الأمثال الشعبية والعبارات الشهيرة بالمنطقة (تراث الجمل )

تذكير بمساهمة فاتح الموضوع :

نبدأ هنا للتوثيق للأمثال الشعبية والمقولات والعبارات التي كانت سائدة في المنطقة ومدلولاتها النفسية والاجتماعية والتربوية، ومازال بعضها يستخدم حتى الآن –

(1) الاتعدواعلى بوني:

أو إلا تعدى على بوني لمخاطبة المفرد –والمقصود هنا يجب أن تعمل حسابك من بدري وذلك في إشارة لصعوبة الأمر أو توقع حدث او أمر ما ،فيجب الانتباه مبكرا والعمل بجديه لتفادى تلك المشكلات أما قصة المثل لااتذكرها –لكن المضمون ان على الفرد أو الجماعة الذين يطلق عليهم المثل ان هناك تقصير أو إشكال حدث ولتفاديه يجب من وقت مبكر الاحتراس وإلا حدث ذلك الأمر أو المشكلة.

(2) سووا الصفقة دنقير

وتعنى هنا يجب العمل بجدية تامة وتضرب دائما للمجموعة لأنها أطلقت أصلا على المجموعة التي تقوم بالصفقة(ودائما فى الباشى –اللعب) والذى يكون فى شكل صف وليس فرداً واحداً،وتضرب أيضا لأشياء أخرى كثيرة في حفر البوغة –فى الفزع –دق العيش-وغيرها –مع ملاحظة على أنها قد يكون لها معناً آخر أو معنى بعيد طالما انها أطلقت على الناس الذين يؤدون الصفقة فقد يكون قائلها يريد من الصفاقين عدم النظر للمرأة أو البنت التى تقوم بالرقص حينها(لإعجابه بها أو لغيرته أو خوفا من أن الصفاقين سوف يرتبكون فى أدائهم-كذلك لو نظرنا لمفردة (دنقير) قد تكون فيها نوع من التأدب وعدم الإمعان فى النظر لتلك [s1] المرأة

(ودايما نلاحظ لوصف سلوك الفرد يقال فلان داك لايرفع رأسه أبدا كناية عن سلوكه القويم وتأدبه )-هذا مجرد تحليل-

أما المعنى الاساسى للعبارة كما ذكرت فهى الحث على انجاز المهمة بكل جدية وكذلك التأثير السيكولوجي لأداء المجموعة وكما يسمى (team work) ومما يبثه في نفوسها من دوافع وحماس-

وقد يظن البعض أن هنالك علاقة بينها وبين عبارة (سوا الصفقة براتية) والأمر مختلف تماما حيث يطلب هنا من الصفاقين إن يغيروا طريقة الصفقة التى يؤدونها لطريقة ناس برتى لان لديهم طريقة معينة فى الصفقة وخاصة فى حركات الرجلين –وكما غنى عادل السيد (سوا الصفقة براتية ياخلايا جاتكم ريا والله الجمال هندية الا اللهجة منصورية-

قد تقارب أيضا عبارة( ايد على ايد تجدع بعيد ) الا ان هذه العبارة تعنى الحث على التعاون لانجاز مهمة واستقطاب مجموعة كبيرة لانجاز الإعمال-وكما قال الشاعر-عثمان سلمان (اب امنى)فى افتتاح احدى مدارس شرى:

ايد على ايد تجدع بعيد

ياشرى مبروك الجديد

كل عام والتعليم يزيد

كل هذه الأمثال والعبارات توضح القيم التى كانت سائدة فى المجتمع حينها ولازالت من تعاون ومساعدة وتشجيع وغيرها –

(وكان الله مهل في الأيام لي عودة)

[s1]

من طرف **almansory@ooty** السبت 07 أغسطس 2010, 1:35 am

خال ابرار كتب:خالد تحياتى حبوبتى الله يرحمها غير طرف التوب ما لحقت اخد منها شى بس الحاج نورنى شوية وهاكم فسرو وح اتفرج فيكم بدل ما كنت اتفرج عليكم :
1.الفتران علوق السمين.
2.القرماضة ولا الرقادة او القحة ولا صمة الخشم.
3.كلو زول يعجبو الصارو
4.الشدر الكبار فيهو الكعاكيل
5.المكرقى اولابا بقرا
6.صراع المو قدرك يفتق سدرك
7.تنقطع محل رقيقى وتنقد محل رهيفى
8.فزع فقوس العشرة فى القادوس(يعنى مو جايب حق لقيماتو)
9.ان طرو الحديد اللبرى نطت
10.ومقولة مشهورة تقول انشاءالله يا افرى حلفاكى يقومنلو عروق.
خالد وسلمان باسلوبكم الظريف مرو ع النقاط دى وان احتجتونى فى حاجة انا قاعد ولى عودة بالمزيد.

