البلد بخير وناس البلد بخيرين

من طرف **يس مصطفي** الأحد 13 نوفمبر 2011, 10:12 pm

الكثير منا ذهب للعيد في البلد وشاهد البلد واهل البلد وبحر البلد وخضار البلد ولكنني لم اكتفي بذلك . حاولت ان ازور عدد من القري مثل العمارين والكاب والحيبه غرب وام سيال والكراع وغيرها سائلا عن الصحه والتعليم والزراعه وغيرها من البنيات الاساسيه فوجتها بخير خاصه المستشفيات والمراكز الصحيه تعمل بصوره جيده في شيري والكاب وكبنه والعمارين اما المدارس قامت ببنايه حديثه ومكتمله الفصول والمكاتب حتي الزراعه لم تكتب في دفتر الغياب ما لاحظته ان الكثير من المزارعين القدامي جعل من الارض حول مسكنه مزرعه صغيره تسد حاجه اسرته من الخضار وتكفي حيواناته من العلف
لي عوده

الاخ يسن الف حمد الله علي سلامه الوصول وكل عام والبلد واهلها بخير وطالما انتم وامثالكم متمسكين بتراب ارضكم فلابد للخير ان يعم

من طرف **يس مصطفي** الإثنين 14 نوفمبر 2011, 1:12 am

اشكرك اختنا نجلاء وربنا يحقق امانيك
نعم كل الشباب متمسك بالبلد واضف لذلك ان الشباب معظمهم قاموا بتشييد منازلهم وبتخطيط جميل كما نجد كل القري مضاءه في الليل واغلبها موصله بشبكات مياه 24 ساعه اما المواصلات متوفره برا وبحرا واقول ان المواصلات داخل المناصير اسهل من العاصمه الخرطوم

يس اريتك تبقى طيب إنت..
انا البي كلو هين!
صاحبك اب حنة مشغول لى سبيب راسو والله..
لكن بإذن الله قررررب يجي.. حضر القراصة والدمعة وفوقا لحم!
لو لمتنى ليك حق! ياخي لمان جيت العمارين ما كان تتم جميلك وتصل شري والحنانين وتدنا خبرا..

اما المواصلات متوفره برا وبحرا

وجواً

حمد الف الف علس سلامه الاسفار
والله كلام دا طمنا شديد
وانت شاهد عيان وقريب من االاحداث
انشاء الله اي واحد سافر يعطينا انطباعات عن الرحل الي الفردوس (المفقود)
المناصير ارض الصمود والعطاء بلاحدود
شكرا للاخ يس

شكرا الاخ يس على هذه المعلومات والاخبار—

ونطمع ان تزيد—

وننتظر وصول الاخ الريس لمزيدا من الاخبار والصور—

لالالا يا سلمان
كل بوست بي حلاتو!
لاتدمج
عشان الإبداع
يس عندو إبداع في نواحي معينة
وهاشم عندو إبداع في نواحي معينة
واي زول جاء من البلد وعييد فيها يستاهل بوست منفرد
عايزين نشوف الإبداعات
ناس كلام مصور
ناس صور مصورة
ناس إقتراحات
ناس معلومات تقنية
خلى كل زول تتجدد همتو في البوست بتاعو
الناس الجايين من البلد بوستاتهم غير..
في بوست طاعم
في بوست ناجم
في بوست ناقع

من طرف **عادل شرري** الإثنين 14 نوفمبر 2011, 10:03 pm

الاخ يس الف حمدا علي السلامة
وكل عام والاهل بخير
اللهم اسعد اهلنا بخيرات البحيرة
والقادم احلي واجمل
لك ودي

من طرف **يس مصطفي** الثلاثاء 15 نوفمبر 2011, 1:48 am

اشكر جميع الاخوه الذين مروا من هنا
شري بالليل جنه الله في الارض اذا جابتك الخطوه بالليل في الطويني لاترجع من غير ما تلقي نظره تجاه شري جمال نضاره اناره عباره عن لؤلئه محاطه بالماء ومضيئه من كل الجوانب لن يكتمل الوصف حتي تري بعينك

