جــــــــــــــــرف روكــــــــــــــــة

من طرف **م بروي** السبت 31 يوليو 2010, 4:03 am

تذكير بمساهمة فاتح الموضوع :

لأني أتهوب فتح بوست جديد ويبقالي زي الزول الماسك المويه...مويه شنو؟؟ المويه ممكن الواحد يقرنها ويزوغ..أو زي الواحد الشرك جباتو وكل مره دا يشوفها قبضت واللا لا..
لذلك نستأذن ريسنا الرايع بأن يكون هذا البوست (جرف روكه) حق الناس كلها وكل زول تخطر بباله خاطرة يجي يدق سلوكتو في الجرف دا وما ملزمين بالرد..وتانياً في خواطر صغويري ما تستحق يفتحوا ليها بوست براها أها دي محلها جرفنا ده.
الخاطره الأولى من أخوكم..
لو إنت منصوري ..تقرأ هنا وتمرق وتتمتع بوظيفه عاليه أو مقاماً رفيعاً وحاسي إنك أكبر من أن الدخول هنا والمشاركة معنا ..فمعليش نقولك يا صاحبنا غلطان..فنحن أهل وكلنا في الهم و الآمال شرق.
خاطرة تانية/:
لاقيت صاحباً لي منصوري جايي عمره من السودان ...قال لي والله نحنا المعرسين من برا المناصير ديل تعبانين خلاص..قلت ليهو:ويعني نحنا المرتاحين؟؟؟ نحنا بس فايتنكم باربعه حاجات:
1ـالصبر
2:عشان عين تكرم ألف عين.
3:مرتاحين من قصة(أهل الراجل وأهل المرا) لأنهم واحد.
4:لما الباب يدق ويجوا الضيفان ... نحنا مرتاحين من تعارف الضيوف الجداد مع القاعدين جوه
ما طوالي تقع المقالده وبعدها الخزان واللجنة والبحر شرد وأزيار بغجور و البقوعي مرق وموقع خالد ونضم سلمان البعجب وجارو ابو حنه السردو جميل وحازم ده منو؟ ولو إنت مرهق ممكن تديها نومه وهم براهم بجيبوا أكلن وشرابن
.ونواصل

من طرف **م بروي** السبت 14 أغسطس 2010, 6:42 am

صديق عبدالله علي أبوحنة كتب: ابو مصطفى.. حقو تطير من الفرحة، شايف الهمز واللمز بتاعنا أنا وهاشم وحازم وخالد وود مصطفى بشير، ومعانا ود شيخنا شرف الدين الفقرة..وود اللفندي وعايز اجرمعانا سلمان
............. وغيرو وغيرو
شايف الحكاية إستلت ليك قصيدة استلالا من الشاعر ود بروي كيف.. ما عليك إلا تديها عادل السيد بي شرايتا وضبانتا كدة طوالي، وكدة تكون إنت يا ابو مصطفى قبضت ليك دبسي من بحير الحارة ونحن طلعنا بخفي حنين... والقصيدة احسن تديها الفنان صعيل.. أحسن ليك لأنو فنان جزائر.. أو عادل السيد على كيفك عاد.. وكده قلنا الرووووب.

والله قصيدتك الموزونة ورصينة الفوق ديك
تأكد شمولية الفن عندك فالحكاية أتاريها ما رسم وفن بس
والله موزونة وزنه لامن توزن الدماغ...خطير ياهندسه

من طرف **نورالهادى** السبت 14 أغسطس 2010, 6:44 am

اخوى الرشيد كيف حالك ولسع تشربوا القهوة فى اللفة فى رمضان ، انا انبقى ربنا مد فى الايام من اسع اخذت اجازتى السنوية فى رمضان القادم ان شاء الله ، اليوم هنا يا الرشيد طويل بصورة مبالغ فيها الامساك الساعة الرابعة والفطور الساعة التاسعة والربع زيادة على ساعات العمل الطويلة يعنى ترجع البيت منتهى .وكل سنة يتأخر الفطور يعنى السنة القادمة عشرة الا ربع وربنا يقبل صيام الجميع

من طرف **خالد عابدين** السبت 14 أغسطس 2010, 7:10 am

م بروي كتب:مرافعة نيابة عن الزعماء حازم وصديق
بعد رفض شكوى الزعيم العوضابي لعدم
مروقه للنصيحي:
مرافعة
ـــ
السلام للطيب الكيك
العرس بس تقع الشريك
السعد ياداب يباريك
والحزن يختاك مابيجيك
أكيد تزيل الهم العليك
وما بيجي اليوم الببكيك
النضم موزون ما ركيك
و الرجول ماهن مساويك
معاها مابتسمع كواريك
و بالمشاوير ما بتزازيك
ما بتكمدك بالمفاريك
وفي المحاكم ما بتشتكيك
المغيرب شايا بالكيك
والعشى تحمرلك الديك
والقراريص السمحي ديك
وبرضي يامنصورية طاريك
ـــــــــ
المجمر ضهب السبيك
التعرف البيك والعليك
ياهو ده الجنبك ومشتهيك
الضهب داير جهاز ليك
والدباس دايرلو شريك
والحرير بالخبره فرتيك
والقروش من البنك شيك
وفي النهاية السيك كلو سيك
ياربي عافي تجينا وتجيك

في البداية أرجو أولا أن أستأذن الاستاذ الرائع وسيد الجروف واللوبا اللحفر احفر لي حفرات وازرعن وانا بحفر وحازم يرمي ويدفن
ومن بعد اذنك
شوية خرمجة ومجاراة لرائعة الاستاذ محمد بروي في الطيب المابستاهل

ان داير تعرس اختا الشريك
بالمفراك في الراس بتديك
والقرحة بالمصران تزازيك
وان مرق تحدد مواعيد مجيك
وان اتاخر يملوك كواريك
وان دار تسافر لي اهاليك
برضو لازم تغشى الشريك
مرة تطلع ومرة تنزل بالجكانيك
مافي زولا يقولك اهلا ويجيك
او يسألك من البيك والعليك
تدخل البنطون ببوكسيك
الطق طق ودايرين يزازيك
لو سمحت . ممكن نجيك ؟
حبة بنزين اوجاز لي اخيك
أيه .مقطوعين بارك الله فيك
تمرق بالغرب برضو الجكانيك
بالاربحاء مرور وداعا يالشريك
دقايق وجوراء تراها ديك
وان ضهب العلامات توريك
ساعتين ويابت بلدي جاييك
السلام يالسمحة وماني ناسيك
منصورية وماها من ناسنا ديك
ان نضم زين تستمع ليك
وان سكت تسعلك من العليك
ودايما بي حنان تحتويك
اها كيييف بالطيب الكيك ؟

***********

مخرج خروج ومخارجة:-

السلام ليكم رجالة وحريم
السلام للطيب عبدالرحيم
ويغشى ودبروي الزعيم
ومطبوق لي ودعبدالكريم!!؟
لاتقولو ا الزول لئيم ؟
ودار ينبش ودعبدالرحيم
وللا بيناتن شيتن قديم ؟
ابدا والله الرحمن العليم
الطيب هادي وحكيم
نضمو مستندات وتقويم
بالكرم راجلا بلحيل كريم
و معروف لاعند ابهشيم
ولاعند ابحمد والقوز والسليم
سالنا الاله يشفيك يا سقيم
وترجع بالسلامة معافا وسليم
والسلام ليكم رجاله وحريم
واعوذ بالله من الشيطان الرجيم

من طرف **م بروي** السبت 14 أغسطس 2010, 7:39 am

نورالهادى كتب:اخونا ودبروى صاحب الجرف المورق سلام ورمضان كريم ويظهر اننا سنكون من المشاهدين لانه لا سلوكة بعد سلوكة النفر وصديق عبدالله متعهم الله بالصحة والعافية .