من طرف **almansory@ooty** السبت 07 أغسطس 2010, 2:33 am

يا سلام يا الأخو علي الأمثال المنصورية البحته والله ذكرتني الوالد متعه الله بالعافية
القرماضة ولا الرقادة دي قالو جاية من زمن العتمور كان يرعو الغنم في النتايل والغنم فيها النوع البرقد نص النهار وفيها البقرمض ويرعي من شدره لي شدره
‏_‏_
صراع المو قدرك يفتق سدرك دي واضحة يعني ما مد كراعك قدر لحافك وما تقباض في الأكبر منك
‏_‏_
الشدر الكبار فيهو الكعاكيل دي برضو ظاهره يعني السمينة فيها العضة او الكده والسنط فيهو الخشب
‏_‏_
ان طرو الحديد اللبري نطت دي إعتقد دي زي ما تقول لو طريت سيره الجعلين ساي تلقى الجعلي متنفش
‏_‏_
الفتران علوق السمين دي قانون الغابة القوي ياكل السمين والعلوق دي وجبة خاصة لي تسمين البهايم
‏_‏_
اما ناس العشره في القادوس دي ما دايره شرح وقاعد تحصل كتير في رفع البوابير زمن الدميره تلقاهم
20‏ في بابور لستر والشايلين 2 والباقين شغالين هووووب
ومرقنا وكب
‏_‏_
كلو زول يعجبو الصارو دي زي ما تقول القرد في عين أمو غزال وتعجبك حاجتك
‏_‏_
اما المكرقي أولابا بقرا دي
ما عرفتا جيهتا الأخو الحقني
بيها سريع
‏_‏ _ _ _ _ _ _ _ _ _
وهاكم دي مشهوره حتى عند غير المناصير وأنا شخصيا سمعت واحد من مدني قالها لي
‏@الظهره عمااااااااااارين@
ولكن المكوه @غااااااابه@
دي ما مشهوره زي الظهره عمارين
‏ _ _ _ _ _ _ _ _ _ _ _ _
انا عندي أصحابي من العمارين والغابه ولاحظت المكوه عن ناس الغابه والظهره عن ناس العمارين
‏_‏ _ _ _ _ _ _ _ _ _ _ _ _ _ _
وبسأل الإخو السبب في حب ناس الغابه للمكوه والعمارين للظهره شنو ؟

إفتكر انو العمارين لأنهم معقل الطرب الأصيل والسلك السمح
ولا رايكم شنو ؟

شكرا المنصورى وتراك ماعندك عوجى تساعدنا فى الصيف دا –وشايفك متكيف من الظهرة عمارين الاهل الحنان –وقد اوفى الشاعر حبيب بابكورى حين قال :

نبيت فى عمارينا

نفوسن طيبى وحنينا

بعدين زى ما ارتبطت تلك العبارات او العادات بتلك المناطق اتذكر ان ارتبطت الصلاة بعصمة ---اول ماتصل عصمة وتدخل البيت او الخلوة يقول ليك معاك وضو---

وبرضو ارتبطت الفضلة ( بقية الاكل) –ان تترك كمية قليلة من الاكل فى الصحن بناس العبباسة بشرى –ودى حا يوضحا لينا الاخ عباس او الاخ محمد بروى---ارجو الاستمرار عشان تشجعنا معاك-------

الاخوة الكرام سلام --
نعود مجددا لبوست الامثال والعبارات الشهيرة فى المنطقة-- بعد فترة وذلك لتحريك الدواخل و الذكريات خاصة بعد انتعاش المنتدى بدخول شخصيات لها وزنها الثقافى والاجتماعى --والامثلة جزء لايتجزأ من التراث والثقافة--بعد ان منح الجميع قاموس المناصير اللغوى حقه وكذلك العبارات والكلمات التى اتت فى --جرف روكة--ارجو من الجميع المشاركة فى الامثال الشعبية-
نطة الحوتى من بحيرا---
ومعناه ان السمكة كانت مرتاحة فى البحر--فى امن وامان ولكن (سخت) ساكت قامت نطت فى الهواء ووقعت خارج المياه--ولم تسطيع العودة للبحر رغم محاولاتها --فاما ان يمسكها انسان او حيوان --او تموت من عدم وجود الاوكسحين الموجود فى الماء--
والقصد من المثل وضح بعد الشرح --حيث تقال للشخص الذى كان مرتاحا فى مكان ما (عمل --سكن--الخ)
وخرج منه لاسباب غير موضوعية وعندما اراد الرجوع اليه لم يستطع---

من طرف **خالد عابدين** الجمعة 03 سبتمبر 2010, 7:27 am

شكرا الاخ سلمان
فعلا هنالك مواضيع هامه تحتاج للرفع والمواصلة فيها
مع المشغوليات نسينا حتى نقولك كفارة وسلامات من الالتهاب الحاد
اجر وعافية
ونطت الحوتي من بحيرا احيانا نسمعة بطريقة اخرى ( الحوتي وكت تشبع تنط من البحر)
تقبل مروري