مشكور الأخ يسن وحمدالله على سلامة الوصول والعوده ، والله طمنتنا الله يطمنك ، ونطمع فى المزيد من الأخبار والتفاصيل منك ومن الأخوه المعيدين فى البلد إنشاء الله يعودوا بالسلامة ، وكل عام وأنتم بخير ...ا

من طرف **النفر** الثلاثاء 15 نوفمبر 2011, 5:33 am

سلامة الأسفار أخى يس ، كل عام وأنت بخير وكل سنة وأنت طيب ... سردك يحمل بشريات سارة ومستقبل باهر لأهلنا بالبلد ، نسأل الله أن يفيض عليهم من نعمه ويعوضهم عن صبرهم خيرا ً_

من طرف **يس مصطفي** الثلاثاء 15 نوفمبر 2011, 5:37 pm

اشكركم الاخوان الفكي والنفر وربنا يحقق امانيكم
طريق ابوحمد الطوينه تم تعديله بردميه خرصانيه من الكيلو 64 تغريبا حسب عداد العربه الي الحويله واصبح خالي من الرمال ومشاكل الوحل خاصه وادي كحيله والكاب ولاول مره في حياتي اشاهد عربه صالون في الكاب يعني من ابوحمد الي الطوينه اصبح الطريق سهلا جدا ولكننا في انتظار سفلتته

من طرف **م بروي** الثلاثاء 15 نوفمبر 2011, 6:39 pm

ألف حمدا لله على سلامتكم
يهمنا أن تكون البلد بخير
ويس بخير وكل الأخوان بخير
___________
تخريمه
تلاحظ يا يس المزروعين
في بوستات زي دي ما بيمرو

من طرف **ابو هشام** الثلاثاء 15 نوفمبر 2011, 7:00 pm

شكرا يس ... وعوافي عليك يا زعيم ... بس الصور وين ؟ والجديد وين ؟ عايزين صورة وصوت ؟

اصلو نحن البلد ما بنملها .. وكل مرة نتاوق الصور والذكريات مش عشان ماننسى نسيان دا ما في

واللليلي مش غرقت نحن لسع يا نا الزمان

عايشين نفس الامكنة ونفس الجزاير والرمال والخويات والطرف والديس والصفصاف والعرق والشيمي وقديح الجور

ما في حاجة راحت

تخرييييمة :

ود بروي : كلامك قطع قلبنا ... اصلو نحن يا حذيفة نسال عن الشر مخافة ان نقع فيه

من طرف **يس مصطفي** الخميس 17 نوفمبر 2011, 2:55 am

ود البروي وابوهشام سلامات ياقامات والقابله علي الامنيات
نحن ياشاعرنا ودبروي ماشين بخطوات ثابته وبكل ثقه اما هولاء الخونه ولاد الحرام لن ينقصو من عزيمتنا شي
البقالات في البلد بعد فطور اليوم الاول او يوم الضحيه وبعد ماضربنا الشيه قلت للجماعه دي دايره مشروب اسمو الغباشه موجود في الخرطوم تنتجه شركه استيم فكانت المفاجاءه ان يرد علي اخي الصغير بانه موجود في البقاله .
في البقاله وجدنا الزبادي بانواعه ووجدنا الدجاج بانواعه والعديد من المشروبات والمعلبات المبرده والغريب في الامر ان الاسعار هي نفسها والجاي اعظم

اللهم باعد بيننا واولاد الحرام وبنات الحرام
كماباعدت بين المشرق والمغرب
بعدين حكايه البقالات والدجاج والعباشه
صح ياود ولا حرب اعصاب

