زكاة الفطر ـ الأقربون أولى بالمعروف

ونحن نتنسم فضل العشر الأواخر من شهرمضان المعظم ـ نسأل الله العلي القدير أن يمن علينا بالخير كله وبالأمان كله ـ وأن يحفظ المناصير أرضا وشعبا من كيد الكائدين وظلم الظالمين من أفاكي النظام وأطفال أنابيبه ـ

وحتى يعيش كل الأهل بالبلد نسائم رمضان ـ وفرحة العيد ـ

ماذا لو تم جمع زكاة الفطر من كل العضوية وتوزيعها للمحتاجين هناك في البلد ـ ؟

الأمر لا يتاج إلى أكثر من متطوعين لهذا العمل الخيري ـ

عبر ارسال الرصيد أو البنك أو اليد لمن يقدر أن يصل ..

وانا أعرف تماما مدى عزة نفس الناس هناك ولكن هناك فعلا من يحتاج للمساندة

والأمر متروك للمناقشة خلال هذين اليومين والوصول فيه لرأي صائب

ومن المناصير أرض الخير والروعة والأمان والجمال ـ سلام

واولى الارحام اولى بعضهم ببعض

ايد على ايد تجدع بعيد ويلا يا جماعة

{ لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْباً فِي الأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلونَ النَّاسَ إِلْحَافاً وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ }

شكرا يا ود المناصير

زكاة الفطر ومعها الفدية وصدقات كذلك

تسلم يا عباس ونأمل أن نستفيد من المنتدى في ما يصلح ويفيد
جزيت خيرا يا استاذ
**
صديقي منوفلي ـ سلامات
شايفك اليومين ديل ساكن المنتدى ـ الله يعينك
برضو الجماعة شايفهم ضاربين طناش
حكم

شكلنا كدا يا منوفلي حا نعتزل اللعب الدولي قريبا
حتى مقترح زكاة الفطر يسقط؟

تُف يا زمن تُف

فلس ـ وإفلاس ؟

واللا رمضان مدوه شهر تاني ؟

واللا الناس ما قاعد تخرج زكاة الفطر ؟

واللا هناك راي فقهي يمنع ؟

واللا ود المناصير دا كره الناس كل مرة ناطي بإقتراح ؟

ود المناصير كتب:شكلنا كدا يا منوفلي حا نعتزل اللعب الدولي قريبا
حتى مقترح زكاة الفطر يسقط؟

ياود المناصير اقتراحك سمح وفى محله

وبالنسبة لزكاة الفطر يبقالى فيها شكك كونه تخرج من هسع لكن ممكن نوصى اهلنا الفى البلد يخرجوا لينا زكاتنا هناك

وللمستقبل ممكن لانو يبقالى الوقت ضايق وحتى الناس البترتاد المنتدى اليومين ديل بالحساب والدنيا بقت قبايل عيد

من المفترض الاقتراح دا يكون من قبل افطار المنتدى الجماعى

ود المناصير لك العتبى حتى ترضى

منوفلى كتب:
ياود المناصير اقتراحك سمح وفى محله

وبالنسبة لزكاة الفطر يبقالى فيها شكك كونه تخرج من هسع لكن ممكن نوصى اهلنا الفى البلد يخرجوا لينا زكاتنا هناك

وللمستقبل ممكن لانو يبقالى الوقت ضايق وحتى الناس البترتاد المنتدى اليومين ديل بالحساب والدنيا بقت قبايل عيد

من المفترض الاقتراح دا يكون من قبل افطار المنتدى الجماعى

ود المناصير لك العتبى حتى ترضى

يا سلااام يا منوفلي يا واعي ـ رجعت لينا الثقة ورجعت لينا عقلنا ـ لأن كلامك دا يبقى براهو إقتراح ـ

بمعنى نعدل المقترح للآتي /

كل زول يخرج زكاتو ويرسلها للبد ويوصي الجماعة هناك يعطوها لأصحابها

وبكدا يبقى برضو حققنا الهدف وإن كان بشكل فردي

تسلم يا منوفلي

عيدك سعيد

الإخوة ود المناصير ومنوفلي
كل سنة وانتم طيبين
ذكاة الفطر لا يجوز شرعاً نقلها من ولاية لأخرى
وذلك لأن كل ولاية بقدر عدد أغنياءها يوجد بعددهم فقراء
لذلك لا يتم إرسال ذكاة الفطر لفقراء بولاية غير التي تسكن بها
ذكاة الفطر بالتحديد لا يجوز وهذا ليس من اجتهادي بل من مفتي
انشاء الله تكونوا فهمتوا
لكلم خالص التحايا

zoooba كتب:الإخوة ود المناصير ومنوفلي
كل سنة وانتم طيبين
ذكاة الفطر لا يجوز شرعاً نقلها من ولاية لأخرى
وذلك لأن كل ولاية بقدر عدد أغنياءها يوجد بعددهم فقراء
لذلك لا يتم إرسال ذكاة الفطر لفقراء بولاية غير التي تسكن بها
ذكاة الفطر بالتحديد لا يجوز وهذا ليس من اجتهادي بل من مفتي
انشاء الله تكونوا فهمتوا
لكلم خالص التحايا

لسع

يا ود المناصير معليش
جملة انشاء الله فهمتوا ما قصدي منها حاجة زي ما انت عملتها باللون الأحمر
عفواً منكم
يعني انت محل معيدين
توزعوا فطرتكم
والعفو منكم مرة ثانية

zoooba كتب:يا ود المناصير معليش
جملة انشاء الله فهمتوا ما قصدي منها حاجة زي ما انت عملتها باللون الأحمر
عفواً منكم
يعني انت محل معيدين
توزعوا فطرتكم
والعفو منكم مرة ثانية

لا عليك زوبا ـ فقط وددت لو صاحب الموضوع تفصيل أكثر

وجزاك الله خيرا

؟؟؟؟

الباش مهندس ود جيب الله كتب:؟؟؟؟

 اول ماشفت عمود لود المناصير في الاعلي
علي طول فتحت البوست وداير اقول
حمدالله الف الف علي السلامه
ولكن
خاب خشمي
ياربي ياباش مهندس تجيب لينا ودالمناصير سريع