كانت فنـّة من الدهر زيارة عملنا في السودان

سلامة الأسفار أخى صديق وعودا ً حميدا ً _ رغم محدودية الإجازة وما تخللها من عمل _ أراك وفقت فى زيارة الأهل والأحباب ومشاهدة الأصحاب _ عودا ًحميدا ً لمنتداك وبالجد فقدناك _

لك تحياتى وودى ،،،

شكرا يا الله

وساري الليل
قال بحكمته المعهودة
( أنت يا صديق جمعت بين جيل الوسط والجيل الجديد في بوتقة واحدة.. لانقول الجيل القديم)
الجيل القديم ناس علي الكليس!!!!

أعتذر لمن لم أتمكن أن أزورهم!
أيضاً هم أعضاء وعضوات
تلفوني كان فاتح24 ساعة ولا أقفله عن الناس، محبة في الناس
سعادتي بلقاء الناس..

الأخ المهندس صديق حمدا لله على سلامة الوصول ورحلة موفقة إن شاء الله وغايتو عملت الواجب والكثير وأنت كما عودت الناس وذكرتني بوالدك رحمه الله الذي حمل هذه الصفات من قبل وهنالك مثل منصوري انطبق عليكما ولكن ألفاظه غير كريمه ولكن رددته في نفسي . أخي بالله وبصراحة كيف نجازي ونشكر إدارة هذا المنتدى بقيادة الشاب الطموح الخلوق خالد عابدين والله مهما قلنا لن نوفيهم حقهم ربطوا المناصير بشعرة من محبة وانظر ياصديق لكل ما قدم لك ولكل ما أعجبك كان بفضل هذا المنتدى ولنقف قليلا عند خدمات هذا المنتدى. ونسأل الله أن يوفق القائمين عليه ومن جانبنا مستعدين لتقديم كل ما عندنا ليستمر ويتطور هذا المنتدى. أكرر تحياتي لك وللأسرة الكريمة وكنا عاوزين برقية سلام وأنت تعبر أجواء السعودية نتمنى أن يكون لنا حظا من زياراتك القادمة وسلامة وألف سلامة .

ما بنقدر ]نجازيهم يا دكتور مصباح..
نشكر الله كما قال منوفلي يا مصباح
....
من خلال كتاباتي
شعرت بأن الناس يعرفوني من قبل
لم أحتاج للتعريف
لذلك كانوا يتعاملون معي ببراءة فائقة. وأنا أتعامل معهم كذلك..
مناصير كتااار في العاصمة
زرت معظمهم
مناصير كتار في الكلاكلة
وأم عشر
وفتيح العقليين
ثم أحياء العاصمة الجديدة الراقية
والأحياء القديمة
...
والحكومة بتاعتي معاي في كل خطوة!
في ناس كانوا عايزين يسحروا الحكومة بتاعتي!
ما بقدر أبوح
ما قادر أصرح..
يمكن شئ يفوح
والناس ما بتريح
...
بعدين السحرة سبحان الله جات في وليدي الصغييير( ابي) سبعة سنوات
ومشيت بيهو مستشفى يستبشرون بعد منتصف الليل وساهرنا معاه
إسهال وطراش فظيع
شفى منها
وأحمد ورؤى وابي سافروا براهم قبلنا رجوعاَ
وانا والحكومة فضلنا نجوب فيافي السودان.. لامن رجعنا أم بارح

