عاوزين نقدم كبايه عصير ونتلما وندردش نحن ناس البيت مع اي عضو يجينا داخل جديد

تذكير بمساهمة فاتح الموضوع :

شايفه جانا ضيف جديد وختا رحالو وخرج اسمو دكتور عطاالسيد عاوزين تاني اي ضيف يجي ينضمه لاسرتنا السمحه دي يجي ماري بي جاي يشرب معانا كبايه عصير ويتونس معانا شويه ونبدا بيك يادكتور عطا السيد فالتتفضل بالجلوس ومرحبا بك

ود عون الله كتب:
****
نصيحة مجانية :ـــــ
يا اخوان عصير سهام دا اعملو حسابكم منو 
شرب منو صديق ابوحنة العاقل الرزين الموثق ---لكن كتابة نصر الدين للفيري شافه الفري وشال نبلتو وشركتو وبقي يجري فوق الفري
  نزار الرجل القانوني الدقيق ---والحالة ما لقي العصير --بس شمة ساااااكت شاف صديق ابو مصطفي 
    الله يستر

الحبيب د. ودعون الله الشوق بحر والريده كتاحه .
صاحبك صديق قرا الفيرى فرى وشال نبلتو وبقى يجرى فوق الفرى , يعنى كان كتبت بدل الفيرى لوكس كان قراها بوكس وشحنو خرفان ولا عتان .
سلام وشوق شديد .

صديق عبدالله علي أبوحنة كتب:سهام دخلت موسوعة كبار الشخصيات... لأنو البوست بتاعا شايفو قلب صفحتين.. ما شاء الله عيني باردي صلاتي على الحبيب.لانسحرك؟

ماشاء الله.

هوووي ياودعون الله انبقي عصيري طلع زي ماانت قلتا وحات الله الا اجي افرشبو جنب طشاتك في سوق انتصار ولو جات الكشه ارميها فيك وعارفاك منصوري موقد نار .....اخواني الاعزاء واخواتي العزيزات عجبني ترحيبكم بالضيف وعجبتني جدا جدا القرنه العاملينها،الاخ نزار تمتلك حق الخصوصيه التامه في امورك الشخصيه ....ولكن اذا اردت انت ذلك فسوف نكون لك شاكرين ....معليش اخوتي بس نسثني ارقام التلفونات..راجعه ليكم واتمني من الجميع ادارة هذا البوست بنفس هذه الطريقه حتي لا يشعر الضيف باننا نستجوبه ..نزار دا مازول ساهل كتابتو فيها من البلاغه ماتتحسسه انشاء الله يظل معانا ويتحفنا بما لديه

راجعه ليكم واتمني من الجميع ادارة هذا البوست بنفس هذه الطريقه حتي لا يشعر الضيف باننا نستجوبه .. سهام قالت

حسن شايف سهام رفضت طريقة الاستجواب الشرطي للضيف! عشان الضيف ما يخاف!
 الضيف الجايينا هنا في صالون سهام ده!
عاذب. متزوج.. ولد.. راجل.. مرة ..بت.. ولد.. كلو عندنا مقيم وذو مكانة ونعاملو زي ناس البيت.. بشرط إن لايكون يحمل في جوفه ( فك تسجيلات) الحاج شرف الدين المسخوت.. العايز يخربا خراب سوبا...
الناس دي هنا في صالون سهام أخواناً على سرر متقابلين..

السلاااااااام عليكم

وعليكم السلام.. اتفضل.. ست الصالون مافي.. دقايق وتجي
 حباب الجابتك؟
 زول عصير وشربات؟ وعتود وعنبلوك؟
 والله زول شيتاً تاني؟
......
الزولة دي ست الصالون كان جات داخلي؟ بي توريك نجوم الضحى؟
 عندها مكرير مضبب خاتاهو تحت السرير الأنت قعدت فوقو ده!
 ونحن ديل كلنا القاعدين هنا رافعين البيرق
 وفينا شباب صغار وطلبة وبنات طالبات مستضيفاهم ست الصالون.همهم هسه التحصيل والنجاح.. عشان يساعدوا أهلهم الغرقانين؟
 يبقى لى الشئ الجابك ده؟ ما عندنا هنا؟
 عشان شايف العصير ما عجبك؟
 ولا لحم العنبلوك يا الحاج؟