من طرف **ساري الليل** الخميس 17 نوفمبر 2011, 3:18 am

حمدالله علي السلامه يسن

والله انت محظوظ

غيرت من زحمة العاصمة

وقضيت ايام بين اهلك علي ضفاف النيل

افتقدناك وافتقدنا جميع اعضاء المنتدي طيله عطله العيد

ماعدا المغتربين

تقبل الله منكم وكل عام وانتم بخير والسنه الجايه فوق عرفات قول أمين

من طرف **خال ابرار** الخميس 17 نوفمبر 2011, 4:30 am

بالله شوف الزول دا؟؟؟

مافلت عيان وما عندى طريقة اعيد فى البلد؟؟؟

طب وكت عيدت هناك واكيد وصلت نسابتك ما كان تجى تقول العيد يتبارك عليكم؟؟

كان تجى تشوف صاحبك الريس يبرج بالسيف فى القعيدة؟؟؟

ع كل حمد\الله ع السلامة

من طرف **ابو هشام** الخميس 17 نوفمبر 2011, 4:39 am

البرجة ان شاء الله ما ها عرجي

والاهم انها تكون موثقة يا دكتور

من طرف **خال ابرار** الخميس 17 نوفمبر 2011, 4:41 am

هى نسيت اطمنكم ع البلد وكل العيد هناك مبسوط زى يس واكتر كمان وكلهم لسان حالن:

منو القال البلد خيرا اتمحا

البلد زينا وشبابا مسمحا

وانا غايتو شخصيا تانية العيد مشيت للكاب ورابعة العيد مرقتها فى شرى شى بواشى وشى زيارات والحركة الفى البلد زمان مافى.....

من طرف **خال ابرار** الخميس 17 نوفمبر 2011, 4:43 am

ابو هشام خلها مستورة انت عارفو الريس تقل بس برضو موثقة المشكلة الكمرة معاهو؟؟؟

البلد زينا وشبابا مسمحا

يعني نفرح يا محمد، معنى ذلك العروس من محلية البحيرة؟؟؟

من طرف **يس مصطفي** الجمعة 18 نوفمبر 2011, 12:22 am

بعدين حكايه البقالات والدجاج والعباشه
صح ياود ولا حرب اعصاب

سلاما ت ابو سفيان ربنا يجيبك بالسلامه وتشوف براك

من طرف **يس مصطفي** الجمعة 18 نوفمبر 2011, 12:27 am

غيرت من زحمة العاصمة

وقضيت ايام بين اهلك علي ضفاف النيل

اشكرك اخونا ساري الليل وكل سنه وانت والاهل طيبين وربنا يحقق الاماني حقيقه ضغاف النيل بالليل في البلد حاجه عجيبه ودي افتكر في كل السودان ماموجوده الا في المناصير لان القري قريبه من النيل

من طرف **يس مصطفي** الجمعة 18 نوفمبر 2011, 12:38 am

بالله شوف الزول دا؟؟؟

مافلت عيان وما عندى طريقة اعيد فى البلد؟؟؟

طب وكت عيدت هناك واكيد وصلت نسابتك ما كان تجى تقول العيد يتبارك عليكم؟؟

كل سنه وانت طيب يادكتور والله ماكنت قايل بقدر اسافر ولكن الحمد لله قدرت سقت وطبعا وصيتك بالتلفون ان ابعد من الدهون ماسك فيها قوي شابك الجماعه في الديوان الحمرا لزوها جاي وبقت ونسه في فتره العيد الجماعه من يلموا الاكل اه الحمراء ادفروها جاي (اللحمه خالي دهون) وحدين شابكني خلاص كبرت وحدين يازول دوس عوجه مابتجيك ماعارفين الزول ممكون تايفويد

من طرف **يس مصطفي** الجمعة 18 نوفمبر 2011, 12:50 am

صديق عبدالله علي أبوحنة كتب:
البلد زينا وشبابا مسمحا

يعني نفرح يا محمد، معنى ذلك العروس من محلية البحيرة؟؟؟

الزول دا عروسو من البحيره ميه الميه ياصديق

اخبارك تمام التمام يا يس

ودى الاخبار اللى بتفرحنا

صراحه شوقتنا نزور البلد

بقالات ومواصلات وانارات

الله يديم الافراح والليالي الملاح على اهلنا فى البلد

صبروا .. والله عوض صبرهم خير

البلد بخير وناس البلد بخيرين

البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين

رد: البلد بخير وناس البلد بخيرين