قابلت أكثر من ألف منصوري ومنصورية وزرت أكثر من 200 بيت في العاصمة ومدني وكسلا والمكابراب والفداء والبحيرة..
أعتذر للذين لم أتمكن من زيارتهم
....
في عرس نادر
أصر جنابو الرجل المتدين حسن سليمان نصر الدين، أن اقدم فاصل مع فنان الحفلة، فاعتذرت عن الغناء.. ولكن كان الإصرار كبيراً
فقدمت من الأغاني الخالدة
شري الغرة شري النضارة
وأجمل الطالبات يا الحنينة
هاج المسرح
وماج
وناس واحدين غتات إكتفوا أنهم شافوني ولم يوروني سمتهم ولا ذاتهم وظلوا من خلف الكواليس
شافوني ولم أشوفهم( غتاتة)
بدر الدين
عادل شرري
محمد محمود تاج السر البشير
أبورزان كفرنا ليهو
زرنا دارهم من جملة الزيارات..
والدة ود التومة أجهشت بالكباء لما رأتني وقابلتني بالأحضان وحكت واجترت الذكريات..
وقالت شلتك في صفحتى وأمك طيبة تزرع! وتحش!
آه
المناصير متماسكين رغم الجراح والشتات

مقابلة هاشم علي الجزولي كانت مغتضبة وقصيرة.. كنت عاوز معاه زمن أطول.. لكن ساقتها الظروف هكذا
قابلنا هاشم بأريحية فائقة..

المهندس معتصم علي.. ود القناويت..عضو المنتدى انفرد بي في مجلس.. أعجبت بشخصيته الذكية ورزانته وحكمته

شيخ حسن الزرقاوي
موش زي ما يتخيل ليك في بوست ( المباهلة) وموش زي ما يتخيل ليك من شكل صورتو الزرقاء الملتحية.. الصارمة..
على الطبيعة زول نكته ومرح.. ومنصوري أغبش.. وهاظار كمان..
لقيناه في عرس نادر
صلينا المغرب جماعة وتوضينا في طش أمام بيت العرس.بيت العقيد شرطه جبريل..وصلينا في الفسحة أمام بيت العرس ما لايقل عن خمسمائة منصوري.. ولكن فضل هو أن يصلي في المسجد المجاور..
المناصير مهما كان هم مناصير في أريحيتهم..
ما تثنيك اختلافتاهم في المنتدى أحياناً

آل نصر الدين.. أولاد نصر الدين..
آل الحسن نصر الدين
وآل علي ود نصر الدين
وآل سليمان ود نصر الدين
وآل نصر الدين أحمد نصر الدين
وضيوفهم
بقيادة الزعيم هاشم الحسن أحمد نصر الدين.. زارونا في دارنا ثم قابلناهم في عقد نادر.. وكرروا لنا الدعوة لزيارتهم في دار هاشم.ز ولكن الوقت لم يسعفنا..
حكاوي كثيرة عن التراث من هاشم سوف نستفيد منها استفادة كبيرة ان شاء الله.. في كتاباتنا في المستقبل..
كنت يا عبد الغني عايز اقابل الرجل الموسوعة في تراث المناصير
محمد سليمان نصر الدين.. ولكنى قابلته بالتلفون..

أميرة علي
من ضمن الحاجات كنت عايز أمشي مع الحاج شرف الدين ( دردوق) وازور عم علي سليمة.. تاريخ ذكريات لما كنا في الثانوي في عطبرة.. وهو كان شغال هناك في عطبرة! ان شاء الله المرة الجاية نواصل الطرق على الباب، حتى تحصل الزيارة
السيد المسيح عليه السلام قال( إقرعوا يفتح لكم)

إدارة المنتدى مشكورة وكعادتها أول من زارنا..
شعرت بأن الجيل الجديد من أبناء وبنات المناصير، يختلف عن الجيل القديم، في التواصل، وفي حدة الذكاء وفي الشفافية،يحتاج هذا الجيل لوعاء كبير، يجمعهم بدون تعقيدات، وبدون مزايدات، وبدون قوالب مسبقة.
...................
أحمد الخبير عضو المنتدى، وأحد مشرفيه، شعرت بأنه زول مسهب الفكر، هادي الطباع، عنده ملكات كبيرة..

خصصنا كمية متواضعة من الأدوية المنقذة للحياة.. وقلنا هي هدية المقل المتواضع لإنسان محلية البحيرة.. لعله يجد الأخ الدكتور خال أبرار بعض الوقت لفرزها وتصنيفها.على قلتها..
فهي بصحبة إدارة المنتدى..