[ندعوك للتسجيل في المنتدى أو التعريف بنفسك لمعاينة هذه الصورة]

صديق عبدالله علي أبوحنة كتب:نحن عايزين عنبلوك زي ما قالوا عازة وحسن. العصير ما هو حاليك يا سهام..
عنبلوك ود لبون

[ندعوك للتسجيل في المنتدى أو التعريف بنفسك لمعاينة هذه الصورة]                       [url=http://download.chatalkhaleej.com/][ندعوك للتسجيل في المنتدى أو التعريف بنفسك لمعاينة هذه الصورة][/url]

نحن جاهزين ياباشمهندس  باقى الجماعه وين

ياجماعه الحوتي ام ضنبا احمر دي ياقول صديق نسويله شنو....اكلناها بسبوسه علي مرتين مانفع فيها ...قلت السلام عليكم ردينا قلنالك وعليكم السلام ...لكن يازوووول شكلك كدي مازول سلام...انبقيت السخته خلتك وبقيت زي رفاقتك ناس سلمان وابومصطفي اتفضل اقعد ...ياربي ضيفنا الحرده فكتو والا لسع مداخلتو كانت جميله جدا

سلان نصرالدين وابو حنه
واحترام كامل للاراء المتبادله
نصرالدين خليك من النظره القانونيه دى
اصلا ما قصدنا كدا وقلنا لاغراض اجتماعيه بين قوسين
بس نحن دايرن  نعمل كشف للبت الكملت مراحا دا
قلنا نجيب دفتر للتوقيع وابداء الراى وكدا
وبى طريقه غير مباشره نكون عملنا الكشف 
(( طيب الخته)) ابو حنه هل تسمعنى
ولكم الشكر

لا كان كدي معليش يا حسن.. ( الختة) دي جاهزين.. بس البت دي شكلها زولة كرم راجيها من عقابا. أظن ما بتقبل الختة..
 أنت عايز تسوى حكاية الجعليين الأول مرة يدخلوا بي لوريهم المناصير؟ أو
 هن متعلمين لما يكون لوريهم مكسور أو شاحن في حتة ودايرين يبيتوا.. متعلمين على جيهة الصعيد  يقوم واحد يضبح ليهم ويكرمهم.. ولكن يجرد الحساب من كسري وشاي ولحم. على أساس إنو ناس مسافرين وفي رحلة وأغراب ومستعدين للدفع.. الموضوع عادي عندهم.. ناس اللوري والناس المستضيفين؟
 أها الجعليين ديل قاموا نزلوا في  خلوة الحسيباب.. شافوهم ناس أغراب وتعبانين من السفر.. قاموا ضبحوا ليهم للعشاء ..
الجعلي سيد اللوري الصباح طلع محفظتو والجماعة قاعدين بي براريد شاين.. كل زول جاب برادو.. أنت عارف حلة الحسيباب كبيري ويعجبوك في الكرم..
أها بعد الناس شربوا الشاي. قام الجعلي قال ليهم.. وطلع محفظتو ومن عشية كان مهموم يا ربي الناس ديل تكلفتهم أوع يكون كتيرة ؟ ونحن شحنتنا دي خسرانة؟ وكمان كاسرين كرونا في الطريق؟ صلحناها بي مبلغ وقدرو؟
 أثناء الناس مجتمعين في شاي الصباح
 قال ليهم أها يا جماعة كتر خيركم.. ما قصرتو معانا شوفوا لينا الحساب كم؟ بقينا ناس سفر؟
 سكتوااااا صنننننننن.. زي الصبت عليهم مطرة؟
 سؤال غريب ومفاجئ.. أول مرة يسمعوه؟
 برضو بيفكروا إنو يردوا عليهو كيف؟
 لأنو لو هنالك في زول أحمق.. كان ضربوا بي عصاه.. والاّ رد عليهو رد ما قدر يبلعو..
 في النهاية رد عليهو عباس أب قجي
 قال ليهو: يازول كلامك ده ! أعوج تب!
 الحمد لله الوقعت فينا نحن؟ ردينا عليك بهدوء.. كلامك ده لو كان قلتو في خلوة ناس تانيين؟ كان كرعيك ما يمرقنك؟
 دحين المناصير دي معبرة ومشبرة.. ومطولة ومقصرة.. تجي في أي خلوة مافي حاجي اسمها حساب. أنت زول ضيف.نشيلك على العين والراس؟ كان جيت في الحلي مرة ساكت تكرمك..
..........
 عشان هذه الصفات الحميدة فينا نصر على أن تكون للقبيلة بؤرة.. موطن أصلي... عشان ماتموت مثل هذه الصفات من أجل السودان العريض ضحينا ببعض أرضنا.. دايرين باقي الارض  نصر على مواصلة هذه الصفات الحميدة فيه.. من أجل البشرية ومن أجل الدين.. ومن أجل القيم ومن أجل الاخلاق..
 عشان هذا الكرم وعشان هذه الصفات المقبولة عند الله بإذن الله بركتها ظاااهرة مافي زول قدر يمقرنا من أرضنا، رغم المحاولات المستميتة.. علينا غطاء صنعته أجيالنا السابقة يصرف كيد الكائدين. موش عشان شطارة أو حاجة تانية.
غطاء روحي يغطي المنطقة.. لم يدفن مع من دفنوا وغمروا تحت وطأة مياه البحيرة وجبروتها العاتي؟
.....
 بعد ما قررربت تموت هذه الصفات.تاني انبعث من جديد في المحلي مع جيل جديد أملنا في أن تتنامى من جديد بصورة أقوى مما كانت..