الحمد لله الهادي ظهر
كل سنة وإنت طيب يازعيم
كنا فاكرنك مطرم
لأني ما قريت ردك الفوق داك
أزرع جرفك ياهادي بالذي اقترحت
فالحكاية كانت هظار أصحاب
النفر وصديق ديل الجرف بدونهم مايسوى جرمايي
تسلم

لا حولا....
غايتو الحكايي دي أظهرت جنس شعراء...
هل ممكن أقدر أقول أن المناصير كلهم شعراء

من طرف **يس مصطفي** السبت 14 أغسطس 2010, 3:59 pm

اووووووه ياشاعرنا ود بروي دي والله من بيت الكلاوي.الطيب والله دا محامي دفاع خطير جدا . والله ياصديق ابوحنه انا زاتي مستغرب في زولي دا المباريه سنين ودنين وما عارفو شاعر

من طرف **حازم** السبت 14 أغسطس 2010, 4:37 pm

الشاعر خالد عابدين يقول"
[ان داير تعرس اختا الشريك
بالمفراك في الراس بتديك
والقرحة بالمصران تزازيك
وان مرق تحدد مواعيد مجيك
وان اتاخر يملوك كواريك
وان دار تسافر لي اهاليك
برضو لازم تغشى الشريك
مرة تطلع ومرة تنزل بالجكانيك
مافي زولا يقولك اهلا ويجيك
او يسألك من البيك والعليك
تدخل البنطون ببوكسيك
الطق طق ودايرين يزازيك
لو سمحت . ممكن نجيك ؟
حبة بنزين اوجاز لي اخيك
أيه .مقطوعين بارك الله فيك
تمرق بالغرب برضو الجكانيك
بالاربحاء مرور وداعا يالشريك
دقايق وجوراء تراها ديك
وان ضهب العلامات توريك
ساعتين ويابت بلدي جاييك
السلام يالسمحة وماني ناسيك
منصورية وماها من ناسنا ديك
ان نضم زين تستمع ليك
وان سكت تسعلك من العليك
ودايما بي حنان تحتويك
اها كيييف بالطيب الكيك ؟
**********

كلام زي الرصاص وياريت اخوان الطيب يورينا الكلام دا خالد جابو من وين ( الجكانيك والطق طق دا جن رسمي ) بس عندي سؤال ياابو الطيب ؟ هل زاركم خالد عابدين في شريك مره؟...00000...000 غايتو مبروك ياخالد علي القصيده الرائعه جدا.000..00..00..00.00.0 يازول غايتو طلقت ضهرنا تب ..000 ولا رايك شنو ياهندسه

من طرف **م بروي** السبت 14 أغسطس 2010, 8:11 pm

ابو مصطفى كتب:انا خالى مبسوط منو تب والله مبسوط منو تب ؟؟؟ خلاص انا تانى مانى داير حاجة بس الله يوقف والله يحبس الخاتى ؟؟؟ دحين انتو يا هاشم وخالى صديق بى تسكتو والله عندكم كلام ؟؟؟؟ شفتو اللبيب قال كيف وديل الناس البعرفوا النضم ؟؟؟؟؟
غايتو اللبيب انا من الرفحة داير اطير حتى المرض نسيتو ونسيت حبوبى ودواى ؟؟ وبقيت اوزع فى الجنيهات المصرية سا كت يبقى حق التذكرة ما خليتو ؟؟؟؟ وعلى الحلف كان انا بقيت فى ام درمان على طول سوف اذبح خروف فى ديوانى للغاشى والماشى بسطة من الله ومن خالى محمد ودبروى ؟؟ تعيش يا خالى اصلى جيتك مظلوم وفشيت غبينتى ؟؟؟؟
وتانى انا ما نى ساعل فى زول ومانى زول مشاكل ومانى قاعد افتش لها ؟؟؟؟

تحياتى ليك ياخال ؟؟؟
وتسلم تسلم والله تسلم ؟؟؟
ابو مصطفى العوضابى ؟؟؟؟
القاهرة

كيف صحتك اليوم ياعوضابي
دفعتي في الأشعه المعتصم محمد التيجاني معانا هنا في أبها وأستاذ بكلية الطب
زوجتو ابتسام نجضاني وحرقاني حراق (ما ببقولكم شي؟؟)منتظر متين يجوا من
السودان وأوريهم قصيدة خالد وهو يعرف ينظم شعر صاح
وساعتها حأختلك كلامو هني ومحل رقيقي التنقطع
رفديي رفديي قطع ماهيي قطع ماهيي
هو الريس ده يهاجم الزعيم العوضابي قايل نفسو شنو؟؟أصبر لي فيهو

نسيت أقوليك إنو المذكورين من أولاد الشريك

من طرف **م بروي** السبت 14 أغسطس 2010, 8:23 pm

خالد عابدين كتب:
ابو مصطفى كتب:
بعدين انت خلاص خليتك وخلاص الخمسة فوق الاثنين ؟؟؟ لكن هاشم وخالد ما قالوا حاجة حتى الان طالقين لسانهم ؟؟؟؟ نشوف اللبيب يقول فيهم شنو ؟؟

والله يالطيب خالك جيهك جيه صاح ماشاء الله
بس حازم قال لك السيك وسيك دي شنو ؟

اما الاقتباس اعلاه الذي تساْلت فيه - وذكرتني والاخ هاشم طالقين لسناتنا فيك
ياخوي انا ماسليت لساني لسع - ندودر فيك ساااكت النشوف اخرتك شنو ؟
تقوم تشتكينا لي خالك محمد بروي ؟
أفو عليك !
النقوم عاد نجاري رائعة الاستاذ محمد بروي ونعكسها نشوفا تطلع كيف ؟
بس ماتزعل يا ابومصطفى
الحكاية هظار ومظارفا
والحريم اريتن بالهفا
إن دار يبقن سبب الجفا
******
قصيدتي جاهزه إن وافقت ازرعا في الجرف ده اماني مابزرعا زرعة صاح
بس اضرع القطعي تمام وخلي لينا محلنا النجيب الطورية ونجي
*****
بالمناسبة أين خواطر استاذنا فتح الرحمن محمد الحسن عون الله التي وعدنا بها ؟
على العموم مازلنا ننتظرك وننتظر خواطرك

لفقيرنا الحاج بشتكيك
وللزعيم سلمان بشتكيك
ليه تعاين بالشبابيك
الرساله..... موهيك؟؟؟؟
لكننا برضنا نصفح أولا للمحبه وتانيا
زول هولو الجرف والتمور وأرض الساقي والعقبه نقدر نكاتلو؟؟
واللا إنت شامي شنو ياحازم
التحايا للرائعين

من طرف **ابو مصطفى** السبت 14 أغسطس 2010, 8:29 pm

غايتو يا خالى محمد انا عيان ومانى شديد والحمد لله الناس ديل خليتهم عليك ؟؟؟؟
برد لى بطنى اصلى النار مطلوقة فيها وخالد دا لقانى بعيد منو اسع انا كان فى ام درمان ما بقدر يقول كلامو دا ؟؟؟ العكاز ياخذ اضانو ؟؟؟؟ مستشفى ام درمان ما بتحوشو ؟؟؟
تحياتى
ابو مصطفى

من طرف **م بروي** السبت 14 أغسطس 2010, 8:36 pm

حازم كتب:
عليك الله ياخالد قول القصيده .. طبعا القامه بروي وراني السيك كلو سيك برساله خاصه والله من الضحك نامن جاتني عشراقه .. المراء ووليداتها نامن شفقوا؟؟؟
اما أخوي صديق ابوحنه جابلوا وراري سوا مباصرته ديك ؟؟؟ وخلاني في وش المدفع؟ وتعال ازرعها في بكان صديق اصلو بقالي من جا فيها شعر ضرب المحس ؟؟ ذكرتني قصة المحس دي ؟؟ عندما سقط صلاح كرار في الانتخابات واحد منصوري قال للرباطابي : اها زولكم وينو صلاح ؟رد الرباطابي قالو صلاح كرار راح الدهب؟ وتحياتي للاخ صديق والقامه محمدبروي وابومصطفي وتحياتي ليك ياخالد نامن تقول القصيده..00 حازم[center]

إنت داسي ورقك
وخالد داسي ورقو
وتكشفو في ورقي مالكم؟؟
الكشتينه دي نقوم نخليها؟؟؟؟
خلاس عاينو إنتو اللتين بس ..كمان ما يقوم ينكشح مره واحدي.