كنت عايز وقت طويل مع جبريل ..عضو المنتدى
كنت عايز معه ساعات
ولكن الأيام منحتني معه دقائق
فمعذرة يا جبريل

حمد لله على سلامة العودة

افتقدنا قلمك بيننا

وصراحه بالتأكيد انك اكتسبت شعبية كبيرة لانك انسان قلبك كبير

ومنصوري تحب كل المناصير بصدق



بس كمان خسارة لم تكتب لنا نحن المغتربين ان نراك واسرتك الكريمة

والف سلامة للصغير أبي

يالصدوق سلام وأشواق----مو سلام بندر---سلام حبوبات---قلديبا سااااااااااااااكت

كنت عند الحجيرة وشفت مركبكم---ما قدرت أرجاها----ما قدرت أعض عراقي في خشمي---وارقد شرشار واطلع الحدارة-----واسبق الجنوي وآخد البشارة---ماقدرت حتى أجي وآكل حلاوة كرملة---ماقدرت أشرب الليمون والشربات----

والله يالصدوق شرد أي والله شرد

حبابك--حبابك---جيتك فرحتنا شديد---فقد إفتقدناك بشدة

قابلت الناس ولسانك
يردد كلمات ابيات الراحل عبدالله محمد خير—
هو متين نساكم يمه شان يطره

يتنفس هوا ذكراكم العطره
رقيق احساس حنين قلبو بالفطره

جئت والناس فى شوق
اليك –ولم تشبع منك لظروف السفرة—ادرى انه لم ينقطع
تلفونك كما لم تنقطع تلفوناتنا بالسؤال عنك وعن برنامجك –لم نوفق فى عمل الرحلة
لظروف كثيرة –ركزنا على لقاء الخميس على شاطئ النيل الازرق جوار كبرى المنشية –ونسبة
لظروف مرض شقيقتكم—تأجل الامر عوض ذلك اليوم حضورك عرس نادر—لتبل ونبل بعض الاشواق---
فعلا
تحدثت باختصار وليست كعادتك واكيد جاى راجع للبوست اكيد سوف يكون البوست الاكثر
قراءة فى الايام الجاية –

تسلم سلمان.. وكنت ناوي اجي جامعة النيلين وبرنامج التراث.. ولكن كما ذكرت أنت وقتها أن المكان لايسمح بتقديم محاضرة.. وهو اقرب الى ركن نقاش من مكان معد لندوة أو محاضرة عن تراث المناصير..
المهم الجايات أكثر من الرايحات..
بدلناه للشباب بحضور حفل المرطبات والحفل الساهر للعريس نادر نور الهادي..
وكانت الفرحة أن قابلنا كل الناس هنالك

أبو مصطفى ود أختى
سبق الكل في أن زارني..أول واحد بعد وصولي

حمدا لله على سلامة الوصول الاخ الباشمهندس صديق واسرتك
وحمدا لله على سلامة شقيقتك والابن ابي وربنا يمتعهم بالصحه والعافيه
وجزاك الله خيرا على الكمية المعتبره من الادويه الهامة التي قدمتها لاهلك

صديق عبدالله علي أبوحنة كتب:كنت عايز وقت طويل مع جبريل ..عضو المنتدى
كنت عايز معه ساعات
ولكن الأيام منحتني معه دقائق
فمعذرة يا جبريل

القلوب عن بعضيها يا هندسة ولو في العمر باقي لابد الحي يلاقي.
يكفينا شرفنا ان لنا هذا الكنز في هذا الزمن،التواضع ،سرعة البديه وحضور الطرفة،بحر من الثقافة.
سعدنا بمقابلتك كتير يا هندسة.
بالرغم من ان كنا نمني النفس بلقاءآخر ولكن نحن نريد والله يفعل مايريد،حمدلله علي سلامه الوصول

حمدالله الف علي السلامه , نحمد الله ان من علينا بمشاهده الباشمهندس صديق ولا اقول عمنا صديق لاحساسي بتواصله الرائع مع جيل الشباب الحالي وجيل الماضي , هي الدنيا تجمع وتفرق فما أجمل ساعات اللقاء مع صديق ابوحنه ,متعك الله بالصحة والعافيه واسرتك الفاضله .

