حجيرة البحر

مدنى محمد الحسن..أستاذ (معلم) من شرى الشرقيه.ماخد من القوز.
راجل ظريف جدا وحاضر النكته فى فترة ما كان عندو برجب
لكن الآن الحمد لله خيّر وبقى كويس والأمور ذاتا ماشة للأحسن
الخيار المحلى يسير بخطى حثيثة بفضل جهود المعتمد عبد الرحمن.
المذكور أعلاه ما مقصر لكن يجد صعوبه فى العمل هناك نسأل الله له العون..
............................................
ضمتنا أنا والسيد الزعيم مدنى وود الحسين ومجموعه من الناس البحبو الخيار المحلى خالص
مركب مكنه متجهة إلى برتى حيث بدأت تغرق والناس طالبه المساعده
إتحدرنا لا تحت التمر مكشوح فى المركب مشرق وود لقاى وجاو مكشوح عديل!!!!!!!!! بطن المركب دى كلها تمر .
المركب تسوى الططططططططططن نفسخ فى التمر ونونس ونهين من النيل لسع البحيرة لم تأخذ تكوينها (العرق والشلال فى)
الضفاف قاعدة زى ما هى.
نتحاور ونتناقش ونبكى بلدنا من داخل تلك المركب .هسع يا جماعه مصيرنا كيف نسوى شنو؟
التمر ده يعوضوهو كيف..الحكومه دى ما تقدر تدفع قروش (الدشى)بتشديد الدال عليها ضمة.خليك من النخل المثمر..
نحن ننضم فى التمر والبيوت..
مدنى محمد الحسن ينضم فى (الطلح)الفوق حجيرة البحر.
كل دقيقتين مدنى يقول :أسامه عبد الله ده خلى بالك ما حا يعوضنا فى الطلح ده!!!!!!!!
هسع عليك الله يا على الحمود تبارى النيل ده من هنا للجنوب تلقى فوق طرفو طلح زى الفى المناصير ده؟
دوس الياماها يا زول خلينا النحصل الناس غرقو.......نمرق معاهم حاجاتم من المويه..
مدنى يقول:
والله يا على الحمود ما فى شيتا موجعنى زى غراق الطلح ده!!!!!!!!!
المشكله إنو خارج نطاق التعويض ما مذكور خالص فى كتيبات السد
رغم إنه لا يقل أهمية عن الجوافه..(جوافة المناصير) التى ذكرها رئيس الجمهوريه فى إحدى خطاباته
الأستاذ مدنى لا يزال متمسكا بخياره المحلى..
سيتحدث مع التحكيمية حول هذه الأشجار المفيده فوق حجيرة البحر