من طرف **ابوحجل** الجمعة 03 سبتمبر 2010, 4:21 pm

الاخوة الاجلاء السلام ياخوانى السلام
انا غايتو سلمان عرفتو زولا كبير لكننى اسال عن خالد عابدين الذي امتحنا معه الشهاده الابتدائية 1988 وكان التنافس شديد(اوائل اللجنة )وتضم اللجنه ساعتها (كبنه.الكراع.عصمه.شرى.العشامين.الكربكان.وبرتى)وهذه اوائل المدارس الابتدائيه بمركز شرى اما مركز الكاب لم الم بالتفاصيل

من طرف **ابوحجل** الجمعة 03 سبتمبر 2010, 4:44 pm

الاخ سلمان وخالد
نديكم من طرفاء شررى وهو عمنا العويد
قالو مره جاء هواء شديد جابلو مركب فى مشرعو ربط واحتار فتش لقى فيها كتابى وعلى حظو جاه واحد من اعمامك زولا قريتو شبه قالو اقرا الشى دى مكتوب فيها شنو عشان ننبه الناس يوم السوق (قالو مكتوب فوق مبارك خاطر)فزادت حيرته يازول انت جنيت مبارك خاطر عندنا تب مهو فى وهم ينضمو جاء ولد داير يسق حمارتو قالواتعال ياجنى اقران الكتابى الفوق المركب دى قالهم (ادينى من خاطرك) اتكيف عمك العويد وسخريتا بصاحبه قال(والله الجنى قراه قراى)وصارت مثل فى شررى

من طرف **نورالهادى** الأحد 05 سبتمبر 2010, 6:36 am

تحياتى لكل الاخوة المتداخليين ولصاحب الموضوع سلمان واتمنى من اخونا صديق عبدالله ان يديها مرة بيجاي لانه يعتبر مرجع للامثال الشعبية .
اخونا ابوحجل انا كنت قايلك سيف الدين ولا عبدالقادر لكن طلعت دفعة خالد على العموم مرحب بيك ونورت الموقع والله .
بت ابو حجل طبعا امراة معروفة وكانت صالحة وواصلة فجاءت الخرطوم وكانت ماشى الجح فالبرجوب عمل لها كل الاجراءات واوصلها المطار و قال ليها لمان تصلى ادعى لينا قالت ليهو دعواتى دابه ودابى فالبرجوب اعجب اعجاب شديد بهذا الكلام وصار يردده حتى الآن .

من طرف **م بروي** الإثنين 06 سبتمبر 2010, 6:40 pm

نورالهادى كتب:تحياتى لكل الاخوة المتداخليين ولصاحب الموضوع سلمان واتمنى من اخونا صديق عبدالله ان يديها مرة بيجاي لانه يعتبر مرجع للامثال الشعبية .
اخونا ابوحجل انا كنت قايلك سيف الدين ولا عبدالقادر لكن طلعت دفعة خالد على العموم مرحب بيك ونورت الموقع والله .
بت ابو حجل طبعا امراة معروفة وكانت صالحة وواصلة فجاءت الخرطوم وكانت ماشى الجح فالبرجوب عمل لها كل الاجراءات واوصلها المطار و قال ليها لمان تصلى ادعى لينا قالت ليهو دعواتى دابه ودابى فالبرجوب اعجب اعجاب شديد بهذا الكلام وصار يردده حتى الآن .

الزعيم الهادي
سلام وأشواق
يا سلام على عاشه بت أب حجل قمة الظرف والمرح
تحب كل الناس ومحبوبه من كل الناس و كلنا نعتبر بيتها بيتنا
وجبدت أولادها بالكرم الشديد والكل يذكر بيت همزة في اللاماب
عندما كان يستضيف كل طلاب الجامعات وغيرهم في ذلك البيت
عاشه بت اب حجل روحها مرحه ومرا نكته خالص كانت عندما ترقص
والحريم ما يزغردن كانت ترقص وتزغرد .
معانا هنا في الشغل من السودان د/صلاح ود/ نصر الدين
جاني مرة صلاح وقال لي ياخي نصر الدين ده كل ما عمل ليهو
شغل يقعد يشكر في نفسو وفي شغلو
قلت ليهو ده ما عاشه بت اب حجل.. حكيت ليهو قصة عاشه (ترقص وتزغرد)
قام مرق مني طوالي بدون مقدمات بعد شوية جاني نصر الدين ووراهو
صلاح ميت من الضحك ..وقام نصر الدين قالي أنا عاشة بت ابحجل؟؟؟
ومن اليوم داك اسم د/نصر الدين(بت ابحجل)
مودتي

يا ooty دحين ماهو ناقص النضم دا :
الظهره عمارين . والفول زيت . والتكاع (بضم التاء) حسيباب ؟.

