زياره العضو ابو مصطفي

نصرالدين ابوزيد حامد كرار كتب:اخوى ابو مصطفى سلام.

والله يا ابو مصطفى متابع كتاباتك ومن خلالها يتضح لى انك زول قلبك ابيض وضميرك صافى والفى قلبك على لسانك , قبل الخزان القلوب نضيفة وزى كلامك دا يتفهم صاح ومابيزعل ,لكن بعد الخزان اخاف يلم فيك واحد يكمشك بى عكاز يفرتك راسك ,قريبى عيسى بروى بحالو ماخلوهو والله يستر .ولكن صراحة قربت تطير ود المناصير وزى ود المناصير دا لو خلا المنتدى اظنى كلنا بنمشى وراهو .
تقبل مرورى

حازم كتب:السلام للمتداخلين
والحمد لله ياابومصطفي فقد وجدت محاميا لايشق له غبار
فودبروي متاعطف معاك وكلو مره اجيبلو دفوعات يقولي ناس الشريك ديل ناسا لينا
وشايفو معدي علي بوني
لكن ودباقدان بيمرقا علي الحجره تب ؟؟؟
رغم ذلك عندي ليك سر ياودباقدان واوعك من تكلم زول خاصة ناس المنتدي.... ابومصطفي رغم نضمو الكُتر وشوتو الشُتر فهو ريحانة منتدي المناصير بلدي
ويعجبك تب لما الناس تتلما ؟ فهو ضو قبيله وفيه ريحة التراب وهبه ابواتنا الزمان ...

ابو مصطفى كتب:اسع الحكاية دى يقولوها لى منو ؟؟؟؟؟؟؟؟؟؟؟؟؟؟؟ القاضى كان عيان ؟؟؟؟؟؟؟؟؟ وما قلنا حاجة بس ربنا يكتب السلامة ؟؟؟؟؟؟؟؟؟ ومنتظرين يحكم فى القضية ؟؟؟؟؟؟؟؟؟؟

طيب

سوف ارفع القضية لى محكمة الاستئناف العليا

وهى برئاسة مجموعة من حكماء البلد ومنهم :----------

الفكى احمد مستشار المحكمة العليا

النفر ودعثمان نائب مستشار المحكمة المدنية

الدكتور مصباح محمد مصباح حقوق مدنية

هويدا ابوشعر مستشارة دولية الامم المتحدة

صديق عبد الله ابو حنة باش كاتب بالمحكمة

وسوف ارفع مظلمتى من ذاك الحازم الذى وعد واخلف ؟؟؟؟؟؟؟؟؟ وتماطل القاضى التعبان محمد ودبروى فى النطق بالحكم ( بتاع رشاوى ) ؟؟؟؟؟ وتجرجر مع القضية لامن طالت واستطالت ؟؟؟؟؟؟؟؟؟

السادة الاعزاء طال الزمن ام قصر فلابد من سيادة حكم القانون ؟؟؟؟ وذلك الحازم المكار يرى انه فوق القانون ؟؟؟؟؟

وبالله شوفوا كم اغنية من اشعارى الخاصة نظمتها فيه

ومن ذلك

داير اشد الغبشى ام لجام

بالله عليك شوفوا القاضى الغبيان دا ؟؟؟؟ هى الغبشى ام لجام بى يشدوها لى اى زول ؟؟؟؟ والله بى يمرقوها من كرها لى اى مناسبة ؟؟؟ لازم تكون مناسبة كبيرة ؟؟؟؟ ومعليش ؟؟؟ نزلنا فى محطة ما محطتنا ؟؟؟؟ ورفعنا شكوى لى قاضى لايريد لسيادة العدل بين الناس ؟؟؟؟

وسوف ننظم قصيدة كبيرة جدا فى ذم ذلك القاضى لكن انتظروا حبة لامن نشوف الاستنئاف دا اخروا شنو ؟؟؟؟؟؟؟؟؟؟



