انتبهو ايها القاده

بسم الله ابدأ واوجه رسالتي الصغيره دي الي قادة المناصير والذين من المفترض ان يجتمعوا اليوم لمناقشة وحدة الصف اتمني انوا يتوحدوا الان في مشكله عاجلة تواجه كل السودان والمناصير بصفه خاصه كلنا يعلم ان تداعيات الخريف كتيره هناك بعض المنازل ستكون انهارت وبالتاكيد هناك دورات انهارت لانها حتي في مناطق التهجير بلديه وهذا سيولد كميه من الذباب مما يؤدي الي تدهور صحي كبير زيارة صغيرة قادة المناصير الي كل المناصير محلي وتهجير يمكنها ان تغير الواقع

عازه كتب:بسم الله ابدأ واوجه رسالتي الصغيره دي الي قادة المناصير والذين من المفترض ان يجتمعوا اليوم لمناقشة وحدة الصف اتمني انوا يتوحدوا الان في مشكله عاجلة تواجه كل السودان والمناصير بصفه خاصه كلنا يعلم ان تداعيات الخريف كتيره هناك بعض المنازل ستكون انهارت وبالتاكيد هناك دورات انهارت لانها حتي في مناطق التهجير بلديه وهذا سيولد كميه من الذباب مما يؤدي الي تدهور صحي كبير زيارة صغيرة قادة المناصير الي كل المناصير محلي وتهجير يمكنها ان تغير الواقع

  ي دكتور كلامك دا في البلد ولاالسودان
منازل شنو البتكون انهارت وانكسرت انت اظك طولت زي من البلد
هي في منازل اصلا لمن تكون لقت بسكويت في شاي من زمن الطوفان
ان سالت من الذباب حلفوا دعوا قالو في المكابراب زي الهيلوكوبتر
لكن بلدنا ماظن يكون فيهالان اناسنا طاهريين يابي ان يرك فيه الذباب
من نقائهم وصفاءهم وعفويتهم وضميرهم الابيض وابتسامتهم التي لاتفارق محياهم
لان انسان بلدي اصيل وعفيف ولاعزاء للاجانب ولوكان بالتجنسس

مشكور كتير زعيمنا ابوسفيان علي الملاحظه فعلا المكابراب تعاني من تدهور صحي كبير لان الدورات بلديه وانهارت بعضها وهذا ليس ذنب المواطن المنصوري البسيط المهم انو يشوفوا ليهم رش عاجل .ويوفروا دربات وفيتمينات وغيرها من العلاجات اذا ظهرت حالات اسهالات.وصفير ودسنتاريا.

عازه كتب:مشكور كتير زعيمنا ابوسفيان علي الملاحظه فعلا المكابراب تعاني من تدهور صحي كبير لان الدورات بلديه وانهارت بعضها وهذا ليس ذنب المواطن المنصوري البسيط المهم انو يشوفوا ليهم رش عاجل .ويوفروا دربات وفيتمينات وغيرها من العلاجات اذا ظهرت حالات اسهالات.وصفير ودسنتاريا.

 كلام جميل جدا
لكن دربات دي قاصده دراب  ودربات يعني ادروبات بتاع الشرق
ولا المحاليل الورديه بتاعت الجلكوز

ههه والله يابوسفيان الموضوع جادي لكن اقوليك حاجه قاصده اودرب علي وزن اوشيك اونور طبعا اوشيك يقصد به الشيخ اونو النور اودرب حاجه ملوله فيها مويه في طرف والطرف الثاني فيهو مسمار الله اعلم ههه

شكلوا كدا ماانتبهو ولاشافوا والبركه في الزعيم ابو سفيان الاقوم احل المشكله براي ذي الفلاتي يومي يصلي ياربي تحل لي مشكلتي وتحل لي ديني يوم بكره سداد الدين قال يالله تفرجه علي اكان بكره مافرجتها ابيع حمارتي وافرجه علي نفسي بكره حمارتو اصبحت ميته هسع انا عايزه ارسل جوالات فحم ولبان ضكر

دكتوره عازه كل سنه وانتى طيبه والعيد مبارك عليكى .
اول ماندخل المنتدى نشوف المواضيع الجديدة وندخل عليها , لكن يمكن لانك كتبتى ساعة الظهيره وكنا فى بريك ,اولا مشكوره على اهتمامك وتنبيهك على تداعيات اثناء ومابعد الخريف وهى اشد فتكا من الخريف نفسه , المشكلة الثانية نحن كسودانيين نعتمد دائما على الجهد الحكومى حتى عندنا فى الغربة هنا اذا الواحد شايل انشاء الله كيس يرميهوفى اى مكان ويقولك البلدية معينه عمال لى شنو . فالثقافة والتوعية مهمة جدا و والجهد الشعبى اهم من الجهد الحكومى واعتقد اهلنا السابقين كانو اكثر ثقافة باهمية العمل الطوعى , فمنذ الصغر ونحن نسمع المدرسة دى بنوها بالعون الذاتى والمستشفى دا ايضا بالعون الذاتى واخرها مستشفى الكاب مبنى على احسن بناء وكله بالعون الذاتى .وفى كثير من دول العالم منظمات المجتمع المدنى اهم من المنظمات الحكومية من ناحية الخدمة .واعجبت صراحة بالشباب السودانى وهو يهب هبه قوية لنجدة اهلنا فى مناطق كوارث امطار هذا العام ومادام فى الشباب هذا الحماس السودان بخير .
نتمنى دكتوره عازه ان يرجع المناصير الى ماضيهم ويعيدوا ثقافة الفزع والنفير ويعرفوا انه ماحك جلدك غير ظفرك , وشكرا جزيلا على هذا الموضوع الهام .

مشكور كتير الباشمهندس نصرالدين وملاحظاتك في محلها تماما والمبادرات لحملات الرش والنظافه مفترض تكون شبابيه والشباب ماشاءلله موجود ويسد عين الشمس لكن محتاج لي مبيدات وطلمبات رش ودا كلوا مايكلف قيادتنا كتير شوية تنسيق مع ناس الصحه والامور تظبط

ماشاءلله ياجماعه المشكلة اتحلت حصلت حملات رش اليوم نسأل الله ان يديم الصحه والعافيه علي أهلنا جميعا في كل الخيارات ويتافق قادتهم ومشاكلهم كلها واحده واحده يقدروا عليها ويحلوها