- سماحة جمل الطين ..
- خير يا كريجة .(( الخير لينا وليكى والشر بينات جنحيكى))
- شهرا ماعندك فيو نفقة لا تحسب ايامو .
- طافش بين العبيدية والقمبرات .
- الوالد يلدى مرتين .
-ولادة الحرجل .
-
-

اخوى ودبروى سلامات وكل عام انت والعيال بخير وكفارة للارباب الشيخ وورونا اخباره لمان يصل السعوديه واذا فى اى مشكلة لزو لى وانسى الباقى انا بجيهو تب والله الواحد يتمنى ان يخدم امثال الشيخ وهذه دعوة مفتوحة فى اى لحظة .ونسيت اعلق على الصورة ايه الوجاه دى وايه اللعب دأ اصلا انا ما حصل شفتك بدون عمة وعندك لفة خاصة للعمة تميزت بها يكون فيها جزء ينزل على الكتف ومرات تديهو عضة بخشمك . وتسلم يا رائع .

الاخ النزير تحياتى ليك يارائع وارجوا ان تبلغ تحياتى لخالك الدكتور عمر .
المثل على ما اظن سماحة جمال الطين وهذا المثل رجعنى خمسة عشر سنة الى وراء .كنت حينها فى الصف الثالث فى المرحلة المتوسطة وكان يدرسنا حينها مربى الاجيال واسطورة الرياضيات الحسن احمد الحسن وقام سأل سؤال فى الرياضيات والمابقدر يجاوب يجلد خمسة جلدات بالمسطرة وكان معنا فى الفصل واحد من اولاد الكربكان الظاهر جائى من الخرطوم لانه كان وجيه ونظيف ودائما ملابسه مكوية فلم يتمكن اخونا من الاجابة فقام الحسن قال ليهو انت يا فلان سماحة جمال الطين ساكت .تحياتى لك النذير يا رائع .

من طرف **م بروي** الأربعاء 08 سبتمبر 2010, 7:18 pm

نورالهادى كتب:اخوى ودبروى سلامات وكل عام انت والعيال بخير وكفارة للارباب الشيخ وورونا اخباره لمان يصل السعوديه واذا فى اى مشكلة لزو لى وانسى الباقى انا بجيهو تب والله الواحد يتمنى ان يخدم امثال الشيخ وهذه دعوة مفتوحة فى اى لحظة .ونسيت اعلق على الصورة ايه الوجاه دى وايه اللعب دأ اصلا انا ما حصل شفتك بدون عمة وعندك لفة خاصة للعمة تميزت بها يكون فيها جزء ينزل على الكتف ومرات تديهو عضة بخشمك . وتسلم يا رائع .

هادينا الجميل
سلامات
أشكر لك المبادرة الكريمة ولا استغربها بتاتا لما عرفت به من (ضكارة\)
العمة ما كانت لزوم تغطية الصلعة لكن بعد اتبهلت من كل الجوانب بقينا حاسري الرأس عند كل جمال وفي حضرة كل قبح.
مودتي

من طرف **almansory@ooty** السبت 18 سبتمبر 2010, 4:06 am

الناس دي مالا صنت كدي . عووووك ألحقونا بالجديد . خال أبرار أعلنت إفلاسك ولا شنو . كدي أدي الحاج هبشة وادينا الجديد

نور يا نور مشكور كتير . تبلغ التحايا ويسأل منك خير .
جاينك يا مناصيرو .
اهــــــــــــــــــــــــــــا :
* الكضب من دورين يقوم يلحقو الصح فى فرد يوم .
* درب السلامة للحول قريب .
*ان طارت عز . ( لمن يصِر ان كلامه صحيح حتى لو غير ذلك )
* ماخٍدلو شربة ( لاستئصال الشئ . يبُته .)
*مسمار جحا .
* ساقة جحا تسوق وتدى البحر.
*اللضينى دقو واعتذرلو .
*اب سنينى يضحك على اب سنينتين .
* الفاضى يهمـــــــــــــز امـــــــــــو .

سلام للجميع –
الاخ ودبروى –
رجعت وتانى صديت لى (منتداى القديم ياناس)
اخدت زمن مع الناس (بى هناك ) وبقالى الحديث مو ياهو) يسوا فى (التيرن ويرن)—ونسينا هذا البوست وانا متأكد بعد الزيادة الكبيرة للاعضاء هنالك الكثيرون الذين سوف يضيفون لهذا البوست—
واقدم لهم هنا (شيخ عبد القادر)—
ودى نفسها مقولة تقال للاستفتاح—لاى امر ويقصد منه جلب البركة –
مثلا كنا اذا جبادتك قبضت اول مرة تقوم تهدى (الحوتى دى) لاى شخص وتقول دا شيخ عبد القادر—وتسير هذه على مهن كثيرة
اها –اذكر بانى ذكرت من قبل عبارت احيانا فى وصف الرجل او بعض اجزاء جسمه-فذكرت بان يقال فلان :
--كراعو زى التبشوقة –كناية عن كبر حجمها (تم الشرح)
--لسانو املس
--ايدو تقيلى زى الرزى
--قلبوا اخدر---الخ
ويقال للمرأة للتغزل فى جمالها:
عيونا –زى الفنجان –او زى البقرة الوحلانى—ودى نسبة للسواقى والبقر—
وتشبيه اخر (عيونا زى القعوى الفاجخا الزير ) –او قدر الريال-----الخ
اما معظم الشعراء اختصروا الوصف بان شبهوا جمال العيون بالجدى_
يالملاك يالخلقوك ظريف يالجدى المراعك الخريف
ياحسن يالشيخ الشريف قلبى زى قلبى زى فكة تعاريف-

