دار منتدى المناصير بالخرطوم

تذكير بمساهمة فاتح الموضوع :

أعلم أن أمر الدار شائك و سبق أن تم طرحه فى عدة مناسبات . و لكنى لا أستطيع أن أنساه و لا يفارقنى نائماً أو صاحياً . أما إذا رأيت داراً لآخرين فحدث و لا حرج أليس من حقى أن أحلم ، أدعوكم لأن تحلموا معى ؟ ( هذا المنتدى يحتوى

على 652عضو كل عضو يدفع 2 جنيه فى الشهر النتيجة 1956 جنيه يعنى إثنين مليون بالقديم إلا 44 جنيه و لسع الأعضاء فى تزايد ) يعنى الإجار مرق ده غير المصادر الأخرى ، بس البقنع الديك شنو ؟

من فوائد الدار :

نلتقى فيها .

نجتمع فيها .

للطلاب .

للمناسبات

تساعد على التكاتف ونبذ الخلاف .

تغيظ الأعداء

. للرياضة .

ولنا فيها مآرب أخرى .

يـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــارب تحقق حلمى ( نـــــا )

ماذالت الخطرفات مستمـــــــــــــــــــــــــــــرة . .

بسم الله الرحمن الرحيم
في البدء الاخوه الاعضاء لكم مني تحياتي وعلي الاخص الذين رحبو بموضوع الدار واستقبلوه بصدر رحب وساندوه الاخ سامي لك مني كل التحيا والتجلا انت الذي اقترح موضوع الدار منذ البدء والتمست الجديه من بوستاتك المتكرره حول الموضوع ونحن معك غلبا وغالبا ونقول لك الي الامام في ايدينا نعمل الكثير -انشاء الله وباذن احد احد سنغدو به الي ارض الواقع وهذا الموضوع سيري النور عن ما قريب باذن الله
شويه ملاحظه للبند الثاني بند الايجار :- اقول نحن لسنا بعجله من امرنا علي الايجار واقترح لو تكرمت جميع الاخوه بالتبرع سوف نشتري قطعه ارض وناسس عليها الدار حتي تكون ابديه لنا وللاجيال القادمه وتكون لبنه لهم يتشاورون فيها في مشاكلهم وقضاياهم -اخي سامي انا اقترح ان يقوم احد بحمل ورق مروس رسمي من اداره المنتدي الي وجهاء القبيله المعرفين حتي يقومو بدفع المستطاع وان تبقي شيئا سوف نتكفل باتمامه وانا اعرف قدراتهم كلهم باستطاعتهم ان يشتروا الدار كامله ويقومون بتاسيسها
ملاحظة اخيرة في حالة الشراء باي اسم يكتب العقد والدار طبعا غير مسجلة رسميا
تعريجه
الاخت الغاليه سهام نحن عند دخولك الفرحه لم تسعنا ولم نطيق صبرا حتي تشاركينا بارائك انت اضافه حقيقيه للمنتدي نسعد بوجودك دوما هنالك اعضاء علي علم بكل متطلبات البلد ولم يجف حبرهم ابدا اسعدونا باقتراحاتهم وارائهم علي مر السنين وهم علي درايه كافيه بكل صغيره وكبيره في المناصير ويسعدون في تقديم يد العون في كل الامور المنتدي للجميع وجرف
الروكة ايضا للجميع
عزرا ثم عزرا الارباب سلمان عقيد وانا اعرف سهام عن قرب لاتقصد شيئ بس صحيح الفعل يرجع لما سبق
فهي تقصد الاسماء المستعارة
اختي الفاضله سهام ( تفائلوا بالخير تجدوه) .

