إنتو سهام خانسي مالا كدي الأيامات دي؟

والله إنتو يا  صديق  البي يخنس آب تخلوا.. والبي يكتب آب تخلوا !
 الله يدينا خيركم

حذف للتكرار

غايتو الحمدلله البيت كلو ياصديق اتوعك الا بس انا الماتوعك وكنت بمارض في الموعكين ديل لكن اسع الحمدلله بقو كويسين شكرا لسؤالك عني موجوده بس الموعكين ديل كانو مكملين فهمي

يا سلالالام. ربنا يديكم العافية.. والبي يمرض رفاقتو يأخد أجر أكتر منهم.. خادم القوم سيدهم..
 العافية التخشك  في المصارين
 العافية تبقالك هدم ،وتوب ،ونعلين

بيكون يوم الخدمي  في العزومة سحرتك نجدة زمراوي. قالت ما شاء الله الزولة دي مالا كدي حارة وهميمي في الخدمي، بعدين عشان هي برضو قالت : ما شاء الله.. سحرتا انصرفت عنك! وجاءت فيمن تعولين..

يايابا قدر الحروري والله لما مشيت لقيت زوجة ابو مصطفي داخلي في الخس وشغاله مع الناس وانا قاعده زي الضيفه واملك بلا خجله لحمي اتقطع وقع في الواطه ،وكان جيت لي نجده واختها،انا املك مع نجلاء وبي سري اقول المره دي مالا عينا ماوقعت من الشغله الليله واشيل حالنا مع الضيوف ،الا يجن اخواتها ومشاءالله ،مشاءالله زي الهبوب الهابي ،وقلت بي سري اتاريكي يايمه انت معاكي اخواتك،وطلعن الغدا خمس دقايق من امضا ما مافي ،وجيت من هناك وانا بقول لي ابو العيال نجلاء شنو كمان البتطبخ نجلاء احمد جابلها طباخ من عشي،وتاني قلت يابت ياسهام الكدب خيبه قمت وريتو الحقيقه اسع في زمتك ديل يطقوهم عين والا يطقو خليها مستوره يااخوي صديق

سلامتكم والف سلامه...
انت عارف يا صديق سهام دي طبيعتها زي كتابتها كما ذكرت....والاول مره شفتها عام 2007عاد ده تاريخ محفور جو وجداني...ن ومااا كنت مركزه يعني تقريبا دي المره الاولي ال اقعد واتونسي معاها والله ندمت اشد الندم ما اتعرفت عليها من زمان...طبعا هي جاتني قبل كده يعني كان لابد ان ارد الزياره ولكن  هي اخدت الفضل علينا ومااااقصرت تب والعجب البسبوسه الجات شايلاها وحاه الله اولادي خلو اي شئ ومسكو في بسبوسه خالتو .......الكلام ليك يا المنطط عينكينك....طالبنك بسبوسه تاني باقي ديك ناس الحاج شرف ماخلو فيها شئ....

ا

نجلاء زمراوي كتب:سلامتكم والف سلامه...
انت عارف يا صديق سهام دي طبيعتها زي كتابتها كما ذكرت....والاول مره شفتها عام 2007عاد ده تاريخ محفور جو وجداني...ن ومااا كنت مركزه يعني تقريبا دي المره الاولي ال اقعد واتونسي معاها والله ندمت اشد الندم ما اتعرفت عليها من زمان...طبعا هي جاتني قبل كده يعني كان لابد ان ارد الزياره ولكن  هي اخدت الفضل علينا ومااااقصرت تب والعجب البسبوسه الجات شايلاها وحاه الله اولادي خلو اي شئ ومسكو في بسبوسه خالتو .......الكلام ليك يا المنطط عينكينك....طالبنك بسبوسه تاني باقي ديك ناس الحاج شرف ماخلو فيها شئ....

ا

ماعندك مشكله استاذه نجلاء
اذن مطلوب من اختنا سهام عمل واحده تانيه بحجم اكبر
وساكون على رئاسه وفد لاجراء الاختبارات والمعاينه
فقط كونوا على استعداد لتلبيه  الدعوه

عاجل

تم الآن تكوين الوفد برئاسة الحاج شرف الدين لاجراء الاختبارات والمعاينه ومعاودة المرضي

شوفي يانجلاء الهوايل البيسوي فيها الرشيد خلاص فضيت من عربية ابو مصطفي وقبلتا علي ،اسع قابلني في الدرب محموق وكاري عربيتو علي البحر عاوز يغرقا،الحاج شرف تصلك بسبوسه تانيه لكن بعد ماتلغي البوست بتاع فك التسجيلات،هذا البوست الذي شكل لنا هاجسا وقلقبنا وطرد النوم من عيونا ،نجلاء بالعكس انا الندمانه لاني ماسجلت في المنتدي من بدري لقاء اهلك من قبيلتك له طعم خاص،زيارتنا انذاك كانت واجب منا لامرأة حبلي وهي في شهورها الاخيره وتفتقد زوجها المعتقل ايام الله لاعادا ولكن لاالاعتقال ولا التهديد بالاعتقال ولا الغراق ولاضياع الممتلكات ولا تأخر المستحقات لن يثني من عزيمة قبيله ارادت العيش بشموخ وكرامه الا يكون لها هذا وهم رمزهم النخيل ،اللهم وفقهم فيما ارادو وانت اعلم بالنوايا ،يسلمو عيالك لي خالتو ،وانشاء الله تبقي بيناتنا بسبوسات مش بسبوسه واحده وليدم التواصل ....

صديق سلام
المتداخلين عوافي
عارف يا صديق زول جبل جاري زول مبروك عشان كده البطراهو ماب تجيهو عوجي والشيخ مهما يكون كارب دعوتو تجلي.
يا زول اعمل حسابك من المكرير وسيب زولة الجزاير دي في حالها

أنا زمان سمعت نصيحتك يا أب احمد  وبقيت اباري بالسهلي بس! خوفاً من المكرير