كانت فنـّة من الدهر زيارة عملنا في السودان

الاخ صديق حمد لله على سلامة الوصول لابوظبى وسلامات ابنك ابى ونشكرك على الكلمات فى حق الوالدة التومى كما نشكرك لزيارتنا لنا فى المنزل وناس للرد المتاخر لاننى كنت فى البلد لعزاء ابنت خالنا ابراهيم وهى زوجة عيسى حامد لها الرحمه

خلاص يا ود الأخت عشان خاترك نمسحو.. نزولاً عند رغبتك... بس إنت كمان أمسحو من ردك.. ما كان تكرروا ..

كان هنا.. كلام عن حسنات إتعملت في إجازتي.ز بدون ذكر أسماء
سحبناها عشان خاتر ود الأخت محمد حسن.. قال عشان خايف أجري ينقص.. وقال تذهب بأجر العمل... وإن كان قصدنا منها التنوير.. وفرحتنا بخيار أهلنا في بؤرة القبيلة..وعشان تشجع الناس يعملوا ولو بالبسيط..العمل في الصمت دائماً يشبه التقاعس من عدة وجوه.. لأننا كنا وين وهسي دي وين بفضل الله.
ولكن خاتر ود الأخت محمد حسن عندنا أهم من التنوير عشان كدة مسحناها، نزولاً عند رغبتو

.................................................

]..........................
ما قدرت أمسح يا محمد حسن خاصية التعديل شايفا مافي إدارة المنتدى ساحباها

خالد عابدين والحاج شرف الدين في حديث جاذب مع ود الطرشان، اثناء زيارتهم لنا.. والريس خالد كمرتو طلعت( أُسكا)
<script src='http://img13.imageshack.us/shareable/?i=siddiq2002.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

<script src='http://img826.imageshack.us/shareable/?i=siddiq2006.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

يا باش مهندس إذا كان الريس كمرته أشكه أرسله كمره ( يشكا) والراجل يستاهل أكثر من كمرة وياصديق براك شفته ورأيت طيبة هؤلاء النفر في إدارة المنتدى وهمتهم ونشاطهم ولا أنسى لهم وقوفهم معي في الإجازة وزيارتهم لي أكثر من مرة لهم التحية.

ها هاها( أشكا)
سوف أرسل له كاميرا يوشيكا..
....................
نعم هؤلاء النفر كما ذكرتهم يا مصباح، ربنا يجعلهم ذخرا للمناصير..
جوني وبرضو معاهم القامة علي الكليس.ز وعلي الكليس البي يعجبك فيهو، إنو صدرو ما بيضيق بالراي والراي الآخر.. هم رأوا فيه ناس المنتدى هذه الصفة القيمة.. وصار علي الكليس بي وجهة نظرو وبي كتاباتو صفحة متممة للمنتدى..
لذلك تجده مع إدارة المنتدى في إجتماعياتهم،
وهم كمان شافوا فيه هذه الصفة النادرة في تقبل النقد وطرح أوجه الخلاف للنقاش بصورة عصرية.. فصارت هذه الصورة قمة الديمقراطية في منتدانا..
علي الكليس بينتقد بصورة عصرية..

أُسكا ...؟ يا سلااام ... كدنا ننسى هذه المفردات .. دي في القاموس في يا هندسة ؟

<script src='http://img3.imageshack.us/shareable/?i=noteeasabaroui.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
فناننا الجريح.. تزين منزله صوره.. وتبقى في ذاكرته المعاني الجميلة وبفضل الأصدقاء والناس الذين يتفهمون، يبقى عيسى هو عيسى، ممدود ومشحون بحب القبيلة والوطن.. ويبقى فياض المشاعر التى لاتنضب..