من طرف **م بروي** الأحد 15 أغسطس 2010, 9:34 pm

يس مصطفي كتب:اووووووه ياشاعرنا ود بروي دي والله من بيت الكلاوي.الطيب والله دا محامي دفاع خطير جدا . والله ياصديق ابوحنه انا زاتي مستغرب في زولي دا المباريه سنين ودنين وما عارفو شاعر

كل سنه وأنت طيب صديقي العزيز يس
دودر الزعيم صديق ده خليهو يمرق المكدس من أطايب الشعر
ده مجموعة مواهب متهندسه وكمان صاحبنا النفر برضو خطير
ولا زال يختزن الكثير المثير

من طرف **م بروي** الأحد 15 أغسطس 2010, 9:39 pm

حازم كتب:الشاعر خالد عابدين يقول"
[ان داير تعرس اختا الشريك
بالمفراك في الراس بتديك
والقرحة بالمصران تزازيك
وان مرق تحدد مواعيد مجيك
وان اتاخر يملوك كواريك
وان دار تسافر لي اهاليك
برضو لازم تغشى الشريك
مرة تطلع ومرة تنزل بالجكانيك
مافي زولا يقولك اهلا ويجيك
او يسألك من البيك والعليك
تدخل البنطون ببوكسيك
الطق طق ودايرين يزازيك
لو سمحت . ممكن نجيك ؟
حبة بنزين اوجاز لي اخيك
أيه .مقطوعين بارك الله فيك
تمرق بالغرب برضو الجكانيك
بالاربحاء مرور وداعا يالشريك
دقايق وجوراء تراها ديك
وان ضهب العلامات توريك
ساعتين ويابت بلدي جاييك
السلام يالسمحة وماني ناسيك
منصورية وماها من ناسنا ديك
ان نضم زين تستمع ليك
وان سكت تسعلك من العليك
ودايما بي حنان تحتويك
اها كيييف بالطيب الكيك ؟
**********

كلام زي الرصاص وياريت اخوان الطيب يورينا الكلام دا خالد جابو من وين ( الجكانيك والطق طق دا جن رسمي ) بس عندي سؤال ياابو الطيب ؟ هل زاركم خالد عابدين في شريك مره؟...00000...000 غايتو مبروك ياخالد علي القصيده الرائعه جدا.000..00..00..00.00.0 يازول غايتو طلقت ضهرنا تب ..000 ولا رايك شنو ياهندسه

السلام للقامة وتعظيم سلام للقائد
لو عارف الطيب إنكم تدخلوا الخس سوى وتطبخوا وتأكلوا وتصلحوا الصينيي وتجيبوها
كان أداكم بعكاز بلال عفن موش مفراكه.
المودة والشوق

من طرف **بت الماحى** الإثنين 16 أغسطس 2010, 3:48 am

الاستاز المبدع القامة محمد بروى لك التحية و انت تغرس الكلام الجميل و الخواطر العطرة فى جرفك الجميل الاخضر .....حقيقة انا ما عندى لا تيراب و لا سلوكة لأزرع معكم شيئا غير زكريات طفولة عن اهلنا الزين كانوا يزوروننا فى المناسبات فى الباوقة كانو يتحدثون بعزوبة مثلك لا نشبع من ونستهم و كلامهم الجميل غير المتكلف و يزكرون فى حديثهم اسماء اماكن ما زلت احفظها شرى ,شررى .الشانكوكى و الدغفلى و احيانا يشرفنا الفنان الفلتة الرائع عيسى بروى فيلون بالطرب الجميل ليالى حى المناصير هناك و ينخرط الناس العجايز و الصغار فى حلبة الرتوتى و الجابودى و ما تزال هناك صورة تزكارية لك و عيسى فى ظل نخيل شرى الخدرا شرى النضارة تحتفظ بها والدتنا فى فضيتها و لا تترك احدا يقربها
فخورة و الله كل الفخر بكم و بالنتدى و اتمنى للجميع التوفيق و السداد

من طرف **حازم** الإثنين 16 أغسطس 2010, 6:39 pm

ياناس الباوقه كدي تروا لغادي شوي ؟ نحن الزول دا لسع ماشبعنا من نضمه .. ومابغالي بنشبع من خواطره وحكاويه . اصلو ذي الدهب كلما يزداد حراره يزداد لمعانا؟ بعدين انتو تقولوا ماعندنا تيراب ود بروي التيراب خاتيهو تحت التمره الفيها السعن .. واي زول بس يزرع ؟ الجيهي عندوا؟ ونحن نعتز بكل اهلنا البيعتزوبينا ؟ وسلام ياقامه بلادي السامقه ..00

من طرف **م بروي** الإثنين 16 أغسطس 2010, 7:07 pm

[quote="بت الماحى"]الاستاز المبدع القامة محمد بروى لك التحية و انت تغرس الكلام الجميل و الخواطر العطرة فى جرفك الجميل الاخضر .....حقيقة انا ما عندى لا تيراب و لا سلوكة لأزرع معكم شيئا غير زكريات طفولة عن اهلنا الزين كانوا يزوروننا فى المناسبات فى الباوقة كانو يتحدثون بعزوبة مثلك لا نشبع من ونستهم و كلامهم الجميل غير المتكلف و يزكرون فى حديثهم اسماء اماكن ما زلت احفظها شرى ,شررى .الشانكوكى و الدغفلى و احيانا يشرفنا الفنان الفلتة الرائع عيسى بروى فيلون بالطرب الجميل ليالى حى المناصير هناك و ينخرط الناس العجايز و الصغار فى حلبة الرتوتى و الجابودى و ما تزال هناك صورة تزكارية لك و عيسى فى ظل نخيل شرى الخدرا شرى النضارة تحتفظ بها والدتنا فى فضيتها و لا تترك احدا يقربها
فخورة و الله كل الفخر بكم و بالنتدى و اتمنى للجميع التوفيق و السدادrkblue]بنت الماحي
سلام
فليعذرني الأحبه لردي على هذا الحديث الأنيق قبلهم
وذلك وفي المقام الأول فهذه ست البيت والضيفه في آن واحد لكونها من الباوقه ..ثم لشرحها صدري في هذا الصباح البهيج بحديثها الذي يقطر ألقاً ووسامة ونقاء وليس بمستغرب فالطبيعة تنجب أشكالها وتأبى الأزاهر إلا أن تهب الرياحينا
ذكرياتك هي السلوكة والتيراب الذي يزدهر به الجرف ويرسل الأوراق الندية المعبقة...أسعدني جد وجود الصورة في المنزل
فهذا فخر وشرف عظيم وهي في هذا البيت الأنيق يجملها وتسعد في كنف أناس لاتكاد تخطئهم العين ولا يسلوهم الفؤاد.
مرحب بك بين أخوانك وأخواتك وآبائك

من طرف **م بروي** الإثنين 16 أغسطس 2010, 7:19 pm

حازم كتب: ياناس الباوقه كدي تروا لغادي شوي ؟ نحن الزول دا لسع ماشبعنا من نضمه .. ومابغالي بنشبع من خواطره وحكاويه . اصلو ذي الدهب كلما يزداد حراره يزداد لمعانا؟ بعدين انتو تقولوا ماعندنا تيراب ود بروي التيراب خاتيهو تحت التمره الفيها السعن .. واي زول بس يزرع ؟ الجيهي عندوا؟ ونحن نعتز بكل اهلنا البيعتزوبينا ؟ وسلام ياقامه بلادي السامقه ..00

;
وأنت أيضاً أيها القائد الهمام المنصوري الغيور (البيك فخور) تصر إلا أن يبقى الجرف والمنتدى فوق هامات السحب ويلتحف الثريا..... الفخر كل الفخر بك أيها الحازم الرقيق...قريت كلامك بعد رديت لبنتنا..المودة التي تعلم

