سلام ايها الرائـــــــــــــــــــــــــــــــــــــــــــــــــــــــــــــــــــعون

مشكوره الاستاذه هويدا ابوشعر
الزول ممتن ان سمح له الزمان والمكان والاداره واراده المولي ان تعرف علي سلاله ابوشعر وعبر كتاباتك التي لاتخلو من الحصافه واحيانا احيانا فيها هبة الاجداد
التي تروق الكليس واعوانه وتغضب الرشيد وكيزانه ( غايتو دي بي تجيب الرشيد جاري جري ....) هي كلمات نكتبها عبر الفضاء المولي وحده يعلم بالمراد والمرام عندنا ان نكون الافضل بين القبائل ....
لكي تحياتي اختي الفاضله

أكاد لا أصدق
أهذه الحروفُ
____________ الحسين الحسن
دك ( لولا فسحة الأمل)
الرجل المسكون بحب الأوطان والعباد
وعلا به المجد سناء وسنا فغمرنا
بحديث مدبج ومسندس يزدان بشذر نُضار
أحال موقعنا لرياض خضر و(ديقة) مُخضلة
زاهية وعشنا بعدها جدب يعانق جدبا
وحضورك البهي اليوم يرتب أحرفنا ويموسق
كلماتنا ويعطر هذه الدار الأنيقة
ألف حمدلله على سلامة فارس مغوار[/c
olor]

فراقك حار ماقدرنا نطيقو ضمه
حباب حازم حباب عكاز الضلمه
بركة الجيت وسريع انجزت المهمه
منتدانا احتفل وحس طمبورو رنه

عبد الغني نصر الدين كتب:

من قصائد الأستاذ القدير ابراهيم الشاعر عليه رحمة الله المشهورة للأستاذ النذير القميري
سلامي سلامي صاحبي الشوش
سلامة مرقتك مخروش
جابه مبراي جنب الحوش
امسك في الحمار حوش حوش
الا تعملك كر امة في صحن كنتوش
دحين يا سعادتو نقول لك الف الف حمداً لله على السلامة وعوداً حميداً وطلة جميلة ورائعة للأحبه.. والحمد لله ود المناصير يمكن يكون سد الفرقة
على اي حال نأسف بهذه المقدمة.. ويقال الأخوان انك ظهرت في التلفزيون وتمنينا ان نكون في تلك اللحظة من المشاهدين .. وكان كبرنا الله اكبر الله اكبر.
تقبل تحياتي ومروري وشكراً للأخوان.

مشكور الاخ عبد الغني علي كلماتك الرائعات
فأصرار ودالقبائل للرد عليك لأعجابه بمااقتطفت من اشعار الاستاذ القدير ابراهيم الشاعر ( طيب الله ثراه ) رغم ان مثل هكذا كتابات مانعها المدير فقال : ادني طرف في عبد الغني دا بعدين بردف .؟... يازول سلاااااااوووومتك والمناصير من حدها لي حدها كرامتك فسندان كتائب القذافي ومطرقه صواريخ الناتو كنت بينها ياعبد الغني وحمدا للسلامه وياريت نشوفك قبل العمير مايكمل ....
استأذنت ودالقبائل لأكمل : الاخ عبد الغني مقدار مايحمله لك ود القبائل من ود فحازم يحمل مثله كيل بعير لشخصك الذي تزين معظم كتاباته في السؤال عن الاخوان فلك التقدير اخي عبد الغني

عباس محمد كتب:لم نراك من قبل ولم نعرفك حتى الان
ولكنك خالدا بالذكرى بيننا ملتمسا ذلك
من كثرة اسئلة الاعضاء عن غيابك
فنرحب بعودتك ترحيبا حارا يليق بمكانتك بين الناس
تقبل المرور

اخي عباس مشكور علي مرورك
فأنا رأيتك وعرفتك فأزداد ذلك خوة وآخاء
تشكر علي كلماتك التي تنم عن معدن أصيل
وحتما سيكون التلاقي مادام اساسه ان تسمو القبيله

صديق عبدالله علي أبوحنة كتب:ياااااااااااااه
حازم
يا لها من فرحة..
والله كنت عايز أجلس معاه جنبا لجنب في إجازتي
لكن قصر الإجازة حال دون ذلك