تسلم محمود تاج السر. وشكرا على إستقبالنا الطيب من اسرتكم ومن اسرة بدر الدين والإبن محمد محمود وعادل نسيبنا.. وكل آل تاج السر البشير في فتيح العقلين وأم عشر.. الوصايا يا زول على عينا وراسنا..ياخي ما شاء الله ود أختك بدر الدين ده ربنا يزيدو من خير الدين وخير الدنيا.. ما شاء الله باني بيت سمح خلاص.. ربنا يزيدو
...................
يسلم الاخ ابوحمد الرجل الذواقة..
نعم أعلم المساهمات فيها درس للناس عشان يعملوا..
ونحن حينما نعطي أهلنا لانعطيهم من ولا اذى ولا صدقة. إنما نعطيهم من حقهم عندنا في تعليمهم لنا في دفع الضرائب وفي المجتمع السمح المربي للناس في المناصير كلها في عهدنا.. كان المجتمع المنصوري اي فرد فيه ابوك.. واي مرأة كبيرة فيها أمك.. وأي بنت فيه أختك. يوجهوك للحسنى دائماً..
ما شفت هنالك عادة يا أبو احمد ان الناس لما يجوا من السفر زمان في المناصير يقول ليك( أدني حقي في الحلاوة) أو ( أدني حقي في السفر) أو يلومك يقول( ما أداني حقي في السفر) بالضبط هو حقو.. وليس منه أو صدقة..
حقو ليه!
عشان انت اسرتك في البلد.. والطياني يسافر يغيب سنة كاملة.. وراهو الناس يشرفوا على اسرتو في الفرح والكرح والمرض. كأن ابوهم معاهم، ما بيشعروهم بفقد ابوهم في الطين.. والسفر
عشان كدة اي واحد لما تجي من السفر يكون له حق عليك وليس صدقة او عطية
ولذلك من فضل هذا التكاتف كان لغاية أواخر الثمانينات مافي منصوري بيأكل قروش صدقة.. مافي بيت من المناصير بيأكل قروش صدقة.. وقد كان النبي صلى الله عليه وسلم يعاف الصدقة ولا يأكلها مع انها شريعة شرعت للفقراء المضطرين جداً..
وكان يقول صلى الله عليه وسلم( الصدقة أوساخ الناس، لاتجوز لمحمد ولا آل محمد) ولكن نبينا عليه السلام كان يقبل الهدية ولايردها.. وهنالك فرق بين الهدية والصدقة والحق.بل كان اي بيت بيكون عندو ضحية جاهزة للعيد الكبير يربيها منذ وقت ويدوعلها. بينما الناس في عاصمة البلاد الخرطوم يغلبهم يشتروا الضحية!!! هكذا كانت بلادنا قبل الإغراق.. والآن كل محاولاتنا نعيدها سيرتها الاولى بالصبر.. وبالتسامح، وبالنفس الطويل.أنا لسه لم اقول الكلمة الأخيرة في تعمير الخيار المحلي..
عشان كدة اهلنا لهم حق علينا وليس صدقة..
اما موضوع الحذف الذي ذكرته وهو غير مبرر عندك! واشكرك عليه لفهمك الدقيق جدا للمسألة.
هو نحن هنا في المنتدى نؤسس للديمقراطية المسهبة.. ولذلك نزلت عند رغبة ابن الأخت محمد حسن في سحب تلك الأعمال موش لخطأ، وإنما خاتر اي عضو في المنتدى عندنا مهم للغاية.. ويبقى كان كتبناها أو سحبناها مافي مشكلة..