سنونا—وهذه فيها كثير من الابداع
قال شاعرنا حمد ود ضقولى :
سنونا الرف فوق عد ام شديدة
من شيلة الشمس لاعند غميدة
ثم :
ودنعوم قال
البنات ساكت يحاكنك
وبالشبه ابشابهنك
الكسر بنيان ربك سنك
وقالت شاعرة منصورية تشكرفى احدى صديقاتها :
فاطرا الفوق ابسباع خلا البلد طين
انحدر فوق ابقطب نجد المزارعين
ياجماعة هوى الواطة فللت وانا سادر اهلى وبكمل نضمى دا ان بقى فى العمر مهلى بكرة-
ياربى مهيلى تمرقنا فى السهيلى

من طرف **ابو مصطفى** الإثنين 04 أكتوبر 2010, 7:09 pm

زيد من الكلام السمح دا يا سلمان والله حاجة بالجد حلوة ويقولك المشى صباح والولادة جهلى ؟؟
ونعال السعف جيابة ؟؟ دحين رايك شنو فى نعال السعف دى وشكلها يكون كيف ؟؟ ويقولك العجمى فى رطينو والحمير فى طينو ؟؟

الضباني تريد العفني!!! ده مثل منصوري مائة في المائة.. معليش لكلماته لكن دي حقيقة تراثنا.. مثل يصور الحادثة المعينة تصوير بليغ
يقال المثل:_
إذا عايز تسحق وتمحق ليك زول سيئ رديئ.. زول رامي اسرتو ومباري الأنادي 24 ساعة.. أو زول أكلك في قروش. أو زول خان الأمانة.. أو زول طوالي وسخان ومبشتن ووشيهو ينعل قفاهو.. وكدة أي شئ ينم عن الرظالة والبطالة والتدنئ ورقة الخلق ورقة الدين والكسل الشديد والقعود عن أداء الواجب

الشقلايي تقوم بي شوكتا: ده إذا قالوا ليك ولد فلان فالح.. والشقلايي عادة لاتتخلف عنها شوكتها منذ هي صغيرة شقلايي...
ده مثل منصوري مائة في المائة
قال الشاعر حمد ود ضقولي
إن دخلت تضوي البيت بلا نور
وإن مرقت تفرز البلغرب شقليي وسنا وصور

استجابة لطلب الاخ ود المناصير-فى ان ترفع بعض المواضيع او البوستات التى لم تجد حظها من النقاش والتداول خاصة الهام منها والذى يخص التراث والثقافة –وذلك بعد ان كثر عدد الاعضاء –

ففى هذا البوست اكيد ان هنالك الكثير من لديهم امثال او عبارات شهيرة تخص المنطقة

وعموما فان الامثال الشعبية شبه مشتركة بين العديد من القبائل والشعوب –كذلك فهى تعكس تاريخ وقيم وعادات الشعوب---الخ-

فارجو من جميع الاعضاء ان يكتبوا فى هذا الموضوع –طبعا بعد الاطلاع جيدا على ماورد حتى لايتكرر المثل –

وعشان ادلى بالبسيط اذكر اننى كتبت عن صفات او وصف الشخص فمنها :

كراعو زى (التبشوقة) وتعنى ان كراعه كبيرة –والتبشوقة هى اداة لسحب الطين من الساقي -

قلبو اخدر –وتعنى انه رغم كبر سنه لكنه طارى العرس-

ونظل فى صفات اعضاء الانسان –

والتى كتبنا منها فلان راسو لايب-وتعنى انه اكول-

ومنها عينو زايغى—ودى معروفة-

وفلان نضمو( افرت) غير مرتب –وفلان خشمو عندو وهذا لايتحدث كثيرا ولاينقل الاخبار-وغيرها –

فأرجو من الجميع ان يدلو بدلوهم ونذكر بعضنا البعض-

سلام لكل الاعزاء المشاركيين فى البوست الممتع
وعندى مشاركه بسيطه ليكم
من المقولات المشهوره
(تتغدى حجار بونى")
ارجو التفسير
) يعيشك العاش ناس دماج(
ودى لصعوبه الزراعه فى تلك المنطقه
الحيه فى عشها تدودى )
ارجو التفسير
الخلاء ولا الرفيق الفسل
ودى واضحه
تقبلو مرورى

من طرف **معتصم علي** الأربعاء 27 يوليو 2011, 4:26 pm

الموضوع جميل وننتظر المزيد
وين ابوحنه ياجماعه ما دخل راسو في الموضوع دا(في انتظارك )

شكرا للاخت اميرة --شكرا للاخ معتصم--

تتغدى حجار بونى-

تطلق على فرد او افراد -كنوع من عدم الرضا -فمثلا يكون واحد كلف اخر بعمل او كذا فيسأله الغداء وين فيرد عليه تتغدى حجار بونى -