انا زعلااااان منك
زعل مابتغسلوا مويه البحر
معقوله تجي السودان ومانتشاوف
تلك كلمات ودالقبايل تر ياحازم
من يوم النزلت في السودان انا ابدل واغير ياربي الجلابيه دي ولا دي ؟
لا احسن ألبس المركوب دا ؟
لا المركوب ماكويس احسن شبط السرماته
ياربي العمه دي ظهرتها مبقعي زي الزول الصايدوي الجدري ماله؟
نان ياخلائق الله ألبس شنو عشان اقابل صديق ود ابحنه
ريحانه منتدي المناصير بلدي
غايتو شيلتك حساااااااب ماعندو حد ؟
بعد اتسلفت لي عمي وجلابيه اسموكن تقييييل وعاينت في المويه مرات ومرات وقريت الحمد والمعوذات وأتوكلت علي البكان النازل فيهو ........................ قالوا لي وينك
صديق ساااااااااااافر ؟ يازول كدي غير بدل في كلامك دا ؟ وحات المعبود بالحق سافر ؟ ياخسارة ظهري ونضافي ؟؟؟؟؟؟
سعلت من الناس القالو شافو الشافوك ومقابلتك ليهم مازالو ماسكين بأياديهم ورافضين يسلموا علي اي زول تااااني قالو عشان يحتفظوا بالذكري الطيبه لأيادي كتبت عن باديه المناصير مالم يكتبه المغريزي في مجلداته ؟؟؟؟ زي حالنا زمان لما نمشي المحطه وناكل فول .. ايوه نعم فول ... تلاته ايام مابنغسل ايادينا وكمان نحلف وحات ديني فطرت بي فول ,, هاك شمها امبقيت مكضبني
متعك الله بالعافيه الباشمهندس صديق فالدنيا أجمل لحظاتها التلاقي بعد فراق
املين عودتك الحميده

حمدالله على السلامة يابطل نشهد انك أديت واجب الأوطان وما قصرت ونحن بيك فخورين ...

م بروي كتب:أكاد لا أصدق
أهذه الحروفُ
____________ الحسين الحسن
دك ( لولا فسحة الأمل)
الرجل المسكون بحب الأوطان والعباد
وعلا به المجد سناء وسنا فغمرنا
بحديث مدبج ومسندس يزدان بشذر نُضار
أحال موقعنا لرياض خضر و(ديقة) مُخضلة
زاهية وعشنا بعدها جدب يعانق جدبا
وحضورك البهي اليوم يرتب أحرفنا ويموسق
كلماتنا ويعطر هذه الدار الأنيقة
ألف حمدلله على سلامة فارس مغوار[/c
olor]

الفرق والله باين
بينا والناس الثماله
بين بطن مطفوقه عزه
وبين كرش نافخا العماله
محبة البلد الجمعنا
طفله من رحم الأصاله
لا بتتوزع هديه
ولا بتتباع في البقاله
زولا يكتب مثل هكذا كلمات احق ان يعشقه الجميع
مرورك لايزين صدر مانكتب بل يسعد القادمين
فسعاتدتنا بك متجزره في دواخلنا وفي دواخل كل منصوري
لك ودي ياقامة بلادي الرائع

سلام حازم انتت وين ؟؟؟؟؟؟؟؟؟؟؟؟؟؟؟ظ والمشاغل كتيرة ؟؟؟؟؟؟؟؟؟؟





تحياتى

ابو مصطفى

الف حمد الله علي السلامه الاخ حازم

سلمان العقيد رجل طيب من الزمن الطيب
زي مايقول صديق ابحنه سلمان العقيد دا تأكل وتقش في هدومه
كنايه عن الادراك وسموالنفس عن الصغائر
ابو المنتدي ... احساس كدا
ربنا يحفظك ومشكور علي كلماتك في شخصي الضعيف وانا بعتبرها قلاده شرف لكل منصوري فأنا كبقية اهلي المناصير فأن رأيت الذي يعجبك فتأكد نفس الصفات يحملها الاف من ابناء المناصير الذي ترعرعوا بين النيل والنخيل
ومن جبالها استمدوا الشموخ فالتحيه لقبيلتنا التي تخرج من رحمها أمثالك
والتحيه لكل منصوري صافي السريره

سلام عظيم لي زول عظيم

افتكرتك فكرة في الذاكرة ودخرتك لي باكر
وانـتـظرتك فــي مـساحات الـتذاكر
فـــي حـنـين اشــواق مـهـاجر
ولــمـا أبــقـى مـعـاك بـسـافر
فـــي نـفـس هـمـس الـخـواطر
***
إفـتـكرتك جــوه فــي الـوجـدان
وجــدتــك ومــــا نــكـرتـك
طـالـعـة مــن حــس الـحـناجر
إكــتـشـفـتـك وارتــشـفـتـك
مــن عـصـب عـمـق الـمشاعر.

مصباح محمد مصباح كتب:ألف حمدا لله على السلامة حازم بعد أن أديت الواجب ومثلك قطعا يسألوا منه الناس عند غيابه لك التحية وإن شاء الله ما يفقدوك أولادك والمنتدى وأهلك.

مشكور استاذنا القدير مصباح
انت عارف يامصباح انا بحتفظ في ذاكرتي عن اول موضوع كتبته عن المناصير والردود التي توالت مسرعه كان قلبي يحدثني ان كاتبها لديه الكثير
ويحمل الكثير لينثره علي صفحات المنتدي من درر فجاءت كتاباتك ساعيه في جمع الصف المنصوري وتوحد القبيله
فحرئ بنا ان نعتز بك ..
لك شكري وتقديري وربنا ينفع بك وتعود سالما الي الاهل

نطأ على ـ فترات ـ ولت ونمسح ـ وسم ـ الدهشة على مضض

ونتهيأ ـ إلى فتح جديد وفكر متجدد وروح وثابة ـ تتخذ من حب المناصير ـ منطلقا إلى آفاق الإخاء الصادق ـ بعيدا عن زيف الدنيا الزائل

وحددت الأعذار ـ بالهين ـ وفاقت على السبعين

**وعليكم السلام ورحمة الله وبركاته ـ اخونا حازم

حمدلله علي السلامه اخي حازم،سعيدين بعودتك.