شكرا اخى ود جيب الله للتعقيب ولكن ارى ان يفتح بوست التبرعات بعد تصديق قطعه الدار ويكون هذا انجاز يعطى الخيرون روح المسانده

شكراً لجميع المرور الكرام وشكر خاص للأخ الباشمهندس ود جيب الله على هذه المقترحات والآراء النيرة الجميلة ، ذكرنا فى مقررات الإجتماع بأنا ما زلنا نود أن نستهدى بآراء الجميع والذى كتبناه ليس بمنزل وقابل للنقاش والأمر قصد منه تجميع الناس وليس تفريقهم ، وإن كان وجودى فى رئاسة اللجنة مصدر تفرقة وليس إجماع كما ذكرت إحدى الأخوات فإنى أعتذر عن رئاستها وسأظل مع الجميع من أجل خدمة الأهل ورفعتهم

ولكم ودى

نكرر شكرنا للجميع---

نبدأ فى الملاحظات –والاراء---

اولا يجب ان تعرف
الناس انو موضوع جمع التبرعات صعب وعايز مجهود كبير—ولكنه ممكن –وعشان تتفادى
الناس قصة الايجار والجمع الشهرى –فيمكن بعد ان تجمع الناس المبلغ المناسب وتؤجر
على الاقل لسنة – عشان نتفادى حكاية الجمع الشهرى –على العكس ياهندسة لابد من
الايجار الان وبعدها ومنها البحث عن قطعة لكى تبنى حسب مانهوى---ثانيا—كلما الناس
اعتمدت على رجال الاعمال من ابناء المنطقة وغيرهم يكون أجدى بالاضافة طبعا
للمتبرعين عامة –والبوست الذى يفتح فى المنتدى—والمقترحات الخاصة بكيفية الجمع—اما
موضوع القطعة المتبرع بها من قبل الولاية او النائب ليست هنالك مشكلة من البحث
عنها او ايجاد بديل لها والبداية تكون من السيد النائب لمعرفته بها واتصالنا
السابق به----ثالثا –يجب اختيار عدة لجان ---منها لجنة متابعة القطعة ولجنة البحث
عن الدار المؤقتة—بالاضافة للجنة المالية—رابعا باذن الله سوف يكون اللقاء الاسرى
الخامس قريبا وقبل رمضان ويمكن الناس تلتقى فيه وتتفاكر اكثر وهذا لايمنع اللجنة
الحالية من الاجتماعات ---لمناقشة المقترحات والمستجدات—جاييكم راجع

اذا قدرت تجمع حق شهر ولم تستطيع ان تجمع اكثر من ذلك فهذا احباط للمتحمسين واذا قدرت تجمع لاكثر من شهر يعنى سنه هل تضمن ان يكون نفس الحماس فى السنه البعدا موضوع تصديق دار مستقله يحتاج لكثير من المجهود من شباب المناصير والمسؤلين ومساله البناء والتعمير ايضا نحن ما خلينا حقنا للحا كومه نجى نخلى للربطاب فمن الاجدى ان نستفيد من هذه التبرعات فى تعمير ديارنا وبعدين لو عاوزين شقه كبيره تجتمعو فيه وتتشاور فى هذا الموضوع فهى موجوده اصلا فلماذا لاتجتمعو فيه مش احسن من ضياع القروش المجموعه من المتبرعين فى الايجار انا لا اقصد براى هذا اى من كان وانا عندما انسحبت من هذا الموضوع لانو كل الكلام الحاصل بمعنى ماتشتغلو بى كلاما كتير وما عاوزين حتى تسمعو كلام المرشحين وفورا طلبتو من حازم ان يفتح باب التبرعات لايجار الم يحدث ذلك يا سامى وسلمان اين راى ابراهيم المرشح اين راى طيبه اين راى هناء اين راى عادل واين راى نجلاء فانا لا احب التهميش والشغل الغير منظم واخذا الراى من اتجاه واحد لذلك سحبت تثنيتى فانا لا اعرف لك شيئا غير اشعار عذبه احب ان اسمعها

شكرا الاخوه الاعزاء..
الاخت سهام...
ليس هنالك شخص مرشح هذا مجرد اقتاح من السيدابحمد ...كلنا نعمل سويا..والموضوع ليس حكرا لاحد
كنا نتمني ان يحضر ااجميع الاجتماع لنتفاكر ونتدارس والي الان الامر مفتوح ...
فالاخوه الذين حضروا الاجتماع لم يطلب منهم احد ان يحضروا فقد فرضو انفسهم ...شايفه الحكايه جابتلها تهميش وكدي.....يكفينا الله شر التهميش....
لك ودي....