الريس قابلناه مرتين في مناسبتين
وكذلك سلمان عقيد وكذلك ساري الليل مرتين.. وعدد كبير قابلناه مرتين..
برضو نعتذر عن الظروف التى ساقتنا ولم نستطع أن نقابل البعض

<script src='http://img585.imageshack.us/shareable/?i=0080a.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>فف
الفطور في قهوة التمتام..ونحن في طريقنا الى القرير ثم البحيرة

نصرالدين بلل من البللاب.. قرب سوق النعوفاب.. وخال عضو المنتدى سلمان عقيد.. سلم بالأحضان في العرس وقال صديق إنت ما بتكبر!!)
.................................................
خال أبرار
عرفتو طوالي. سلم عليا بالأحضان..
كان واقف مندهش شديد إنو يلاقيني..
صورة الاندهاش كانت بادية عليهو بشدة.. لامن جاء دورو في السلام..
كأن عيناه تقول معقول الزول ده دفعة أبوى!!!!)
وبرضو مندهش في أن يشكر الله أن أراه صديق عبد الله بالعين الشحمية!!!
مندهش شديد كان لاحظت ذلك..شعرت بأن دكتور محمد زول بسيط ومتواضع وحساس ورقيق ومهذب شديد..
بس برضو كنت عايز معاه زمن أطول.. فتشت عليهو ما لقيتو.أظنو انسحب بعد حفل المرطبات طوالي..
أما أنا فأصلا عطشان لمثل هذه المناسبات
فمصيت الحفلة للآخر.. تخللتها الونسة مع مجموعات كثيرة وتناولنا خلالها قضايا كثيرة
ناس أماكنهم بعيدة وناس ما ناس حفلة وناس كبار تأخروا مخصوص عشان يتكلموا ويتونسوا معانا..

خلال جولاتي هذه.. شعرت أن المناصير بخير...في العاصمة خاصة!
في مهاجرهم قالوا( الكبد جفت) وقلت الزيارات لبعض وانعدمت.. ناس من الغراق ما لاقوا بعض وهم ساكنين في قرية واحدة في الفداء أو المكابراب..
ناس المحلي قالوا( القدح البي يأكل خمسة بيأكل عشرة) واجتماعياتهم تمام وسهلتا ليهم مراكب اليامها والسزوكي..

اخونا صديق ألف حمدلله على السلامة
وعجبنا حفاوة وترحاب الأهل بشخصكم

ود عون الله...
وود بروي
تسلموا على المرور والإضافات

الفنان علي الحمود
أثنى كثيرا على قصيدة( منصورية مكملة) وأخذها ووضعها في جيبه..وقال لحنها جاهز... وقال هي حكر عليه.. وقال سوف يظهرها في الايام الجاية..ومنعني من غناءها في حفلة نادر. لأنها صارت ملك له..وسوف تكون قال قنبلة الموسم..
هناء.. عضو المنتدى عملت ليها ( برنت آووت) وأعطتني لها..شالا الفنان ود الحمود..

عباس محمد حسب الله عضو المنتدى النشط!!
زول بطعم البلد.. قابلناه في عرس نادر.. برضو هو من الناس الإتمنيت آخذ معاهم وقت..
اشكره في إنو بلغ سلامي لهاشم عباس.. الذي عاش مع بت أعمو في شندي!
قبل كدة حملتو السلام لى هاشم..