إنشاء الله عوده ما بعدها غياب

abuahmed كتب:حباب حازم

حمدا لله علي السلامة

تسلم يا اخوي

نورت المنتدي

مشكور abuahmed ولك كل الامتنان علي مرورك حيث كنا
انت عارف ياابوحميد زمان زمن الزمان الزين والشعر مغطي اللضنين نلعب الدافوري والكوتشينه يعجبنا الزول المابدور الغلب ويحرر اللعب . اما الزول ابدما بارد يمرضك
حتي اللعب مابتضوق له طعم ... اه انت كتاباتك في المنتدي لها تلك الروح المطلوبه وتعجبنا مرات خاصه عندما يمشي علي الكليس خلسه وياخدلوا جغمه من السعن
لك ودي يارائع ومزيدا من التواصل الحميمي

وعليكم بالسلام ورحمة الله تعالى وبركاته

حمدا لله على السلامة اخونا حازم الحازم رويحته على راحتيه ليؤمن بها كل شبر من ارض الوطن

ونقول لك البركة فيكم فى صاحبك ورفيق دربك الشهيد الشاعر / وداعة الله ابراهيم .

الفكى احمد كتب:حمدالله على السلامة يابطل نشهد انك أديت واجب الأوطان وما قصرت ونحن بيك فخورين ...

مشكور الاخ الفكي احمد وانا اكثر فخرا بأن تعرفت علي امثالك
لك مني الشكر اجزله ونسأل المولي ان يجمعنا وان نتقالد في الخرباني
وعودا حميدا يارب

ابو مصطفى كتب:سلام حازم انتت وين ؟؟؟؟؟؟؟؟؟؟؟؟؟؟؟ظ والمشاغل كتيرة ؟؟؟؟؟؟؟؟؟؟





تحياتى

ابو مصطفى

ابو مصطفي الرجل الذي يلهب النخوه ويفك الكفوه
لك ودي يارائع
والله ياالطيب مشتاق ليك
يااخي الجرافه دي قرييييييبي قولنا سلاااااام ساااااكت
ربنا يمتعك بالصحه والعافيه فأنت تجمع بين الاصاله المنصوريه والمؤهلات العلميه
لك ودي يارائع ولسع منتظرين ؟؟؟؟
تشكر الطيب

جينا جارين لامن عترنا ووقعنا وتمينا الطريق كربيش

حباب حازم

حمد لله علي السلامة الرائع حازم

يكفيك فخرا واجرا بوست الصلاة علي الرسول صلي الله عليه وسلم

نجلاء زمراوي كتب:الف حمد الله علي السلامه الاخ حازم

اختنا الفاضله نجلاء
رغم اختلاف الرأي في بعض المسائل وطرق حلها فتجديني افتخر وأعتز بما تكتبي
مؤمن انك رضعت من تربة لاتعرف البوار . وتربيت في كنف نكن لهما الود والاحترام (والديك)
وعشت مع من خلد في دواخنا الانتماء وسعي جاهدا لتكون القبيله شامخه ..
لك ودي وكامل الاحترام لأسرتك الصغيره والبيت الكبير

عزرا ايها الرائعــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــون

واستميحكم ان افسح المجال للرد علي القامه محمد بروي
وفي ذاكرتي شموع اتحين الوقت لأرد علي مرورها :
اخونا وحبيبنا نور الهادي عقيد

وصديقنا ودالطرشان
وودالمناصير البجو يطير
واخونا المصادم جبريل عبد الرحمن
وحبيبنا صاحب الكلمات القصيره والنشيطه منوفــــــــــــــــــــــــــــــــــــــــــــــــلي
والاخوان الاعزاء ودعون الله
وشيخنا حاتم الافندي
حتما سأرجع للرد عليكم فردا فردا ؟


القامه بروي كتب :
ما بتعرف لي زول يهجيهم لي وأختلو الكرا؟؟؟.
عليك الله سولك مقطع مقطين وانا بعزم شعراء المنتدي وعلي رأسهم الاخ النفر وسلمان العقيد
يفتلوا فوق حبلك ... اصلو ابومصطفي ضايق قبل كدا صوتك ( بتاعت عرس الرباطاب ؟؟؟ مازالت خالده في نفوسنا )
اما ودالطرشان بقالي هدي ورضي بيرجع ؟
نحن منتظرين الساس ياقامة بلادي للناس الرحلو من منتدي المناصير بلادي
ياالنفر وسلمان العقيد انسجوا الشعر الرصين وهمتكم للناس الفاتو غادي
ليه ؟ ياأ بومصطفي وودالطرشان درة بلادي تتركوا المنتدي رابط رحم اجدادي