انا اقترح ان نبحث عن قطعه فاضيه في مناطق الصحافات او جبره او ما جاورها(مؤقتا) الي ان تحصل علي حقنا مع الرباطاب او العند النائب...
يعني نبدا بدايه فعليه. بعد داك نشوف حقنا وين..حتي اذا طلع لينا حق مادي نقوم نشتري القطعه ونقوم عليها الدار...
بعدين ياجما عه نحن دايرين حقنا برااانا وليس مشاركه مع احد..المناصير فقط..

هذا مجرد رايئ اواقتراح....قابل للرفض او القبول...

من طرف **هناء** الخميس 13 يونيو 2013, 6:27 pm

السامي الهميم إزيك

وسلامات لكل المتداخلين

الإختلاف في الآراء نعمة يا أخوانا لانو بيقوي ويعمق الموضوع

وإختلاف الرأي لايفسد لمصلحتنا قضية

موضوع الدار ده عايز زمن ونفس طويييييييييييييييييييييييل

ربنا يسهلو ودعواتكم

لي عودة

تشكري هناء....
وانشاء الله ربننا يحقق الامنيات والله يجيب النفس الطويل..

من طرف **نجلاء زمراوي** السبت 15 يونيو 2013, 7:27 pm

السيد الرئيس.....السامي
سلاااااااام

نجلاء زمراوي كتب:السيد الرئيس.....السامي
سلاااااااام

وعليكم السلام ـ الرسالة وصلت

من طرف **نجلاء زمراوي** الأحد 16 يونيو 2013, 3:56 am

تسلم سامي...

من طرف **عازه** الأربعاء 19 يونيو 2013, 7:07 pm

ماشاءلله فكره جميله تسلم سامي وربنا يوفق وكلنا انشاءلله معاكم فيما تصلو اليه لان امر الدار شئ مهم جدا اشكر كل المتداخلين والطرح كان جميل من الجميع الكل حادب علي مصلحة المناصير والكل قد اجتمع علي قلب رجل واحد سيرو وعين الله ترعاكم

شكرا عازه انا ماعارفه لكن متمنيه انو اشوفك كتاباتك الرزينه والجميله خلتنى اتشوق لعازه صاحبه العقل الرزين وزعلت زعل شديد عندما اعتزرتى عن الرحله لعل المانع خيرا وشكرا لتزكيرنا بموضوع الدار حتى نعطيه مساحه فى هذه الرحله وناخذ الراى السديد فهذا الجمع لن يتكرر ثانيه بسهوله وامركم شورى بينكم وانشاء ربنا يسهل ومهما اختلفت الاراء سوف نساند بعضنا البعض

بنووووت سلااااام....

