عاوزين نقدم كبايه عصير ونتلما وندردش نحن ناس البيت مع اي عضو يجينا داخل جديد

نصرالدين ابوزيد حامد كرار كتب:والله يا سهام وكت الاعضاء الجداد ما دايرين العصير اخير ندنى عليهو برانا , كبى .
ودعون الله جاب السكر انا بجيب الفيرى لى غسيل الكبابى .
تشكرى يا فاكهة المنتدى .

سهام علي محجوب كتب:تعالو تعالو شوفو عضم الفيري حق ابوظبي دا خلاقي شمو ريحتو حلوي كيفن شوفو الكبابي دي لامعه كيفن نصر الدين اسع فكرة الفيري دا جاتو كيفن * الدنقلاوي اصحابك ديل الظاهر حكوماتم قويه خلاص وخيافين من الجلد وانا عازراهم لانو ماكل الناس بيفهمو الزماله صاح شكرا علي الخرفان وموية زمرم بس كيف تصل باقي انت كل مراسيلك ؟؟؟؟واهلا بك ضيفا عزيزا بيننا*شكرا نصر علي هذا اللقب الجميل وانتم المغتربين نعتبركم جميعا فواكه لهذا المنتدي الذي قطعتم له من وقتكم الثمين وبكم ازداد جمالا وتالقا*حسن انا خلاص ياخوي عدمت العنبلوك البقوم عليه اسع كري ولاعنيبليك صغير مافيو *اثناء ماانا بكتب ناولتني ابنتي كوب عصير ناديتا قلت ليها العنبلوك سكرو مسيخ وسريع سريع صلحتها والبيسوي المنتدي كتير بس انشاء الله لانتهم بالخرف او الجنون واهلا محمد سعد محمد علي منصور ونتمني ان يكون عضوا مساهم علي ارض الواقع والعفو والعافيه  

جريكمنو ولابجريمنو كتب:

صديق عبدالله علي أبوحنة كتب:عايزين  وكت العنابليك بتاعة سهام كملت.. سهام تفتش لينا ( رقتة ) أو ( عـَناق) نجلاء زمراوي لابتعرف رقتة ولا عناق..؟ منصوريات مدن! مع إنو أوردنا في القاموس الفرق بين الرقتة والعناق.. وعتود ود لبون وعتود ساكت.. وسخلة منيحي.. وسخلة ساكت.ز كلو أوردنا الفرق بيناتو
يا أخوانا العنبلوك بتاعي ده! سكرو مسيخ! ههههه بالغت سهام في ولدا!
......
يا أخوانا الجاب سيرة الفري دي منو؟ والله فيها حلاة لحم؟ لا حولالالالالا.. هي باللغةالعربية اسمها( طائر السمان)
والله قدر ما فتشتا البوست ده؟ داير الزول الجاب سيرة الفري ما عرفتو؟
أظنو الدنقلاوي؟
هسي دي الناس تقول قاعدة تشوف شوف عين؟
 هسي البارح دي جايب لى في سكن المشروع 12 فري فريش من قصر شيخ زايد رحمو الله الجنبنا.. ويلا شويتن على الفحم.. وبرااااي..
أنا خايف ود حاج يسحرني؟
الفري لحما طعمو ما بين طعم لحم الدباس ومابين لحم القطا.. بس تيدهو ملح خفيف وشطة وليمون. ويا الله هاك يا رزع؟
لحم الفري يتقرش بي عضمو..
وبعدين الحكومات بتاعتنا يا أستاذة سهام قاعدة تفهم العلاقات الإنسانية تماما.. وتقدرها.. وفاكة لينا الحبل.. لأنها عارفاني زول الله في بلد الله..إجازتي الجاية بجيبا ليك في بيتك.. ومعاي حسن سليمان وأب أحمد.. بي نجي بي سيارة حسن.. اصلو عندو سيارة فاااهمة إجازتي الفاتت خلاها تحت تصرفي.. وكان بيوصلني بيها الرياض.. أها لكن  أنا وحسن ديل ناس أكل.. موش اي أكل.. أما حكومتي وأب أحمد ديل ناس ما عندهم في الأكل.. وجسمن ضعيف شوية.. ناس ونسي ساكت..وشاي..

عازه كتب:الضيف ياجماعة خروفوا براهوا اوعه من شنات الطبع  تحتلوا لحمة الضيف انتو ضابحين ليكم ثور بي غادي .ضيفنا انشاءلله يطيب ليك المقام وانت كريم من يومك الاول فتحته دارك والله شرف كبير خلاص

الرشيد طه كتب:

عازه كتب:الضيف ياجماعة خروفوا براهوا اوعه من شنات الطبع                          تحتلوا لحمة الضيف انتو ضابحين ليكم ثور
سلام الرشيد
يا زول انا براى شفت قاعد ومعاك ابوحنه
تشربوا فى شاى اللبن باللقيمات
تجى تقول كوز مويه ماادونا ويا
ومن داك العصير ادونا      

بي غادي .ضيفنا انشاءلله يطيب ليك المقام وانت كريم من يومك الاول فتحته دارك والله شرف كبير خلاص

بختك يا نزار ترحيب وعصير وخروف والله نحن لما جينا هنا لقينا البلد خلا كوز موية ما في زول ناولنا ليهو            
مرحب بك نزار في دارك
سلام الرشيد
يا راجل انا لمن جيت على ديوان بت على دى ما لقيت العصير مدور وكمان فى شاى لبن مقنن بى لقيمات وكمان صاحبك ابو حنه متحكر
    هسي تجى تشيل فى الحال وتنبش 
كوز مويه ماادونا
ومن داك العصير تدونا 

 ويدينا كل بياناته الشخصيه من سكن ورقم موبايل

صديق عبدالله علي أبوحنة كتب:

 ويدينا كل بياناته الشخصيه من سكن ورقم موبايل

ليه أصلو نحن عايزين ندخل حراسة؟
 والله عايزين ندخل  ديوان سهام؟

ود عون الله كتب:
****
نصيحة مجانية :ـــــ
يا اخوان عصير سهام دا اعملو حسابكم منو 
شرب منو صديق ابوحنة العاقل الرزين الموثق ---لكن كتابة نصر الدين للفيري شافه الفري وشال نبلتو وشركتو وبقي يجري فوق الفري
  نزار الرجل القانوني الدقيق ---والحالة ما لقي العصير --بس شمة ساااااكت شاف صديق ابو مصطفي 
    الله يستر