من طرف **م بروي** الإثنين 16 أغسطس 2010, 7:31 pm

خالد عابدين كتب:
م بروي كتب:مرافعة نيابة عن الزعماء حازم وصديق
بعد رفض شكوى الزعيم العوضابي لعدم
مروقه للنصيحي:
مرافعة
ـــ
السلام للطيب الكيك
العرس بس تقع الشريك
السعد ياداب يباريك
والحزن يختاك مابيجيك
أكيد تزيل الهم العليك
وما بيجي اليوم الببكيك
النضم موزون ما ركيك
و الرجول ماهن مساويك
معاها مابتسمع كواريك
و بالمشاوير ما بتزازيك
ما بتكمدك بالمفاريك
وفي المحاكم ما بتشتكيك
المغيرب شايا بالكيك
والعشى تحمرلك الديك
والقراريص السمحي ديك
وبرضي يامنصورية طاريك
ـــــــــ
المجمر ضهب السبيك
التعرف البيك والعليك
ياهو ده الجنبك ومشتهيك
الضهب داير جهاز ليك
والدباس دايرلو شريك
والحرير بالخبره فرتيك
والقروش من البنك شيك
وفي النهاية السيك كلو سيك
ياربي عافي تجينا وتجيك

في البداية أرجو أولا أن أستأذن الاستاذ الرائع وسيد الجروف واللوبا اللحفر احفر لي حفرات وازرعن وانا بحفر وحازم يرمي ويدفن
ومن بعد اذنك
شوية خرمجة ومجاراة لرائعة الاستاذ محمد بروي في الطيب المابستاهل

ان داير تعرس اختا الشريك
بالمفراك في الراس بتديك
والقرحة بالمصران تزازيك
وان مرق تحدد مواعيد مجيك
وان اتاخر يملوك كواريك
وان دار تسافر لي اهاليك
برضو لازم تغشى الشريك
مرة تطلع ومرة تنزل بالجكانيك
مافي زولا يقولك اهلا ويجيك
او يسألك من البيك والعليك
تدخل البنطون ببوكسيك
الطق طق ودايرين يزازيك
لو سمحت . ممكن نجيك ؟
حبة بنزين اوجاز لي اخيك
أيه .مقطوعين بارك الله فيك
تمرق بالغرب برضو الجكانيك
بالاربحاء مرور وداعا يالشريك
دقايق وجوراء تراها ديك
وان ضهب العلامات توريك
ساعتين ويابت بلدي جاييك
السلام يالسمحة وماني ناسيك
منصورية وماها من ناسنا ديك
ان نضم زين تستمع ليك
وان سكت تسعلك من العليك
ودايما بي حنان تحتويك
اها كيييف بالطيب الكيك ؟

***********
مخرج خروج ومخارجة:-

السلام ليكم رجالة وحريم
السلام للطيب عبدالرحيم
ويغشى ودبروي الزعيم
ومطبوق لي ودعبدالكريم!!؟
لاتقولو ا الزول لئيم ؟
ودار ينبش ودعبدالرحيم
وللا بيناتن شيتن قديم ؟
ابدا والله الرحمن العليم
الطيب هادي وحكيم
نضمو مستندات وتقويم
بالكرم راجلا بلحيل كريم
و معروف لاعند ابهشيم
ولاعند ابحمد والقوز والسليم
سالنا الاله يشفيك يا سقيم
وترجع بالسلامة معافا وسليم
والسلام ليكم رجاله وحريم
واعوذ بالله من الشيطان الرجيم

الريس كلامك يعجب
وبقيت منافس خطير
لكن الحلف القائم بيننا أنا والزعيم الطيب و جنابو حازم يتطلب الرد المفحم
لكن نسوي شنو؟؟ خايفين من الرفديي.

من طرف **ابو مصطفى** الثلاثاء 17 أغسطس 2010, 2:42 am

خالى اللبيب ود عابدين دا قعدوا لى فى مواعينوا ؟؟ هو يا لبيب ما شفتو ودابحنة خت الاثنين فوق الثلاثة او الخمسة فوق الاثنين ؟؟؟ برضو ودعابدين دايرو يسكت ؟؟ انا زول معروف وزى ما قال امى من السلطنة الزرقاء وابوى ودابسبيب كل البلد عارفها
؟؟؟ ما خلاص ناس مصطفى ولدى حبة من ال التيجانى وحبة من عيال منصورى يكون فى ذكاء وطولة بال ويا ما انت كريم يا رب ؟؟؟

من طرف **بت الماحى** الثلاثاء 17 أغسطس 2010, 5:20 am

اشكرك كثيرا و بلا حدود ايها المتميز و المتفرد دوما استازنا محمد بروى على كرم ترحابك و عطر كلامك يا سيد الكلمات الوضيئة التى تنير نفوسنا جميعا ولا عجب فأنا فى ديار منصور أهل الكرم و أرباب الفصاحة و البيان و كل اصيل جميل من خصال
و انا كان ما جيت من زى ديلا
وااا اسفاى وا مأساتى وا زلى............ وانا تانى بعدما اخوى حازم ورانى التيراب بى وين تانى طب مانى تارة من هنا و حاواصل زراعة ان شاء الله نالة ساكت....لكم كل المنى و ما تشتهون

من طرف **بت الماحى** الثلاثاء 17 أغسطس 2010, 5:34 am

حازم كتب: ياناس الباوقه كدي تروا لغادي شوي ؟ نحن الزول دا لسع ماشبعنا من نضمه .. ومابغالي بنشبع من خواطره وحكاويه . اصلو ذي الدهب كلما يزداد حراره يزداد لمعانا؟ بعدين انتو تقولوا ماعندنا تيراب ود بروي التيراب خاتيهو تحت التمره الفيها السعن .. واي زول بس يزرع ؟ الجيهي عندوا؟ ونحن نعتز بكل اهلنا البيعتزوبينا ؟ وسلام ياقامه بلادي السامقه ..00

و الله صدقت يا أخوى حازم فمن يرتوى من كلام كطراوة نسمة باردة فى عز الصيف ؟؟؟كلام يفيض لطفا و جمالا ؟؟؟؟ما اظن فى زول بيشبع من كلام زى دا .....بعدين يا حازم انا بالصح من الباوقة لكننى من شرى الخدرا و اهلى و اقربائى المباشرين هناك او كانو هناك و محمد دا هولنا طب لكن و لا يهمك انا بتر لاغادى و بسمع من بعيد و بعد ما وريتنى التيراب بزرع فى الريقان الوراكم هَنَاكاتيه و عرفت الجيهى تب ......كل الاحترام و التقدير و ما تتمنى يا متميز

من طرف **الرشيد طه** الثلاثاء 17 أغسطس 2010, 5:35 pm

الرشيد طه الافندى كتب:ود بروى
سلامات ايها الرائع ولعلك بالف عافية
شايف الحمد لله جرفك ده جرف الناس كلهم ؛اللهم لا حسد ؛ ناس صديق وسلمان ما صدقوا طوالى شبكونا ليك حاجات من سنة دو شئ نفهمو وشيتا ما بنفهمو دحين يا اخوى عشان يكون فى عدالة انا داير اعملى بوست تانى موازى مع حقك ده لكن حديث شوية والجماعة ديل ما ممكن يأكلوا حقهم وحق غيرهم واهلنا الغرابة بيقولوا فى المثل ام جركم ما بتأكل خريفين .
اها عاد عن اذنك فى انتظار الموافقة .

الحبيب محمد بروى
كلامنا الفوق ده ما اديتو اى اعتبار والغريبة لا صديق ولا سلمان قالو حاجة .
برضو فى انتظااااااااااااااااااااااااارك .

من طرف **م بروي** الثلاثاء 17 أغسطس 2010, 7:46 pm

الرشيد طه الافندى كتب:
الرشيد طه الافندى كتب:ود بروى
سلامات ايها الرائع ولعلك بالف عافية
شايف الحمد لله جرفك ده جرف الناس كلهم ؛اللهم لا حسد ؛ ناس صديق وسلمان ما صدقوا طوالى شبكونا ليك حاجات من سنة دو شئ نفهمو وشيتا ما بنفهمو دحين يا اخوى عشان يكون فى عدالة انا داير اعملى بوست تانى موازى مع حقك ده لكن حديث شوية والجماعة ديل ما ممكن يأكلوا حقهم وحق غيرهم واهلنا الغرابة بيقولوا فى المثل ام جركم ما بتأكل خريفين .
اها عاد عن اذنك فى انتظار الموافقة .
الحبيب محمد بروى
كلامنا الفوق ده ما اديتو اى اعتبار والغريبة لا صديق ولا سلمان قالو حاجة .
برضو فى انتظااااااااااااااااااااااااارك .