HASSAN SULIMAN كتب:سلان نصرالدين وابو حنه
واحترام كامل للاراء المتبادله
نصرالدين خليك من النظره القانونيه دى
اصلا ما قصدنا كدا وقلنا لاغراض اجتماعيه بين قوسين
بس نحن دايرن  نعمل كشف للبت الكملت مراحا دا
قلنا نجيب دفتر للتوقيع وابداء الراى وكدا
وبى طريقه غير مباشره نكون عملنا الكشف 
(( طيب الخته)) ابو حنه هل تسمعنى
ولكم الشكر

سلام جنابو حسن والنظره القانونية كانت على سبيل المداعبة فقط ونعلم ان الغرض اجتماعى .
تسلم ويسلمو الرائعين .

نزار عمر يس كتب:إحترنا معاكم..
أنا لي اسبوعين بسمع بكباية عصير بكوس ليها مالاقيها..
لامن قلت سهام دي مكملي السكر..
ومادايرة تقوللي..
خايفة من شيل الحال!
ولا كمان الشي التاني اسمع بي ضبيحة عنبلوك..غير الضلافين والقرون
مالقيتلي شي..
وبيت ضاربني القوا
‏..
وتراني لحدي هسي مقوبل في السموم دي..
‏..
‏..
حـــــــــــــــــردان!

اهاااااا شفت ياسهام جالك كلامي
اول ضيف يجيك وقف في الباب لممممن ريقىو نشف وحرد
وانتو جوه عاملين غاغه وصوتكم جاي من اول الشارع
هسي شوف ليك حل لي ضيفك الحردتيهو دا

تحريشه
نزار لو م ضبحت ليك خروف كبير اوعك ترضي
وم تقوليك العيد قرب وووووو ولا الدعم رفعو ولا ولا
م تقبل ايييي عذر

