان ضابط إداري قدر الضربة (بالقضارف) وفي زمنه كان الضابط الإداري زي الوالي
الرجل من أسرة الشعراء الكبار بشري فجده شاعر المناصير الأول علي الشاعر وعمه
إبراهيم الشاعر ولعلك تذكر أخوانياته مع شعراء الرباطابزي البشير ودقاق وغيرهم
نأسف أخوتي بالمنتدى للتكرار
أنا في زنقة شغل شديدة وحأجيكم بالرغم من أن النفر ناب عني وبجدارة.
مشكور ود الفكي لنشاطك البعجب ولا تشفق على حازم وخالد ديل أكثر من سمن
على البازنجان الأسود زي ماقال عادل إمام

صديق عبدالله علي أبوحنة كتب:هذه القصيدة يا ود الفكي... تسكر الزول
( من غير خمره تسكر من كلاما.. ويا ساتر على أنا من آلاما)... سعيد الدنيا يقدل للحصاية ويطوف أبواتا من جم راية . راية ..بت أهل المساجد والقراية...
شكرا للمتداخلين هنا الذين اثروا البوست
بوست رائع ومشبع...

م بروي كتب: أقلب في الصور
لقيت صورة صديقكم الجديد ود الفكي
قاعد في لقدابتو أثاء فترة
دوامه الرسمي وفي صورة أخرى
عم الفكي (يشخت فيهو)
ياولد أنا ما قلت ليك
أسقي الدحش داك وديرو
في ضل التمرة؟؟
[ندعوك للتسجيل في المنتدى أو التعريف بنفسك لمعاينة هذه الصورة]

ود الفكي كتب:


الزمن: حسع تيه