أخي الحبيب الرشيد
سلامات
ياخوي المجال هنا مجال كتابة وبما أنه كذلك فمن مثلك يؤخذ الإذن وليس منا
اتحفنا بالحديث من الحديس فهذا يصب في خانة التنوع الذي ظللنا ننادي به إثراء لمنتدانا الجميل
ونأسف لعدم الإنتباه في البداية ولك منا الشكر و التقدير

من طرف **نورالهادى** الأربعاء 25 أغسطس 2010, 4:27 am

اخونا محمد بروى شايفك سويتلك طاقية حمراء فوق الحاجب المعقود وتركت جرفك وبقيت تحوم , كل مرة اشوفك فى مكان وآخر مرة شفتك حايم مع الناس فى تمر الهبوب وما عجبك لقيط بعض الناس وكوركت فى الناس المابعرفوا يلقطوا ، وكتحت يديك فى الهواء من الزعل . كدى بعد ما تكمل حوامتك تعال ارقد فوق عنقريبك البلا شناط الخاتيهوا جنب الجرف واتوسد ايديك وعاين لجرفك كيف ورق وسبروقو بقى يملح ، ونحن منتظرين نورق .

من طرف **ابو مصطفى** الأربعاء 25 أغسطس 2010, 7:12 pm

الخال محمد ودبروى الجرف دا انا كنت زارع لى فيه ترمس والان ود ابو حنة حصد جزء من الترمس بتاعى وباعوا كمان ؟؟ ودى براى بقدر احلها بس خلى يلاقينى على الجرف عصاتى قاعدة ؟؟؟
وعلى فكرة لاقيت ابستام حبوب وزوجها معتصم التيجانى ويسلموا عليك كتير السلام ؟؟؟

تحياتى
ابو مصطفى

من طرف **م بروي** الأربعاء 25 أغسطس 2010, 7:32 pm

نورالهادى كتب:اخونا محمد بروى شايفك سويتلك طاقية حمراء فوق الحاجب المعقود وتركت جرفك وبقيت تحوم , كل مرة اشوفك فى مكان وآخر مرة شفتك حايم مع الناس فى تمر الهبوب وما عجبك لقيط بعض الناس وكوركت فى الناس المابعرفوا يلقطوا ، وكتحت يديك فى الهواء من الزعل . كدى بعد ما تكمل حوامتك تعال ارقد فوق عنقريبك البلا شناط الخاتيهوا جنب الجرف واتوسد ايديك وعاين لجرفك كيف ورق وسبروقو بقى يملح ، ونحن منتظرين نورق .

الهادي الظريف
سلام واشواق
في جوع رمضان ده لازم نفوت الجرف لأنو ما فيهو حاجة ياكلوها لذلك جرينا إلى تمر الهبوب عند خالك الرزين
عسى أن نلقى لينا هين إنشاء الله كرموش ولو ما أدانا نمشي نكمرق... في مره علي الدمكي لقوهو فاطر في أول أيام رمضان .قالوا ليهو تفطر مالك إنت صغير؟؟ قالهم هو رمضان ده لو دايرنا نصومو يبدأ يوم الأثنين؟؟؟(السوق)
مودتي

من طرف **م بروي** الأربعاء 25 أغسطس 2010, 7:44 pm

ابو مصطفى كتب:الخال محمد ودبروى الجرف دا انا كنت زارع لى فيه ترمس والان ود ابو حنة حصد جزء من الترمس بتاعى وباعوا كمان ؟؟ ودى براى بقدر احلها بس خلى يلاقينى على الجرف عصاتى قاعدة ؟؟؟
وعلى فكرة لاقيت ابستام حبوب وزوجها معتصم التيجانى ويسلموا عليك كتير السلام ؟؟؟

تحياتى
ابو مصطفى

حمدلالك بالسلامي
وبركه جيت طيب
ماوريت معتصم قصيدة خالد النعل فيها الجماعة عشان يرد عليهو وتكتبها انت هنا وتفكني من لوم خالد؟؟؟
جماعتك ديل والله افتقدناهم شديد هنا ...سلم عليهم يازعيم..
ود ابحنه ضارب البيتزاهت مع بورداب أبو ظبي بقالك ترمسك المسوس ده بقبل عليهو؟؟؟
قال بيتزا هت قال ...قلو هطط عضامك الواحد طفولتو كلها يأكل في الكدوب الطاعم ويجي يقولك بيتزا هت
فكني عليهو .. يازول فك عكازي ده..

من طرف **النفر** الجمعة 08 أكتوبر 2010, 12:45 pm

يا عيال منصور سلام :-
عدنا لجرف الروكة دا بعد فترة غياب وشايف شاعرنا ود البروى وبقية العقد الفريد طولوا ما جو بيجاى وشايف المنتدى بيقادى مسخّن وسمومو تلفح وقنا نجى نتكى بيجاى فى الجرف دا ونشم لنا شوية همبيريب ونتنفس الصعداء ونجدد نشاطنا _فى أول مشاركة لى بهذا البوست الرائع كانت قصيدة نظمتها فى الجوال الصامت وطبعا مع مرور الزمن تغير الحال وأصبحت أنا من يبادر بكتم نفس الجوال حتى لا يسهر منامى ويشقلنى عن دوامى _فى مرة كنت منتظر بفارق الصبر رسالة مهمة جدا فحواها يحمل اخبارية يستحق عليها بشارة_وعند استلامى لها بادرت من شدة الفرحة بكتابة النظم التالى :-
فى لمح البصر جات الرسالة
رسالة موجهة بكل جدارة
لم تضل أبدا أبدا عن مساره
والوسائط مستعدة وفى انتظاره
وتباشير الفرح عمت دياره
وبزغرودة طرب أدت اشاره
وخبرا ذى دا يستحق البشارة
وتغذية الرصيد فيك ما خسارة

*****************

من طرف **النفر** الجمعة 15 أكتوبر 2010, 9:08 am

عيال منصور سلام وعوافى عليكم :-
فى مداخلتى قبل الأخيرة نظمت قصيدة فى المركز الرئيسى للمؤسسة التى أعمل فيها وقد تعمّدت أن أهجوه وأشد عليه فى بعض الأبيات وعند اطلاعهم عليها اعجبوا بها و أثنوا عليها مع تحفظهم على أبيات الهجاء !!! فرددت عليهم بأخرى معتذرا ومعاتبا ومجاملا :-

قلوبنا تتفطر أسا لأنينكمو _____ وتبا لأبيات أصابتكم بآهات_
وعفوا اذا جرحنا شعوركمو ___ وهل تستوى الفروع مع القامات_
ماكنا نرمى من وراء هجائنا___لاثارة الونات والأنات والآهات_
لكننا نسعى لتوضيح الرؤى____ولنستفيد من الدروس والعبرات_
واعترافكمو بالتقصير فضيلة___بدلا من التراشق باللمزات والكلمات_
أما الوفاء والكرم والشهامة ديدننا___ وتشهد لنا الحولات والايداعات_
وفى كل عام نحقق أرباحا مضاعفة___ ولا نجنى سوى الوعود الكاذبات_
وانى لو أعلم أن شعرى يحرك ساكنا __ لنظمته منذ سنين عجاف سابقات_
ونحن لا نطلب ثناءا من أحد ______ونحتسب الأجر من فاطر السموات_

**************----------******************

من طرف **حازم** الجمعة 15 أكتوبر 2010, 1:48 pm

رائع ياالشاعر النفر
وينك ياقامة بلادي الرائعه
الصيف جاء
والناس بدأت تقسم في الجروف
لكن مجادعتك الاخيره بتاعت البيتزا هت واحد من اصاحبنا ضحك نامن خش في غيبوبه وقال ( الله يهكرك ياودبروي داير تودنا الاخره قبل وكتنا)