ياجماعه تعالو الحقوني ياأبومرووه ،الخواجي ابو اسما عجيب دا تعرفو دحن ،نحن المناصير اسامي زي دي ماعندنا ،لكن نسوي شنو الزول ضيف ولازم نقولو اتفضل وتقريبا اسمو عمر بعد مانختليه حرفe ‎قبل ‎ ‏rواسم الجد مقاديم واسم الابو عجيب شويه وماتزعل مننا ضيفنا ولكننا نفضل لغتنا ولهجتنا ،يابت يامحاسن الشيه المره دي عليك ،وجايكم بي مهله يامحاسن بس اصبرو علي شويه

بجد شلاقه غصيرك ماوفف الشتاء جاء لفيت الدنيا وجيت لقيتو مدوروانت حاتمه المناصير

بجد شلاقه غصسرك ماوثف الشتاء جاء لقيت الدنسا وتاني جيت لقيت عصيرك مدور

كل عام والفى ديوان سهام بالف خير
وربنا يحقق الامانى ويجمعنا فى احلى واسعد الاوقات
اها يا سهام بعد الشربات دى شوفى لينا خبر الشربوت وخاصه مع الشيات الدسمه دى

اووه حسن كل عام وانت بخير والله الليله طريت البوست بتاعي وتذكرت كل المداخلات وحتي قلتا حسن دا شكلو عزال في الخرفان ومابتغشا فيهم كلامي دا صاح والاغلط باقي انا من المداخلات بعرف حاجات زي كلمة خروف امرد ،طبعا الشربوت كل سنه بنعملو ولايوجد شربوت يضاهي شربوتنا ،كل عام والجميع بخير ،ياابو مصطفي نحن موجديين وشوقنا ليكم بالشولات تحياتنا لاقبال والعيال ،عزه كل عام وانت بخير وشكرا ليك للترحيب الجميل وايضا ابوحنه ،هلا باابوسفيان وانشاءالله عصيري ماينقطع ولانحن نقطع ولاانتو تنقطعو ،نجلاء،محاسن،نداء،عزه،الشلال الرابع ،هناء،زوبه،اقبال،تماضر،وبت السيد فوزيه ،وامونه،وام عمار،تحياتي للجميع وكل عام والجميع بخير وتحياتي للاخت نوره ولجميع حواء المنصوريه

العيد مبارك عليكم ياديك الجماعة المتلمين فى الديوان العامر ربنا يحقق لكل واحد مرادو ويديهو
الفى نيتو ، أصلو اكت يجيبنى الدرب قريب ليكم مابفوتكم لازم أغشى وابرد وانتح لى كم كباية
عصير وادردش مع الزوار والسمار حق الله بق الله وعوافى وسلامات واواصل لاقدام ...

اقتراح بفتح هذا الديوان للمعايده واللمه
والعندو شيه وشربوت يجينا جاى
وبعدين انا ضابح الضحيه غدا ومسوي الشربوت
معزومين فطور

العيد مبارك عليكم..والشربوت ما تخلوه يخمر يا حسن! أشربوه أول بي أول
 التحية لصاحبة الصالون.. ولإضافات علي الكليس الرائعة...
 البلد راح تعود بأحسن مما كان يا علي... بس أديها فركة كعب شوية كدا.. عجلة الحياة لا تتأخر..
 نعم كنا محفوظين حفظ رباني زمان من الأمراض خاصة.. حياة الطبيعة لاتدانيها حياة...
عدم الإزدحام برضو عامل أساسي في نقاوة الهواء... المدن مزدحمة وصحة البيئة فيها متخلفة ، من هنا تجي الأمراض والأمراض الغريبة..

العيد مبارك عليكم ، والله ياحسن لحم الخروف المضبوح تالت يوم أطعم من المضبوح فى اليوم الأولانى ، عشان كدى خروفك ده حتى عضامو حتنقرش وماحيفضل فيهو شرموط لملاح باكر ...