<script src='http://img40.imageshack.us/shareable/?i=siddiq005.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript> في عرس نادر نور الهادي اعضاء المنتدى كانوا متجمعين في طاولة واحدي يتونسوا محبة في التواصل والتلاقي على شرف حضورنا.. والريس خالد فقعا ضحكة معبرة عميقة

على شرفنا كانوا متجمعين إدارة المنتدى في طاولة واحدة.. في عقد نادر
وكان معظمهم مندهشين أن قابلوا العبد الضعيف صديق اب حنة وجهاً لوجه.ز لهم الشكر
كنا كأننا اسرة واحدة
يقود النقاش
علي الكليس
وخالد عابدين.. عاجباهو دبلة الفضة في يدو يعبث بها.. ياربي أوع يكون نيتو في عرس جديد.لا لا لا.ز ما اظن.. حسب ما سمعت وقالت لى العصفورة أن حكومتو كاربة للحد البعيد.. وماب تدي فرصة لوحدة تانية معاها<script src='http://img208.imageshack.us/shareable/?i=siddiq001.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
خال ابرار
وسلمان عقيد
وجبريل
ويس مصطفى
وعبد المنعم الحسن عثمان من سور
وهاشم علي الجزولي قام قبل أخذ الصورة بدقائق
ومحمد محمود
وعدد من أشبال المناصير تراهم في الصورة

والأسئلة كلها كانت زي تحقيق الشرطة.. وأنا المتهم
بتكتب كيف!
بتلقى الزمن وين!
سرعتك على الكتابة!
الحكومة بتاعتك ماعندها اعتراض على كثرة الكتابة! قلت ليهم الحكومة بتاعتي تراها ديك! قاعدة من الحريم في العقد اسالوها..
وقد انفردت بها عضو المنتدى أختنا هناء وما خلت ليها شئ من الاسئلة! لكن يبدو ان الاستاذة الفاضلة هنا.ز كانت محيطاها بهالة من الإعجاب والتقدير ما قدرت تسألها كتير واكتفت بالجلوس جنبها مع سؤال سؤالين فقط
اما علي الكليس الذي لايعجزه شئ
فقد سألها عدة اسأله وقتما زارنا مع المجموعة في شقتنا
.......................
يسلم التواصل الجميل
والليالي الملاح

ابو حنه سلاااام

والله حمد الله على سلامه عودتك كم يوم دخلت المنتدى كزائرة وما شفت لك جديد

قلت سجمنا اكان ابو حنه ساب المنتدى ههههه



والحمد لله ود عون الله قال لي ابو حنه ظهر فى المنتدى

زوغة كثير من المنتدى يا ابو حنه ماااافي

انت بالذات وود المناصير نعول عليكم الكثيييييييييييييييييييير

عندي أستاذ زمان في المتوسطة أبوحمد
يا انتصار
استاذ مكمل
لسه بعزوا شديد
وتكلمت عنو كتييير
ناس كتار درسوا في ابوحمد المتوسطة
بيعرفوا ان الاستاذ ده كيف!
اسمو الخضر عبد الرحيم أحمد عبد الرازق
استاذ الدين والعربي
كان قال لنا حكمة في الصف مرة
قال
أي كتاب يقع في يدك أقراه
كان كعب والله كويس
كان كويس تستفيد منو
وكان كعب يعلمك الصبر
لذلك انا ما بسيب المنتدى
والمنتدى حتى الآن كتاب كويس جدا عندي انا
ما وصل طور الكتاب الكعب لسه بعيييد منو بفضل الناس الخيرين
...............
وأنا قبل كدة تكلمت
قلت ما بسيب المنتدى لاي سبب
...........
أستاذ دنقلاوي هو لكن عندو جنس حب للمناصير ومعجب بذكاء المناصير لدرجة ما تتخيليها
وما يعجبني في هذا الاستاذ
إنو رفع مستواه الأكاديمي وصار الآن عميد كلية في جامعة أم درمان الإسلامية ونائب المدير العام. كل هذا بالصبر والتأني، مافي شاردة والله واردة في الدين والفقه واللغة تفوت عليهو.. وكان ممكن يكون حاجة اكبر من كدة كتيير لكن هو صارف نفسو عن الإسلام السياسي بعيييد. زول متدين بس. ما عندو اي إتجاه ويكره ان يكون اي اتجاه وزول صادق جنس صدق ما تتخيليهو.. عشان كدة أنا لسه مستفيد من حكتمو ومابخلي المنتدى..