من طرف **النفر** السبت 16 أكتوبر 2010, 6:32 pm

شكرا أخى حازم الحازم على المرور والمداخلة _فعلا افتقدنا قامتنا ورائعنا وصاحب الجرف المتألق / ودالبروى ونأمل أن نرى اطلالته البهية قريبا والظاهر مازال مشغولا مع لوحاته _

من طرف **النفر** الخميس 11 نوفمبر 2010, 6:16 am

أحبائى الكرام _عدنا مرة أخرى لجرفنا لنتسامر ونتونس فى الخربانة دى - فى فترة من الفترات إشتغل معانا زميل من جيهة أهل العوض وكان فى أيامه الأولى يندرع فى جلابيته ويتكلم بسجته التى ألفها _يا زول ها _أمعط الفاتورة ...ألخ _ بعد مرور أسبوعين لاحظت تغيير مفاجىء فى هندامه وطريقة كلامه مما دفعنى لأن أنظم فيه الابيات التاليه :-

الخطاب مرسول ومعمم
للعرب والفور والعجم
العربى أصبح مفلهم
وبالجنزدائماً محزّم
الجوال نغماتو تلخم
والكلام آآى ونعم
الفطور همبورغر لحم
والسماع بقى نانسى عجرم
والمسوح كريم ومرهم
لامن جاتوحساسية وورم
ونسى مسوح الزيت والشحم
والسفربلوارى الخيش والفحم
وقنطيرو للدرين وزرايب الغنم
يا حسرة إتخرب طبعك يا البجم
وده كلو من شله الشكيس والوهم

******------********

من طرف **النفر** الأحد 21 نوفمبر 2010, 8:20 am

عيال منصور كل عام وأنتم بخير والقابله ربنا يحقق الأمانى _ عدنا لونسة الجرف والناس شايفها إنقطعت من الجيى هنى الظاهر ضربوا العقاب بعد ما بقت الديار خراب_ كنا قبل فترة فى إجتماع بحضرة مسئول كبير وكان الإجتماع يضم جنسيات مختلفة وأثناء النقاش وأثناء مشاركتى لاحظت أحد الحاضرين يرمقنى بنظرات غريبة ويوسوس مع جاره !! هذه الحركة أغضبتنى وأثارت دواخلى ولخصوصية الجلسة تجاهلت ذلك !! وبعد رفع الجلسة وأنا فى طريقى وجدت نفسى أنظم بعضاً من الأبيات أسميتها اللبيب اللبق :-
إن اللبيب لبى الإشارة يفهم ُ
وإنى لبيب باللباقة مخضرم ُ
وإستاذ فى لغة العيون ومترجم ُ
حتى لو توارت بالخمار الملثم ُ
وأفك شفرات الشفايف دونما تتكلم ُ
ولى فيها مراجع ودواوين ومعاجم ُ
وأكاد أعى ما تجيش به ياجبان وتهمهم ُ
أنا لست كهنوتاً ولا مدعياً ولا منجم ُ
لكننى بالحداقة والنباهه والفراسة ملهم ُ
ولولا مراعاتى للظرف المحيط وأتفهم ُ
وإنى مكبل وعلى الصمت مرغم ُ
لما تركت غيظى بدواخلى يتفاقم ُ
ولبصمت بالعشرة وعليها أجزم ُ
لتركتك بوضح النهار تعد الأنجمً
ولألقننك درساً تعى منه وتتعلمً
حتى تكون عبرة لكل مغتاب ومتنمنم ُ

************************

من طرف **ابو مصطفى** الأحد 21 نوفمبر 2010, 3:44 pm

تسلم يا لبيب وكل سنة وانت طيب

تحياتى
ابو مصطفى

من طرف **م بروي** الأحد 21 نوفمبر 2010, 6:23 pm

لبيبنا وحبيبنا النفر
كل سنة وأنت بألف خير
ماشاء الله عليك سلوكة عمرت
الجرف خلتو يهبب
بس أنا متحير في الزول البقطع في النفر
ده ياربي ده دا يلقالو عيب وين.
لكن نجمتو نجام قبوره
السلام عليك ياصاحبي الطيب وكل سنة وإنت طيب
عارف ياأستاذنا النفر زمان كلفنا بعمل حملة قوية لأنفلونزا الخنازير ورصدوا مبلغ من المال للحملة والبفضل لحملة أخرى.. ولكن أخوك سحب القروش كلها لحملة أنفلونزا الخنازير...
ولما جات الحملة التانية مدير الميزانية قالهم مافي قروش.
قالوا ليهو والقروش الفاتت راحت وين؟
قالهم كملتها( انفلونزا المناصير) وقر قر قر.
يقصد أنا الخلصتها عليهم.

من طرف **النفر** الإثنين 22 نوفمبر 2010, 5:38 pm

تسلم أخى أبو مصطفى من كل شر وكل سنة وأنت طيب وتشكرعلى المداخلة والمرور___

من طرف **النفر** الإثنين 22 نوفمبر 2010, 5:48 pm

شاعرنا المتألق / محمد بروى مشكور على هذه المداخلة الجميلة والشعور النبيل وكل سنة وأنت بخير يا قامة بلادى _

من طرف **ابو مصطفى** الإثنين 22 نوفمبر 2010, 7:23 pm

النفر ومحمدودبروى وصديق ابحنة وكثيرون مثلهم يضربون فى ارض الله يطلبون فضلا منه وسعة فى الرزق ؟؟؟ لكن الشى المهم ما قلتو ليك ؟؟؟ الغربة دى لابتين عاوزين تقعدوا فيها ؟؟؟ والله اسع اقولك حاجة الناس ديل صبارين جنس صبر ؟؟ والمعايش جبارة ؟؟ وزمان الناس الكبار يقولوا المعايش جبارة نحن ما فهمناها الا الان ؟؟؟ المهم فى الموضوع ان الغربة وسيلة وليست غاية ؟؟ شايف صاحبك معتصم الرباطابى يا محمد ودبروى عامل بيت كبير جدا فى الدروشاب شمال والعقبة ليك يا خالى محمد ودبروى ؟؟؟ لكن فى مغتربين الواحد اغترابوا حدو صينة الاكل ؟؟ لا عشية همه فى بطنو ؟؟؟ اخ زى ديل غايتو يجو اخر حاجة يلوصو ساكت وولادهم يجو لايصين زيهم اخ ؟؟؟؟ المهم الواحد لازم يحسبها كويس بالدقيقة والثانية وما يخلى الحكاية نامت تورين ويطلقوا فيها الغنم وبعد داك يقول عصاتى وينا؟؟؟؟ غايتو خالى النفر دا بى نضارتو الكبيرة دى يبقى لى وحسب تخمينى من الناس النجاد فى الحياة واصلهم ناس كير حاج ادريس كلهم نجاد والعجيب فى الذكرى يوم الجمعة قبل العيد مشيت فى زيارة الى السيد الطرشان وزوجته حوه فى الثورة عند ولدهم عبد الله السيد ؟؟ وقعدت معاهم وتونست نامت الشمس غابت وقالوا ماشين العيد فى البلد والله حتى الناس الكبار ما بيدوروا يفارقوا البلد حتى لو حصل الكبر ؟؟؟؟؟ لكن ناس خالى صديق يبقى لى كدى غايتو احساس ويمكن يكون كاذب ناس كسرى ساكت ؟؟؟؟ زى جماعة لينا فى بونى مشهورين بس شغلهم الاكل السمح واللبس نضيف والجيب خفيف ؟؟؟ حتى مرة واحد عمك كبير من الجماعة جاء فى كريمة ولقى الفول سمح خلاص وطلب طلبين فول واربعة عيش حار واكل وشرب الشاى وختالوا سفة وقال بعد دا ابوك يا اسامة غنى يموت وفقرى يموت دنيا خربانة وخلاص ؟؟ قايل الحكاية هنا نهاية الدنيا ؟؟؟ غايتو
الله يسهل على المغتربين ويحفظهم واولادهم وكمان المشكلة فى العيال ؟؟؟ اسع عليك الله ,,, عيال جماعتنا ديل يجوك الواحد يقولك ؟؟ مو هيك ؟؟؟ شو الحكى دا ؟؟ يا عمى ؟؟ مو هيك ؟؟؟ روح روح وكلام عاد داير شرح والله يسهل علينا وعليكم ويرد غربتكم
ويجيبكم طيبين وتامين وسالمين يا رب العالمين تقعدوا فى عافى وكان حيين بنتلاقى ؟؟