تحياتى

ابو مصطفى

وبهذه المناسبة يا أبو مصطفى تعال شيل عتودك المضبلن الفتران ده

وسوف ارفع مظلمتى من ذاك الحازم الذى وعد واخلف ؟؟؟؟؟؟؟؟؟ وتماطل القاضى التعبان محمد ودبروى فى النطق بالحكم ( بتاع رشاوى ) ؟؟؟؟؟ وتجرجر مع القضية لامن طالت واستطالت ؟؟؟؟؟؟؟؟؟

العتود فتران بس عضام

الرشيد طه كتب:

وبهذه المناسبة يا أبو مصطفى تعال شيل عتودك المضبلن الفتران ده

حليك يا ابو مصطفي باعوك بدري باللفة وانت ما جايب خبر

وسوف ارفع مظلمتى من ذاك الحازم الذى وعد واخلف ؟؟؟؟؟؟؟؟؟ وتماطل القاضى التعبان محمد ودبروى فى النطق بالحكم ( بتاع رشاوى ) ؟؟؟؟؟ وتجرجر مع القضية لامن طالت واستطالت ؟؟؟؟؟؟؟؟؟

العتود فتران بس عضام

انت وكت عارفو بتاع رشاوي موديلك عتود فتران وضبلان مالك كبر الرشوة

منوفلى كتب:يا ابو مصطفى

اخيرلك دا

عاين قال كمان شادي ام لجام !!!!!

والله مصيبتك مصيبة

ورطان بقيت زى الزول العندو سماية وماشي عليهو الضحية

ابو مصطفى كتب:يا جماعة هدوا اعصابكم ؟؟؟؟؟؟؟؟؟ وروقوا المنقة شوية ؟؟؟؟؟؟؟؟ انا مانى قايل الحكاية بى تبقى كدى ؟؟؟؟؟؟؟

يا خسارة ؟؟؟ يا خسارة ؟؟؟؟ يا خسارة ؟؟؟؟ انا مانى قايل خالى محمد يضحك فى الناس كدى ؟؟؟ وما نى قايل خالى محمد يقيف مع ذلك الحازم ؟؟؟؟ الذى يبيع العهود والمواثيق بى ابخص الاثمان ؟؟؟ استغرب جدا ؟؟؟ انا ضابح خروف كبير ليهو قرنيين ؟؟؟؟ وفحل من ديار الكبابيش ؟؟؟؟؟ انا مانى ضابح لى عتود ؟؟؟؟؟

انا والحمد لله قدرت حجم الرجالة الجاتنى وسجلت لى زيارة ؟؟؟؟ لكن حازم ماجاء ؟؟؟؟؟؟؟؟؟ وخذلنى ؟؟؟؟ واسع الايام جاية والمحكمة الدستورية فى ؟؟؟؟ بس انا عاوز الناس تقيف معاى وتساندنى ؟؟؟؟ فى حكايتى دى ؟؟؟ حتى انتصر على حازم واسترد حقوقى كاملة ؟؟؟؟؟

وعاوز ارفع امرى الى الجهات العليا ؟؟؟؟

وانا على اليمين الشغلانية ان بقت حقارة ؟؟؟؟ مكن افلق ليكم حازم دا ؟؟؟ واقولكم بكرة ماشى سوق ليبيا اشترى قناية مضببة ؟؟؟ لكن هذا ليس اسلوب ابو مصطفى ؟؟ وانتظر سيادة حكم القانون ؟؟؟ اذا القضاة لم ينصفونى ؟؟؟ ولا تضحكوا غى يا الرشيد ومنوفلى بل ساعدونى ؟؟؟؟ انا زول سخن شوية والهزيمة مانى قاعد ادورها ؟؟؟ واوع الحقارة اوع الحقارة ؟؟؟؟؟

تحياتى

ابو مصطفى

م بروي كتب:


ما في شهود شافك ضبحت خروف
ما في دليل يؤكد عزومتك لحازم
أوراق قضيتك كلها مزورة وملخبطه
وفايلك جايط وقضيتك بايظه
بلا محكمة دستورية بلا بطيخ
نجض شغلك وشوف خروف

ابو مصطفى كتب:ورجالة كتيرة شاهدة على اصحوكة حازم فينا ؟؟؟؟؟؟؟؟؟؟؟؟



وانا الحمد لله ناقصانى حاجة واحدة عاوز لى زول ينضم نضم مليان وينظم الشعر المليان