والله يانجلاء ضحكتينى لقيت روحى قلت الله يسلمك

من طرف **ابو مصطفى** الخميس 20 يونيو 2013, 5:18 pm

لقد قررت ان لا ادخل فى هذا الموضوع ؟؟؟ الذى تم له فتح اكثر من اربعة وقل خمسة بوستات ؟؟؟؟
غير انه كان صعب المنال ؟؟؟؟
لكن وما اقبح القول بعد لكن حلم الرجل اجبرنى بان ادخل واعلق ؟؟؟؟ جنابو سامى والله سامى ؟؟؟؟؟ والفكرة كبيرة والمشروع كبير فى قيمه ومعانيه ومكلف جدا ؟؟؟ ومن قبل دخل جنابو سامى مع عمنا على الكليس ؟؟؟ والله انا قلت خلاص ؟؟؟ مركب الدار دى سوف تركز حجرة ؟؟؟
على الاقل ان بقت ما ركزت فى سوق النعوفاب التركز فى كدر وبرضو المسافة قريبة ؟؟؟ لكن والله المركب انطلقت وجاء عصار لاوى ؟؟؟ طارت لاركزت فى كدر ولا حتى كانديكة ودجلولى او كير عبد الرحيم كان ليها مرسى ؟؟؟؟ ولى دريبك دا لارواسى ولاحاجة ؟؟الكل راح فى خبر كانا ؟؟؟ كلام وكلام ؟؟؟ تبعثر فى الهواء الطلق على الرغم من انى تبرعت فيه لكى اسند الموضوع الى ارض الواقع لكن مافى زول حتى تلفون قال لى يا ابو مصطفى تبرعك وينو والحكاية فى النهاية واضحة ليست قروش ومشكلة الدار ليست قروش ؟؟
عزيزى سامى السامى كما يقول صديقى حازم ارد الله غربته ؟؟؟
بل نحتاج الى تكوين فكرة كما يقول على الكليس ثم نخطط ثم نضع الاهداف ثم ننفذ حطة خطة حسب الاولوية لهذا الموضوع
الى ان نصل الى المرحلة النهاية بوجود اتيام عمل متخصصة تلم حتى السماسرة فى سوق امدرمان والخرطوم وسوق السمك السوق المحلى
ومرة من المرات جائنى عمنا غثمان شمس الدين ؟؟؟؟ من الجزيرة اوس وقلت له سلامات طيبين وين يا عثمان فقال لى موجود فى دار المناصير بابى حمد ؟؟؟ والله تذكرت جنابو سامى ؟؟ وعندها بدات اساله بعض الاسئلة واستفدت منه كثيرا فى مسالة الدار وما ادراك ما الدار ؟؟؟ وكيف تدار الدار ؟؟؟؟ لكن هنا مربط الفرس ؟؟؟ كيف نلم فى عضم الدار ؟؟؟؟؟؟؟؟؟؟؟
ولى عودة تحياتى مقدار قفلة كبيرة ومعاه اثنين او ثلاثة كونشبر هواده لى جنابو سامى وكل المرور فى قفة واحدة ؟؟؟؟؟
تحياتى
ابو مصطفى

كلامك معقول نحن عندنا حق مع الربطاب وهم ما عندهم مشكله بدليل الرجل الذى قابلته واخذ منك تبرع ولم ترى اى انجاز الم يحبطك هذا يا ابو مصطفى وهذا ماقصدته وكما نحن مستحيل حانلقى موقع زى دا ففكرتى كانت نحن والربطاب نساعد بعض عشان نحن نتنازلهم عن حقنا

من طرف **علي الكليس** الجمعة 21 يونيو 2013, 8:48 pm

ياسهام خليكي من دار الرباطاب ..المناصير يمتلكون ارضا وفي كافوري ومعظمهم يعرفون هذا ولكنهم لايتكلمون عنها اطلاقا لاسباب كثيره ..هو الجاب المشاكل للكليس شنو غير كشف المستور

من طرف **نجلاء زمراوي** الجمعة 21 يونيو 2013, 9:36 pm

سهام علي محجوب كتب:كلامك معقول نحن عندنا حق مع الربطاب وهم ما عندهم مشكله بدليل الرجل الذى قابلته واخذ منك تبرع ولم ترى اى انجاز الم يحبطك هذا يا ابو مصطفى وهذا ماقصدته وكما نحن مستحيل حانلقى موقع زى دا ففكرتى كانت نحن والربطاب نساعد بعض عشان نحن نتنازلهم عن حقنا

يا سهام يا اختي مافي شي فات...
لسع الامر للنقاش..ومخرجات الاجتماع فيها كل حاجه..
الموضوع مطروح للمفاكره...والاخ سامي طلب تكوين لجنه لمتابعه امر دارنا مع الرباطاب...
نرحب بالفكره وفكره ممتازه ...كيف الوصول الي نجاح الفكره من غير تباكي علي الماضي....