الطيب ابو مصطفى

من طرف **م بروي** الثلاثاء 23 نوفمبر 2010, 4:18 pm

أبومصطفى
سلامات
لا تخاف ولا تشفق على إخوانك ديل
فأمورهم مجيهة بفضل الكريم بل أكثر مما تطلب
بس باقيلن
في بلداً بلا حاكومة
يرقدوا ياكلوا المخدومه

لك مودتي

من طرف **النفر** الأربعاء 24 نوفمبر 2010, 5:57 pm

عيال منصور سلام :-مازلنا مع الخواطر _ وأنا أبحث فى مذكراتى وأوراقى المبعثرة هنا وهناك وقع نظرى على قصيدة كتبتها بجدة فى عام 1985 بمناسبة زواج أخى وصديقى حمدانى ( البرجوب ) وحيث أننى لا أستطيع حضور هذه المناسبة الكبيرة لوجودى خارج البلاد فقد أرسلت هذه القصيدة مع الأخ أحمد إبراهيم قمر الدين كمشاركة منى :-
فرحت كثير بخبر العريس الجانى
مبروك وألف مبروك للعريس حمدانى
بالزين والعديلة نظمت فيك ألحانى
وأكتب ليك أحرف من صميم وجدانى
إنت الهاش وإنت الباش لخدمة الجميع متفانى
يا فارس الحمى الشاقى الصفوف قدامى
ويا بحر الدميرة التسب فوق لى سانى
ويا السيل الملى الوديان بعد فترة جفافا ً ضانى
الخير إنتشر وعم البلاد فى ثوانى
والفقر إنقشع ما عاد يعود لنا تانى
وبيي فرحك عموم دار ود قمر طربانى
عبير الفرحة فاح من كل بيت سودانى
كنت أتمنى الحضور لولا الظروف حامانى
منى أنا ليك يا حمدانى ألف ألف تهانى
ومبروك للجميع والعقبى للفكى والجيلانى
كانديقة:-
الجيلانى المشار إليه أخونا عبدالقادرمحمدأحمد الصادق _ والفكى هو الباشمهندس الفكى محمد جيب الله _

*******************************************

من طرف **م بروي** الأربعاء 24 نوفمبر 2010, 7:43 pm

ياسلام يانفركو سليل الشعراء الكرام
قصيدة دقيقة في وزنها ومعبرة
ود الوز عوام
أذكر كان زواج حمداني ليهو شنه ورنه
مشينا مدني وأول مرة يضرب سلاح تقيل
في ذلك الحي الهادي بمدني
وهمزنامدني لامن مالت
تلاته باصات ملانات مناصير.

من طرف **ابو مصطفى** الأربعاء 24 نوفمبر 2010, 8:23 pm

شفت كيف خالى محمد ودبروى قال هزينا مدنى نامت مالت ؟؟ هنا فى استعارة مكنية حيث شبه مدنى زى التمرة او الشجرة عندما تهتز تميل واستعار الشى بالرمز على سبيل الاستعارة المكنية ؟؟ ما اصلو الشعراء ديل عندهم باع فى علم البيان ؟؟ وزمنكم يا محمد كان سمح باللحيل وياريتو زمنا ؟؟؟ زمنا كل شى فيه متاح لكن مسيخ ؟؟؟ والله مسيخ ؟؟؟ وكل شى ادوه كوز كوزين موية ؟؟ وبقى طعمو مااصلى ؟؟؟؟
حليل ايام زمان وكت الزمن زين ؟؟ بس قولى ولا تقيف من غناك ومرة مقطع مقطعين عن ناس البلد وبنات البلد ومناسابات البلد والله بلقى نفسى فى كلام الناس الكبار ؟؟ قولى يا محمد وياخالى النفرد الرحلت من الكير مرة واحدة ولا خبير ولا كتيرة ولا قليلة ؟؟؟
ما الظروف مرات بتحكى عن حزينة
الزمن ناداها مرة ومرة سابها
وزى سنين الغربة شالت من حياتنا
طعم الابتسامة ؟؟؟
ونسينا ضحكاتنا اللى كانت
وشربنا كاسات الكابة
كانت سنين الهم طريقنا
وزادانا كان ريشة كتابة
وضحكتنا كانت يا حليلها
غناها طير بلدى المهاجر
فى غصون الغربة مرة
مع حنين صوت الربابة ؟؟

تحياتى
ابو مصطفى

سيد الجرف سلام --وبركة الجيت لى جرفك راجع--
والتحية للشاعر النفر وللمبدع الذواق ابومصطفى--والاشعار الجميلة--
بعدين يامحمد--زازنا بالاشعار الجميلة المخزونة--رغم انشغالك--
وياربى (كين) تجى الجرف -قاعد تقطع قرون اللوبا الطيب --وبعد غيبتك دى يكون بقى تيراب -وبعدين بى تسمع صوت البابور--
وهاك ابيات للاستاذ حبيب بابكر---يصور تلك البيئة الجميلة :
كيف انسى الطيور افراد وسربانى ----قمريها البقوقى الحانو عاجبانى
بابورا يدقدق صوتو بدرانى ---نجماته المطلة عليها سهرانى
قمراتا تلجلج ديمى نشوانى --- ماصبح شعاع فوق زهرة نديانى
-----------تقبل مرورى-----------------

من طرف **حازم** الجمعة 26 نوفمبر 2010, 4:35 pm

رائع ياابو مصطفي كلماتك تدمي القلوب قبل الدموع
اهات برع قائلها وجسدت واقع يلفه الحنين ويتلحفه الود ويسوده الطيب من الاقوال والافعال والانسان وحتي حيوان تلك البقعه يحن اليها أماسمعت بقصه حمار ابورميله الذي جاء راجعا بعد ان اصر صاحبه الرحيل الي نمره عشره جاء قاطعا الفيافي الي حيث البيوت القديمه ووصل بعد ان قطع الرمال والاوحال ولكنه لم يجد الانسان ووجد البيوت يسكنها النمل والهمل فوقف مليئا يبكي ايام كان الزمن زين ( زي ماقلت ) بالرغم من دعوات الهوام بالرجوع والبدء في حياته كما كانت ألا انه آثر الرحيل الابدي ؟؟؟؟ يعرف كيف يرحل ؟ حتي لايسمع او يسمع دعوات التشرزم ؟؟؟ ذهب الي حيث كان( يردي)المورد وعلي ضفاف الجدول العتيق تجرع وتجرع معها اماله وامال القابعين وآهات الراحلين وهنالك نفق ؟؟؟؟؟؟ ولكن كلماتك ياابومصطفي جاءت معبره ولينه ياريت يعود الزمن الزين
ابومصطفي يكتب:
ما الظروف مرات بتحكى عن حزينة
الزمن ناداها مرة ومرة سابها
وزى سنين الغربة شالت من حياتنا
طعم الابتسامة ؟؟؟
ونسينا ضحكاتنا اللى كانت
وشربنا كاسات الكابة
كانت سنين الهم طريقنا
وزادانا كان ريشة كتابة
وضحكتنا كانت يا حليلها
غناها طير بلدى المهاجر
فى غصون الغربة مرة
مع حنين صوت الربابة ؟؟

تحياتى
ابو مصطفى و حازم

.