او حتى والدة لابنها -وهكذا -

وبونى بالذات لكثرة الحجارة فيها -

ودايما مايتعلق التشبيه بالبيئة -

كمثل -واحد انا زهجان منو او كذلك فقيول لى يا سلمان -فأرد --عليه سلم العرقوبى الينقطع فوق رأسك-

نسبة لان وادى العرقوبى يتميز بكثرة وكثافة السلم فيه -

ولاننسى - (السلمى ) الشهيرة التى كانت محطة للافطار ووالراحة للوارى سابفا--

ايضا هنالك من يقول ان شاء الله يأكلنك ضباع الشرق --او عطش الكريتى التى ذكرت فى موقع اخر او واحد عطشان شديد فيقال له انت جاى من جوراء وذلك نسبة لجفاف تلك المنطقة -

فالبيئة يرجع اليها التشبيه -

من طرف **ابو مصطفى** الأحد 31 يوليو 2011, 5:15 pm

تتغدى حجار بونى")
ارجو التفسير ) يعيشك العاش ناس دماج

معليش اتاخرت كتير فى الرد على هذه الامثلة الشعبية ؟؟؟

اولا تتغدى حجار بونى وذلك لان كمية الحجارة فى بونى كتيرة وما عندها حد هذه حاجة ؟؟؟؟

والحاجة الثانية وفى جزيرة دماج عندما تاتى وانت فى نصف بحير الحارة للناس الذين مروا به من قبل تشوف بيوت ناس دماج فوق راس الجبل ومع البحر تحت برضو جبال ولا فى حتة واحدة تصلح للزراعة وفى مرة من المرات جدنا ود نعوم سكران للنهاية وقال هذا المثل يعيشنى العاش ناس دماج وبقت مثل الى يومنا هذا

وهذا كناية على صعوبة الحياة فى هذه الجزيرة ونظرا لقلة الاراضى الصالحة للزراعة فيها ؟؟؟

والان بفعل الخزان راحت فى خبركانا وبقت فقط الظاهرة الجبال ومازلنا نحضر اليها بالمراكب ونزرع فيها ؟؟؟؟

تحياتى

ابو مصطفى

العين خوافه والضراع عميان

سلام للاخوه المتداخلين, ما المعني وماالمصدر لهذه الامثال:
1-البقي بقي يا علي اخوي الننصنت الجو
2-الحكاي ماها شدي و دفري

من طرف **ابو مصطفى** الخميس 15 ديسمبر 2011, 7:39 pm

ما خلاص موضوع وانتهى والمسالة ليست قوة والحكاية ماها حكاية القوى ياكل الضعيف

تحياتى

الى اسرة ودالمامون بكندا كلهم وكل سنة وانتم طيبين

تحياتى

ابو مصطفى

من طرف **خالد عابدين** الخميس 15 ديسمبر 2011, 7:49 pm

أبو مصطفى
وينك
ما ها عوايدك

تتحدر

أفو

سلام للجميع—للمرة الثانية
–وبعد ان ازدهر المنتدى وزادعدد الاعضاء –فكان لابد من فتح او رفع هذا البوست
لمزيدا من التوثيق –فكما ذكرنا فان الامثال تمثل تاريخا وثقافة وتحمل كثيرا من
القيم والمضامين ومن خلال يمكن اكتشاف ومعرفة التراث والتاريخ والانشطة الحياتية
اليومية وغيرها من السمات والصفات التى يتميز ويتصف بها المجتمع –
عشان اخج الترعة –يقال
(الحجر يقح)—وتعنى ان شخصا لم يكن يتوقع منه القيام بعمل او سلوك ولكنه فاجأ
الجميع واتى به فيستهزى به ويقال له الحجر يقح

قطعنا شوط كبير في مفردات الكلمات.. في القاموس.. وقطعنا شوط كبير في أفذاذ ورجال خلدوا تراث المناصير، من النساء والرجال. ورحيق الأمكنة تحدثنا عنه.. والتراث المموسق..
الآن جاء دور تراث العبارات والجـُمـَل الكاملة المتداولة. نسأل الله العفو والعافية، حتى نتمكن من السير فيه قدماً، وسوف يكون تراثاً ممتعاً كما أظن.. شأنه شأن التراث الذي ذكرناه..
وقد جاء توقيته في هذا المنعطف الزماني الخطير في قضية المناصير.. عشان يبرّد شوية على الناس الذين يموتون في منصوريتهم..و لكن يتضجرون من لغة الاحتراب والمكايدة ويكرهون العنف والتعنيف والكلمة النابية...
عشان يقعدوا في منتدانا ده ما يمشوا
علنا نمد لهم بصيص أمل وخيط شعاع
....................
.....................

العبارة والجملة الأولى
( ولد حليمة عرس ليهو مرة صعيد... ماها سمحي...لكن لحمتا فطيري )
..........
اي غير جميلة ولكن تقاطيع جسمها جميلة وغطت على قباحة وجهها..