يا الله

الف مرحب وحمدلله على السلامه

يا سلام عليك وعلى الناس الفرحوا بيك والله الكلام دا بيشعل احاسيس كتيره فينا

والحمد لله الدنيا بخيرا

تمنيننا كثير بان نحتفل بقدومك مع الاهل ولكن هيهات ما بليد حيله

وفعلا ديل اهلى

واسفاى ومأستى لو ما بقيت من ناس ديلا

نتمنى نتشرفنا فى الارضى المقدسه ونقوم بالواجب معاك فانت عمدتنا وموسوعتنا وعمودنا الفقرى

الف مرحب وحمدلله على السلامه

تسلمي بت الحومري
وأخو أخوك أخوك
قابلت أختك وزوجها العطا عثمان جيب الله.. ما شاء الله عندها وليدات وبنيات أذكياء وفرايحيين..استقبلونا خير استقبال

<script src='http://img689.imageshack.us/shareable/?i=0061co.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>
أحمد وأبي في رحلة الذهاب للسودان بالخطوط القطرية

حمد لله على سلامة العودة

تسلمي بت أسد أب سباع... انتصار حجازي

الف حمد الله علي سلامه الوصول وانشاء الله الاسره الكريمه وصلت بخير

قابلت المهندس صديق والاسره الكريمه...السيده الفضلي زوجته سيده
وابنه احمد وابنته رؤي والصغير ابي
كانت ساعات ولكنني احسست كاني اعرفهم منذ سنين وكان هذا ايضا طابع اسرتي فقد اعجبوا بهم واحبوهم .

اذا حاولنا ان نفرد كل بوستات المنتدي للحديث عن شخصيه المهندس صديق والاسره لا نستطيع ان نوفيهم حقهم ..حفظهم الله ورعاهم ونسال الله ان يجمعنا معهم ونقضي معهم وقت اطول

الف حمد الله علي سلامه الوصول باشمهندس وانشاء الله الاسره الكريمه وصلت بخير تمنينا انلتقى بك باشمهندس ولكن الامور حانت دون ذلك ..
ونسال الله ان نلتقى بكم فى الاجازة باذن الله تحياتى للاسرة ..

التلفون نصف المشاهدة كان يا أستاذة بلسم.. يشرفنا حضوركم لولا ظروف العمل التى ذكرتيها حينها..
دام التواصل الأخوى بين أعضاء المنتدى الواحد

الف حمد الله علي سلامة الوصول باشمهندس صديق والاسرة
كم تمنينا ان نكون بالسودان لكي نستمتع بلقياك
وسعدنا كثيرا بحفاوة اهلنا بمقابلتك

تسلم عمر ود سلمان
....
لن أستطيع أن أحكي كل ما وجدت من الترحاب.. ولا أقدر أكتب عنه كما ذكرت..
عمر عايز أشوفك في بوست مدرسة شري الأولية... فيها كلام كتير عن والدكم

تسلم سلمان..
سعدت كثيرا بأعمال الطريق شغالين فيها في محلية البحيرة.. والناس استقرت تقريباً.. والناس هنالك عرفت معايشا.. من السمك والزراعة.. قضيت سبعة ايام بالعاصمة وسافرت كسلا ومدني والقرير.. وأنا في طريقي للبلد كنت ناوي أزورها شبرا شبرا.. واصورها شبرا شبرا.. لكن الظروف لم تمكنني من ذلك، حيث في أول وصولي لها صلاة العشاء.. وجدت بالبلد أن شقيقتي عاشة أخذوها في عربة خاصة بعماد حسن الفكي.. ود طيوبة بت الفكي أخذوها للخرطوم للعلاج.. كانت مصابة بملاريا وحمى.. لترتيب علاجها، طوالي سافرت بسرعة مقتفيا أثرها للخرطوم.. رجعت طوالي..ولكن يكفيني أني شميت ريحة طين البلد.. على العموم النية جاهزة في أن نذهب مرة أخرى شهر ستة.. ربنا يمد في الأيام..