من طرف **ابو مصطفى** الأحد 28 نوفمبر 2010, 3:33 pm

والله يا حازم وكل الجماعة انا اكتب فى هذه الكلمات وابكى وقد تبلل الكى بورد لانى لقيت الحكاية بقت زى ما قلت ؟؟ الولف كتال ؟؟ ما الحمار ويقال انه بليد والله الحمار ليس بليد ولعلى وانا فى عمر 13-14 سنة وعندى نوريق قمح كتير وعندى مجموعة من الحمير حقة ناس الحلة اجريت عليها بحثا حتى اخذ الحمار الهدى ورضى وادخله الى حلبة النوريق واجريت بحثى ووجدت ان الحمار ذكى جدا وكمان ولوف وحنين فى نفس الوقت وقوى ولايقل الرجل انى قوى انما القوى الحمار ؟؟؟
وهذه حاجة والحاجة الثانية اين انت يا حازم ؟؟؟؟؟ والله هذه الايام بقيت تسوى لينا شغل ام صفحة ؟؟؟؟ وانت عارف شغل ام صفحة دا هنا فى المنتدى ما بينفع معان تاخذ غطسة غطسة وتجى مارق تعاين وتتاوق وكل ادارة المنتدى ما عندها عليك سلطة بس انا ما بخليك وانا ليس ادارى ؟؟؟؟ وعندى عليك حق وحاجات كتيرة ؟؟؟
عشان كده لابد تكون زى السكة حديد ؟؟ ولازم تكتب كل يوم او على الاقل كل اربعة ايام وبعدين معاك كان انت فى الخرطوم وماجيت الاجتماع العام وانا سمعت بيك قاعد ؟؟؟ صدقنى احتمال تدخل فى حسابات صعبة جدا جدا واحتمال يجيك طوفان كبير جدا جدا ؟؟؟؟

تحياتى
الطيب محمد عبد الرحيم
ابو مصطفى

من طرف **م بروي** الأحد 28 نوفمبر 2010, 5:16 pm

أها يا الطيب
أنا ما قلت ليك الغفسه بلقاها
حركت قصة الحمار وما ذكرته في داخلي الكثير
وكان لابد لها أن تأتي كما وعدتك.
قصيدة الزول السمح وصف للحازم الحبيب

الولد السمحـــــــــــــــ

الطيب أكتر زولاً ربح
بصداقة ولداً سمح
نسيم جرفنا وكت تصبح
وضل تمرنا وكت نسترح
وياهو قراصتنا أم قمح
بلسماً للجرح البشح
ما انتهازي وكايس الملح
وما هو تابع وينبح نبح
دايماً بالحق مصرح
وصادحاً بيهو ومصدح
لو هزار أياهو المرح
ولو شكال والرجال تنح
زولنا جبلاً ما بتنطح
وللرؤس بتار ماجرح
ولدنا تربال بوغة ونقح
وللغلط ضابطاً مصحح
شفنا فارساً يكتح كتح
و العدو يا مات أو يزح
ورأيو دايما تلقاهو صح
في المحلي وفيها أم سرح

ــــــــــــــكانت على عجل لعلها تكون
حافزاً لكل غيور

من طرف **ابو مصطفى** الأحد 28 نوفمبر 2010, 5:23 pm

شكرا الخال محمد ودبروى وهى المحريه فيك ومن زمان انا بدور على صديقنا حازم حتى اجد الفرصة فيه والحمد لله ؟؟؟؟ اسع شفت الكلام دا يوجعوا وجع ؟؟؟؟
تحياتى

ابو مصطفى

من طرف **م بروي** الأحد 26 ديسمبر 2010, 7:08 pm

خاطرة
______

سجمنا
________________
رجعنا للجرف بعد غيبه
قلنا نورق لي ملاح الغدا
س: ساعة
ج: جوال(موبايل بينضمكم)
م: محفظة
ن: نظارة
أ: أمشي

لأن الذاكرة أصبحت خربه والخرف لما فينا
فكان لابد أن نبتدع شيء يذكرنا بأشيائنا
خاصة عندما نذهب للعمل والواحد يقعد في المكتب
ويفتح الكمبيوتر ومستعجل يشوف المناصير بلدي خبرها شنو .؟
يلقى نفسو نسى النظارة
وما في طريقة غير يرجع البيت يجيبها
لذلك ابتكرت رفع شعار(سجمنا)
فقلت للمرا كل صباح ترفعي شعار (سجمنا)
المرا قالت سجم شنو ياراجل من الصباح؟؟
قلت ليها لازم تتممي قبل الخروج من الساعة والجوال
والمحفظة والنظارة ولاتنسي تقولي لي أمشي لأنه ممكن
الدوام ينتهي وأنا أكون ناسي وقاعد.
فعلى كل نساي أن يرفع هذا الشعار(سجمنا)
نشكر الزعماء أستاذنا النفر والصديق الطيب
لإثراء الجرف في غيابنا .
أين أشعارك الجميلة حبيبنا و شاعرناالنفر ؟

من طرف **النفر** الثلاثاء 28 ديسمبر 2010, 7:50 am

الزعيم ود البروى : -
نوًرت جرفك يا حمود وكل مرة أدى جرفك طلة ولاتنقطع وزيدنا من أشعارك وخواطرك الرائعة والظريفة _ صاحبك اليومين ديل مشغول بالجرد السنوى والحسابات الختامية وإن شاء الله ستكون لنا عودة للجرف وللونسة _

تقبل تحياتى ومرورى ،،،

من طرف **م بروي** الثلاثاء 28 ديسمبر 2010, 5:00 pm

مشكور صديقنا وأديبنا الوقور النفر

ــــــــــــــــــــــــــــــــــــــــــ
خاطرة
كانت أول قصيدة محاولة حلمنتيشية في البلد ونحنا صغار
و لأني ارتكبت حماقة واستغليت الفاصل في الحفلة و ألقيت قصيدتي الكارثة
حيث لم أخبر أحد بأن لي محاولات شعرية مما زاد من الضحك و الاستغراب
مما دفع بأخي توم أن يجبر بخاطري وقالي لو اتكربت شويي حتبقى شاعر
وإليك المحاولة الأولى
أصلي ما بخلي الجميله
حتى لو مت في سبيله
لو هي حوتي
أبقالها نيله
ولو جباده
بكون رتيله
ولو هي منجل
أكون نجيله
لو مويه ساقطي
بكون (قِليله)
لو قراصه
بكون بصيله
لو حبال هي
أنا أكون (دكيله)..................................عم المرحوم المقبول وكان كفيف يفتل الحباللهم الرحمة
لو هي لوري
أبقى الحويله
ولو مسافري
أنا ضل مقيله .......................................................الصهريج
لو محطه
بكون كحيله
ولو هي سنده
أنا حاج بليله
وأصلي ما بخلي الجميله
حتى لو مت في سبيله
ـــــــــــــــــــــــ
هذا ما تذكرته .. ومن الخواطر ما فضح

من طرف **حازم** الأربعاء 29 ديسمبر 2010, 6:05 pm

سلام القامه بروي
كلماتك طاعمي ياقول اخونا صديق ابحنه
لكن انشاء الله تكون الموجوده معاك ؟؟؟؟؟
ومادايرين نسمع منك كما سمعنا من الاستاذ ابوآمنه حامد حينما سأل عن قصائده الاول في معشوقته ولقد شاخ وشاخت تلك الروح الثائره وذلك الشباب الغض فقال محدثه كيف بك الان يااستاذ وكيف تصيغ لنا تلك القصيده الرائعه ؟؟؟؟ ليتي لم اسمعه ؟ فقد جعلني اتخوف من العمر وتقدمه والسنين وماتفعله ؟

وانشاء الله تكون حبال دكيله ودا يربطكما ولقد كنت بحرا ( وليس قليله) نهلنا من معينه نحن الذين تبعدنا الاميال عن مولدكم ولقوة كلماتك فقد شقت طريقها الينا منها مااتخذناه شعارا نعتز ونفتخر ومنها حديثا عذبا راغ الحسان فكان علي هدي المصطفي تكاثرا للاجيال وفق منهجه , كلماتك واشعارك كانت ناصعه نظيفه تحكي عظمه انسان حباه الله فأحبه اهله وزرع الحب فيهم والتآخي والموده وكل المعاني التي تدعوا الي القيم النبيله لاانكر ان الساحه افتقدتك وعشنا بعدها عصر اللاتوازن بين (تعال منسلي وماتندلي ) لونك زي احمر شفايف وكمان ابوك صاري المصارف ) هيك عم يحكو ويسولفو شعراء الديره اليوم)
لك ودي وكل اعجابي وربنا يحفظك