الجملة الثانية
( أنا هـَيـِّـن.. أريتو تـَبـَسـَكْ يسويلو عروق)
جاءت من أعرابي منصوري داهمه السيل وناقته في إحدى الوديان.. وكل ما يمسك تبسي تتقلع بيهو وهو ماشي محدور على البحر في لجة السيل.. حتى اشرف على الهلاك.. وتشهد.. ولكن شاءت إرادة المولى، لما شارف على البحر، قذف به السيل فوق راس شجرة طلح كبيرة، وظل بها الى أن انحسر السيل.. وخرج سالما بعد أن فقد ناقته ومتاعه..
ولكن خلف لنا حكمة من رجل شجاع قالها في أحلك الظروف
يعني أنا بموت بموت ، لكن بعدي أريتو تبسك يسوى ليهو عروق قوية تمسك البي يجي بعدي منحدر ما يموت مثلي..

التبس. نبات صحراوي يقوم في الوديان ترعى فيه البهائم

المقولة الخالدة الثالثة
( الضـُـبـّـَاني تريد الـعـَـفـَـنـِي)
آسف للعبارة. لكن مقولة حكيمة تضم حكمة خالدة من وراء هذه العبارة
يعني الزول القذر لايذهب إلا مكان القاذورات.. ولايستطيع أن يعيش إلا فيها بطبيعة ريدته للعفني.. وبطبيعة نفسه الدنيئة
وجاءت العبارة من أن الذباب دائما يكون ملموم ومكوم بكثرة في أماكن القاذورات..ويستحيل أن يعيش في الأماكن النظيفة
..............

بالله ناس الكف والكع في القضية ما يستخدموا عباراتي دي..!
وإلا أنا سوف أتوقف عن تراث الجمل الخالدة
هههههههههههههه

المقولةالرابعة
( السـَايقي واصلى )
يعني لابد من صنعاء وإن طال السفر
.......
طالما راحلتك قد بدأت المشوار، لابد متمماه

المقولة الخامسة
( المحمولة رَغـّاية )
الجمل لما تكثر عليهو الحمل وأنت تشدد فوقو العيش والعفش الثقيل وهو يرغي..
........
مثلا مرأة تقول لزوجها.. مصاريف المدارس للأولاد، ناس المدرسة أدوا الولد ورقة بدفع المتبقى.. بتاع الدكان قال داير حسابو
الولادة جاية عايزة أغير الغرفة البرقد فيها..
........
يقوم يهرج فوقا
تقول ليهو
بسم الله يا راجل. الأنت الأيامات دي بقيت تهرج وتصيح وتكورك فينا.. بقيت ما زي الأول... أقل كلمة منى زايدي تنبح
يقوم يبرد عليها يقول ليها ( المحمولة رغّاية )

رفعنا هذ البوست عشان صديق يلقى طريقة --يوثق لهذه العبارات --ويعزل منها --وعشان مايموت هذا الموضوع الهام--والذى يمثل جزء هام من التراث المنصورى--

الاخ الباشمهندس صديق بدأ قاموس العبارات والجمل (سند التقانق والجدول )--وسقا البوغة وراح--نريده ان يواصل--
رغم ان مشاركتى بكلمات وليست عبارات لكن لهما معانى ومدلولات--(أمانى وامّانى )
كلمتان بنفس الحروف ولكن تختلفان فى التشكيل فالاولى امّانى بتشديد الميم يقصد بها --(لكن--غير انه--وبس لكن بالعامية--) وتأتى بعد سرد اشياء ولتغيير الحديث العبارات لذكر اشياء عكس وهى اقرب ايضا للاستثناء--وعشان تتضح ويتضح المعنى نضرب مثلا--يقال فلان دا زول كعب شديد وحاد- أمّانى فى بيتو ضكران وكريم)--وافتكر ان المعنى قد اتضح--اما أمانى من غير تشديد الميم وهى للتأكيد او الزيادة -وغالبا للاستحسان-وقد تؤدى لنفس معنى امّانى احيانا ولكنها تنفرد فى استخدامها (اى تشارك ولايشارك معها ) ولنضرب مثلا ايضا--(يقول احدهم مثلا فلان مات فيرد الاخر --سبحان الله --امانى اكان راجلا زين-وبمعنى اخر--احد المزارعين وجد ان الاولاد زراعته ولم يجدهم فيقول --شوف الولاد الخرابين ديل--أمانى اكان لميت فيهم ادقهم دق--

الأخ صديق لك التحية من الأمثال والجمل:
1 - نعال السعف جيابه
2- حقيرتي عند بقيرتي
3- نشوف أكل الدود في عز حميدان
الشرح عليك ياهندسة وعاوزين نساعدك شوية والشرح طبعا لمناصير لندن والخرتوم وناس الصعيد. لك شكري وتقديري
والله ياصديق عندي فكرة وذكرتها كذا مرة وهي جمع هذه الكلمات والأمثال في كتيب لكن الوقت وين ويبدو أننا بعيدين من ثقافة إدارة الوقت.

