المظاهرات فى السودان هذا الصباح !!

[/youtube]

آخر أخبار المظاهرات في السودان اليوم 20/6/2012 اتسع نطاق المظاهرات تدريجياً في السودان، كما تشير الأنباء الواردة من السودان؛ فمن جامعة الخرطوم، وسط العاصمة السودانية، انطلقت، قبل 3 أيام شرارة الاحتجاج على الغلاء والتردي الاقتصادي، رافعةً شعارات إسقاط النظام.




وقد امتدت المظاهرات خلال 72 ساعة، لتشمل جامعة أم درمان الأهلية، وبعض كليات جامعة السودان، إضافة إلى أحياء الكلاكلة وكوبر والصبابي والمنشية وميدان جاكسون، وذلك في الخرطوم والخرطوم بحري وأم درمان بحسب ناشطين، علاوة على مدينتي شندي شمال البلاد، وكسلا شرقها.



وأصدرت الشرطة السودانية من ناحيتها بياناً دعت فيه المواطنين إلى تفويت الفرصة على الداعين إلى البلبلة، معتبرة أن المظاهرات محدودة للغاية, لكن ناشطين قالوا إنهم شاهدوا مدنيين مسلحين بالسيوف وقضبان الحديد والسواطير يشاركون في قمع المحتجين، وتحدث هؤلاء أيضاً عن إصابات واعتقالات وسط المتظاهرين.

من جهتها، قالت الحكومة السودانية إنها في سبيلها إلى معالجة الأزمة الاقتصادية عبر خطط تشمل إعادة الهيكلة تبعاً للرئيس السوداني عمر البشير, غير أن المحتجين وغالبيتهم من الشباب، يقولون إنهم لن يتوقفوا، وكان تحالف المعارضة قد دعا إلى اعتصامات وعصيان مدني على خلفية الغلاء الطاحن وعزم الحكومة رفع الدعم عن الوقود، وهي خطوة تقول إنها مهمة لإنقاذ الاقتصاد السوداني.

وكان عدد من المحللين والخبراء الاقتصاديين قد حذروا الحكومة السودانية من مغبة استثارة الشارع السوداني.

تسلم نور الهادي
الوضع متأزم خاصه وسط النساء...لان الامر كما يقولون دخل في اللحم الحي.....زياده في السكر...الغاز....اللبن وحليب الاطفال..وحتي ابسط الاشياء اصبحت غير موجوده او موجوده ولكن لايستطيع المواطن ان يشتريها لا رتفاع ثمنها
الشعب اصبح في الاساسيات وحتي الاساسيات ما قادرين عليها...يعني الحكايه وصلت مرحله الجوع
الحاجه المحيراني نحن المناصير اكثر مان تضرر من هذا النظام واصلا لانريد لا سلطه ولا رئاسه ولكن احقاق حق.. ولكن لاحظت ان اهلي يلزمون الصمت وبس فلا حتهم اللجنه عملت واللجنه فعلت...يعني يعاينو في الفيل ويطعنو في ظله..المفروض اول من ينادي بالاسقاط هم..حكايه تحير؟؟البوست ده انا بعتبرو اهم بوست اليومين ديل؟الناس راحت وين؟؟يمكن في ميدان جاكسون
من الهتافات التي كان يرددها الشعب اليوم
يا خرطوم ثوري ثوري لن يحكمنا لص كافوري

وفي النهايه ربنا يولي من يصلح
ولكل ظالم نهايه
تقبل مروري اخي نور الهادي

شكرا اخي نور الهادي.
لكل ظالم نهايه.
الفساد والظلم يمارس من اعلي قمم النظام ،قلنا ماشي ومقبول وسبقوهم عليه السابقين،اما ان يمارس الكذب من نفس القمه فهذا هو الجديد عندنا،عيب والله ان تتكلم امام الملاء بحديث وغدا تتكلم بآخر!!!!!!!!.
عيب ان تدعي انك رب البيت وتمارس الكذب جهارا نهارا امام ابنائك.
عيب ، تلبس جلباك الناصع البياض كعقلك وتتوهط فوق الكرسي الوثير ،وتنادي لوسائل الإعلام لكي تسمع الجميع حديث كنا نحسبه تاريخي ولكنه طلع كذبه تاريخيه،مش عيب!!!؟ .
الخبر الجديد وجديد لنج،إكتشاف طلاب المؤتمر والطني عناصر اجنبيه داخل جامعة الخرطوم تحرض الطلبه علي الخروج لإسقاط النظام،مستقليين رمزية الجامعة التاريخية،الجماعه إكتشفو الذره!!!.
الإكتشاف ده يذكركم بي شنوه؟بس ماينط علينا واحد من الجماعه ويقول إكتشاف الذهب والبترول وإن كنت ادرك بان حلم الجعان عيش،طبعا في واحد قال يذكرنا ربيع عبد العاطي قررررقررر يا قول ود الفكي

يا بوليس في بيتك سكر ؟ ليه بتجوع وقروشم تكتر
يا بوليس في بيتك سكر? ليه بتجوع وكروشم تكبر

هذه كانت هتافات اليوم الجمعة


مراسل الجزيرة: الأمن السوداني يفرق بالقوة مظاهرات في الخرطوم منددة بإجراءات تقشفية

بري الشريف
تلحق بالركب



سنار تشتعل
:
هزمنا الليل





اطلاق البمبان بكثافة في الديم



جمعه الغضب تسجل حضورا منقطع النظير

السجانه الحله الجديده

ود نوباوى سبب البلاوى

ود مكى

سنوافيكم بتفاصيل هذه الجمعه المباركه