لكم الود الاخوه كليس بروائعه وزكرياته وانا قلت الكليس دا  معقول  يتزكر حتى هذه التفاصيل الحياتيه الدقيقه والله ماشاء الله
ابو حنه هذه الايام ايام اكل وشرب يعنى شيه شربوت شاي
القكى العيد مبارك عليك
واقول ليك حاجه انا ضحيتى اليوم وزى ماقلت اليوم التالت دا اللحم يحلى وكل الجماعه حضور والله  حتى الربيت كمل هسي من بكره حا امشي على الجزاره ولا امشي علي صاحبت الديوان القالى عضيمات كدا

طبعا ضحية عند حسون. وتالت يوم
ود أختي ود الحمود ضروري يكون حاضرا..
مين خلاني حاضر لمتكم دي؟

عفوا  ً صاحبة الديوان العامر ... لقد جاء  حضورنا متأخر ... تركناك  تستضيفى الأعضاء الجدد ... كنا نشاهد من على القرب حفاوة الإستقبال وكرم الضيافة ... فمرحبا ً بهم فى دارهم وبين أهلهم ... إخوة وأخوات أعزاء ....  إنتهزنا فرصة العيد لنبارك العيد عليك وعلى ضيوفك الكرام وحتى ننال حظا ً من الكرم الفياض ... عيد سعيد على الجميع وكل عام وأنتم بخير وكل عام ديوانكم عامر بالضيوف... ودمتم يا عيال منصور ذخرا ً لنا  _ 

تقبلوا تحياتى وودى ،،،

الحضور الكريم والله ونستكم حلوه عديل كده اتخيلتكم قاعدين في عنقريب مصنوع بايادي منصوريه في ضل الشتاء واعزروني لاني كنت استرق السمع ،علي الكليس ماقلته حقيقه وقد عايشته فتره من الزمن لكن هناك اي حاجه عنده طعم وكمان اللحمه البحمروها مع الربيت عندها طعم جميل وحاولت اعملها لكن ماطلعت حلوه زي حقت حبوبتي رحمها الله ،اما بخصوص الكسره بالملح عندي واحد من ولادي معزبني ومابي الاكل وبالصدفه عرفت ان هذه وجبته المفضله،اشكرك علي مداخلتك الرائعه وكل عام وانت بخير ،الاخ العزيز النفر مرورك اسعدني ايها الشاعر الفذ ،لاتبخل علي ديواننا وضيوفنا ببعض من الابيات،وكل عام وانت بخير ،سلمان عقيد مرورك اسعدني لكن صدقني ياسلمان لحم الخروف البيملا الطش شيتو مابتطلع مزبوطه الطمع في الدين يااخوي ودا البيحصل لي اختك كل عيد سمح يكون زي خروف حسن بس يتأكل في فرد يوم انشاء الله الواحد يشتري اتنين ،ماشفتو شية جيراني تقول تاكلك في بطيخ وماشفتو شيتي هم قالو سمحه لكن بعد ماضقت حقت الخروف الصعير حردت شيتي،اما الشربوت بنعملو بنفس طريقة سلمان وبيطلع جميل وغير مسكر ،الفكي عليك الله الصور الرسلتها لي ابو حنه عيديه وخليتو يكورك فوق راسنا رسله ليو خليه يكبرا ويبروزا ،للمغتربين اشجان وظهور حساس ومرهف وصادق ونابع من الوجدان نحسه في كتاباتهم في حنينهم وزكرياتهم لارض المناصير حيث الذكريات والحنين لمرتع الصبا ولرائحه وطمأنينه لاتجده الاهناك ولعيد الاضحي طعم خاص هناك ريحة العيد تبدأ من الدرب وكنا نشوف الشوايقه شايلين الخرفان من الخرطوم اما نحن مين زينا الخرفان راقده رقاد (ان بعد العسر يسر) تحياتي للجميع واخص انتصار حجاري واميره علي واميره علي وكل عام وهن بخير طبعا ديل بعد ماقفلت الجواب اتذكرت اني نسيتن وعلي عادة اهلنا المناصير يجب فتح الجواب مرة اخري .،وتحياتي للجميع

ايوا نسيت ارحب بضيفتنا الجديده فائزه الدرويش ونتمني ان تظهر هي وابنة اخيها فائزه علي الدرويش علي مااعتقد وان كان غير ذلك اتمني ان يصححني من له معرفه بهم .وتحياتي للريس خالد عابدين .