لك خالص ودي

اخى الكليس ما ضاع حق وراءه مطالب وسوف تكون خطوتنا الثانيه البحث عن القطعه

من طرف **نجلاء زمراوي** السبت 22 يونيو 2013, 6:50 pm

سهام علي محجوب كتب:اخى الكليس ما ضاع حق وراءه مطالب وسوف تكون خطوتنا الثانيه البحث عن القطعه

..
هذا هو الكلام العملي...تسلمي سهام..
وبالتوفيق انشاء الله.

شكرا جميع المرور ـ لم ننسى ولم تفتر همتنا ـ فقط قلنا نستقل اللقاء الأسرى لمزيد من التشاور مع أكبر عدد من الأعضاء
لكم ودى

من طرف **اميره الحومرى** الأحد 23 يونيو 2013, 5:27 am

سيرو وعين الله ترعاكم اتمنى ان تكلل مساعيكم بالنجاح ويوفقكم الله

اتوقعت ان يكون هذا الموضوع قد انجز ليه ماجبتو خبرو ياجماعه بس وروني الحصل في الموضوع دا شنو

لو عاوزني اسكت بس اي واحد فيكم هني مايعمل زي الحاج وقولو لي هس ولو قايلني جديده بقولكم انا قديمه خالص من زمن مدير الامن السابق عندما رنا تلفونو في بيتنا وهاك يامشاده تلفونيه واعمل حسابك الصباح لم هدومك وخليك جاهز وكان الرد لي الصباح اسع مالو فطلب منه الحضور فورا وكانت التوصيه علي العيال فلم يجد مني غير الثبات وامشي بي نجيب ليك كتبك تونسك وكنت علي صقه انو وراهم رجال فخرج من هنا وانقطت الكهرباء من هنا وارعدت السماء صوتا عاليا حتي بكي الصغار وكنا في حته نائيه وعمرانها قليل لكنه رجع بالرغم من المشاده التي سمعتها وهو لايدري لماذا

من طرف **علي الكليس** الثلاثاء 02 يوليو 2013, 1:57 am

سهام علي محجوب كتب:لو عاوزني اسكت بس اي واحد فيكم هني مايعمل زي الحاج وقولو لي هس ولو قايلني جديده بقولكم انا قديمه خالص من زمن مدير الامن السابق عندما رنا تلفونو في بيتنا وهاك يامشاده تلفونيه واعمل حسابك الصباح لم هدومك وخليك جاهز وكان الرد لي الصباح اسع مالو فطلب منه الحضور فورا وكانت التوصيه علي العيال فلم يجد مني غير الثبات وامشي بي نجيب ليك كتبك تونسك وكنت علي صقه انو وراهم رجال فخرج من هنا وانقطت الكهرباء من هنا وارعدت السماء صوتا عاليا حتي بكي الصغار وكنا في حته نائيه وعمرانها قليل لكنه رجع بالرغم من المشاده التي سمعتها وهو لايدري لماذا

نعم ...شاهد مرحله ....وهي مرحله خطيره من تاريخ هذه القضيه ....ولكن للاسف ... تاريخ لم يكتب بعد ؟؟؟؟؟؟؟

سهام علي محجوب كتب:اتوقعت ان يكون هذا الموضوع قد انجز ليه ماجبتو خبرو ياجماعه بس وروني الحصل في الموضوع دا شنو

اختي سهام كنا نتمني حضورك لتعرفي مادار وتري عينيك ماتم انجازه ..........