سعادة اللواء عثمان صحن، يتحدث مع شاعر الاعتصام
والرشيد طه الافندي الصحفي اللامع يستمع وينصت<script src='http://img545.imageshack.us/shareable/?i=siddiq0021.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

أبو رزان البركة فيكم ياخي والله ألمتنا شديد زوجة عيسى حامد.. ربنا يتقبل نزلها..
.............................................
أحسن صورة لسلمان عقيد ومعاه الريس
يتابعون بأنظارهم ونسة كانت كاربة على طاولة الرشيد الافندي وسعادة اللواء عثمان
في حفل مرطبات العريس نادر
<script src='http://img585.imageshack.us/shareable/?i=siddiq006.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

الأخ صديق زي ما قلت الريس الدبلة ملمعها ويديها هزة هزة ولم نعرف السر أما ابننا سلمان عقيد وقت نشوف فيه الشيب تأخذنا الخلعة وأصله كان قبل مدة معنا في أم لقاديب وكان ابن عمتنا سليمان المنصور يقول له الشافع الصغير وربنا يستر ويحسن الكبر يا صديق.

وغايتو زي ما يقولوا البلد خجيتها وخليت حوتها يشغى وكنت موفق أن حضرت مناسبة نادر . وأنا دائما عندما أذهب في إجازة أكون حريص على حضور أي مناسبة مهما كان صاحبها أو جنسها طالما أنها مناسبة منصوري. لك الشكر أخونا صديق

هاهاها..( خليت حوتا يشغى) تسلم دكتور مصباح
فعلا فكرة جميلة أن يحضر واحد عرس
ومصيت مراسم العرس لآخر فقرة فيهو
عادة ناس السودان ينسحبوا من غير ما يقولوا ليك مع السلامة
فجأة لقيت ليك أصحابي كلهم انسحبوا
عشان مناطقهم بعيدة ومراسم الأعراس دي كتيرة عندهم
أنا مشتهي لى عرس وطنبور
لقيت ليك نفسي من أواخر الناس القاعدين
مجرد لمة الناس تعجبني
خليك من الطنبور والونسة
عشان كدة لقيت نفسي من أواخر الناس الإنصرفوا
إلا البركة في حسن سليمان نصر الدين اصر يقعد معاي للآخر واصر يوصلني بسيارته الرياض في وقت متأخر من الليل وانا كنت في المأمورية سيارة وزارة الصناعة سلمتها ليهم. بالرغم من انهم قالوا لى خليها معاك لغاية ماتصل بيها المطار..
اها بعد ما طلعنا من العرس كمان في اسرة منصورية كانت عازمانا. مشينا بيتهم الساعة واحدة بالليل وشربنا الشاي المدنكل مع الباسطة والحلويات وبعد كدة وصلنا صاحبنا حسون. حسن سليمان نصر الدين الى شقتنا.. غايتو اليوم داك بالغنا في حقو حسن الله يعظم اجرو
والله كنت في سعادة يا دكتور مصباح نستنى هموم الغربة

الأخ الباشمهندس صديق---سلام

أخي سافرت فعطشت جوراء والعرفاء--وانتظرنا هطول الأبداع الغزير

ولما حضرت منينا النفس بخريف كارب--

لكن الحكاية بدت بي شكشاكة لامن خفنا على السعية والرعية

الحمد لله اليومين ديل شايف الحكاية بقت عيني---وعيني باردي

تخريمة

المبدع الجميل كنا متوقعين تنزل لينا عرس نادر

تسلم ود عون الله
دائما في السودان الواقع العملي بيكون أكبر من الكتابة
الحال بالتجسيد.. ما شايف نور الهادي عقيد لما مشى ولا كتب ولانزل صورة. كان مشغول بالزيارات..
وفعلا انا قلت ما بقدر اكتب كل ما شاهدته من حلاوة الترحاب والجري والسفر.ز
لكن شوية شوية بي تحريضكم قدرت اكتب شوية شوية..
البجي من السودان بيكون تريان.. يترع
إنتو لسه عطاشا في الغربة
السودان سمح بي ناسو
لكن والله قطاعات كبيرة زي اتمسخت كدة من الجري وراء تدبير المعايش. موش اتمسخت
لكن نضبت مشاعرها من الكد والجهد في تدبير أمور المعايش..
المنصرف اكثر من الدخل بكثير..
وخلاص نصب ليك الخريف بدل الشكشاكة يا ود عون الله