العيد مبارك والمراد ينتم اليكم جميعا اهلي واحبابي المناصير داخل وخارج المنتدي ولصاحبة البوست الفريد
سهام ولاسرتها الكريمه.. والتهاني لكل حجاج دار ودقمر.

وعزرا ان اتت المعايده متاخره جدا ولكنها من قلب ينبض بحبكم والشوق اليكم ولكل ماسطرتموه من احرف
تحكي روعة العيد معكم وبكم . فقد شوقتمونا خاصة ونحن هنا في الغربة لانتذوق للعيد طعما مع ظروف العمل
ايام وليالي العيد فوجدنا عزاءنا فيما يحمله هذا البوست من مساهمات تبهج الوجدان وتخفف عنه وطأة الحسرة 
والالم خاصة في ايام كهذه فدمتم احبتي ودامت اسهاماتكم الشيقه وكل عام وانتم بخير وكل عامر والمناصير ترفل 
بالتقدم والرقي والوحده والتالف بكم 
ولكم خاص التقدير

صالون أبوابو مشرعة.. ومفتوح على مصرعيه
 صالون أهلو مافي ما ينفع..
 والله مو صاح كلامي يا صاحبي ود سليمان ود نصر الدين؟

نحن أهل خلاوي  ( من عموت..تموت..) شفنا صاحب الخلوة كان ما باشر بيك وجاك في خلوتو ما بتدخل لى جوة.. أول ما يجي ضيف يدخل الخلوة. لازم يجيك زول من الحلي يشوف طلباتك؟ حتى لو الضيف تكروني؟ طالما جيت الخلوة أنت في أمان..
تصدقوا مرات الحلي كلها الرجال يكونوا مسافرين أو في مامورية في حلي تاني.. يجي ضيف ماشي درب.. عادي يدوا الولد القدح يوديلو العشاء.. عادي عمرنا ما شفنا زول ضبح ليهو زول والله ضيف في المناصير إعتدى على أي قرية ..والحريم تلقاهن حايمات يعشن في غنمن بالقرب منو؟ وواحدات بالفاس يكسرن في طلحن عادي . وكل خلاوي المناصير مافيها حيشان.. من الخلوة تكشف الحلي .. المناصير دي معبرة ومبشرة ما حصل حصلت فيها حاجي..!هسه شوفو بالله جنس الكلام البي يحصل في أبو حمد دا!
 ياخي المناصير دي زمان فيها بركة ظااااهرة. كترة الكرم وبليلة المريق البي يشدوها ويكتحوها.. وأي ضيف كان طول منك تضبح ليهو ولو عتود. وعتود الضبـّاح كل سنة. كترة الكرامات ذاتا ترفع البلاء هسي دي شوف جنس المصايب الغريبة دي البي تحصل؟ علامات آخر الساعة غايتو ربنا يستر
زول ينط في داخلية.. دا شنو دا بالله؟ وهيصة.. آخر زمن بس..

التحية لصاحبة الديوان العامر بعد الغيبة
والتحية موصوله لضيوفها الكرام

التحية لكل الأهل والحضور..
وان شاءلله دوما تجمعنا الأيام بهذه الرفقة الطيبة..والتي امتزجت بروح الكرم وتشبعت بالحنية..حتي ارتوت واختارها النيل ليتحفها بمنظر خلاب..ترتاح له النفوس وتسكن ..
والتحية لتلك الملامح التي رسمت علي جدار الزمن ارواحآ ابية يندر وجودها في غير المناصير..
الأخت والاستاذه سهام..
والرائع علي الكليس..
عذرا ..ان كان اسمي غريبا علي لسان اهل المنطقة ولكنتهم..وهذا طبيعي لاني لم يكن لي شرف الميلاد بها..
ولكن هل اسمي ينفي عني إنتمائي لأهلي!!
فلمن لم يعرفني:
انا
نزار عمر محمداحمد يس
من قرية برتي
الوالد من العيساب
والوالدة من حلة الفقراء
فأنا منصوري متشبع بالدماء المنصورية أبا وأمآ..
.
.ورغم اني ولدت خارجا عنها الا اني ازورها بين الفينة والأخري..
واسألوا عني الخال صديق ابو حنة للتعريف أكثر..
وتحياتي
اهلي الاحباب..

