الناشطة سهام علي محجوب

إعتدنا أن نسأل عن كل من غاب. أو غابت.. من منتدانا العامر.منتدى الأهل .. منتدى الأقارب.. منتدى الأسرة الواحدة
 الأيامات دي اختفت أختنا سهام علي محجوب. إن شاء الله خير سلامي . ربنا يجعلو خير.. الحافظ الله..
 زولة حبوبة وكثيرة المساهمات وقلبا على أخوانا وأخواتا
.......
 ناشطة دي أظن عايزة شرح..
أول ما الزول يجيب كلمة ناشطة.. عاد طوالي  يجي الكلام   بتاع الجوغة الحاصلة في المنتديات الكبيرة برة! هههههه
 الزولة دي ناشطة في منتدانا دا! بس.. ولا يعرف لها أي نشاط.. أو نشوطيي أخرى.. ولا شنـّاط عنقريب حتى.. ناشطة تعزي.. ناشطة تبارك.. ناشطة تكتب
 الآن افتقدناها..
 سهام صارت إحدى عيون المنتدى البي يشوف بيها..
 قال صلى الله عليه وسلم ( المؤمن مرآة أخية) وقال ( المؤمن للمؤمن كالبنيان يشد بعضه بعضا) وقال (مثل المؤمنين في توادهم وتعاطفهم وتراحمهم مثل الجسد إذا اشتكى منه عضو ، تداعى له سائر الجسد بالسهر والحمى)
 أنتو في دا !
 والاّ  دكتور مصباح ذاتو وينو؟
منتظرنوا يحكي لنا عن البلد..
 إن شاء الله خير سلامي يا دكتور فاقدنك..
 الفقد واحد يا جنا... عاد فاقدين أي زول غاب.. والله  واحدي غابت..
 القاسي العافي.. الباقي هين..
 إن شاء الله كل من فقدناه بخير..

شكرا الصدوق والله انت دايما فايتنا---فعلا سهام كانت شعلة من النشاط ولكن اختفت وطولت الغيبة --نعلو المانع خير

حقا سهام النشطة دوما ليها مدة مسجله غياب وماها ظاهره لعل المانع خير
وبعدين عندى ملاحظه ، ناس كتيره اختفت أو ماعادت زى قبل
الناس من العيد وجاى ماهم زى قبل ياترى ماهو السبب ؟

صديق اخوي
الزولة ماها فايقي ، تضبب في المكرير!!!!!!!

هههههههه ضبيب المكرير هو المنو الخوف يا أبو أحمد
........
  باشمهندس الفكي
 الناس نطراني من خروف العيد.. ناطحا خروف الضحيي..
........
 الأرباب سلمان
نعم زي ما قلت سهام  شعلة المنتدى.وانتصار حجازي فاكهة المنتدى ، زي ما قال عنها الريس خالد... و شخصي الضعيف دينمو المنتدى.. ونجلاء زمراوي بطارية المنتدى.. ونور الهادي كاربريتر المنتدى.. وأبو أحمد دركسون المنتدى.. وسامي عجلات المنتدى.. والفكي شاسي المنتدى.. تاني فضل شنو في السيارة نشوف ليهو زول؟
 زمنا الغابر هنالك مصطلحات ميكانيكية كان زمان أفردنا لها بوست.. الناس تموت من الضحك غطس وين البوست دا ما عارف؟ حتل في قعر المنتدى
يقول ليك ( دا جاري نور طويل)
يقول ليك ( دا عندو سلك عريان )
 يقول ليك ( دا مسييح كرونة)
 يقول ليك ( دا قادي مكنة )
 يقول ليك ( دا قافل فونية )
وهكذا..

الاخت سهام لم نعتاد علي غيابك فجأه اختفيتي لكننا ندعو لك صادق الدعاء اينما كنت ونتمني لك الخير
انناافتقدنا قلمك الجاد ومهاراتك المميزه والمبدعه ها نحن ننتظر عودتك بكل شوق
عودي لكي ننهل من فكرك الراقي
ونتمني من الله ان يديكي الصحه والعافيه ويطول في عمرك

 طرف علي عبدالله الأمامي اليوم في 8:02 am

   الاخت سهام لم نعتاد علي غيابك فجأه اختفيتي لكننا ندعو لك صادق الدعاء اينما كنت ونتمني لك الخير
انناافتقدنا قلمك الجاد ومهاراتك المميزه والمبدعه ها نحن ننتظر عودتك بكل شوق
عودي لكي ننهل من فكرك الراقي
ونتمني من الله ان يديكي الصحه والعافيه ويطول في عمرك

دعاء علي ود اللمامي دا ذاتو ما ساهل .ينفعا تب
 دعاء المؤمن للمؤمن بظهر الغيب

اﻻخ صديق مشكور على سؤالكم عنا كنت في البلد بعدها عدت للخرطوم وشعرت باﻵم في الظهر والحقيقة طلعت كل شئ من نفسي وتلخبطت حساباتي وأعيدكم بأني سأعود أكثر نشاطا بعد الشفاء ان شاء الله

نعم نعم دكتور مصباح  كنتا شفقان عليك ضربتا شري تلفون.ز عرفتا بأنك عيان شوية كنتا الأم كراع وضهر.. الحمد لله على السلامة وربنا يتمم الشفاء.ز لكن ولادك شايفن مجتهدين في التصوير مع قريبهم الأرباب سلمان ما قصروا تموا الفرقة جابوا الصور..
 ........
 أهو أنت عرفناها كراع وضهر
 أوع زولتك أختنا سهام برضو يكون كراع وضهر..؟؟؟ ربنا يجيب العافية
 أول  ود عمتك علي شوال عليه الرحمة.. أول ما بدا شغل اللواري كان لوريهم اشتراكية. هو .. وعبد الله بلل.. وسلمان أخوه.. وطيفور بتاع كبنة.. بعدين على عليه الرحمة خاالص اللوري وبقا حقو براهو.. وتاني اشترى عليهو واحد جديد وكتب عليهو من وراء ( سمحة العافية ) دحين ياخوى سمحي العافي

شكرا ياهندسة وفعﻻ سمحة  العافبة وربنا يكتب العافية للجميع

سهام يا نواره  عسى ما شر  نتمنى ان تكونى بخير

لعل المانع خيـــــــــر ...