الرشيد ياخي ده كلام ده!
من زمااان منتظرك تجي البوست ده بي جاي.. وعسكنا وملحنا والصواني مرقت.. للناس.ز والرشيد يا دوب جاء..
لكن برضو تسلم
يا ريت الدهر أداني معاك زمن أطول.. يا زول يا هادي يا رزين.. يا سلالة الفقرا..
والله نان هي جنس سعادة لما شفناكم..!
سعادة لاتعادلها سعادة

يا الرشيد

بصراحة

الزول ما شباب دى مجاملة ولا حقيقة

انا الزول ده بعرفوا قبل اثنين واربعين سنة دى براها تمرق الزول من الشباب والباقى خليهو مدسوس

انا حقيقة طولت منو بس شفتو قريب لكن قريب الغيبة والزحمة شديدة وحاجات تانية

لكن يا الرشيد الشباب روح وليس عمر وباين ابوحنة روحو شابة وكان ما خايف من اولاد دفعتو كان بيغالطتكم ويقول ليكم انا من مواليد اواخر السبعينات وعشان كده قابلكم بالجينز والتي شيرت وسفر اولادو الكبار عشان ما يكشفو النومه

تسلم يا ابوحنة يا راقي يا ابو الشباب

أبو أحمد
هسي عليك الله يا ابو أحمد..
البرجوب ده مالو! وصحتو كيف! وحجمو كيف!
موش ولا شاب من شباب الزمن ده؟
البرجوب دفعتى وجاري في الفصل
قس عليه أنا
وقس عليه مثلا
خليفة النعيم حسين من ( المترة) جهة الشلال.. وفي ناس تانيين كتااار في دفعتنا محافظين..

..
هو الكبر بعد ده!
ماني خايفين منو يا ابو أحمد
والرشيد الافندي زول سلالة فقرا. وزول جاد جدا وهادي ما بيقول إلا الحق..
ظااااهر على وجهو الرشيد ( الحراتي) الحرتوها أهلو قبلو في القرآن وحفظه والخلاوي والعبادة..
قال صلي الله عليه وسلم( الأرواح جنود مجندة)
وقال: ( إن العرق دساس، فاختاروا أين تضعون نضفكم!)
.....................
واحد زمان يا ابو احمد قال للشيخ أحمد الجعلي الكبير في كدباس
قال ليهو بعض اولادكم الصغار بقا يمشي بربر يشرب المريسة!
قال ليهو
مافي زول بيقر الخطأ طبعا وهم محاسبين على ذلك إن بلغوا سنة الرجال!
فورة شباب وتروح ويرجعوا لأصل اهلهم وأجدادهم الذكر والتلاوة والعبادة
هسي دي إذا عندك بير محفورة . بعد زمن اتملت رملة اتهايلت فيها
لما تجي تحفرا تاني هل بي تكون زي لما تحفر بير جديدة!
العمل الديني الذي تعمله عترتك من قبلك، يكون لك أنت نصيب منه بصورة أو بأخرى..
ياخي خليك من العمل الديني
حتى العمل الدنيوي
هسي دي ابوك لو عندو شركات كثيرة وورثة لما يموت موش بيلحقك شئ منها!

تسلم يا ابو احمد..
بس ولا تلفون يا أبو احمد! لمان جيت انا السودان..
عااارفك مرات بي تكون بعيد من العاصمة
سألت عليك سؤال الضهبان.. بس الجماعة الجنبك كلموني!