أيوا كيف يا شباب دا ود أختى.. معبر ومشبر.. وأصل وفصل.. منصوري موقد نار.
 زمان يا نزار أنت أهلك الكبار ما شفتهم أجداد أمك وأبوك. ناس عيسى ود حومااد إحمد  وعمر ود حومااد إحمد كانوا  فقرا وناس مروحنين .. وناس صديق الضبول..   .. أمو حرم بت الضبول وكت عرس صديق ولدا  تسوي في البلال ليهو ونحن أطفال تقول ليهو( عباسي وفقير.. صديق عبـّا ساير... وبالإبريق يطير.. صديق عبـّا ساير.. ) زمان  جدودكم أهل أبوك كان يطيروا قالوا.. كلام الناس.. ما علينا..
الليلي جاء بي جاي لازم سهام تتضبح لو..
كان ما ضبحت النبيشي ياها الراجاها..

هنا تراث منصوري أصيل فيهو إبداع من جميع المشاركين يجب أن يخلد مثل هذا التراث.. وفيهو قيم تربوية ودينية واسرية بحتة..
 يعيش المناصير كأسرة واحدة.. وتعلو الحرية والتواصل والعلم تعلو على قيم العيش الحياتي العادي..
سنة مباركة محفوفة بقيم الخلق والإبداع

خلاص يا ميسرة .. كان قدرت على العصير ، ما عندك عوجي تب... حتى الآن الصالون هنا ستوا طاشي
 وما أظن حا تجيهو بي قرب.. الله يهون

عشرون شهرا بالتمام والكمال وابواب خيمة الكرم  ستائرها مسدله يثقلها الغبار ويطرزها العنكبوت 

جئتها اليوم ووقفت علي اطلالها ووجدت كاسات العصير متناثره متسخه ..وريش الفري قد تعلق 

ببيوت العنكبوت..وعلبة السكر قد سكنها النمل... وبقايا بدرة العصير قد اختلطت مع التراب

وفي ركن قصي يرتكز مكرير صاحبة البوست ... عندها جالت بخاطري رائعة الفنان الرائع

محمد النصري...

مشيت بعدك بلاد الشوق *** غشيت في سكتي الاطلال

لقيتك لسه في الخاطر وفي شرقة شمس باكر *** ملان بيك طول حياتنا جمال

ووقفت متاملا  صاحبة البوست الرائع (سهام الزين) وكرم ترحابها بالضيوف الكرام

وهنالك ود عون الله وود ابو حنة  وحجي الدندنه  والموال ...واحسست بالحنين

الي ديوان الكرم هذا  وابت نفسي الا وان تبدأ بنفض الغبار عنه والعشم يملؤها

بعودة  الجميع  لهذا الديوان العامر بدء بصاحبة البوست وكل الضيوف الاصيليين 

به والعابرين

واخيرا اقول لكم سلامات وين نزل محياكم تحياتنا وامانينا


ولكم ودي

محمد علي التاج الدنقلاوي 
  سلام يا سمح يازين 
    ماعرفنالك درب ---الدنيا دارت ---والناس هجرت الخلاوي --مكان الكرم --مكان حفظ القرآن --مكان قري الضيف ومبيت ماشي الدرب ---السبيل ما لاقي البملاهو ---الازيار يابسي كحوتي تسوي الكرو ---الحمام باض في الطاقات ---والعنكبوت نسج --
 الناس مشت مكان الوجبات السريعة ----الواتس والفيس ----لا فيسا صبوح --ولا واتسا يجم الحيل ---كتابة زي الكاويق دايما شايلا العصار --

الله كريم علينا

سﻻمات يااهلنا
حضرنا ولم نجدكم 
يبدو أن الجماعة ﻻزالوا بتغالطوا في جرف الروكة