تخريمه......
يابت نحن بنات اليوم والفات مات......
مالي اراك تسترجعي في الذكريات اامؤلمه....انشاء الله في ميزان الحسنات

من طرف **ابو مصطفى** الثلاثاء 02 يوليو 2013, 5:14 pm

عاوز اربعين راجل يدقوا صدورهم ....................... ويوقعوا هنا معاى ؟؟؟؟؟؟؟؟؟
وعاوز عشرين مره ................................. يوقعن هنا ويدقن صدورهن ؟؟؟؟؟؟؟
حلف موضوع الدار دا يتحسم ؟؟؟؟؟؟؟؟؟؟؟؟
انشاء الله فى القرية شمال غرب امدرمان ؟؟؟؟؟بى فوق .................................. ياناس خليكم جادين ؟؟؟؟ خليكم جادين شوية ؟؟؟؟
تحياتى
ابو مصطفى
الطيب محمد عبد الرحيم احمد

معاك يا عمده وربنا يسهل وجاهزين

جاهزين يا عمدة ودايرين عمدة يقيف قدامنا وإنت قدرها ونحنا مقلولى اليدين

معاك يا عمده وربنا يسهل وجاهزين

من طرف **ابو مصطفى** الثلاثاء 02 يوليو 2013, 6:26 pm

والله العظيم ................ جاهز ............ لكن الناس ديل مالم شوية كدة ؟؟؟؟؟
والكلام دا بى يبقى زى كلام ناس بسم الله ................. طبعا انتو عارفين ناس بسم الله ..؟؟؟؟
ناس فى الهواء ناس زى الموية ؟؟؟؟؟ عاد الموية بى تنقبض ؟؟؟؟ زى ناس منو ؟؟؟؟ زى ناس ابحمد ؟؟؟؟ اسع ابحمد دا منو ؟؟؟؟
يلقوه وين ويقابلوه وين ؟؟؟؟ ويتفاهموا معاه كيف ؟؟؟؟؟ لكن ابو مصطفى ؟؟؟؟ هو الطيب محمد عبد الرحيم وممكن الوصول اليه ؟؟؟
ما داير ارجع الى مواضيع قديمة خليكم معاى فى الموضوع ؟؟؟؟ جادين شوية ؟؟؟ ابو مصطفى عندو خطط نارية وجهنمية لهذا المشروع ؟؟
واذا نجحت وربنا ينجحها ؟؟؟؟ سوف نكتب عليها دار المناصير ؟؟؟؟؟ ماتجو تقولوا الادارة فاشلة والادارة وما ادراك ما الادارة ويقع الكجار
انا عارفكم ماعندكم شغلة غير الكجار والنضم فوق الناس ؟؟؟؟ والله انتو اصعب ناس فى الدنيا عندكم الكجار والحسادى ؟؟؟؟
من اسع الحسادى ماها معانا والكجار مهو معانا ؟؟؟؟
تحياتى
ابو مصطفى

ياابو مصطفي انا الناس دي حيرتني ياجماعه خلونه نبقي زي خلق الله*انازمان لما اقول منصوريه يقولو ماسمعنه بالقبيله دي قبل كده ايه الركود العجيب دا *خلونه ياجماعه تكو ن عندنه كلمه في العاصمه نمثل بيها قبيلتنا النار تبدأ بشراره والاستهوان بالشراره ممكن يعمل حريق *مناصير انتو جد امركم عجيب*ياريت ياابو مصطفي تعملو لينا لجنه تكون مرشحه من جميع الخيارات لمتابعه هذا الموضوع وان يعطي مساحه من الوقت في اجتماع غدا انشاء الله وكلامي دا والله كلام زول زعلان *ياجماعه خلونه نبقه زي خلق الله تبقي عندنه دار نعرف منها منو التعبان وكمان منو للمدرستو حردان ومنو النابغه وفي لندن عاوز يكمل المشوار

من طرف **ابو مصطفى** السبت 06 يوليو 2013, 5:15 pm

سهام علي محجوب كتب:ياابو مصطفي انا الناس دي حيرتني ياجماعه خلونه نبقي زي خلق الله*انازمان لما اقول منصوريه يقولو ماسمعنه بالقبيله دي قبل كده ايه الركود العجيب دا *خلونه ياجماعه تكو ن عندنه كلمه في العاصمه نمثل بيها قبيلتنا النار تبدأ بشراره والاستهوان بالشراره ممكن يعمل حريق *مناصير انتو جد امركم عجيب*ياريت ياابو مصطفي تعملو لينا لجنه تكون مرشحه من جميع الخيارات لمتابعه هذا الموضوع وان يعطي مساحه من الوقت في اجتماع غدا انشاء الله وكلامي دا والله كلام زول زعلان *ياجماعه خلونه نبقه زي خلق الله تبقي عندنه دار نعرف منها منو التعبان وكمان منو للمدرستو حردان ومنو النابغه وفي لندن عاوز يكمل المشوار