إضافة رائعة
يا الأرباب سلمان
ويا دكتور مصباح... ضحكت فيها كتير

حا نجي للشرح يا دكتور مصباح

نعال السعف جيابة:-
تقال مثلا..
إذا عايزلك من زول حاجي.. ورفض يعطيك ليها وأنت كنت محتاج.. قروش.. طلبتو فزع في بوغة.. طلبتو أي حاجة
وهو رفض لك..
تقوم تقول ليهو ( نعال السعف جيـّابة)
اي سوف تحوجك الظروف لى في يوم من الأيام وسوف أعاملك بالمثل وأذكرك فعلتك معي..
ونعال السعف.. أي الصُرمة والحوجة.. تجيبك لى تكاد تكون حافي القدمين، إلا من نعال سعف.. والسعف هو ضفيرة من جريدة التمر يضفرها الأولاد والبنات حينما يقيلون بالنهار في التمر وهم أطفال ويمرحون ويلعبون، ويصنعون أحذية بالضفيرة من جريد التمر ويلبسونها لتعينهم على المشي في الرمضاء وأغلب الأطفال زمان بدون أحذية . ولكن عندما تحر فيهم الدغناغة أو الفرناغة أو الرمضاء ، يستعينون عليها بصناعة أحذية مضفورة من سعف النخيل.. وجريده

حقيرتي عند بقيرتي.. تكاد تكون عند قبائل غيرنا برضو.. زي الشايقية والرباطاب والجعليين.. تكاد تكون عندهم معروفة.. لكن برضو نحن نستعملها بكثرة مما يجعل هذه العبارة تركن عندنا في مرافئ لهجتنا..
يعني زول حاقر بيك في كل صغيرة وكبيرة ينهزك..

نشوف أكل الدود في عـَـزْ حميدان
ده مثل عندو قصة طويلة.. محتاجة لشرح، وهسه مشغول شوية..
لكن الدود... هو التمساح
وعز حميدان.. عز سمحة وسمينة ومبطرة ومدلعة
.........

شكرا ياهندسة على هذا الشرح الكافي ومثل أكل الدود في عز حميدان مثلا نستخدمه كثيرا.
ومن الجمل والأمثلة يقال في المناصير : الصرمة أدب. وعاوزين الشرح . وبالأمس قرأت مقالين للاستاذ الطيب محمد الطيب عن التراث السوداني وتناول فيهما البلال وعادات الزواج وذكر أن البلال من اختصاص المناصير والشايقية وياريت أقدر ألخصه لكم .. وعاوزين برضه بمناسبة عز حميدان شرح مثل ( الغنماية تأكل عشاه ) ولك الشكر ياهندسة

أنت ياهندسة مسعول من الخير الفكي ود أحمد الطنبوري ماه قاعد يقرأ هذا البوست ، نتوقع من المهندس الفكي مخزونا كبيرا من هذه الأمثلة وأصله المهندسين دائما بارعين في كل شئ ونحن ساكت نحوي في الكير ونعوم بالحجرة ياود البروي إن كنت تقرأ هذا البوست ( نعوم بالحجرة ) كلمة لا أنساها أبدا خاصة أنها طلعت من شاعر مرهف ردا على سؤال من شاعر كبير هو الاستاذ محمد سعيد دفع الله أطال الله في عمره ، الحكاية شنو من الهندسة والمهندسين نقع في الشعراء كمان ونحن ساكت نحوي في الكير وبنتعلم من العباقرة . الدردشة حلوة ياهندسة وربنا يجمعنا في ساعة خير.

شكرا الخال مصباح شكرا الصدق—
(حقيرتى عند بقيرتى-) برضو افتكر تقال اذا كان احد يرى اشياء اواخطاء ولايهتم بها او يخاف من تصحيحها –ولكن اذا رآها عند واحد تانى (ضعيف مثلا ) يقوم يرد عليه –فيقول له تلك العبارة –بمعنى انت شايف الحاجات دى عند الزول داك ومانضمت بي تفلح عندى—او تحقر بى—
الأخ الصدوق الخال مصباح أرجو شاكرا ان نترك هذا البوست للعبارات والجمل السائدة فى المناصير—ونكتب الأمثال فى بوست الأمثال الشعبية فى هذا القسم (المنتدى الثقافى) والذي حوي الكثير--

أيوة تمام الجمل السائدة هنا.. والأمثال بي هناك
لكن يبدو أن الخيط رفيع مابين الجمل السائدة والأمثال..
وخيط الأمثال بي هناك زي ما ذكر سلمان..

ولذلك ممكن نوحد الحكاية إذا رأى سلمان.. يكون خيط الجمل السائدة والأمثال مع بعض. لأنها تشبه بعض..
بس ندمجا كيف؟
نديك التفويض يا سلمان لدمج البوست ده مع داك.. عشان نستمر بطلاقة

كثيرامن العبارات التى وردت ليست حكرا على المناصير وبعدين يا ابحنة العبارة المشهورة اريت يا اوسلى حلفاكى يقوم له عروق