عثمان نعيم وراق.. أنا الوراريق ديل بعتبرهم مناصير وناس أمري مناصير بعتبرهم كدة أو المناصير وناس امري حاجة واحدة
هو عاصرنا في القراية، بس قرا جامعة القاهرة الفرع
كان شغال محامي في كريمة
هو خريج قانون.. درس أولاد حاج الماحي حمزة وعبد الرحمن في المدارس الابتداية والثانوي
<script src='http://img443.imageshack.us/shareable/?i=naeemwaragg.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
هسي دي عزمنا في إجازتنا لأنو بيحترمني شديد لدرجة ما عادية
هو ربنا فتحا عليهو وعمل مجموعة مدارس كبيرة للغاية في الحاج يوسف
قال إسم المدارس دي بس نسيتو
وهو ماشاء الله روق روقة جد عندو في مدارسو دي كمية من المعلمين
حاضرين إذا في زول عايز تخفيض لى أولادو عندو.. بس إذا في زول مشالو من ورا ضهري وقال ليهو أنا قريب صديق أرجوك خفض لى.. لى أولادي!
طوالي راح يشيل التلفون ويتصل عليا..

الوراريق فقرة ناس أب نايب بي يحبوا القراية..
في الصورة يقرا لي مقطع وصفحات من كتاب قديم يتحدث عن المناصير وكنت أستمع له .

العلاقة بين أعضاء المنتدى صارت اسرية حتى في عرس نادر بدون مانشعر لقينا نفسنا اتجمعنا جنب بعض وحلى لنا الحديث والدردرشة..<script src='http://img827.imageshack.us/shareable/?i=siddiq004.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

جلد السوط في عرس نادر..
والله انا ما قاعد احب الحكاية دي!
لكن تقول شنو!
يقول ليك الزول الشعرة جاتو وقام انجلد!
<script src='http://img98.imageshack.us/shareable/?i=siddiq009.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

مشكور الباشمهندس صديق فقد عشنا معك فى كل ماكتبت ودونت عن هذه الرحلة القصيرة فى عمر الزمن والكبيرة بما احتوت من سمو فى الدلالات والمعانى ‘ وما زلنا نطمع فى المزيد بتدفق هذا المَعين الرقراق لترتوى منه نفوسنا ...

تسلم يا الفكي
شقيقتكم سافرت معنا للخرطوم.. وجلست جنب الحكومة بتاعتي.. وهاك يا ونسة..وهي طارياك بالخير والله.. وقالت الفكي أحن واحد في أسرتنا راجل حنيييين علينا.. وقالت الغربة أخدت مننا الفكي.. افتقدناه هو أسرتو ربنا يجمعنا بيهم..
نحن أخواتو الصغار. الفكي اب والفكي أخ والفكي صديق..
قلت ليها إن شاء الله يشاهدكم ويزوركم.. وطيبتو دي هي المرقتو من المعمعة الكانت حاصلة في ليبيا.ز ربنا يجمعكم في اسعد الأوقات

الاخ صديق السلام عليكم وعودا حميدا مرة اخرى.
بعد كل هذا السرد الشيق لهذه الاجواء والمشاعر الاخويه سواء ان كان من اعضاء المنتدى او من اهلك المناصير اينما كانوا , اعتقد انه آن الاوان ان تحيا مبادرة الباشمهندس ودجيب الله بان تكون لهذا المنتدى دار تجمع عيال منصور الغاشى والماشى وخاصة الطيور المهاجره باخوانهم.
وتقبل مرورى

نعم دار. إقتراح مناسب.. بس الكلفة المادية هسي دي تقتل اي مشروع. وكل الآمال الآن متعلقة بالخيار المحلي لتعميره ، ليبقى بؤرة القبيلة لكل المناصير ويبقى مصدر عزهم، وارضهم التى يسندون عليها ظهرهم.