والله انت رؤيتك خلاص تظبط معاى ؟؟؟ يبقى كده الفكرة واحدة ......... نجر نفس شوية .... ونخطط ------------لان الرؤية والرسالة وضحت خلاص ... بعد التخطيط ووضع الخطة نشوف....
مرحلة الموازنات .............. بعد هذه المرحلة وهى المرحلة الثالثة نشوف المرحلة الرابعة الميزانيات الاربعة ................ ثم المرحلة الخامسة وهى مرحلة التشغيل process ثم المرحلة
السادسة نقارن الفعلى بالشى المقدر ............ وندخل المرحلة السادسة ونشوف مقدار الانحراف وهل هو post vie or nagative ثم ندخل المرحلة السابعة ونشوف كيف نعالج القصور ان وجد
او نطور الخطة ان نجحت ؟؟؟؟؟؟؟؟؟؟؟ الو الو الو......................الو.............. الو.. الخط قطع ؟؟ كانت مكالمة من سهام بتنا .... بنك المناصير للمعلومات فرع الكلاكلة ؟؟

تحياتى
ابو مصطفى

انت ماملاحظ حاجه ياابو مصطفي *الخط بقي يقطع كتير*والموضوع ماانو عام لكن يحظر مناقشته في المنتدي*كمان نحن بدون مانجتمع بس بالتلفون والرسائل الخاصه والمنتدي كان ممكن نقسم المهام وننجزه*تاني ماحارجع للموضوع دا حتي اتاكد انو الخط ماحايقطع تاني *وسهام والله الفيها مكفيها الا فيها عيب واحد وهو بتعتبر كل اطفال المناصير اولاده وترسم علي ذلك خطط مستقبليه

انت ماملاحظ حاجه ياابو مصطفي *الخط بقي يقطع كتير*والموضوع ماانو عام لكن يحظر مناقشته في المنتدي*كمان نحن بدون مانجتمع بس بالتلفون والرسائل الخاصه والمنتدي كان ممكن نقسم المهام وننجزه*تاني ماحارجع للموضوع دا حتي اتاكد انو الخط ماحايقطع تاني *وسهام والله الفيها مكفيها الا فيها عيب واحد وهو بتعتبر كل اطفال المناصير اولاده وترسم علي ذلك خطط مستقبليه

من طرف **ابو مصطفى** الأحد 07 يوليو 2013, 3:11 pm

والله يا سهام دا ما عيب ؟؟؟؟ ابدا دا شعور طيب بالمسئولية ؟؟؟ وشعور جميل جدا ؟؟؟؟؟ وابو مصطفى احد اطفالك غير انه رضع من ثدى امراة اخرى ؟؟؟؟ عندها نفس الشعور والاحساس ؟؟؟؟؟؟ الاحساس الفردى بالمسئولية الكبيرة التى تصب فى وعاء مجتمع المناصير ؟؟

تحياتى
ابو مصطفى

الاخوه الكرام سلام الله عليكم جميعا مع الاعتذار مسبقا
فترنا من عبارات جاهزين سيروا مستعدين دا كلام لا يودي ولا يجيب ؟
هاكم العندي..\
الاستاذ الرشيد الافندي
الحاج شرف الدين
الاخ سامي احمد
المدير خالد عابدين
الاستاذ سلمان عقيد
يجتمعوا معاي انا الدار في خلال 5شهور تستلموها!!

وسلامتكم

الباش مهندس ود جيب الله كتب:
الاخوه الكرام سلام الله عليكم جميعا مع الاعتذار مسبقا
فترنا من عبارات جاهزين سيروا مستعدين دا كلام لا يودي ولا يجيب ؟
هاكم العندي..\
الاستاذ الرشيد الافندي
الحاج شرف الدين
الاخ سامي احمد
المدير خالد عابدين
الاستاذ سلمان عقيد
يجتمعوا معاي انا الدار في خلال 5شهور تستلموها!!

وسلامتكم

جاهزين ونتمنى التوفيق ـ فى إنتظار رأى البقية
تسلم يا هندسة

علي بركه الله وبالتوفيق انشاء الله....

من طرف **الرشيد طه** الثلاثاء 09 يوليو 2013, 5:33 pm

الباش مهندس ود جيب الله كتب:
الاخوه الكرام سلام الله عليكم جميعا مع الاعتذار مسبقا
فترنا من عبارات جاهزين سيروا مستعدين دا كلام لا يودي ولا يجيب ؟
هاكم العندي..\
الاستاذ الرشيد الافندي
الحاج شرف الدين
الاخ سامي احمد
المدير خالد عابدين
الاستاذ سلمان عقيد
يجتمعوا معاي انا الدار في خلال 5شهور تستلموها!!

وسلامتكم

بهذه الكوكبة جاهزين

انت جادي يا ود جيب الله .... طبعا فرحانه لمن ما مصدقة
والله نتمنى نسمع ان موضوع الدار دا ...... اتحسم

من طرف **ساري الليل** السبت 13 يوليو 2013, 1:47 pm

ساري الليل كتب:
ابو مصطفى كتب:السادة المرور تحية خالصة ؟؟ وسلام تعظيم سلام جنابو الحيانى بى كابو سامى السامى ؟؟؟؟؟؟؟
سلام مطبوق ؟؟؟
واقيف اسمعونى شوية ؟؟؟
موضوع الدار مهم جدا جدا واثبت وجوده فى ابو حمد ؟؟؟؟
هذه حاجة
والحاجة الثانية ابو مصطفى ليس محبط او متشائم ؟؟؟؟ كما تقولون ؟؟؟؟ فقط ابو مصطفى يمل التكرار والمواضيع المكررة دون بيان بالعمل ؟؟؟؟ اليس هناك حرية فى التعبير عن ما بالدواخل ضمن الحريات الاربعة ؟؟؟؟؟؟؟؟؟؟؟؟؟
هذا الموضع فتح اكثر من مرة فى هذا المنتدى الم تقراؤن ذلك ؟؟؟؟؟؟ لكن بقول لى ولدنا سامى المنصورى الجدع انت جاى مسخن شوية ؟؟؟؟؟
براحة على ابو مصطفى ؟؟؟ ابو مصطفى زول بسيط خالص بساطة لاتخطر على بالك وهدفه اهله لا شى سواهم ؟؟؟؟؟؟ وبحكم تجربتى الشخصية فى هذا المنتدى ولم الناس والرحلات وتكريم بعض افراد القبيلة عانيت ومع الزملاء خالد المدير والحاج وسلمان ويسن وكل الناس الاداريين فى هذا المنتدى عرفوا الحاصل ؟؟؟؟؟ وعجزوا عن تنفيذ ابسط المشروعات فانا ليس محبط ولا متشائم بل مع الناس وبهم فى سبيل انجاز مثل هذه المشروعات الكبيرة ؟؟؟؟؟؟

وتقبلوا مرورى واعتذارى وما تفهمونى غلط يا جماعة ؟؟؟؟
تحياتى
ابو مصطفى

أتفق معك ابومصطفي

وأقول لست متشائما ولكن ؟؟؟؟؟!!!!!!

أري ان يدمج هذا البوست في كل البوستات القديمة في ذات الموضوع

وبعد ذلك نبدأ التقييم ثم ,,,,نفكر من اين نبتدي

اقتراح

موضوع جلود الاضاحي خبرو شنو ؟؟؟